Book List

<h2 style="text-align: center;">  အပိုင်း(၂၄၆၁)</h2> <h2 style="text-align: center;">ထောင်ချောက်တစ်ခုလား  </h2> <h2 style="text-align: center;">*</h2> <p> </p> <p> </p> <p> </p> <p> </p> <p>      သူသည် မရည်ရွယ်ဘဲ ဒုစရိုက်မြို့တော်က သူသေကိုယ်သေတိုက်ခိုက်သူများအတွက်  ကာကွယ်သူတစ်ဦး ဖြစ်လာခဲ့ရသည့် အချက်ကြောင့် သွမ့်လင်းထျန် အံ့အားသင့်သွားခဲ့သော်လည်း ၎င်းမှာ သူ ထိန်းချုပ်၍ရသော အရာတစ်ခု မဟုတ်ကြောင်း သူ သိသည်။ သူ၏ အရှေ့တွင် အခြား သူသေကိုယ်သေတိုက်ပွဲတစ်ခု ဖြစ်ပွားနေသော်လည်း သူက ခံစားချက်မဲ့စွာဖြင့်သာ စောင့်ကြည့်နေခဲ့သည်။ သူသည် ဒုစရိုက်မြို့တော်၌ သူသေကိုယ်သေတိုက်ပွဲများစွာကို မြင်တွေ့ခဲ့ရပြီးဖြစ်ကာ ယခုအချိန်အထိ မရိုးမသား ပြုလုပ်မှုများ မရှိသေးပုံရသည်။ မရိုးမသား လုပ်တာ တစ်ခုခု ရှိလာမှသာ သူ ၀င်ပါမည်ဖြစ်သည်။   </p> <p> </p> <p>      ဝုန်း...   </p> <p> </p> <p>      သူသေကိုယ်သေတိုက်ပွဲ၏ အနိုင်အရှုံးမှာ အလွန် မြန်ဆန်စွာ အဖြေပေါ်သွားသည်။ လူတစ်ယောက်၏ သူတော်စင်ဆေဘာမှ ထွက်ပေါ်လာသော ဆေဘာအလင်းက သူ၏ ပြိုင်ဘက်ကို လျင်မြန်စွာ သတ်ဖြတ်လိုက်သည်။ သဘာဝကျကျပင် အနိုင်ရရှိသူသည်လည်း သူသေကိုယ်သေတိုက်ပွဲအတွင်း အသေးစား ဒဏ်ရာအချို့ ရရှိခဲ့သည်။ ယခင်ကဆိုလျှင် သူ အားနည်းနေချိန်တွင် အခြားသူများက အခွင့်ကောင်းယူမည်ကို စိုးရိမ်သဖြင့် ထိုနေရာမှ ချက်ချင်း ထွက်ပြေးသွားမည် ဖြစ်သည်။ အခြားသူများက သူ့ကို ချက်ချင်း လုယက်ကာ သတ်ပစ်နိုင်ပေသည်။ သို့သော်လည်း ယင်းအစား ယနေ့တွင် သူသည် သူရှိနေသော နေရာမှ မရွေ့လျားဘဲ သူ၏ ဒဏ်ရာများကို ပွင့်လင်းစွာ စတင် ကုသနေပြီး ပတ်ဝန်းကျင်တွင် မည်သူမျှ မရှိသည့်အလား ဆေးလုံးတစ်လုံးကို သောက်လိုက်သည်။   </p> <p> </p> <p>      “ဝတ်ရုံနက်လူ ပေါ်လာပြီးကတည်းက ဒုစရိုက်မြို့တော်ရဲ့ အခြေအနေက အများကြီး ပိုကောင်းလာပုံရတယ်... အရင်ကဆိုရင် တိုက်ပွဲမှာ ဒဏ်ရာရပြီးရင် ဒီလူက သူ့ရဲ့ ဒဏ်ရာကို ကုသဖို့ ဒီနေရာမှာ ဆက်နေရဲမှာ မဟုတ်ဘူး”   </p> <p>      အနိုင်ရရှိပြီးနောက် အနိုင်ရခဲ့သူ၏ လုပ်ရပ်ကို မြင်သောအခါ ပွဲကြည့်ပရိသတ်များစွာက ခေါင်းခါယမ်းလိုက်ကြသည်။ ယခင်ကဆိုလျှင် မည်သူကမျှ ဤကဲ့သို့ ပြုမူမည် မဟုတ်ပေ။   </p> <p> </p> <p>      “ငါ သူ့ကို သတ်နိုင်စွမ်း ရှိတယ်လို့ ယုံကြည်မှု ရှိတယ်.... သူ့ရဲ့ ကွက်လပ်လက်စွပ်နဲ့ သူ သတ်လိုက်တဲ့လူရဲ့ ကွက်လပ်လက်စွပ်ကို ငါ မက်မောပေမဲ့ ဝတ်ရုံနက်လူကို တွေးမိတော့ ငါ  အခြေအနေကို အခွင့်ကောင်းမယူရဲဘူး”   </p> <p>      ဂိုဏ်းမဲ့ကျင့်ကြံသူ တစ်ဦးက ရယ်မောရင်း ပြောလိုက်သည်။   </p> <p> </p> <p>      ယခင်က ကျီးကန်းနက်မဟာမိတ်အဖွဲ့မှ အဖွဲ့ဝင်များနှင့် ဆင်တူစွာပင် သူသည် ဤကဲ့သို့သော လွယ်ကူသည့် သားကောင်များကို အမဲလိုက်ရသည်ကို သဘောကျခဲ့သည်။ သို့သော်လည်း ဝတ်ရုံနက်လူ ပေါ်လာပြီးကတည်းက မကြာခင်အတွင်း သူ ထိုသို့ မပြုမူခဲ့သည့်အပေါ် သူ စိတ်အေးမိသည်။ သို့မဟုတ်ပါက သူ သေချာပေါက် အသတ်ခံရမည် ဖြစ်သည်။ ယနေ့ခေတ်တွင် တိုက်ပွဲများကြောင့် အားနည်းနေသော လူများကို မြင်တွေ့ရလျှင်တောင်မှ သူတို့ကို အခွင့်ကောင်းမယူရဲတော့ပေ။  </p> <p>    ဝတ်ရုံနက်လူ စောင့်ကြည့်နေမည်လားဆိုသည်ကို မည်သူ သိနိုင်မည်နည်း။ သူ ကံတရားကို  မစမ်းသပ်ချင်ပေ။ သူသာ ရှုံးနိမ့်သွားပါက သေဆုံးရမည်ဖြစ်သောကြောင့် သူ၏ အသက်ကို စွန့်စားမည် မဟုတ်ပေ။   </p> <p> </p> <p>      “ဝတ်ရုံနက်လူက အခြေအနေကို အခွင့်ကောင်းယူရုံ သက်သက်ပဲလို့ လူအများအပြားက ပြောကြတယ်... ငါတော့ အဲဒါ မမှန်ဘူးလို့  ထင်တယ်... မကြာသေးခင်က ဒုစရိုက်မြို့တော်မှာ သူသေကိုယ်သေတိုက်ပွဲတွေ အများကြီး ဖြစ်ခဲ့ပြီး တိုက်ပွဲတွေအပြီးမှာ လူအများအပြား ပြင်းပြင်းထန်ထန် ဒဏ်ရာရခဲ့ကြပေမဲ့ ဝတ်ရုံနက်လူက သူတို့ကို အခွင့်ကောင်းမယူခဲ့ဘူး... ဒါက သူ လူဆိုးတစ်ယောက် မဟုတ်ဘူးဆိုတာကို သက်သေပြနေတာ မဟုတ်ဘူးလား”   </p> <p>      ဂိုဏ်းမဲ့ကျင့်ကြံသူ တစ်ဦးက သွမ့်လင်းထျန်ကို ထောက်ခံသည့်အနေဖြင့် ပြောလိုက်သည်။   </p> <p> </p> <p>      “ငါလည်း သဘောတူတယ်”   </p> <p>      ဂိုဏ်းမဲ့ကျင့်ကြံသူ များစွာက သဘောတူသည့်အနေဖြင့် ခေါင်းညိတ်လိုက်ကြသည်။   </p> <p> </p> <p>      ဝုန်း...   </p> <p> </p> <p>      ပွဲကြည့်ပရိသတ်များ ထွက်ခွာသွားတော့မည့် ဆဲဆဲတွင် လေထုထဲ၌ ကျယ်လောင်သော ပေါက်ကွဲသံတစ်ခု ထွက်ပေါ်လာသည်။ ကြီးမားပြီး အစွမ်းထက်လှသော စွမ်းအင်တစ်ခု ရုတ်တရက် ပေါ်လာပြီး ဒဏ်ရာများကို ကုသနေသော လူကို ဖုံးလွှမ်းသွားကာ သူ့ကို ချက်ချင်း သတ်ဖြတ်လိုက်သည်။ ထိုလူမှာ အပိုင်းပိုင်းအစစ ပေါက်ကွဲထွက်သွားသည်။ သူ၏ ကွက်လပ်လက်စွပ်များမှလွဲ၍ ဘာမျှ မကျန်ခဲ့ပေ။   </p> <p> </p> <p>      “သူ... သူ သေသွားပြီလား”   </p> <p>      ပွဲကြည့်ပရိသတ်များ အံ့သြတုန်လှုပ်စွာဖြင့် အော်လိုက်ကြသည်။   </p> <p> </p> <p>      “စိန့်ကောင်းကင်အဆင့် စွမ်းအားရှင် တစ်ယောက်ပဲ”   </p> <p>      ဂိုဏ်းမဲ့ကျင့်ကြံသူ များစွာသည် ၎င်းမှာ စိန့်ကောင်းကင်အဆင့် စွမ်းအားရှင် တစ်ဦး၏ လက်ချက်ဖြစ်ကြောင်း သိလိုက်ကြသည်။ အခြားမည်သူကမျှ ထိုကဲ့သို့သော တိုက်ခိုက်မှုကို ပြုလုပ်နိုင်မည် မဟုတ်ပေ။   </p> <p> </p> <p>      “ဟင်”   </p> <p>      ဤကဲ့သို့ ရုတ်တရက် ပြောင်းလဲသွားမှုက ထွက်ခွာရန် ပြင်နေသော သွမ့်လင်းထျန်ကိုပါ အံ့အားသင့်သွားစေသည်။ သူ နောက်သို့ လှည့်ကာ ကောင်းကင်သို့ မော့ကြည့်လိုက်ရာ လေထုထဲတွင် ရပ်နေသော လူတစ်ယောက်ကို မြင်လိုက်ရသည်။   </p> <p> </p> <p>      “ကျီးကန်းနက်မဟာမိတ်အဖွဲ့ရဲ့ အဖွဲ့ဝင် တစ်ယောက်လား”   </p> <p>      သွမ့်လင်းထျန်က မျက်ခုံးတစ်ဖက် ပင့်ကာ ပြောလိုက်သည်။ တစ်ဖက်လူသည် ကျီးကန်းနက်မဟာမိတ်အဖွဲ့၏ ဝတ်စုံကို ဝတ်ဆင်ထားသည်ကို သူ မြင်လိုက်ရသည်။ ကျီးကန်းနက်မဟာမိတ်အဖွဲ့မှ လူများစွာကို သူ သတ်ဖြတ်ခဲ့ပြီးပြီးဖြစ်ရာ သူတို့၏ ဝတ်စုံများနှင့် သူ ရင်းနှီးနေပြီ ဖြစ်သည်။   </p> <p> </p> <p>      စိန့်ကောင်းကင်အဆင့် စွမ်းအားရှင် တစ်ယောက်လား... စိတ်ဝင်စားစရာပဲ.....   </p> <p>      ယခင်က သွမ့်လင်းထျန် သတ်ဖြတ်ခဲ့ဖူးသော ကျီးကန်းနက်မဟာမိတ်အဖွဲ့ရှိ အသန်မာဆုံး အဖွဲ့ဝင်မှာ အနှစ်သာရသူတော်စင်အထွတ်အထိပ်အဆင့် ကျင့်ကြံသူ တစ်ဦးသာ ဖြစ်သည်။ စိန့်ကောင်းကင်အဆင့် စွမ်းအားရှင် တစ်ဦးနှင့် သူ မဆုံတွေ့ဖူးသေးပေ။ ထို့ကြောင့် သူ ဝါးမျိုခဲ့သော ပင်ကိုဝိညာဉ်အမြစ်များ အားလုံးမှာ သာမန် ပင်ကိုဝိညာဉ်အမြစ်များသာ ဖြစ်သည်။   </p> <p> </p> <p>      ကျီးကန်းနက်မဟာမိတ်အဖွဲ့မှ စိန့်ကောင်းကင်အဆင့် စွမ်းအားရှင် တစ်ဦး ပေါ်လာသောကြောင့် သဘာဝကျကျပင် သွမ့်လင်းထျန် စိတ်လှုပ်ရှားသွားသည်။ ဤလူမှာ စိန့်ကောင်းကင်အဆင့်တွင် ရှိနေသောကြောင့် သူ၏ ပင်ကိုဝိညာဉ်အမြစ်မှာ အခြားလူများနှင့် ယှဉ်လျှင် အတော်လေး ကောင်းမွန်မည် ဖြစ်သည်။   </p> <p> </p> <p>      “သူက ကျီးကန်းနက်မဟာမိတ်အဖွဲ့ကပဲ... သူ ဝတ်ရုံနက်လူ သတ်မှာကို  မကြောက်ဘူးလား”   </p> <p>      ထွက်ခွာရန် ပြင်နေသော ဂိုဏ်းမဲ့ကျင့်ကြံသူ အချို့ ချက်ချင်း ရပ်တန့်သွားကြသည်။ သွမ့်လင်းထျန်ကဲ့သို့ပင် သူ၏ ဝတ်စုံအပေါ် အခြေခံ၍ ထိုလူ မည်သူမည်ဝါဖြစ်ကြောင်းကို သူတို့ သိရှိသွားကြသည်။   </p> <p> </p> <p>      “သူ တိုက်ခိုက်လိုက်တဲ့ အချိန်တုန်းက သူ့ရဲ့ စွမ်းအားကို မမြင်လိုက်ဘူးလား... သူက စိန့်ကောင်းကင်အဆင့် စွမ်းအားရှင် တစ်ယောက်လေ... သူ ဝတ်ရုံနက်လူကို ကြောက်ချင်မှ ကြောက်မှာပေါ့”   </p> <p> </p> <p>      “မှန်တယ်... ဝတ်ရုံနက်လူက အစွမ်းထက်တယ်ဆိုပေမဲ့ အခုချိန်အထိ သူ သတ်ခဲ့တဲ့ အသန်မာဆုံး လူက အနှစ်သာရသူတော်စင်အထွတ်အထိပ်အဆင့် ကျင့်ကြံသူ တစ်ယောက်ပဲလေ... ဝတ်ရုံနက်လူက ဒီစိန့်ကောင်းကင်အဆင့် စွမ်းအားရှင်ကို သတ်နိုင်လောက်တဲ့အထိ အစွမ်းမထက်တာလည်း ဖြစ်နိုင်တယ်”   </p> <p> </p> <p>      “ဒီကျီးကန်းနက်မဟာမိတ်အဖွဲ့ဝင်က သေသွားတဲ့ လူဆီကနေ ပစ္စည်းတွေ လုယူပြီးတဲ့နောက်တောင် ထွက်သွားဖို့ အလျင်လိုပုံ မရဘူး...