Book List

<h2 style="text-align: center;">အခန်း ၈၅၀</h2> <h2 style="text-align: center;">မင်းအိမ် ဓားပြတိုက်ခံရပြီ</h2> <h2 style="text-align: center;">*</h2> <p> </p> <p> </p> <p> </p> <p> </p> <p>"အမှတ်၈တပ်မ.. အရှင်သခင်ရဲ့အမိန့်ကို နာခံပြီး စစ်သင်္ဘောယာဉ်စုတွေကို ဖြတ်သွားခွင့်ပြုလိုက်"</p> <p> </p> <p>ဩဂတ်စတပ်စ်အနေနှင့် အလွန်ကူကယ်ရာမဲ့သလို ခံစားနေရသော်လည်း ဘာမှမတတ်နိုင်ပေ။</p> <p> </p> <p>"တပ်မှူး နောက်ထပ်စစ်သင်္ဘောယာဉ်စုလေးစု လာနေပါသေးတယ်။ သူတို့လည်း လမ်းဖြတ်ခွင့်တောင်းနေပါတယ်"</p> <p> </p> <p>"ဖြတ်သွားခိုင်းလိုက်။ အကုန်လုံးကို ဖြတ်ခွင့်ပေးလိုက်"</p> <p> </p> <p>ဩဂတ်စတပ်စ်ခမျာ ခါးသီးစွာပြုံးရင်း ခေါင်းခါလိုက်သည်။</p> <p> </p> <p>"ဒါ ဘာတွေဖြစ်နေတာလဲ။ ဘယ်သူ့အသိုက်ကို သွားဆွမိလို့လဲ။ သူတို့တွေအားလုံးက ဘာလို့ လမ်းကြောင်းတစ်ခုတည်းကို ဦးတည်နေကြတာလဲ။ အဲဒီဘက်မှာ ဘာတွေများရှိနေလို့လဲ"</p> <p> </p> <p>"တပ်မှူး... ကျွန်တော်တို့ရဲ့ ထောက်လှမ်းရေးဌာနက အဲဒီစစ်သင်္ဘောအုပ်စုတွေရဲ့ ခရီးစဉ်လမ်းကြောင်းတွေကို အခုလေးတင် ခွဲခြမ်းစိတ်ဖြာကြည့်ပြီးပါပြီ။ သူတို့အားလုံးနီးပါးက ဘုံဦးတည်ရာနေရာတစ်ခုတည်းကိုပဲ သွားနေကြပါတယ်"</p> <p> </p> <p>"ဘယ်နေရာလဲ"</p> <p> </p> <p>"ကျွန်တော်တို့စကြဝဠာအင်ပါယာရဲ့ လက်အောက်ခံ အဆင့်လေးမျိုးနွယ်စုဖြစ်တဲ့ လာနီယာကီးယားဂလက်ဆီအစုအဝေးနဲ့ အဆင့်သုံးမျိုးနွယ်စုတွေဖြစ်တဲ့ အန်ဒရိုမီဒါ မျိုးနွယ်စု၊ ဂူဂေါမျိုးနွယ်စုတို့ရှိတဲ့ နယ်မြေပါ"</p> <p> </p> <p>"အဲဒီလောက်သေးတဲ့ အဆင့်သုံးမျိုးနွယ်စုနှစ်ခုမှာ ဒီအဆင့်ငါးမျိုးနွယ်စုစစ်သင်္ဘောယာဉ်စုတွေကို ဆွဲဆောင်နိုင်လောက်တဲ့ ဘယ်လိုမှော်အစွမ်းတွေများ ရှိနေလို့လဲ"</p> <p> </p> <p>ဩဂတ်စတပ်စ်က ပြောလိုက်သည်။</p> <p> </p> <p>"သူတို့နဲ့ပတ်သက်တဲ့ အချက်အလက်တွေ အကုန်လုံး