Book List

<h2 style="text-align: center;">အခန်း ၈၄၈</h2> <h2 style="text-align: center;">ဝင်ပါရဲရင် သူ့ကိုပါရိုက်ပစ်မယ်</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p>တကယ်တမ်းတွင် သူတို့ကိုလည်း အပြစ်တင်၍ မရပါချေ။ အဆင့်ချင်းမတူသော မျိုးနွယ်စုနှစ်ခုကြားရှိ ကွာဟချက်မှာ နှစ်ပေါင်းရာချီ၊ ထောင်ချီ၊ သိန်းချီ သို့မဟုတ် သည့်ထက်ပိုကြီးမားနိုင်သည်။ ဤကွာဟချက်က မျောက်နှင့် လူသားများကြားရှိ ကွာဟချက်နီးနီး ကြီးမားကျယ်ပြန့်လှသည်။</p> <p> </p> <p>အဆင့်ငါးမျိုးနွယ်စုရှိ သက်ရှိများအတွက်မူ အဆင့်သုံးမျိုးနွယ်စုရှိ သတ္တဝါများမှာ အလွန်ရှေးကျပြီး အဆင့်အတန်းနိမ့်ကျသော သက်ရှိများအဖြစ် သတ်မှတ်ခံထားရသည်။ တစ်ခါတစ်ရံ အဆင့်ငါးမျိုးနွယ်စုနှစ်ခု စစ်ဖြစ်ကြသောအခါ အဆင့်သုံးနှင့် အဆင့်လေးမျိုးနွယ်စုရာဂဏန်းထောင်ဂဏန်းလောက်က စစ်ပွဲအတွင်း ပျောက်ကွယ်သွားတတ်သည်။</p> <p> </p> <p>လူသားများ၏စစ်ပွဲများမှာ အမြောက်ဆန်တစ်လုံးက ပုရွက်ဆိတ်အုံတစ်အုံကို ဖျက်ဆီးပစ်လိုက်မိလျှင်ပင် သူတို့က ဂရုစိုက်ကြလေမလား။ ဤသဘောတရားပင်။</p> <p> </p> <p>ထို့ကြောင့် လူအများသည် ပိုအဆင့်မြင့်သော မျိုးနွယ်စုတစ်ခုနှင့် ရင်ဆိုင်ရသည့်အခါ အလိုလိုနှိမ့်ချရန်သာ ရွေးချယ်တတ်ကြသည်။</p> <p> </p> <p>သူတို့အတွက်တော့ အဆင့်မြင့်မျိုးနွယ်စုတစ်ခုကို မှီခိုတွယ်ကပ်နေရခြင်းမှာ ဂုဏ်သိက္ခာထက် အများကြီးပိုအရေးကြီးလှသည်။ ခွေးတစ်ကောင်ဖြစ်ရုံမျှမက ကျေးကျွန်တစ်ယောက် ဖြစ်ရမည်ဆိုလျှင်ပင် ပြဿနာမရှိပေ။</p> <p> </p> <p>အဆင့်သုံးမျိုးနွယ်စုရှိ လူများမှာ သူတို့ကိုယ်သူတို့ အကျယ်တဝင့်မိတ်ဆက်နေကြသော်ငြား ရိုးရိုးသားသားပြောရလျှင် ကျန်းမုန့်လောင်နှင့် အိုင်းရင်းတို့ကမူ နာမည်တစ်ခုကိုပင် မမှတ်မိချေ။</p> <p> </p> <p>တချို့မျိုးနွယ်စုများ၏ နာမည်များကား ရှေးဟောင်းကဗျာများထက်ပင် ပိုရှည်ပြီး နားလည်ရခက်သော စကားလုံးများဖြင့် ပြည့်နေလေသည်။ သူသည် အထက်တန်းကျောင်းက ဘွဲ့ရလာသည်မှာ နှစ်အတော်ကြာနေချေပြီ။ သူတို့က သူ့ကို စာအလွတ်ရွတ်ခိုင်းနေလေသလား။</p> <p> </p> <p>ဘေးနားရှိ အာပါချီကတော့ ဘာလုပ်ရမှန်းမသိတော့ပေ။ စိတ်အားထက်သန်နေသော လူအုပ်ကြီးက သူ့ကို လူအုပ်၏အပြင်ဘက်သို့ တွန်းထုတ်လိုက်၏။ သူ့တစ်သက် ဤမြင်ကွင်းမျိုးကို တစ်ခါမှ မမြင်ဖူးပေ။</p> <p> </p> <p>သူသည် သူ့အဖေကို သွားရှာရန် စီစဉ်ထားခြင်းပင်။ အိုင်းရင်းက သူ့အဖေဆီ ကိုယ်တိုင်လိုက်လည်မည်ဟု ပြောထားသော်လည်း အဆင့်ငါး မျိုးနွယ်စုရှိ အရေးပါလှသော ပုဂ္ဂိုလ်တစ်ယောက်ကို သူ့အဖေဆီသို့ တကယ်အလည်အပတ်လာခိုင်းရန်မှာမူ မဖြစ်နိုင်ပေ။</p> <p> </p> <p>ထိုအချိန်တွင် အလွန်စိတ်အနှောင့်အယှက်ဖြစ်စရာကောင်းသော အသံတစ်သံက သူ့အနောက်မှ ထွက်ပေါ်လာသည်။</p> <p> </p> <p>"အာပါချီ မတွေ့ရတာကြာပြီနော်။ ဒါ မင်းရဲ့ ညီမလား"</p> <p> </p> <p>အာပါချီ၏အနောက်တွင် သူနှင့်သက်တူရွယ်တူခန့်ရှိသော လူငယ်တစ်ယောက်ရှိနေပြီး အဆင့်သုံး သက်ရှိတစ်ယောက်၏ရောင်ဝါကို ပိုင်ဆိုင်ထားလေရာ အာပါချီနှင့် အဆင့်အတူတူလောက်ပင်။</p> <p> </p> <p>"မင်းညီမလေးက တော်တော်လှတာပဲ။ ငါနဲ့ ပေးစားလိုက်ပါ့လား။ ဒါဆို ငါ့အဖေကို မင်းတို့အတွက် မြေလေးနည်းနည်းလောက် ချန်ထားခိုင်းဖို့ စဉ်းစားပေးမယ်လေ"</p> <p> </p> <p>"ဂူဒယ်လ်"</p> <p> </p> <p>အာပါချီထံမှ ပြင်းထန်လှသော သတ်ဖြတ်လိုစိတ်များ ထွက်ပေါ်လာပြီး စစ်ပွဲအတွင်းမှသာ ဖြစ်ပေါ်လာနိုင်သော သွေးဆာရက်စက်သည့် ရောင်ဝါများလည်း ကိန်းအောင်းနေသည်။</p> <p> </p> <p>"ကဲပါကွာ.. သိပ်တင်းမာမနေစမ်းပါနဲ့။ ဒါက ပြပွဲလုပ်နေတဲ့ အင်ပါယာသလင်းကျောက်ကြယ်လေ။ စစ်မြေပြင်မှမဟုတ်တာ"</p> <p> </p> <p>ဂူဒယ်လ်ဟုခေါ်သော လူငယ်က လှောင်ပြောင်လိုက်သည်။</p> <p> </p> <p>"မင်းကို ထွက်ပြေးသွားပြီထင်နေတာ။ ဆယ်စုနှစ်တွေနဲ့ချီပြီး စစ်မြေပြင်မှာ မတွေ့ရပါလား"</p> <p> </p> <p>"အစ်ကို သူကဘယ်သူလဲ"</p> <p> </p> <p>ရှာယန်နာနှင့် သူ(မ)၏ညီမက သူတို့အစ်ကို၏ အနောက်သို့ အလိုလိုဝင်ပုန်းလိုက်ကြသည်။</p> <p> </p> <p>အာပါချီက ရှုပ်ပွေသူတစ်ယောက်နှင့် တူသော်လည်း ၎င်းမှာ ပြင်းထန်လှသော စိတ်ပိုင်းဆိုင်ရာထိခိုက်မှုကြောင့်ဖြစ်ကြောင်း ညီမဖြစ်သူများက သိထားသည်။ သို့သော် ထိုမတိုင်မီက သူသည် အန်ဒရိုမီဒါမျိုးနွယ်စု၏တပ်မတော်မှ ထူးချွန်သော စစ်သားတစ်ဦးပင်။</p> <p> </p> <p>"သူက ဂူဂေါလ်မျိုးနွယ်စုက"</p> <p> </p> <p>ဂူဂေါလ်မျိုးနွယ်စုဟူသော စကားလုံးကို ကြားလိုက်ရသည်နှင့် ရှာယန်နာနှင့် ညီမဖြစ်သူတို့၏ မျက်နှာထက်တွင် အလွန်သတိထားနေလေဟန် အမူအရာများ ချက်ချင်းပေါ်လာသည်။ ဤမျိုးနွယ်စုမှာ အန်ဒရိုမီဒါမျိုးနွယ်စုနှင့် နှစ်ပေါင်းရာချီ စစ်ပွဲဖြစ်ပွားနေသော မျိုးနွယ်စုပင်။</p> <p> </p> <p>"ငါတို့အစ်ကိုသုံးယောက်က သူ့လက်ချက်ကြောင့် စစ်မြေပြင်မှာ သေခဲ့ရတာ"</p> <p> </p> <p>ထိုသို့ပြောလိုက်စဉ် အာပါချီခမျာ အံတင်းတင်းကြိတ်ထားမိသည်။</p> <p> </p> <p>တစ်ချိန်က အန်ဒရိုမီဒါမျိုးနွယ်စုတွင် အာပါချီအပါအဝင် အလွန်ထူးချွန်လှသော သားလေးယောက်ရှိခဲ့သည်။ သူတို့သည် အန်ဒရိုမီဒါတပ်မတော်ရှိ အကောင်းဆုံးတပ်မကြီးလေးခု၏ တပ်မှူးများဖြစ်ကြပြီး ဂူဂေါလ်မျိုးနွယ်စုနှင့် နှစ်ပေါင်းရာချီကြာအောင် တိုက်ပွဲဝင်ရန် တပ်မတော်ကို ဦးဆောင်ခဲ့ကြသည်။</p> <p> </p> <p>ဤဂူဒယ်လ်သည် ဂူဂေါလ်မျိုးနွယ်စုအတွင်း စစ်ရေးအတော်ဆုံးဖြစ်သော သခင်ကြီး၏ သားဖြစ်ပြီး သူတို့သည် အမြဲတမ်း အကြိတ်အနယ်ရှိခဲ့ကြသည်။</p> <p> </p> <p>သို့သော် ထိုစစ်ဆင်ရေးကာလအတွင်း ဂူဒယ်လ်သည် အလွန်အမင်းဆိုးဝါးသော လုပ်ရပ်တစ်ခုကို ကျူးလွန်ခဲ့သည်။ သူသည် စစ်သည်ဘီလီယံပေါင်းများစွာကို စတေးကာ အန်ဒရိုမီဒါမျိုးနွယ်စု၏ ပိတ်ဆို့မှုကို တိတ်တဆိတ်ရှောင်ကွင်းပြီး လူဦးရေထူထပ်သော ဂြိုဟ်များရှိရာ နယ်မြေထဲသို့ ဝင်ရောက်၍ အစွမ်းထက်သော ဂြိုဟ်ဖျက်အမြောက်ကြီးဖြင့် ခြိမ်းခြောက်ခဲ့သည်။</p> <p> </p> <p>သူတို့၏ နိုင်ငံသားများကို ကယ်တင်ရန်အတွက် အာပါချီ၏ အစ်ကိုသုံးယောက်နှင့် သူတို့၏တပ်မကြီးသုံးခုမှာ အလွန်နာကျင်ဖွယ်ကောင်းစွာ အဆုံးသတ်ခဲ့ရပြီး ထိုဒေသရှိ ထောင်ပေါင်းများစွာသော မျိုးနွယ်စုဂြိုဟ်များလည်း ဖျက်ဆီးခံခဲ့ရသည်။ အာပါချီကိုယ်တိုင်ပင် အပြင်းအထန်ဒဏ်ရာရခဲ့သည်။</p> <p> </p> <p>နောက်ပိုင်းတွင် ထိုအဖြစ်အပျက်များမှ လွတ်မြောက်ရန်နှင့် မိမိကိုယ်ကို ထုံထိုင်းသွားစေရန်အတွက် အာပါချီသည် လုံးဝမတူတော့သော လူတစ်ယောက် ဖြစ်လာခဲ့သည်။</p> <p> </p> <p>သို့သော် သူနှင့် ဂူဒယ်လ်ကြားတွင်မူ မပြေလည်နိုင်သော သွေးကြွေးတစ်ခု ရှိနေချေသည်။</p> <p> </p> <p>"ဂူဒယ်လ်.. မင်း