သူ ဝတ်ရုံနက်လူကို  မကြောက်ဘူးဆိုတာ သိသာတယ်”   </p> <p> </p> <p>      “ဝတ်ရုံနက်လူ ပေါ်လာမယ်လို့ မင်းတို့ ထင်လား”   </p> <p> </p> <p>      ဂိုဏ်းမဲ့ကျင့်ကြံသူများ၏ စောင့်ကြည့်နေသော အကြည့်များအောက်တွင် ကျီးကန်းနက်မဟာမိတ်အဖွဲ့ဝင်သည် သူ သတ်လိုက်သော လူ၏ ကွက်လပ်လက်စွပ်များကို ကောက်ယူလိုက်ပြီးနောက် ကောင်းကင်မှ ဆင်းသက်လာသည်။ သူသည် တစ်ခုခုကို သို့မဟုတ် တစ်စုံတစ်ယောက်ကို ရှာဖွေနေသည့်အလား ပတ်ဝန်းကျင်ကို ကြည့်ရှုရင်း ထိုနေရာတွင် ရပ်နေသောကြောင့် ကွက်လပ်လက်စွပ်များကို ကောက်ယူပြီးနောက်တွင်ပင် ထွက်ခွာသွားရန် အစီအစဉ် မရှိပုံရသည်။   </p> <p> </p> <p>      “သူ ဘာကို ရှာနေတာလဲ”   </p> <p> </p> <p>      “သူ ဝတ်ရုံနက်လူကို စောင့်နေတာများလား”   </p> <p> </p> <p>      “ကျီးကန်းနက်မဟာမိတ်အဖွဲ့က နောက်ဆုံးတော့ လက်တုံ့ပြန်ဖို့ ဆုံးဖြတ်လိုက်ပြီ ထင်တယ်... ကျီးကန်းနက်မဟာမိတ်အဖွဲ့က ဒီစိန့်ကောင်းကင်အဆင့် စွမ်းအားရှင်က ဝတ်ရုံနက်လူကို အနိုင်ယူပြီး သူ သတ်ခဲ့တဲ့ အဖွဲ့ဝင်တွေအတွက် လက်စားချေပေးဖို့ လာတာပဲ”   </p> <p> </p> <p>      “အဲဒါ ဖြစ်နိုင်တယ်”   </p> <p> </p> <p>      ထိုလူသည် ထိုနေရာ၌ပင် ဆက်လက် ရပ်နေသည်ကို မြင်သောအခါ ကျီးကန်းနက်မဟာမိတ်အဖွဲ့မှ စိန့်ကောင်းကင်အဆင့် စွမ်းအားရှင်၏ ရည်ရွယ်ချက်ကို ဂိုဏ်းမဲ့ကျင့်ကြံသူ များစွာ သိရှိသွားကြသည်။ အကယ်၍ သူသာ ဝတ်ရုံနက်လူကို အနိုင်ယူရန် အစီအစဉ် မရှိပါက သူ တိုက်ခိုက်မှု မပြုလုပ်မီ ထိုလူနှစ်ယောက် သူသေကိုယ်သေတိုက်ပွဲ ပြီးဆုံးသွားသည်အထိ  စောင့်နေရန် လိုအပ်မည်လော... </p> <p>      သူသည် စိန့်ကောင်းကင်အဆင့်တွင် ရှိနေသောကြောင့် အနှစ်သာရသူတော်စင်အထွတ်အထိပ်အဆင့်သာ ဖြစ်သော ထိုလူနှစ်ယောက်မှာ သူတို့၏ အသန်မာဆုံး အခြေအနေတွင် ရှိနေလျှင်တောင်မှ သူတို့ကို အလွယ်တကူ ရင်ဆိုင်နိုင်သည်။ ကျီးကန်းနက်မဟာမိတ်အဖွဲ့မှ ထိုလူသည် အနိုင်ရရှိသူကို မသတ်မီ သူတို့၏ သူသေကိုယ်သေတိုက်ပွဲ ပြီးဆုံးသွားသည်အထိ  စောင့်နေစရာမလိုပေ။ လူများအတွက် ဤအချက်ကို သိရှိရန် မခက်ခဲပေ။   </p> <p> </p> <p>      “ဘာတွေဖြစ်သွားလဲကြားရင် ဝတ်ရုံနက်လူ ပေါ်လာမယ်လို့ မင်းတို့ ထင်လား”   </p> <p>      ဂိုဏ်းမဲ့ကျင့်ကြံသူ များစွာက သိချင်စိတ်ဖြင့် မေးလိုက်ကြသည်။   </p> <p> </p> <p>      “ဝတ်ရုံနက်လူ လာမှာမဟုတ်ဘူးလို့ ငါ ထင်တယ်... ကျီးကန်းနက်မဟာမိတ်အဖွဲ့က ဒီလူက ပြင်ဆင်ပြီးမှ လာတာဆိုတာ သိသာတယ်... စိန့်ကောင်းကင်အဆင့်မှာ ရှိနေတဲ့ သူ့ရဲ့ စွမ်းအားကို ထည့်မတွက်ရင်တောင်မှ ကျီးကန်းနက်မဟာမိတ်အဖွဲ့က တခြား အဖွဲ့ဝင်တွေလည်း ပုန်းပြီး စောင့်နေနိုင်တယ်”   </p> <p> </p> <p>      “တကယ်လို့ ငါသာ ဝတ်ရုံနက်လူဆိုရင် သေချာပေါက် လာမှာမဟုတ်ဘူး... ဒါက ထောင်ချောက်တစ်ခုဆိုတာ သိသာတယ်”   </p> <p> </p> <p>      “ငါ မင်းပြောတာကို သဘောတူတယ်”   </p> <p> </p> <p>      ဂိုဏ်းမဲ့ကျင့်ကြံသူ အများစုမှာ ဝတ်ရုံနက်လူအပေါ် အမြင်ကောင်း ရှိကြသည်။ သူတို့ အားလုံးက သွမ့်လင်းထျန် ပေါ်မလာဖို့ စိတ်ရင်းဖြင့် မျှော်လင့်နေကြသည်။   </p> <p> </p> <p>      အမှောင်ထဲတွင် ဖုံးကွယ်နေရင်း သွမ့်လင်းထျန်က အကြီးအကဲဟော်ကို မေးလိုက်သည်။   </p> <p>      “အဲဒါ ထောင်ချောက်တစ်ခုလား”   </p> <p>      ပတ်ဝန်းကျင်တွင် ပုန်းကွယ်နေသော လူများ ရှိမရှိနှင့် အကယ်၍ ရှိပါက သူတို့၏ ကျင့်ကြံမှုအဆင့်များမှာ မည်သို့ ရှိသနည်းဆိုသည်ကို စစ်ဆေးရန် သူ  အကြီးအကဲဟော်ကို အကူအညီ တောင်းလိုက်သည်။ ပြီးမှနောင်တရတာထက် စာလျှင် ဘေးကင်းအောင် နေသည်က ပိုကောင်းသည်။   </p> <p> </p> <p>      သတိပေါ့ခြင်းကြောင့် ကြုံတွေ့နိုင်သည့် အန္တရာယ်ကို သွမ့်လင်းထျန် ကောင်းကောင်းသိသည်။   </p> <p> </p> <p>      တစ်ချိန်တည်းမှာပင် သွမ့်လင်းထျန် ပေါ်လာမည် မဟုတ်ဟု ထင်ကြသောကြောင့် ဂိုဏ်းမဲ့ကျင့်ကြံသူ များစွာမှာ စတင် ထွက်ခွာသွားကြသည်။ အခြားတစ်ဖက်တွင်မူ သတင်းကို ယခုလေးတင်မှ ရရှိသွားသူများမှာ ပွဲကြည့်ရန် မျှော်လင့်ချက်ဖြင့် ဤနေရာသို့ ချက်ချင်း