Book List

<h2 style="text-align: center;">အခန်း(၂၄၉၆)</h2> <h2 style="text-align: center;">*</h2> <p style="text-align:center"> </p> <p style="text-align:center"> </p> <p> </p> <p>အေးစက်စက် စကားသံသည် ပတ်ဝန်းကျင်တွင် ပဲ့တင်ထပ်သွားခဲ့သည်။</p> <p> </p> <p> </p> <p>တစ်ခဏအတွင်း ထူးခြားသော သွေးအရှိန်အဝါများ ထုတ်လွှတ်နေသည့် သွေးပုံရိပ် တစ်ခုသည် ကုန်သည်အဖွဲ့၏ အထက် ကောင်းကင်ယံသို့ ရောက်ရှိလာခဲ့သည်။</p> <p> </p> <p> </p> <p>ထိုသွေးပုံရိပ်သည် အလွန်တရာပင် ထူးဆန်းလှပြီး ၎င်း၏ ခန္ဓာကိုယ်နှင့် ခြေလက်အင်္ဂါများသည် လူသားများနှင့် မခြားသော်လည်း အရေပြားပေါ်တွင်မူ သွေးရောင် အကြေးခွံများ ဖုံးအုပ်ထား၏။</p> <p> </p> <p> </p> <p>သို့သော်လည်း ဦးခေါင်းနေရာတွင်မူ ကြီးမားသော မြွေဦးခေါင်း တစ်ခု ရှိနေခဲ့သည်။</p> <p> </p> <p> </p> <p>၎င်းက သွေးရောင်မျက်ဝန်း တစ်စုံဖြင့် အောက်ဘက်ရှိ ကုန်သည်အဖွဲ့ကို အေးစက်စက် စိုက်ကြည့်လိုက်ရာ ကုန်သည်အဖွဲ့မှ လူများသည် ကျောရိုးတစ်လျှောက် စိမ့်တက်သွားသလိုပင် ခံစားလိုက်ရသည်။</p> <p> </p> <p> </p> <p>“မြွေနတ်ဆိုးဘုရင်”</p> <p> </p> <p> </p> <p>ဤသည်မှာ ဆိတ်ငြိမ်သွေးလွင်ပြင်တွင် အလွန်တရာ နာမည်ကျော်ကြားလှသည့် ကပ်ဘေးအဆင့် မြွေနတ်ဆိုးဘုရင်ပင် ဖြစ်သည်။</p> <p> </p> <p> </p> <p>လေထုထဲရှိ မြွေခေါင်းနှင့် လူခန္ဓာကိုယ် အသွင်အပြင်ရှိသော သတ္တဝါကို ကြည့်ကာ ရှဖေးနှင့် တခြားသူများ၏ မျက်နှာသည် ရုတ်တရက် ဖြူဖျော့သွားခဲ့ပြီး ကျင့်ကြံခြင်းအဆင့် နိမ့်ကျသူ တချို့ဆိုလျှင် မြွေနတ်ဆိုးဘုရင်၏ အရှိန်အဝါဖိအားအောက်တွင် ခန္ဓာကိုယ် တစ်ခုလုံး တုန်ယင်လာခဲ့ကြသည်။</p> <p> </p> <p> </p> <p>“မြွေနတ်ဆိုးဘုရင်.. ကျွန်တော်က စိမ်းလန်းသောမြစ်ကုန်သွယ်ရေးအဖွဲ့က ရှဖေးပါ.. စိမ်းလန်းသောမြစ် ကောင်းကင်နယ်မြေကို အမြန်ပြန်ဖို့ လိုအပ်နေတာကြောင့် မြွေနတ်ဆိုးဘုရင်ရဲ့ အဖိုးတန်နယ်မြေကို ဖြတ်သွားခွင့်ပြုဖို့  တောင်းဆိုပါတယ်”</p> <p> </p> <p> </p> <p>ရှဖေးက အသက်ကို ခပ်ပြင်းပြင်း ရှူရှိုက်လိုက်ပြီး ယွမ်ကျောက်တုံး တစ်သောင်းကို ချက်ချင်းဆိုသလို ထုတ်ယူကာ မြွေနတ်ဆိုးဘုရင် ထံသို့ ပေးပို့လိုက်သည်။</p> <p> </p> <p> </p> <p>သူတို့နှင့်အတူ လိုက်ပါလာသော ကျန်းချန်သည် သူ့ရှေ့မှ မြွေနတ်ဆိုးဘုရင်ကို ကိုင်တွယ်ရန် အလွန်တရာ ယုံကြည်မှု ရှိပုံရသော်လည်း အဆုံးသတ်တွင် မြွေနတ်ဆိုးဘုရင်သည် ကပ်ဘေးအဆင့် သားရဲတစ်ကောင် ဖြစ်ပြီး ယခုအခါတွင် သူတို့သည် ထိုသားရဲ၏ နယ်မြေထဲတွင် ရောက်ရှိနေခြင်း ဖြစ်သည်။</p> <p> </p> <p> </p> <p>အကယ်၍သာ ငွေအနည်းငယ်ကို အသုံးပြုပြီး မြွေနတ်ဆိုးဘုရင်ကို လမ်းဖယ်ခိုင်းနိုင်လျှင် အကောင်းဆုံးပင် မဟုတ်ပါလော။</p> <p> </p> <p> </p> <p>“ဒီဘုရင်ကို ယွမ်ကျောက်တုံးတစ်သောင်းနဲ့ လမ်းဖယ်ခိုင်းနေတာဆိုတော့ မင်းငါ့ကို သူတောင်းစားများ မှတ်နေလား”</p> <p> </p> <p> </p> <p>မြွေနတ်ဆိုးဘုရင်က နှာခေါင်းရှုံ့ကာ အေးစက်စက် ရေရွတ်လိုက်သည်။</p> <p> </p> <p> </p> <p>“မင်းတို့ စိမ်းလန်းသောမြစ် ကုန်သွယ်ရေးအဖွဲ့က အရမ်းချမ်းသာတယ်လို့ ငါကြားဖူးတယ်.. တကယ်လို့ ယွမ်ကျောက်တုံး တစ်သိန်း ထုတ်ပေးမယ်ဆိုရင် ငါ မင်းတို့ စိမ်းလန်းသောမြစ် ကုန်သွယ်ရေးအဖွဲ့ကို ဖြတ်သွားခွင့်ပြုမယ်”</p> <p> </p> <p> </p> <p>“မြွေနတ်ဆိုးဘုရင်.. ခင်ဗျားက လောဘအတော်ကြီးတာပဲ.. ခင်ဗျားက ကျုပ်တို့ စိမ်းလန်းသောမြစ် ကုန်သွယ်ရေးအဖွဲ့နဲ့ တကယ်ပဲ ရန်သူ ဖြစ်ချင်လို့လား”</p> <p> </p> <p> </p> <p>ရှဖေးက မြွေနတ်ဆိုးဘုရင်ကို မေးလိုက်သည်။</p> <p> </p> <p> </p> <p>ယွမ်ကျောက်တုံး ဆိုသည်မှာ အင်မော်တယ် ကျင့်ကြံခြင်း စကြဝဠာ၏ ဘုံသုံးငွေကြေး ဖြစ်သော်လည်း ရရှိရန် မလွယ်ကူပေ။</p> <p> </p> <p> </p> <p>သာမန် လမ်းစဥ်ပေါင်းစည်းခြင်းအဆင့် ကျင့်ကြံသူတစ်ဦးသည် ယွမ်ကျောက်တုံး တစ်သောင်းခန့် ထုတ်ပေးနိုင်လျှင် အလွန် ချမ်းသာသူဟုပင် သတ်မှတ်နိုင်၏။</p> <p> </p> <p> </p> <p>ကပ်ဘေးအဆင့် ကျင့်ကြံသူ အများစုပင် ယွမ်ကျောက်တုံးတစ်သိန်းကို ထုတ်ပေးရန် ခက်ခဲမည် ဖြစ်သည်။</p> <p> </p> <p> </p> <p>ရှဖေးသည် စိမ်းလန်းသောမြစ် ကုန်သွယ်ရေးအဖွဲ့၏ ကြီးကြပ်ရေးမှုးတစ်ဦး ဖြစ်၍ သာမန် ကျင့်ကြံသူများထက် အဆပေါင်းများစွာ ပို၍ ချမ်းသာသော်လည်း ယွမ်ကျောက်တုံး တစ်သိန်း ချက်ချင်း ထုတ်ပေးရန်မှာ မဖြစ်နိုင်ပေ။</p> <p> </p> <p> </p> <p>ဆိုရလျှင် မြွေနတ်ဆိုးဘုရင်သည် တမင်တကာ အနိုင်ကျင့်နေခြင်း ဖြစ်ပြီး သူတို့ကို အလွှတ်ပေးရန် ရည်ရွယ်ချက်မရှိ‌ပေ။</p> <p> </p> <p> </p> <p>“အင်မော်တယ် ကျင့်ကြံခြင်း စကြဝဠာရဲ့ ထိပ်တန်းဂိုဏ်းကြီးဆယ်ဂိုဏ်းထဲက တစ်ဂိုဏ်း ဖြစ်တဲ့ စိမ်းလန်းသောမြစ်ဂိုဏ်းရဲ့ လက်အောက်က စိမ်းလန်းသောမြစ် ကုန်သွယ်ရေးအဖွဲ့ဆိုတာ ငါ ရန်မစရဲတဲ့ တည်ရှိမှုပဲ”</p> <p> </p> <p> </p> <p>မြွေနတ်ဆိုးဘုရင်က ကောက်ကျစ်စွာ ပြုံး၍ ပြောလိုက်သည်။</p> <p> </p> <p> </p> <p>“ဒါပေမဲ့ ဒီနေ့ မင်းတို့ အကုန်လုံးကို ဒီနေရာမှာ သတ်ပစ်လိုက်မယ် ဆိုရင် စိမ်းလန်းသောမြစ် ကုန်သွယ်ရေးအဖွဲ့က မင်းတို့တွေကို ငါ သတ်ခဲ့တယ်ဆိုတာ ဘယ်လိုလုပ်ပြီး သိနိုင်မှာလဲ”</p> <p> </p> <p> </p> <p>ထိုစကားကို ကြားလျှင် ရှဖေးသည် အလွန်အမင်း  မျက်နှာပျက်သွားခဲ့သည်။</p> <p> </p> <p> </p> <p>သူက အသက်ကို ခပ်ပြင်းပြင်း ရှူရှိုက်လိုက်ပြီး ကျန်းချန်ရှိနေသာ ရထားလုံးဘက်သို့ ဂါဝရပြုကာ ပြောလိုက်၏။</p> <p> </p> <p> </p> <p>“မိတ်ဆွေလေးကျန်းချန်.. အရာအားလုံးက မင်းအပေါ်မှာပဲ မူတည်တော့တယ်"</p> <p> </p> <p> </p> <p>"မစိုးရိမ်ပါနဲ့.. ဝမ်ရွှယ်လင်ကို ဘေးကင်းအောင် ဖြတ်ကျော်ပေးမယ်လို့ ငါပြောထားပြီးသားပဲ.. ခင်ဗျားတို့ကို ဘယ်သူမှ လက်ဖျားနဲ့တောင် မတို့စေရဘူး”</p> <p> </p> <p> </p> <p>ကျန်းချန်က ခပ်ယဲ့ယဲ့ ပြုံးလိုက်ပြီး ရှေ့ဆုံးရှိ ရွှယ်ချန်ကျဲကို တိုက်ရိုက်ပင် အမိန့်ပေးလိုက်သည်။</p> <p> </p> <p> </p> <p>“ချန်ကျဲ ဒီမြွေနတ်ဆိုးဘုရင်ကို အမြန်ရှင်းပစ်လိုက်တော့”</p> <p> </p> <p> </p> <p>“ဟုတ်ကဲ့ သခင်ကြီး”</p> <p> </p> <p> </p> <p>ကျန်းချန်ထံမှ အမိန့်ကို ရသည်နှင့် ရွှယ်ချန်ကျဲသည် သူ၏ ထူးဆန်းသော သွေးမျက်လုံးဖြင့် လေထုထဲရှိ မြွေနတ်ဆိုးဘုရင်ကို မော့ကြည့်လိုက်သည်။</p> <p> </p> <p> </p> <p>“မြွေနတ်ဆိုးဘုရင် မင်းက ငါ့သခင်ကို စိတ်အနှောင့်အယှက်ဖြစ်စေခဲ့ပြီ.. ပြောစမ်း မင်းဘယ်လိုပုံစံမျိုးနဲ့ သေချင်လဲ”</p> <p> </p> <p> </p> <p>“မလောက်လေး မလောက်စားကောင်လေးကများ လေလုံးထွားနေသေးတယ်”</p> <p> </p> <p> </p> <p>မြွေနတ်ဆိုးဘုရင်က ဒေါသတကြီး