Book List

<h2 style="text-align: center;">အခန်း (၇၄)</h2> <h2 style="text-align: center;">အစောင့်ဘီလူး</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p>သူက ကိုယ်ပိုင် ကျင့်ကြံခြင်းနှင့် အနောက်ဘက် အရပ်၌ သွေးစုပ်ဖုတ်ကောင် ဓားပြများ ဖမ်းဆီးရေး အစရှိသည့် အရေးကြီးတာဝန်များကို လုပ်ဆောင်နေလေရာ သူ့ အဒေါ်ရန် စုစုအကြောင်းကို မေ့လျော့နေခဲ့သည်။</p> <p>ယခုအချိန်၌ သူက အပြင်စည်းတပည့်တစ်ယောက်ဖြစ်လာကာ ကျင့်ကြံခြင်းက အလွန် တိုးတက်လာခဲ့ပြီ မဟုတ်ပါလား။ အဆင့်နိမ့် ကျောင်းသားဘဝ၌ မည်သည့်နေရာ မသွားရကြောင်း၊ ဘာတွေကို မလိုအပ်ကြောင်း အစရှိသဖြင့် စည်းမျဉ်းများကို လိုက်နာခဲ့ရသည်။ ယခုချိန်၌ သူအလိုရှိသလို ကျောင်းတော် အနှံ့ သွားလာနိုင်ခဲ့လေပြီ။</p> <p>ယခု သူ့အဒေါ်ကို သွားရှာနိုင်လေပြီ။</p> <p>ထို့အပြင် သူက ကျောင်းတော်အတွင်း ကြည့်ရှုဖို့ ပိုမို စိတ်ဝင်စားနေခဲ့သည်။ ကျောင်းတော်က ကီလိုမီတာ ရာပေါင်းများစွာ ကျယ်ဝန်းကာ စင်မြင့်များ၊ အခန်းငယ်များ၊ မျှော်စင်များ၊ စေတီနှင့် ဘုရားကျောင်းများ ရှိကြသည်။ ထို့ပြင် လျှို့ဝှက်ချက်များစွာရှိသည့် နေရာများ၌ ဝင်္ကပါများ အထပ်ထပ်ဖြင့် ကာရံထားကြ၏။</p> <p>ယွမ်ဟိုက်လန်နှင့် ပတ်သက်၍ သတင်းအနည်းငယ် ရှိဖို့ မျှော်လင့်မိသည်။</p> <p>သူက ယခုအချိန်၌ သူ့ ကျင့်ကြံခြင်းက တစ်ဆို့နေကာ မကြာမီ အချိန်တစ်ခုအထိ ဆင်ရိုင်း ၂၅ ကောင် စွမ်းအားကို အသုံးပြုနိုင်ဦးမည် မဟုတ်ချေ။</p> <p>တစ်စုံတစ်ယောက်က ငရဲချေမှုန်း နတ်ဆင်စွမ်းအားကို ကျင့်ကြံရာ၌ အစိတ်အပိုင်းများကို နိုးထစေနိုင်သည့် အသက်ဓာတ်အမြုတေ လိုအပ်သည်။ ထိုသို့မှ မဟုတ်ပါက ကျင့်ကြံခြင်းက ခက်ခဲနေပေလိမ့်မည်။ အခြားတစ်မျိုးပြောရပါက နောက်ထပ် အစိတ်အပိုင်းများ နိုးထနိုင်ဖို့က ပိုမို ခက်ခဲလာလိမ့်မည်။ ထို့ကြောင့်ပင် နတ်ဘုရား အဆင့်ကျင့်စဉ်များက နတ်ဘုရားများအတွက် ရည်ရွယ်ပြီး သာမန်လူများအနေဖြင့် ကျင့်ကြံနိုင်စွမ်း မရှိကြပေ။</p> <p>သူ့ လက်စွပ်ကို သိမ်းဆည်းပြီးနောက် အခန်းအပြင်သို့ ထွက်ကာ ၃၆ ထပ်မှ ခုန်ဆင်းလိုက်သည်။</p> <p>မျှော်စင်၏ အထပ်တိုင်း၌ ကွဲပြားသော အိမ်ခန်းများ ရှိကြကာ တစ်ထပ်ချင်းစီ၌ မတူညီသော အပြင်စည်း တပည့်များ နေထိုင်ကြသည်။ သို့သော်လည်း ရန်ချီက သူတို့နှင့် မသိသလို နီးစပ်ဖို့လည်း ကြိုးစားခြင်း မပြုခဲ့။</p> <p>အဆောက်အဦ၏ အောက်ခြေတွင် မြင့်မားသော သစ်ပင်များ၊ စီးဆင်းနေသော ချောင်းများ၊ အဆောင်ငယ်လေးများဖြင့် အလွန်ကောင်းမွန်သော နေရာတစ်ခု ဖြစ်သည်။ ထိုနေရာရှိ လန်းဆန်းသော သစ်ပင်များကို အဆင့်နိမ့် ကျောင်းသားများက သန့်ရှင်းရေး လုပ်ပေးကြရသည်။</p> <p>ရန်ချီသည် လွန်ခဲ့သော လများအတွင်း ထိုသို့သော အလုပ်ကို ကိုယ်တိုင် လုပ်ခဲ့ဖူးသော်လည်း ယခုတော့ သူသည် ထိုအခြေခံ အလုပ်များမှ ကင်းလွတ်ခဲ့ပြီ။</p> <p>သူက လမ်းလျှောက်သွားရင်း အဆင့်နိမ့် ကျောင်းသားများက သူ့အင်္ကျီဖြူပေါ်ရှိ 'အင်မော်တယ်ခြေနင်း ကျောင်းတော်' တောက်ပသော အနီရောင်စာလုံးကို သတိပြုမိသွားကြသည်။ သူတို့၏ အကြည့်များ၌ အားကျခြင်း မနာလိုခြင်းများကို ဖုံးကွယ်ထားနိုင်စွမ်း မရှိကြချေ။</p> <p>အဆင့်နိမ့် ကျောင်းသားများ၏ ဝတ်စုံ၌ ထိုကဲ့သို့ စာလုံး မပါရှိပေ။ သူတို့၏ ဝတ်စုံများက အဖြူရောင်သာ ဖြစ်ကာ ကျောင်းတော်၏ မည်သည့် အဆင့်အတန်း ရာထူးမှ မပါရှိချေ။</p> <p>ရန်ချီက မနာလို အားကျသည့် အကြည့်များကို ကြည့်လိုက်ကာ သက်ပြင်းချလိုက်မိသည်။ အင်မော်တယ်ခြေနင်း ကျောင်းတော်၏ အဆင့်အတန်းနှင့် နေရာအလိုက် စည်းမျဉ်း တင်းကျပ်မှုနှင့် ပတ်သက်၍ သူဘာမှ မပြုလုပ်နိုင်ချေ။ အကယ်၍ သူသာ လောကအုပ်ချုပ်သူ ဖြစ်ပြီး လက်ရွေးစင် ကျောင်းသားဖြစ်သွားပါက အဆင့်နိမ့် ကျောင်းသားများသူနှင့်ပတ်သက်ပြီး ဘယ်လိုတောင် တွေးမိမလဲဟု စဉ်းစားမိသွားသည်။</p> <p>သူက ဥယျာဉ်ထဲမှ ထွက်ကာ အဆောက်အအုံများ၊ စေတီများ၊ နံရံများနှင့် အခြားရှုခင်းများ အစရှိသည့် ကျောင်းတော်၏ နေရာအမျိုးမျိုးကို ဖြတ်သန်းသွားခဲ့သည်။ ထို့နောက်မှာတော့ သူက အရှိန်အဝါများ ဖုံးလွှမ်းနေသည့် ထူးခြားဆန်းကြယ်သော ဘုရားကျောင်းများ ရှေ့၌ ရပ်လိုက်သည်။</p> <p>ထိုနေရာက ခမ်းနားကြီးကျယ်သည့် ပုံစံ ပေါက်နေသည်။ ထိုဘုရားကျောင်းများ၏ ထိပ်ဘက်၌ ရောင်ခြည်တော်များ ဖြာထွက်နေကာ ညအချိန်မှာပင် ထိုနေရာ တစ်ဝိုက်ကို လင်းလက်စေ၏။</p> <p>ထိုနေရာ တစ်ခုလုံးကို စွမ်းအားပုံစံဖြင့် ထောက်ပံ့ထားခြင်းပင်။</p> <p>ထိုနေရာတစ်ခုလုံးက လက်ရွေးစင် ကျောင်းသားများ၏ ကျောင်းတော်နေရာဖြစ်ကာ ကန့်သတ်နေရာအဖြစ် သတ်မှတ်ထားကြသည်။</p> <p>ထိုနေရာသို့ လက်ရွေးစင်ကျောင်းသားများနှင့် လောကအုပ်ချုပ်သူများသာ ဝင်ရောက်နိုင်ကာ အဆင့်နိမ့် ကျောင်းသားများ ဝင်ရောက်ဖို့အတွက် ဝင်ရောက်ခွင့် ကတ်ပြားလိုအပ်သည်။</p> <p>အကယ်၍ တစ်စုံတစ်ယောက်က စည်းကမ်းမဲ့ ကျူးကျော်လာပါက အမေးအမြန်း မရှိ သတ်ဖြတ်နိုင်သည်။</p> <p>သူက ထိုနေရာအနီးသို့ ရောက်သောအခါ ဘုရားကျောင်းများ၏ စွမ်းအားပုံစံက သူ့အတွက် ကောင်းချီးပေးသလို ခံစားရစေသည်။ သူ့ စစ်မှန်သော စွမ်းအားများက ပိုမို တိုးပွားပြီး သန်မာလာကာ လွတ်လပ်ခြင်းနှင့် ပေါ့ပါးခြင်းကို ခံစားရစေသည်။ ထိုအရာက သူ့ကို သန့်စင်ပေးနေသည့်ပုံ ပေါ်၏။</p> <p>"ဘယ်လောက်တောင် ကြောက်ဖို့ကောင်းတဲ့ စွမ်းအားပုံစံလဲ" သူက ရေရွတ်မိလိုက်သည်။</p> <p>လက်ရွေးစင်ကျောင်းသားများ၏ စွမ်းအားပုံစံက စွမ်းအားစုစည်းခြင်း စွမ်းအားပုံစံထက် များစွာ အစွမ်းထက်သည်။ ဆောင်ဟေရှမ်းနှင့် ယွမ်ဟိုက်လန်တို့ ကျင့်ကြံခြင်း အလျင်အမြန် တိုးတက်လာခြင်းက အံ့သြစရာ မရှိတော့ချေ။</p> <p>ရန်ချီသည် အင်မော်တယ်ခြေနင်း ကျောင်းတော်အတွင်း လပေါင်းများစွာ နေထိုင်ခဲ့ပြီး ဖြစ်၍ အချို့အရာများက သူနားလည်ထားသည်ထက် နက်နဲကြောင်း သိလာရသည်။</p> <p>အပြင်စည်း ကျောင်းတော်သားများ၌ စိတ်ဝိညာဉ် စုစည်းသည့် စွမ်းအားပုံစံရှိကာ အတွင်းစည်း ကျောင်းသားများ၌ အသက်ဓာတ် စုစည်းသည့် စွမ်းအားပုံစံ ရှိသည်။ ထိုအရာများက ကျင့်ကြံခြင်းကို ပိုမိုမြန်ဆန်လာစေသည့် အရာများပင်။</p> <p>လက်ရွေးစင် ကျောင်းသားများအတွက်ကတော့ ဧကရာဇ်များ၏ တာအိုစွမ်းအားပုံစံ ရှိကြသည်။ ထိုစွမ်းအားပုံစံကလည်း မိုးကောင်းကင်နှင့်မြေကြီးမှ စိတ်ဝိညာဉ် စွမ်းအားနှင့် နေနှင့်လတို့၏ အနှစ်သာရ အမြုတေများကို စုပ်ယူနိုင်သည်။ ပိုပြီး အရေးပါတာတစ်ခုက သူတို့က ဧကရာဇ်များ တာအို၏ စွမ်းအားများကိုပါ ကြီးထွားစေနိုင်သည်။</p> <p>ထိုနေရာ၌ ကျင့်ကြံခြင်း ပြုလုပ်ပါက အသက်ဓာတ် စွမ်းအားပုံစံထက် ၁၀ ဆခန့်ပင် ပိုမို မြန်ဆန်စေသည်။</p> <p>ယွမ်ဟိုက်လန်က ကျောင်းတော်သို့ ဝင်ရောက်ပြီးပြီးချင်း လက်ရွေးစင် ကျောင်းသား ဖြစ်လာသောကြောင့် ဧကရာဇ်များ၏ တာအိုစွမ်းအားပုံစံ၌ ကျင့်ကြံခွင့်ရခဲ့သည်။ ထို့ကြောင့် သူမ၏ တိုးတက်နှုန်းက အရမ်းကို မြန်ဆန်လွန်းလာခဲ့သည်။</p> <p>သူက ဘုရားကျောင်းများ၏ စွမ်းအားပုံစံ ဘေး၌ ထိုအကြောင်း တွေးနေစဉ်မှာပင် သူ့ စစ်မှန်သော စွမ်းအားများက နိုးထလာသည်။ သူသာ အထဲဝင်သွားပါက ဘယ်လို ဖြစ်လာမလဲ ဆိုတာကိုပင် တွေးတောဖို့ ခက်ခဲသည်။</p> <p>ရုတ်တရက် ဘုရားကျောင်းများနှင့် ထိစပ်နေသော အပြင်ဘက် အခန်းမှ မိုးခြိမ်းသံလို အသံမျိုး ထွက်ပေါ်လာသည်။</p> <p>"အဲဒီနေရာမှာ ရပ်လိုက်စမ်း"</p> <p>နက်နဲသော အသတ်အဖြတ် စိတ်အာရုံကို အာရုံခံမိသွားကာ ချက်ချင်း ရပ်တန့်လိုက်သည်။</p> <p>အကယ်၍ သူသာ နောက်တစ်လှမ်း ထပ်တိုးလိုက်ပါက သူ့ကို သတ်ဖြတ်ပစ်မည်မှာ အမှန်ပင် ဖြစ်သည် မဟုတ်ပါလား။</p> <p>သူက အပြင်ဘက် အခန်းငယ်ကို ကြည့်လိုက်ရာ သာမန် လူ ၂ ရပ်လောက်ရှိသည့် လူကြီးတစ်ယောက် ထွက်လာတာကို မြင်လိုက်ရသည်။ သူတို့က သံချပ်ကာ ဝတ်စုံပြည့် ဝတ်ဆင်ထားကာ လခြမ်းကွေး နှစ်ဖက်ပါ လှံရှည်ကို ကိုင်ဆောင်ထားကြသည်။ သူတို့၏ အော်ရာအရှိန်အဝါက ရိုင်းစိုင်းခက်ထန်ကာ သူတို့ပုံစံက ရှေးအခါမှ သားရဲများနှင့် တိုင်တန်ကြီးများ ပေါ်ထွက်လာသည်နှင့် ဆင်တူသည်။</p> <p>ထို့အပြင် သူတို့အားလုံးက ဆရာသခင် အဆင့်များ ဖြစ်ကြသည်။</p> <p>သူတို့က လက်ရွေးစင် ကျောင်းသား ကျောင်းတော်၌ အစောင့်အဖြစ် တာဝန်ယူကြရခြင်း ဖြစ်သည်။ ထိုလူတွေက ကမ္ဘာဦး ဘီလူးစိတ်ဝိညာဉ် သွေးများ ပါရှိကာ စွမ်းအားများက အကန့်အသတ်မဲ့သဖြင့် ပြီးပြည့်စုံသည့် အစောင့်အရှောက်များ ဖြစ်ကြသည်။</p> <p>သူတို့တွေက ရိုးရှင်းလွယ်ကူစွာ ဖြေရှင်းနိုင်မည့် သူများ မဟုတ်ချေ။ သူတို့၏ သွေးကြောများက သာမန် လူသားတွေထက် ၁၀ ဆမျှ ပိုမို