Book List

<h2 style="text-align: center;">အခန်း (၁၄၂၈)</h2> <h2 style="text-align: center;">ခြောက်လတာ အားလပ်ရက်</h2> <h2 style="text-align: center;">*</h2> <p> </p> <p> </p> <p> </p> <p> </p> <p>​စီနီယာအစ်မကြီးသည် နဂါးနက်လှေပေါ်သို့ ပြန်လည်ရောက်ရှိလာခဲ့ပြီဖြစ်သည်။</p> <p>ဝမ်ချုံစန်းက အစီရင်ဗဟိုချက်ကို အသုံးပြု၍ ဘာလုပ်ခဲ့သလဲဆိုသည်ကိုမူ သူမအနေဖြင့် ထပ်မံတွေးတောနေပုံမရတော့ပေ။</p> <p> </p> <p>​“နင်တို့ထဲမှာ လင်းကွေ့ကြယ်တာရာက ဂိုဏ်းသားတွေ တော်တော်များများ ပါကြတယ်၊ ငါ နဂါးနက်လှေနဲ့ပဲ နင်တို့ကို လိုက်ပို့ပေးမယ်။ မိသားစုတွေဆီ ပြန်လည်ပတ်ဖို့အတွက် ခြောက်လအချိန်ပေးမယ်”</p> <p> </p> <p>​သူမက လူတိုင်းကို ကြည့်ကာ ပြောလိုက်သည်။</p> <p> </p> <p>​လင်းယွမ်နှင့် အခြားသူများမှာမူ ထိုအခါမှသာ စီနီယာအစ်မကြီး ဦးဆောင်သည့် ရှာဖွေရေးအဖွဲ့ထဲတွင် လင်းကွေ့ကြယ်တာရာ ဇာတိဖြစ်သော စီနီယာများစွာ ပါဝင်နေကြောင်း သိလိုက်ရတော့သည်။</p> <p> </p> <p>​ချင်းယွီနတ်ဘုရားဂိုဏ်း</p> <p> </p> <p>​ထိုနေရာသည် ယခင်ကနှင့်မတူဘဲ ထူးခြားစွာ ပြောင်းလဲနေပုံရသည်။</p> <p>မသေမျိုးတောင်တန်းတစ်ခုချင်းစီရှိ ဝိညာဉ်စွမ်းအားများမှာ အရင်ကထက် အဆပေါင်းများစွာ ပိုမိုသိပ်သည်းနေ၏။</p> <p> </p> <p>​ဖန့်ချန်အတွက် လင်းကွေ့ကြယ်တာရာတွင် သွားစရာနေရာဟူ၍ မရှိပေ။</p> <p>အကယ်၍ ရွေးချယ်ခွင့်သာရှိခဲ့လျှင် သူသည် ထိုစီနီယာအစ်မကြီး၏ ဘေးနားတွင်သာ လိုက်ပါသွားပြီး ဝမ်ချုံစန်းနှင့် ထပ်တွေ့နိုင်ဦးမလားဆိုသည်ကို စောင့်ကြည့်ချင်ခဲ့သည်။</p> <p> </p> <p>​ကျန်ကောင်း ဟူသော အမှတ်အသားမှာ သေဆုံးသွားပြီဖြစ်ရာ ယခင်က ရရှိထားခဲ့သော သဲလွန်စများမှာလည်း လုံးဝပြတ်တောက်သွားပြီဟု ဆိုရမည်။</p> <p> </p> <p>​ဝမ်ချုံစန်းနှင့် ထပ်မံဆက်သွယ်နိုင်ခြင်း ရှိ၊ မရှိကိုမူ လင်းပေါင်အား အခွင့်အရေးရမှသာ မေးမြန်းကြည့်ရပေတော့မည်။</p> <p>​ချင်းယွီမသေမျိုးဂိုဏ်း၏ တောင်စောင့်တပည့်များသည် ဂိုဏ်းတံခါးဝတွင် လူရိပ်တစ်ခု