ရေရွတ်လိုက်သည်။</p> <p> </p> <p> </p> <p>ထို့နောက်တွင် သူ၏ ပါးစပ်ကနေ စူးရှသော မြွေတွန်သံ ထွက်ပေါ်လာခဲ့သည်။</p> <p> </p> <p> </p> <p>ထိုမြွေတွန်သံက ကောင်းကင်နှင့်မြေပြင် ကြားတွင် ပဲ့တင်ထပ်သွားသည်နှင့်အမျှ တောင်ကြား၏ ဝဲယာရှိ ရှေးဟောင်းတောအုပ်များထဲကနေ သွေးရောင်များ လင်းလက်နေသည့် အရွယ်အစားမျိုးစုံ ရှိသော အဆိပ်ရှိမြွေ အမြောက်အများသည် သွေးရောင်မြားတိုများ ကဲ့သို့ ကုန်သည်အဖွဲ့ ရှိရာဆီ ပြင်းထန်စွာ ပြေးဝင်လာခဲ့ကြသည်။</p> <p> </p> <p> </p> <p>ထိုမြင်ကွင်းသည် သွေးမိုးရွာနေသကဲ့သို့ပင် ဖြစ်နေခဲ့ပြီး အလွန်တရာပင် ကြောက်မက်ဖွယ်ရာ ကောင်းလှ၏။</p> <p> </p> <p> </p> <p>ဤသွေးရောင်အဆိပ်ရှိ မြွေ တစ်ကောင်ချင်းစီတွင် လေထုကိုပင် တိုက်စားနိုင်သော အဆိပ်များ ပါရှိနေပြီး ကပ်ဘေးအဆင့် ကျင့်ကြံသူကိုပင် ခြိမ်းခြောက်နိုင်စွမ်း ရှိသည်။</p> <p> </p> <p> </p> <p>၎င်းတို့သည် မြွေနတ်ဆိုးဘုရင်က ဝမ်ရွှယ်လင်တွင် သောင်းကျန်းနိုင်သည့် အဓိက လက်နက် ဆိုလည်းမမှားပေ။</p> <p> </p> <p> </p> <p>စင်စစ် မြွေနတ်ဆိုးဘုရင်၏ အင်အားသည် အလွန်တရာ မကြီးမားလှဘဲ ကပ်ဘေး အစောပိုင်းအဆင့်တွင်သာ ရှိသည်။</p> <p> </p> <p> </p> <p>သို့သော်လည်း မြွေနတ်ဆိုးဘုရင်သည် ဝမ်ရွှယ်လင် ထဲမှ အဆိပ်ရှိ မြွေများစွာကို ထိန်းချုပ်နိုင်သောကြောင့် ကပ်ဘေး နှောင်းပိုင်းအဆင့် ကျင့်ကြံသူများပင် မြွေနတ်ဆိုးဘုရင်ကို ကြောက်ရွံ့ကြ၏။</p> <p> </p> <p> </p> <p>မြွေနတ်ဆိုးဘုရင်သည် အလွန်တရာပင် ကောက်ကျစ်စဥ်းလဲပြီး ပြိုင်ဘက်နှင့် တွေ့ဆုံသည့် အခါတိုင်းတွင် ဤမြွေများကို အသုံးပြုလေ့ ရှိသည်။</p> <p> </p> <p> </p> <p>ကပ်ဘေးအဆင့် ကျင့်ကြံသူပင် ဖြစ်နေပါစေ၊ မြွေဆိပ်ဖြင့် ထိမှန်သွားလျှင် အင်အားများစွာ လျော့နည်းသွားလိမ့်မည်သာ။</p> <p> </p> <p> </p> <p>ယင်းသို့ဖြင့်ပင် ဝမ်ရွှယ်လင် ထဲသို့ ကျူးကျော်ဝင်ရောက်ခဲ့သော ကပ်ဘေးအဆင့် ကျင့်ကြံသူ အများအပြားသည် အဆုံးသတ်၌ မြွေနတ်ဆိုးဘုရင်၏ လက်ထဲတွင် ကျဆုံးသွားခဲ့ကြသည်။</p> <p> </p> <p> </p> <p>ဤအချက်ကြောင့်ပင် ဝမ်ရွှယ်လင်ထဲရှိ မြွေနတ်ဆိုးဘုရင်သည် အလွန်အမင်း နာမည်ကျော်ကြားနေခြင်း