သန်မာသည်။ သူတို့ထဲမှ ဆရာသခင် အဆင့် တစ်ယောက်တည်းဖြင့်ပင် သာမန် ဆရာသခင် အဆင့် ၁၀ ယောက်လောက်ကို အလွယ်တကူ တိုက်ခိုက်နိုင်သည်။</p> <p>သူတို့တွေကို ကျောင်းတော်၏ အရေးကြီး နေရာများ၌ အစောင့်အဖြစ် တာဝန်ပေးထားခြင်း ခံကြရသည်။ သူတို့အတွက် အမိန့် ပေးထားသည်မှာ တစ်ခုတည်းသာ ဖြစ်သည်။ ထိုအရာက 'ပထမဆုံး မဖြတ်သွားဖို့ တား၊ တားမရရင် သတ်ပစ်လိုက်' ဆိုသည့် အမိန့်တစ်ခုတည်းပင်။</p> <p>ရန်ချီက ကျင့်ကြံခြင်း အခြေခံအရ သူက လောကအုပ်ချုပ်သူများကိုပင် မကြောက်ရွံ့သဖြင့် ထိုအစောင့်များကိုတော့ အလွယ်တကူ သတ်ဖြတ်နိုင်သည်။ သို့သော် ထိုသို့ ပြုလုပ်လိုက်ပါက သူဒုက္ခ သူရှာသလို ဖြစ်သွားပေလိမ့်မည်။</p> <p>သူက လေးစားစွာဖြင့် လက်သီးဆုပ်ပြီး နှုတ်ဆက်လိုက်သည်။</p> <p>"နှုတ်ဆက်ပါတယ်။ အစောင့်တို့... ကျွန်တော်က လက်ရွေးစင် ကျောင်းသူ တစ်ယောက်ဖြစ်တဲ့ ကျွန်တော့်အဒေါ် ရန်စုစုကို လာတွေ့တာပါ။ ကျွန်တော် ဒီရောက်နေကြောင်း အကြောင်းကြားပေးပါ"</p> <p>လူဘီလူးကြီးများ၏ ခေါင်းဆောင်က ရန်ချီကို အထက်အောက် ကြည့်ကာ မျက်လုံးများက လောဘကြောင့် အရောင်တောက်လာသည်။</p> <p>"သူမကို အကြောင်းကြားပေးရမယ်။ ငါတို့ မအားသေးဘူးကွာ... နောက်နေ့မှ ပြန်လာခဲ့"</p> <p>"အိုး..."</p> <p>ထိုအချိန်မှ ထိုလောဘကြီးသည့် လူဘီလူးတွေက ကျောင်းသားများထံမှ လာဘ်ပေးလာဘ်ယူ အကျင့်ပြတ် ခြစားသည့် သူများဖြစ်ကြောင်း ရန်ချီ သဘောပေါက်သွားခဲ့သည်။</p> <p>ယခုအချိန်၌ ရန်ချီက ချမ်းသာကြွယ်ဝနေလေရာ လက်ကို ဝှေ့ယမ်းလိုက်သည်နှင့် စွမ်းအားစုစည်းဆေး ၁ သန်းတန် ငွေစာရွက် တစ်ရွက် ထွက်လာကာ ထိုလူထံ ပျံသန်းသွားသည်။</p> <p>"ကျေးဇူးပြုပြီး ဒါကို ယူလိုက်ပါ... မင်းတို့ သဘောထား နည်းနည်း ပြောင်းပေးမယ်လို့ မျှော်လင့်မိတယ်"</p> <p>"အိုး..."