ရောက်ရှိနေသည်ကို သတိပြုမိသွားကြသည်။</p> <p>ထိုသူများထဲမှ တစ်ဦးမှာ သံသယစိတ်ဖြင့် အတန်ကြာ အကဲခတ်နေပြီးနောက် အလန့်တကြား အာမေဍိတ်သံပြုလိုက်မိသည်။</p> <p> </p> <p>​“ဒါ... ဖန့်အကြီးအကဲ မဟုတ်လား ”</p> <p> </p> <p>​“မင်း ငါ့ကို မှတ်မိလို့လား ”</p> <p> </p> <p>​ဖန့်ချန်က ထိုတောင်စောင့်တပည့်ကို ကြည့်လိုက်သည်။</p> <p>တစ်ဖက်လူမှာ အောက်ခြေအဆင့် ကျင့်ကြံသူမျှသာ ဖြစ်ပြီး ယခင်က သူ့ကို မြင်ဖူးစရာ အကြောင်းမရှိပေ။</p> <p>သို့ပါလျက်နှင့် မည်သို့ကြောင့် သူ့ကို တစ်ချက်တည်းနှင့် မှတ်မိသွားရသနည်း။</p> <p> </p> <p>​တောင်စောင့်တပည့် အုပ်စုမှာ ဝိုင်းအုံရောက်ရှိလာကြပြီး ဖန့်ချန်၏ ရှေ့မှောက်တွင် ရိုရိုသေသေ လက်အုပ်ချီ၍ ဂါရဝပြုကြတော့သည်။</p> <p> </p> <p>​“တပည့်တို့ ဖန့်အကြီးအကဲကို ဂါရဝပြုပါတယ်”</p> <p> </p> <p>​ဖန့်ချန်ကို ပထမဆုံး မှတ်မိခဲ့သည့် တပည့်ဖြစ်သူမှာ အလွန်အမင်း စိတ်လှုပ်ရှားနေပြီး တိုးတိုးလေး ပြောပြရှာသည်။</p> <p> </p> <p>​“ဖန့်အကြီးအကဲ ကျွယ်မင်ကျင့်ကြံသူအဖြစ် အရွေးချယ်ခံရပြီးတဲ့နောက်၊ ဂိုဏ်းချုပ်ကြီးက ချင်းယွီနတ်ဘုရားဂိုဏ်းမှာ ဖန့်အကြီးအကဲရဲ့ ရုပ်တုတစ်ခုကို စိုက်ထူခဲ့ပါတယ်။ အဲဒါ ဖန့်အကြီးအကဲရဲ့ ပုံတူစစ်စစ်ပါပဲ။ တပည့် နေ့တိုင်း ဖြတ်သွားတိုင်း အဲဒီရုပ်တုကို ခဏရပ်ပြီး လေ့လာဖူးတာကြောင့် ဖန့်အကြီးအကဲကို ချက်ချင်းမှတ်မိသွားတာပါ”</p> <p> </p> <p>​ထိုတပည့်များ၏ မျက်ဝန်းထဲတွင် စိတ်လှုပ်ရှားမှုများ လှိုင်းထနေကြသည်။</p> <p> </p> <p>​ကျွယ်မင်ကျင့်ကြံသူ</p> <p>​လင်းကွေ့ကြယ်တာရာတစ်ခုလုံးတွင် ကျွယ်မင်ကျင့်ကြံသူ မည်မျှရှိသနည်း။</p> <p> </p> <p>​ချင်းယွီနတ်ဘုရားဂိုဏ်းကဲ့သို့ အင်အားကြီးသည့်တိုင်အောင် ယခုအချိန်အထိ ထိုဖန့်အကြီးအကဲ တစ်ဦးတည်းသာလျှင် အရွေးချယ်ခံခဲ့ရခြင်း ဖြစ်သည်။</p> <p> </p> <p>​ထို့နောက်တွင်မူ ချင်းယွီနတ်ဘုရားဂိုဏ်းသည် အဘက်ဘက်မှ စောင့်ရှောက်မှုများ ရရှိခဲ့ပြီး ကျင့်ကြံခြင်း အရင်းအမြစ်များမှာလည်း ယခင်ကထက် များစွာ ပိုမိုပေါများလာခဲ့သည်။</p> <p>ကျင့်ကြံသူတိုင်းမှာ ဖန့်ချန်၏ ကျေးဇူးကြောင့် အကျိုးခံစားခွင့်များ ရရှိနေကြခြင်းပင်။</p> <p> </p> <p>​ဖန့်ချန် ပြန်ရောက်လာသည့် သတင်းမှာ ချက်ချင်းပင် ပျံ့နှံ့သွားတော့သည်။</p> <p>​တောင်ထိပ်အသီးသီးမှ အကြီးအကဲများ တစ်ယောက်ပြီးတစ်ယောက် ရောက်ရှိလာကြရာ၊ ပထမဆုံး ရောက်လာသူမှာ ယခင်က ဖန့်ချန်အပေါ် အငြိုးအတေး ထားခဲ့ဖူးသည့် ဝါယန်ဖုန်း ဖြစ်နေသည်။</p> <p> </p> <p>​သို့သော် ဖန့်ချန်က ကြာနီနတ်မိမယ်ကို အကြိမ်ကြိမ် အနိုင်ယူခဲ့ပြီးနောက်တွင်မူ၊ ဝါယန်ဖုန်း၏ ရန်လိုမှုများမှာ လုံးဝ ပျောက်ကွယ်သွားခဲ့ပြီ ဖြစ်သည်။</p> <p> </p> <p>​“ဖန့်မိတ်ဆွေ ”</p> <p> </p> <p>​ဝါယန်ဖုန်းက နှစ်ပေါင်းများစွာ မတွေ့ရသည့် မိတ်ဆွေဟောင်းကြီးကို တွေ့လိုက်ရသကဲ့သို့ အကျယ်ကြီး ရယ်မောလိုက်သည်။</p> <p> </p> <p> ထိုအပြုံးထဲမှ နွေးထွေးမှုများမှာ လျှံထွက်နေတော့မတတ်ပင်။</p> <p> </p> <p>​ဆယ်စုနှစ်အနည်းငယ်အတွင်း ထိုသူသည်လည်း မူလက တာအိုပေါင်းစပ်ခြင်းအဆင့် မှ ဘေးဒုက္ခဖြတ်ကျော်ခြင်းအဆင့်သို့ တက်လှမ်းနိုင်ခဲ့ပြီ ဖြစ်သည်။</p> <p>ကျင့်ကြံမှုအဆင့် တိုးတက်မှုမှာ အလွန်မြန်ဆန်လှရာ နောင်တွင် အဆင့် ၁ မသေမျိုး ဖြစ်လာရန် အမှန်တကယ်ပင် မျှော်လင့်ချက် ရှိနေသည်။</p> <p> </p> <p>​ထို့နောက် ရောက်လာသူမှာ ကျန်းချန် ဖြစ်သည်။</p> <p> </p> <p>​ဤသူမှာ ယခင်က ဖန့်ချန်နှင့် အကြိမ်ကြိမ် ထိတွေ့မှု ရှိခဲ့ဖူးသလို၊ အမှောင်ထဲမှနေ၍ အချို့ကိစ္စများကို သတိပေးခဲ့ဖူးသည့် လူကောင်းတစ်ဦးလည်း ဖြစ်သည်။</p> <p> </p> <p>​“ဖန့်မိတ်ဆွေ... ကျွယ်မင်နန်းတော်ဘက်မှာ အခြေအနေတွေ ဘယ်လိုရှိလဲဗျ၊ အခု ရုတ်တရက် ပြန်လာတာက ဘာအရေးကြီးကိစ္စများ ရှိလို့လဲ ”</p> <p> </p> <p>​ဝါယန်ဖုန်းက စပ်စုလိုစိတ်ဖြင့် မေးမြန်းလိုက်သည်။</p> <p> </p> <p>​လူတိုင်း၏ မျက်ဝန်းထဲတွင်လည်း စူးစမ်းလိုစိတ်များ ပေါ်နေကြသည်။</p> <p>​သူတို့၏ အဆင့်အတန်းမှာ နိမ့်ပါးလွန်းလှသဖြင့် ကျွယ်မင်နန်းတော်အကြောင်းကို