Book List

<h2 style="text-align: center;">အခန်း(၂၄၉၈)</h2> <h2 style="text-align: center;">*</h2> <h2 style="text-align: center;"> </h2> <h2 style="text-align: center;"> </h2> <p style="text-align:center"> </p> <p> </p> <p>ဝမ်ရွှယ်လင်၏ အရှင်သခင်ဖြစ်သော မြွေနတ်ဆိုးဘုရင်ကို ရှင်းလင်းပြီးနောက်တွင် ကျန်းချန်တို့၏ ခရီးစဥ်သည် အလွန်တရာ ချောမွေ့သွားခဲ့သည်။</p> <p> </p> <p> </p> <p>နာရီဝက်ခန့် ကြာပြီးနောက်တွင် ကျန်းချန်တို့သည် ဝမ်ရွှယ်လင်ကို ဖြတ်ကျော်ကာ ဆိတ်ငြိမ်သွေးလွင်ပြင်မှ ထွက်လာခဲ့ပြီး စိမ်းလန်းသောမြစ် ကောင်းကင်နယ်မြေ ထဲသို့ ဝင်ရောက်လာခဲ့ကြသည်။</p> <p> </p> <p> </p> <p>တိမ်ကင်းစင်သော ကောင်းကင်ယံထက်တွင် နူးညံ့သော နေရောင်ခြည်များသည် ကမ္ဘာမြေပြင် ပေါ်သို့ ဖြာကျနေခဲ့၏။</p> <p> </p> <p> </p> <p>ကျယ်ဝန်းသော လမ်းမကြီးပေါ်တွင် လူအင်အား ဒါဇင်အနည်းငယ်ခန့် ပါဝင်သော ကုန်သည်အဖွဲ့ တစ်ဖွဲ့သည် တစ်လမ်းလုံး ဖုန်မှုန့်များ တထောင်းထောင်း ထစေသည်အထိ ခရီးအပြင်း နှင်လာကြသည်။</p> <p> </p> <p> </p> <p>“နောက်ဆုံးတော့ စိမ်းလန်းသောမြစ် ကောင်းကင်နယ်မြေဆီ ပြန်ရောက်ပြီ”</p> <p> </p> <p> </p> <p>ကုန်သည်အဖွဲ့၏ ရှေ့ဆုံးရှိ ရှဖေး၏ တင်းကျပ်နေသော စိတ်နှလုံးသည် အနည်းငယ် လျော့ပါးသွားခဲ့သည်။</p> <p> </p> <p> </p> <p>စိမ်းလန်းသောမြစ် ကုန်သွယ်ရေးအဖွဲ့တွင် ဌာနခွဲပေါင်းများစွာ ရှိပြီး အထူးသဖြင့် စိမ်းလန်းသောမြစ် ကောင်းကင်နယ်မြေ၏ မြို့တိုင်း နီးပါးတွင် စိမ်းလန်းသောမြစ် ကုန်သွယ်ရေးအဖွဲ့၏ ဌာနခွဲတစ်ခုစီ ရှိသည်။</p> <p> </p> <p> </p> <p>ယခုအခါ သူက စိမ်းလန်းသောမြစ် ကောင်းကင်နယ်မြေသို့ ပြန်ရောက်လာပြီ ဖြစ်ရာ မကြာမီ စိမ်းလန်းသောမြစ်ကုန်သွယ်ရေးအဖွဲ့နှင့်  ဆက်သွယ်နိုင်တော့မည် ဖြစ်သည်။</p> <p> </p> <p> </p> <p>ထိုအချိန်သို့ရောက်လျှင် သူတို့သည် စိမ်းလန်းသောမြစ် ကုန်သွယ်ရေးအဖွဲ့မှ အင်အားကြီးမားသော ကျင့်ကြံသူများ၏ အကူအညီကို စောင့်ဆိုင်းရုံဖြင့် စိတ်အေးလက်အေး