Book List

<h2 style="text-align: center;">အခန်း (၈၀)</h2> <h2 style="text-align: center;">အသက်ဓာတ် စမ်းရေ</h2> <h2 style="text-align: center;">*</h2> <p> </p> <p> </p> <p> </p> <p> </p> <p>ရန်ကျန့်ထံမှ စာက ပြီးခဲ့သည့် လများအတွင်း ယန်ကောင်းကင်၌ ဖြစ်ပျက်ခဲ့သမျှနှင့် ပတ်သက်ပြီး အသေးစိတ်ကို ဖော်ပြထားသည်။</p> <p>အမည်မသိသော အကြောင်းပြချက်များကြောင့် ယွမ်နယ်မြေက ဆုတ်ခွာသွားခဲ့သည်။ ထို့နောက် ဂုဏ်သတင်းကြီးမားသော ကလန်ကြီးလေးခုမှ စွမ်းအားပညာဆရာသခင် အယောက်သုံးဆယ်နှင့်အတူ အဆင့်ရှစ်ကျွမ်းကျင်သူ အယောက်တစ်ရာ ရောက်ရှိလာခဲ့သည်။ ထိုသူတို့ကြောင့်ပင် ယန်ကူဖုန်းကို ဖမ်းဆီးဖို့နှင့် မြို့တော်ဝန်အိမ်တော်ကို ချုပ်ကိုင်ဖို့ လွယ်ကူခဲ့သည်။</p> <p>ယန်ကောင်းကင်ရှိ အခြားကလန်များက ရန်ကလန်အပေါ် သစ္စာရှိကြောင်း အသိအမှတ်ပြုကာ အကြံပေးများအဖြစ် ထမ်းဆောင်ရန် သဘောတူညီခဲ့ကြသည်။</p> <p>ထိုစာထဲ၌ ရန်ကျန့်က တိုင်းပြည်နယ်မြေအသစ် တည်ထောင်ဖို့နှင့် ထိုကိစ္စနှင့် ပတ်သက်ပြီး ရန်ချီ၏ ထင်မြင်ချက်ကို မေးမြန်းခဲ့သည်။</p> <p>ရန်ချီ ပို့ပေးလိုက်သည့် ဆေးများကြောင့် ရန်ကျန့်၏ ကျင့်ကြံမှု အခြေခံက သိသိသာသာ တိုးတက်လာသည်။ ရွှေရောင် ကိုးမျိုး ပြောင်းလဲခြင်း ဆေးကြောင့်ပင် သူ့ အစ်ကိုကြီးနှင့် ဒုတိယ အစ်ကိုက စွမ်းအားပညာဆရာသခင် ဖြစ်လာခဲ့ကြသည်။</p> <p>ထိုစာထဲ၌ အခြားအကြောင်းများလည်း ရေးသားထားသေးသည်။ ပထမအနေဖြင့် ကလန်၏ ဦးရေက တိုးတက်လာကာ စွမ်းအားလည်း တိုးတက်လာသည်။</p> <p>ဒုတိယအချက်မှာ ကလန်၏ တည်ငြိမ်မှုနှင့် ကပ်ဘေးကို ရှောင်တိမ်းဖို့ အကောင်းဆုံး အခွင့်အရေးအနေဖြင့် ရန်ချီကို အန်တီလေးအင်မော်တယ် ခြေနင်း ကျောင်းတော်၌ နာမည် တစ်ခု ရရှိအောင် ပြုလုပ်ဖို့ မှာကြားထားသည်။</p> <p>တတိယအချက်၌ ရန်ချီ အမေအကြောင်း ပြောထားကာ ကြိုးပေး တောင်တန်းနှင့် ပတ်သက်၍ တတ်နိုင်သမျှ သတင်းအချက်အလက် ယူဖို့ ထပ်မံ မှာကြားထားသည်။</p> <p>'အံ့သြစရာပဲ... လုံးဝကို အံ့သြစရာပဲကွ။ ကလန်က နောက်ဆုံးတော့ ဂုဏ်ကျက်သရေ မြင့်မားလာခဲ့ပြီ'</p> <p>ရန်ချီ တွေးမိလိုက်သည်။</p> <p>ရန်ကျန့်၏ စာထဲ၌ ယန်ကူဖုန်းကို ဖမ်းဆီးပြီးနောက် ထိုသူ၏ စွမ်းအားကြီးမားသော နောက်ခံကြောင့် နားလည်သဖြင့် သူတို့ကို လွှတ်ပေးဖို့ တောင်းပန်ခဲ့သည်။ ထို့ကြောင့် သူ့ အကြံပေးများ၊ အစောင့်များအားလုံးကို သူနှင့်အတူ ခေါ်သွားခွင့်ပြုခဲ့ကာ ယန်ကလန်၏ စည်းစိမ်ကိုတော့ သိမ်းပိုက်ခဲ့သည်။</p> <p>'ယန်ကူဖုန်းက ယန်ကောင်းကင်ကနေ လွတ်သွားမယ်လို့ ဘယ်သူ ထင်မိမှာလဲ။ အဖေက သူ့ကို လွှတ်ပေးလိုက်ပေမယ့် သူက တစ်နေ့ကျရင် ကလဲ့စား ပြန်ချေမှာ သေချာတယ်'</p> <p>ရန်ချီ၏ အတွေ့အကြုံအရ သူက ယန်ကူဖုန်းကို လွှတ်ပေးလိုက်ရင် နောက်တစ်ချိန် ပြဿနာ ဖြစ်လာမှာကို နားလည်နေသည်။</p> <p>ယန်ကူဖုန်း၏ သမီး ယန်ဖေးရှက အစစ်အမှန် နဂါးကျောင်းတော်မှဖြစ်ကာ သူ့ကို သတ်လိုက်လျှင် ကြီးမားသော ဂယက်ရိုက်ခတ်မှုကြီး ဖြစ်လာပေလိမ့်မည်။ အနည်းဆုံးတော့ ယခုနည်းလမ်းဖြင့်ပင် နောက်ပိုင်း၌ ပြဿနာများကို ဖြေရှင်းနိုင်ပါသေးသည်။</p> <p>'ငါ အခု အိမ်ပြန်စရာ မလိုသေးဘူး။ လောက အုပ်ချုပ်သူ အဆင့်ကို ချိုးဖောက် တက်လှမ်းနိုင်ဖို့ အတွက် အရင်ကြိုးစားရမယ်။ အကယ်၍ ရန်ကလန်မှာသာ လောကအုပ်ချုပ်သူတစ်ယောက် ရှိနေတယ်လို့ သတင်းပျံ့သွားရင် တော်ရုံတန်ရုံ ဘယ်သူမှ ငါတို့ကို ထိရဲမှာ မဟုတ်တော့ဘူး'</p> <p>သူက လက်သီး ဆုပ်လိုက်သည်။</p> <p>'အမေ... တစ်နေ့ကျရင် ကြိုးပေးတောင်းတန်းကို အရောက်လာခဲ့မယ်။ နောက်ဆုံးကျရင် ဘာလို့ ပျောက်ကွယ်သွားပြီး ပြန်မလာရတာလဲလို့ မေးရမယ်'</p> <p>သူက လောကအုပ်ချုပ်သူအဆင့်ကို ရောက်ရှိဖို့အတွက် အရမ်း စိတ်လှုပ်ရှားနေသည်။</p> <p>ထို့နောက် ရန်ချီက စာကို ဆုတ်ဖြဲလိုက်သည်။ သူက သက်ပြင်း ချလိုက်ရင်း</p> <p>"ဒါဆို ငါ့ကလန်က တည်ငြိမ်သွားလောက်ပြီ။ အခုက အန်တီလေးအင်မော်တယ် ခြေနင်း ကျောင်းတော်မှာ ငါ့အင်အား တည်ဆောက်ဖို့ အာရုံ စိုက်ရတော့မယ်။ မင်းတို့ လေးယောက်က မကြာသေးခင် တိုးတက်လာကြပုံပဲ"</p> <p>"အမှန်ပဲ"</p> <p>လီဟီက စိတ်လှုပ်ရှားစွာ ပြန်ဖြေလိုက်သည်။</p> <p>"ငါတို့ ကလန်မှာ ငါတို့ရဲ့ နေရာက သိသိသာသာ တိုးတက်လာပြီးတော့ အရင်းအမြစ်တွေလဲ အရင်ကထက် ပိုရခဲ့တယ်။ ငါ့ကလန်က မဟာ အကြီးအကဲ လောက အုပ်ချုပ်သူ တစ်ယောက်ဆိုရင် ငါ့ကို ကောင်းချီး ပေးပြီးတော့ ငါ့ရဲ့ စွမ်းအား ပင်လယ်ကိုတောင် ချဲ့ပေးလိုက်သေးတယ်။ အကယ်၍ ငါသာ အန်တီလေးအင်မော်တယ် ခြေနင်း ကျောင်းတော်မှာ လက်ရွေးစင် ကျောင်းသား ဖြစ်လာရင် ငါ့ကလန်ကလည်း သူတော်စင် ဘိုးဘေး မင်းဆက်မှာ ကြီးမားတဲ့ အားသာချက် တစ်ခု ရလိုက်တာပဲ"</p> <p>"ညီလေးရန်ချီ "</p> <p>လျန့်တုန်က ပြောလိုက်သည်။</p> <p>"မင်းက ငါတို့ ပညာရှင်ဧကရာဇ် အဖွဲ့ခေါင်းဆောင်ပဲ။ မင်း လောက အုပ်ချုပ်သူ အဆင့်ကို ခဏလေးနဲ့ ရောက်မယ်ထင်လား၊ မင်းက လောက အုပ်ချုပ်သူတစ်ယောက်နဲ့ ယှဉ်နိုင်စွမ်း ရှိတယ်ဆိုတာ ငါ သိတယ်။ အဲဒါက မင်းကျင့်ကြံတဲ့ စွမ်းအင် ပညာရပ်ကြောင့်ပဲလား။ အကယ်၍ နောက်တစ်ဆင့် ချိုးဖောက် တက်လှမ်းဖို့ လိုအပ်တာတွေ ရှိရင် ငါတို့ကို ပြောပါ။ ငါတို့ ညီအစ်ကိုတွေ မင်းကို ကူညီဖို့ နည်းလမ်း ရှာပေးမှာပါ"</p> <p>"ဟုတ်တယ် အမှန်ပဲ။ ငါတို့က ကလန်ရဲ့ အရင်းအမြစ် တော်တော်များများ လက်ခံ ရရှိခဲ့တယ်။ မင်း ဘာပဲ လိုအပ်အပ် ငါတို့ မင်းကို ကူညီပေးမယ်"</p> <p>ဟွာရင်းဟူက ထပ်ပေါင်း ပြောလိုက်သည်။ အကယ်၍ ရန်ချီသာ လောက အုပ်ချုပ်သူ ဖြစ်လာပါက သူတို့ အားလုံးအတွက်လည်း အကျိုးရှိသည်။</p> <p>ရန်ချီ၏ မျက်လုံးများက တောက်ပလာကာ ပြောလိုက်သည်။</p> <p>"တကယ်တော့ ငါက အသက်ဓာတ် တိုးစေတဲ့ ဆေးလုံးတွေ လိုအပ်နေတာ။ အဲဒီလို ဆေးတွေသာ လုံလုံလောက်လောက်ရှိရင် ငါ နောက်တစ်ဆင့်ကို တက်လှမ်းနိုင်လိမ့်မယ်။ ဒီပြဿနာကို