Book List

<h2 style="text-align: center;">အခန်း ၈၅၃</h2> <h2 style="text-align: center;">ဒီဆိုင်ခန်းကို ရောင်းမှာလား</h2> <h2 style="text-align: center;">*</h2> <h2 style="text-align: center;"> </h2> <p> </p> <p> </p> <p> </p> <p> </p> <p>"ဟန်မလုပ်ခဲ့သင့်ဘူး"</p> <p> </p> <p>ကျန်းမုန့်လောင်ခမျာ တတွတ်တွတ် ရေရွတ်နေမိသည်။ သူ့မှာ မကုန်နိုင်မခမ်းနိုင်သော ကြွယ်ဝမှုများ ရှိနေပါလျက်နှင့် ဤပိုက်ဆံများမှာ စကြဝဠာမြေအောက်ပြပွဲတွင် သုံးမရချေ။ ဤအဖြစ်ကို သူ ဘယ်သူ့ကို သွားတိုင်ရမလဲ။</p> <p> </p> <p>"နည်းလမ်းမရှိတော့ဘူးလား"</p> <p> </p> <p>ကျန်းမုန့်လောင်က မေးလိုက်သည်။</p> <p> </p> <p>"အန္တရာယ်လည်းနည်းပြီး ပိုက်ဆံအမြန်ရမယ့် အလုပ်မျိုး မရှိဘူးလား"</p> <p> </p> <p>"ရှိတော့ရှိတယ်။ ဒါပေမဲ့ အဲဒီအလုပ်တွေအားလုံးက စကြဝဠာမဟာမိတ်အဖွဲ့ရဲ့ ရာဇဝတ်မှုဥပဒေထဲမှာ ရေးထားတဲ့အလုပ်တွေချည်းပဲ"</p> <p> </p> <p>အိုင်းရင်းက ပြောလိုက်သည်။</p> <p> </p> <p>"အဆင့်သုံးနဲ့အထက် မျိုးနွယ်စုတိုင်းမှာ အမှောင်ဒင်္ဂါးပြား စုဆောင်းထားတာတွေ ရှိတတ်ကြတယ်။ အစ်ကိုကျန်းသာ သတ္တိရှိမယ်ဆိုရင် တစ်အိမ်တက်ဆင်းလိုက်လုရုံပဲ"</p> <p> </p> <p>"ဓားပြတိုက်တာက နှေးလွန်းတယ်"</p> <p> </p> <p>ကျန်းမုန့်လောင်က အော်ပြောလိုက်သည်။ တစ်နေ့ကို မျိုးနွယ်စုတစ်ခုနှုန်းနှင့် လုယက်လျှင်ပင် မြေအောက်ပြပွဲ တရားဝင်စတင်ချိန်တွင် ငွေများများစားစားရမည်မဟုတ်ပေ။ ထိုအချိန်မှသာ သူ တကယ်လိုချင်သော ပစ္စည်းပေါ်လာခဲ့လျှင် ဝယ်နိုင်တော့မည်မဟုတ်ပေ။</p> <p> </p> <p>ဤတစ်ခေါက်မှာ သူသည် အဆင့်ငါးအထွတ်အထိပ်မျိုးနွယ်စု၏ စစ်သင်္ဘောယာဉ်စုအနည်းငယ်ကို အိမ်ပြန်သယ်သွားရန် စီစဉ်ထားသည်။ စစ်သင်္ဘောတစ်စီးကို စကြဝဠာဒင်္ဂါးပြား တစ်ဆယ်ထရီလီယံခန့် တန်ကြေးရှိပြီး ဤ"မှောင်ခိုဈေးကွက်"ထဲတွင် တစ်စီးဝယ်ရန်ပင် အမှောင်ဒင်္ဂါးပြား တစ်ဘီလီယံခန့် လိုအပ်မည်ဖြစ်၏။</p> <p> </p> <p>စံနှုန်းမီစစ်ဆင်ရေးယာဉ်တန်းတစ်ခု ဖြစ်လာရန် စစ်သင်္ဘောယာဉ်စုတစ်စုမှာ အနည်းဆုံး စစ်သင်္ဘောအစီးရေတစ်ထောင် လိုအပ်သည်။ ဤသည်မှာ အမှောင်ဒင်္ဂါးပြား