နေနိုင်ပေလိမ့်မည်။</p> <p> </p> <p> </p> <p>“မိတ်ဆွေလေးကျန်းချန်.. စိမ်းလန်းသောမြစ် ကောင်းကင်နယ်မြေကို ရောက်ပါပြီ.. ငါကတော့ ဒီအနီးနားမှာရှိတဲ့ စိမ်းလန်းသောမြစ် ကုန်သွယ်ရေးအဖွဲ့ရဲ့ ဌာနခွဲဆီ သွားဖို့ အစီအစဥ်ရှိတယ်.. တကယ်လို့ မိတ်ဆွေလေးကျန်းချန်မှာ အရေးကြီးကိစ္စ မရှိဘူးဆိုရင် ငါနဲ့အတူ စိမ်းလန်းသောမြစ်မြို့ဆီကို လိုက်ခဲ့ပါလား.. ငါက အိမ်ရှင်တစ်ယောက် အနေနဲ့ မိတ်ဆွေလေး ကျန်းချန်ကို အတတ်နိုင်ဆုံး ဧည့်ဝတ်ပြုပါမယ်”</p> <p> </p> <p> </p> <p>ရှဖေးက ကျန်းချန်ကို လာတွေ့ကာ သူ၏ နောက်ထပ် ခရီးစဥ်ကို ရှင်းပြခဲ့သည်။</p> <p> </p> <p> </p> <p>ကျန်းချန်က အနည်းငယ် စဥ်းစားပြီးမျှ ပြောလိုက်၏။</p> <p> </p> <p> </p> <p>“ငါ စိမ်းလန်းသောမြစ် ကောင်းကင်နယ်မြေကို လာတာက သိပ်မကြာခင်မှာ ခင်ဗျားတို့ စိမ်းလန်းသောမြစ် ကုန်သွယ်ရေးအဖွဲ့က ကျင်းပမဲ့ လေလံပွဲကို တက်ရောက်ဖို့ပဲ.. လေလံပွဲက ဘယ်နေရာမှာ ကျင်းပမှာလဲဆိုတာ သိပါရစေ”</p> <p> </p> <p> </p> <p>“မိတ်ဆွေလေးကျန်းချန်က လေလံပွဲ အတွက် ရောက်လာတာကိုး”</p> <p> </p> <p> </p> <p>ရှဖေး ရုတ်တရက် နားလည်သွားခဲ့သည်။</p> <p> </p> <p> </p> <p>ယခုတစ်ကြိမ် စိမ်းလန်းသောမြစ် ကုန်သွယ်ရေးအဖွဲ့မှ ပြုလုပ်မည့် လေလံပွဲတွင် ဒဏ္ဍာရီလာ ကပ်ဘေးဆေးလုံး ပါဝင်နေခဲ့၏။</p> <p> </p> <p> </p> <p>ကျန်းချန်တို့ နှစ်ယောက်လုံးသည် ကပ်ဘေးအဆင့် ကျင့်ကြံသူများ ဖြစ်နိုင်ခြေရှိရာ ၎င်းတို့သည် ကပ်ဘေးဆေးလုံးကြောင့် စိမ်းလန်းသောမြစ်မြို့ ဆီသို့ လာသည်မှာ ထင်ရှားနေခဲ့သည်။</p> <p> </p> <p> </p> <p>“ဒီတစ်ကြိမ် ကျင်းပမဲ့လေလံပွဲကို စိမ်းလန်းသောမြစ်မြို့မှာ ရှိတဲ့ စိမ်းလန်းသောမြစ် ကုန်သွယ်ရေးအဖွဲ့ရဲ့ ဌာနချုပ်မှာကျင်းပမှာပါ.. တကယ်လို့ မိတ်ဆွေလေးကျန်းချန်က လေလံပွဲကို တက်မှာဆိုရင် ငါနဲ့အတူ စိမ်းလန်းသောမြစ် ကုန်သွယ်ရေးအဖွဲ့ရဲ့ ဌာနချုပ်ကို တစ်ခါတည်း လိုက်ခဲ့ပါလား”</p> <p> </p> <p> </p> <p>ရှဖေးသည် အနီးဆုံးရှိ ဌာနခွဲသို့ သွားရန် ရွေးချယ်ခဲ့ခြင်းမှာ ကျန်းချန်တို့ နှစ်ဦး ထွက်ခွာသွားပြီးနောက်တွင် သူတို့အနေဖြင့် ပြဿနာများနှင့် ရင်ဆိုင်ရမည်ကို စိုးရိမ်ရသောကြောင့် ဖြစ်သည်။</p> <p> </p> <p> </p> <p>အကယ်၍ ကျန်းချန်တို့၏ ရည်ရွယ်ချက်က စိမ်းလန်းသောမြစ် ကုန်သွယ်ရေးအဖွဲ့၏ ဌာနချုပ် ဖြစ်နေခဲ့လျှင် သူ့အနေဖြင့် စိမ်းလန်းသောမြစ် ကုန်သွယ်ရေးအဖွဲ့၏ ဌာနခွဲကို သွားပြီး အစွမ်းထက် ကျင့်ကြံသူများ၏ အကူအညီကို အဘယ်ကြောင့် စောင့်နေစရာ လိုပါဦးမည်နည်း။</p> <p> </p> <p> </p> <p>စိမ်းလန်းသောမြစ် ကုန်သွယ်ရေးအဖွဲ့က အင်အားကြီးမားသည့် ကျင့်ကြံသူများကို စေလွှတ်ပေးမည် ဆိုလျှင် အများဆုံး ကပ်ဘေးအဆင့် ကျင့်ကြံသူ တစ်ဦး နှစ်ဦးလောက်သာ လွှတ်ပေးပေလိမ့်မည်။</p> <p> </p> <p> </p> <p>ထိုကဲ့သို့သော အင်အားသည် မြွေနတ်ဆိုးဘုရင်ကို တိုက်ကွက်တစ်ကွက်တည်းဖြင့်ပင် ဖြိုခွင်းနိုင်သည့် ရွှယ်ချန်ကျဲ၏ အင်အားကိုပင် ယှဥ်နိုင်ရန် ခဲယဥ်းမည် ဖြစ်၏။</p> <p> </p> <p> </p> <p>ဆိုရလျှင် ကျန်းချန်နှင့် အတူသွားခြင်းသည် ဆန့်ကျင်ဘက်အားဖြင့် သူတို့အတွက် ပို၍ပင် ဘေးကင်းနိုင်ပေသည်။</p> <p> </p> <p> </p> <p>ကျန်းချန်က ခပ်ယဲ့ယဲ့ ပြုံး၍ ပြောလိုက်သည်။</p> <p> </p> <p> </p> <p>“ဒါဆိုရင်လည်း ကြီးကြပ်ရေးမှုရှကိုပဲ အားကိုးပြီး လိုက်ခဲ့တော့မယ်”</p> <p> </p> <p> </p> <p>ရှဖေးက သူတို့ကို အခမဲ့ အစောင့်အရှောက်များ အဖြစ် အသုံးချရန် ရည်ရွယ်နေသည်ကို ကျန်းချန် သိသော်လည်း အလွန်အမင်း ဂရုစိုက်မနေခဲ့ပေ။</p> <p> </p> <p> </p> <p>သူတို့ ဤနေရာသို့ လာရောက်ရသည့် ရည်ရွယ်ချက်မှာ စိမ်းလန်းသောမြစ် ကုန်သွယ်ရေးအဖွဲ့၏ လေလံပွဲကို တက်ရောက်ရန်သာ ဖြစ်သည်။</p> <p> </p> <p> </p> <p>လေလံပွဲ မပြီးမချင်း ကျန်းချန်သည် အာရံစိုက်မခံလိုခဲ့ပေ။</p> <p> </p> <p> </p> <p>အထူးသဖြင့် သွေးနတ်ဆိုးဂိုဏ်း၏ အာရုံစိုက်မှု ဖြစ်သည်။</p> <p> </p> <p> </p> <p>သူတို့က မည်သူမည်ဝါ ဖြစ်မှန်း ဖုံးကွယ်ထားသော်လည်း သွေးနတ်ဆိုးဂိုဏ်းတွင် သူတို့ကို ရှာဖွေနိုင်သည့်နည်းလမ်းများ မရှိဟု အာမ မခံနိုင်ပေ။</p> <p> </p> <p> </p> <p>ထို့ကြောင့် ရှဖေးနှင့်အတူ လိုက်ပါသွားပြီး စိမ်းလန်းသောမြစ်ကုန်သွယ်ရေးအဖွဲ့၏ ဌာနချုပ်ကို တိုက်ရိုက် ဝင်ရောက်ခြင်းသည် သေချာပေါက် ပြဿနာ အများအပြားကို လျော့ကျသွားစေမည် ဖြစ်သည်။</p> <p> </p> <p> </p> <p>“မိတ်ဆွေလေးကျန်းချန်က အားနာနေပါပြီ.. မိတ်ဆွေလေးတို့နဲ့ သွားခွင့်ရတာက ငါ့အတွက် ဂုဏ်ယူစရာပါပဲ”</p> <p> </p> <p> </p> <p>ရှဖေးက ပြုံး၍ ပြောလိုက်ပြီးနောက်တွင် ချက်ချင်းဆိုသလို တုံ့ဆိုင်းမနေတော့ဘဲ ကုန်သည်အဖွဲ့ကို စိမ်းလန်းသောမြစ်ဆီသို့ ဦးတည်ရန် အမိန့်ပေးလိုက်သည်။</p> <p> </p> <p> </p> <p>မကြာမီမှာပင် ကုန်သည်အဖွဲ့သည် လွင်ပြင်တစ်ခု ဆီသို့ ရောက်ရှိလာခဲ့သည်။</p> <p> </p> <p> </p> <p>“ရွှစ်..”</p> <p> </p> <p> </p> <p>“ရွှစ်..”</p> <p> </p> <p> </p> <p>“ရွှစ်..”</p> <p> </p> <p> </p> <p>ရုတ်တရက် စူးရှသော လေတိုးသံများ ထွက်ပေါ်လာခဲ့၏။</p> <p> </p> <p> </p> <p>နောက်ထပ် တစ်ခဏအတွင် အေးစက်သော အလင်းတန်းများ လင်းလက်နေသည့် မရေမတွက်နိုင်သော မြားတိုများသည် လေထုကို တိုက်ရိုက် ထိုးဖောက်လာခဲ့ပြီး ကုန်သည်အဖွဲ့ ဆီသို့ ဦးတည်လာခဲ့သည်။</p> <p> </p> <p> </p> <p>ဤမြင်ကွင်းကြောင့် ရှဖေး၏ အမူအရာသည် ရုတ်တရက်ပြောင်းလဲသွားခဲ့သည်။</p> <p> </p> <p> </p> <p>သူက ခန္ဓာကိုယ်ကနေ လမ်းစဥ်ပေါင်းစည်းခြင်း အထွတ်အထိပ် အဆင့် စွမ်းအားများကို ထုတ်ဖော်လိုက်ပြီး အကာအကွယ် အလွှာတစ်ခုကို ဖန်တီးလိုက်ကာ မြားတိုအားလုံးကို တားဆီးလိုက်သည်။</p> <p> </p> <p> </p> <p>ထို့နောက်တွင် သူ၏ အေးစက်စက် စကားသံသည် ပတ်ဝန်းကျင်တွင် ပဲ့တင်ထပ်သွားခဲ့၏။</p> <p> </p> <p> </p> <p>“ဘယ်သူလဲ သတ္တိရှိရင် ထွက်လာခဲ့စမ်း”</p> <p> </p> <p> </p> <p>ရှဖေး၏ အေးစက်စက် စကားသံ ထွက်ပေါ်လာသည်နှင့်အမျှ သူတို့ရှေ့ရှိ တောအုပ်ထဲကနေ အနက်ရောင်ပုံရိပ် အမြောက်အများ လျင်မြန်စွာ ထွက်ပေါ်လာခဲ့ပြီး သူတို့၏ သွားလမ်းကို ပိတ်ဆို့လိုက်ကြသည်။</p> <p> </p> <p> </p> <p>အထူးသဖြင့် ရှေ့ဆုံးကနေ ဦးဆောင်လာသည့် အနက်ရောင်ဝတ်စုံဝတ် အဘိုးအို နှစ်ယောက်သည် လမ်းစဥ်ပေါင်းစည်းခြင်း အထွတ်အထိပ်အဆင့်ကို ကျော်လွန်နေသည့် အရှိန်အဝါများ ပိုင်ဆိုင်ထားခဲ့၏။</p> <p> </p> <p> </p> <p>ထို့ကြောင့် ထိုအဘိုးအို နှစ်ယောက်သည် ကပ်ဘေးအဆင့်ကျင့်ကြံသူများ ဖြစ်သည်မှာ ထင်ရှားနေခဲ့သည်။</p> <p> </p> <p> </p> <p>“တိမ်တိုက်နက် ကုန်သွယ်ရေးအဖွဲ့က လူတွေပါလား”</p> <p> </p> <p> </p> <p>အနက်ရောင်ဝတ်စုံဝတ် လူအုပ်စု၏ ဝတ်စုံကို မြင်လျှင် ရှဖေးသည် ရုတ်တရက် မျက်နှာပျက်သွားခဲ့သည်။</p> <p> </p> <p> </p> <p>တိမ်တိုက်နက် ကုန်သွယ်ရေးအဖွဲ့နှင့် စိမ်းလန်းသောမြစ် ကုန်သွယ်ရေးအဖွဲ့သည် အင်မော်တယ် ကျင့်ကြံခြင်း စကြဝဠာ၏ အဓိက ကုန်သွယ်ရေးအဖွဲ့ နှစ်ဖွဲ့ အဖြစ် နာမည်ကျော်ကြားသည်။</p> <p> </p> <p> </p> <p>တိမ်တိုက်နက် ကုန်သွယ်ရေးအဖွဲ့ကို တိမ်တိုက်နက် မဟာမိတ်အဖွဲ့က တည်ထောင်ခဲ့ခြင်း ဖြစ်၏။</p> <p> </p> <p> </p> <p>တိမ်တိုက်နက် မဟာမိတ်အဖွဲ့သည် အင်မော်တယ် ကျင့်ကြံခြင်း စကြဝဠာ၏ ထိပ်တန်းဂိုဏ်းကြီး ဆယ်ဂိုဏ်း စာရင်းတွင် မပါဝင်သော်လည်း အင်မော်တယ် ဂိုဏ်းကြီးဆယ်ဂိုဏ်း၏ အောက်တွင် အင်အားအကြီးဆုံး အဖွဲ့အစည်းများထဲမှ တစ်ခုဖြစ်သည်။</p> <p> </p> <p> </p> <p>ထို့အပြင် တိမ်တိုက်နက် မဟာမိတ်အဖွဲ့၏ နောက်ခံသည် အလွန်တရာပင် နက်ရှိုင်းလှပြီး ယခင် မျိုးဆက် ခေါင်းဆောင်များသည်လည်း ခန့်မှန်း၍ မရနိုင်လောက်အောင် စွမ်းအားကြီးကြသည်။</p> <p> </p> <p> </p> <p>တိမ်တိုက်နက် မဟာမိတ်အဖွဲ့သည် ထိပ်တန်း အင်မော်တယ်ဂိုဏ်းကြီး ဆယ်ဂိုဏ်းထဲတွင် မပါဝင်သော်လည်း ထိပ်တန်းအင်မော်တယ်ဂိုဏ်းကြီး ဆယ်ဂိုဏ်းနှင့် မခြားနားသော ကြောက်မက်ဖွယ်ရာကောင်းသည့် ခွန်အားကို ပိုင်ဆိုင်ထားသည်ဟုပင် ကောလာဟလများ ရှိ၏။</p> <p> </p> <p> </p> <p>အကျိုးစီးပွား တချို့ကြောင့် တိမ်တိုက်နက် ကုန်သွယ်ရေးအဖွဲ့နှင့် စိမ်းလန်းသောမြစ် ကုန်သွယ်ရေးအဖွဲ့ အကြားရှိ ဆက်ဆံရေးသည် သိပ်မကောင်းလှဘဲ နှစ်ဖက်စလုံးကြားတွင်  ပွတ်တိုက်မှုများ မကြာခဏ ဖြစ်ပွားလေ့ ရှိသည်။</p> <p> </p> <p> </p> <p>သို့‌သော် စိမ်းလန်းသောမြစ် ကုန်သွယ်ရေးအဖွဲ့သည် စိမ်းလန်းသောမြစ် ကောင်းကင်နယ်မြေတွင် မီးရထားလမ်းကဲ့သို့ အခိုင်အမာ ခြေကုတ်ယူထားခြင်း ဖြစ်ရာ တိမ်တိုက်နက် ကုန်သွယ်ရေးအဖွဲ့ အနေဖြင့် အကြမ်းဖျင်းအားဖြင့် ပြဿနာရှာရန် အလွန်တရာ ခက်ခဲသည်။</p> <p> </p> <p> </p> <p>ရှဖေးသည် တိမ်တိုက်နက် ကုန်သွယ်ရေးအဖွဲ့က ယခုတစ်ကြိမ်တွင် သူတို့ကို ကြားဖြတ် တားဆီးရန် မမျှော်လင့်ဘဲ ရောက်ရှိလာလိမ့်မည်ဟု ထင်မထားခဲ့ပေ။</p> <p> </p> <p> </p> <p>သူတို့ ဆိတ်ငြိမ်သွေးလွင်ပြင်မှ ရရှိလာသော အရာကို တိမ်တိုက်နက် ကုန်သွယ်ရေးအဖွဲ့မှ လူများသည် သိရှိသွားကြခြင်း ဖြစ်နိုင်ပါသလော။</p> <p> </p> <p> </p> <p>“ရှဖေး.. ခင်ဗျားက ဝမ်ရွှယ်လင်ကနေတောင် အသက်ရှင်လျက် ထွက်လာနိုင်တယ် ဆိုတော့ သာမန် မဟုတ်ဘူးပဲ.. ကံကောင်းလို့ သခင်လေးက ကြိုမြင်ပြီး ငါတို့ နှစ်ယောက်ကို ဒီနေရာမှာ စောင့်ခိုင်းထားတယ်”</p> <p> </p> <p> </p> <p>အနက်ရောင်ဝတ်စုံဝတ် အဘိုးအိုနှစ်ဦးက ရှဖေးကို စိုက်ကြည့်ကာ ရယ်မော၍ ပြောလိုက်သည်။</p> <p> </p> <p> </p> <p>ရှဖေးက အဘိုးအို နှစ်ယောက်ကို စူးရှစွာ ကြည့်၍ ပြောလိုက်သည်။</p> <p> </p> <p> </p> <p>“ခင်ဗျားတို့ တိမ်တိုက်နက် ကုန်သွယ်ရေးအဖွဲ့က စိမ်းလန်းသောမြစ် ကောင်းကင်နယ်မြေကို လာပြီး ရမ်းကားဝံ့တဲ့ အထိ သတ္တိတွေ ကောင်းလှချည်လား”</p> <p> </p> <p> </p> <p>“ရှဖေး အဓိပ္ပာယ်မရှိတာတွေ ပြောမနေနဲ့.. ဆိတ်ငြိမ်သွေးလွင်ပြင်ကနေ မင်းယူလာခဲ့တဲ့အရာကို ငါတို့ဆီ လွှဲပေးလိုက်စမ်း.. ဒါဆို မင်းအသက်ကို ချမ်းသာပေးဖို့ ငါတို့ စဥ်းစားပေးမယ်”</p> <p> </p> <p> </p> <p>ဘယ်ဘက်မှ အနက်ရောင်ဝတ်စုံဝတ် အဘိုးအိုက အေးစက်စက် အမူအရာဖြင့် ပြောလိုက်သည်။</p> <p> </p> <p> </p> <p>“အိပ်မက်သာ မက်နေလိုက်”</p> <p> </p> <p> </p> <p>ရှဖေး၏ မျက်ဝန်းထဲတွင် အေးစက်သော အလင်းတန်း တစ်ခု လင်းလက်သွားခဲ့၏။</p> <p> </p> <p> </p> <p>တိမ်တိုက်နက် ကုန်သွယ်ရေးအဖွဲ့မှ လူများသည် အမှန်တကယ်ပင် ထိုပစ္စည်းအတွက် ရောက်လာကြခြင်း ဖြစ်သည်။</p> <p> </p> <p> </p> <p>သို့သော်လည်း ထိုပစ္စည်းသည် တန်ဖိုးမဖြတ်နိုင်သော ရတနာတစ်ပါးဖြစ်၏။</p> <p> </p> <p> </p> <p>၎င်းသည် စိမ်းလန်းသောမြစ် ကုန်သွယ်ရေးအဖွဲ့နှင့် စိမ်းလန်းသောမြစ်ဂိုဏ်း အတွက်ပင် အလွန်တရာ အရေးကြီးသောပစ္စည်း ဖြစ်ရာ ရှဖေးသည် ထိုပစ္စည်းကို ဤမျှလောက် လွယ်လွယ်ကူကူဖြင့် မည်ကဲ့သို့ ပေးနိုင်ပါမည်နည်း။</p> <p> </p> <p> </p> <p>“မင်းက တော်တော် ခေါင်းမာတာပဲ”</p> <p> </p> <p> </p> <p>ရှဖေး၏ ပြတ်သားသော အမူအရာကို မြင်လျှင် အနက်ရောင်ဝတ်စုံဝတ် အဘိုးအိုသည် ခေါင်းခါရမ်းလိုက်သည်။</p> <p> </p> <p> </p> <p>သူ၏ မျက်ဝန်းထဲတွင် ရက်စက်လိုသော အရိပ်အယောင်များ ဖြစ်ပေါ်လာခဲ့၏။</p> <p> </p> <p> </p> <p>ထို့နောက်တွင် သူက ရှေ့သို့ ခြေတစ်လှမ်း လှမ်းလိုက်ရာ သူ၏ ပုံရိပ်သည် ရှဖေး၏ ရှေ့တွင် ပေါ်လာခဲ့ပြီး ကြောက်မက်ဖွယ် လက်ဝါးရိုက်ချက်ဖြင့် ရှဖေးကို ရိုက်ချလိုက်သည်။</p> <p> </p> <p> </p> <p>ထိုလက်ဝါးရိုက်ချက်တွင် အလွန်တရာ ပြင်းထန်သည့် စစ်မှန်သော အနှစ်သာရ စွမ်းအားများ ပါဝင်နေခဲ့သည်။</p> <p> </p> <p> </p> <p>“ကပ်ဘေးအဆင့် ကျင့်ကြံသူပါလား”</p> <p> </p> <p> </p> <p>သူ့ကို လက်ဝါးဖြင့် တိုက်ခိုက်လာသည့် အနက်ရောင်ဝတ်စုံဝတ် အဘိုးအိုကို ကြည့်ရင်း ရှဖေး၏ မျက်နှာထက်တွင် ဖြူဖျော့သော အမူအရာတစ်ခု ဖြစ်ပေါ်လာခဲ့သည်။</p> <p> </p> <p> </p> <p>သူက အဘိုးအို၏ လက်ဝါးရိုက်ချက်ကို ခုခံရန် ပြင်လိုက်စဥ်မှာပင် ကြောက်မက်ဖွယ်စွမ်းအား တစ်ခုသည် ရုတ်တရက် ထွက်ပေါ်လာခဲ့ပြီး အနက်ရောင်ဝတ်စုံဝတ် အဘိုးအို၏ လက်ဝါးအားကို ချက်ချင်းဆိုသလို အလွယ်တကူ ချေမှုန်းလိုက်ကာ အနက်ရောင်ဝတ်စုံဝတ် အဘိုးအိုကိုပင် နောက်သို့ လွင့်စင်သွားစေခဲ့သည်။</p> <p> </p> <p> </p> <p> </p> <p> </p> <p style="text-align: center;">အခန်း(၂၄၉၈)ပြီး၏။</p> <p style="text-align: center;"> </p> <p style="text-align: center;">***</p> <p> </p>


Save