ကောလာဟလများမှတစ်ဆင့်သာ သိရှိနိုင်ကြခြင်း ဖြစ်သည်။</p> <p> ယခုအခါ ကျွယ်မင်ကျင့်ကြံသူ တစ်ဦးကို တိုက်ရိုက် မေးမြန်းနိုင်ပြီဖြစ်ရာ ရရှိမည့်သတင်းများမှာ စစ်မှန်မည်မှာ အသေအချာပင်။</p> <p>​ဖန့်ချန်က မေးခွန်းအချို့ကို အသာအယာပင် ပြန်ဖြေလိုက်သည်။</p> <p>သို့သော် သူသည် ယခုအကြိမ်တွင် ကျွယ်မင်နန်းတော်၏ အမာခံတပည့် တစ်ဦးနှင့်အတူ လင်းကွေ့ကြယ်တာရာသို့ လိုက်ပါလာခြင်း ဖြစ်ကြောင်း သိလိုက်ရသောအခါ၊ လူတိုင်း၏ အကြည့်များမှာ တောင်ကြီးကို မော့ကြည့်ရသကဲ့သို့ ခန့်ညားထည်ဝါမှုများဖြင့် ပြည့်နှက်သွားတော့သည်။</p> <p> </p> <p>​“ဖန့်မိတ်ဆွေ... မင်းဆီက အရှိန်အဝါက...”</p> <p> </p> <p>​ကျန်းချန်၏ မျက်နှာထားမှာ ရုတ်တရက် လှုပ်ရှားသွားသည်။</p> <p> </p> <p>​ဖန့်ချန် စကားမပြောရသေးမီမှာပင် ချင်းယွီမသေမျိုးသည် ဟင်းလင်းပြင်ကို ဖြတ်၍ ရောက်ရှိလာပြီး ကျယ်လောင်စွာ ရယ်မောလိုက်တော့သည်။</p> <p> </p> <p>​“ဟားဟားဟား ဖန့်မိတ်ဆွေ... အဆင့် ၁ မသေမျိုး ဖြစ်သွားတာကို ဂုဏ်ပြုပါတယ်ဗျာ ”</p> <p> </p> <p>​အဆင့် ၁ မသေမျိုး</p> <p> </p> <p>​လူတိုင်း၏ မျက်နှာများမှာ ချက်ချင်းပင် ဆွဲဆန့်ခံလိုက်ရသကဲ့သို့ တောင့်တင်းသွားပြီး၊ မျက်ဝန်းများထဲတွင် မယုံနိုင်စရာ အရိပ်အယောင်များ ပေါ်လာတော့သည်။</p> <p> </p> <p>​ဒါ... ဘယ်လိုလုပ် ဖြစ်နိုင်မှာလဲ...</p> <p> </p> <p>​ယခင်က ဖန့်ချန် အရွေးချယ်ခံရသည်မှာ ယခုအချိန်အထိ နှစ်တစ်ရာပင် မပြည့်သေးပေ။</p> <p> ထိုစဉ်က သူသည် တာအိြပေါင်းစပ်ခြင်းအဆင့်မျှသာ ရှိသေးသော်လည်း၊ ယခုတွင်မူ... အဆင့် ၁ မသေမျိုး ဖြစ်နေပြီလား</p> <p>​ဝါယန်ဖုန်းမှာ တံတွေးကို ခက်ခက်ခဲခဲ မျိုချလိုက်ပြီး ဖန့်ချန်ကို အရူးတစ်ယောက်လို ငေးကြည့်နေမိသည်။</p> <p>သူ၏ ဦးနှောက်တစ်ခုလုံးမှာလည်း ဗလောင်ဆူသွားတော့သည်။</p> <p> </p> <p>​“မင်းတို့တွေ ဘာတွေ တွေးနေကြတာလဲ  ဖန့်မိတ်ဆွေက ပါရမီ ထူးခြားသူပဲ၊ ကျွယ်မင်နန်းတော်ကို ရောက်သွားတော့ ကောင်းကင်ဘုံက ပေးတဲ့ အခွင့်အရေးကြီးနဲ့ တိုးပြီး