ဖြစ်၏။</p> <p> </p> <p> </p> <p>“သတိထားပါ.. ဒီမြွေတွေက အဆိပ်ရှိမြွေတွေပဲ.. သူတို့ရဲ့ ခန္ဓာကိုယ်မှာ သွေးတွေကို ဝါးမျိုနိုင်တဲ့ ထူးဆန်းတဲ့သွေးအဆိပ်တွေ ပါဝင်နေတယ်”</p> <p> </p> <p> </p> <p>ထိုမြင်ကွင်းကို မြင်လျှင် ရှဖေးသည် ရွှယ်ချန်ကျဲကို သတိမပေးဘဲ မနေနိုင်ခဲ့ပေ။</p> <p> </p> <p> </p> <p>“မင်းတို့က သွေးတွေကို ဝါးမျိုနိုင်တဲ့ အဆိပ်မြွေတွေလား.. ငါ့ရှေ့မှာ သွေးစွမ်းအားကို လာထုတ်ပြနေတာက ရွှေနန်းတော်ရှေ့မှာ အပ်လာရောင်းတာနဲ့ အတူတူပဲ”</p> <p> </p> <p> </p> <p>ရွှယ်ချန်ကျဲက မထီမဲ့မြင် ပြုံးလိုက်ပြီး ဆန်းကြယ်သော လက်ဟန်များကို ပြုလုပ်ကာ သွေးတံဆိပ် တစ်ခုကို ထုတ်ဖော်လိုက်သည်။</p> <p> </p> <p> </p> <p>ထို့နောက်တွင်မူ သွေးတံဆိပ်ကနေ ဆန်းကြယ်သော သွေးစွမ်းအင် တစ်ခုသည် တစ်ခဏအတွင်း ပျံ့နှံ့သွားခဲ့၏။</p> <p> </p> <p> </p> <p>ပြေးဝင်လာကြသည့် သွေးအဆိပ်မြွေများသည် သွေးစည်းတံဆိပ်၏ စွမ်းအား လွှမ်းမိုးမှုအောက်တွင် အလွန်အမင်း ရုန်းကန်နေကြရပြီး အဆုံးသတ်တွင် ပူဖောင်းများ သဖွယ် လေထဲတွင် ပေါက်ကွဲသွားကြသည်။</p> <p> </p> <p> </p> <p>“ဝုန်း..”</p> <p> </p> <p> </p> <p>“ဝုန်း..”</p> <p> </p> <p> </p> <p>“ဝုန်း..”</p> <p> </p> <p> </p> <p>တစ်ခဏအတွင်းမှာပင် သွေးအဆိပ်မြွေ ရာပေါင်းများစွာသည် လေထုထဲတွင် သွေးမှုန်များ အဖြစ်သို့ ပြောင်းလဲကာ ပျောက်ကွယ်သွားခဲ့၏။</p> <p> </p> <p> </p> <p>“သွေးအဆိပ်မြွေတွေက ဒီလိုပဲ သေဆုံးသွားပြီလား”</p> <p> </p> <p> </p> <p>ရွှယ်ချန်ကျဲက သွေးရောင် တောက်ပနေသော စည်းတံဆိပ်တစ်ခုကို ထုတ်ဖော်ကာ သွေးအဆိပ်မြွေ ရာပေါင်းများစွာကို တစ်ခဏအတွင်း သတ်ဖြတ်လိုက်သည်အား မြင်လျှင် ရှဖေးတို့ လူစု၏ မျက်ဝန်းထဲ၌ ဝမ်းသာသော အရိပ်အယောင်များ ဖြစ်ပေါ်လာခဲ့သည်။</p> <p> </p> <p> </p> <p>ရှဖေးသည် ကျန်းချန်၏ ထူးခြားမှုကို ကောင်းစွာ ရိပ်စားမိခဲ့သည်။</p> <p> </p> <p> </p> <p>သို့သော်လည်း ကျန်းချန်၏ အစေခံ ဖြစ်သည့် ရွှယ်ချန်ကျဲ သည်ပင် ဤမျှအထိ ကြောက်မက်ဖွယ်ရာ အစွမ်းထက်နေလိမ့်မည်ဟု မထင်ထားခဲ့ပေ။</p> <p> </p> <p> </p> <p>သူ၏ သွေးအဆိပ်မြွေများက ရွှယ်ချန်ကျဲ၏ တိုက်ကွက်တစ်ကွက်တည်းဖြင့် သေဆုံးသွားသည်ကို