Book List

<h2 style="text-align: center;">အခန်း (၁၄၂၃)</h2> <h2 style="text-align: center;">မျိုးဆက်သစ်က သတ္တိမွေးပြီးစမ်းသပ်ကြည့်ပါရစေ</h2> <h2 style="text-align: center;">*</h2> <h2 style="text-align: center;"> </h2> <p> </p> <p> </p> <p> </p> <p> </p> <p>​“သိပ်ပြီး အားနာမနေကြပါနဲ့၊ ဘာပဲဖြစ်ဖြစ် လင်းကွေ့ကြယ်တာရာကို ရောက်ဖို့ကလည်း လိုသေးတယ်၊ ငါတို့လည်း အားနေတာနဲ့အမျှ... မင်းတို့ တိုက်ခိုက်ကြမယ်ဆိုရင် စည်းမျဉ်းသတ်မှတ်ထားတာမျိုး ရှိလား လောင်းကြေးရော ထပ်မလား ”</p> <p> </p> <p>​စီနီယာအစ်မကြီးက နှုတ်ခမ်းထောင့်တွင် အပြုံးတစ်ခု ချိတ်ဆွဲလျက် သာသာယာယာ မေးလိုက်သည်။</p> <p>​ယွီဝူရှီးက အလွန်အမင်း ရိုသေကိုင်းရှိုင်းစွာဖြင့်</p> <p> </p> <p> “ကျနော်တို့က တောက်ပသော နတ်ဘုရားမျက်လုံးတတိယအဆင့်ရဲ့ အစွမ်းကို စမ်းသပ်ကြည့်ချင်ရုံတင်ပါ”</p> <p> </p> <p>​“တောက်ပသော နတ်ဘုရားမျက်လုံး လား ဒီကျင့်စဉ်က တကယ်ကို မဆိုးဘူး၊ ငါလည်း ကြားဖူးနေတာ။ ဒါပေမဲ့ ဒီကျင့်စဉ်ကို ကျင့်ကြံဖို့ဆိုတာ ပါရမီတင်မကဘူး၊ ကံတရား လည်း လိုအပ်တယ်။ မင်းတို့ တာအိုဂိုဏ်း မှာ နတ်ဘုရားသားရဲ သုံးပါး ရှိတယ် မဟုတ်လား တောက်ပသော နတ်ဘုရားမျက်လုံးကို ကျင့်ကြံချင်ရင် အဲဒီနတ်ဘုရားသားရဲတွေရဲ့ အသိအမှတ်ပြုမှုကို ရမှ ဖြစ်တာ”</p> <p> </p> <p>​စီနီယာအစ်မကြီးက တစ်စုံတစ်ခုကို စဉ်းစားနေဟန်ဖြင့် သူမ၏ မျက်ဝန်းအစုံက ဖန့်ချန်ထံသို့ အသာအယာ ဝေ့ဝိုက်သွားသည်။</p> <p> </p> <p>“မင်းလည်း ဒီအတတ်ကို ကျင့်ဖူးတာလား ”</p> <p> </p> <p>​“ကျနော်လည်း တာအိုဂိုဏ်းက ဆင်းသက်လာတာပါ”</p> <p> </p> <p>ဖန့်ချန်က လက်အုပ်ချီ၍ ဖြေကြားလိုက်သည်။</p> <p> </p> <p>​“တာအိုဂိုဏ်းရဲ့ အတတ်ပညာတွေက...”