အခုလို အဆင့် ၁ မသေမျိုးအဖြစ် အလျင်အမြန် တက်လှမ်းနိုင်ခဲ့တာပေါ့။ ကျွယ်မင်နန်းတော်အတွက်တော့ အဆင့် ၁ မသေမျိုး နတ်ဆေးပင် ဆိုတာ ရှားပါးလှတဲ့အရာ မဟုတ်ပါဘူး”</p> <p> </p> <p>​ချင်းယွီမသေမျိုးက ပြုံး၍ ငေါ့တော့တော့ ပြောလိုက်သည်</p> <p> </p> <p> “သိပ်ပြီး လျှောက်မတွေးကြနဲ့၊ တစ်ယောက်ချင်းစီမှာ ကိုယ်ပိုင်လမ်းစဉ် ရှိကြတာပဲ။ ဖန့်မိတ်ဆွေကတော့ နောင်တစ်ချိန်မှာ ဒီလောကရဲ့ မသေမျိုးအရှင်သခင်တစ်ပါး ဖြစ်လာမှာ မြေကြီးလက်ခတ်မလွဲပဲ”</p> <p> </p> <p>​ထိုစကားကို ကြားမှသာ လူတိုင်း၏ ကျင့်ကြံခြင်းစိတ်ဓာတ်  မှာ ပြန်လည် တည်ငြိမ်သွားတော့သည်။</p> <p> </p> <p>​ဝါယန်ဖုန်းက ဖန့်ချန်ကို ကြည့်သည့် အကြည့်မှာလည်း ပိုမို၍ ရိုသေခန့်ညားလာခဲ့ပြီ ဖြစ်သည်။</p> <p> </p> <p>​ကျွယ်မင်ကျင့်ကြံသူ၊ အဆင့် ၁ မသေမျိုး</p> <p>​ထိုအဆင့်အတန်းမျိုးမှာ ချင်းယွီမသေမျိုးထက်ပင် သာလွန်သွားခဲ့ပြီဖြစ်သည်။</p> <p> </p> <p>​“ကြာနီနတ်ဘုရားဂိုဏ်းက အခုတလော နည်းနည်းလေး ကြွနေသလိုပဲ၊ ဖန့်မိတ်ဆွေ... ငါနဲ့အတူ အဲဒီကို တစ်ခေါက်လောက် လိုက်ခဲ့မလား ”</p> <p> </p> <p>​ချင်းယွီမသေမျိုးက ပြုံး၍ မေးလိုက်သည်။</p> <p> </p> <p>​လူတိုင်းမှာ ဖန့်ချန်ကို ဝိုင်းကြည့်လိုက်ကြပြီး မျက်လုံးများထဲတွင် စိတ်အားထက်သန်မှုများ ပြည့်နေကြသည်။</p> <p> </p> <p>​“ကြာနီနတ်ဘုရားဂိုဏ်း ”</p> <p> </p> <p>​ဖန့်ချန်က ချင်းယွီမသေမျိုးကို ကြည့်ကာ ထူးဆန်းသော အမူအရာဖြင့် မေးလိုက်သည်</p> <p> </p> <p>“ချင်းယွီနတ်ဘုရားဂိုဏ်းနဲ့ ကြာနီနတ်ဘုရားဂိုဏ်းကြားမှာ အခုတလော ဘာရန်ငြိုးတွေ ရှိနေလို့လဲ ”</p> <p> </p> <p>​“ဘာရန်ငြိုးမှတော့ မရှိပါဘူး၊ ဒါပေမဲ့ သူတို့ဘက်ကလည်း ကျွယ်မင်ကျင့်ကြံသူတစ်ယောက် ထွက်ပေါ်လာတယ်ဆိုတော့ တို့ ချင်းယွီနတ်ဘုရားဂိုဏ်းအပေါ် အရင်ကလိုပဲ ဆက်ဆံနေကြတုန်းပဲ။ သူတို့ မသိတာက မင်းရဲ့ အရွေးချယ်ခံရစဉ်က ရလဒ်ဟာ အဲဒီ ကြာနီနတ်မိမယ်ထက် အများကြီး သာလွန်ခဲ့တယ်ဆိုတာပဲ”</p> <p> </p> <p>​ချင်းယွီမသေမျိုးက ဆိုသည်</p> <p> </p> <p>“မင်း ငါနဲ့ လိုက်ခဲ့စမ်းပါ၊ သူတို့ရဲ့ မာန်မာနကို နည်းနည်းလောက် နှိမ်ပေးရမယ်”</p> <p> </p> <p>​“ကြီးကြီးမားမား ရန်ငြိုးမရှိရင်တော့ ချင်းယွီနတ်ဘုရားဂိုဏ်း အနေနဲ့ နည်းနည်းလောက် အလျှော့ပေးလိုက်တာ ပိုကောင်းမယ် ထင်တယ် ”</p> <p> </p> <p>​ဖန့်ချန်က ပြုံး၍ ဆိုလိုက်သည်။</p> <p> </p> <p>​“ဘာလို့လဲ ”</p> <p> </p> <p>​ချင်းယွီမသေမျိုးမှာ အံ့ဩသွားသည်။</p> <p>အခြားသူများမှာလည်း အဓိပ္ပာယ်ကို နားမလည်နိုင်ကြပေ။</p> <p> </p> <p>​“ကြာနီမိတ်ဆွေရဲ့ ကံတရားက သိပ်ကို ကြီးမားတယ်၊ အခု သူမဟာ ကျွယ်မင်နန်းတော်ရဲ့ အမာခံတပည့် ဖြစ်နေပြီ။ သူမရဲ့ အဆင့်အတန်းက ကျနော့်ထက် အဆပေါင်းများစွာ သာလွန်သွားပြီ။ သူမရဲ့ ဘေးနားမှာ လိုက်ပါလာတဲ့သူတွေကလည်း သာမန်လူတွေ မဟုတ်ဘူး၊ အဲဒီထဲမှာ အဆင့် ၂ မသေမျိုးတွေတောင် ပါသေးတယ်”</p> <p> </p> <p>​ဖန့်ချန်က ရှင်းပြလိုက်သည်။</p> <p> </p> <p>​လူတိုင်းမှာ ထိုနေရာ၌ပင် ဆွံ့အသွားကြတော့သည်။</p> <p> ထိုသတင်းမှာ ဖန့်ချန် အဆင့် ၁ မသေမျိုး ဖြစ်သွားသည်ဟူသော သတင်းထက်ပင် သူတို့ကို ပိုမို ရိုက်ခတ်သွားစေသည်။</p> <p> </p> <p>​“အ... အမာခံတပည့်...”</p> <p> </p> <p>​ချင်းယွီမသေမျိုး၏ မျက်နှာမှာ အနည်းငယ် ဖြူလျော့သွားသည်။</p> <p>ကျွယ်မင်နန်းတော်၏ အမာခံတပည့်ဆိုသည်မှာ ဘာကို ဆိုလိုသလဲဆိုသည်ကို သူ ဝေဝေဝါးဝါး သိထားသည်။</p> <p> </p> <p>​ထိုကဲ့သို့သော ပုဂ္ဂိုလ်မျိုးသာ လင်းကွေ့ကြယ်တာရာသို့ ရောက်ရှိလာခဲ့လျှင်၊ ထိုနေရာရှိ အားအကောင်းဆုံးသော ရှေးဟောင်းမသေမျိုးများပင်လျှင် ရိုရိုသေသေ ဆက်ဆံရမည် ဖြစ်သည်။</p> <p> </p> <p>​“ချင်းယွီမိတ်ဆွေ... သိပ်ပြီး မစိုးရိမ်ပါနဲ့၊ ကျနော်နဲ့ ကြာနီမိတ်ဆွေက တိုက်ခိုက်ရင်းနဲ့မှ ခင်မင်သွားကြတာဆိုတော့ ဆက်ဆံရေးက မဆိုးပါဘူး။ နောက်ပိုင်းမှာ ချင်းယွီနတ်ဘုရားဂိုဏ်းနဲ့ ကြာနီနတ်ဘုရားဂိုဏ်း ငြိမ်းငြိမ်းချမ်းချမ်း နေကြရုံပါပဲ”</p> <p> </p> <p>​ဖန့်ချန်က နှစ်သိမ့်လိုက်သည်။</p> <p> </p> <p>​ထို့နောက် ခဏမျှ တိတ်သွားပြီးမှ</p> <p> </p> <p>“ကျုပ်အတွက် ကျင့်ကြံဖို့ ဂူဗိမာန် တစ်ခုလောက် ရှာပေးလို့ ရမလား အချိန်အနည်းငယ်လောက် ကျင့်ကြံဖို့ စိတ်ကူးထားလို့ပါ”</p> <p> </p> <p>​“ဪ... ရတာပေါ့၊ ငါ လိုက်ပို့ပေးမယ်”</p> <p> </p> <p>​ချင်းယွီမသေမျိုးမှာ သတိပြန်ဝင်လာပြီး ချက်ချင်းပင် ခေါင်းညိတ်ကာ၊ တားမြစ်ချက် အစီရင်များစွာဖြင့် ကာရံထားသော ကျင့်ကြံခြင်းဂူတစ်ခု၏ ရှေ့သို့ ဖန့်ချန်ကို ကိုယ်တိုင် လိုက်ပို့ပေးခဲ့သည်။</p> <p> </p> <p>​“ဖန့်မိတ်ဆွေ... အဲဒီတစ်ယောက်က တကယ်ပဲ အမာခံတပည့် ဖြစ်သွားတာလား ”</p> <p> </p> <p>​ချင်းယွီမသေမျိုးမှာ ယခုထက်ထိ မယုံနိုင်သေးသဖြင့် ထပ်မံ၍ မေးမြန်းလိုက်မိပြန်သည်။</p> <p> </p> <p>​ဖန့်ချန်ထံမှ အတည်ပြုချက် ရရှိသွားသောအခါမှသာ၊ သူသည် စိတ်ဓာတ်ကျသွားဟန်ဖြင့် ဟန်ဆောင်ပြုံး ပြုံးကာ စကားအနည်းငယ် ထပ်မံပြောဆိုပြီးနောက် လှည့်ထွက်သွားတော့သည်။</p> <p> </p> <p>​ချင်းယွီမသေမျိုး ဘာတွေးနေသလဲဆိုသည်ကို     ဖန့်ချန် ရိပ်မိပါသည်။</p> <p>သို့သော် ချင်းယွီနတ်ဘုရားဂိုဏ်းသည် ကြာနီနတ်ဘုရားဂိုဏ်း၏ ဖိနှိပ်မှုကို ခံရတော့မည်မှာ အသေအချာပင်။</p> <p>ထိုဖိနှိပ်မှုမှာလည်း နှစ်ပေါင်းများစွာ ကြာရှည်ဦးမည် ဖြစ်သည်။</p> <p> </p> <p>​ကျင့်ကြံခြင်းဂူအတွင်း ရောက်ရှိသွားသောအခါမှသာ ဖန့်ချန်သည် နယ်နိမိတ်ဘူးသီး  ထဲမှ ဟွမ်ဝူကျိကို ထုတ်ပေးလိုက်သည်။</p> <p>​တားမြစ်ချက် အစီရင်များကို ခင်းကျင်းပြီးနောက်</p> <p> </p> <p>​“ငါနဲ့.. ယင်လောကထဲကို အတူတူ ဆင်းကြည့်ရအောင်”</p> <p> </p> <p>​“ယင်လောကထဲကိုလား ”</p> <p> </p> <p>​“ဟုတ်တယ်၊ ဒီနေရာက ပိတ်ဆို့ထားတဲ့ တားမြစ်ချက်တွေ ပျက်ပြယ်သွားလောက်ပြီ ထင်တယ်”</p> <p> </p> <p>​ဖန့်ချန်က အသာအယာ ခေါင်းညိတ်လိုက်သည်။</p> <p> </p> <p>​နှစ်ပေါင်းများစွာ ပိတ်ဆို့ခံထားရသော လင်းကွေ့ကြယ်တာရာသည် ယင်လောက၏ မည်သည့်အရပ်မျက်နှာနှင့် ချိတ်ဆက်နေသလဲဆိုသည်ကို သူ သိချင်နေမိတော့သည်။</p> <p>***</p> <p> </p>


Save