Book List

<h2 style="text-align: center;">အခန်း ၈၅၅</h2> <h2 style="text-align: center;">မင်းတို့အားလုံးကို ငါ ချေမှုန်းပစ်မယ်</h2> <h2 style="text-align: center;">*</h2> <p> </p> <p> </p> <p> </p> <p> </p> <p>စကြဝဠာကုန်သွယ်ရေးဈေးကွက်ဌာနချုပ်တွင် စစ်ဆင်ရေးနှင့် အရောင်းဝန်ထမ်းတစ်စု ကြိုးစားပမ်းစား အလုပ်လုပ်နေကြသည်။</p> <p> </p> <p>တကယ်တော့ ဂြိုဟ်အရောင်းအဝယ်လုပ်ခြင်းမှာ တစ်ပတ်ရစ်အိမ်များ အရောင်းအဝယ်လုပ်ခြင်းနှင့် အလွန်ဆင်တူလှသည်။ သူတို့၏နေ့စဉ်အလုပ်က အဆင့်နှစ်မျိုးနွယ်စုများရှိ လူချမ်းသာတချို့ကို ရှာဖွေပြီး လက်ရှိရောင်းချနေသည့် ဂြိုဟ်များကို အရောင်းမြှင့်တင်ရန် နည်းလမ်းမျိုးစုံဖြင့် ဆက်သွယ်ရခြင်းပင်။</p> <p> </p> <p>ဥပမာအားဖြင့် စကြဝဠာဈေးကွက်၏ ဂြိုဟ်အရောင်းအဝယ်ဌာနမှာ အခြေခံအားဖြင့် ကမ္ဘာမြေပေါ်ရှိ တစ်ပတ်ရစ်အိမ် အရောင်းအဝယ်ပလက်ဖောင်းတစ်ခုနှင့် ကွာခြားမှုမရှိလှပေ။</p> <p> </p> <p>"ဟယ်လို... ကျွန်တော်က စကြဝဠာ ကုန်သွယ်ရေးဈေးကွက်က ဝန်ထမ်းပါ။ ယဉ်ကျေးမှုထွန်းကားတဲ့ ဂြိုဟ်တစ်လုံးကို အကြံပြုချင်လို့ ဆက်သွယ်လိုက်တာပါ..."</p> <p> </p> <p>"ဒီဂြိုဟ်က သယံဇာတပေါကြွယ်ဝပြီး အမြဲတမ်းနေထိုင်တဲ့လူဦးရေကလည်း ၁၀ဘီလီယံလောက် ရှိပါတယ်။ စကြဝဠာ ပတ်ဝန်းကျင်ကလည်း အရမ်းတည်ငြိမ်တဲ့အတွက် နေထိုင်ဖို့သင့်တော်ပါတယ်"</p> <p> </p> <p>"ရပါတယ်။ ချေးငွေနဲ့လည်း ကျွန်တော်တို့ လက်ခံပါတယ်။ ကျွန်တော်တို့က စကြဝဠာဘဏ်နဲ့ မိတ်ဖက်အဖြစ် ပူးပေါင်းထားတာပါ။ လက်ရှိမှာ နှစ်၃၀၀အတွက် အတိုးနှုန်းက ၅.၁၅ရာခိုင်နှုန်းဝန်းကျင်ရှိပြီး ချေးငွေကို စကြဝဠာနှစ်ဝက်အတွင်း စီစဉ်ပေးလို့ရပါတယ်"</p> <p> </p> <p>"ဟုတ်ကဲ့ပါ။ ကျွန်တော်တို့ သယ်ယူပို့ဆောင်ရေးဝန်ဆောင်မှုတွေလည်း ပေးပါတယ်။ ဉာဏ်ရည်တုကတစ်ဆင့် ဂြိုဟ်ကို ကြည့်ရှုရတာ သံသယရှိတယ်ဆိုရင်လည်း သက်ဆိုင်ရာဂြိုဟ်ကို သွားကြည့်တဲ့ ဝန်ဆောင်မှုကို အခမဲ့ပေးနိုင်ပါတယ်..."