Book List

<h2 style="text-align: center;">အခန်း ၈၄၆</h2> <h2 style="text-align: center;">ကျွန်တော် ဂရုထဲသွားပြီး လူသွားခေါ်လိုက်မယ်</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p>"ဟားဟားဟား.. အစ်ကိုက အရမ်းနောက်တတ်တာပဲ။ ကျွန်တော် ခုနကပြောတာတွေက စေတနာနဲ့ပြောတာပါ"</p> <p> </p> <p>အာပါချီက ပြောလိုက်သည်။</p> <p> </p> <p>"ရှာယန်နာက ကျွန်တော့်မျက်စိရှေ့တင် ကြီးပြင်းလာတာလေ။ သူ့ကို အနာဂတ်ကောင်းတစ်ခု ပိုင်ဆိုင်စေချင်တာပေါ့"</p> <p> </p> <p>သူ့ကျောပြင်တစ်ခုလုံး ချွေးစေးပြန်နေသော်လည်း အာပါချီကတော့ နောက်ဆုံးအချိန်ထိ မျက်နှာပြောင်တိုက်နေဆဲပင်။</p> <p> </p> <p>နောက်နေတာ မဟုတ်ဘူးနော်။ ဒီလိုလူမျိုးက သူ့ညီမလေးကို စိတ်ဝင်စားနေတယ်ဆိုတာ တကယ့်အခွင့်အရေးကြီးပဲ။</p> <p> </p> <p>စကြဝဠာဘဏ်ထဲမှာ ကြယ်သုံးပွင့်အဆင့်နီးပါးရှိသော အပ်နှံငွေများနှင့် အဆင့်လေး မျိုးနွယ်စု၁၀၀ကျော်ကို ပိုင်ဆိုင်ထားကြောင်း သူ သေသေချာချာ ကြားလိုက်ရသည်။ ဤပိုင်ဆိုင်မှုမျိုးကို သာမန်အဆင့်ငါး အရှင်သခင်တစ်ယောက်ပင် ထုတ်မပြနိုင်ချေ။</p> <p> </p> <p>အိုင်းရင်းက အလွန်ငယ်ရွယ်လှသည်။ ဤပိုင်ဆိုင်မှုများမှာ သူကိုယ်တိုင်ရှာဖွေထားခြင်း မဖြစ်နိုင်ကြောင်း အသိသာချည်းပင်။ သူ့မိသားစုထဲရှိ လူကြီးများက ပေးထားခြင်းသာ ဖြစ်ရမည်။</p> <p> </p> <p>ဤပိုင်ဆိုင်မှုမျိုးကို ထုတ်ပေးနိုင်သည်ဆိုလျှင် သူ့အကြီးအကဲများ၏ နာမည်အောက်မှာ သာမန်စကြဝဠာအင်ပါယာအဆင့် ပိုင်ဆိုင်မှုမျိုး ဒါဇင်နှင့်ချီပြီး ရှိနေလောက်သည်မဟုတ်လော။ ဤသည်မှာ အနည်းဆုံးတော့ အဆင့်ခုနစ်သက်ရှိတစ်ယောက် ဖြစ်နေနိုင်သည်။ အိုင်းရင်းကို ဤမျှအရေးပေးထားခြင်းကိုကြည့်လျှင် အကြီးအကဲများ၏အမြင်တွင် သူ့အနေအထားက အလွန်မြင့်မားမည်မှာ သေချာလှသည်။</p> <p> </p> <p>ထိုကဲ့သို့သော လူတစ်ယောက်က သူ့ညီမလေးကို စိတ်ဝင်စားနေခြင်းမှာ ကံကောင်းရုံသက်သက် မဟုတ်တော့ပေ။ ဘိုးဘေးများ ကောင်းချီးပေးလိုက်သလို ကံကြမ္မာမျိုးပင်။</p> <p> </p> <p>"အစ်ကို.. ခုနကပြောတာတော့ ဒီလိုမဟုတ်ပါဘူး"</p> <p> </p> <p>ရှာဇီနာက ဘေးနားကနေ၍ သူ(မ)အစ်ကိုကို နောက်ပြောင်လိုက်သည်။</p> <p> </p> <p>"နင်က ဘာသိလို့လဲ"</p> <p> </p> <p>အာပါချီကမူ ဟန်မပျက်ဆက်ပြောလေသည်။</p> <p> </p> <p>"နင်သာ အစ်ကိုတစ်ယောက်ဖြစ်ရင် နောက်ကွယ်က ပင်ပန်းရတဲ့ ဒီစေတနာတွေကို နားလည်လာမှာပါ"</p> <p> </p> <p>အာပါချီက အိုင်းရင်း၏ပခုံးကို ဖက်လိုက်ချင်သော်လည်း သူသည် အဆင့်သုံးမင်းသားတစ်ပါးသာ ဖြစ်ကြောင်း ရုတ်တရက်သတိရသွားသည်။ အဆင့်ခုနစ်သက်ရှိတစ်ယောက်၏ အရေးပါသော မျိုးဆက်သစ်တစ်ဦးနှင့် ရင်းရင်းနှီးနှီးနေရန် သူ့အနေနှင့် အရည်အချင်းမပြည့်မီသဖြင့် ထိုလုပ်ရပ်မှာ မလျော်ကန်လှပေ။</p> <p> </p> <p>"အစ်ကိုအာပါချီက သဘောတူတယ်ဆိုတော့ အခုကစပြီး ကျွန်တော်တို့ မိသားစုတွေဖြစ်သွားပြီပေါ့။ မိသားစုတွေပဲမို့ တအားအားနာနေစရာမလိုပါဘူး"</p> <p> </p> <p>အိုင်းရင်းက စိတ်သဘောစစ်မှန်စွာ ပြောလိုက်သည်။</p> <p> </p> <p>"ဘယ်သူက ရှင့်မိသားစုလဲ"</p> <p> </p> <p>ရှာယန်နာခမျာ မျက်နှာလေး ရဲတက်သွားပြီး အိုင်းရင်းကို မျက်စောင်းထိုးလိုက်သည်။</p> <p> </p> <p>တကယ်တော့ အာပါချီ၏ သဘောထားကိုလည်း အပြစ်တင်၍ မရပေ။ သူသာ အာပါချီဆိုလျှင်လည်း သူ့ညီမလေးကို အင်အားကြီးသူတစ်ယောက်နှင့်သာ လက်ထပ်စေချင်မည်ဖြစ်၏။ ပထမအချက်က သူ(မ) ပျော်ရွှင်နိုင်ပြီး ဒုတိယအချက်အနေနှင့် သူတို့၏မျိုးနွယ်စုအတွက် နောက်ထပ်လုံခြုံရေးအကာအကွယ်တစ်ခု ရရှိသွားမည်ဖြစ်၏။</p> <p> </p> <p>အရာရာတိုင်းကပြီးပြည့်စုံနေမည်မဟုတ်သလို တစ်စုံတစ်ယောက်၏ ပျော်ရွှင်မှုကို စတေးရခြင်းမျိုးလည်း မကြာခဏရှိတတ်သည်။</p> <p> </p> <p>ဤစကားကို ကြားသောအခါ အာပါချီလည်း ချက်ချင်းပင် မျက်နှာပြုံးဖြီးသွားပြီး အိုင်းရင်းလို သဘောကောင်းလှသော ယောက်ဖမျိုးက စကားပြောရန် အလွန်လွယ်ကူလှသည်ဟု တွေးလိုက်သည်။</p> <p> </p> <p>"အိုင်းရင်း.. မင်း မကန့်ကွက်ဘူးဆိုရင် ရှာယန်နာခေါ်သလို ငါ့ကို အစ်ကိုလို့ ခေါ်လို့ရပါတယ်"</p> <p> </p> <p>"ဒါဆိုရင်လည်း ကျွန်တော် အားမနာတော့ဘူးနော်"</p> <p> </p> <p>အိုင်းရင်းက ပြုံးကာ ပြောလိုက်သည်။</p> <p> </p> <p>"အစ်ကို.. ခုနက ရှာယန်နာ့အဖေက သူ့ကို တခြားလူနဲ့ ပေးစားချင်နေတယ်လို့ ပြောခဲ့တယ်နော်။ အဲဒါက ဘယ်လိုဖြစ်ရတာလဲ"</p> <p> </p> <p>"ဟူး"</p> <p> </p> <p>အာပါချီလည်း သက်ပြင်းရှည်ကြီးချလိုက်ပြီးနောက် မျက်နှာထားကား ရုတ်တရက် အလွန် လေးနက်သွားသည်။</p> <p> </p> <p>"အဲဒီမျက်နှာက ဘာဖြစ်တာလဲ အစ်ကို"</p> <p> </p> <p>ရှာယန်နာနှင့် ညီမဖြစ်သူတို့ကလည်း သူတို့အစ်ကို တစ်ခုခုဖုံးကွယ်ထားသည်ဟု ရုတ်တရက် ခံစားလိုက်ရသည်။</p> <p> </p> <p>"ငါတို့မျိုးနွယ်စုမှာ ပြဿနာတစ်ခုခုရှိနေလို့လား"</p> <p> </p> <p>"ရောက်လာတဲ့အခြေအနေက အတူတူပဲဆိုတော့ ငါ နင်တို့ကို မဖုံးကွယ်တော့ပါဘူး"</p> <p> </p> <p>အာပါချီက ပြောသည်။</p> <p> </p> <p>"ရှာယန်နာ.. နင်သိတဲ့အတိုင်း ငါတို့က ဂူဂေါလ် မျိုးနွယ်စုနဲ့ နယ်မြေအငြင်းပွားမှုတွေ အမြဲဖြစ်နေခဲ့တာလေ"</p> <p> </p> <p>"ဒါကို ကျွန်မသိပါတယ်"</p> <p> </p> <p>ရှာယန်နာက ခေါင်းညိတ်ပြလိုက်သည်။</p> <p> </p> <p>"ကျွန်မတို့မျိုးနွယ်စုနှစ်ခု တိုက်ခိုက်နေခဲ့ကြတာလည်း နှစ်ပေါင်းရာနဲ့ချီနေပြီ မဟုတ်ဘူးလား"</p> <p> </p> <p>"ဟုတ်တယ်။ တကယ်တော့ ငါတို့မျိုးနွယ်စုနှစ်ခုက အင်အားချင်း တော်တော်မျှတယ်။ ဒီစစ်ပွဲက အချိန်ဆွဲတဲ့ တိုက်ပွဲသက်သက်ပဲ။ နောက်ဆုံးအချိန်ထိ တောင့်ခံနိုင်တဲ့သူက နိုင်မယ်။ ဒီလောက်ပဲ"</p> <p> </p> <p>အာပါချီက ပြောလိုက်သည်။</p> <p> </p> <p>"ဒါပေမဲ့ ဘယ်လိုဖြစ်သွားလဲမသိဘူး။ ဂူဂေါလ်မျိုးနွယ်စုက တလောတုန်းက ရှီကျစ်မျိုးနွယ်စုနဲ့ မဟာမိတ်ဖွဲ့လိုက်တော့ သူတို့ရဲ့စစ်သင်္ဘောအုပ်စု အကူအညီပါ ရသွားတယ်"</p> <p> </p> <p>"ရှီကျစ်မျိုးနွယ်စုလား။ ကျွန်မတို့စကြဝဠာအင်ပါယာရဲ့ အဆင့်လေးမျိုးနွယ်စုကြီးကို ပြောတာလား"</p> <p> </p> <p>ရှာယန်နာ၏ မျက်နှာထားမှာ ချက်ချင်းထူးဆန်းသွားသည်။</p> <p> </p> <p>"ဟုတ်တယ် သူတို့ပဲ"</p> <p> </p> <p>အာပါချီက ပြောလိုက်သည်။</p> <p> </p> <p>"စစ်ရေးအကူအညီရဖို့ သူတို့ ဘယ်လိုစည်းကမ်းချက်တွေနဲ့ ကမ်းလှမ်းခဲ့လဲဆိုတာတော့ ငါ မသိဘူး။ ဒါပေမဲ့ မကြာသေးခင်နှစ်တွေအတွင်းမှာ ငါတို့ရဲ့စစ်သင်္ဘောတွေ အကြီးအကျယ်ဆုံးရှုံးခဲ့ရပြီး နယ်မြေတွေလည်း အများကြီးဆုံးရှုံးခဲ့ရတယ်"</p> <p> </p> <p>"ကျွန်မတို့စကြဝဠာအင်ပါယာကရော ဂရုမစိုက်ဘူးလား"</p> <p> </p> <p>"ဒါက ငါတို့စကြဝဠာအင်ပါယာရဲ့ အတွင်းရေးပဋိပက္ခလေ။ နယ်ချဲ့တာ ဒါမှမဟုတ် သယံဇာတလုတဲ့ စစ်ပွဲလည်း မဟုတ်ဘူး။ နယ်မြေအငြင်းပွားတာသက်သက်ပဲ။ ဒါကြောင့် သူတို့က ဝင်ပါမှာ မဟုတ်ဘူး"</p> <p> </p> <p>အာပါချီက ပြောသည်။</p> <p> </p> <p>"တခြားစကြဝဠာအင်ပါယာတစ်ခုခုက ဝင်ရောက်ကျူးကျော်လာတာမျိုးက လွဲရင်ပေါ့"</p> <p> </p> <p>"ဒါဆို အဖေက စစ်ရေးအကူအညီရဖို့ ကျွန်မကို အလဲအထပ်လုပ်ရတဲ့အရာတစ်ခုလို သုံးချင်နေတာပေါ့"</p> <p> </p> <p>"ရှာယန်နာ.. အဖေ့အခက်အခဲတွေကို နင် နားလည်ပေးဖို့ ကြိုးစားရမယ်"</p> <p> </p> <p>အာပါချီက သက်ပြင်းချလိုက်သည်။</p> <p> </p> <p>"အဲဒီနယ်မြေမှာ ငါတို့လူမျိုးတွေရဲ့ မျိုးနွယ်စု၁၀၀ကျော်ရှိတယ်။ သူတို့သာ ဆက်တိုက်ခိုက်နေမယ်ဆိုရင် မျိုးနွယ်စုတွေ အန္တရာယ်ကြီးကြီးမားမား ကျရောက်လိမ့်မယ်"</p> <p> </p> <p>"အစ်မကက်သရင်းကရော။ သူက အဆင့်လေး မျိုးနွယ်စုထဲမှာ အိမ်ထောင်ကျသွားတာ မဟုတ်ဘူးလား"</p> <p> </p> <p>ရှာဇီနာက ဆက်မေးသည်။</p> <p> </p> <p>"သူက အဆင့်လေးမျိုးနွယ်စုက သာမန်မှူးမတ်မိသားစုထဲမှာ အိမ်ထောင်ကျသွားတာ။ စစ်တပ်မှာ ဘာဩဇာအာဏာမှမရှိတော့ ငါတို့ကို ဘာမှကူညီပေးလို့ မရဘူးလေ"</p> <p> </p> <p>အာပါချီက ဆက်ပြောသည်။</p> <p> </p> <p>"နောက်တော့ ဂါလာမျိုးနွယ်စုရဲ့တပ်မမှူးကို ငါတို့ ရှာတွေ့ခဲ့တယ်။ သူအချစ်ဆုံးဖြစ်တဲ့ အငယ်ဆုံးသားကလည်း အိမ်ထောင်ပြုရမယ့် အရွယ်ရောက်နေပြီဆိုတော့..."</p> <p> </p> <p>"အစ်ကိုက အရမ်းရိုးအလွန်းတယ်"</p> <p> </p> <p>ရှာယန်နာက ပြောသည်။</p> <p> </p> <p>"ရှီကျစ်မျိုးနွယ်စုရဲ့ သင်္ဘောအရေအတွက်က ဂါလာမျိုးနွယ်စုနဲ့ အတူတူလောက်ဖြစ်နိုင်ပေမဲ့ သူတို့ရဲ့ပျမ်းမျှအဆင့်က တစ်ဆင့်ပိုမြင့်တယ်။ သူတို့က ကျွန်မတို့အတွက်နဲ့ ရှီကျစ်မျိုးနွယ်စုကို ဆန့်ကျင်ပေးဖို့ ဆန္ဒရှိမယ်လို့ အစ်ကိုထင်နေတာလား"</p> <p> </p> <p>"ဒါက..."</p> <p> </p> <p>"အဆင့်လေးမျိုးနွယ်စုကို ဘာကြောက်စရာရှိလို့လဲ"</p> <p> </p> <p>ကျန်းမုန့်လောင်က ဝင်ပြောလိုက်သည်။</p> <p> </p> <p>"အိုင်းရင်း.. မင်း ခုနကပဲ အဆင့်လေးမျိုးနွယ်စု၁၀၀ကျော်က ပိုင်ဆိုင်မှုတွေကို ရထားတာ မဟုတ်ဘူးလား။ အဲဒီက စစ်သင်္ဘောအုပ်စုနှစ်ခုလောက် ဒီကိုလွှတ်လိုက်ရင် ကိစ္စပြတ်သွားပြီ မဟုတ်ဘူးလား"</p> <p> </p> <p>"အစ်ကိုကျန်း.. အဲဒါတော့ မဖြစ်နိုင်ဘူးထင်တယ်"</p> <p> </p> <p>အိုင်းရင်းက ပြောလေသည်။</p> <p> </p> <p>"အဲဒီမျိုးနွယ်စုအများစုက