အခုချက်ချင်းစုံစမ်းလိုက်စမ်း"</p> <p> </p> <p>"ကျွန်တော်တို့ စုံစမ်းပြီးပါပြီ"</p> <p> </p> <p>ဩဂတ်စတပ်စ်၏ လက်အောက်ငယ်သားက ပြန်ဖြေသည်။</p> <p> </p> <p>"အဲဒီမျိုးနွယ်စုနှစ်ခုက စကြဝဠာနှစ်၅၇၂နှစ်ကြာအောင် စစ်မီးတောက်လောင်ခဲ့တာပါ။ အရင်ကတော့ အနိုင်အရှုံးမပေါ်ဘဲ အခြေအနေတင်းမာနေခဲ့ပေမဲ့ မကြာသေးခင်ကမှ ဂူဂေါမျိုးနွယ်စုဘက်က တခြားအဆင့်လေးမျိုးနွယ်စုတစ်ခုနဲ့ ပူးပေါင်းသွားပုံရပါတယ်။ ဒါကြောင့် သူတို့ဘက်က အသာစီး ရသွားတာပါ"</p> <p> </p> <p>"ဒီစစ်သင်္ဘောယာဉ်စုတွေက ဒီစစ်ပွဲကို ကြားဝင်ဖို့ သွားနေကြတာလို့ မင်းထင်လား"</p> <p> </p> <p>ဩဂတ်စတပ်စ်၏ ခေါင်းထဲတွင် ရဲတင်းသော အတွေးတစ်ခု ဝင်လာသော်လည်း မည်သို့စဉ်းစားကြည့်စေကာမူ ယုတ္တိမတန်လှပေ။</p> <p> </p> <p>သေးငယ်သော အဆင့်သုံးမျိုးနွယ်စုတစ်ခုအနေနှင့် သူတို့၏ မျိုးနွယ်စုတစ်ခုလုံးကို ရောင်းချလိုက်လျှင်ပင် ဤစစ်သင်္ဘောများ၏ စွမ်းအင်သုံးစွဲမှုကုန်ကျစရိတ်ကို ကာမိမည်မဟုတ်ပေ။ သို့ဆိုလျှင် သူတို့က ဤအဆင့်ငါးမျိုးနွယ်စုများကို စစ်ပွဲထဲဝင်ပါလာအောင် မည်သို့နှယ် လုပ်နိုင်မည်နည်း။</p> <p> </p> <p>"ထားလိုက်တော့။ ဒီကိစ္စကို ငါတို့ ကိုင်တွယ်လို့မရဘူး"</p> <p> </p> <p>ဩဂတ်စတပ်စ်က အမိန့်ပေးလိုက်သည်။</p> <p> </p> <p>"ဒီသတင်းအချက်အလက်ကို တပ်မအားလုံးဆီ မျှဝေလိုက်ပါ။ အဲဒီနယ်မြေမှာ ဘာတွေပဲဖြစ်ဖြစ် ငါတို့ မမြင်သလိုပဲနေရမယ်။ လုံးဝဝင်မပါနဲ့။ သူတို့ ကိစ္စပြီးသွားရင် အလိုလိုပြန်ထွက်သွားကြလိမ့်မယ်"</p> <p> </p> <p>"ဒါပေမဲ့ တပ်မှူး.. တကယ်လို့ ဒီပြင်ပမျိုးနွယ်စုတွေက ကျွန်တော်တို့အင်ပါယာရဲ့ မျိုးနွယ်စုကို အန္တရာယ်ပြုလာရင်ရော။ ကျွန်တော်တို့..."