Book List

<h2 style="text-align: center;">အခန်း (၈၂)</h2> <h2 style="text-align: center;">ကြီးမားသော ဂူသင်္ချိုင်းတစ်ခု</h2> <h2 style="text-align: center;">*</h2> <p> </p> <p> </p> <p> </p> <p> </p> <p>ခလွမ်...</p> <p>ရန်ချီက ဂူသင်္ချိုင်းများကို ဖြတ်သန်းသွားရင်း မတော်တဆ အရိုးတစ်ခုကို နင်းမိလိုက်၏။</p> <p>သူ့အနီးပတ်ဝန်းကျင်၌ နက်မှောင်နေသော်လည်း စွမ်းအားပညာရပ်ကြောင့် အရာရာတိုင်းကို နေ့ခင်းနေ့လယ်ကဲ့သို့ ရှင်းလင်းစွာ မြင်နေရသည်။</p> <p>သူ လျှောက်လှမ်းနေရင်း ဥမင်က တဖြည်းဖြည်း ပိုမိုကျယ်ဝန်းကာ မြင့်မားလာသည်။ ထိုအရိုးစုများ၏ ဘဝက မည်ကဲ့သို့ရှိခဲ့ကြောင်း ပြောဖို့ ခဲယဉ်းလှ၏။ သို့သော်လည်း သူတို့ကို ဖွဲ့စည်းထားသည့် အရိုးများက သံကဲ့သို့ မာကျောကာ သူတို့ဘဝ၌ စွမ်းအင်ပညာကို ပိုင်ဆိုင်ထားဆဲ ဖြစ်သည်။ သင်္ချိုင်းဂူအတွင်း အန္တရာယ်များသည့် စွမ်းအားများကြောင့်ပင် သူတို့၏ စိတ်ဝိညာဉ်များက သေဆုံးပြီးနောက် ယခုအခါ အရိုးစုစစ်သည်များ ဖြစ်လာကြသည် မဟုတ်ပါလား။</p> <p>သေချာတာတစ်ခုက သူတို့၏ လူသားဘဝကို ဆုံးရှုံးစွန့်လွှတ်ခဲ့ရခြင်း ဖြစ်သည်။ ရှုပ်ထွေးသော အနက်ရောင်မျဉ်းများက သူတို့၏ အရိုးများပေါ် ရေးဆွဲထားပြီး ထိုအရာက အန္တရာယ်များသည့် စွမ်းအားများကို အလိုအလျောက် စုပ်ယူဖို့ တီထွင်ပြုလုပ်ထားသည့် စွမ်းအားပညာရပ် တစ်ခု ဖြစ်ပုံရသည်။</p> <p>မိစ္ဆာများ၏ တာအိုလမ်းစဉ်လိုက်သည့် လောကအုပ်ချုပ်သူများသာ ထိုကဲ့သို့ စွမ်းအားပုံစံကို ပြုလုပ်နိုင်ကြသည်။</p> <p>လောကအုပ်ချုပ်သူတစ်ယောက်က ဤရှုပ်ထွေးသော သင်္ချိုင်းဂူထဲ၌ ပုန်းအောင်းနေသည်မှာ ထိုအချက်က ညွှန်ပြနေလေ၏။ ထိုအရာက နှစ်တစ်ထောင် အလောင်းကောင်များမှ တစ်ကောင်ပင် ဖြစ်နိုင်သေးသည်။</p> <p>မကောင်းဆိုးဝါး အလောင်းတောင်တန်းက ကြီးမားလွန်းကာ မြေအောက်ရှိ သင်္ချိုင်းမြေများက ဝင်္ဂပါကဲ့သို့ ရှုပ်ထွေးနေကြောင်း ရန်ချီ နားလည်လိုက်သည်။ လောကအုပ်ချုပ်သူကဲ့သို့ စွမ်းအားကြီးသူများ ဝင်ရောက်ခဲ့လျှင်ပင် သူတို့၏ အစစ်အမှန် စွမ်းအားများကို အန္တရာယ်များသည့် စွမ်းအားများက တဖြည်းဖြည်း တိုက်စားသွားခြင်းကို ခံရပေလိမ့်မည်။ ထိုအခြေအနေမျိုး၌ သူတို့သာ နှစ်တစ်ထောင်အလောင်းကောင်နှင့် တွေ့ဆုံမိပါက အရိပ်တစ်ခုပမာ အသတ်ခံရမည်မှာ သံသယဝင်စရာ မလိုတော့ပေ။</p> <p>သို့သော် ရန်ချီကတော့ ကွဲပြားသည်။ သူ့ စွမ်းအားများက လောကအုပ်ချုပ်သူများထက် သာလွန်နေသည်ကို အားကိုးရင်း သင်္ချိုင်းမြေ၏ အနက်ပိုင်းသို့ အလွယ်တကူ စွန့်စားသွားလာခဲ့သည်။ ထို့ပြင် သူ့ ငရဲမီးတောက်မီးပြင်းဖိုက အန္တရာယ်များသည့် စွမ်းအင်များနှင့် ဖုတ်ကောင်စွမ်းအားများကို