ပြေးလာကြသည်။   </p> <p> </p> <p>      လူအုပ်ကြီး စုဝေးလာသည်နှင့်အမျှ လူအချို့က ကျီးကန်းနက်မဟာမိတ်အဖွဲ့မှ ထိုလူကို မှတ်မိသွားကြသည်။   </p> <p> </p> <p>      အချို့က အံ့အားသင့်စွာဖြင့် ပြောလိုက်ကြသည်။   </p> <p>      “အဲ... အဲဒါ ကျီးကန်းနက်မဟာမိတ်အဖွဲ့ရဲ့ ဒုခေါင်းဆောင် ကျောင်ကျန်း မလား”   </p> <p> </p> <p>      “ကျောင်ကျန်းလား”   </p> <p> </p> <p>      ချက်ချင်း ပွက်လောရိုက်သွားကြသည်။ ပွဲကြည့်ပရိသတ်များ၏ ကျီးကန်းနက်မဟာမိတ်အဖွဲ့မှ လူကို  ကြည့်နေသည့် အကြည့်များမှာ လုံးဝ ပြောင်းလဲသွားသည်။   </p> <p> </p> <p>      စောစောက သူတို့၏ အရှေ့ရှိ ကျီးကန်းနက်မဟာမိတ်အဖွဲ့ဝင်မှာ သာမန် စိန့်ကောင်းကင်အဆင့် စွမ်းအားရှင် တစ်ဦးမျှသာ ဖြစ်သည်ဟု သူတို့ ထင်ခဲ့ကြသည်။ သို့သော်လည်း ထိုလူမှာ ကျီးကန်းနက်မဟာမိတ်အဖွဲ့၏ ဒုခေါင်းဆောင် ကျောင်ကျန်း ဖြစ်နေသည်။   </p> <p>      ကျီးကန်းနက်မဟာမိတ်အဖွဲ့၏ ဒုခေါင်းဆောင် ဖြစ်သည့်အပြင် ကျောင်ကျန်းမှာ အလွန်အစွမ်းထက်သူ တစ်ဦးလည်း ဖြစ်သည်။ စိန့်ကောင်းကင် ဒုတိယပုံစံစွမ်းအားရှင်များထဲတွင် သူ့ကို ထိပ်တန်းအဆင့် စွမ်းအားရှင် တစ်ဦးအဖြစ် ယူဆကြသည်။ သူသည် အဓိပတိသူတော်စင်အဆင့်စာရင်းတွင် အဆင့် ၅၆၆ နေရာ၌ ရှိသည်။   </p> <p> </p> <p>      “ကျီးကန်းနက်မဟာမိတ်အဖွဲ့ရဲ့ ဒုခေါင်းဆောင် ကျောင်ကျန်း ကိုယ်တိုင် ပေါ်လာတာပဲ”   </p> <p> </p> <p>      “သူ ဒီကို ဝတ်ရုံနက်လူအတွက် ရောက်နေတာဆိုတာ သိသာတယ်... ဒါပေမဲ့ ကျောင်ကျန်း ဒီမှာ ရှိနေမှတော့ ဝတ်ရုံနက်လူ ပေါ်လာမှာမဟုတ်ဘူးဆိုတာ ငါ သေချာတယ်”   </p> <p> </p> <p>      “ဒီနေ့တော့ စိတ်ဝင်စားစရာ ဘာမှ ကြည့်ရတော့မဲ့ပုံ မပေါ်ဘူး”   </p> <p> </p> <p>      ကျီးကန်းနက်မဟာမိတ်အဖွဲ့၏ ဒုခေါင်းဆောင် ကျောင်ကျန်း ပေါ်လာမှုကြောင့် အံ့အားသင့်မှုမှ သတိပြန်ဝင်လာပြီးနောက်တွင် ဝတ်ရုံနက်လူ လာလိမ့်မည် မဟုတ်ကြောင်း ဂိုဏ်းမဲ့ကျင့်ကြံသူများ အလွန် သေချာသွားကြသည်။   </p> <p> </p> <p>      “ကျီးကန်းနက်မဟာမိတ်အဖွဲ့ရဲ့ ဒုခေါင်းဆောင်... ကျောင်ကျန်းလား”   </p> <p>      အေးစက်သော အသံတစ်ခု ရုတ်တရက် ထွက်ပေါ်လာသည်။ ထိုအသံမှာ မကျယ်လောင်သော်လည်း ပတ်ဝန်းကျင်ရှိ ဆူညံသံများ အားလုံးကို မှော်ဆန်ဆန် ဖုံးလွှမ်းသွားသည့်အလား ထင်ရသည်။ ထို့နောက်တွင် လူတိုင်း၏ မျက်စိရှေ့၌ တစ်ကိုယ်လုံး အနက်ရောင် ဝတ်ဆင်ထားသော လူတစ်ယောက် ပေါ်လာသည်။   </p> <p> </p> <p>      ခေါင်းစွပ်ပါသော အနက်ရောင်ဝတ်ရုံပွရှည်ကြီးအောက်တွင် မည်သူ ရှိနေလဲဆိုတာကို မည်သူကမျှ မသိကြပေ။ သို့သော်လည်း အချက်တစ်ချက်ကတော့ သေချာသည်။ ၎င်းမှာ အမျိုးသား တစ်ဦး ဖြစ်သည်။   </p> <p> </p> <p>      “ဝတ်ရုံနက်လူပဲ”   </p> <p>      ဝတ်ရုံနက်လူ ပေါ်လာသောအခါ လူအုပ်ကြီးမှာ ရူးသွပ်သွားကြသည်။ ဂိုဏ်းမဲ့ကျင့်ကြံသူများ အားလုံးမှာ အံ့အားသင့်သွားကြပြီး သူတို့၏ မျက်နှာပေါ်တွင် မယုံကြည်နိုင်သော အမူအရာတစ်ခု ပေါ်လာသည်။   </p> <p> </p> <p>      “သူ လာလိမ့်မယ်လို့ ငါ မထင်ထားဘူး... ကျောင်ကျန်းက သူ့ကို သတ်မှာကို သူ မစိုးရိမ်ဘူးလား”   </p> <p> </p> <p>      “ကျောင်ကျန်းက စိန့်ကောင်းကင် ဒုတိယပုံစံ စွမ်းအားရှင်တွေကြားမှာ ထိပ်တန်းအဆင့် စွမ်းအားရှင် တစ်ယောက်ဆိုတာ သူ မသိဘူးလား... ကျောင်ကျန်းက အဓိပတိသူတော်စင်အဆင့်စာရင်းမှာ အဆင့် ၅၆၆ နေရာမှာ ရှိနေတာကို”   </p> <p> </p> <p>      “သူက ကိုယ့်သေတွင်း ကိုယ်တူးနေတာပဲ”   </p> <p> </p> <p>      ဂိုဏ်းမဲ့ကျင့်ကြံသူများက ခေါင်းခါယမ်းလိုက်ကြပြီး  ဝတ်ရုံနက်လူကို သနားစွာ ကြည့်လိုက်ကြသည်။ ဂိုဏ်းမဲ့ကျင့်ကြံသူ များစွာက အခွင့်အရေး ရှိနေသေးစဉ် ထွက်သွားရန် သွမ့်လင်းထျန်ကို အကြံပေးလိုက်ကြသည်။   </p> <p> </p> <p>      “ငါ့လူတွေကို သတ်နေတာ မင်းလား”   </p> <p>     ကျောင်ကျန်းက သွမ့်လင်းထျန်ကို အေးစက်စွာ ကြည့်ရင်း  မေးလိုက်သည်။ </p> <p> </p> <p> </p> <p> </p> <p> </p> <p style="text-align: center;">***</p>


Save