</p> <p> </p> <p>"ငါတို့ ဂရုမစိုက်ချင်လို့ မဟုတ်ဘူး။ ဂရုစိုက်ဖို့ မတတ်နိုင်လို့ကွ"</p> <p> </p> <p>ဩဂတ်စတပ်စ်က ဆိုသည်။</p> <p> </p> <p>"စကြဝဠာမဟာမိတ်အဖွဲ့မှာ သက်ဆိုင်ရာ ဥပဒေတွေ ရှိတယ်ဆိုပေမဲ့ စည်းမျဉ်းတွေဆိုတာ အင်အားကြီးတဲ့လူတွေကို ထိန်းချုပ်ဖို့ သုံးတာလေ။ တကယ်လို့ သူတို့ဘက်က ငါတို့ကို ရှင်းပစ်ချင်တယ်ဆိုရင် ဆင်ခြေပေါင်းသောင်းခြောက်ထောင် ပေးလို့ရတယ်"</p> <p> </p> <p>"တခြားဟာတွေ ထားလိုက်ဦး"</p> <p> </p> <p>ဩဂတ်စတပ်စ်က ဆက်ပြောသည်။</p> <p> </p> <p>"တကယ်လို့ သူတို့က နှစ်ဦးနှစ်ဖက် ရုတ်တရက် အငြင်းပွားမှုဖြစ်ပြီး မျိုးနွယ်စု နှစ်ခုရဲ့ စစ်သင်္ဘောယာဉ်စုတွေ ရုတ်တရက် တိုက်ခိုက်ကြရင်း မတော်တဆအမြောက်ဆန်တစ်ချက် ထိမှန်သွားလို့ ငါတို့ မျိုးနွယ်စု ပျက်စီးသွားတယ်လို့ပြောရင် စကြဝဠာမဟာမိတ်အဖွဲ့ဆီကို ရောက်သွားရင်တောင်မှ ဒါက မတော်တဆမှု သက်သက်ပဲ ဖြစ်တာမို့ လျော်ကြေးနည်းနည်းပေးရုံနဲ့ ပြီးသွားမယ့်ကိစ္စပဲ"</p> <p> </p> <p>"သူတို့ဘက်က ငွေနည်းနည်းပါးပါး ထုတ်ပေးရုံနဲ့ရပေမဲ့ ငါတို့က နာလန်ပြန်ထူဖို့ နှစ်ပေါင်းသောင်းနဲ့ချီပြီး အချိန်ယူရမှာ။ ငါတို့ သူတို့ကို ရန်သွားစဖို့ တတ်နိုင်ပါ့မလား"</p> <p> </p> <p>ဩဂတ်စတပ်စ်၏ စကားကြောင့် သူ့လက်အောက်ငယ်သားများမှာ ဆွံ့အသွားကြသည်။</p> <p> </p> <p>"နတ်ဘုရားတွေ တိုက်ခိုက်ရင် လူသားတွေ ဒုက္ခရောက်တယ်"ဟူသော ဆိုရိုးစကားအတိုင်းပင်။ သူတို့တွင် ဤအဆင့်မြင့်အဆင့်ငါး သို့မဟုတ် အထွတ်အထိပ်မျိုးနွယ်စုများ လုပ်ချင်သည့်အရာများကို ဝင်ရောက်စွက်ဖက်ခွင့်မရှိပေ။</p> <p> </p> <p>သင်သည် တံတားတစ်စင်းကို ဖြတ်ကူးရာတွင် ထိုတံတားပေါ်တွင် နေထိုင်သော ပုရွက်ဆိတ်များ၏ ခွင့်ပြုချက်ကို တောင်းခံနေစရာ လိုပါသလော။</p> <p> </p> <p> </p> <p>...</p> <p> </p> <p> </p> <p>လခြမ်းကွေးမျိုးနွယ်စုစစ်သင်္ဘောအုပ်စု..</p> <p> </p> <p>"တပ်မှူး.. ကျွန်တော်တို့ ခွင့်ပြုချက်ရပါပြီ"</p> <p> </p> <p>"ကောင်းပြီ။ ပစ်မှတ်နယ်မြေဆီကို ချက်ချင်းထွက်ခွာကြစို့"</p> <p> </p> <p>"တပ်မှူး.. ကျွန်တော်တို့ရဲ့မျဉ်းကွေးအင်ဂျင်တွေကို အစွမ်းကုန်မောင်းနှင်မယ်ဆိုရင် ပစ်မှတ်နေရာကိုရောက်ဖို့ စကြဝဠာနာရီ ၀.