တစ်ဆယ်ထရီလီယံပင် ဖြစ်နေချေပြီ။</p> <p> </p> <p>"ဒါလည်း ဟုတ်တာပဲ။ အသေးစားအဆင့်ငါးမျိုးနွယ်စုတစ်ခုမှာတောင် အမှောင်ဒင်္ဂါးပြား ဘီလီယံဆယ်ဂဏန်းလောက်ပဲ ရှိမှာဆိုတော့ လုရတာ တကယ်နှေးလိမ့်မယ်"</p> <p> </p> <p>"တခြားနည်းလမ်းရော ရှိသေးလား"</p> <p> </p> <p>"ရှိတာပေါ့"</p> <p> </p> <p>အိုင်းရင်းက ပြောလိုက်၏။</p> <p> </p> <p>"ကျွန်တော်ပြောပြခဲ့တဲ့ ကုန်သွယ်ရေးဈေးကွက်ကို မှတ်မိလား။ အဲဒီမှာဆိုရင် အရောင်းအဝယ်လုပ်ဖို့ ငွေကြေးကို စိတ်ကြိုက်ရွေးချယ်လို့ရတယ်။ ငွေသားအမြန်လိုချင်တဲ့လူတွေက အဲဒီမှာ ပစ္စည်းတွေ ဝယ်တတ်ကြတယ်။ တစ်ခါတလေ အဲဒီက သာမန်ဈေးသည်တစ်ယောက်က ဂြိုဟ်တစ်ခုမှာ ဈေးလာရောင်းနေတဲ့ အဆင့်ငါးမျိုးနွယ်စုရဲ့ အရှင်သခင်လည်း ဖြစ်နေနိုင်တယ်"</p> <p> </p> <p>"မင်းပြောချင်တာက ငါ့ကို အဲဒီမှာ ပစ္စည်းသွားရောင်းခိုင်းတာလား"</p> <p> </p> <p>"အစ်ကိုကျန်းရဲ့ သိုင်းလက်နက်သွန်းလုပ်နိုင်စွမ်းနဲ့ဆိုရင် ပိုက်ဆံမရမှာ စိတ်ပူနေသေးတာလား"</p> <p> </p> <p>အိုင်းရင်းက ဆိုလိုက်သည်။</p> <p> </p> <p>"ဒါပေမဲ့ သတိတော့ထားနော်။ အဲဒီနေရာက လူကို အရိုးပါဝါးစားမယ့်နေရာမျိုး။ ဈေးကလည်း အရမ်းခေါင်းပုံဖြတ်တာ။ ပုံမှန်ဆိုရင် တစ်အချိုးတစ်သောင်းဆိုပေမဲ့ အဲဒီမှာဆိုရင် တစ်အချိုး တစ်သောင်းနှစ်ထောင် ဒါမှမဟုတ် အဲဒီထက်တောင် ပိုသွားနိုင်တယ်"</p> <p> </p> <p>"နားလည်ပြီ"</p> <p> </p> <p>ကျန်းမုန့်လောင် ခေါင်းညိတ်ပြလိုက်သည်။</p> <p> </p> <p>"ဒါဆို ငါ သွားပြီ"</p> <p> </p> <p>"သေစမ်း... ငါ့တစ်သက် ပိုက်ဆံထပ်ရှာစရာ မလိုတော့ဘူးလို့ ထင်ထားတာ။ ငါက ဝါအရမ်းနုသေးတာပဲ"</p> <p> </p> <p>ကျန်းမုန့်လောင်မှာ ကူကယ်ရာမဲ့လေဟန် အမူအရာကို ပြသလိုက်သည်။ စစ်သင်္ဘောယာဉ်စုအနည်းငယ်ကို ရရှိရန်မှာ စင်စစ်ဒုက္ခများလှပေသည်။</p> <p> </p> <p>"ဟန်လုပ်မိရင် ပြဿနာတက်တာပဲ"</p> <p> </p> <p>အကယ်၍ သူသာ စောစောစီးစီးလှုပ်ရှားခဲ့မည်ဆိုလျှင် ဈေးကွက်ထဲတွင် စကြဝဠာဒင်္ဂါးပြားများကို အမှောင်ဒင်္ဂါးပြား အမြောက်အများနှင့် လဲလှယ်နိုင်ခဲ့မည်သာ။</p> <p> </p> <p>သို့သော် ယခုအချိန်တွင် ဈေးကွက်ထဲရှိ အမှောင်ဒင်္ဂါးအားလုံးနီးပါးကို အင်အားကြီးအဖွဲ့အစည်းများက လက်ဝါးကြီးအုပ်ထားပြီးဖြစ်၏။ သူတို့ကို ဆွဲဆောင်နိုင်လောက်သော တန်ဖိုးကြီးပစ္စည်းတစ်ခုခုကို မပြနိုင်ပါက သူတို့ဆီက ပိုက်ဆံထွက်လာရန် အလွန်ခက်ခဲလိမ့်မည်။</p> <p> </p> <p>မြေပုံညွှန်ကြားချက်အတိုင်း လိုက်လာရင်း ကျန်းမုန့်လောင်တစ်ယောက် ကုန်သွယ်ရေးဈေးကွက်ဟုခေါ်သော ထိုနေရာကို အမြန်ရှာတွေ့လိုက်သည်။</p> <p> </p> <p>၎င်းမှာ အလွန်စိတ်ဝင်စားဖို့ကောင်းသော ဂြိုဟ်တစ်ခုပင်။ ဂြိုဟ်လည်ပတ်မှုက ရပ်တန့်လုနီးပါးဖြစ်နေပြီး လေထုလည်း မရှိပေ။ တစ်ဖက်ခြမ်းမှာ လူလုပ်ကြယ်ကို မျက်နှာမူထားပြီး ကျန်တစ်ဖက်ခြမ်းကမူ အေးစက်မှောင်မိုက်သော စကြဝဠာကြီးကို မျက်နှာမူထားလေရာ နေ့နှင့်ည အပူချိန်ကွာခြားချက်မှာ အလွန်ကြီးမားလှသည်။ နေရောင်ရသောဘက်တွင် သုံးရာဒီဂရီဆဲလ်စီးယက်ကျော်ရှိပြီး အခြားတစ်ဖက်မှာတော့ အနှုတ်၁၈၀ဒီဂရီနီးပါး ရှိ၏။</p> <p> </p> <p>သို့သော် ပွဲစီစဉ်သူများက အလွန်စိတ်ကူးကောင်းကြသည်။ ထိုအစွန်းရောက် ပတ်ဝန်းကျင်နှစ်ခုဆုံရာနေရာတွင် အိုအေစစ်တစ်ခုကို တည်ဆောက်ထားသည်။ ထိုကုန်သွယ်ရေးဈေးကွက်ကို ဂြိုဟ်၏ နေ့နှင့်ညကြားရှိ အလင်းတန်းတစ်လျှောက် တည်ထောင်ထားခြင်းဖြစ်၏။</p> <p> </p> <p> </p> <p>ဈေးဆိုင်ခန်းများအားလုံးကလည်း အလကားပင်။ နေရာရွှေ့ပြောင်းရေးဝင်ပေါက်နားရှိ ဆိုင်များကတော့ လူအစည်ဆုံးပင်။ မည်သူလာလာ ထိုဆိုင်များကို အရင်ဆုံးမြင်ရတတ်သည်။</p> <p> </p> <p>ပတ်ဝန်းကျင်တစ်ခုလုံးမှာ အော်ဟစ်ရောင်းချသံများနှင့် ဆူညံနေသည်။ အဆင့်မြင့်မျိုးနွယ်စုများ၏ အရှင်သခင်များမှာ ဤနေရာသို့ ကိုယ်တိုင်ကိုယ်ကျ လာရောက်၍ ဆိုင်ဖွင့်မည်မဟုတ်ပေ။ အများစုမှာ သူတို့၏ လက်အောက်ငယ်သားများကိုသာ လွှတ်ထားခြင်းဖြစ်၏။ အဆုံးမှာ ဤအလုပ်မျိုးမှာ သူတို့၏ဂုဏ်သိက္ခာနှင့် မကိုက်ညီဘူးဟု ယူဆထားကြသည်။</p> <p> </p> <p>"အဆင့်တစ်မျိုးနွယ်စုတွေကို အ​များကြီးရောင်းပေးပါ့မယ်။ အမှောင်ဒင်္ဂါးပြားနဲ့ပဲ လက်ခံပါတယ်နော်။ တစ်ခုကို တစ်ပြားပဲ။ အများကြီးဝယ်ရင် ပိုလျှော့ပေးမယ်။ လက်ဦးတဲ့လူ အရင်ရမယ်နော်"</p> <p> </p> <p>"ရှားပါးစကြဝဠာသတ္တဝါတွေ ရောင်းမယ်နော်။ ကောင်းကောင်းမွေးမြူရင် ခင်ဗျားတို့ရဲ့ အကောင်းဆုံးလက်ရုံးဖြစ်လာမှာပါ။ စကြဝဠာဒင်္ဂါးပြားနဲ့လည်း လက်ခံပါတယ်။ အမှောင်ဒင်္ဂါးပြားနဲ့ဆိုရင် ၁၀ရာခိုင်နှုန်း လျှော့ပေးမယ်"</p> <p> </p> <p>"အဆင့်ငါးသိုင်းလက်နက်ကို အမှောင်ဒင်္ဂါးပြားငါးဘီလီယံနဲ့ ရောင်းပါ့မယ်"</p> <p> </p> <p>"အဆင့်ငါးသက်ရှိတွေအတွက် မျိုးရိုးဗီဇမြှင့်တင်ရေးလျှို့ဝှက်ချက်တွေကို အမှောင်ဒင်္ဂါးပြား၂၀ဘီလီယံနဲ့ ရောင်းပါ့မယ်"</p> <p> </p> <p>"ဝိုး... ဟင်းသီးဟင်းရွက်ဈေးထက်တောင် စည်နေသေးတယ်"</p> <p> </p> <p>ကျန်းမုန့်လောင်မှာ ဤကဲ့သို့သော မြင်ကွင်းမျိုးကို ပထမဆုံးအကြိမ် မြင်ဖူးခြင်းပင်။</p> <p> </p> <p>ကုန်သွယ်ရေးဈေးကွက်ထဲတွင် ပစ္စည်းမျိုးစုံ  အမှန်တကယ်ရှိနေပေသည်။ ဂြိုဟ်များကတော့ အရောင်းရဆုံးပစ္စည်းများပင်။ ရံဖန်ရံခါတွင် စကြဝဠာသတ္တဝါများ၊ လက်နက်ကျမ်းစာများ၊ တစ်ပတ်ရစ် အာကာသသင်္ဘောတပ်စုများနှင့် ကျွန်များကိုပါ တွေ့ရတတ်သော်လည်း အားလုံးက လက်လီပုံစံမျိုးသာဖြစ်၍ အရေအတွက် နည်းပါးလှသည်။</p> <p> </p> <p>"အဲဒါ ရွှေရောင်အမွှေးနဲ့ ကြောင်လေးလား"</p> <p> </p> <p>ကျန်းမုန့်လောင်သည် လှောင်အိမ်ထဲရှိ ကြောင်တစ်ကောင်ကို သတိထားမိလိုက်သည်။ ထိုအကောင်လေးမှာ သူ့သားမွေးလေးများကို သန့်ရှင်းရေးလုပ်နေပြီး ဘာအန္တရာယ်မှမရှိလေဟန်ပင်။</p> <p> </p> <p>"လူငယ်လေး... ဒီစကြဝဠာအသားစားသတ္တဝါကို ကြည့်လိုက်ပါဦး။ စကြဝဠာထဲမှာ အရမ်းကြောက်စရာကောင်းတဲ့ သတ္တဝါဖြစ်ပေမဲ့ ပိုင်ရှင်အပေါ်တော့ အရမ်းသစ္စာရှိတယ်။ သေချာမွေးမြူမယ်ဆိုရင် အဆင့်၈သက်ရှိအထိတောင် ကြီးထွားလာနိုင်တယ်။ ကျွန်တော် အမှောင်ဒင်္ဂါးပြား၅ထရီလီယံနဲ့ပဲ ရောင်းမယ်။ စကြဝဠာဒင်္ဂါးပြားနဲ့ဆိုရင် ကြယ်ယူနစ်၆၀ပဲ ကျသင့်မယ်။ ဘယ်လိုလဲ။ အရှုံးမရှိစေရဘူးနော်"</p> <p> </p> <p>ဆိုင်ပိုင်ရှင်မှာ အဆင့်သုံးသက်ရှိတစ်ဦးဖြစ်ပြီး လူမိုက်လက်ပါးစေတစ်ယောက်နှင့် အလွန်တူနေချေသည်။</p> <p> </p> <p>"စကြဝဠာအသားစားသတ္တဝါ ဟုတ်လား။ ဝိုး... ဒါမျိုးက တကယ်ရှိတာလား"</p> <p> </p> <p>ကျန်းမုန့်လောင်သည် "Captain Marvel"ကားထဲတွင် ထိုကဲ့သို့သော သတ္တဝါမျိုးကို တွေ့ဖူးသည်။ ကြည့်ရသည်မှာ လိမ္မော်ရောင်ကြောင်လေးနှင့် တူသော်လည်း