Book List

<h2 style="text-align: center;">အခန်း ၈၄၉</h2> <h2 style="text-align: center;">ငါ ဝင်မပါရဲဘူး</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p>အမြွှာဝေလငါးစကြဝဠာအင်ပါယာ၊ အမှတ်၈တပ်မတော်စု၏ နယ်စပ်ဒေသ...</p> <p> </p> <p>ဤတပ်မကြီးသည် အမြွှာဝေလငါးစကြဝဠာအင်ပါယာကို တည်ထောင်ကတည်းက တည်ရှိခဲ့သော တပ်မကြီးပင်။ တပ်မတစ်ခုလုံးတွင် အဆင့်နှစ် သက်ရှိများ၏ ကိုယ်ကာယကြံ့ခိုင်မှုအဆင့်ရှိသော စစ်သည်အင်အား တစ်ဆယ်ဘီလီယံရှိပြီး တပ်မှူးမှာ အဆင့်ခြောက်သက်ရှိအဆင့်သို့ ချိုးဖောက်ဝင်ရောက်ရန် နီးစပ်နေသော သိုင်းပညာရှင်တစ်ဦး ဖြစ်၏။</p> <p> </p> <p>အမြွှာဝေလငါးစကြဝဠာအင်ပါယာတွင် စုစုပေါင်း တပ်မကြီး၁၁၇ခု၊ အဆင့်ငါးအခြေခံအဆင့်မြင့် မျိုးနွယ်စုစစ်သင်္ဘောအုပ်စု ၁၂ခုရှိပြီး ဤအမှတ် ၈တပ်မတော်စုသည် အဆင့်ငါးမျိုးနွယ်စုစစ်သင်္ဘောအုပ်စုတစ်ခုကို သီးခြားပိုင်ဆိုင်ထားသည်။ ၎င်းမှာ တပ်မကြီးအားလုံးထဲတွင် အင်အားအကြီးဆုံး တိုက်ခိုက်ရေးစွမ်းအားစု ဖြစ်ကြောင်း မှန်းဆကြည့်နိုင်ပေသည်။</p> <p> </p> <p>အကြောင်းမှာ သူတို့စောင့်ကြပ်ရသော နေရာသည် အမြွှာဝေလငါးစကြဝဠာအင်ပါယာတစ်ခုလုံးတွင် အန္တရာယ်အများဆုံးနေရာဖြစ်သလို မျိုးနွယ်စု အသီးသီးကြား အဆက်အသွယ်အများဆုံး ပြုလုပ်လေ့ရှိသည့် ဒေသလည်း ဖြစ်သောကြောင့်တည်း။ အမြွှာဝေလငါးစကြဝဠာအင်ပါယာကို ကျူးကျော်ရန် ကြိုးစားသည့် စစ်သင်္ဘောအုပ်စု ၉၀ရာခိုင်နှုန်းကျော်မှာ ဤဒေသကို ဖြတ်သန်းသွားကြရသည်။</p> <p> </p> <p>သို့သော် လက်ရှိတွင် စကြဝဠာတစ်ခုလုံးမှာ အများအားဖြင့် ငြိမ်းချမ်းသော အခြေအနေတွင် ရှိပြီး စစ်ပွဲကြီးကြီးမားမားလည်း သိပ်မရှိပေ။ အမြွှာဝေလငါးစကြဝဠာအင်ပါယာ၏ နယ်စပ်ကလည်း နှစ်ပေါင်းသိန်းနှင့်ချီတိုင်အောင် မည်သည့် ဆူပူအုံကြွမှုမျိုးမှ မရှိခဲ့ပေ။</p> <p> </p> <p>သို့ရာတွင် စစ်သည်များဖြစ်သည့်အလျောက် သူတို့သည် စစ်စည်းကမ်းကို အမြင့်မားဆုံး ထိန်းသိမ်းထားရမည်ဖြစ်၏။ ဤအမှတ်၈တပ်မတော်စု၏ တပ်စခန်းမှာ အဓိကအားဖြင့် စစ်သည်များကို နေ့စဉ်လေ့ကျင့်ပေးရန်ဖြစ်ပြီး ပုံမှန်ကင်းလှည့်သည့် တာဝန်များနှင့် နယ်စပ်မျိုးနွယ်စုများ၏ ငြိမ်းချမ်းရေးထိန်းသိမ်းမှု တာဝန်တချို့ကလွဲ၍ ထမ်းဆောင်စရာ တိုက်ခိုက်ရေးတာဝန်များ မရှိပေ။</p> <p> </p> <p>"ဒီနေ့လေ့ကျင့်ရေး ဒီမှာတင်ပြီးပြီ"</p> <p> </p> <p>အဆင့်ငါးသက်ရှိတစ်ဦး၏ လမ်းညွှန်မှုအောက်တွင် စစ်သည်များမှာ ယနေ့အတွက် လေ့ကျင့်ရေးကို အဆုံးသတ်လိုက်ကြသည်။</p> <p> </p> <p>"ဒီနေ့ တာဝန်ကျတဲ့အဖွဲ့က ကင်းလှည့်တဲ့တာဝန်ကို ထမ်းဆောင်ကြတော့"</p> <p> </p> <p>"ဟုတ်ကဲ့ပါ နည်းပြကြီး"</p> <p> </p> <p>ထိုအဆင့်ငါးသက်ရှိမှာ လေ့ကျင့်ရေးကွင်းထဲမှ ထွက်ခွာလာပြီး သူတို့၏ကျင့်ကြံရေးအခန်းထဲသို့ ပြန်သွားလေသည်။ အဆင့်ငါးသက်ရှိတစ်ဦးအတွက် ယခုလို သာမန်လေ့ကျင့်မှုမျိုးက အဓိပ္ပာယ်သိပ်မရှိလှပေ။ သူတို့အနေနှင့် ဆွဲငင်အားလေ့ကျင့်မှု၊ အပူချိန်မြင့်လေ့ကျင့်မှု စသည့် ပိုမို ပြင်းထန်သော လေ့ကျင့်ရေးပတ်ဝန်းကျင်မျိုးကို လိုအပ်သည်။</p> <p> </p> <p>တပ်မကြီး၏တပ်စခန်းတွင် ဤကဲ့သို့သော ကျင့်ကြံရေးအခန်းများကို တပ်မထဲရှိ အဆင့်မြင့် အရာရှိများအတွက် အထူးတည်ဆောက်ပေးထားသည်။ သို့မှသာ သူတို့အနေနှင့် ပျင်းစရာကောင်းလှသော နှစ်ပေါင်းထောင်သောင်းချီသည့် တာဝန်ထမ်းဆောင်ချိန်များကို တောင့်ခံနိုင်မည်ဖြစ်၏။</p> <p> </p> <p>"တပ်မှူး"</p> <p> </p> <p>တောင့်တင်းခိုင်မာသော လူလတ်ပိုင်းအရွယ် အမျိုးသားတစ်ယောက်က ကျင့်ကြံရေးအခန်းထဲမှ ထွက်လာသည်။ သူ့ခန္ဓာကိုယ်မှ သွေးဆာနေသော ရောင်ဝါများသာမက ကြီးမားလှသော ဖိအားများပါ ထွက်ပေါ်နေသည်။</p> <p> </p> <p>အမြွှာဝေလငါးစကြဝဠာအင်ပါယာ၏ အရှင်ဘုရင်ပြီးလျှင် ဒုတိယအာဏာအမြင့်ဆုံး သက်ရှိအဆင့်ဖြစ်သော ဩဂတ်စတပ်စ်သည် နှစ်ပေါင်းတစ်သောင်းအတွင်း အဆင့်ခြောက်သက်ရှိအဆင့်သို့ ချိုးဖောက်ဝင်ရောက်နိုင်ပြီး ထာဝရအသက်ရှင်ခွင့်ရမည့် သန်မာသူတစ်ဦး ဖြစ်လာလိမ့်မည်ဟု အမြွှာဝေလငါးစကြဝဠာအင်ပါယာ၏ အရှင်သခင်ကပင် ခန့်မှန်းထားသည်။</p> <p> </p> <p>"ကာယာ.. ဒီတလော နယ်စပ်မှာ ဘာကိစ္စမှမဖြစ်ဘူးမဟုတ်လား။ အနီးအနားက စကြဝဠာအင်ပါယာတချို့ ပဋိပက္ခတွေ တော်တော်ပြင်းထန်နေတယ်လို့ ကြားတယ်"</p> <p> </p> <p>"စိတ်ချပါ တပ်မှူး။ သူတို့ရဲ့ပဋိပက္ခတွေက နယ်စပ်မှာ ဖြစ်နေတာပါ။ ကျွန်တော်တို့ဆီကနေ အနည်းဆုံး အလင်းနှစ် သန်းနဲ့ချီပြီး ဝေးတဲ့အတွက် ကျွန်တော်တို့ဘက်ကို မထိခိုက်နိုင်ပါဘူး"</p> <p> </p> <p>"အင်း.. ဒါပေမဲ့ မင်းတို့ ပေါ့ဆလို့တော့မရဘူးနော်။ အရှင်သခင်က ဒီလိုအရေးကြီးတဲ့ နယ်စပ်စောင့်ကြပ်ရေးတာဝန်ကို ငါ့ကို ယုံကြည်လို့ ပေးအပ်ထားတာ။ ငါ သူ့ကို စိတ်ပျက်အောင် လုပ်လို့မဖြစ်ဘူး"</p> <p> </p> <p>"ဟုတ်ကဲ့ပါ"</p> <p> </p> <p>တပ်မနည်းပြက လေးနက်စွာ ပြောလိုက်သည်။</p> <p> </p> <p>"ကျွန်တော်တို့ နေ့တိုင်း ကင်းလှည့်သင်္ဘောတွေအများကြီးကို အဆက်မပြတ်ကင်းလှည့်ဖို့ စေလွှတ်ထားပါတယ်။ ဘယ်လိုအခြေအနေပဲဖြစ်ဖြစ် ချက်ချင်းသတင်းပို့ပါလိမ့်မယ်"</p> <p> </p> <p>"တီ တီ တီ"</p> <p> </p> <p>ကာယာ၏ ဆက်သွယ်ရေးစက်မှတစ်ဆင့် ဆက်သွယ်မှုတောင်းဆိုချက်တစ်ခု ရုတ်ခြည်းဝင်လာသည်။</p> <p> </p> <p>"ကာယာပါ"</p> <p> </p> <p>"သတင်းပို့ပါတယ် နည်းပြ.. ဒါက အမှတ်၈တပ်မရဲ့ သုံးဆယ့်နှစ်ခုမြောက်ကင်းလှည့်တပ်ဖွဲ့ပါ။ ကျွန်တော်တို့ လက်ရှိကိုဩဒိနိတ် b65.g76757နားမှာ ရှိနေပါတယ်။ အခုလေးတင် ကြီးမားတဲ့ စွမ်းအင်လှိုင်းတစ်ခု ထွက်ပေါ်လာပြီး လောလောဆယ်မှာ အဆင့်ငါးအဆင့်မြင့်မျိုးနွယ်စုတစ်ခုရဲ့ စစ်သင်္ဘောယာဉ်စုအဖြစ် သတ်မှတ်ထားပါတယ်"</p> <p> </p> <p>"မင်း ဘာပြောလိုက်တယ်"</p> <p> </p> <p>အမှတ်၈တပ်မ စောင့်ကြပ်နေသည့်နေရာတွင် သူတို့ကိုယ်ပိုင်စစ်သင်္ဘောယာဉ်စုကလွဲ၍ အခြားအဆင့်ငါးမျိုးနွယ်စု စစ်သင်္ဘောယာဉ်စုများ ရှိနေရန် မဖြစ်နိုင်ပေ။ သူတို့၏ စစ်သင်္ဘောယာဉ်စုကလည်း ဌာနချုပ်တွင် ပြုပြင်ထိန်းသိမ်းမှု ခံယူနေဆဲဖြစ်လေရာ ၎င်းမှာ အဆင့်ငါးအခြေခံမျိုးနွယ်စု၏ စစ်သင်္ဘောယာဉ်စုတစ်ခုမျှသာ။</p> <p> </p> <p>"မင်း