</p> <p> </p> <p>ဌာနချုပ်ရှိ ဝန်ထမ်းအရေအတွက်မှာ ဘီလီယံပေါင်းများစွာအထိ ရှိ၏။ ဌာနချုပ်တွင် အလုပ်လုပ်နိုင်သူများမှာ စကြဝဠာကုန်သွယ်ရေးဈေးကွက်၏ ဂြိုဟ်အရောင်းအဝယ်ဌာနမှ ထိပ်တန်းအရောင်းကိုယ်စားလှယ်များသာ။ သူတို့၏ လုပ်ငန်းစွမ်းဆောင်ရည်ကလည်း ဌာနတစ်ခုလုံးတွင် အကောင်းဆုံးပင်။</p> <p> </p> <p>မိုးမျှော်အဆောက်အအုံကြီး၏ အလယ်ဗဟိုတွင် နေ့စဉ်ဂြိုဟ်အရောင်းအဝယ်အရေအတွက်နှင့် အရောင်းအဝယ်ပမာဏများကို မှတ်တမ်းတင်ထားသော ဧရာမဟိုလိုဂရမ်ပရိုဂျက်တာကြီးတစ်ခု ရှိသည်။ ယနေ့ အလုပ်စတင်သည်မှာ စကြဝဠာနာရီဝက်ပင် မရှိသေးသော်လည်း ဂြိုဟ်အရောင်းအဝယ်အရေအတွက်မှာ ဘီလီယံဆယ်ဂဏန်းအထိ ရှိလာပြီး ပမာဏအားဖြင့် ကြယ်၁၀ပွင့်ပင် ကျော်လွန်နေပြီဖြစ်၏။</p> <p> </p> <p>"ကောင်းပါပြီ။ စာချုပ်ကို အခုချက်ချင်းပို့ပေးလိုက်ပါ့မယ်။ အဆင်မပြေတာရှိရင် ပြောပါနော်"</p> <p> </p> <p>ဝန်ထမ်းတစ်ယောက်က ဂြိုဟ်ပေါင်းတစ်သိန်းပါဝင်သော အရောင်းအဝယ်တစ်ခုကို ယခုတင် ပြီးမြောက်သွားခဲ့သည်ဖြစ်ရာ သက်ပြင်းတစ်ချက် ချလိုက်သည်။ ဤသုံးလပတ်အတွက် သူ့တားဂတ်ပြည့်သွားချေပြီ။</p> <p> </p> <p>ဖောက်သည်ရွေးချယ်ထားသော ထိုဒေသရှိ ဂြိုဟ်များအတွက် အော်ဒါကို အတည်ပြုရန် စနစ်ကို ဖွင့်လိုက်သော်လည်း မျက်နှာပြင် ပွင့်လာသည်နှင့်တစ်ပြိုင်နက် စာရင်းက လုံးဝဗလာဖြစ်နေပေသည်။</p> <p> </p> <p>"ဘာဖြစ်တာလဲ"</p> <p> </p> <p>ထိုဝန်ထမ်းမှာ အကြိမ်ပေါင်းများစွာ ပြန်ဖွင့်ကြည့်သော်လည်း ဂြိုဟ်ရာဂဏန်း၏ အချက်အလက်များသာ ပေါ်လာသည်။</p> <p> </p> <p>သူတို့ဆီတွင် ယဉ်ကျေးမှုထွန်းကားသော ဂြိုဟ်ပေါင်း၉၀၀ထရီလီယံအထိ လက်ကျန်စာရင်းရှိသည်။ ဖွင့်လိုက်တိုင်း ပြည့်ကျပ်နေရမည်မဟုတ်လော။ ထိုဂြိုဟ်များမှာ မျက်စိတစ်မှိတ်အတွင်း အငွေ့ပျံသွားလေသလား။</p> <p> </p> <p>"နည်းပညာပိုင်းဆိုင်ရာ ပြဿနာများလား"</p> <p> </p> <p>ထိုဝန်ထမ်းက