တကယ်တမ်းမှာမူ ကြောက်စရာကောင်းသော စကြဝဠာသတ္တဝါဖြစ်၏။ သူ့ဗိုက်ထဲတွင် အခြားအတိုင်းအတာတစ်ခုအထိ ကျယ်ဝန်းသော နေရာလွတ်ရှိပြီး ဂြိုဟ်တစ်ခုလုံးကိုပင် ဝါးမျိုပစ်နိုင်စွမ်းရှိသည်။</p> <p> </p> <p>အကယ်၍ ဤသည်မှာ အမှန်တကယ်သာ ထိုသတ္တဝါမျိုးဆိုလျှင် ကြယ်ယူနစ်၆၀နှင့် ဝယ်ရသည်မှာ တန်လှပေသည်။</p> <p> </p> <p>"ညီလေး... သူ့အလိမ်စကားကို မယုံမိစေနဲ့။ အဲဒါ စကြဝဠာအသားစားသတ္တဝါ မဟုတ်ဘူး"</p> <p> </p> <p>ယခုမှရောက်လာသော ဘေးနားရှိ လူလတ်ပိုင်းအရွယ် အမျိုးသားတစ်ယောက်က စေတနာဖြင့် သတိပေးလိုက်သည်။</p> <p> </p> <p>"အဲဒါက အသားစားသတ္တဝါဖြစ်ဖို့မပြောနဲ့။ တကယ့်အစစ်ရဲ့သားမွေးက လိမ္မော်ရောင်။ သေချာကြည့်ရင် အများကြီးကွာတယ်။ ဒါက သာမန်စကြဝဠာသတ္တဝါလေးပါ။ အများဆုံးရှိလှ အဆင့်နှစ်သက်ရှိပေါ့"</p> <p> </p> <p>"ထွက်သွားစမ်း။ မင်းက ငါ့စီးပွားရေးကို လာဖျက်ဆီးနေတာလား"</p> <p> </p> <p>အလိမ်ပေါ်သွားသဖြင့် ဆိုင်ရှင်လည်း ဒေါသထွက်သွားတော့သည်။</p> <p> </p> <p>"စိတ်တိုသွားတယ်ပေါ့"</p> <p> </p> <p>ထိုလူလတ်ပိုင်းအရွယ် အမျိုးသားကလည်း မခေလှပေ။</p> <p> </p> <p>"ဒီနားမှာ အဆင့်၆သက်ရှိတွေ ကင်းလှည့်နေတာနော်။ ခင်ဗျား ရမ်းကားချင်တယ်ဆိုရင်တော့ ကိုယ့်ပြဿနာကိုယ်ရှာတာပဲ။ လူသစ်တွေကို လိမ်ညာလှည့်ဖြားနေတဲ့ ခင်ဗျားလို လူလိမ်မျိုးကို ကျုပ် အထင်မကြီးဘူး"</p> <p> </p> <p>ဆိုင်ရှင်က ထိုဂြိုဟ်ပေါ်ရှိ တစ်ခုတည်းသော အဆောက်အအုံဖြစ်သည့် လုံခြုံရေးရုံးရှိရာဘက်သို့ မကျေမနပ်ဖြင့် ကြည့်လိုက်မိသည်။ အဆင့်ခြောက်သက်ရှိများ စောင့်ကြပ်နေသည့်အတွက် ဤနေရာတွင် မည်သူကမှ စည်းကမ်းမဖောက်ဖျက်ရဲကြပေ။</p> <p> </p> <p>"ကျေးဇူးတင်ပါတယ် အစ်ကို"</p> <p> </p> <p>ကျန်းမုန့်လောင်က ထို"ရွှေရောင်"ကြောင်လေးကို တစ်ချက်ထပ်ကြည့်လိုက်မိသည်။ ဤသည်မှာ သူထင်ထားသော မျိုးစိတ်မဟုတ်ဘူးလား။</p> <p> </p> <p>ဘိုးဘေးတစ်ယောက်ယောက်က ရွှေရောင်ကြောင်လေးတစ်ကောင်ကို အာကာသထဲ ခေါ်သွားပြီး စကြဝဠာကြီးကို သိမ်းပိုက်ခိုင်းခဲ့ခြင်းများလား။</p> <p> </p> <p>"ဘာမှမဟုတ်ပါဘူး။ မင်းက လူသစ်မှန်း သိသာနေလို့ပါ။ ပြီးတော့ သူပြောတဲ့ဈေးနှုန်းနဲ့ဆိုရင် မင်း