Book List

<h2 style="text-align: center;">အခန်း(၂၄၉၂)</h2> <h2 style="text-align: center;">*</h2> <p style="text-align:center"> </p> <p style="text-align:center"> </p> <p style="text-align:center"> </p> <p> </p> <p>စိမ်းလန်းသောမြစ် ကောင်းကင်နယ်မြေသည် အင်မော်တယ် ကျင့်ကြံခြင်းစကြဝဠာ၏ ထိပ်တန်း အင်မော်တယ်ဂိုဏ်းကြီးဆယ်ဂိုဏ်းအနက် တစ်ဂိုဏ်း အပါအဝင် ဖြစ်ပြီး စိမ်းလန်းသောမြစ်ဂိုဏ်းက တာဝန်ယူ အုပ်ချုပ်ထား‌သော နယ်မြေလည်း ဖြစ်သည်။</p> <p> </p> <p> </p> <p>စိမ်းလန်းသောမြစ်ဂိုဏ်းသည် ထိပ်တန်းအင်မော်တယ်ဂိုဏ်းကြီး ဆယ်ဂိုဏ်းစာရင်းတွင် ပါဝင်သော်လည်း ဂိုဏ်း၏ အင်အားကမူ ဂိုဏ်းကြီးဆယ်ဂိုဏ်းထဲတွင် အောက်ဆုံးအဆင့်တွင်သာ ရှိသည်။</p> <p> </p> <p> </p> <p>သို့ရာတွင် စိမ်းလန်းသောမြစ်ဂိုဏ်းသည် အဆင့်အားဖြင့် အောက်ဆုံးတွင်သာ ရှိသော်လည်း နောက်ခံသမိုင်းကြောင်းကမူ အလွန်တရာမှ နက်ရှိုင်းသည်။</p> <p> </p> <p> </p> <p>ထိပ်တန်း အင်မော်တယ်ဂိုဏ်းကြီး ဆယ်ဂိုဏ်းအနက် မည်သည့်အင်အားစုကမှ စိမ်းလန်းသောမြစ်ဂိုဏ်းကို အထင်မသေးဝံ့ကြပေ။</p> <p> </p> <p> </p> <p>စိမ်းလန်းသောမြစ်ဂိုဏ်း၏ အမွေအနှစ်သည် အလွန်တရာပင်  ရှည်လျား၏။</p> <p> </p> <p> </p> <p>ဆိုရလျှင် အင်မော်တယ် ကျင့်ကြံခြင်း စကြဝဠာသည် အင်မော်တယ် ကျင့်ကြံခြင်းယဥ်ကျေးမှု စတင် မွေးဖွားလာစဥ်ကတည်းကပင် စိမ်းလန်းသောမြစ်ဂိုဏ်းသည် တည်ရှိခဲ့ခြင်းဖြစ်သည်။</p> <p> </p> <p> </p> <p>ဤမျှ နှစ်ပေါင်းများစွာအတွင်း စိမ်းလန်းသောမြစ်ဂိုဏ်းသည် အင်မော်တယ် ကျင့်ကြံခြင်းစကြဝဠာ၏ ထိပ်တန်း အင်မော်တယ်ဂိုဏ်းကြီး ဆယ်ဂိုဏ်းစာရင်းတွင် အမြဲတစေ ပါဝင်ခဲ့သည်။</p> <p> </p> <p> </p> <p>အင်မော်တယ် ကျင့်ကြံခြင်းစကြဝဠာ တစ်ခုလုံး အပေါ်တွင် စိမ်းလန်းသောမြစ်ဂိုဏ်း၏ နားလည်မှုသည် ထိပ်တန်း အင်မော်တယ်ဂိုဏ်းကြီး ဆယ်ဂိုဏ်းထဲရှိ မည်သည့် အင်အားစုထက်မဆို သာလွန်၏။</p> <p> </p> <p> </p> <p>ဆိုရလျှင် အင်မော်တယ် ကျင့်ကြံခြင်း