နည်းပညာဌာနသို့ ချက်ချင်း ဆက်သွယ်လိုက်သော်လည်း နည်းပညာဌာနက စနစ်တွင် အမှားအယွင်း တစ်စုံတစ်ရာမရှိဟု အခိုင်အမာပြောလေသည်။</p> <p> </p> <p>နောက်နေတာလား။ ဒီလို ဧရာမစနစ်ကြီးတစ်ခုကို တည်ဆောက်ဖို့ဆိုတာ နှစ်ပေါင်းထောင်ဂဏန်းလောက် အချိန်ပေးပြီး ရှိသမျှ ချို့ယွင်းချက်တွေကို အနည်းနဲ့အများ ဖြေရှင်းထားပြီးသားလေ။ ဘယ်လိုလုပ် အမှားအယွင်းရှိနေဦးမှာလဲ။</p> <p> </p> <p>"တစ်ယောက်ယောက်ကများ တိတ်တဆိတ် အော်ဒါတင်ပြီး ဂြိုဟ်တွေအားလုံးကို ဝယ်သွားတာများလား"</p> <p> </p> <p>သူ့ခေါင်းထဲသို့ ယုတ္တိမတန်သော အတွေးတစ်ခု ဝင်လာသည်။</p> <p> </p> <p>ဤသို့သောအခြေအနေမျိုးက တစ်ခါတရံ ဖြစ်လေ့ရှိသော်ငြား ဂြိုဟ်အရေအတွက်ကမူ ဤမျှမများပြားလှပေ။ ဤသည်မှာ သက်ရှိဂြိုဟ်ပေါင်း ၉၀၀ထရီလီယံပင်။ ဂြိုဟ်တစ်လုံးကို စကြဝဠာဒင်္ဂါးတစ်သောင်းမျှဖြင့် ဈေးဖြတ်လျှင်ပင် စုစုပေါင်းပမာဏက ကြယ်ပွင့်ကိုးသောင်းအထိ ရှိနေပေမည်။</p> <p> </p> <p>ဘယ်သူကများ ဂြိုဟ်ဝယ်ဖို့ ဤမျှပိုက်ဆံအများကြီး ထုတ်သုံးမည်နည်း။ များပြားလှသော ဂြိုဟ်များကို ဝယ်နိုင်စွမ်းရှိသူများမှာ များသောအားဖြင့် အဆင့်ခုနစ်နှင့်အထက် သက်ရှိများဖြစ်ပြီး သူတို့သည် ဂြိုဟ်များကို စိတ်ဝင်စားမှုမရှိတော့သည်မှာ ကြာလှလေပြီ။ ထိုပိုက်ဆံဖြင့်ဆိုလျှင် သူတို့၏သိုင်းလမ်းစဉ်အတွက် အကျိုးရှိမည့် သိုင်းလက်နက်များ၊ အံ့ဖွယ်ဆေးလုံးများ သို့မဟုတ် တခြားတစ်ခုခုကိုရအောင် လုပ်ခြင်းက ပိုမကောင်းပေဘူးလား။</p> <p> </p> <p>"ဝိုး"</p> <p> </p> <p>ထိုအချိန်တွင် အဆောက်အအုံတစ်ခုလုံး တအံ့တဩအာမေဍိတ်သံများ ထွက်ပေါ်လာသည်။</p> <p> </p> <p>ထိုဝန်ထမ်းမှာ နေရာကထရပ်ပြီး အဆောက်အအုံ၏ အလယ်ဗဟိုသို့ လှမ်းကြည့်လိုက်သည်။ မူလက ၉၀၀ဘီလီယံကျော်ရှိသော အရေအတွက်ကား ရုတ်တရက် အဆပေါင်းတစ်သောင်းခန့် တက်သွားလေသည်။</p> <p> </p> <p>"ခုနက တစ်ယောက်ယောက်များ လက်ကျန်ဂြိုဟ်တွေအကုန်လုံးကို ဝယ်သွားတာလား"</p> <p> </p> <p>ထိုဝန်ထမ်း၏ အမူအရာမှာ တောင့်တင်းသွားသည်။ အစက သူ ဖွင့်လိုက်တိုင်း လက်ကျန်စာရင်းက ဘာကြောင့် ဗလာဖြစ်နေရသလဲဆိုသည်ကို ယခုမှသာ နားလည်တော့သည်။ တစ်ယောက်ယောက်က ရှိသမျှဂြိုဟ်အားလုံးကို ဝယ်သွားပေသည်။</p> <p> </p> <p>နောက်ထပ်ပေါ်လာသော မျိုးနွယ်စုများမှာ စနစ်အမှားအယွင်းကြောင့်မဟုတ်ဘဲ စနစ်က အတည်ပြုပြီးနောက် လက်ကျန်စာရင်းထဲကို အသစ်ထပ်ထည့်လိုက်သည့် မျိုးနွယ်စုများပင်။</p> <p> </p> <p>"ဟာသပဲ။ ဒီလူ ရူးနေတာလား"</p> <p> </p> <p>"သူတို့ တကယ်ပိုက်ဆံရှင်းပါ့မလား"</p> <p> </p> <p>"မဖြစ်နိုင်ဘူး။ အကြံအစည်မကောင်းတဲ့ အော်ဒါတွေကို တားဆီးဖို့ စည်းမျဉ်းချမှတ်ထားတယ်။ အော်ဒါတင်ဖို့အတွက် အနည်းဆုံး အော်ဒါပမာဏရဲ့၃၀ရာခိုင်နှုန်းက စကြဝဠာဘဏ်မှာ ငွေသားပိုင်ဆိုင်မှုအဖြစ် ရှိနေရမယ်။ ဒီလူ့ရဲ့ ဘဏ်အကောင့်ထဲမှာ အနည်းဆုံး စကြဝဠာဒင်္ဂါးပြား ကြယ်နှစ်သိန်းဖိုး ငွေသားအဖြစ်ရှိနေရမယ်"</p> <p> </p> <p>"ဒီလူက အနည်းဆုံး ကြယ်သုံးပွင့်အဆင့်ရှိတဲ့ အသုံးပြုသူတစ်ယောက်ပဲ ဖြစ်ရမယ်။ သူ တကယ် ပိုက်ဆံရှင်းပါ့မလား"</p> <p> </p> <p>သက်ပြင်းချသံများနှင့် အံ့ဩတကြီးရှိုက်သံများမှာ လေထုထဲတွင် ပြည့်နှက်သွားသည်။ လူတိုင်းက ထိုလူ ပိုက်ဆံရှင်းလေမလားဟု ခန့်မှန်းနေကြစဉ် ခန်းမအလယ်ရှိ နောက်ထပ်ဂဏန်းတစ်ခု ပြောင်းလဲသွားလေသည်။</p> <p> </p> <p>ယနေ့ မျိုးနွယ်စုအရောင်းအဝယ်စုစုပေါင်း - ကြယ်၆၅၂၇၁၁ပွင့်</p> <p> </p> <p>"ဒါက..."</p> <p> </p> <p>"ဒီလူ တကယ်ပိုက်ဆံရှင်းသွားပြီ။ ဂြိုဟ်ပေါင်း ၉၀၀ထရီလီယံကို သူ တကယ်ဝယ်သွားတာပဲ"</p> <p> </p> <p>"သူက ဘယ်သူများလဲ"</p> <p> </p> <p> </p> <p>...