</p> <p> </p> <p>စီနီယာအစ်မကြီးက အတန်ကြာ စဉ်းစားပြီးမှ</p> <p> </p> <p>“လူသားလောက ကိုးခု မှာတော့ ထိပ်တန်းအဆင့်မှာ ရှိတယ်လို့ ပြောလို့ရတယ်။ အင်အားကြီးအဖွဲ့အစည်းအသီးသီးရဲ့ အမာခံတွေထဲမှာလည်း တာအိုဂိုဏ်းက လာတဲ့သူတွေ မနည်းဘူး။ မင်းတို့ရဲ့ နတ်သားရဲ သုံးပါးဟာလည်း အခုထိ လူ့လောကမှာ သက်ရှိထင်ရှား ရှိနေဦးမယ်လို့ ငါ ခန့်မှန်းမိတယ်”</p> <p> </p> <p>​ယွီဝူရှီးမှာ ဆွံ့အသွားပြီး မျက်နှာတွင် မယုံကြည်နိုင်သော အရိပ်အယောင်များ ပေါ်လာသည်။</p> <p> </p> <p> “နတ်ဘုရားသားရဲ သုံးပါးက လူ့လောကမှာ ရှိနေသေးတာလား ”</p> <p> </p> <p>​“ခန့်မှန်းခြေပါပဲ၊ ဒါပေမဲ့ ရှိနေသေးတယ် ဆိုရင်တောင် အဆင့် ၈ ရှေးဟောင်းမသေမျိုး တွေပဲ ဖြစ်မှာပါ”</p> <p> </p> <p>စီနီယာအစ်မကြီးက ပြုံး၍ ပြောလိုက်သည်။</p> <p>​သူမ စကားအသုံးအနှုန်းများတွင် တာအိုဂိုဏ်း၏ နတ်ဘုရားသားရဲ သုံးပါးကို အသိအမှတ်ပြုထားသော်လည်း အနည်းငယ်မျှပင် ရိုသေလေးစားမှု မပါရှိသည်ကို ဖန့်ချန် သတိပြုမိလိုက်သည်။</p> <p>ဤသည်မှာ သူမက တမင်လုပ်ဆောင်ခြင်း မဟုတ်ဘဲ မသိစိတ်ထဲတွင် သူမကိုယ်သူမ ထိုပုဂ္ဂိုလ်များနှင့် တန်းတူအဆင့်၌ ထားရှိထားခြင်းကြောင့် ဖြစ်ပေလိမ့်မည်။</p> <p> </p> <p>​သူမရဲ့ မသေမျိုးလှေ အစီရင်က အဆင့် ၈ မသေမျိုးတွေရဲ့ အစွမ်းနဲ့ ယှဉ်နိုင်တာမျိုးများလား</p> <p> </p> <p>ဖန့်ချန်က ဤသည်မှာ အလွန်အသုံးဝင်သော သတင်းအချက်အလက်တစ်ခု ဖြစ်သည်ဟု ယူဆလိုက်သည်။</p> <p>​တစ်ချိန်တည်းမှာပင် ထိုစီနီယာအစ်မကြီးသည် တာအိုဂိုဏ်း၏  မြင့်မြတ်သော နတ်သားရဲ သုံးပါး အကြောင်းကို အတော်အတန် သိရှိထားပုံရပြီး ၎င်းတို့သည် အဆင့် ၉ မသေမျိုးများ မဟုတ်ကြောင်းကိုလည်း သူမက အတပ်ပြောနိုင်နေသည်။</p> <p> </p> <p>​သူမက ကမ္ဘာပေါ်မှာ ဘယ်သူတွေက အဆင့် ၉ မသေမျိုးတွေလဲဆိုတာ သိနေတာလား။</p> <p> </p> <p>​တစ်ခုခုတော့ မှားနေပြီ၊ နတ်သားရဲ သုံးပါးထဲက နေနတ်သားရဲ မုန့် ဆိုရင် ကောင်းကင်တာအို ရဲ့ ရာထူးကိုတောင် ပြိုင်ဆိုင်နိုင်တာလေ၊ သူတို့က အဆင့် ၉ တောင် မရှိဘူးဆိုတာ ဘယ်လိုမှ မဖြစ်နိုင်ဘူး။</p> <p>ဖန့်ချန်၏ စိတ်က လှုပ်ရှားသွားပြီး