Book List

<h2 style="text-align: center;">အခန်း ၈၅၁</h2> <h2 style="text-align: center;">အစ်ကို... တစ်ခုခုလိုလို့လား</h2> <h2 style="text-align: center;">*</h2> <p> </p> <p> </p> <p> </p> <p> </p> <p>"အိမ်ကို ဓားပြတိုက်ခံရတယ်ဆိုတာ ဘာအဓိပ္ပာယ်လဲ"</p> <p> </p> <p>ဂူဒယ်လ်ခမျာ အနည်းငယ် ဇဝေဇဝါဖြစ်သွားသည်။</p> <p> </p> <p>"မင်းဆီကို အရေးပေါ်မက်ဆေ့ချ်တွေ၊ အသိပေးချက်တွေ ရောက်နေမလားဆိုတာ စစ်ကြည့်သင့်တယ် မဟုတ်ဘူးလား"</p> <p> </p> <p>"အသိပေးချက်တွေ ဟုတ်လား"</p> <p> </p> <p>ဂူဒယ်လ် အံ့ဩသွားလေသည်။ ယနေ့က အလွန်အရေးကြီးသော ပွဲတစ်ပွဲဖြစ်ပြီး အနောက်ပိုင်းမီးတောက်မျိုးနွယ်စုတပ်မမှူး၏ သားဖြစ်သူနှင့် တွေ့ဆုံရမည်ဖြစ်သောကြောင့် ဤအချိန်အတွက် မက်ဆေ့ချ်များအားလုံးကို ယာယီပိတ်ထားခဲ့သည်။</p> <p> </p> <p>ဂူဒယ်လ်က ဂူဂေါလ်မျိုးနွယ်စု၏ တပ်မမှူးအဖြစ် တာဝန်ထမ်းဆောင်နေဆဲပင်။ ယခုတစ်ကြိမ်တွင် ပြပွဲသို့တက်ရောက်ရန် ခွင့်ယူခဲ့ခြင်းပင်။ အနောက်ပိုင်းမီးတောက်မျိုးနွယ်စုထံမှ စစ်ကူများ ရောက်ရှိနေပြီဖြစ်၍ ရှေ့တန်းစစ်မျက်နှာပြင်တွင် ဘာမှဖြစ်စရာအကြောင်းမရှိဟုတွေးကာ သိပ်စိတ်မပူခဲ့ပေ။</p> <p> </p> <p>သို့သော် ကျန်းမုန့်လောင်၏ စကားများက သူ့ကို တစ်ခုခုလွဲချော်နေပြီဟု ခံစားရစေသည်။</p> <p> </p> <p>"အိမ်ဓားပြတိုက်ခံရသည်"ဆိုခြင်းမှာ သူ့တပ်မတွင် တစ်ခုခုဖြစ်သွားလို့များလား။</p> <p> </p> <p>ထို့နောက် မက်ဆေ့ချ်ကို ချက်ချင်းဖွင့်လိုက်လေရာ မကြာခင်မှာပင် မက်ဆေ့ချ်များ အဆက်မပြတ် ဝင်ရောက်လာတော့သည်။</p> <p> </p> <p>"တပ်မမှူးကို အစီရင်ခံပါတယ်။ ကျွန်တော်တို့ဘက်က တိုက်ပွဲတိုင်းမှာ အနိုင်ရနေပြီး ဒီနေ့ဆိုရင် အန်ဒရိုမီဒါမျိုးနွယ်စုရဲ့ စစ်သင်္ဘော၂၄စင်းကို ဖျက်ဆီးနိုင်ခဲ့ပါတယ်"</p> <p> </p> <p>"တပ်မမှူးကို အစီရင်ခံပါတယ်။ ရှေ့တန်းက ဆက်လက်ချီတက်နေဆဲပါ။ သုံးလအတွင်း နယ်မြေသစ်တစ်ခုကို ကျွန်တော်တို့ သိမ်းပိုက်နိုင်ပါလိမ့်မယ်"</p> <p> </p> <p>အစောပိုင်းမက်ဆေ့ချ်များမှာ စစ်မြေပြင်မှ အောင်ပွဲခံသည့် အစီရင်ခံစာများသာ ဖြစ်ပြီး ရက်အနည်းငယ်ခြားတစ်ခါ ပေးပို့ထားသည်။ သို့သော် လွန်ခဲ့သည့်မိနစ်အနည်းငယ်ကမူ အသိပေးစာဒါဇင်ပေါင်းများစွာ ရုတ်တရက် အလုံးအရင်းဝင်ရောက်လာခဲ့သည်။</p> <p> </p> <p>"တပ်မမှူး.. ကျွန်တော်တို့ရဲ့စစ်မြေပြင်မှာ အဆင့်ငါးမျိုးနွယ်စုစစ်သင်္ဘောတွေရဲ့ စွမ်းအင်တုံ့ပြန်မှု အမြောက်အမြားပေါ်လာပါတယ်"</p> <p> </p> <p>"တပ်မမှူး သူတို့က ကျွန်တော်တို့ကို ပစ်မှတ်ထားနေတာပါ။ သူတို့ တိုက်ခိုက်နေပါပြီ"</p> <p> </p> <p>"တပ်မမှူး.. ကျွန်တော်တို့ အကြီးအကျယ် ရှုံးနိမ့်နေပါပြီ။ ရှေ့တန်းက စစ်ရေယာဉ်စု သုံးခုလုံး ပျက်စီးသွားပြီး စစ်သင်္ဘော ၃၃၃၀ထဲက တစ်စီးမှ မကျန်တော့ပါဘူး"</p> <p> </p> <p>"တပ်မမှူး... အနောက်ပိုင်းမီးတောက်မျိုးနွယ်စုက စစ်ရေယာဉ်စုလည်း တိုက်ခိုက်ခံရပြီး အကုန်ချေမှုန်းခံလိုက်ရပါပြီ"</p> <p> </p> <p>"တပ်မမှူးကို အစီရင်ခံပါတယ်။ ကျွန်တော်တို့ကို စစ်ကူပေးဖို့လာတဲ့ အနောက်ပိုင်းမီးတောက်မျိုးနွယ်စုရဲ့ စစ်သင်္ဘောတွေက မက်ဆေ့ချ် ပို့လာပါတယ်။ သူတို့ကို အဆင့်ငါးမျိုးနွယ်စုရဲ့ စစ်ရေယာဉ်စုတစ်ခုက ကြားဖြတ်တိုက်ခိုက်ပြီး သူတို့ရဲ့ပင်မစစ်သင်္ဘောကြီးကို ဖျက်ဆီးပစ်လိုက်ပါတယ်တဲ။ ပြီးတော့ ချက်ချင်းနောက်ဆုတ်ဖို့နဲ့ ဒီကိစ္စမှာ ဝင်မစွက်ဖက်ဖို့ တောင်းဆိုထားပါတယ်"</p> <p> </p> <p>...</p> <p> </p> <p>နောက်ဆုံးမက်ဆေ့ချ်ကတော့ ဂူဂေါလ်မျိုးနွယ်စု၏ မြို့တော်ဂြိုဟ်တွင် တပ်စွဲထားသော သူ့ညီဖြစ်သူထံမှဖြစ်၏။</p> <p> </p> <p>အမည်မသိအဆင့်ငါးမျိုးနွယ်စု စစ်သင်္ဘောတစ်စီးသည် သူတို့၏ မြို့တော်ဂြိုဟ်အနီးတွင် ပေါ်လာပြီး သူတို့၏အစောင့်စစ်ရေယာဉ်စုကို တစ်ချက်တည်းနှင့် ဖျက်ဆီးပစ်ကာ ဖယ်ရီမျိုးနွယ်စုနှင့် ဖြစ်ပွားနေသော စစ်ပွဲကို ရပ်တန့်ရန်နှင့် အငြင်းပွားနေသော နယ်မြေမှ ဆုတ်ခွာရန် သတိပေးခဲ့သည်တဲ့လား။</p> <p> </p> <p>"ဒါ ဘယ်လိုလုပ်ဖြစ်နိုင်မှာလဲ"</p> <p> </p> <p>ဂူဒယ်လ်၏မျက်နှာကား ဖြူရော်သွားသည်။ ရှေ့တန်းစစ်မျက်နှာတွင် ဤကဲ့သို့သော အပြောင်းအလဲမျိုး ဖြစ်လာလိမ့်မည်ဟု သူ တစ်ခါမှ မတွေးမိခဲ့ပေ။ အဆင့်ငါးမျိုးနွယ်စု စစ်သင်္ဘောများက ဘာကြောင့် ရုတ်တရက် ပေါ်လာရသလဲ။</p> <p> </p> <p>ရှေ့တန်းမှ သတင်းအချက်အလက်များအရ စစ်ရေယာဉ်စုအရေအတွက်က ဒါဇင်နှင့်ချီ၍ ရှိ၏။ သူတို့တွင် ဤသို့သော ဩဇာလွှမ်းမိုးမှုမျိုး ဘယ်အချိန်တည်းကများ ရှိနေခဲ့လေသလဲ။ သေးငယ်သော အဆင့်သုံးမျိုးနွယ်စုစစ်ပွဲတစ်ခုက အဆင့်ငါးစစ်ရေယာဉ်စု ဆယ်ခုကျော်ကို မမျှော်လင့်ဘဲ ဆွဲဆောင်နိုင်ခဲ့သည်။ သူတို့မှာ ဘယ်လိုကောင်းချီးမျိုး ရှိနေလေသလဲ။</p> <p> </p> <p>"မြို့တော်"</p> <p> </p> <p>စစ်ရေယာဉ်စုကတော့ ကိစ္စတုံးသွားပြီဖြစ်၍ ယခု သူ့မိခင်ဂြိုဟ်၏လုံခြုံရေးကို စစ်ဆေးရမည်။</p> <p> </p> <p>"ဂူဒယ်လ်... ရှေ့တန်းမှာ ဘာတွေဖြစ်နေတာလဲ"</p> <p> </p> <p>ထိုစဉ် အခြားခန်းမတစ်ခုမှ လူလတ်ပိုင်းအရွယ် အမျိုးသားတစ်ယောက် လျှောက်လာသည်။ သူ့ရုပ်ရည်သွင်ပြင်က ဂူဒယ်လ်နှင့် အလွန်ဆင်တူလှသည်။</p> <p> </p> <p>"အဖေ... အဖေရော မက်ဆေ့ချ်ရလိုက်လား"</p> <p> </p> <p>ဂူဒယ်လ်၏ မျက်နှာကား မှုန်ကုပ်နေတော့သည်။</p> <p> </p> <p>"ရှေ့တန်းမှာရှိတဲ့ ကျွန်တော်တို့ရဲ့ စစ်ရေယာဉ်စုအကုန်လုံး ချေမှုန်းခံလိုက်ရပြီ။ ဘာတွေဖြစ်နေတာလဲ။ အမြွှာဝေလငါး စကြဝဠာအင်ပါယာကို တစ်ယောက်ယောက်ကများ တိုက်ခိုက်နေတာလား"</p> <p> </p> <p> </p> <p>"အခုလေးတင် လာနီယာကီးယားမျိုးနွယ်စုက အကြီးအကဲတွေကို မေးကြည့်လိုက်တော့..."</p> <p> </p> <p>"သူတို့က ဘာပြောလဲ"</p> <p> </p> <p>"သူတို့ ဘာမှမသိဘူးတဲ့။ ဘာမှလည်း မမြင်ပါဘူးတဲ့..."