၈နာရီလောက် အချိန်ယူရပါလိမ့်မယ်"</p> <p> </p> <p>"အဲဒီလောက်တောင် ကြာမှာလား။ မဖြစ်ဘူး"</p> <p> </p> <p>လခြမ်းကွေးမျိုးနွယ်စုစစ်သင်္ဘောအုပ်စု၏ တပ်မှူးက ပြောလိုက်သည်။</p> <p> </p> <p>"အရှင်သခင်က တစ်ချက်လွှတ်အမိန့်ပေးထားတာ။ တခြားမျိုးနွယ်စုတွေထက် အရင်ဦးအောင် ရောက်ရမယ်တဲ့။ အာကာသဖြတ်လမ်းကို ထပ်ဖွင့်ပြီး အမြန်ဆုံးအရှိန်နဲ့ သွားကြစမ်း"</p> <p> </p> <p>"ဒါပေမဲ့ တပ်မှူး.. ဒီလိုလုပ်တာက စွမ်းအင်တွေ အရမ်းဖြုန်းတီးရာမကျလွန်းဘူးလား"</p> <p> </p> <p>"စွမ်းအင်ဖြုန်းတီးတာကို စိတ်မပူနဲ့။ အရှင်သခင်တောင် စိတ်မပူတာ။ မင်းက ဘာလို့ စိတ်ပူနေရတာလဲ"</p> <p> </p> <p>"ဟုတ်ကဲ့ပါ"</p> <p> </p> <p>...</p> <p> </p> <p>"သူ... သူတို့တွေ ရူးနေကြပြီ"</p> <p> </p> <p>ဩဂတ်စတပ်စ်ခမျာ ကင်းလှည့်သင်္ဘောများမှ ပေးပို့လာသော ပုံရိပ်များကို ကြည့်နေလေသည်။ စစ်သင်္ဘောယာဉ်စုတစ်ခုပြီးတစ်ခုက သူတို့၏ အာကာသဖြတ်လမ်းစနစ်များကို အသက်သွင်းနေကြပေသည်။</p> <p> </p> <p>ပုံမှန်အခြေအနေမျိုးဆိုလျှင် စစ်သင်္ဘောယာဉ်စုများမှာ အလင်းနှစ်ဘီလီယံဆယ်ဂဏန်းအထိ ဝေးကွာသော အင်ပါယာဖြတ်ကျော်စစ်ဆင်ရေးများ လုပ်ဆောင်သည့်အခါမှသာ ဤစနစ်ကို အသုံးပြုလေ့ရှိသည်။</p> <p> </p> <p>သို့သော် သူတို့သည် အန်ဒရိုမီဒါနှင့် ဂူဂေါလ်မျိုးနွယ်စုများကဲ့သို့ ခေါင်ဖျားသော မျိုးနွယ်စုများနှင့် အလင်းနှစ်သန်းဆယ်ဂဏန်း အနည်းငယ်သာ ကွာဝေးတော့သည်။ ဤသည်မှာ အလွန်အကျွံဖြုန်းတီးလွန်းရာ မကျပေဘူးလား။</p> <p> </p> <p>ပိုက်ဆံပေါလျှင်ပင် ဤသို့သုံးပစ်ကြလေသလော။ အာကာသဖြတ်လမ်းကို တစ်ကြိမ်အသက်သွင်းရန်အတွက် ကုန်ကျစရိတ်မှာ အနည်းဆုံး စကြဝဠာဒင်္ဂါးပြားထရီလီယံတစ်ဆယ်ကျော် ရှိပြီး အမြွှာဝေလငါး စကြဝဠာအင်ပါယာတစ်ခုလုံး၏ ပိုင်ဆိုင်မှု ပမာဏမှာ ဤကဲ့သို့ အသက်သွင်းခြင်းမျိုးအတွက် အခေါက်ရေဆယ်ဂဏန်းခန့်သာ လောက်ငှသည်။</p> <p> </p> <p>သူတို့က အဲဒီလောက်တောင် သေချင်နေကြတာလား...