ထိုစီနီယာအစ်မကြီး၏ နတ်သားရဲ သုံးပါးအပေါ် သိမြင်နားလည်မှုမှာ လွဲချော်နေခြင်းဖြစ်မည်ဟု သူ ကောက်ချက်ချလိုက်သည်။</p> <p> </p> <p>​“မင်းတို့အားလုံး တောက်ပသော နတ်ဘုရားမျက်လုံးကို စိတ်ဝင်စားနေကြပုံရတယ်၊ အဲဒါကြောင့် ငါ လောင်းကြေးတစ်ခု သတ်မှတ်ပေးမယ်။ မင်းတို့ထဲက ဘယ်သူပဲဖြစ်ဖြစ် အနိုင်ရတဲ့သူကို ငါ ရှန်လုံလှေတစ်စင်း ဆုချမယ်”</p> <p> </p> <p>စီနီယာအစ်မကြီးက ပြုံး၍ ဆိုသည်။</p> <p> </p> <p>​ရှန်လုံလှေ</p> <p> </p> <p>မြေနဂါး  စီးရီးရဲ့ တတိယအဆင့် မသေမျိုးသင်္ဘောပဲ</p> <p> </p> <p>​“စီနီယာအစ်မကြီးကို ကျေးဇူးတင်ပါတယ်”</p> <p> </p> <p>ကြာနီနတ်မိမယ်က ချက်ချင်းပင် ကျေးဇူးတင်လိုက်သည်။</p> <p> </p> <p>​အဘယ်ကြောင့်ဆိုသော် ဖန့်ချန် နိုင်သည်ဖြစ်စေ၊ ယွီဝူရှီး နိုင်သည်ဖြစ်စေ အတူတူပင် ဖြစ်သောကြောင့်တည်း။</p> <p>ရှန်လုံလှေသည် ကိုးနယ်မြေ ရှာဖွေရေးအဖွဲ့ လက်ထဲသို့ ရောက်ရှိလာမည်မှာ အသေအချာပင်။</p> <p> သူမတွင် ယခုအခါ နဂါးနက်လှေ ရှိနေပြီဖြစ်သဖြင့် မြေနဂါးစီးရီး လှေများကို သုံးရန် မလိုတော့သော်လည်း ဖန့်ချန်မှာမူ အဆင့် ၁ မသေမျိုး ဖြစ်လာကာစ ဖြစ်ရာ ရှန်လုံသင်္ဘောကို ရရှိပါက သူ၏ တိုက်ခိုက်ရေးစွမ်းအားမှာ များစွာ တိုးတက်လာပေလိမ့်မည်။</p> <p> </p> <p>​တိုက်ပွဲက စတင်တော့မည်။</p> <p>​ယွီဝူရှီးမှာ အနည်းငယ် တုန်လှုပ်နေမိသည်။</p> <p>ရှန်လုံလှေကြောင့် မဟုတ်ဘဲ၊ ထိုတိုက်ပွဲကို ကြည့်ရှုနေသော သူများ၏ နောက်ခံအရှိန်အဝါမှာ အလွန်ကြီးမားလွန်းသောကြောင့် ဖြစ်သည်။</p> <p> </p> <p>​ကျွယ်မင်နန်းတော်၏ အမာခံတပည့် နှစ်ဦး။</p> <p>ထို့ပြင် အဆင့် ၁၊ ၂၊ ၃ မသေမျိုးများနှင့် မသေမျိုးအရှင်သခင် အဆင့်များလည်း ပါဝင်နေသည်။</p> <p> </p> <p>​ထိုမသေမျိုးများသည် စီနီယာအစ်မကြီး၏ အဖွဲ့ဝင်များ ဖြစ်ကြပြီး သူမ၏ အမိန့်ကို နာခံနေကြရသော်လည်း၊ အပြင်လောကတွင်မူ သူတို့သည် တစ်ဦးချင်းစီကပင် နယ်မြေတစ်ခု၏ အရှင်သခင်များ ဖြစ်ကြသည်။</p> <p>အနိမ့်ဆုံးအားဖြင့်ပင် လင်းကွေ့ကြယ်တာရာရှိ    ယန်ကွမ်တာအိုဂိုဏ်း၏ ဘိုးဘေးထက် များစွာ အစွမ်းထက်ကြသူများ ဖြစ်သည်။</p> <p> </p> <p>​“ခေါင်းဆောင်... ကျနော် စတော့မယ်နော်”</p> <p> </p> <p>ယွီဝူရှီးက အသက်ကို ပြင်းပြင်းရှူသွင်းလိုက်ပြီး ဖန့်ချန်ကို အလေးအနက် စိုက်ကြည့်လိုက်သည်။</p> <p>သူ၏ ခန္ဓာကိုယ်ပတ်ပတ်လည်တွင် ဝိညာဉ်စွမ်းအား များမှာ တဟုန်ထိုး လှုပ်ခတ်လာတော့သည်။</p> <p> </p> <p>​ဖန့်ချန်မှာ အဆင့် ၁ မသေမျိုး ဖြစ်နေပြီဖြစ်ရာ ယွီဝူရှီးကလည်း မိမိ၏ အတတ်ပညာများကြောင့် ဖန့်ချန်ကို တကယ် ဒဏ်ရာရစေမည်ကို မစိုးရိမ်တော့ပေ။</p> <p>ထို့ကြောင့် သူက စတင်တိုက်ခိုက်သည်နှင့် အစွမ်းကုန် ထုတ်သုံးလိုက်တော့သည်။</p> <p> </p> <p>​ခမ်းနားကြီးကျယ်လှသော ဝိညာဉ်စွမ်းအားများက သူ့ကို ဝန်းရံထားသည်။</p> <p>ထိုစွမ်းအားပမာဏမှာ တာအိုပေါင်းစပ်ခြင်းအဆင့် ကျင့်ကြံသူတစ်ဦး ထိန်းချုပ်နိုင်စွမ်းရှိသည့် အကန့်အသတ်ထက် ကျော်လွန်နေပြီ ဖြစ်သည်။</p> <p> </p> <p>​“တာအိုပေါင်းစပ်ခြင်းအဆင့် ကျင့်ကြံမှုနဲ့ တက်လှမ်းခြင်းအဆင့်  ရောက်မှ ထိန်းချုပ်နိုင်တဲ့ စွမ်းအားမျိုးကို ထုတ်သုံးနိုင်တယ်၊ တောက်ပသော နတ်ဘုရားမျက်လုံးက တကယ်ပဲ နာမည်နဲ့လိုက်အောင် စွမ်းတာပဲ”</p> <p> </p> <p>တစ်စုံတစ်ယောက်က ခပ်တိုးတိုး ရေရွတ်လိုက်သည်။</p> <p>​ဖန့်ချန်ဘက်တွင်မူ ယွီဝူရှီး၏ အစွမ်းအကန့်အသတ်ကို မြင်လိုက်ရချိန်၌ ဝတ်စုံကို အသာအယာ ဝှေ့ယမ်းလိုက်သည်။</p> <p>ယွီဝူရှီး၏ စွမ်းအားထက် နှစ်ဆမျှ ပိုမိုသော ဝိညာဉ်စွမ်းအားများက လှိုင်းလုံးကြီးများအလား ပြေးဝင်သွားပြီး ယွီဝူရှီး ခုနက စုစည်းထားသော စွမ်းအားများကို ခဏချင်းမှာပင် ရိုက်ခွဲပစ်လိုက်တော့သည်။</p> <p> </p> <p>​“နှစ်ဆတောင်...”