သေချာလား"</p> <p> </p> <p>"သေချာပါတယ်။ ကျွန်တော်တို့ရဲ့ ထောက်လှမ်းရေးစက်တွေက အဆင့်ငါး အထွတ်အထိပ်စစ်သင်္ဘောအစင်းတစ်ထောင်ကျော်နဲ့ ညီမျှတဲ့ စွမ်းအင်တွေကို ထောက်လှမ်းမိထားပါတယ်"</p> <p> </p> <p>တစ်ဖက်လူ၏ လေသံမှာ တုန်ယင်နေလေသည်။</p> <p> </p> <p>ဤမျှကြီးမားသော စစ်သင်္ဘောယာဉ်တန်းက မလိုလားအပ်သော ရည်ရွယ်ချက်ဖြင့် လာရောက်ခြင်းသာဆိုလျှင် အမှတ်၈တပ်မ၏ စစ်သင်္ဘောအယာဉ်စုမှာ သုံးရက်မပြည့်ခင်မှာပင် အမြစ်ပြတ် သုတ်သင်ခံရလိမ့်မည်။</p> <p> </p> <p>"မင်းတို့ သူတို့ကို သတိပေးချက်ထုတ်ပြန်ပြီးပြီလား"</p> <p> </p> <p>"ထုတ်ပြန်ပြီးပါပြီ။ ဒါပေမဲ့ အခုအချိန်ထိ တစ်ဖက်က ဘာတုံ့ပြန်မှုမှ မရသေးပါဘူး"</p> <p> </p> <p>"ဘာဖြစ်နေတာလဲ"</p> <p> </p> <p>တပ်မှူးဩဂတ်စတပ်စ်မှာ ကာယာ၏ မျက်နှာပေါ်ရှိ တင်းမာနေသော အမူအရာကို မြင်လိုက်ရသည်။</p> <p> </p> <p>"ကင်းလှည့်သင်္ဘောက အဆင့်ငါးအဆင့်မြင့်မျိုးနွယ်စုတစ်ခုရဲ့ စစ်သင်္ဘောယာဉ်တန်းတစ်ခုကို တွေ့ထားပါတယ်။ သူတို့ ကျွန်တော်တို့ဆီကို လာနေတာလားဆိုတာတော့ မသိရသေးပါဘူး"</p> <p> </p> <p>ကာယာကလည်း သတင်းပို့လိုက်သည်။</p> <p> </p> <p>စကားပြောပြီးသည်နှင့် ကာယာ၏ ဆက်သွယ်ရေးစက်က ထပ်မြည်လာပြန်သည်။</p> <p> </p> <p>"သတင်းပို့ပါတယ် နည်းပြကာယာ..ကိုဩဒိနိတ် h786.s467မှာ အဆင့်ငါးအဆင့်မြင့်မျိုးနွယ်စုရဲ့ စစ်သင်္ဘောယာဉ်စုနှစ်စု ပေါ်လာပါတယ်"</p> <p> </p> <p>"တီ တီ တီ"</p> <p> </p> <p>"သတင်းပို့ပါတယ် နည်းပြ.. ကိုဩဒိနိတ် c67.i9887ရှိတဲ့ ဧရိယာတစ်ခုမှာ အဆင့်ငါး အထွတ်အထိပ်မျိုးနွယ်စုရဲ့ လက်အောက်ခံ စစ်သင်္ဘောယာဉ်စုတစ်ခု ပေါ်လာပါတယ်"</p> <p> </p> <p> </p> <p>...