</p> <p> </p> <p>ထိုအဖြေက ဂူဒယ်လ်ကို စိတ်ပျက်အားငယ်သွားစေသည်။</p> <p> </p> <p>တကယ်ပဲ သူတို့ ဘာမှမသိ၊ ဘာမှမမြင်ကြဘူးလား။</p> <p> </p> <p>အဆင့်ငါးမျိုးနွယ်စုစစ်ရေယာဉ်စုအများအပြား သူတို့၏စစ်မြေပြင်ထဲသို့ ဝင်ရောက်လာခဲ့သည်။ သူတို့အထက်မှ အဆင့်လေးမျိုးနွယ်စုက မသိလျှင်ပင် တိုက်ခိုက်မှု စတင်ချိန်၌ သူတို့ လုံးဝမသိခြင်းကား မဖြစ်နိုင်ပေ။</p> <p> </p> <p>သူတို့အနေနှင့် ဝင်မစွက်ဖက်ချင်သောကြောင့် သို့မဟုတ် ဝင်မစွက်ဖက်ရဲသောကြောင့်သာ။ ဒုတိယအချက်မှာမူ အလားအလာအများဆုံးပင်။</p> <p> </p> <p>"အဆင့်ငါးမျိုးနွယ်စုရဲ့ စစ်ရေယာဉ်စုဆိုတော့ လာနီယာကီးယားမျိုးနွယ်စုကို ထည့်ပြောမနေနဲ့။ အမြွှာဝေလငါးစကြဝဠာအင်ပါယာရဲ့ အရှင်သခင်တောင် အလျှော့ပေးရမယ့် အနေအထားမျိုးပဲ မဟုတ်လား"</p> <p> </p> <p>အာပါချီ၏ မျက်နှာထက်တွင် ထီပေါက်လိုက်သည့်အလား အလွန်ဝမ်းသာရွှင်မြူးနေသော အမူအရာကို မြင်နေရသည်။</p> <p> </p> <p>"ညီမလေးရေ သတင်းကောင်း။ သတင်းကောင်းကွ"</p> <p> </p> <p>"အစ်ကို... ဘာတွေများ ဒီလောက်ပျော်နေတာလဲ"</p> <p> </p> <p>ရှာယန်နာနှင့် ရှာဇီနာတို့က ဝမ်းသာလုံးဆို့နေသော သူတို့၏အစ်ကိုကို နားမလည်နိုင်ဟန်ဖြင့် ကြည့်လိုက်ကြသည်။</p> <p> </p> <p>"ရှေ့တန်းက မက်ဆေ့ချ်ရောက်လာတယ်။ အဆင့်ငါးစစ်ရေယာဉ်စုတစ်စုဆီက ငါတို့ အကူအညီရလိုက်တယ်။ သူတို့ဂူဂေါလ်မျိုးနွယ်စု စစ်သင်္ဘောယာဉ်စုတစ်ခုလုံး ချေမှုန်းခံလိုက်ရပြီး ငါတို့ဘက်ကတောင် ပြန်တိုက်ခိုက်နေပြီတဲ့"</p> <p> </p> <p>"တကယ်လား"</p> <p> </p> <p>ရှာယန်နာအနေနှင့် ခန့်မှန်းနေစရာပင် မလိုတော့ပေ။ ဤသည်မှာ ကျန်းမုန့်လောင်၏ လက်ချက်ပင် ဖြစ်ရမည်။</p> <p>အဆင့်ခုနစ်သိုင်းလက်နက်များကို သွန်းလုပ်နိုင်ပြီး များပြားလှသော စကြဝဠာအင်ပါယာ အရှင်သခင်များကို အရူးအမူး လေးစားအားကျစေနိုင်သော သူတစ်ဦးတည်းသာလျှင် ဤကဲ့သို့သော ကိစ္စမျိုးကို လွယ်လွယ်ကူကူ ပြီးမြောက်အောင် လုပ်ဆောင်နိုင်ပေမည်။</p> <p> </p> <p>ထိုစကြဝဠာအင်ပါယာအရှင်သခင်များ မည်မျှ နှိမ့်ချနေကြသည်ကို မမြင်လေဘူးလား။ သူတို့၏အန်ဒရိုမီဒါမျိုးနွယ်စုကို ကူညီရန် စစ်တပ်များ စေလွှတ်ခိုင်းဖို့ သူ့အနေနှင့် စကားတစ်ခွန်းတည်းသာ ပြောရန်လိုသည်။</p> <p> </p> <p>သို့သော် စစ်ကူရောက်လာသည့် ဤအရှိန်ကတော့ မယုံနိုင်လောက်အောင် မြန်ဆန်လွန်းသည် မဟုတ်လား။</p> <p> </p> <p>"တောင်းပန်ပါတယ် ဂူဒယ်လ်... ဒီစစ်ပွဲမှာ ငါတို့အနိုင်ရသွားပြီ ထင်တယ်"</p> <p> </p> <p>အာပါချီ၏ရင်ထဲရှိ လေးလံမှုများ လုံးဝ ပျောက်ကွယ်သွားလေပြီ။</p> <p> </p> <p>ယခုတစ်ကြိမ်တွင် ဂူဂေါလ်မျိုးနွယ်စုသည် ဤစစ်ပွဲအတွက် သူတို့၏ စစ်တပ်၉၀ရာခိုင်နှုန်းခန့်ကို စေလွှတ်ခဲ့သည်။ ယခု သူတို့၏ စစ်သင်္ဘောယာဉ်စုကြီးမှာ လုံးဝချေမှုန်းခံလိုက်ရပြီး မြို့တော်ပင် ပြင်းထန်သော ထိုးနှက်မှုဒဏ်ကို ခံလိုက်ရပြီဖြစ်လေရာ သူတို့၏တိုက်ခိုက်ရေးစွမ်းအားက သေးငယ်သော အဆင့်နှစ်မျိုးနွယ်စုလောက်ပင် ကောင်းချင်မှ ကောင်းတော့မည်ဖြစ်၏။</p> <p> </p> <p>ယခုမူ သူတို့၏ ဖယ်ရီမျိုးနွယ်စုနှင့် ဆက်လက်တိုက်ခိုက်နိုင်ရန် နည်းလမ်းမရှိတော့ပေ။ ပြည်တွင်းပဋိပက္ခတစ်ခုတည်းကပင် သူတို့ကို စိုးရိမ်ပူပန်အောင်လုပ်ရန် လုံလောက်နေချေပြီ။ အစွမ်းထက်အဆင့်နှစ်မျိုးနွယ်စုအချို့က အုပ်စိုးရှင်အသစ်များအဖြစ် ပေါ်ထွက်လာနိုင်ချေရှိသည်။</p> <p> </p> <p>သူတို့၏ ဖယ်ရီမျိုးနွယ်စုအတွက်မူ ဤစစ်မြေပြင်တွင် ဖြစ်ပျက်ခဲ့သည့် အရာများမှာ လာနီယာကီးယားမျိုးနွယ်စုတစ်ခုလုံးနှင့် အမြွှာဝေလငါးစကြဝဠာအင်ပါယာတစ်ခုလုံးအထိ ပျံ့နှံ့သွားလောက်ပြီဖြစ်၏။</p> <p> </p> <p>အဆင့်ငါးမျိုးနွယ်စုပေါင်းများစွာ၏ ကျောထောက်နောက်ခံဖြင့်ဆိုလျှင် အဆင့်သုံးမျိုးနွယ်စုများကို မဆိုထားနှင့်။ အဆင့်လေးမျိုးနွယ်စုများနှင့် အမြွှာဝေလငါး စကြဝဠာအင်ပါယာအရှင်သခင်များပင် သူတို့၏အလိုကို ဖြည့်ဆည်းပေးချင်ကြလိမ့်မည်။ သို့ဖြစ်လေရာ သူတို့၏ အန်ဒရိုမီဒါမျိုးနွယ်စုကို မည်သူကများ ရန်စရဲမည်နည်း။</p> <p> </p> <p>"ဘာလို့လဲဆိုတာ မင်း သိချင်လား"</p> <p> </p> <p>အာပါချီက ဂူဒယ်လ်ကို