စကြဝဠာထဲတွင် စိမ်းလန်းသောမြစ်ဂိုဏ်း မသိသောအရာ ဟူ၍ မရှိသလောက်ပင်။</p> <p> </p> <p> </p> <p>ပို၍ ထင်ရှားသောအချက်မှာ စိမ်းလန်းသောမြစ်ဂိုဏ်းသည် အင်မော်တယ် ကျင့်ကြံခြင်း စကြဝဠာအတွင်း ပျောက်ကွယ်နေပြီ ဖြစ်သော ရတနာအချို့ကို အမြဲလိုလို ရရှိတတ်ခြင်းဖြစ်သည်။</p> <p> </p> <p> </p> <p>ထိုအချက်ကို အားကိုး၍ စိမ်းလန်းသောမြစ်ဂိုဏ်းသည် အင်မော်တယ် ကျင့်ကြံခြင်း စကြဝဠာတွင် စိမ်းလန်းသောမြစ်ကုန်သွယ်ရေးအဖွဲ့ကို တည်ထောင်ခဲ့ပြီး ကြီးမားသော အရင်းအမြစ်နှင့် ချမ်းသာကြွယ်ဝမှုများကို စုဆောင်းနိုင်ခဲ့သည်။</p> <p> </p> <p> </p> <p>အရင်းအမြစ်နှင့် ချမ်းသာကြွယ်ဝမှု ရှုထောင့်ကနေ ကြည့်လျှင် အင်မော်တယ် ကျင့်ကြံခြင်းစကြဝဠာ၏ ထိပ်တန်း အင်မော်တယ်ဂိုဏ်းကြီး ဆယ်ဂိုဏ်းထဲတွင် မည်သည့်အင်အားစုကမှ စိမ်းလန်းသောမြစ်ဂိုဏ်းနှင့် မယှဥ်နိုင်ပေ။</p> <p> </p> <p> </p> <p>စိမ်းလန်းသောမြစ်ဂိုဏ်း ထိန်းချုပ်ထားသည့် အရင်းအမြစ်များသည် အင်မော်တယ် ကျင့်ကြံခြင်းစကြဝဠာရှိ အခြားသော အင်အားစုများကိုပင် လောဘတက်စေခဲ့သည်အထိပင်။</p> <p> </p> <p> </p> <p>လွန်ခဲ့‌သော နှစ်ပေါင်းများစွာက အင်မော်တယ် ကျင့်ကြံခြင်းစကြဝဠာ၏ ထိပ်တန်း အင်မော်တယ်ဂိုဏ်းကြီး ဆယ်ဂိုဏ်းအနက်မှ တစ်ဂိုဏ်းသည် စိမ်းလန်းသောမြစ်ဂိုဏ်းကို တိုက်ခိုက်ရန် ကြံစည်ခဲ့သော်လည်း ထိုဂိုဏ်းသည် အကြောင်းအရင်း မယ်မယ်ရရ မသိရဘဲ တဖြည်းဖြည်း ဆုတ်ယုတ်သွားခဲ့ကာ အဆုံးသတ်တွင် ထိပ်တန်း အင်မော်တယ်ဂိုဏ်းကြီး ဆယ်ဂိုဏ်းစာရင်းကနေ ပြုတ်ကျသွားခဲ့သည်။</p> <p> </p> <p> </p> <p>ထိုအချိန်မှစ၍ စိမ်းလန်းသောမြစ်ဂိုဏ်းသည် အင်မော်တယ် ကျင့်ကြံခြင်း စကြဝဠာထဲတွင် နက်နဲဆန်းကြယ်မှု၏ ပြယုဂ်တစ်ခု ဖြစ်လာခဲ့သည်။</p> <p> </p> <p> </p> <p>စိမ်းလန်းသောမြစ်ဂိုဏ်း၏ အပေါ်ယံအင်အားသည် ထိပ်တန်း အင်မော်တယ်ဂိုဏ်းကြီး ဆယ်ဂိုဏ်း၏ အောက်ဆုံးတွင်သာ ရှိနေသော်လည်း စိမ်းလန်းသောမြစ်ဂိုဏ်းသည် အင်မော်တယ် ကျင့်ကြံခြင်း စကြဝဠာရှိ မည်သည့် အင်အားစုကိုမဆို ကြောက်ရွံ့သွားစေရန် လုံလောက်သော ဂိုဏ်းလည်း ဖြစ်သည်။</p> <p> </p> <p> </p> <p>အဆုံးမဲ့ လွင်ပြင်ကြီး၏ ပတ်ပတ်လည်တွင် ငြီးငွေ့ဖွယ်ရာ ကောင်းသော သွေးရောင်များဖြင့် ပြည့်နှက်နေခဲ့ပြီး ကောင်းကင်ယံ တစ်ခုလုံးကို သွေးရောင်များက လွှမ်းမိုးထားသည်။</p> <p> </p> <p> </p> <p>လွင်ပြင်ကြီးထဲတွင် စိတ်ပျက်စရာကောင်းသော အငွေ့အသက်များ ပျံ့နှံ့နေခဲ့၏။</p> <p> </p> <p> </p> <p>ထိုလွင်ပြင်ကြီးပေါ်သို့ အနက်ရောင်ပုံရိပ် နှစ်ခုသည် အဝေးကနေ ရုတ်တရက် ပျံသန်းလာခဲ့ကြသည်။</p> <p> </p> <p> </p> <p>အနက်ရောင်ပုံရိပ် နှစ်ခု၏ အရှိန်အဟုန်သည် အလွန်တရာပင် မြန်ဆန်ပြီး လေထုထဲတွင် တည်နေရာ ရွှေ့ပြောင်းခြင်း ပြုလုပ်နေသကဲ့သို့ပင်။</p> <p> </p> <p> </p> <p>ထိုပုံရိပ်နှစ်ခုသည် စိမ်းလန်းသောမြစ် ကောင်းကင်နယ်မြေဆီသို့ အပြေးအလွှား ခရီးနှင်နေကြသည့် ကျန်းချန်တို့ နှစ်ယောက်ပင် ဖြစ်သည်။</p> <p> </p> <p> </p> <p>စိမ်းလန်းသောမြစ် ကောင်းကင်နယ်မြေနှင့် ဆိတ်ငြိမ်သွေးကောင်းကင် နယ်မြေ တို့သည် ကပ်ရပ် တည်ရှိသော်လည်း အင်မော်တယ် ကျင့်ကြံခြင်း စကြဝဠာ၏ နယ်မြေတစ်ခုချင်းစီသည် အလွန်တရာပင် ကြီးမားလှ၏။</p> <p> </p> <p> </p> <p>အထူးသဖြင့် ကောင်းကင်နယ်မြေ ဆယ်ခုသည် အလွန်တရာပင် ကျယ်ပြောသည်။</p> <p> </p> <p> </p> <p>ကျန်းချန်တို့ နှစ်ယောက်၏ အရှိန်အဟုန်ဖြင့်ပင် ဆိတ်ငြိမ်သွေးကောင်းကင် နယ်မြေနှင့် စိမ်းလန်းသောမြစ် ကောင်းကင်နယ်မြေ တို့၏ အလယ်ရှိ ဆိတ်ငြိမ်သွေးလွင်ပြင်သို့ ရောက်ရှိရန် ငါးရက် ခြောက်ရက်ခန့် အချိန်ယူခဲ့ရသည်။</p> <p> </p> <p> </p> <p>“ရွှယ်ချန်ကျဲ.. ငါတို့ဆိတ်ငြိမ်သွေးလွင်ပြင်ဆီ ရောက်လာတာ အတော်တောင်ကြာနေပြီ.. ဒီလွင်ပြင်ကို ဖြတ်ပြီး  စိမ်းလန်းသောမြစ် ကောင်းကင်နယ်မြေဆီ ရောက်ဖို့ ဘယ်လောက်ကြာဦးမလဲ”</p> <p> </p> <p> </p> <p>ကျန်းချန်က သူ့ရှေ့မှ အဆုံးမဲ့ သွေးရောင်လွင်ပြင်ကြီးကို ကြည့်ရင်း အနည်းငယ် မျက်မှောင်ကြုတ်ကာ မေးလိုက်သည်။</p> <p> </p> <p> </p> <p>“ကျွန်တော်အရင်က ဆိတ်ငြိမ်သွေးလွင်ပြင် အကြောင်းကို