</p> <p> </p> <p>ယွီဝူရှီးမှာ ကြောင်အမ်းသွားရသည်။</p> <p>ကွာခြားချက်က ကြီးမားလွန်းလှသည် မဟုတ်ပါလား။</p> <p>​ထိုစဉ်မှာပင် စီနီယာအစ်မကြီးက ရုတ်တရက် နှာခေါင်းရှုံ့ကာ အေးစက်စွာ ပြောလိုက်သည်</p> <p> </p> <p>“အခုထိ အစွမ်းကို ဖုံးကွယ်ထားတုန်းလား အောက်နယ်မြေ ခြောက်ခုက အကျင့်ဟောင်းတွေကို အထက်နယ်မြေ သုံးခုဆီ ယူမလာနဲ့၊ အထူးသဖြင့် ငါတို့ ကျွယ်မင်နန်းတော်မှာဆိုရင် မင်းမှာ ထူးကဲတဲ့ ပါရမီရှိကြောင်း ပြသနိုင်မှသာ ကျင့်ကြံရေးအရင်းအမြစ်တွေကို ပိုပြီး ရရှိနိုင်မှာ”</p> <p> </p> <p>​သူမက ခေတ္တရပ်ပြီးနောက်</p> <p> </p> <p>“ဒီလိုလုပ်ကြစို့၊ ငါနဲ့ တိုက်မလား ငါ့ကျင့်ကြံမှုကို အဆင့် ၁ မသေမျိုးအထိ ဖိနှိပ်ထားပေးမယ်။ တကယ်လို့ မင်းရဲ့ စွမ်းဆောင်ရည်က တကယ်ကို ပြောင်မြောက်နေမယ်ဆိုရင် ရှန်လုံလှေ တင်မကဘူး၊ မြေနဂါးစီးရီးရဲ့ စတုတ္ထအဆင့် မသေမျိုးလှေရွှမ်လုံ ကိုပါ ငါ ပေးမယ်”</p> <p> </p> <p>​သူမက ဆက်ပြောသည်</p> <p> </p> <p> “တကယ်လို့ မင်း ငါ့ကို နိုင်အောင် တိုက်နိုင်ရင် ငါ မင်းကို ပဉ္စမအဆင့်ဖြစ်တဲ့ ကျူးလုံ လှေကို ပေးရင်ရော ဘယ်လိုလဲ ”</p> <p> </p> <p>​လူတိုင်းမှာ ဖန့်ချန်၏ တောက်ပသော နတ်ဘုရားမျက်လုံး အစွမ်းက ယွီဝူရှီးထက် အဆပေါင်းများစွာ သာလွန်နေသည်ကို အံ့သြနေစဉ်မှာပင် စီနီယာအစ်မကြီး၏ စကားများကို ကြားလိုက်ရသဖြင့် မျက်ဝန်းအစုံမှာ ပြူးကျယ်သွားရသည်။</p> <p>သူတို့ ကိုယ့်နားကိုယ်ပင် မယုံနိုင်အောင် ဖြစ်သွားကြသည်။</p> <p>​ယွီဝူရှီး၏ လက်ရှိအစွမ်းမှာ သူတို့အားလုံး မြင်တွေ့နေရသည့်အတိုင်းပင်၊ အဆင့်တူ အပြင်စည်းကျင့်ကြံသူများထဲတွင် အလွန်ပင် ပြောင်မြောက်လှသည်။</p> <p>အကယ်၍ သူသာ စစ်ဆေးပွဲတုန်းက ထိုအစွမ်းမျိုးရှိခဲ့လျှင် ငွေရောင်တံဆိပ်ပြား သို့မဟုတ် ရွှေရောင်တံဆိပ်ပြားပင် ရနိုင်သည်မှာ သံသယဖြစ်စရာ မလိုပေ။</p> <p>​သို့သော် ဖန့်ချန်က ထိုကိစ္စတွင် ယွီဝူရှီးကို အလွယ်တကူ အနိုင်ယူလိုက်ခြင်းက ထိုနေရာရှိ မသေမျိုးများကို အတော်လေး အံ့အားသင့်စေခဲ့သည်။</p> <p> </p> <p>​သို့သော်လည်း စီနီယာအစ်မကြီး၏ စကားများအရဆိုလျှင် ထိုလူသည် အခုထိပင် သူ၏ အစွမ်းအစစ်အမှန်ကို ဖုံးကွယ်ထားဆဲ ဖြစ်နေသည်လား</p> <p>​ဘယ်လိုလုပ် ဖြစ်နိုင်မှာလဲ... အကယ်၍ ဤမျှအထိတောင် အစွမ်းကို ဖုံးကွယ်ထားနိုင်သည်ဆိုပါက ထိုလူငယ်သည်...