အေးစက်စက် ကြည့်လိုက်သည်။</p> <p> </p> <p>"မင်းရှေ့မှာရပ်နေတဲ့ ဒီလူကြီးမင်းက ငါ့ညီမလေးရဲ့ချစ်သူပဲ"</p> <p> </p> <p>ဂူဒယ်လ်၏စိတ်ထဲတွင် လျှပ်စီးတစ်ကြောင်း ဖြတ်ပြေးသွားသလို ခံစားလိုက်ရသည်။</p> <p> </p> <p>သူ(မ)၏ ချစ်သူတဲ့လား။ အဆင့်ငါးမျိုးနွယ်စုရှိ ကြီးမြတ်သော ပုဂ္ဂိုလ်တစ်ယောက်၏ အာရုံစိုက်မှုကို ရအောင် သူ(မ) ဘယ်လိုလုပ်နိုင်ခဲ့လေသလဲ။</p> <p> </p> <p>သို့သော် အိုင်းရင်းနှင့် ကျန်းမုန့်လောင်တို့၏ ရင်ဘတ်ပေါ်ရှိ တံဆိပ်များမှာ လိမ်ညာနေခြင်း မဟုတ်ပေ။ အဆင့်ငါးမျိုးနွယ်စုစစ်သင်္ဘောယာဉ်စုအများအပြားကို လွယ်လင့်တကူအမိန့်ပေးနိုင်ခြင်းမှာ သူတို့နောက်ကွယ်ရှိ အဆင့်ငါးမျိုးနွယ်စုသည် သာမန်မဟုတ်ကြောင်း ပြသနေသည်။</p> <p> </p> <p>"အဖေ... ကျွန်တော်က ဒီမှာ"</p> <p> </p> <p>ထိုစဉ် အာပါချီကလည်း လူအုပ်ထဲတွင် သူ့အဖေကို တွေ့လိုက်ရသည်။ သူ့အဖေ၏ဘေးတွင် အဆင့်လေးမျိုးနွယ်စုကို ကိုယ်စားပြုသည့်တံဆိပ်ကို ရင်ဘတ်တွင်တပ်ထားသည့် အခြားလူငယ်တစ်ယောက်လည်း ရှိနေသေးသည်ဖြစ်ရာ ထိုလူမှာ တပ်မမှူး၏သားဖြစ်မည်ဟု ခန့်မှန်းရသည်။</p> <p> </p> <p>"မင်းတောက်ပရမယ့် အခွင့်အရေး ရောက်လာပြီ"</p> <p> </p> <p>ကျန်းမုန့်လောင်က အိုင်းရင်း၏ကျောကို ပုတ်ကာ အချက်ပြလိုက်သည်။</p> <p> </p> <p>အိုင်းရင်းကလည်း ဤသည်မှာ သူ့ယောက္ခမလောင်းရှေ့တွင် မျက်နှာပန်းလှမည့် အခွင့်အရေးဖြစ်ကြောင်း သိလိုက်သည်။</p> <p> </p> <p>"စစ်မြေပြင်ကနေ ချက်ချင်းဆုတ်ခွာပြီး ဖယ်ရီမျိုးနွယ်စုကို လုံလောက်တဲ့ လျော်ကြေးငွေ ပေးဆောင်ပါ။ မဟုတ်ရင် မင်းတို့ရဲ့မြို့တော်ဂြိုဟ်ကို တစ်ချက်တည်းနဲ့ ဖောက်ခွဲပစ်ဖို့ ငါ လူလွှတ်လိုက်မယ်။ ငါ့စကားတွေကို သံသယမဝင်နဲ့နော်။ လာနီယာကီးယားမျိုးနွယ်စုရဲ့ အုပ်စိုးရှင်မပြောနဲ့။ အမြွှာဝေလငါးစကြဝဠာအင်ပါယာရဲ့ အရှင်သခင်တောင် စကားတစ်ခွန်းဟရဲမှာ မဟုတ်ဘူး။"</p> <p> </p> <p>"ဟုတ်... ဟုတ်ကဲ့ပါ အရှင်။ အရှင့်အမိန့်အတိုင်း ကျွန်တော်တို့ တိတိကျကျလိုက်နာပါ့မယ်"</p> <p> </p> <p>ထိုအခိုက်အတန့်တွင် ဂူဂေါလ်မျိုးနွယ်စု၌ ညှိနှိုင်းရန် အင်အားမရှိတော့ပေ။ သူတို့အနေနှင့် ခြွင်းချက်မရှိ လိုက်နာရန်သာ ရှိတော့သည်။</p> <p> </p> <p>"သွားတော့။ နောက်ပိုင်းကိစ္စတွေကို ဖယ်ရီ မျိုးနွယ်စုက လူတွေက မင်းတို့နဲ့ ဆက်သွယ်ဖို့ စီစဉ်လိမ့်မယ်။ ဉာဏ်များဖို့ မကြံနဲ့နော်။ ငါ သူတို့ကို အချိန်မရွေးထပ်လာခိုင်းလို့ ရတယ်"</p> <p> </p> <p> </p> <p>...</p> <p> </p> <p> </p> <p>"အဖေ.. အဖေ့ကို လူတစ်ယောက်နဲ့ မိတ်ဆက်ပေးရစေ"</p> <p> </p> <p>အာပါချီက သူ့အဖေရှေ့တွင် အိုင်းရင်းကို ပျော်ရွှင်စွာ မိတ်ဆက်ပေးလိုက်သည်။</p> <p> </p> <p>"ဒါက ရှာယန်နာရဲ့ ချစ်သူပါ"</p> <p> </p> <p>"ရှာယန်နာရဲ့ချစ်သူ ဟုတ်လား"</p> <p> </p> <p>သူ့ဘေးရှိ လူငယ်လေးက ဒေါသထွက်နေလေဟန် အမူအရာကို ပြသလိုက်ပြီး အန်ဒရိုမီဒါမျိုးနွယ်စု၏ အရှင်သခင်ကို မေးခွန်းထုတ်လိုက်သည်။</p> <p> </p> <p>"ဒါဆို ကျွန်တော်တို့ရဲ့ ကမ်းလှမ်းမှုက ဘာအဓိပ္ပာယ်ရှိတော့မှာလဲ။ ခင်ဗျားက ကျွန်တော်တို့ကို ကစားနေတာလား"</p> <p> </p> <p>"ကိုယ့်လူ... ခင်ဗျားမှာ ပြဿနာတစ်ခုခုများ ရှိလို့လား"</p> <p> </p> <p>အိုင်းရင်းက ထိုလူငယ်ကို စိုက်ကြည့်လိုက်၏။</p> <p> </p> <p>တပ်မမှူး၏သားက ပြန်လည်ချေပချင်သော်လည်း အိုင်းရင်း၏ ရင်ဘတ်ပေါ်ရှိ တံဆိပ်ကို မြင်လိုက်ရသည့် အခိုက်အတန့်ဝယ် သူ့လည်ပင်းကို လက်တစ်ဖက်ဖြင့် ဆုပ်ညှစ်လိုက်သလို ခံစားလိုက်ရသည်။</p> <p> </p> <p>သူစိတ်အစဉ်ကား ပြိုလဲသွားတော့သည်။</p> <p> </p> <p>ခင်ဗျားသမီးက အဆင့်ငါးမျိုးနွယ်စုဝင်နဲ့ ချစ်သူဖြစ်နေပါရက်နဲ့ ကျွန်တော်တို့လို ပါ့မွှားအဆင့်လေးမျိုးနွယ်စုနဲ့ ထိမ်းမြားမဟာမိတ်ဖွဲ့ဖို့ လုပ်နေသေးတာလား။</p> <p> </p> <p>အဓိပ္ပာယ်မရှိလိုက်တာ..</p> <p> </p> <p> </p> <p> </p> <p> </p> <p> </p> <p>*******************</p> <p> </p> <p> </p> <p> </p> <p>***</p> <p> </p>


Save