ဘယ်လို ဖြေရှင်းနိုင်မယ်လို့ ထင်ကြလဲ"</p> <p>"အသက်ဓာတ်ကို တိုးစေတဲ့ ဆေးလုံးတွေလား"</p> <p>သူတို့ လေးယောက်က တစ်ယောက်ကိုတစ်ယောက် ပြန်ကြည့်လိုက်ကြသည်။ သူတို့ ပုံစံက ကိုယ့်ကိုယ်ကိုယ် ယုံကြည်မှု မရှိကြတော့ချေ။</p> <p>"ရွှေရောင်ကိုးမျိုး ပြောင်းလဲခြင်းဆေးတွေနဲ့ ရွှေခရမ်း သွေးကြောသန်မာဆေးတွေက အရမ်း တန်ဖိုးကြီးပြီးတော့ ရှားပါးကြတယ်။ အကယ်၍ အဲဒီလို ဆေးမျိုးတွေသာ အမြောက်အများ ဝယ်ဖို့ ကြိုးစားနေတာ ဆိုရင် ငါတို့ ကလန်တွေတောင် မွဲသွားနိုင်တယ်"</p> <p>"ငါ သိပါတယ်..."</p> <p>ရန်ချီက ပြောလိုက်ကာ မျက်လုံးများ အနည်းငယ် မှေးမှိန်သွားသည်။</p> <p>တစ်ခဏမျှ ကြာပြီးနောက် လီဟီက မျက်လုံးများ တောက်ပလာကာ ပြောလိုက်သည်။</p> <p>"တကယ်လို့ ငါတို့မှာ ရွေးချယ်စရာ မရှိရင် ကျောင်းတော်က တာဝန် သွားလုပ်ကြရကော"</p> <p>"ဘာ အဓိပ္ပာယ်လဲ"</p> <p>ရန်ချီက မေးလိုက်သည်။</p> <p>"ချမ်းသာ ကြွယ်ဝတိုက်ကြီးမှာ အန္တရာယ် အများဆုံးနေရာဖြစ်တဲ့ ကောင်းကင်အလောင်း လျှို့ဝှက် နယ်မြေနဲ့ ပတ်သက်တဲ့ တာဝန်တစ်ခုကို ငါ သတိရသွားပြီ။ အဲဒီမှာ အန်တီလေးအင်မော်တယ် ခြေနင်းကျောင်းတော်ရဲ့ မြင့်မြတ်တဲ့ အမွေအနှစ် အပိုင်းအစတွေ ရှိတယ်။ မင်းသာ အပိုင်းအစတွေ လုံလုံလောက်လောက် စုဆောင်းနိုင်ရင် ကြီးမားတဲ့ ဆုလာဘ်ကို ရရှိလိမ့်မယ်။ ဒါ့အပြင် အသက်ဓာတ် စမ်းရေလို့ ခေါ်တဲ့ စိတ်ဝိညာဉ် ရေတစ်မျိုးလည်း ရှိသေးတယ်။ ကောလာဟလတွေ အရတော့ အဲဒီ ရေတစ်စက်တည်းမှာတောင် ရွှေရောင်ဆေးလုံး စိတ်ဝိညာဉ် ဆေးလုံးထက် အသက်ဓာတ် စွမ်းအား ပမာဏ အများကြီး ပါဝင်တယ်တဲ့။ လွန်ခဲ့တဲ့ ဆယ်စုနှစ် အနည်းငယ်က ကျောင်းသား အချို့က အဲဒါကို ရှာတွေ့ပြီးတော့ လောက အုပ်ချုပ်သူ ချက်ချင်း ဖြစ်သွားခဲ့ကြတယ်လေ။ ဒီရေသာ မင်းလက်ထဲ ရရင် မင်းရဲ့ ကျင့်ကြံခြင်းက တိုးတက်လာမှာပဲ။ လောက အုပ်ချုပ်သူ တစ်ယောက်တောင် သက်တမ်းကို အကြိမ်ကြိမ် ခိုးယူနိုင်လိမ့်မယ်။ ဒါကြောင့်ပဲ တော်ဝင်အိမ်ရှေ့စံက လောက အုပ်ချုပ်သူ အဆင့်ကိုးကို ကျော်လွန်အောင် ချိုးဖောက် တက်လှမ်းနိုင်ခဲ့တာပဲ"</p> <p>'အသက်ဓာတ်စမ်းရေ'</p> <p>ထိုနာမည် တစ်ခုတည်းနှင့်ပင် ကောင်းကင်ကိုတောင် တုန်လှုပ်စေနိုင်ပြီး မြေကမ္ဘာကို ပျက်စီးစေနိုင်သည့် စိတ်ဝိညာဉ်ဆေးနှင့် တူညီသည်။</p> <p>'ကောင်းကင် အလောင်း လျှို့ဝှက်နယ်မြေက အရမ်း ကြီးမားတဲ့ အန္တရာယ်တွေနဲ့ ပြည့်နှက်နေတဲ့ နေရာပဲ'</p> <p>ရုတ်တရက် သူက အနက်ရောင် အလောင်း တောင်တန်းကို စဉ်းစားမိလိုက်သည်။</p> <p>ထိုတောင်တန်းများ၏ အနက်ပိုင်း၌ မရေတွက်နိုင်သော ဖုတ်ကောင်များနှင့် သင်္ချိုင်းများ ပြည့်နှက်နေသည်။ ကောလာဟလတွေအရ ထိုနေရာ၌ နှစ်တစ်ထောင် အလောင်း ဘုရင်များ ရှိကာ ချမ်းသာကြွယ်ဝ တိုက်ကြီး၏ နံပါတ်တစ် အန္တရာယ်နယ်မြေထဲမှ တစ်ခုဖြစ်သည်။ ကောင်းကင် အလောင်း လျှို့ဝှက်နယ်မြေက ပိုမို ထူးခြားသည့် အကြောင်းကိုတော့ သူ အနည်းငယ် သိသည်။</p> <p>"ချမ်းသာ ကြွယ်ဝတိုက်ကြီးရဲ့ မြေအနေအထားနဲ့ ပတ်သက်ပြီးတော့ ငါ သိပ်မသိဘူး။ ကောင်းကင် အလောင်း လျှို့ဝှက်နယ်မြေက ဘယ်လို နေရာမျိုးလဲ"</p> <p>ရန်ချီက အန်တီလေးအင်မော်တယ် ခြေနင်းကျောင်းတော်ကို ရောက်ရှိခဲ့သည်မှာ မကြာသေးသဖြင့် ဆေးပညာ၊ ဆေးလုံး ဖော်စပ်ခြင်းများ၊ နက္ခတ္တဗေဒ၊ ပထဝီ အနေအထားနှင့် သမိုင်းအကြောင်း အနည်းငယ်သာ သိထားသည်။ ယန်ကောင်းကင်၌လည်း သူ့ အချိန်အားလုံးကို စွမ်းအားပညာနှင့် ကျင့်ကြံခြင်းတွင်သာ အချိန်ကုန်စေခဲ့ပြီး အခြားအရာများကို အာရုံမစိုက်ခဲ့ချေ။</p> <p>ကျောင်းတော်၌ အတန်းများစွာ တက်ရောက်ခြင်းက အသိပညာကို တိုးတက်စေသည်။</p> <p>"ကောင်းကင်အလောင်း လျှို့ဝှက်နယ်မြေက ချမ်းသာကြွယ်ဝ တိုက်ကြီးမှာ အန္တရာယ် အရှိဆုံး နယ်မြေ တစ်ခုပဲ။ အနည်းဆုံး ပြောရရင်တော့ အန္တရာယ် ရှိတယ်ပေါ့ကွာ။ အဲဒီနေရာကို အနက်ရောင် အလောင်းတောင်တန်း၊ မကောင်းဆိုးဝါး အလောင်းတောင်တန်း၊ မူရင်း အလောင်းတောင်တန်း၊ နဂါးအလောင်း တောင်တန်း၊ ကြောက်မက်ဖွယ် အလောင်းတောင်တန်းနဲ့ မိစ္ဆာအလောင်း တောင်တန်းက ဝန်းရံထားတယ်။ အဲဒီ နေရာတွေကို ဖြတ်သန်းသွားရင် ကောင်းကင်အလောင်း လျှို့ဝှက်နယ်မြေကို ရောက်လိမ့်မယ်။ အဲဒီနေရာက အလောင်းကောင် အော်ရာတွေ ဖုံးလွှမ်းနေပြီးတော့ အချိန်နဲ့ နေရာပါ ပျက်စီးနေတယ်လေ။ အဲဒီနေရာမှာ မရေတွက်နိုင်တဲ့ အလောင်းတွေနဲ့ ပြည့်နှက်နေပြီးတော့ အခြားကမ္ဘာတစ်ခုနဲ့တောင် ဆင်တူသေးတယ်။ ထိုနေရာက စွမ်းအားတွေက ချမ်းသာ ကြွယ်ဝ တိုက်ကြီး တစ်ခုလုံးမှာရှိတဲ့ သင်္ချိုင်းတွေကနေ စိမ့်ထွက်နေကြတယ်လေ။ ထိုနေရာက ကမ္ဘာဦးခေတ်မှာ တိုက်ပွဲများစွာ ဖြစ်ပွားခဲ့တယ်။ အဲဒီနေရာက ရှေးခေတ် အလောင်းတွေ၊ အလောင်းဘုရင်တွေ၊ မိစ္ဆာတွေနဲ့ မကောင်းဆိုးဝါး သရဲတွေရဲ့ အိမ်ပဲ။ ပြီးတော့ နတ်ဘုရား လက်နက်တွေနဲ့ ပြည့်နှက်နေတဲ့ သင်္ချိုင်းတွေလည်း ရှိသေးတယ်။ ကျောင်းသားတွေက အဲဒီနေရာကို သွားပြီးတော့ လက်နက်တွေ ရှာဖွေကြလေ့ရှိတယ်"</p> <p>လီဟီက ဗဟုသုတ နယ်ပယ်၌ အခြားလူများထက် ပိုမို ကြွယ်ဝကြောင်း သိသာသည်။</p> <p>"ဒီလိုဆိုရင်ကော ဘယ်လိုလဲ"</p> <p>ရန်ချီက ပြောကာ ခေါင်းညိတ်လိုက်သည်။</p> <p>"ယန်ကောင်းကင်က အနက်ရောင် အလောင်းတောင်တန်း အနားမှာ ရှိတယ်။ ဒါပေမဲ့ အဲဒီကနေ ကောင်းကင် အလောင်း လျှို့ဝှက်နယ်မြေကို သွားဖို့ ဝင်ပေါက် ရှိသလားတော့ ငါလည်း မသိဘူး"</p> <p>"မကောင်းဆိုးဝါး အလောင်းတောင်တန်းက ကျောင်းတော်ရဲ့ အရှေ့ဘက်မှာရှိတယ်။ သူတို့ကနေ ကောင်းကင် အလောင်းလျှို့ဝှက်နယ်မြေကို ဦးတည် သွားနိုင်တယ်။ အဆင့်နိမ့် ကျောင်းသားတွေက အဲဒီနေရာကို တစ်ခါတလေ သွားကြပြီးတော့ မိစ္ဆာသရဲတွေနဲ့ ဖုတ်ကောင်တွေကို အမဲ လိုက်ကြတယ်လေ။ ငါ ကြားတာတော့ နှစ်ပေါင်း ခြောက်ဆယ်တိုင်းမှာ မိစ္ဆာဘုရင်က ပေါ်လာပြီးတော့ ဖုတ်ကောင်တွေကို ဦးဆောင်ပြီး အဲဒီနယ်မြေက လူသားတွေကို ဖုတ်ကောင် ဖြစ်အောင် လုပ်ကြတယ်တဲ့။ ဒီအချက်ကြောင့်ပဲ ကျောင်းတော်က အဲဒီနေရာမှာ အစောင့်အမြဲ ချထားခဲ့ရတယ်။ အဆင့်နိမ့် ကျောင်းသားတွေတော့ အထဲကို ဝင်ဖို့ ခွင့်မပြုထားဘူး။ ဒါပေမဲ့ ငါတို့က အပြင်စည်း ကျောင်းသားတွေ ဖြစ်နေတော့ မကောင်းဆိုးဝါး တောင်တန်းကို သွားပြီးတော့ ဖုတ်ကောင်တွေကို အမဲလိုက်နိုင်ပြီ။ ပြီးရင်တော့ သူတို့ ဖုတ်ကောင်အမြုတေနဲ့ လုပ်ဆောင်ချက် အမှတ်တွေ လဲကြတာပေါ့"</p> <p>"ကောင်းပြီလေ အဲလိုပဲ လုပ်ကြတာပေါ့"</p> <p>ရန်ချီက အသက်ဓာတ် စွမ်းအား စမ်းရေကို စိတ်ဝင်စားကာ သူကိုယ်တိုင် သွားရောက် ကြည့်ရှုလိုခဲ့သည်။ ထို့ပြင် ကောင်းကင်အလောင်းလျှို့ဝှက်နယ်မြေက ဘယ်လိုလဲဆိုတာကိုပါ သိမြင်ချင်နေသည်။</p> <p>ချမ်းသာ ကြွယ်ဝတိုက်ကြီးနှင့် ဆက်သွယ်ထားသည့် အခြားဒိုင်မန်းရှင်း လျှို့ဝှက် နယ်မြေများ အကြောင်း ပထမဆုံးအနေဖြင့် သူ ကြားဖူးခြင်းသာ ဖြစ်သည်။</p> <p>သို့သော်လည်း သူ့အမေက ကြိုးပေးတောင်တန်းက လာခဲ့တာဖြစ်ကြောင်း သူ့အဖေ ပြောတုန်းက ထိုနေရာက ဘယ်နေရာလဲလို့ မေးတဲ့အခါမှာ သူ့အဖေက အခြားကမ္ဘာတစ်ခုမှလို့ ပြောခဲ့သည်။ ဖြစ်နိုင်တာက ကြိုးပေးတောင်တန်းက နောက်ထပ် လျှို့ဝှက်နယ်မြေတစ်ခုပင် ဖြစ်ပေလိမ့်မည်။</p> <p>ထိုနေရာသို့ သွားနိုင်သည့်လမ်းကြောင်းကို တည်ဆောက်ဖို့ ဘယ်လိုစွမ်းအားတွေ လိုအပ်ကြောင်း သူ စိတ်မကူးနိုင်ချေ။</p> <p>'အကယ်၍ ငါသာ အသက်ဓာတ် စမ်းရေကို ရှာတွေ့ခဲ့ရင် ငါ့အဖေနဲ့ အစ်ကိုတွေကို လောက အုပ်ချုပ်သူ အဆင့်ရောက်အောင် ကူညီ ပေးနိုင်လိမ့်မယ်'</p> <p>ထို့နောက် သူတို့ သူငယ်ချင်း ငါးယောက်က အစီအစဉ် အသေးစိတ် တိုင်ပင် ဆွေးနွေးခဲ့ကြသည်။</p> <p>အားလုံး ပြင်ဆင်ပြီးသည့်နောက် သူတို့တွေက ကျောင်းတော်မှ ထွက်ခွာကာ အရှေ့ဘက်ကို ဦးတည်သွားကြသည်။</p> <p>နွေဦးပေါက်လာသဖြင့် ကုန်းမြေများက နွေးထွေးနေသည်။ နေရာအတော်များများ၌ နှင်းများက အရည်ပျော်လာကာ နေရောင်ခြည်က ပန်းပွင့်များကို ပွင့်လန်းစေပြီး