</p> <p>​ဒီလူက ခရမ်းရောင်တံဆိပ်ပြား ရနိုင်တဲ့ အစွမ်းရှိတာလား</p> <p>လူတိုင်း၏ ရင်ထဲတွင် အေးစက်သွားရသည်။</p> <p> </p> <p>​ခရမ်းရောင်တံဆိပ်ပြား ဆိုသည်မှာ အမာခံတပည့် ဖြစ်လာရန် ကျိန်းသေပေါက်နီးပါး သတ်မှတ်ခံထားရသူများ ဖြစ်သည်။</p> <p>တကယ်ပဲ အဲဒီလို ဖြစ်နိုင်ခြေ ရှိလို့လား</p> <p> </p> <p>​“စီနီယာအစ်မကြီး... ဖန့်မိတ်ဆွေကို ခက်ခဲအောင် မလုပ်ပါနဲ့တော့ ဖန့်မိတ်ဆွေက ဘယ်လိုလုပ် စီနီယာအစ်မကြီးရဲ့ ပြိုင်ဘက် ဖြစ်နိုင်မှာလဲ”</p> <p> </p> <p>ကြာနီနတ်မိမယ်က ဖန့်ချန် အကျပ်ရိုက်မည်ကို စိုးရိမ်သဖြင့် ကြားဝင်ပြောလိုက်သည်။</p> <p> </p> <p>​“ကြာနီညီမလေး... ဒီကိစ္စမှာ နင် ဝင်မပါနဲ့၊ ငါ သူ့ကိုပဲ မေးနေတာ”</p> <p> </p> <p>စီနီယာအစ်မကြီးက လက်ကာပြလိုက်ပြီး ဖန့်ချန်ကို စူးစူးစိုက်စိုက် ကြည့်ကာ</p> <p> </p> <p>“ဘယ်လိုလဲ ကျူးလုံလှေ တစ်စင်းရဲ့ တန်ဖိုးက ဖြတ်လို့မရဘူးနော်၊ အဆင့် ၅ နတ်ဆေးပင် ဒါမှမဟုတ် အဆင့် ၆ နတ်ဆေးပင်တွေတောင် အဲဒီလောက် တန်ဖိုးမရှိဘူး။ မင်း ငါ့ကို အနိုင်တိုက်နိုင်ရင် အဲဒါကို ရမယ်”</p> <p> </p> <p>​သူမက လက်ကို အသာအယာ မြှောက်လိုက်ရာ သူမ၏ လက်ဖဝါးပေါ်တွင် သေးငယ်လှသော မသေမျိုးလှေတစ်စင်း ပေါ်ထွက်လာသည်။</p> <p> </p> <p>​ထိုလှေလေးသည် ယခုအချိန်တွင် သူ၏ အစွမ်းများကို ထုတ်မပြသေးသော်လည်း၊ ပေါ်လာသည်နှင့်တစ်ပြိုင်နက် ထိုနေရာရှိ ကျင့်ကြံသူအားလုံးမှာ ကြီးမားလှသော ဖိအားတစ်ခုကို ခံစားလိုက်ရပြီး တောင်ကြီးတစ်လုံးက ရင်ဘတ်ပေါ်သို့ ဖိချထားသကဲ့သို့ ခံစားလိုက်ရသည်။</p> <p> </p> <p>​သို့သော်လည်း...