</p> <p> </p> <p> </p> <p>စကြဝဠာဘဏ်၏ ကြယ်သုံးပွင့်အသုံးပြုသူတစ်ဦးအတွက်ပင် ဤမျှကြီးမားလှသော ငွေသွင်းငွေထုတ်ပမာဏမျိုး ရှိခဲလှသည်။ သို့သော် ကျန်းမုန့်လောင်၏ အကောင့်အတွက်မူ သိသာထင်ရှားသော အပြောင်းအလဲတစ်ခုကိုပင် မဖြစ်စေခဲ့ပေ။</p> <p> </p> <p>မတတ်နိုင်ဘူးလေ။ သူက အရမ်းချမ်းသာလွန်းနေတာကိုး။</p> <p> </p> <p>စကြဝဠာကုန်သွယ်ရေးဈေးကွက်၏ အလုပ်လုပ်ပုံမှာ မြန်ဆန်လှသည်။ ကျန်းမုန့်လောင် ငွေရှင်းပြီးသည်နှင့် ထိုဂြိုဟ်များကို ကြိုတင်သတ်မှတ်ထားသော သူ့ပိုင်ဆိုင်ခွင့်ထဲသို့ ချက်ချင်းထည့်သွင်းပေးလိုက်သည်။</p> <p> </p> <p>ကြိုတင်သတ်မှတ်ထားသော ပိုင်ဆိုင်ခွင့်ဆိုတာ ဘာလဲ။</p> <p> </p> <p>လူတော်တော်များများမှာ ဂြိုဟ်များကို လက်ဆောင်ပေးရန် သို့မဟုတ် အခြားရည်ရွယ်ချက်များဖြင့် ဝယ်ယူလေ့ရှိပြီး သူတို့နာမည်အောက်တွင် ချက်ချင်းမထားချင်သောကြောင့်ပင်။</p> <p> </p> <p>ဝယ်ယူပြီးသောအခါတွင်လည်း မည်သူ့ကိုမှ ချက်ချင်းလွှဲပြောင်းမပေးရသေးဘဲ ယာယီပိုင်ဆိုင်မှုအခြေအနေဖြင့်သာ ရှိနေပေသည်။ မဟုတ်ပါက ပိုင်ဆိုင်မှုလွှဲပြောင်းသည့်အခါ နိုထရီလုပ်ရသည်မှာ ရှုပ်ထွေးသွားနိုင်သည်။</p> <p> </p> <p>ဤကာလအတွင်း ဈေးကွက်၏ ရောင်းလိုအားနှင့် ဝယ်လိုအားအခြေအနေကို ကျန်းမုန့်လောင် အကြမ်းဖျင်း နားလည်ထားပြီးဖြစ်၏။ ဤနေရာတွင် စကြဝဠာဒင်္ဂါးပြားတစ်သောင်းတန်ဖိုးရှိသော ဂြိုဟ်တစ်လုံးကို အနည်းဆုံး အမှောင်ဒင်္ဂါးပြား၀.၆ပြားခန့်အထိ ဈေးနှိမ်၍ ရောင်းချနိုင်သည်။</p> <p> </p> <p>သို့သော် ကျန်းမုန့်လောင်ကတော့ ဂရုမစိုက်ပေ။ သူ့ဆိုင်ရှေ့ရှိ ကြော်ငြာသင်ပုန်းပေါ်မှ ဈေးနှုန်းများကို ပြင်ဆင်လေတော့သည်။</p> <p> </p> <p>ယဉ်ကျေးမှုထွန်းကားသော ဂြိုဟ်များကို လက်ကားရောင်းချမည်။ (အမှောင်ဒင်္ဂါးပြားဖြင့်သာ အရောင်းအဝယ်လုပ်မည်)</p> <p> </p> <p>အဆင့်တစ်အခြေခံမျိုးနွယ်စုဂြိုဟ် : ဂြိုဟ်၁၀လုံးလျှင် အမှောင်ဒင်္ဂါးပြား၅ပြား။</p> <p> </p> <p>အဆင့်တစ်အလယ်အလတ်မျိုးနွယ်စုဂြိုဟ် : တစ်လုံးလျှင် အမှောင်ဒင်္ဂါးပြား၁ပြား။</p> <p> </p> <p>အဆင့်တစ်အလယ်အလတ်မျိုးနွယ်စုဂြိုဟ် : တစ်လုံးလျှင် အမှောင်ဒင်္ဂါးပြား၃ပြား။</p> <p> </p> <p>အဆင့်တစ်အဆင့်မြင့်မျိုးနွယ်စုဂြိုဟ် : တစ်လုံးလျှင် အမှောင်ဒင်္ဂါးပြား၅ပြား။</p> <p> </p> <p>အခုတစ်သောင်းဝယ်လျှင် ၃ရာခိုင်နှုန်း၊ တစ်သိန်းဝယ်လျှင် ၅ရာခိုင်နှုန်း၊ တစ်သန်းဝယ်လျှင် ၁၀ရာခိုင်နှုန်း လျှော့ပေးမည်။  အရေအတွက်များလေ လျှော့ဈေးပိုများလေ။</p> <p> </p> <p>ကျွန်တော့်ဆီမှာ ပစ္စည်းပြတ်သွားမှာကို မပူပါနဲ့။ ခင်ဗျားတို့ဆီမှာ ပိုက်ဆံရှိမရှိကိုသာ ပူပါ။</p> <p> </p> <p>ကျန်းမုန့်လောင်၏ ဈေးနှုန်းများမှာ အခြားဆိုင်များထက် ၁၀ရာခိုင်နှုန်းနီးပါး သက်သာနေသည်။</p> <p> </p> <p>ဤကြေညာချက်ကြောင့် ဤအသိုင်းအဝိုင်းလေးအတွင်း ချက်ချင်းဆိုသလို ရုတ်ရုတ်သဲသဲဖြစ်သွားသည်။</p> <p> </p> <p>"ဒီလောက်တောင် ဈေးပေါတာလား။ ပိုက်ဆံတွေအများကြီးအကုန်ခံပြီး ဒီဆိုင်အစုတ်ကိုဝယ်ပြီးတော့ ဂြိုဟ်တွေကို အရှုံးခံရောင်းနေတဲ့ ဒီငတုံးက ဘယ်သူလဲ"</p> <p> </p> <p>"သေစမ်း... ပြန်ရောင်းရင်တောင် အနည်းဆုံး ငါးဆယ်ရာခိုင်နှုန်းလောက် အမြတ်ရနိုင်တယ်ဟ"</p> <p> </p> <p>"ဒီလိုအခွင့်အရေးမျိုးကို အရမယူရင်တော့ မင်းက ငတုံးပဲ"</p> <p> </p> <p>"ညီလေး.. မင်းရဲ့ဈေးနှုန်းတွေက တကယ်လား"</p> <p> </p> <p>"တကယ်ပေါ့ဗျာ"</p> <p> </p> <p>ကျန်းမုန့်လောင်က ရယ်လိုက်သည်။</p> <p> </p> <p>"ခင်ဗျားတို့က ပိုက်ဆံပေး။ ကျွန်တော်က ပစ္စည်းချပေးမယ်။ ဒါပေမဲ့ အကြောင်းပြချက်မရှိဘဲ ခုနစ်ရက်အတွင်း ပြန်အမ်းတာမျိုးတော့ လက်မခံဘူးနော်"</p> <p> </p> <p>"မင်းက တကယ်လန်းတာပဲ။ အဆင့်တစ် အဆင့်မြင့်ယဉ်ကျေးမှုဂြိုဟ်တစ်သောင်းလောက် ဝယ်ချင်တယ်။ စကြဝဠာအင်ပါယာတစ်ခုတည်းကဆိုရင် ပိုကောင်းမယ်"</p> <p> </p> <p>"ရတာပေါ့"</p> <p> </p> <p>ကျန်းမုန့်လောင်သည် ဖောက်သည်အလိုရှိသော ဂြိုဟ်အလုံးတစ်သောင်းကို အမြန်စစ်ထုတ်လိုက်ပြီး အရောင်းအဝယ်စာချုပ်တစ်ခုကို ဖန်တီးလိုက်သည်။</p> <p> </p> <p>ငွေပေးချေခြင်း၊ လက်မှတ်ရေးထိုးခြင်းစသည့် လုပ်ငန်းစဉ်တစ်ခုလုံး ချောမွေ့မြန်ဆန်စွာ ပြီးဆုံးသွားသည်။</p> <p> </p> <p>"အရမ်းမိုက်တယ်"</p> <p> </p> <p>လူလတ်ပိုင်းအရွယ် အမျိုးသားက သူ့သူငယ်ချင်းများကို ချက်ချင်းဆက်သွယ်လေတော့သည်။</p> <p> </p> <p>"ကုန်သွယ်ရေးဈေးကွက်ကို မြန်မြန်လာခဲ့။ ဒီမှာ ငတုံးတစ်ယောက် ရှိတယ်။ သူရောင်းတဲ့ဂြိုဟ်တွေက စကြဝဠာကုန်သွယ်ရေးဈေးကွက်က ဈေးရဲ့ တစ်ဝက်ပဲရှိတယ်။ အမှောင်ဒင်္ဂါးပြားတွေ များများယူခဲ့ကြ"</p> <p> </p> <p> </p> <p>...</p> <p> </p> <p> </p> <p>"ဒီကောင်လေးက စီးပွားရေးလာလုတာလား"</p> <p> </p> <p>ဖောက်သည်အများစုမှာ ဂြိုဟ်များဝယ်ယူရင်း အခြားပစ္စည်းများကိုပါ ကြည့်ရှုဝယ်ယူလေ့ရှိသဖြင့် အနီးအနားရှိ ဆိုင်ရှင်များမှာ အံတကြိတ်ကြိတ်ဖြင့် ကြည့်နေကြသည်။</p> <p> </p> <p>လူဝင်လူထွက်များလာသည်နှင့်အမျှ အရောင်းအဝယ်လည်း ပိုသွက်လာသည်။ သူ့ဆိုင်ပေါ်ရှိ ပစ္စည်းများမှာ မျက်စိရှေ့မှာပင် အမြန်လျော့သွားလေတော့သည်။</p> <p> </p> <p>"သူက ဂြိုဟ်ဈေးနှုန်းတွေကို ငါးစာအဖြစ် အသုံးချနေတာ"</p> <p> </p> <p>"အရှုံးခံရောင်းတာ ဘာများဆန်းလို့လဲ။ ဘယ်သူကရော မလုပ်နိုင်လို့လဲ"</p> <p> </p> <p>တစ်ခါတလေ စိတ်လိုက်မာန်ပါလုပ်မိရန် အခိုက်အတန့်လေးတစ်ခုသာ လိုအပ်သည်။</p> <p> </p> <p>အခြားဆိုင်ရှင်များကလည်း ဈေးနှုန်းများ လျှော့ချလာကြပြီး ကျန်းမုန့်လောင်ထက်ပင် ဈေးလျှော့ရောင်းလာကြသည်။</p> <p> </p> <p>"သေစမ်း"</p> <p> </p> <p>ကျန်းမုန့်လောင်မှာမူ လျှော့ဈေးဖြင့် ဆွဲဆောင်ခံရသဖြင့် ပါသွားသော ဖောက်သည်များကိုကြည့်ရင်း သူ့ဈေးနှုန်းများကို ထပ်မံလျှော့ချလိုက်သည်။</p> <p> </p> <p>"မင်းတို့က ဈေးကွက်စစ်ပွဲ ဆင်နွှဲချင်တာလား။ မင်းတို့က ငါ့ထက် ပိုချမ်းသာလို့လား။ ငါ့ပိုင်ဆိုင်မှုတွေနဲ့ မင်းတို့တွေအားလုံးကို ချေမှုန်းပစ်မယ်"</p> <p> </p> <p> </p> <p> </p> <p> </p> <p>***</p>


Save