</p> <p> </p> <p> </p> <p>မိနစ်အနည်းငယ်အတွင်းမှာပင် သူတို့၏တပ်မကို အဆင့်ငါးအလယ်အလတ်မျိုးနွယ်စု သို့မဟုတ် ၎င်းထက်ပိုမြင့်သော မျိုးနွယ်စုများ၏ စစ်သင်္ဘောယာဉ်စု အနည်းဆုံးဆယ်ခုက ဝန်းရံထားကြောင်း တွေ့လိုက်ရသည်။</p> <p> </p> <p>"ဒါ ဘာတွေဖြစ်နေတာလဲ"</p> <p> </p> <p>သူ့တစ်သက် အရွယ်အစားအမျိုးမျိုးရှိသော စစ်ပွဲပေါင်း မရေမတွက်နိုင်အောင် ကြုံတွေ့ခဲ့ဖူးသည်။ အများစုမှာ အင်အားမျှတသော တိုက်ပွဲများသာ။ ဩဂတ်စတပ်စ်ခမျာ လက်ရှိအခြေအနေတွင် ခုခံရန် လုံးဝမလိုအပ်တော့သည့် အခြေအနေနှင့် ရင်ဆိုင်လိုက်ရသည်။ အကြောင်းမှာ ဤစစ်သင်္ဘောယာဉ်စုဆယ်စုထဲမှ မည်သည့်အုပ်စုမဆို အမြွှာဝေလငါးစကြဝဠာအင်ပါယာ၏ တပ်မအားလုံးကို အလွယ်တကူဖျက်ဆီးပစ်နိုင်သောကြောင့်ပင်။</p> <p> </p> <p>"တစ်ဖက်က အကြောင်းပြန်လာပါပြီ"</p> <p> </p> <p>နောက်ဆုံးတွင် တပ်ဖွဲ့တစ်ခုမှ သတင်းစကားကို ပြန်လည်ယူဆောင်လာသည်။</p> <p> </p> <p>"သူတို့ဘက်က ဘာပြောလဲ"</p> <p> </p> <p>ဩဂတ်စတပ်စ်လည်း ကာယာ၏ ဆက်သွယ်ရေးစက်ကို အမြန်လုယူလိုက်သည်။</p> <p> </p> <p>"တ... တပ်မှူးလား"</p> <p> </p> <p>"အခြေအနေကို အခုချက်ချင်း သတင်းပို့စမ်း"</p> <p> </p> <p>"ဟုတ်ကဲ့ပါ။ တပ်မှူးကို သတင်းပို့ပါတယ်။ တစ်ဖက်လူတွေက သူတို့ဟာ အော်ရီရီယာမျိုးနွယ်စုက လာတာလို့ ဆိုပါတယ်။ ကျွန်တော်တို့ကို ရန်ပြုဖို့ ရည်ရွယ်ချက်မရှိဘဲ လမ်းခဏငှားချင်ရုံသက်သက်ပါတဲ့။ သူတို့ရဲ့ ခရီးစဉ်လမ်းကြောင်းကိုလည်း ကျွန်တော်တို့ဆီ ပို့ပေးထားပြီးပါပြီ"</p> <p> </p> <p>"အော်ရီရီယာမျိုးနွယ်စုလား"</p> <p> </p> <p>စကြဝဠာအင်ပါယာတစ်ခု၏ တပ်မှူးတစ်ယောက်အနေနှင့် ကျော်ကြားလှသော ဤစကြဝဠာအင်ပါယာများကို ဩဂတ်စတပ်စ် မသိဘဲမနေပေ။</p> <p> </p> <p>အော်ရီရီယာစကြဝဠာအင်ပါယာသည် သမိုင်းကြောင်း နှစ်ဘီလီယံကျော်ရှိပြီး အမြွှာဝေလငါးစကြဝဠာအင်ပါယာထက် နယ်မြေအကျယ်အဝန်းငါးဆခန့် ပိုမိုကြီးမားကာ စစ်ရေးအင်အားကလည်း သူတို့ထက် အဆပေါင်းများစွာ သာလွန်သည်။ သူတို့၏ အရှင်သခင်မှာ အစွမ်းထက်လှသော အဆင့်ခြောက်အထက်တန်းစားသက်ရှိတစ်ဦးပင်။</p> <p> </p> <p>"တပ်မှူး.. ကျွန်တော်တို့ဆီလည်း အကြောင်းပြန်စာရပါပြီ။ သူတို့ကလည်း လမ်းငှားချင်တယ်လို့ ပြောပါတယ်"</p> <p> </p> <p>"ဘယ်မျိုးနွယ်စုကလဲ"</p> <p> </p> <p>"သူတို့က လခြမ်းကွေးစကြဝဠာအင်ပါယာက စစ်သင်္ဘောယာဉ်တန်းလို့ ဆိုပါတယ်"</p> <p> </p> <p>"လာပြန်ပြီ။ အဆင့်ငါးအဆင့်မြင့်မျိုးနွယ်စုတစ်ခုပဲ..."