မြင်လိုက်ရလျှင် မြွေနတ်ဆိုးဘုရင်၏ မျက်ဝန်းများသည် ရုတ်တရက် ကျုံ့သွားခဲ့သည်။</p> <p> </p> <p> </p> <p>သူ၏ ပြိုင်ဘက်ကင်း သွေးအဆိပ်မြွေ စစ်တပ်သည် ယခုတစ်ကြိမ်တွင် သူ၏ ရှေ့မှ လူ၏ လက်ချက်ဖြင့် အလွယ်တကူ ချေမှုန်းခံလိုက်ရမည်ဟု သူ မထင်ထားခဲ့ပေ။</p> <p> </p> <p> </p> <p>သူ့ရှေ့မှ လူသည် ကပ်ဘေးအဆင့် ကျင့်ကြံသူ တစ်ဦး ဖြစ်ရုံသာမက သာမန် ကပ်ဘေးအဆင့် ကျင့်ကြံသူတစ်ဦး လုံးဝ မဟုတ်ပေ။</p> <p> </p> <p> </p> <p>“မင်းက သွေးနတ်ဆိုးဂိုဏ်းကလား”</p> <p> </p> <p> </p> <p>‌မြွေနတ်ဆိုးဘုရင်သည် သူ၏ စိတ်နှလုံးထဲမှ ထိတ်လန့်မှုကို ဖိနှိပ်လိုက်ပြီး မြွေမျက်ဝန်း တစ်စုံဖြင့် ရွှယ်ချန်ကျဲကို စိုက်ကြည့်ကာ မေးလိုက်သည်။</p> <p> </p> <p> </p> <p>ဤလူသားသည် ကပ်ဘေးအဆင့် ကျင့်ကြံသူ ဖြစ်ပြီး သွေးနည်းစနစ်ကိုလည်း တတ်မြောက်ထားသည်။</p> <p> </p> <p> </p> <p>ထိပ်တန်း အင်‌မော်တယ်ဂိုဏ်းကြီး ဆယ်ဂိုဏ်း အနက် သွေးနတ်ဆိုးဂိုဏ်း တစ်ဂိုဏ်းတည်းသာလျှင် ဤမျှ အင်အားကြီးမားသော သွေးကျင့်ကြံသူ တစ်ဦးကို မွေးထုတ်ပေးနိုင်လိမ့်မည်ဟု သူထင်မြင်ခဲ့သည်။</p> <p> </p> <p> </p> <p>“ငါဘယ်သူလဲဆိုတာ အရေးမကြီးဘူး”</p> <p> </p> <p> </p> <p>ရွှယ်ချန်ကျဲက အေးစက်စက် စိုက်ကြည့်ကာ ပြောလိုက်သည်။</p> <p> </p> <p> </p> <p>“အရေးကြီးတာက မင်းက ငါ့ရဲ့သခင်ကို အနှောင့်အယှက်ပေးလိုက်တာပဲ.. ဒါကြောင့် သေဖို့သာ ပြင်ထားပေတော့”</p> <p> </p> <p> </p> <p>စကားဆုံးသည်နှင့် ရွှယ်ချန်ကျဲသည် ကြောက်မက်ဖွယ် လက်သီးချက်ဖြင့်  မြွေနတ်ဆိုးဘုရင်ကို တိုက်ရိုက်ပင် ထိုးနှက်လိုက်သည်။</p> <p> </p> <p> </p> <p>ထိုမြင်ကွင်းကိုမြင်လျှင် မြွေနတ်ဆိုးဘုရင်၏ အမူအရာသည် ရုတ်တရက် ပြောင်းလဲသွားခဲ့သည်။</p> <p> </p> <p> </p> <p>ချက်ချင်းဆိုသလိုပင် သူက သွေးရောင် အကြေးခွံများ ဖုံးအုပ်ထားသော သူ၏ လက်ဝါးဖြင့် ရွှယ်ချန်ကျဲ၏ လက်သီးချက်ကို ပြန်လည် ရင်ဆိုင်လိုက်၏။</p> <p> </p> <p> </p> <p> </p> <p> </p> <p style="text-align: center;">အခန်း(၂၄၉၆)ပြီး၏။</p> <p style="text-align: center;"> </p> <p style="text-align: center;">***</p> <p> </p>


Save