Book List

<h2 style="text-align: center;">အခန်း(၂၄၉၃)</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p> </p> <p>“ကျန်းရွှယ်ကျန့်.. ဒီနှစ်ယောက်နဲ့ဘာလို့ အဓိပ္ပာယ်မရှိတဲ့စကားတွေ ပြောနေရတာလဲ”</p> <p> </p> <p> </p> <p>ထိုအခိုက်အတန့်တွင် သန်မာထွားကျိုင်းသော အမျိုးသားတစ်ဦးသည် သွေးရောင်ဝတ်စုံဝတ် အမျိုးသား နံ‌ဘေးသို့ ရောက်လာခဲ့သည်။</p> <p> </p> <p> </p> <p>သူက ကျန်းချန်ကို သတ်ဖြတ်လိုသော အမူအရာဖြင့် စိုက်ကြည့်ကာ ပြောလိုက်သည်။</p> <p> </p> <p> </p> <p>“ကောင်လေး.. မင်းက ယွမ်ကျောက်တုံး ၁၀၀၀ကို အလွယ်တကူ ထုတ်ပေးနိုင်တယ် ဆိုတော့ ချမ်းသာတဲ့ကောင်ပဲ ဖြစ်ရမယ်.. မင်းမှာ ပါလာတဲ့ အဖိုးတန် မှန်သမျှကို အကုန်အပ်မယ်ဆိုရင် ငါမင်းကို အသက်ချမ်းသာပေးဖို့ စဥ်းစားပေးမယ်”</p> <p> </p> <p> </p> <p>ယွမ်ကျောက်တုံး ၁၀၀၀ ဆိုသည်မှာ သန္ဓေဝိညာဥ်အဆင့် ကျင့်ကြံသူများ အတွက် အလွန်တရာပင် များပြားသော ပမာဏ ဖြစ်သည်။</p> <p> </p> <p> </p> <p>ထိုပမာဏကို ရွှေအမြုတေအဆင့် ကျင့်ကြံသူ နှစ်ဦးသည် အလွယ်တကူ ထုတ်ပေးနိုင်သည် ဖြစ်၍ သေချာပေါက်ကြွယ်ဝချမ်းသာသူများ ဖြစ်နိုင်လောက်၏။</p> <p> </p> <p> </p> <p>ဤကဲ့သို့ ဆူဖြိုးသော သိုးနှစ်ကောင်သည် သူ၏ ရှေ့မှောက်သို့ အလိုအလျောက် ရောက်လာခဲ့သည် ဖြစ်ရာ သူ့အနေဖြင့် အဘယ်ကြောင့် အလွယ်တကူ လက်လွှတ်ခံပါမည်နည်း။</p> <p> </p> <p> </p> <p>ကျန်းချန်၏ နှုတ်ခမ်းထောင့်တွင် လှောင်ပြုံးတစ်ခု ဖြစ်ပေါ်လာခဲ့သည်။</p> <p> </p> <p> </p> <p>“ဘာလဲ မင်းတို့က ဓားပြတိုက်နေတာလား”</p> <p> </p> <p> </p> <p>သန်မာထွားကျိုင်းသောအမျိုးသားက မထီမဲ့မြင်ပြုံးကာ ပြန်ဖြေလိုက်သည်။</p> <p> </p> <p> </p> <p>“ဆိတ်ငြိမ်သွေးလွင်ပြင်မှာ နေတဲ့ ငါတို့လို လူတွေက ဒီအလုပ်နဲ့ပဲ အသက်မွေးကြတယ်.. စိတ်မကောင်းစရာပဲ.. မင်းအခုသိလိုက်ရပေမဲ့ နောက်ကျသွားခဲ့ပြီ”</p> <p> </p> <p> </p> <p>“ပထမတော့ ငါက လမ်းမေးဖို့လောက်ပဲ.. မင်းတို့ကို ပြဿနာမရှာချင်ခဲ့ဘူး.. ဒါပေမဲ့ မင်းတို့က ကိုယ့်သေတွင်း ကိုယ်တူးနေမှတော့ ငါ့ကို အပြစ်မတင်နဲ့တော့”</p> <p> </p> <p> </p> <p>ကျန်းချန်က ခေါင်းခါရမ်းလိုက်ပြီး