</p> <p> </p> <p> </p> <p>...</p> <p> </p> <p> </p> <p>ထိုအချိန်တွင် ဂူဂေါလ်မျိုးနွယ်စုနှင့် နတ်မိမယ်မျိုးနွယ်စုတို့ကြားရှိ စစ်မြေပြင်တွင် ပြင်းထန်သော အမြောက်တိုက်ပွဲများ ဆက်လက် ဖြစ်ပွားနေပြီး မိုင်ပေါင်းများစွာ ရှည်လျားသော စစ်သင်္ဘောသောင်းဂဏန်း၊ မီးတောက်များ၊ ပေါက်ကွဲမှုများ၊ အပျက်အစီးများ...။ မျိုးနွယ်စုများကြားရှိ စစ်မြေပြင်မှာ နှစ်ဖက်စစ်သည်များ၏ အသက်ကို ရိတ်သိမ်းနေသော အသားကြိတ်စက်ကြီးတစ်ခုနှင့် တူလှသည်။</p> <p> </p> <p>တစ်ဖက်တွင် လက်နက်အင်အားက သိသိသာသာ ပိုပြင်းထန်နေပြီး အန်ဒရိုမီဒါမျိုးနွယ်စု၏ စစ်သင်္ဘောအုပ်စုသည် ဂူဂေါလ်မျိုးနွယ်စုထက် နှစ်ဆမှ သုံးဆခန့် ပိုမိုမြန်ဆန်သောနှုန်းဖြင့် ပျက်စီးဆုံးရှုံးနေရသည်။</p> <p> </p> <p>"တပ်မှူး.. ဒီလောက်ပြင်းထန်တဲ့ တိုက်ပွဲနှုန်းနဲ့ဆိုရင် ကျွန်တော်တို့ တစ်နှစ်လောက်တောင် တောင့်ခံနိုင်မှာ မဟုတ်ဘူး"</p> <p> </p> <p>နတ်မိမယ်မျိုးနွယ်စု၏ တပ်မကွပ်ကဲရေးအခန်းထဲတွင် လေထုကား လေးနက်နေပေသည်။</p> <p> </p> <p>"သေစမ်း"</p> <p> </p> <p>တပ်မှူးက စားပွဲကို လက်သီးဖြင့် ထုလိုက်သည်။</p> <p> </p> <p>"ရှီကျစ်မျိုးနွယ်စု တောက်... သူတို့က ဘာဖြစ်လို့ ဟိုဘက်ကို သွားကူညီရတာလဲ"</p> <p> </p> <p>"တပ်မှူး.. အရှင်သခင်တို့ဘက်က စစ်ကူ လာမယ့်သတင်းများ ရှိလား"</p> <p> </p> <p>"ခက်တယ်"</p> <p> </p> <p>တပ်မှူးကမူ သက်ပြင်းချလိုက်သည်။</p> <p> </p> <p>"အရှင်သခင်က လက်ထပ်ထိမ်းမြားတဲ့ မဟာမိတ်ပြုမှုတွေကတစ်ဆင့် ခိုလှုံခွင့်ရဖို့ ကြိုးစားနေတာ။ ဒါပေမဲ့ လက်ထပ်ပွဲကိစ္စ အောင်မြင်သွားရင်တောင် စစ်ကူတွေက ဒီလောက်မြန်မြန်ကြီး ရောက်လာနိုင်မှာ မဟုတ်ဘူး။ အဲဒီအချိန်ဆိုရင် ငါတို့ရဲ့ခံစစ်မျဉ်းတွေ ကျိုးပေါက်သွားတာ ကြာလှရောပေါ့"</p> <p> </p> <p>"တပ်မှူး.. ပြဿနာတက်ပါပြီ။ စွမ်းအင်ပမာဏအကြီးကြီးတစ်ခု ကျွန်တော်တို့ စစ်မြေပြင်ဘက်ကို ဦးတည်နေပါတယ်။ စွမ်းအင်အဆင့်က အဆင့်သုံးပမာဏထက် အများကြီး သာလွန်ပါတယ်"</p> <p> </p> <p>"ဘာ... ဒါ ရှီကျစ်မျိုးနွယ်စုရဲ့ စစ်သင်္ဘောအုပ်စုများ ဖြစ်နေမလား"</p> <p> </p> <p>တပ်မှူး၏ အမြင်အာရုံထဲတွင် အမှောင်ထုတစ်ခု လွှမ်းမိုးသွားသည်။ ရှီကျစ်မျိုးနွယ်စုက အဆင့်မြင့်အဆင့်သုံးမျိုးနွယ်စု စစ်သင်္ဘောယာဉ်စုတစ်စုကို စစ်ကူလွှတ်ပေးလိုက်ရုံမျှဖြင့် သူတို့ဘက်က စစ်ရှုံးသွားပြီဖြစ်၏။ အကယ်၍ အဆင့်လေး စစ်သင်္ဘောယာဉ်စုသာ ရောက်လာပါက သူတို့ တွေးပင်မတွေးရဲတော့ပေ။</p> <p> </p> <p>"မဟုတ်ဘူး။ ဒီစွမ်းအင်အဆင့်က အထွတ်အထိပ်အဆင့်လေးမျိုးနွယ်စုရဲ့ စစ်သင်္ဘောတွေထက်တောင် ပိုမြင့်နေသေးတယ်"</p> <p> </p> <p>"အဆင့်ငါးသင်္ဘောလား။ ဒါက... အင်ပါယာရဲ့ စစ်သင်္ဘောယာဉ်စုက စည်းကမ်းထိန်းသိမ်းဖို့ ရောက်လာတာများလား။ မဖြစ်နိုင်တာ။ သူတို့က ဘယ်တော့မှကိုယ်ထင်မပြတတ်ပါဘူး"</p> <p> </p> <p>ထိုစဉ် သူတို့၏ အမြင်အာရုံထဲတွင် ရွှေရောင်အလင်းတန်းတစ်ခု ပေါ်လာပြီး အစွမ်းထက်အလင်းတန်းတစ်ခုက အန်ဒရိုမီဒါမျိုးနွယ်စု၏ စစ်သင်္ဘောယာဉ်စုအစီအရင်ကို ထိုးဖောက်ကာ တစ်ဖက်ရှိ ဂူဂေါလ်မျိုးနွယ်စု၏ စစ်သင်္ဘောယာဉ်စုကို ဖြတ်သန်းရိုက်ခတ်သွားသည်။</p> <p> </p> <p>ဂူဂေါလ်မျိုးနွယ်စု၏ အမြောက်ဆန်များမှာ ဤအလင်းတန်း၏ ဝါးမျိုခြင်းကို ခံလိုက်ရပြီး မျက်စိကျိန်းမတတ် တောက်ပလှသော မီးတောက်များအကြား စကြဝဠာအာကာသ၏ စွန့်ပစ်သံတိုသံစများအဖြစ် ပြောင်းလဲသွားလေသည်။</p> <p>"ဘာတွေဖြစ်နေတာလဲ"</p> <p> </p> <p>နတ်မိမယ်မျိုးနွယ်စုရှိ လူများမှာလည်း အံ့အားသင့်သွားကြသည်။</p> <p> </p> <p>ဒီသင်္ဘောက သူတို့ကို ကူညီဖို့​ ရောက်လာတာလား။</p> <p> </p> <p>"တပ်မှူး.. စစ်သင်္ဘောယာဉ်စုတွေ။ အဆင့်ငါးစစ်သင်္ဘောယာဉ်စုတွေ။ တစ်ခုတည်းတောင် မဟုတ်ဘူး"</p> <p> </p> <p>ဧရာမအရိပ်ကြီးတစ်ခုက စစ်မြေပြင်တစ်ခုလုံးကို လွှမ်းမိုးသွားသည်။</p> <p> </p> <p>"ဟားဟားဟား.. ငါတို့ အရင်ဆုံးရောက်တာပဲ။ တိုက်ကြဟေ့။ တစ်ကောင်မှ အရှင်မထားနဲ့"</p> <p> </p> <p>"ဝိုး.. မင်းတို့က ဘယ်လိုလုပ်ပြီး ဒီလောက်မြန်မြန်ကြီး ရောက်လာတာလဲ။ ငါတို့လည်း နောက်ကျကျန်ခဲ့လို့ မဖြစ်ဘူး။ တိုက်ကြ။ အဲဒီဂူဂေါလ်မျိုးနွယ်စုကို ဖျက်ဆီးပစ်ကြ"</p> <p> </p> <p>"မင်းတို့တွေ တိုက်နေကြပြီလား။ ဒါဆိုရင် ငါတို့က သူတို့ရဲ့ဌာနချုပ်ကို သွားမွှေမယ်။ သူတို့ရဲ့တပ်မကွပ်ကဲ​ရေးစင်တာကို ငါ သွားလိုက်မယ်"</p> <p> </p> <p>"ငါက သူတို့မျိုးနွယ်စုရဲ့ မြို့တော်ဂြိုဟ်ဆီကို သွားမယ်"</p> <p> </p> <p> </p> <p>...</p> <p> </p> <p>အင်ပါယာသလင်းကျောက်ကြယ်ပေါ်တွင်မူ ကျန်းမုန့်လောင်တို့တစ်သိုက် ဂူဒယ်လ်နှင့် ထိပ်တိုက်ရင်ဆိုင်နေကြဆဲပင်။</p> <p> </p> <p>ကျန်းမုန့်လောင် ရုတ်တရက်ပေါ်ထွက်လာသောကြောင့် ဂူဒယ်လ်ခမျာ ခေတ္တကြက်သေသေသွားခဲ့ရသည်။</p> <p> </p> <p>အကြောင်းမှာ ကျန်းမုန့်လောင်၏ ရင်ဘတ်ပေါ်ရှိ တောက်ပနေသော ကြယ်ငါးပွင့်အဆင့်မြင့်ဧည့်သည်တော်တံဆိပ်ကို သတိထားမိလိုက်သောကြောင့်ပင်။</p> <p> </p> <p>အန်ဒရိုမီဒါနှယ် သာမန်အဆင့်သုံးမျိုးနွယ်စုလေးတစ်ခုက အဆင့်ငါးမျိုးနွယ်စုရှိ လူတစ်ယောက်ကို သိနေသည်တဲ့လား။</p> <p> </p> <p>နိမိတ်မကောင်းသော ခံစားချက်တစ်ခုက သူ့နှလုံးသားကို ရုတ်ခြည်းဆုပ်ညှစ်ထားလိုက်သည်။</p> <p> </p> <p>"ဆရာသခင်.. အကုန်ရှင်းလင်းသွားပါပြီ။ ဂူဂေါလ်မျိုးနွယ်စု စစ်သင်္ဘောအုပ်စုတစ်ခုမှ အရှင်မကျန်တော့ပါဘူး။ သူတို့ရဲ့တပ်မကွပ်ကဲ​ရေးစင်တာနဲ့ မြို့တော်ဂြိုဟ်လည်း အထိနာသွားပါပြီ။ သူတို့ရဲ့အရှင်သခင်ကလည်း သနားညှာတာဖို့ တောင်းပန်နေပါပြီ။ ဘာဆက်လုပ်လိုက်ရမလဲ"</p> <p> </p> <p>"ဆရာသခင်.. ရှီကျစ်မျိုးနွယ်စုက စစ်ကူလာတဲ့ စစ်သင်္ဘောယာဉ်စုကိုလည်း