</p> <p> </p> <p>သတင်းစကားများ ဆက်တိုက်ရောက်လာသည်။ ဤစစ်သင်္ဘောယာဉ်စုများအားလုံးက လမ်းငှားလိုကြောင်း ပြောဆိုနေကြပြီး အထူးဆန်းဆုံးမှာ သူတို့၏ ခရီးစဉ်လမ်းကြောင်းများမှာ အံ့ဩဖွယ်ကောင်းလောက်အောင် တူညီနေခြင်းပင်။</p> <p> </p> <p>"သူတို့ကို ခဏလောက် စောင့်ခိုင်းထားလိုက်။ အရှင်သခင်ကို ငါ သတင်းပို့လိုက်ဦးမယ်"</p> <p> </p> <p>ဩဂတ်စတပ်စ်မှာ သူနှင့် အရှင်သခင်တို့ကြားရှိ အထူးဆက်သွယ်ရေးလိုင်းကို ချက်ချင်း ချိတ်ဆက်လိုက်သည်။</p> <p> </p> <p>"ဩဂတ်စတပ်စ်လား။ မင်း ငါ့ကို မဆက်သွယ်တာ တော်တော်ကြာပြီ"</p> <p> </p> <p>ရှေးကျလှသော်လည်း တက်ကြွမှုအပြည့်ရှိသော အသံတစ်သံက တစ်ဖက်မှ ထွက်ပေါ်လာသည်။</p> <p> </p> <p>"သတင်းကောင်းလေး ဘာလေးများ ရှိလို့လား။ ငါ ခန့်မှန်းကြည့်ရရင် မင်း အဆင့်ခြောက်သက်ရှိအဆင့်နဲ့ နီးနေပြီမဟုတ်လား"</p> <p> </p> <p>အမြွှာဝေလငါးစကြဝဠာအင်ပါယာအတွက် အဆင့်ခြောက်သက်ရှိတစ်ဦး ထပ်တိုးလာပါက မျိုးနွယ်စု၏ ပျှမ်းမျှအင်အားမှာ အနည်းဆုံး ၅၀ရာခိုင်နှုန်းခန့် တိုးတက်လာမည်ဖြစ်၏။</p> <p> </p> <p>"အရှင်သခင်.. တစ်ခုခုတော့ဖြစ်နေပြီ"</p> <p> </p> <p>ဩဂတ်စတပ်စ်ကလည်း ပြောလိုက်သည်။</p> <p> </p> <p>"ကျွန်တော်တို့ အမှတ်၈တပ်မနာစမှာ စကြဝဠာ စစ်သင်္ဘောယာဉ်စုရှစ်စု ရုတ်တရက်ပေါ်လာပါတယ်။ သူတို့က ကျွန်တော်တို့ဆီက လမ်းငှားချင်တယ်တဲ့။ သူတို့ကို ဖြတ်သွားခွင့်ပြုရမလား"</p> <p> </p> <p>"လမ်းငှားချင်တယ် ဟုတ်လား"</p> <p> </p> <p>တစ်ဖက်တွင်မူ ခေတ္တတိတ်ဆိတ်သွားသည်။</p> <p> </p> <p>"ဒီစစ်သင်္ဘောယာဉ်စုတွေက ဘယ်လောက် အတိုင်းအတာရှိလဲ"</p> <p> </p> <p>"အဆင့်ငါး အလယ်အလတ်မျိုးနွယ်စုတွေရဲ့စစ်သင်္ဘောယာဉ်စုနှစ်ခု၊ အဆင့်ငါးအဆင့်မြင့်မျိုးနွယ်စုတွေရဲ့ စစ်သင်္ဘောယာဉ်စု၅ခု။ ပြီးတော့ အဆင့်ငါးအထွတ်အထိပ်မျိုးနွယ်စုရဲ့ တိုက်ခိုက်ရေးစစ်သင်္ဘောယာဉ်စုတစ်ခု ပါပါတယ်"</p> <p> </p> <p>ဩဂတ်စတပ်စ်က ဆက်ပြောလေသည်။</p> <p> </p> <p>"သူတို့က အော်ရီရီယာစကြဝဠာအင်ပါယာ၊ လခြမ်းကွေးစကြဝဠာအင်ပါယာတို့က လာတာပါ။ သူတို့ကို ဖြတ်သွားခွင့်ပေးလိုက်ရမလား"</p> <p> </p> <p>"သူတို့ကို ဖြတ်သွားခွင့်ပေးလိုက်"</p> <p> </p> <p>မိနစ်အနည်းငယ်ကြာပြီးနောက် ကူကယ်ရာမဲ့နေလေဟန် အသံတစ်သံကား တစ်ဖက်မှ ထွက်ပေါ်လာသည်။</p> <p> </p> <p>"အရှင်သခင်.. အရမ်းထူးဆန်းတဲ့ကိစ္စ တစ်ခုရှိပါတယ်။ သူတို့ဖြတ်သန်းမယ့် လမ်းကြောင်းတွေက အားလုံးနီးပါး တစ်ထပ်တည်းတူနေပါတယ်။ ကျွန်တော်တို့ ထပ်မေးကြည့်ရမလား"</p> <p> </p> <p>"ဘာကိုမေးရမှာလဲ"</p> <p> </p> <p>မြင့်မြတ်လှသော သက်ရှိတစ်ဦးဖြစ်သည့် အမြွှာဝေလငါးစကြဝဠာအင်ပါယာ၏ အရှင်သခင်သည် သူတို့၏ဂုဏ်သိက္ခာကို အမြဲထိန်းသိမ်းထားလေ့ရှိရာ ယခင်က ဤမျှကြမ်းတမ်းစွာ တစ်ခါမှမပြောခဲ့ဖူးပေ။</p> <p> </p> <p>"အရှင်သခင်..."</p> <p> </p> <p>"သူတို့ကို ဖြတ်သွားခွင့်ပေးလိုက်လို့ ငါပြောနေတယ်လေ"</p> <p> </p> <p>ယခုလေးတင် အမြွှာဝေလငါးစကြဝဠာအင်ပါယာ၏ အရှင်သခင်ထံသို့ သတင်းစကားအချို့ ရောက်ရှိလာခဲ့သည်။ ၎င်းမှာ ထိုစကြဝဠာအင်ပါယာများ၏ အရှင်သခင်များထံမှ တိုက်ရိုက်ရောက်ရှိလာခြင်းပင်။</p> <p> </p> <p>သတင်းစကားများမှာ တိုတောင်းသော်လည်း အလွန်ပြတ်သားလှသည်။ သူတို့သည် အမြွှာဝေလငါးစကြဝဠာအင်ပါယာအပေါ် မည်သို့သော ရန်လိုသည့်လုပ်ရပ်မျိုးကိုမှ မလုပ်ဆောင်ပါဟု ကတိပေးထားသော်လည်း အကယ်၍ ဖြတ်သန်းခွင့်မပေးပါက တံခါးကိုချိုးဖျက်၍ သူတို့ဘာသာ ဝင်ရောက်ရန်လည်း ဝန်လေးမည်မဟုတ်ကြောင်း ဆိုထားလေသည်။</p> <p> </p> <p>သူလည်း အကြောင်းအရင်းကို သိချင်မိသည်။ သို့သော် သူ့အနေနှင့် မေးရဲပါမည်လော။ သူ့စိတ်အခြေအနေကား ပြိုလဲလုမတတ်ဖြစ်နေချေပြီ။</p> <p> </p> <p> </p> <p> </p> <p> </p> <p> </p> <p>********************</p> <p> </p> <p>***</p> <p> </p>


Save