ကြားဖူးရုံပဲရှိတယ် သခင်ကြီး.. ဒီနေရာက ဆိတ်ငြိမ်သွေးကောင်းကင်နယ်မြေနှင့် စိမ်းလန်းသောမြစ် ကောင်းကင်နယ်မြေ တို့ရဲ့ ကြားမှာ ရှိတယ် ဆိုတာတော့ သိတယ်.. ဒါပေမဲ့ ဒီနေရာကို တစ်ခါမှ မရောက်ဖူးတော့ ဒီနေရာရဲ့ အသေးစိတ် အခြေအနေကိုတော့ မသိဘူး”</p> <p> </p> <p> </p> <p>ရွှယ်ချန်ကျဲက ခါးသီးစွာ ပြုံး၍ ပြောလိုက်သည်။</p> <p> </p> <p> </p> <p>“ဒီဆိတ်ငြိမ်သွေးလွင်ပြင်ပေါ်မှာ အခြေစိုက်နေတဲ့ အင်အားစုတချို့ ရှိတယ်လို့တော့ ကြားဖူးတယ်.. ခဏနေရင် တစ်ယောက်ယောက်ကို ရှာပြီး စုံစမ်းကြည့်လိုက်မယ် သခင်ကြီး”</p> <p> </p> <p> </p> <p>ထိုစကားကိုကြားလျှင် ကျန်းချန်သည် ဘာစကားမှ ဆက်မပြောတော့ဘဲ ရှေ့သို့ ဆက်လက်ခရီးနှင်ခဲ့သည်။</p> <p> </p> <p> </p> <p>နာရီဝက်ခန့် ကြာပြီးနောက်တွင် သေးငယ်သော အနက်ရောင် အစက်အပျောက် တစ်ခုသည် သူတို့ရှေ့တွင် ခပ်ရေးရေးပေါ်လာခဲ့သည်။</p> <p> </p> <p> </p> <p>ကျန်းချန်တို့သည် ထိုအနက်ရောင် အစက်အပျောက်နှင့် နီးကပ်လာသည်နှင့် အမျှ ထိုအနက်ရောင်အစက်သည် ကျန်းချန်တို့၏ မြင်ကွင်းထဲတွင် တဖြည်းဖြည်း ကြီးမားလာခဲ့သည်။</p> <p> </p> <p> </p> <p>အဆုံးသတ်တွင် မြို့ငယ်လေး တစ်မြို့သည် ကျန်းချန်တို့၏ မြင်ကွင်းထဲတွင် တိုက်ရိုက် ပေါ်လာခဲ့သည်။</p> <p> </p> <p> </p> <p>အောက်ဘက်မှ မြို့ငယ်လေးကို ကြည့်ရင်း ကျန်းချန်သည် တုံ့ဆိုင်းမနေဘဲ မြို့တံခါးဝသို့ တိုက်ရိုက်ပင် ဆင်းသက်လိုက်သည်။</p> <p> </p> <p> </p> <p>သို့သော်လည်း ကျန်းချန် မြို့တံခါးဝတွင် ပေါ်လာသည့် အခိုက်အတန့်မှာပင် အလွန်တရာပြင်းထန်သော လူသတ်ငွေ့များ လွှမ်းမိုးနေသည့် မြားတစ်စင်းသည် လေထုကို ထိုးခွင်းလာခဲ့ပြီး ကျန်းချန်၏ မျက်ခုံးနှစ်ခုကြားသို့ တိုက်ရိုက်ပင် ရောက်ရှိလာခဲ့သည်။</p> <p> </p> <p> </p> <p>ကျန်းချန်က အနည်းငယ် မျက်မှောင်ကြုတ်သွားခဲ့ပြီး ချက်ချင်းဆိုသလိုပင် လက်တစ်ဖက်ကို ဝှေ့ယမ်းလိုက်ရာ မြားရှည်သည် ကြေမွသွားခဲ့သည်။</p> <p> </p> <p> </p> <p>“ငါတို့နှစ်ယောက်က