ငါတို့အပေါ် အကြွေးတင်နေတာမှန်သမျှ တစ်နေ့ကျရင် ငါ အကုန်ပြန်ယူပြမယ်"</p> <p> </p> <p>အာပါချီက အံတင်းတင်းကြိတ်လျက် ပြောလိုက်သည်။</p> <p> </p> <p>"သြော် ဟုတ်လား။ ဒါပေမဲ့ မင်းတို့မျိုးနွယ်စုရဲ့ တပ်မတော်က သိပ်ကြာကြာတောင့်ခံနိုင်တော့မယ် မထင်ဘူးနော်"</p> <p> </p> <p>ဂူဒယ်လ်က ရယ်မောလိုက်လေရာ အမာရွတ်များဖြင့်ပြည့်နေသော သူ့မျက်နှာမှာ အလွန် ကြောက်မက်ဖွယ်ကောင်းနေတော့သည်။</p> <p> </p> <p>"အနောက်ဒရစ်ဇယ်လ်မျိုးနွယ်စုက ဒီတစ်ခေါက် ငါတို့ကိုကူညီဖို့ အဆင့်လေးစံသတ်မှတ်ချက်ဝင်စစ်သင်္ဘောအုပ်စုတစ်စုကို စေလွှတ်ပေးဖို့ သဘောတူလိုက်ပြီ။ မင်းတို့မျိုးနွယ်စုက ဘယ်လောက်ကြာကြာခံနိုင်မယ် ထင်လဲ"</p> <p> </p> <p>"အဆင့်လေးစစ်သင်္ဘောအုပ်စု..."</p> <p> </p> <p>အာပါချီခမျာ ချက်ချင်းတိတ်ဆိတ်သွားသည်။ ယခုအချိန်တွင် သူတို့၏တပ်မတော်သည် ယခင်က အင်အားအကောင်းဆုံးအချိန်၏ တစ်ဝက်ပင် မပြည့်တော့ပေ။ အဆင့်လေးစစ်သင်္ဘောအုပ်စု တစ်ခုက သူတို့ကို စကြဝဠာစံတော်ချိန်နှစ်နှစ်အတွင်း အမြစ်ပြတ်သုတ်သင်ပစ်နိုင်သည်။</p> <p> </p> <p>သူတို့မျိုးနွယ်စု၏ဥပဒေအရ သူတို့၏ အန်ဒရိုမီဒါ မျိုးနွယ်စုသို့ ကျူးကျော်ဝင်ရောက်ခြင်း မရှိနိုင်သော်လည်း သူတို့ပိုင်ဆိုင်ထားသည့် နယ်မြေများစွာ ဆုံးရှုံးရမည်ဖြစ်ပြီး ဂူဂေါလ်မျိုးနွယ်စု၏ အနိုင်ကျင့်ဗိုလ်ကျခြင်းကိုလည်း အချိန်ကြာမြင့်စွာ ခံရမည်မှာ သေချာလှသည်။ ဤသည်မှာ စစ်ရှုံးသော မျိုးနွယ်စုတစ်ခု၏ ကံကြမ္မာပင်တည်း။</p> <p> </p> <p>"အစ်ကို.. ရှာယန်နာ့အဖေကို သွားရှာမှာမဟုတ်ဘူးလား။ ဘာလို့ ဒီမှာရပ်နေတာလဲ"</p> <p> </p> <p>နောက်ဆုံးတော့ ကျန်းမုန့်လောင်နှင့် အိုင်းရင်းတို့လည်း လူအုပ်ထဲက တိုးထွက်လာနိုင်ခဲ့ပြီး တင်းမာနေသော အခြေအနေကို မြင်လိုက်ရချိန်ဝယ် တစ်ခုခုဖြစ်နေပြီဖြစ်ကြောင်း ချက်ချင်း သဘောပေါက်လိုက်သည်။</p> <p> </p> <p>ဤဂူဂေါလ်မျိုးနွယ်ဝင်နှင့် ပတ်သက်သည့်ကိစ္စကို ရှာယန်နာက ရှင်းပြလိုက်ချိန်ဝယ် အိုင်းရင်း၏အမူအရာကား ပျက်ယွင်းသွားချေသည်။</p> <p> </p> <p>"အာပါချီ.. ဒီဂူဂေါလ်မျိုးနွယ်စုကို ငါတို့ ရှင်းထုတ်ပေးလိုက်ရင် ရှာယန်နာ့အဖေလည်း သူ့ကို ဂါလာမျိုးနွယ်စုက တပ်မှူးကြီးရဲ့သားနဲ့ ပေးစားဖို့ စဉ်းစားစရာမလိုတော့ဘူးမလား"</p> <p> </p> <p>"သေ... သေချာတာပေါ့"</p> <p> </p> <p>တကယ်တမ်းတွင် သူတို့၏အကူအညီမပါလျှင်ပင် ရှာယန်နာ၏အဖေက သူ(မ)ကို အခြားမည်သူနှင့်မှ ပေးစားရဲမည်မဟုတ်ပေ။</p> <p> </p> <p>ကျန်းမုန့်လောင်က ဂရုချက်ကို တစ်ဖန်ပြန်ဖွင့်လိုက်သည်။</p> <p> </p> <p>"ရောက်ကြပြီလား"</p> <p> </p> <p>ကျန်းမုန့်လောင် မက်ဆေ့ခ်ျပို့လိုက်သည်နှင့် နာရီအနည်းငယ်ကြာအောင် တိတ်ဆိတ်နေသော ဂရုမှာ ရုတ်တရက် ပြန်လည်အသက်ဝင်လာသည်။</p> <p> </p> <p>"ဆရာသခင်.. ကျွန်တော့်ရဲ့စစ်သင်္ဘောအုပ်စု ရောက်နေပါပြီ။ အမြွှာဝေလငါးစကြဝဠာအင်ပါယာရဲ့ အစွန်အဖျားမှာပါ။ ဆရာသခင် ညွှန်ကြားထားတဲ့နေရာကို အမြန်ဆုံးနှုန်းနဲ့ လာနေပါတယ်။ ငါးမိနစ်ပဲ ကြာပါမယ်"</p> <p> </p> <p>"ဆရာသခင်.. ကျွန်တော့်စစ်သင်္ဘောအုပ်စုလည်း ရောက်ပါပြီ။ လက်ရှိမှာ မြင့်မားတဲ့အတိုင်းအတာတစ်ခုနဲ့ ကိုယ်ယောင်ဖျောက်ပြီး ဆရာသခင်ရဲ့အမိန့်ကို စောင့်ဆိုင်းနေပါတယ်"</p> <p> </p> <p>"ဆရာသခင်.. လက်နက်တွေ အဆင်သင့်ဖြစ်နေပါပြီ။ ဘယ်သူ့ကို တိုက်ရမလဲသာ ပြောလိုက်ပါ။ ချက်ချင်းလုပ်လိုက်ပါ့မယ်"</p> <p> </p> <p>စကြဝဠာစံတော်ချိန် နှစ်နာရီသုံးနာရီမျှသာ ကြာသေးသော်လည်း အနီးဆုံးမျိုးနွယ်စု၏ စစ်သင်္ဘောအုပ်စုသည် အလင်းနှစ်ဘီလီယံဆယ်ချီကို ဖြတ်သန်းကာ အမြွှာဝေလငါးစကြဝဠာအင်ပါယာအနီးသို့ ရောက်ရှိနေပြီဖြစ်လေရာ ကျန်းမုန့်လောင်ကိုယ်တိုင်ပင် သူတို့၏ နည်းပညာ အဆင့်အတန်းမြင့်မားမှုကို အံ့သြချီးကျူးမိသည်။</p> <p> </p> <p>အာကာသဖြတ်လမ်းကို ခုန်ကျော်ဖြတ်သန်းသည့် နည်းပညာ၏ စွမ်းအင်သုံးစွဲမှုမှာ ကြီးမားလှပြီး အာကာသအချိန်ဥမင်လှိုဏ်ခေါင်းကိုဖွင့်ရန် ဧရာမစက်ပစ္စည်းတစ်ခုကို လိုအပ်သဖြင့် စစ်ပွဲထောက်ပံ့မှုများတွင်သာ အသုံးပြုလေ့ရှိသည်။ ကျန်းမုန့်လောင်၏ စတားဂေဇာပင် ထိုကဲ့သို့သော စက်ပစ္စည်းမျိုး မရှိပေ။ ဤအဖြစ်မှာ သခင်ကြီးများက ကျန်းမုန့်လောင်နှင့်ပတ်သက်သည့် ကိစ္စကို မည်မျှတန်ဖိုးထားကြောင်း မှန်းဆကြည့်နိုင်သည်။</p> <p> </p> <p>ဤှသည်မှာ ကုန်ကျစရိတ်ကို မငဲ့ကွက်သည့် အခြေအနေအထိ ရောက်ရှိနေလေပြီ။</p> <p> </p> <p>"အားလုံးကို