</p> <p>လူဘီလူးကြီး ခေါင်းဆောင်က ထိုစာရွက်ကို ယူပြီး သိမ်းဆည်းလိုက်သည်။ သို့သော်လည်း သူက ရန်ချီကို သွားခွင့်ပေးမည့်ပုံ မရချေ။</p> <p>"နားထောင်ဦး... ကောင်စုတ်လေး... ဒီမှာ ငါတို့ အစောင့်တစ်ရာ ရှိတယ်။ ငွေစာရွက် တစ်ရွက်က လုံလောက်ပြီ ထင်နေတာလား။ ငါတို့က ဒါကိုဘာလုပ်ရမလဲ... အပိုင်းပိုင်း ဖြဲလိုက်ရမှာလား။ ငွေစာရွက် တစ်ရွက်က ငါတို့ထဲက တစ်ယောက်အတွက်ပဲ လုံလောက်တယ်။ ငါ့ညီအစ်ကိုတွေအတွက် လုံလောက်အောင် ရတနာအချို့ပေးရင် ငါမင်းကို သွားခွင့်ပေးမယ်"</p> <p>"ဘာ"</p> <p>ထိုအချိန်မှာပင် ရန်ချီက ဘာပြောချင်လဲ နားလည်သွားသည်။ ထိုလူဘီလူး အစောင့်တွေက သူ့ကို ခက်ခဲအောင် လုပ်ချင်နေခြင်းသာ ဖြစ်သည် မဟုတ်ပါလား။ သူက ရှေ့တိုးကာ...</p> <p>"ရယ်စရာပဲ။ ငါရောက်ရှိနေတာကို သွားအကြောင်းကြားပေး။ မင်းတို့ ခုလိုပဲ အမြဲလုပ်နေတာလား။ အကြီးပိုင်းက ဒီကိစ္စကို သိသွားမှာ မကြောက်ဘူးလား"</p> <p>လူဘီလူးကြီးက ဟားတိုက် ရယ်မောလိုက်သည်။</p> <p>"ဒုက္ခရောက်မယ်... ငါတို့ ဒီနေရာ အစောင့်ဖြစ်ကတည်းက တရားမဝင်တဲ့ စည်းမျဉ်းကို သုံးပြီး အပိုဝင်ငွေ ရှာလာတာပဲ။ မင်းလို အပြင်စည်း ကျောင်းသားလေးကများ ငါတို့ လူဘီလူးတွေကို ရန်စရဲတယ်လို့... ဘာက မင်းအတွက် ကောင်းမလဲ မသိသေးဘူး ထင်တယ်။ သွားသေလိုက်တော့"</p> <p>ကြီးမားသော လက်ဝါးကြီးကို လေထဲ ဝှေ့ယမ်းလိုက်သည်နှင့် မုန်တိုင်းတစ်ခု ဖြစ်ပေါ်လာကာ ရန်ချီထံ တိုးဝင်သွားခဲ့သည်။</p> <p>လေမုန်တိုင်းက လေအမျိုးအစား စွမ်းအားပညာဖြစ်ကာ ကြီးမားသော သစ်ပင်ကြီးတွေ အမြစ်ကျွတ်ပြီး လေထဲ ပါလာနိုင်သည်။ ထိုကဲ့သို့ အရာမျိုးနှင့် ယှဉ်ဆိုင်မိပါက ရန်ချီလို လူမျိုးပင် လွင့်ထွက်သွားနိုင်သည်။</p> <p>ရန်ချီ၏ မျက်လုံးများက အေးစက်သွားကာ အသတ်အဖြတ် စိတ်ဆန္ဒများ တောက်ပလာခဲ့သည်။</p> <p>"သေချင်နေတာပဲ။ မင်းတို့လို ခြံစောင့်ခွေးကများ ငါနဲ့ ပြဿနာ ဖြစ်ချင်နေရတယ်"</p> <p>လေမုန်တိုင်းက သူ့ထံ ရောက်ရှိသွားသောအခါ သူက စစ်မှန်သော စွမ်းအား အနည်းငယ် ထုတ်ဖော်လိုက်သည်နှင့် ချက်ချင်း ပျောက်ကွယ်သွားခဲ့သည်။</p> <p>ထို့နောက် သူက လေထဲ၌ လှမ်းဆွဲသလို လုပ်လိုက်သည်နှင့် စစ်မှန်သော စွမ်းအားများက သူ့ထံမှ ခြေလှမ်းတစ်ထောင် အကွာအဝေးထိ ထွက်ပေါ်လာသည်။</p> <p>ရုတ်တရက် လူဘီလူးကြီးများက သူတို့၏ စစ်မှန်သော စွမ်းအားများ ထိန်းချုပ်ခံလိုက်ရသလို ခံစားလိုက်ရသည်။ ထိုအချိန်မှာပင် သူတို့၏ ခန္ဓာကိုယ်များက လှုပ်ရှားလာကာ ရန်ချီ လက်ဝါးထံ ရွေ့လျားသွားကြသည်။</p> <p>သူတို့က ကြောက်လန့်တကြား အော်ဟစ်ကာ စွမ်းအားများကို ထိန်းချုပ်နိုင်ဖို့ ကြိုးစားလိုက်သည်။</p> <p>သို့သော်လည်း ရန်ချီက လက်ကို ဖွင့်လိုက်သည်နှင့် စစ်မှန်သော စွမ်းအား စီးကြောင်းများက ပျောက်ကွယ်သွားသည်။</p> <p>သူတို့က စွမ်းအားများ ပြန်လည် ရုပ်သိမ်းရန် ကြိုးစားလိုက်သောကြောင့် ရလဒ် တစ်ခုအနေဖြင့် သူတို့၏ ချီပင်လယ်များ ထိခိုက်သွားသည်။</p> <p>ထိုအရာက ရန်ချီက သူတို့ကို ဒဏ်ခတ်လိုက်ခြင်းပင် ဖြစ်သည် ။</p> <p>ဝေါ့…</p> <p>လူဘီလူးကြီးများ အပါအဝင် သူတို့ ခေါင်းဆောင်ပါ သွေးအန်ထွက်ကြကုန်သည်။</p> <p>'ဒီအပြင်စည်း ကျောင်းသားက ဘာလို့ ဒီလောက် သန်မာနေရတာလဲ'</p> <p>ခေါင်းဆောင်က တွေးမိကာ ကြောက်လန့်သွားသည်။</p> <p>ရန်ချီက ထပ်မံ လှုပ်ရှားလိုက်ကာ လူဘီလူး ခေါင်းဆောင်က လေထဲ ပျံတက်လာကာ သူရှေ့၌ ဒူးထောက်ကျသွားသည်။</p> <p>"မင်းကိုဒီမှာ တာဝန်ပေးထားတာ ငါသိတယ် ဘီလူးစိတ်ဝိညာဉ်။ တစ်ယောက်ယောက်က ငါနဲ့ ပြဿနာဖြစ်ဖို့ မင်းတို့ကို ပြောထားတယ် မှတ်လား။ ဒါပေမဲ့ ငါမင်းတို့ကို အပြစ်တင် မနေပါဘူး။ အခုငါက လောကအုပ်ချုပ်သူလောက် အစွမ်းထက်တာ မင်းတို့မြင်ပြီလား။ ငါသာ အဆင့်ချိုးဖောက် တက်လှမ်းနိုင်သွားတာနဲ့ မင်းတို့ဆိုတာ လွယ်ကူတဲ့ ပြဿနာလေးတွေ ဖြစ်သွားပြီ။ ငါမင်းတို့ရဲ့ ဘဝကို အရမ်းခက်ခဲသွားအောင် လုပ်နိုင်တယ်"</p> <p>စစ်မှန်သော စွမ်းအားများက ဖြာထွက်သွားကာ ငွေစာရွက်ကို ဆွဲယူပြီး ရန်ချီထံ ပြန်ရောက်လာခဲ့သည်။</p> <p>"မင်းတို့ကို ငွေစာရွက်ပေးတာက မင်းတို့ကို မျက်နှာသာပေးတာပဲ... မင်းတို့က မျက်နှာသာပေးတာ မလိုချင်ဘူးဆိုလဲ ငါ့အဆိုးမဆိုနဲ့ပေါ့ကွာ... အခုချက်ချင်း ရန်စုစုဆီ သွားပြီး ငါရောက်နေတာ အကြောင်းကြားလိုက်။ ပြီးတော့ ငါတို့ရဲ့ ချီပင်လယ်မှာ စစ်မှန်သော စွမ်းအား အစေ့တစ်ခု ထည့်ထားတယ်။ မင်းတို့ ငါ့ကို ဆန့်ကျင်တာနဲ့ ချက်ချင်း ဒုက္ခိတဖြစ်သွားစေရမယ်"</p> <p>End</p> <p> </p> <p> </p> <p>***</p> <p> </p>


Save