ဒီနေရာကို ဖြတ်သွားရင်းနဲ့ လမ်းမေးချင်ရုံတင်ပါ.. ဒီလုပ်ရပ်က လွန်လွန်းတယ်လို့ မထင်ဘူးလား”</p> <p> </p> <p> </p> <p>ကျန်းချန်၏ ထက်ရှသော အကြည့်က မြို့ငယ်လေး၏ မြို့ရိုးပေါ်မှ သွေးရောင်ဝတ်စုံဝတ် အမျိုးသားတစ်ဦး ဆီသို့ တိုက်ရိုက်ပင် ကျရောက်သွားခဲ့သည်။</p> <p> </p> <p> </p> <p>သူ၏ စကားသံက အလွန်အမင်း အေးစက်နေခဲ့၏။</p> <p> </p> <p> </p> <p>“ကောင်လေး.. ဆိတ်ငြိမ်သွေးလွင်ပြင်ရဲ့ စည်းမျဥ်းအရ လမ်းမေးချင်တယ် ဆိုရင် ငါတို့ သတ်မှတ်ထားတဲ့ ငွေကြေးကို အရင် ပေးရလိမ့်မယ်”</p> <p> </p> <p> </p> <p>လေးနှင့်မြားကို ကိုင်ဆောင်ထား‌သော သွေးရောင်ဝတ်စုံဝတ် အမျိုးသားက ကျန်းချန်ကို အထက်စီးဆန်စွာ ပြောလိုက်သည်။</p> <p> </p> <p> </p> <p>ကျန်းချန်က မျက်မှောင်ကြုတ်ကာ ပြန်မေးလိုက်သည်။</p> <p> </p> <p> </p> <p>“ဘယ်လောက်ပေးရမှာလဲ”</p> <p> </p> <p> </p> <p>သွေးရောင်ဝတ်စုံဝတ် အမျိုးသားက မထီမဲ့မြင်ပြုံးကာ ပြောလိုက်သည်။</p> <p> </p> <p> </p> <p>“ယွမ်ကျောက်တုံး ၁၀၀၀ မပေးနိုင်ဘူး ဆိုရင်တော့ ငါ့ရဲ့အချိန်တွေကို လာဖြုန်းမနေနဲ့.. အခုချက်ချင်း ဒီကနေ လှည့်ပြန်လိုက်တော့”</p> <p> </p> <p> </p> <p>ယွမ်ကျောက်တုံး ဆိုသည်မှာ အင်မော်တယ် ကျင့်ကြံသူများ ကျင့်ကြံရာတွင် အသုံးပြုနိုင်သည့် စွမ်းအင်ကျောက်တုံး တစ်မျိုး ဖြစ်ပြီး အင်မော်တယ် ကျင့်ကြံခြင်း စကြဝဠာ၏ ဘုံသုံး ငွေကြေးလည်း ဖြစ်သည်။</p> <p> </p> <p> </p> <p>“သူ့ကို ယွမ်ကျောက်တုံး တစ်ထောင်ပေးလိုက်”</p> <p> </p> <p> </p> <p>ကျန်းချန်က ရွှယ်ချန်ကျဲကို ခေါင်းငဲ့၍ ကြည့်ကာ ပြောလိုက်သည်။</p> <p> </p> <p> </p> <p>သူက အင်မော်တယ် ကျင့်ကြံခြင်း စကြဝဠာမှ ကျင့်ကြံသူ မဟုတ်သဖြင့် သူ့တွင် ယွမ်ကျောက်တုံး မရှိပေ။</p> <p> </p> <p> </p> <p>သို့သော်လည်း ကပ်ဘေး အထွတ်အထိပ်အဆင့် ကျင့်ကြံသူအနေဖြင့် ရွှယ်ချန်ကျဲ အတွက်မူ ယွမ်ကျောက်တုံး ၁၀၀၀ သည် ဘာမှမဟုတ်ပေ။</p> <p> </p> <p> </p> <p>ကျန်းချန်သည် သွေးရောင်ဝတ်စုံဝတ် အမျိုးသားနှင့် အချိန်မဖြုန်းလိုဘဲ စိမ်းလန်းသောမြစ် ကောင်းကင်နယ်မြေ၏ လမ်းကြောင်းကိုသာ စုံစမ်းလိုခဲ့သည်။</p> <p> </p> <p> </p> <p>ရွှယ်ချန်ကျဲက သူ၏ လက်ဖဝါးကို လှုပ်ရှားလိုက်ပြီး ယွမ်ကျောက်တုံး ၁၀၀၀ကို ထုတ်ယူကာ သွေးရောင်ဝတ်စုံဝတ် အမျိုးသားကို ပစ်ပေးလိုက်သည်။</p> <p> </p> <p> </p> <p>သွေးရောင်ဝတ်စုံဝတ် အမျိုးသားက ယွမ်ကျောက်တုံး ၁၀၀၀ကို အလောတကြီး ဖမ်းယူလိုက်ပြီးနောက်တွင် သေချာစွာ ရေတွက်ကြည့်လိုက်သည်။</p> <p> </p> <p> </p> <p>ထို့နောက် ကျန်းချန်ကိုကြည့်ကာ ပြုံး၍ ပြောလိုက်၏။</p> <p> </p> <p> </p> <p>“ပြောပါ ဘာမေးချင်တာလဲ”</p> <p> </p> <p> </p> <p>ကျန်းချန်က တည်ငြိမ်စွာ ပြောလိုက်သည်။</p> <p> </p> <p> </p> <p>“ဒီနေရာကနေ စိမ်းလန်းသောမြစ် ကောင်းကင်နယ်မြေဆီ သွားမယ်ဆိုရင် ဘယ်လောက်ဝေးသေးလဲ.. စိမ်းလန်းသောမြစ် ကောင်းကင်နယ်မြေကို အမြန်ဆုံးရောက်ဖို့ ငါတို့ ဘယ်လိုဆက်သွားရမှာလဲ”</p> <p> </p> <p> </p> <p>“ဒီကနေ အရှေ့တောင်ဘက်ကို သွားပါ.. သာမန် သန္ဓေဝိညာဥ်အဆင့် ကျင့်ကြံသူတစ်ဦး ဆိုရင် ဆယ်ရက်အတွင်း ဆိတ်ငြိမ်သွေးလွင်ပြင်ကို ဖြတ်ကျော်နိုင်ပါလိမ့်မယ်”</p> <p> </p> <p> </p> <p>သွေးရောင်ဝတ်စုံဝတ် အမျိုးသားက ကျန်းချန်တို့ နှစ်ယောက်ကို ကြည့်ကာ ပြောလိုက်သည်။</p> <p> </p> <p> </p> <p>“မင်းတို့လို ရွှေအမြုတေအဆင့် ကျင့်ကြံသူ ဆိုရင်တော့ အနည်းဆုံး လဝက်လောက် ကြာမြင့်လိမ့်မယ်”</p> <p> </p> <p> </p> <p>ကျန်းချန်နှင့်ရွှယ်ချန်ကျဲ တို့သည် ရုပ်ရည်အသွင်အပြင်ကို ပြောင်းလဲထားရုံသာမက အရှိန်အဝါကိုလည်း ဖုံးကွယ်ထားခဲ့ကြသည်။</p> <p> </p> <p> </p> <p>ထို့ကြောင့် သွေးရောင်ဝတ်စုံဝတ် အမျိုးသားသည် ကျန်းချန်တို့ နှစ်ယောက်ကို ရွှေအမြုတေအဆင့် ကျင့်ကြံသူနှစ်ဦး အဖြစ် ထင်မြင်သွားပုံရ၏။</p> <p> </p> <p> </p> <p>“ကျေးဇူးပဲ”</p> <p> </p> <p> </p> <p>ထိုစကားကို ပြောပြီးနောက်တွင် ကျန်းချန်သည် ရွှယ်ချန်ကျဲနှင့်အတူ လှည့်ထွက်သွားရန် ပြင်လိုက်သည်။</p> <p> </p> <p> </p> <p>“နေဦးကောင်လေး.. ဆိတ်ငြိမ်သွေးလွင်ပြင်က