ကျေးဇူးတင်ပါတယ်"</p> <p> </p> <p>ကျန်းမုန့်လောင် ရေတွက်ကြည့်လိုက်လေရာ မျိုးနွယ်စုခုနစ်ခု၏ စစ်သင်္ဘောအုပ်စုများ ရောက်ရှိနေပြီဖြစ်၏။ အမြွှာဝေလငါးစကြဝဠာအင်ပါယာ၏ စစ်သင်္ဘောအုပ်စု အချက်အလက်များနှင့် ယှဉ်လျှင် ထိုမျိုးနွယ်စုများ၏ သင်္ဘောယာဉ်စုများမှာ အနည်းဆုံး အဆင့်နှစ်ဆင့်ခန့် ပိုမြင့်မားပြီး အားလုံးနီးပါးကလည်း အဆင့်ငါးအထက်တန်းစား မျိုးနွယ်စုများ၏ စံသတ်မှတ်ချက်ဝင် စစ်သင်္ဘောကြီးများ ဖြစ်နေကြသည်။</p> <p> </p> <p>"နောက်ကျရင် ခင်ဗျားတို့အတွက် သိုင်းလက်နက်တချို့ဖန်တီးပေးဖို့ အချိန်ပေးပါ့မယ်"</p> <p> </p> <p>ကျန်းမုန့်လောင်က ကတိပေးလိုက်သည်။ အဆင့်ခြောက် သို့မဟုတ် အဆင့်ခုနစ်သိုင်းလက်နက် ဆယ်လက်၊ အလက်နှစ်ဆယ်ခန့်ကို တစ်နေ့တည်းဖြင့် ဖန်တီးနိုင်စွမ်းရှိသော သူ့အတွက်မူ ခက်ခဲလှသော ကိစ္စမဟုတ်ပေ။ သူတို့က သူ့ကို ကူညီခဲ့သည့်အတွက် သူကလည်း အပြန်အလှန်အနေနှင့် ဆုလာဘ်တစ်ခုခု ပေးရမည်ဖြစ်၏။</p> <p> </p> <p>"ကျေးဇူးတင်ပါတယ် ဆရာသခင်"</p> <p> </p> <p>"ကျေးဇူးတင်ပါတယ် ဆရာသခင်.. နောက်နောင် ဒီလိုအကူအညီမျိုးလိုအပ်ရင် ကျွန်တော်တို့ကိုသာ အသိပေးလိုက်ပါ"</p> <p> </p> <p>ထိုကဲ့သို့သော ကတိစကားကြောင့် ထိုသခင်ကြီးများမှာ ကျေနပ်အားရစွာ ပြုံးရွှင်နေကြတော့သည်။ သူတို့၏ ရင်းနှီးမြှုပ်နှံမှုမှာ အရာထင်သွားပြီဖြစ်၏။</p> <p> </p> <p>"ကောင်းပြီ အားလုံးပဲ။ အခု ငါပေးထားတဲ့ ကိုဩဒိနိတ်တွေဆီကို သွားပြီး အဲဒီဂူဂေါလ်မျိုးနွယ်စုရဲ့တပ်မတော်နဲ့ သူတို့သခင်ကြီးရဲ့ အိမ်တော်ကို ရှင်းပစ်လိုက်။ ဒါက မင်းတို့အတွက် ပြဿနာမရှိနိုင်ပါဘူးနော်"</p> <p> </p> <p>"ဆရာသခင်.. စိတ်ချပါ။ အဆင့်သုံးမျိုးနွယ်စုတစ်ခုလေးပါ။ ကျွန်တော်တို့ ချက်ချင်းရှင်းပေးပါ့မယ်"</p> <p> </p> <p>"ဟုတ်ကဲ့ပါ ဆရာသခင်.. အဲဒီအမြွှာဝေလငါးစကြဝဠာအင်ပါယာဆိုတာ အခြေခံအဆင့်ငါးမျိုးနွယ်စုလေးတစ်ခုပါ။ သူတို့အရှင်သခင် အသံတစ်သံတောင် ထွက်ရဲမှာမဟုတ်ဘူးလို့ အာမခံပါတယ်"</p> <p> </p> <p>"သူသာကန့်ကွက်ရဲရင် သူ့ကိုပါ တစ်ခါတည်း ရှင်းပစ်လိုက်မယ်"</p> <p> </p> <p> </p> <p> </p> <p> </p> <p> </p> <p>*******************</p> <p> </p> <p>***</p> <p> </p>


Save