ရွှယ်ချန်ကျဲကို အေးစက်စက် အမိန့်ပေးလိုက်သည်။</p> <p> </p> <p> </p> <p>“ချန်ကျဲ.. သူတို့က သေမင်းဆီ ဒီလောက်တောင် သွားချင်မှတော့ သူတို့ရဲ့ဆန္ဒကို ဖြည့်ဆည်းပေးလိုက်”</p> <p> </p> <p> </p> <p>“ဟုတ်ကဲ့ပါ သခင်ကြီး”</p> <p> </p> <p> </p> <p>စကားဆုံးသည်နှင့် ရွှယ်ချန်ကျဲသည် ကျန်းချန်၏ အနောက်ကနေ ရှေ့သို့ လှမ်းထွက်လာခဲ့သည်။</p> <p> </p> <p> </p> <p>ရွှယ်ချန်ကျဲ တိုက်ခိုက်တော့မည်ကို မြင်လျှင် သန်မာ ထွားကျိုင်းသော အမျိုးသား၏ မျက်နှာသည် ရုတ်တရက် အေးစက်သွားခဲ့သည်။</p> <p> </p> <p> </p> <p>သူက ထက်ရှသော ဓားမြှောင်တစ်လက်ကို ကိုင်ကာ  ရွှယ်ချန်ကျဲ ထံသို့ ပျံသန်းလာခဲ့သည်။</p> <p> </p> <p> </p> <p>သို့သော်လည်း သူ၏ ပုံရိပ်သည် အလွန်လျင်မြန်စွာ ပျံသန်းနေရာကနေ ရုတ်တရက် ရပ်တန့်သွားခဲ့ပြီး “ဝုန်းခနဲ”အောက်သို့ ပြုတ်ကျသွားခဲ့ကာ မည်သည့် လှုပ်ရှားမှုမှ မရှိတော့ပေ။</p> <p> </p> <p> </p> <p>“ဒါ ဒါ ဘယ်လိုလုပ်ဖြစ်နိုင်မှာလဲ”</p> <p> </p> <p> </p> <p>သူ၏ရှေ့မှ ထူးဆန်းသော မြင်ကွင်းကို မြင်လိုက်ရလျှင် သွေးရောင်ဝတ်စုံဝတ် အမျိုးသားသည် တစ္ဆေတစ်ကောင်ကို မြင်လိုက်ရသကဲ့သို့ ဖြစ်သွားခဲ့ပြီး နေရာမှာပင် တောင့်တင်းသွားခဲ့သည်။</p> <p> </p> <p> </p> <p>သိထားရမည့်အချက်မှာ သန်မာထွားကျိုင်းသော အမျိုးသားသည် သူ့ထက်ပင် ပို၍ အင်အားကြီးမားသည့် သန္ဓေဝိညာဥ်အဆင့် ကျင့်ကြံသူတစ်ဦး ဖြစ်သည်။</p> <p> </p> <p> </p> <p>သာမန်ထွားကျိုင်းသော အမျိုးသား၏ ကျင့်ကြံခြင်းအဆင့်ဖြင့်ပင် ‌ရွှေအမြုတေအဆင့်တွင်သာ ရှိသည်ဟု ထင်ရသော ထိုလူကို ရင်ဆိုင်ရာတွင် အကြောင်းရင်း မရှိဘဲ ရုတ်တရက် ကျဆုံးသွားလိမ့်မည်ဟု သွေးရောင်ဝတ်စုံဝတ် အမျိုးသား ထင်မှတ်မထားခဲ့ပေ။</p> <p> </p> <p> </p> <p>သူ့ရှေ့မှ လူနှစ်ယောက်သည် သန္ဓေဝိညာဥ်အဆင့် ကျင့်ကြံသူများကိုပင် သတ်ဖြတ်နိုင်သည့် ကြောက်မက်ဖွယ် စွမ်းရည်ရှိသော ရွှေအမြုတေအဆင့် ပါရမီရှင်များ ဖြစ်နိုင်ပါသလော။</p> <p> </p> <p> </p> <p>ထိုသို့ တွေးမိလျှင် သွေးရောင်ဝတ်စုံဝတ် အမျိုးသားသည် ရုတ်တရက် ထိတ်လန့်သွားခဲ့သည်။</p> <p> </p> <p> </p> <p>သူက ဤနေရာတွင် အနည်းငယ်မျှပင် မနေဝံ့တော့ဘဲ ထွက်ပြေးရန် ပြင်လိုက်သည်။</p> <p> </p> <p> </p> <p>“ဝုန်း..”