ကျွန်တော်တို့စကြဝဠာအင်ပါယာနဲ့ တော်တော်ဝေးတယ်ဆိုတာကို ထည့်မတွက်ရင်တောင် စကြဝဠာမျိုးနွယ်စုစည်းမျဉ်းတွေအရ စကြဝဠာအင်ပါယာက ခွင့်ပြုချက်ပေးထားတဲ့ ဖြတ်သန်းခွင့်လမ်းကြောင်းမရှိဘဲနဲ့ တခြား စကြဝဠာအင်ပါယာတွေရဲ့ စစ်သင်္ဘောတွေက ဝင်ရောက်ပြီး အင်အားသုံးစွက်ဖက်ခွင့် မရှိဘူးလေ"</p> <p> </p> <p>"မင်းပြောတဲ့သဘောက တိုက်ခိုက်ဖို့အတွက် အမြွှာဝေလငါးစကြဝဠာအင်ပါယာရဲ့ အတွင်းပိုင်းအင်အားကို သုံးရမယ်။ ဒါမှမဟုတ်ရင် အမြွှာဝေလငါးစကြဝဠာအင်ပါယာဆီက ခွင့်ပြုချက်ရရမယ်ပေါ့ ဟုတ်လား"</p> <p> </p> <p>ကျန်းမုန့်လောင်က အတည်ပြုမေးမြန်းလိုက်သည်။</p> <p> </p> <p>"မှန်ပါတယ်"</p> <p> </p> <p>"ယုတ္တိရှိသားပဲ"</p> <p> </p> <p>ကျန်းမုန့်လောင်လည်း ခေါင်းတညိတ်ညိတ်လုပ်လိုက်သည်။ တခြားစကြဝဠာအင်ပါယာ၏ စစ်သင်္ဘောများသာ သည်အတိုင်း ဝင်လာနိုင်လျှင် ကမောက်ကမဖြစ်ကုန်ပေလိမ့်မည်။ စကြဝဠာဘဏ်၏ စစ်သင်္ဘောများပင် ဤစည်းမျဉ်းကို လိုက်နာရသည်ဖြစ်ရာ အခြားမျိုးနွယ်စုများအနေနှင့် မရမ်းကားရဲသည်မှာ သဘာဝပင်။</p> <p> </p> <p>"ဒါပေမဲ့ ဒါက ပြဿနာကြီးကြီးမားမား မဟုတ်ပါဘူး"</p> <p> </p> <p>ကျန်းမုန့်လောင်က ရယ်မောလိုက်သည်။</p> <p> </p> <p>"ခွင့်ပြုချက်ယူရုံပဲ မဟုတ်ဘူးလား။ ကိုယ့်သဘောနဲ့ကိုယ် ခွင့်ပြုတာနဲ့ အတင်းအကျပ်ခွင့်ပြုခိုင်းတာ ဘာကွာလို့လဲ"</p> <p> </p> <p>"အတင်းအကျပ်ခွင့်ပြုခိုင်းတာလား။ အဲဒါ ဘာသဘောလဲ"</p> <p> </p> <p>"ဘာမှမဟုတ်ပါဘူး။ ငါ ဂရုထဲက လူတစ်ယောက်ကို မန်းရှင်းခေါ်လိုက်မယ်"</p> <p> </p> <p>"လူခေါ်မယ်လား"</p> <p> </p> <p>ကျန်းမုန့်လောင် ဘာကိုဆိုလိုမှန်း အိုင်းရင်း နားမလည်ပေ။</p> <p> </p> <p>ကျန်းမုန့်လောင်က ကျူရှင်းဂရုကိုဖွင့်ပြီး စာတစ်စောင် ပို့လိုက်သည်။</p> <p> </p> <p>"အမြွှာဝေလငါးစကြဝဠာအင်ပါယာနားမှာ ဘယ်သူ့စကြဝဠာအင်ပါယာ ရှိလဲ။ အကူအညီလေးတစ်ခု တောင်းချင်လို့"</p> <p> </p> <p>ထိုစာလေးကြောင့် ဂရုထဲတွင် ပေါက်ကွဲသွားသည့်နှယ် ရုတ်ရုတ်သဲသဲဖြစ်သွားလေသည်။</p> <p> </p> <p>ဂရုထဲမှာ ဆရာသခင်က နောက်ဆုံးတော့ စကားစပြောလာပြီပဲ။</p> <p> </p> <p>"ဆရာသခင်.. ကျွန်တော့်ရဲ့မျိုးနွယ်စုက အမြွှာဝေလငါးစကြဝဠာအင်ပါယာနဲ့ အလင်းနှစ်ဘီလီယံ ၂၀ပဲ ကွာပါတယ်။ အရမ်းနီးတယ်နော်"</p> <p> </p> <p>"ထွက်သွားစမ်းပါ။ အလင်းနှစ်ဘီလီယံ၂၀တောင် ကွာတာကိုများ နီးတယ်ပြောရသလား။ ဆရာသခင်.. ကျွန်တော့်ရဲ့မျိုးနွယ်စုက အလင်းနှစ် ၁၂ဘီလီယံပဲ ကွာတယ်။ အဲဒါကမှနီးတာ"</p> <p> </p> <p>"ဆရာသခင်.. ကျွန်တော် ကူညီပေးရမယ့်ဟာများ ရှိလို့လား။ ကျွန်တော်တို့ စွမ်းဆောင်နိုင်သရွေ့ အစွမ်းကုန်ကြိုးစားပေးပါ့မယ်။ မစွမ်းဆောင်နိုင်ဘူးဆိုရင်တောင် ဖြစ်မြောက်အောင် နည်းလမ်းရှာပေးပါ့မယ်"</p> <p> </p> <p>"ကိစ္စက ဒီလိုကွ။ ငါ့သူငယ်ချင်းရဲ့မျိုးနွယ်စု အနှောင့်အယှက်ပေးခံရလို့။ ငါ ဘာပြောချင်လဲဆိုတာ မင်းတို့ သဘောပေါက်တယ်မလား" </p> <p> </p> <p>ကျန်းမုန့်လောင်က သွယ်ဝိုက်သောအဓိပ္ပာယ်ဖြင့် ပြောလိုက်သည်။</p> <p> </p> <p>"ဘယ်သူက ဆရာသခင်ရဲ့သူငယ်ချင်းကို ထိရဲတာလဲ။ အသက်ဆက်မရှင်ချင်တော့လို့လား"</p> <p> </p> <p>"သူတို့ကို ဖျက်ဆီးပစ်လိုက်မယ် ဆရာသခင်.. အဲဒီမျိုးနွယ်စုက ဘယ်အဆင့်လဲ"</p> <p> </p> <p>"အဆင့်သုံးမျိုးနွယ်စုလေးတစ်ခုပါ"</p> <p> </p> <p>ကျန်းမုန့်လောင်က ပြောလိုက်သည်။</p> <p> </p> <p>"ပြဿနာက အမြွှာဝေလငါးစကြဝဠာအင်ပါယာက ဖြတ်သွားရမှာဆိုတော့ ပြင်ပမျိုးနွယ်စုတွေ ဝင်ရောက်ဖို့ နည်းနည်းရှုပ်ထွေးနေလို့"</p> <p> </p> <p>"ဟားဟားဟား.. အမြွှာဝေလငါးစကြဝဠာအင်ပါယာလောက်ကတော့ ကျွန်တော်တို့မျိုးနွယ်စုရဲ့ ဆယ်ပုံတစ်ပုံတောင် မရှိပါဘူး။ ကျွန်တော့် စစ်သင်္ဘောအုပ်စု လမ်းကြောင်းဖြတ်တောင်းရင်တောင် ဘယ်သူမှတားရဲမှာမဟုတ်ဘူး"</p> <p> </p> <p>"ဆရာသခင်.. သြဒိနိတ်တွေကိုသာ ပေးလိုက်ပါ။ သူတို့အတွက် အရာအားလုံးဖြေရှင်းပေးပါ့မယ်"</p> <p> </p> <p>"ဆရာသခင်.. ဒါက အသေးအဖွဲလေးပါ။ ကျွန်တော်တို့တာဝန်သာထားလိုက်"</p> <p> </p> <p>"ဆရာသခင်.. ဆရာသခင်ရဲ့ သူငယ်ချင်းကို အနိုင်ကျင့်တဲ့ အဲဒီအဆင့်သုံးမျိုးနွယ်စုကို ကျွန်တော်တို့ ဖျက်ဆီးပစ်လိုက်ရမလား"</p> <p> </p> <p>"ဆရာသခင်... အဲဒီကို စစ်သင်္ဘောတွေ များများပို့ပေးရမလား။ ပြီးတော့ လမ်းကြုံတုန်း အမြွှာဝေလငါးမျိုးနွယ်စုကိုပါ တစ်ခါတည်းရှင်းပေးရမလား"</p> <p> </p> <p> </p> <p> </p> <p> </p> <p>*******************</p> <p> </p> <p>***</p> <p> </p>


Save