</p> <p>သူတို့၏ မျက်ဝန်းထဲတွင် လှောင်ပြုံးသဲ့သဲ့လေးတစ်ခု ပေါ်လာသည်။</p> <p>အဆင့် ၁ မသေမျိုး ဖြစ်ကာစ လူငယ်တစ်ယောက်က ထိုကဲ့သို့ စိန်ခေါ်မှုကို ဘယ်လိုလုပ် လက်ခံရဲမှာလဲ</p> <p>​နှစ်ဦးကြားမှာ ဂုဏ်ဒြပ်နှင့် အဆင့်အတန်း ကွာခြားချက်က ကြီးမားလွန်းလှသည်။</p> <p>ရှုံးသည်ဖြစ်စေ၊ နိုင်သည်ဖြစ်စေ ဘယ်လိုမှ မကောင်းနိုင်ပေ။</p> <p>​သာ၍ အရေးကြီးသည်မှာ အနိုင်ရရန် အခွင့်အရေး လုံးဝမရှိခြင်းပင်။</p> <p>​ထိုစီနီယာအစ်မကြီးသည် ကျွယ်မင်နန်းတော်၏ အမာခံတပည့်များထဲတွင် ထိပ်ဆုံးက ဖြစ်နေရခြင်းမှာ သူမ၏ အစွမ်းနှင့် ကျင့်ကြံမှုသည်လည်း အဆင့်တူများထဲတွင် အထွတ်အထိပ် ဖြစ်နေသောကြောင့်တည်း။</p> <p>​သူမတွင် ရှုံးနိမ့်မှုဟူသည့် မှတ်တမ်းမျိုး ရှိခဲ့ဖူးသည်ဟုပင် သူတို့ မကြားဖူးကြပါ။</p> <p> မည်မျှပင် ခက်ခဲသော အခြေအနေနှင့် ရင်ဆိုင်ရပါစေ၊ နောက်ဆုံး အနိုင်ရရှိသူမှာ သူမသာ အမြဲ ဖြစ်ခဲ့သည်။</p> <p>​ယနေ့တိုင် တစ်ခါမှ မရှုံးဖူးသေးသူ</p> <p>​လင်းယွမ်နှင့် ယွီဝူရှီးတို့သည် ဖန့်ချန်ကို မျက်စိမှိတ်ပြကာ ငြင်းပယ်ရန် အချက်ပြနေကြသည်။</p> <p> သူတို့မှာ အသံပို့စနစ် ကို မသုံးရဲကြပေ၊ အဘယ်ကြောင့်ဆိုသော် သူတို့၏ ကျင့်ကြံမှုက နိမ့်လွန်းလှသဖြင့် စီနီယာအစ်မကြီးက ကြားသွားနိုင်သောကြောင့် ဖြစ်သည်။</p> <p> </p> <p>​လူတိုင်းက ဖန့်ချန်က ယဉ်ယဉ်ကျေးကျေး ငြင်းပယ်လိမ့်မည်ဟု ထင်နေကြစဉ်မှာပင် ဖန့်ချန်က ခေါင်းညိတ်လိုက်ပြီး</p> <p> </p> <p>​“ဒီမျိုးဆက်သစ်က သတ္တိမွေးပြီး တစ်ချက်လောက် စမ်းသပ်ကြည့်ပါရစေ ”</p> <p> </p> <p>​သူသည် ထို ကျူးလုံ  လှေကို အလွန်စိတ်ဝင်စားသွားသည်။</p> <p> </p> <p>​ထို့ပြင် သူသည် ကျင့်ကြံမှုကို ဖိနှိပ်ထားသော စီနီယာအစ်မကြီး၏ အစွမ်းမှာ မည်သည့်အဆင့်တွင် ရှိနေသည်ကိုလည်း ကြည့်ချင်မိသည်။</p> <p> </p> <p>​ဒီတစ်ကြိမ် တိုက်ပွဲတွင် သူသည် ဖန့်ထျန်းဇွန် တို့၏ စွမ်းအားကို ငှားသုံးရန် မရည်ရွယ်ပေ။</p> <p>​သူသည် ကျွယ်မင်နန်းတော်၏ စံနှုန်းကို အသုံးပြုကာ မိမိကိုယ်ကိုယ် တိုင်းတာကြည့်ရန်သာ ရည်ရွယ်တော့သည်။</p> <p> </p> <p>***</p> <p> </p>


Save