</p> <p> </p> <p> </p> <p>သို့သော်လည်း သွေးရောင်ဝတ်စုံဝတ် အမျိုးသား လှုပ်ရှားရန် အချိန်မရမီမှာပင် သွေးရောင်အလင်းတန်း တစ်ခုသည် သူ၏ ရင်ဘတ်ကို ဖောက်ထွက်သွားခဲ့ပြီး သူ၏ ခန္ဓာကိုယ်တွင် ကြီးမားသော အပေါက်တစ်ခုကို ကျန်ရစ်စေခဲ့သည်။</p> <p> </p> <p> </p> <p>သွေးရောင်ဝတ်စုံဝတ် အမျိုးသားသည် ချက်ချင်းဆိုသလိုပင် မျှော်လင့်ချက် ကင်းမဲ့သွားခဲ့ပြီး သူ၏ အသက်ဝိညာဥ် ပျောက်ကွယ်သွားသည်ကိုသာ စောင့်ကြည့်နေခဲ့ရသည်။</p> <p> </p> <p>အဆုံးသတ်တွင် မြင်ကွင်းတစ်ခုလုံး မှောင်အတိ ကျသွားကာ လဲကျသွားခဲ့သည်။</p> <p> </p> <p>“သခင်ကြီး.. ဒီမြို့ထဲက လူတွေကိုရော သတ်ပစ်လိုက်ရမလား”</p> <p> </p> <p> </p> <p>ရွှယ်ချန်ကျဲက မြို့ထဲကို လှမ်းကြည့်ကာ ကျန်းချန်ကို မေးလိုက်သည်။</p> <p> </p> <p> </p> <p>ရွှယ်ချန်ကျဲသည် သွေးနတ်ဆိုးဂိုဏ်းတွင် မွေးဖွားလာသူဖြစ်ပြီး နောက်ပိုင်းတွင် ကြယ်တာရာဓားပြတစ်ဦး ဖြစ်လာခဲ့သူ ဖြစ်ရာ သဘာဝကျစွာပင် သူတော်ကောင်းတစ်ဦး မဟုတ်ပေ။</p> <p> </p> <p> </p> <p>“ထားလိုက်ပါ.. ငါတို့သွားကြစို့”</p> <p> </p> <p> </p> <p>ကျန်းချန်က ခေါင်းခါရမ်းလိုက်ပြီး စိမ်းလန်းသောမြစ် ကောင်းကင်နယ်မြေ ဆီသို့ ဆက်လက် ခရီးနှင်ရန် ပြင်လိုက်သည်။</p> <p> </p> <p> </p> <p>“မိတ်ဆွေလေးနှစ်ယောက်.. ခဏစောင့်ပါဦး”</p> <p> </p> <p>ထိုအခိုက်အတန့်တွင် အနည်းငယ် ဝဖိုင့်ဖိုင့် ရှိသည့် ပုံရိပ်တစ်ခုသည် ရုတ်တရက် မြို့ထဲကနေ လမ်းလျှောက်ထွက်လာခဲ့ပြီး ကျန်းချန်တို့ နှစ်ဦးကို ပြုံး၍ ကြည့်နေခဲ့သည်။</p> <p> </p> <p>ကျန်းချန်က ထိုသူကို စိုက်ကြည့်လိုက်ပြီး အနည်းငယ်မျက်မှောင်ကြုတ်ကာ မေးလိုက်သည်။</p> <p> </p> <p> </p> <p>“မင်းကရော ဘာကိစ္စရှိလို့လဲ”</p> <p> </p> <p> </p> <p>သူ့ရှေ့မှ ဝဖိုင့်ဖိုင့်အမျိုးသားသည် အပေါ်ယံကြည့်လျှင် သာမန်ဟုသာ ထင်ရသော်လည်း တကယ်တမ်းတွင် ကျင့်ကြံခြင်းအဆင့် မနိမ့်ကျပေ။</p> <p> </p> <p> </p> <p>ထိုလူက လမ်းစဥ်ပေါင်းစည်းခြင်း အဆင့်ကို ရောက်ရှိနေပြီဖြစ်ကာ ကပ်‌ဘေးအဆင့်သို့ ရောက်ရှိရန် ခြေတစ်လှမ်းမျှသာ လိုအပ်တော့၏။</p> <p> </p> <p> </p> <p>ရွှေအမြုတေအဆင့်နှင့် သန္ဓေဝိညာဥ်အဆင့် ကျင့်ကြံသူများသာ ရှိသော မြို့ငယ်လေးတွင် ဤကဲ့သို့ ကျင့်ကြံသူတစ်ဦး ရုတ်တရက် ပေါ်ထွက်လာခြင်းမှာ ထူးဆန်းနေခဲ့သည်။</p> <p> </p> <p> </p> <p>သူ့ရှေ့မှ ဝဖိုင့်ဖိုင့် အမျိုးသား၏ အထောက်အထားသည် ရိုးရှင်းပုံမရပေ။</p> <p> </p> <p> </p> <p>“မိတ်ဆွေလေး.. ခုနက မင်းတို့ စိမ်းလန်သောမြစ် ကောင်းကင်နယ်မြေဆီ သွားမယ်လို့ ငါကြားလိုက်ရတယ်”</p> <p> </p> <p> </p> <p>ဝဖိုင့်ဖိုင့် ကျင့်ကြံသူက ပြုံး၍ ပြောလိုက်သည်။</p> <p> </p> <p> </p> <p>“ဒီနေရာက စိမ်းလန်းသောမြစ် ကောင်းကင်နယ်မြေနဲ့ သိပ်မဝေးဘူး ဆိုပေမဲ့ ပတ်ဝန်းကျင်က အရမ်းကြမ်းတယ်.. တစ်ခါတလေ သွေးမုန်တိုင်းတွေတောင် တိုက်ခတ်တတ်တယ်”</p> <p> </p> <p> </p> <p>“မင်းက ငါတို့ကို သတိပေးဖို့ လာတာတော့ မဟုတ်လောက်ဘူးထင်တယ်.. မင်းမှာ ကိစ္စရှိရင်လည်း ပွင့်ပွင့်လင်းလင်းပြောပါ”</p> <p> </p> <p> </p> <p>ကျန်းချန်က တည်ငြိမ်စွာ ပြောလိုက်သည်။</p> <p> </p> <p> </p> <p>“မိတ်ဆွေလေးက ရိပ်စားမိနေမှတော့ ငါကွေ့ဝိုက်မနေတော့ဘူး”</p> <p> </p> <p> </p> <p>ဝဖိုင့်ဖိုင့် ကျင့်ကြံသူက အပိုစကားများ ပြောမနေတော့ဘဲ တိုက်ရိုက်ပင် ပြောလိုက်သည်။</p> <p> </p> <p> </p> <p>“ငါက စိမ်းလန်းသောမြစ် ကုန်သွယ်ရေးအဖွဲ့က တာဝန်ခံ ကြီးကြပ်ရေးမှူး ရှဖေးပါ.. လူဝကြီးရှလို့လည်း ငါ့ကို ခေါ်လို့ရပါတယ်.. တကယ်လို့ မင်းတို့တွေ စိမ်းလန်းသောမြစ်ကောင်းကင်နယ်မြေဆီ သွားမယ်ဆိုရင် ငါတို့အဖွဲ့နဲ့အတူ သွားတာ ပိုကောင်းလိမ့်မယ်.. စိမ်းလန်းသောမြစ် ကောင်းကင်နယ်မြေဆီကို လမ်းပြပေးတဲ့အတွက်  ဆုလာဘ်အနေနဲ့ မိတ်ဆွေလေးတို့က ငါတို့ အခက်အခဲနဲ့ ကြုံရတဲ့အချိန်မှာ နည်းနည်းပါးပါး ကူညီပေးရင် ရပါပြီ”</p> <p> </p> <p> </p> <p>ဤဝဖိုင့်ဖိုင့် ကျင့်ကြံသူသည် စိမ်းလန်းသောမြစ် ကုန်သွယ်‌ရေး အဖွဲ့မှ ဖြစ်နေခဲ့သည်။</p> <p> </p> <p> </p> <p>ရှဖေး၏ စကားကိုကြားလျှင် ကျန်းချန်၏ မျက်ဝန်းများတွင် အံ့အားသင့်သော အရိပ်အယောင် တစ်ခု ဖြစ်ပေါ်လာခဲ့၏။</p> <p> </p> <p> </p> <p>စိမ်းလန်းသောမြစ် ကုန်သွယ်ရေးအဖွဲ့ ဆိုသည်မှာ အင်မော်တယ် ကျင့်ကြံခြင်း စကြဝဠာတွင် ‌ကျော်ကြားသော ကုန်သွယ်ရေးအဖွဲ့ ဖြစ်ပြီး ထိပ်တန်း အင်မော်တယ်ဂိုဏ်းကြီးဆယ်ဂိုဏ်း အနက်မှ တစ်ဂိုဏ်း ဖြစ်သည့် စိမ်းလန်းသောမြစ်ဂိုဏ်းက ကျောထောက်နောက်ခံ ပေးထားခြင်း ဖြစ်သည်။</p> <p> </p> <p> </p> <p>ဤတစ်ကြိမ် စိမ်းလန်းသောမြစ် ကောင်းကင်နယ်မြေ၏ လေလံပွဲကို စိမ်းလန်းသောမြစ် ကုန်သွယ်ရေးအဖွဲ့တွင် ကျင်းပမည် ဖြစ်ပြီး ဒဏ္ဍာရီလာ ကပ်ဘေးဆေးလုံးသည် ထိုလေလံပွဲတွင် ပေါ်ထွက်လာလိမ့်မည် ဖြစ်သည်။</p> <p> </p> <p> </p> <p>ဤကဲ့သို့သော နေရာတွင် ကျန်းချန်သည် စိမ်းလန်းသောမြစ် ကုန်သွယ်ရေး အဖွဲ့မှ လူများနှင့် တွေ့ဆုံရလိမ့်မည်ဟု မမျှော်လင့်ထားခဲ့ပေ။</p> <p> </p> <p> </p> <p>“ကောင်းပြီလေ.. ဒါဆိုလည်း မင်းတို့နဲ့အတူ လိုက်ခဲ့ပါ့မယ်”</p> <p> </p> <p> </p> <p>ကျန်းချန်က စဥ်းစားမနေဘဲ ခေါင်းညိတ်လိုက်ပြီး ရှဖေးတို့အဖွဲ့နှင့် အတူသွားရန် သဘောတူခဲ့သည်။</p> <p> </p> <p> </p> <p>ရွှယ်ချန်ကျဲသည် သွေးနတ်ဆိုးဂိုဏ်းမှ ဖြစ်သော်လည်း သွေးနတ်ဆိုးဂိုဏ်းတွင်သာ တစ်နှစ်ပတ်လုံး ကျင့်ကြံနေခဲ့သူ ဖြစ်၍ ဆိတ်ငြိမ်သွေးကောင်းကင် နယ်မြေ အကြောင်းကို များများစားစားမသိပေ။</p> <p> </p> <p> </p> <p>သို့ဖြစ်ရာ ဆိတ်ငြိမ်သွေးကောင်းကင် နယ်မြေနှင့် ကပ်ရပ်တည်ရှိသော စိမ်းလန်းသောမြစ် ကောင်းကင်နယ်မြေ အကြောင်းဆိုလျှင် ပို၍ပင် မသိရှိချေ။</p> <p> </p> <p> </p> <p>ယခုအခါတွင် ကောင်းမွန်စွာ လမ်းပြပေးနိုင်သည့် စိမ်းလန်းသောမြစ် ကုန်သွယ်ရေးအဖွဲ့နှင့် တွေ့ဆုံနေရပြီ ဖြစ်ရာ သူ့အနေဖြင့် အဘယ်ကြောင့် ငြင်းပယ်ရပါမည်နည်း။</p> <p> </p> <p> </p> <p>သူ စိမ်းလန်းသောမြစ် ကောင်းကင်နယ်မြေ ဆီသို့ သွားရသည့်ရည်ရွယ်ချက်မှာ စိမ်းလန်းသောမြစ် ကုန်သွယ်ရေးအဖွဲ့သို့ သွားရောက်ကာ လေလံပွဲတွင် ပါဝင်ရန်နှင့် ဒဏ္ဍာရီလာကပ်ဘေးဆေးလုံးကို ရယူရန်ပင် ဖြစ်သည်။</p> <p> </p> <p> </p> <p>အကယ်၍ စိမ်းလန်းသောမြစ် ကုန်သွယ်ရေးအဖွဲ့နှင့် အတူ သွားမည်ဆိုလျှင် သေချာပေါက် မလိုအပ်သော အခက်အခဲများစွာကနေ သက်သာသွားလိမ့်မည် မဟုတ်ပါလော။</p> <p> </p> <p> </p> <p>“ကျေးဇူးပဲ မိတ်ဆွေလေး”</p> <p> </p> <p> </p> <p>ကျန်းချန် ခေါင်းညိတ် သဘောတူလိုက်သည်ကိုမြင်လျှင် ရှဖေးသည် စိတ်သက်သာရာရကာ သက်ပြင်းချလိုက်သည်။</p> <p> </p> <p> </p> <p>ဤခရီးစဥ်တွင် စိမ်းလန်းသောမြစ် ကုန်သွယ်ရေးအဖွဲ့က ကာကွယ် စောင့်ရှောက်လာခဲ့သော ပစ္စည်းသည် စိမ်းလန်းသောမြစ် ကုန်သွယ်ရေးအဖွဲ့ အတွက် အလွန်တရာ အရေးကြီးသည်။</p> <p> </p> <p> </p> <p>ထို့ကြောင့် ရှဖေးသည် ခက်ခဲသော ပြဿနာအချို့နှင့် ကြုံတွေ့ရမည်ကို စိုးရိမ်နေခဲ့၏။</p> <p> </p> <p> </p> <p>ထိုနှစ်ဦးသည် ရွှေအမြုတေအဆင့်သာ ရှိပုံရသော်လည်း ရှဖေးသည် ထိုနှစ်ဦး၏ အင်အားက ထိုထက်မက သာလွန်သည်ကို ကောင်းစွာ သိရှိထားခဲ့သည်။</p> <p> </p> <p> </p> <p>လမ်းစဥ်ပေါင်းစည်းခြင်း အထွတ်အထိပ် အဆင့်ရှိ သူ၏  ကျင့်ကြံခြင်း အဆင့်ဖြင့်ပင် ထိုနှစ်ဦးထံမှ အလွန်အန္တရာယ်ကြီးမားသော အရှိန်အဝါကို ခပ်ရေးရေး ခံစားမိနေခဲ့၏။</p> <p> </p> <p> </p> <p>ရှဖေးသည် ဤကဲ့သို့ အန္တရာယ်ရှိသည့် အရှိန်အဝါမျိုးကို ကပ်ဘေးအဆင့် ကျင့်ကြံသူ တချို့တွင်သာ ခံစားခဲ့ရဖူးသည်။</p> <p> </p> <p> </p> <p>အကယ်၍ ထိုနှစ်ဦး၏ အကူအညီကိုသာ ရယူနိုင်လျှင် သူ၏ ခရီးစဥ်သည် သေချာပေါက် ပို၍ ချောမွေ့သွားလိမ့်မည်ဟု သူထင်မြင်ခဲ့သည်။</p> <p> </p> <p> </p> <p>စင်စစ် သူစိမ်းနှစ်ဦးနှင့် ခရီးသွားခြင်းသည် အန္တရာယ်တချို့  ရှိနိုင်သော်လည်း ရှဖေးသည် ထိုမျှလောက်အထိ ဂရုမစိုက်နိုင်တော့ပေ။</p> <p> </p> <p> </p> <p>နှစ်ဦးနှစ်ဖက် သဘောတူညီမှု ရယူပြီးနောက်တွင် ရှဖေးသည် မြို့ငယ်လေးတွင် အချိန်ကြာမြင့်စွာ မနေတော့ဘဲ ကုန်သည်အဖွဲ့နှင့်အတူ ကျန်းချန် တို့ကို ဦးဆောင်ကာ စိမ်းလန်းသောမြစ် ကောင်းကင်နယ်မြေ ဆီသို့ တိုက်ရိုက်ပင် ခရီးဆက်ခဲ့ကြသည်။</p> <p> </p> <p> </p> <p style="text-align: center;"> </p> <p style="text-align: center;"> </p> <p style="text-align: center;"> </p> <p style="text-align: center;"> </p> <p style="text-align: center;"> </p> <p style="text-align: center;">အခန်း(၂၄၉၃)ပြီး၏။</p> <p style="text-align: center;"> </p> <p style="text-align: center;">***</p> <p> </p>


Save