ကျွန်တော်တို့ ကြားဖြတ်ဟန့်တားထားပါတယ်။ သူတို့ကို ဖျက်ဆီးပစ်လိုက်ရမလား။ ဒါမှမဟုတ် ဘယ်လိုလုပ်ရမလဲ"</p> <p> </p> <p>"သူတို့ကို သင်ခန်းစာနည်းနည်းလောက်ပဲ ပေးလိုက်ပါ။ ငါက သွေးဆာနေတဲ့ မိစ္ဆာမှ မဟုတ်တာ"</p> <p> </p> <p>ကျန်းမုန့်လောင်က ပြန်ဖြေချေသည်။</p> <p> </p> <p>"အားလုံးပဲ ပင်ပန်းသွားကြပြီ။ ပစ္စည်းတွေသာ အသင့်ပြင်ထားကြ။ ငါ အချိန်ရတဲ့အခါ မင်းတို့အားလုံးအတွက် လက်နက်တွေ သွန်းလုပ်ပေးမယ်"</p> <p> </p> <p>"ဟားဟားဟား ဆရာသခင် လောစရာမလိုပါဘူး။ ကျွန်တော်တို့လည်း မလောပါဘူး"</p> <p> </p> <p>"ဟုတ်ပါတယ် ဆရာသခင်... အချိန်ရတဲ့အခါမှ သွန်းလုပ်ပေးပါ"</p> <p> </p> <p>အရှင်သခင်များမှာ အလွန်ဝမ်းမြောက်ဝမ်းသာဖြစ်သွားကြသည်။ ဤသည်မှာ အကျိုးအမြတ် အလွန်ကြီးမားလှသော အပေးအယူတစ်ခုပင်။</p> <p> </p> <p>ဤစစ်ဆင်ရေးအတွက် အများဆုံးကုန်ကျစရိတ်မှာ ကြယ်အနည်းငယ်သာ ရှိသော်ငြား သူတို့အနေနှင့် ကျန်းမုန့်လောင်၏ မျက်နှာသာပေးမှုကို ရရုံသာမက ကြယ်ဒါဇင်ပေါင်းများစွာပေးရသော သွန်းလုပ်ခများကိုပါ သက်သာသွားစေသည်။</p> <p> </p> <p>အကယ်၍ သူတို့အနေနှင့် ဤသို့ အကြိမ်တစ်ရာ လုပ်ရမည်ဆိုလျှင်လည်း အကြိမ်တစ်ရာလုံး လုပ်ကြမည်သာ။</p> <p> </p> <p>"လူကြီးမင်း ခင်ဗျား..."</p> <p> </p> <p>ဂူဒယ်လ်လမျာ ပြောစရာစကားရှာမရတော့သဖြင့် ကျန်းမုန့်လောင်ကို ဗလုံးဗထွေးဖြင့် ပြောလိုက်လေသည်။</p> <p> </p> <p>"ခင်ဗျားနဲ့ အာပါချီတို့က..."</p> <p> </p> <p>"ငါ့ကိုလာမကြည့်နဲ့။ ငါက သူနဲ့ ဘာမှမပတ်သက်ဘူး။ ဒါပေမဲ့ သူက ငါ့သူငယ်ချင်းရဲ့ ယောက်ဖလေ"</p> <p> </p> <p>ကျန်းမုန့်လောင်က ရယ်မောလိုက်သည်။</p> <p> </p> <p>"ကိုယ့်လူ.. မင်းအိမ်ဓားပြတိုက်ခံနေရပြီဆိုတာကိုရော သိရဲ့လား"</p> <p> </p> <p> </p> <p> </p> <p> </p> <p>*****************</p> <p> </p> <p> </p> <p> </p> <p>***</p> <p> </p>


Save