ဝယ်နိုင်ပါ့မလားပဲ"</p> <p> </p> <p>ထိုလူက ကျန်းမုန့်လောင်ကို ခြေဆုံးခေါင်းဆုံး အကဲခတ်လိုက်ပြီးနောက် ကြယ်ယူနစ်၆၀ကို သူ တကယ်ပေးနိုင်ပါ့မလားဟု တွေးတောနေသည်။</p> <p> </p> <p>ကျန်းမုန့်လောင်မှာ ပတ်ဝန်းကျင်ကို လှည့်ပတ်ကြည့်ရှုနေမိသည်။ နေရာရွှေ့​ပြောင်းရေးဆုံမှတ်နှင့် ဝေးလေလေ ပစ္စည်းဈေးနှုန်းများက သက်သာလေလေဖြစ်သော်လည်း လူနည်းသွားသဖြင့် ပိုက်ဆံရဖို့ ခက်ခဲနိုင်ပေသည်။</p> <p> </p> <p>ဤသည်မှာ ကြော်ငြာသုံးပြီး လူအဝင်အထွက်များအောင် လုပ်နိုင်သည့် အွန်လိုင်းဈေးဝယ်ဝက်ဘ်ဆိုက်မဟုတ်ချေ။ ဝယ်သူများကို ဆွဲဆောင်နိုင်ရန် အချက်အချာကျသော နေရာတစ်ခု လိုအပ်လေသည်။</p> <p> </p> <p>သို့သော် နေရာလုရန်မှာမူ မဖြစ်နိုင်ပေ။ အဆင့်ခြောက်သက်ရှိများ စောင့်ကြပ်နေသဖြင့် ဝီချက်ကတစ်ဆင့် တစ်ယောက်ယောက်ကို ခေါ်လာလျှင်ပင် မြေအောက်ပြပွဲစီစဉ်သူများကို ဆန့်ကျင်ရဲမည် မဟုတ်ပေ။ သို့သော် သူ့တွင် ပိုက်ဆံရှိ၏။</p> <p> </p> <p>ကျန်းမုန့်လောင်လည်း လူအစည်ဆုံးဆိုင်သို့ တည့်တည့်လျှောက်သွားလိုက်သည်။ ဆိုင်ရှင်မှာ အဆင့်၅သက်ရှိတစ်ဦးဖြစ်ပြီး ဂြိုဟ်များ၊ ကျွန်များ၊ တစ်ပတ်ရစ်သင်္ဘောများ၊ မျိုးနွယ်စုများကြားရှိ ကုမ္ပဏီရှယ်ယာများနှင့် သူ နာမည်မသိသည့် ပစ္စည်းတော်တော်များများကို ရောင်းချနေပေသည်။</p> <p> </p> <p>ဖြတ်သွားဖြတ်လာအားလုံးနီးပါးက ဘာပစ္စည်းများရှိလဲဆိုသည်ကို ဝင်ကြည့်ကြသည်။ ဈေးအပေါဆုံးမဟုတ်သော်လည်း စီးပွားရေးကတော့ အလွန်ကောင်းမွန်လှသည်။</p> <p> </p> <p>"ညီလေး... လူကြီးတွေနဲ့အတူ အမြင်ကျယ်အောင် လိုက်ကြည့်တာလား"</p> <p> </p> <p>ဆိုင်ရှင်က ကျန်းမုန့်လောင်ကို ဖော်ဖော်ရွေရွေ နှုတ်ဆက်လိုက်သည်။</p> <p> </p> <p>"ဝင်ကြည့်ဦးမလား။ မင်း စိတ်ဝင်စားမယ့် ပစ္စည်းတွေ အများကြီးရှိနိုင်တယ်နော်"</p> <p> </p> <p>"ကျွန်တော်က ဘာမှဝယ်ဖို့ လာတာမဟုတ်ဘူး"</p> <p> </p> <p>ကျန်းမုန့်လောင်က ပြောလိုက်သည်။</p> <p> </p> <p>"ခင်ဗျား ဒီဆိုင်ခန်းကို ရောင်းမှာလားလို့ သိချင်လို့ပါ"</p> <p> </p> <p> </p> <p> </p> <p> </p> <p>*****************</p> <p> </p> <p> </p> <p>***</p> <p> </p>


Save