အရမ်းကို အန္တရာယ်များတယ်.. မင်းတို့လို ရွှေအမြုတေအဆင့်နဲ့ဆိုရင် စိမ်းလန်းသောမြစ် ကောင်းကင်နယ်မြေဆီကို သွားဖို့က လွယ်မှာမဟုတ်ဘူး.. ငါ့ကို ယွမ်ကျောက်တုံး နည်းနည်းလောက် ထပ်ပေးပါလား.. ငါမင်းတို့ နှစ်ယောက်ကို စိမ်းလန်းသောမြစ်ကောင်းကင်နယ်မြေအထိ လိုက်ပို့ပေးမယ်လေ.. ဘယ်လိုလဲ”</p> <p> </p> <p> </p> <p>ထိုအခိုက်အတန့်တွင် သွေးရောင်ဝတ်စုံဝတ် အမျိုးသား၏ စကားသံသည် ကျန်းချန်တို့၏ကျောဘက်ကနေ ထပ်မံ ထွက်ပေါ်လာခဲ့သည်။</p> <p> </p> <p> </p> <p>ကျန်းချန်က သွေးရောင်ဝတ်စုံဝတ် အမျိုးသားကို အေးစက်စက် တစ်ချက် လှည့်ကြည့်ကာ ပြောလိုက်သည်။</p> <p> </p> <p> </p> <p>“ငါတို့ မင်းရဲ့စောင့်ရှောက်မှုကို မလိုအပ်ဘူး”</p> <p> </p> <p> </p> <p>ဤ သွေးရောင်ဝတ်စုံဝတ် အမျိုးသားသည် သန္ဓေဝိညာဥ် အစောပိုင်းအဆင့် ကျင့်ကြံသူတစ်ဦးသာ ဖြစ်သည်။</p> <p> </p> <p> </p> <p>သူနှင့် ရွှယ်ချန်ကျဲတို့၏ အဆင့်ဖြင့် သန္ဓေဝိညာဥ် အဆင့်မျှသာ ရှိသော ကျင့်ကြံသူ တစ်ဦး၏ စောင့်ရှောက်မှုကို ခံယူစရာ အဘယ်ကြောင့် လိုအပ်ပါမည်နည်း။</p> <p> </p> <p> </p> <p>“မဟုတ်ဘူး.. မင်းတို့ ငါ့ရဲ့စောင့်ရှောက်မှုကို သေချာပေါက်လိုအပ်တယ်”</p> <p> </p> <p> </p> <p>သွေးရောင်ဝတ်စုံဝတ် အမျိုးသားက ပ‌ဟေဠိဆန်စွာ ပြုံး၍ ပြောလိုက်သည်။</p> <p> </p> <p> </p> <p>“ငါတို့ အလောင်းအစား လုပ်ကြမလား.. တကယ်လို့ ငါ့ရဲ့စောင့်ရှောက်မှုသာ မပါရင် မင်းတို့ ဒီနေရာကနေ ထွက်သွားဖို့ ခက်ခဲလိမ့်မယ်လို့ ငါပြောရဲတယ်”</p> <p> </p> <p> </p> <p>ထိုစကားကိုကြားလျှင် ကျန်းချန်၏ မျက်ဝန်းများသည် အနည်းငယ် အေးစက်သွားခဲ့သည်။</p> <p> </p> <p> </p> <p>“ခင်ဗျားစကားက ဘာကိုဆိုလိုတာလဲ”</p> <p> </p> <p> </p> <p> </p> <p> </p> <p> </p> <p> </p> <p style="text-align: center;">အခန်း(၂၄၉၂)ပြီး၏။</p> <p style="text-align: center;"> </p> <p style="text-align: center;">***</p> <p> </p>


Save