မြေဆီလွှာကို ကောင်းမွန်စေသည်။</p> <p>ရန်ချီတို့ သူငယ်ချင်းအုပ်စုက ညမမှောင်ခင်အထိ အရှိန်အဟုန်ပြင်းစွာ ပျံသန်းခဲ့ကြသည်။ တစ်ချိန်၌ သူတို့က အရှေ့မှ တောင်ဘက်သို့ သွယ်တန်းနေပြီး နက်နဲပြီး အန္တရာယ်များသော စွမ်းအားများ ဖြာထွက်နေသည့် တောင်တန်းကြီးကို တွေ့လိုက်သည်။</p> <p>"ရောင်ခြည်နဲ့ အလင်း စွမ်းပညာရပ်"</p> <p>ဟွာရင်းဟူက ပြောကာ လက်ကို ဝှေ့ယမ်းလိုက်သည်။ စွမ်းအင်လုံးက အလင်းရောင်များ ဖြာထွက်ကာ သူတို့ အနီးရှိ မြူများကို ရှင်းလင်းသွားစေသည်။</p> <p>ရန်ချီသည် ထိုကြီးမားသော တောင်တန်းများမှ ပုပ်သိုးနေသော အရာများနှင့် များပြားလွန်းသည့် အလောင်းကောင် အော်ရာ အရှိန်အဝါကို အာရုံ ခံမိလိုက်သည်။ ထိုနေရာတွင် စိတ်ကို အနှောင့်အယှက် ဖြစ်စေသည့် အဆိပ်ရနံ့များကိုလည်း ရရှိလိုက်သည်။</p> <p>သို့သော်လည်း ထိုအဆိပ်များက သူ့ကို ထိရောက်နိုင်စွမ်း မရှိချေ။</p> <p>"မကောင်းဆိုးဝါး အလောင်းတောင်တန်းကို ငါတို့ ရောက်ပြီ။ သွားကြစို့"</p> <p>ဟွာရင်းဟူက ပြောလိုက်သည်။</p> <p>သို့သော် သူ ပြောလိုက်သည့် အချိန်မှာပင် သူတို့ထံ အရှိန်အဟုန် ပြင်းစွာ ပျံသန်းလာသည့် လေတိုးသံများကို ကြားလိုက်ရသည်။</p> <p>ဝှစ်....</p> <p>အားကောင်းသော အရှိန်အဝါက သူတို့ထံ ဆင်းသက်လာသည်။</p> <p>"လောက အုပ်ချုပ်သူ"</p> <p>ရန်ချီက ပြောလိုက်သည်။ သူတို့က အန်တီလေးအင်မော်တယ် ခြေနင်း ကျောင်းတော်မှ ကျောင်းသား အနည်းငယ် ပါဝင်သည့် အုပ်စုတစ်စုကို မြင်လိုက်သည်။ သူတို့သည်လည်း ကောင်းကင် အလောင်း လျှို့ဝှက်နယ်မြေသို့သွားရန် မကောင်းဆိုးဝါး အလောင်းတောင်တန်းသို့ ဖြတ်သန်းဖို့ စီစဉ်နေကြပုံရသည်။</p> <p>သူတို့ထဲ၌ လောကအုပ်ချုပ်သူလေးယောက် ပါဝင်ကာ သုံးယောက်က သုခမိန် အဖွဲ့အစည်း၏ အစိမ်းရောင်ဝတ်စုံနှင့် အဖြူရောင် ခေါင်းစည်းကို ဝတ်ဆင်ထားသည်။ နောက်ထပ် တစ်ယောက်ကတော့ ချူထျန်းကောပင်။</p> <p> </p>


Save