သန့်စင်ပေးကာ အသုံးဝင်သည့် အရာအဖြစ် ပြောင်းလဲပေးလေ၏။</p> <p>သူက ဆက်လက်သွားနေရင်း အန္တရာယ်များသည့် စွမ်းအားများနှင့် ဖုတ်ကောင်စွမ်းအားများက သူနှင့် ခြေလှမ်း ဒါဇင်အနည်းငယ် အဝေး၌ ဆူပွက်ကာ ပူစီဖောင်းများပင် ထနေပြီး ဆာလ်ဖာအနံ့များက လေထဲ၌ ပျံ့နှံ့နေသည်။ တစ်ချိန်တည်းမှာပင် ကျောက်တုံးနံရံများက အိကျလာကာ အချိန်မရွေး ချော်ရည်ကဲ့သို့ ပြောင်းလဲသွားမည့်ပုံ ပေါ်နေသည်။</p> <p>ရန်ချီက လမ်းထောင့်တစ်ခုကို ဖြတ်သန်းသွားရင်း အရိုးစုများ ပိုမို တွေ့မြင်လာရသည်။ သိပ်မကြာခင်မှာပင် ထိုအရိုးစုများမှ အချို့က အရေပြားနှင့် ဆံပင်အနည်းငယ် တွဲလျက်ရှိနေသည်ကို တွေ့လိုက်ရ၏။ သူတို့၏ အနက်ရောင် မျက်လုံးအိမ်များ၌ ကြောက်မက်ဖွယ် မီးတောက်အချို့ တောက်ပနေသည်။ ထိုအလောင်းများက မမျှော်လင့်ဘဲ စွမ်းအင်ပညာရပ်များ အသုံးပြုနိုင်သည့် မိစ္ဆာမကောင်းဆိုးဝါးများ ဖြစ်နေသည်။</p> <p>သွေးများ ကျဆင်းနေသည့် အရိုးတစ်ခုက သူ့ရှေ့၌ ပေါ်လာသည်။ ၎င်းက ရန်ချီကို မြင်သွားပြီးနောက် လက်သီးဆုပ်လိုက်၏။ ထို့နောက် အဆိပ်မီးလျှံ စွမ်းအင်ပညာရပ် အမျိုးအစား တစ်ခုဖြစ်ပုံရသည့် စွမ်းအားများက ပြင်းထန်သော အဆိပ်မီးတောက်များ ဖြစ်ပေါ်လာသည်။</p> <p>ပို၍ အံ့ဩစရာကောင်းသည်မှာ ထိုအလောင်းမှာ အဆင့် ၈ ၌ ဖြစ်နေခြင်းပင်။</p> <p>သို့သော်လည်း အဆိပ်မီးလျှံများက ရန်ချီအပေါ် သက်ရောက်မှုမရှိကာ အသုံးမဝင်ချေ။ သိပ်မကြာခင်မှာပင် သွေးများကျဆင်းနေသည့် အရိုးခေါင်းကြီးက အမှုန့်အမွှားဖြစ်သည့်အထိ ပေါက်ကွဲသွားကာ မိစ္ဆာအမြုတေတစ်ခု ပျံထွက်လာသည်။</p> <p>ထို့နောက် ရန်ချီက သူ့ခြေထောက်ဖြင့် ဆောင့်နင်းလိုက်ရာ ကျန်ရှိနေသည့် အရိုးစုခန္ဓာကိုယ်က ဖုန်မှုန့် ဖြစ်သွားလေတော့သည်။</p> <p>ထိုအချိန်၌ ရန်ချီက လမ်းထောင့်ချိုး တစ်ရာကျော် ဖြတ်သန်းခဲ့ကာ မြေအောက် အနက်ပိုင်းထဲသို့ ရောက်ရှိနေပြီဖြစ်သည်။ အရိုးစုများက ပိုပိုများလာကာ ပြန့်ကျဲနေသည့် ဖုတ်ကောင်များ၊ ရှေးဟောင်း အလောင်းများကိုပါ မြင်တွေ့လာရသည်။</p> <p>ရုတ်တရက် စွမ်းအားကြီးမားသည့် အော်ရာတစ်ခုက ရန်ချီထံ ဆင်းသက်လာသည်။</p> <p>ထို့နောက် ဓားအလင်းက တောက်ပသွားကာ လမ်းထောင့်ချိုးတစ်ခုမှ ဖုတ်ကောင်တစ်ကောင် ထွက်လာ၏။ ထိုဖုတ်ကောင်က အမျိုးအစားမသိသည့် ရှေးဟောင်းသံချပ်ဝတ် အပြည့်အစုံ ဝတ်ဆင်ထားသည်။ သို့သော်လည်း ၎င်းက ဗိုလ်ချုပ်ချပ်ဝတ်တစ်ခု ဖြစ်သည်မှာ ထင်ရှားနေသည်။ ထို့ပြင် ထိုဖုတ်ကောင်က လူကောင်ကြီးမားကာ အရပ်ရှည်ပြီး ချိတ်ကောက်သုံးခုပါ ကြီးမားသော ဆေဘာဓားကို ကိုင်ဆောင်ထားသည်။ ထိုဖုတ်ကောင်က ကြီးမားတုတ်ခိုင်ကာ ခန္ဓာကိုယ်ဖွဲ့စည်းပုံ ကောင်းမွန်ပြီး အစစ်အမှန် စွမ်းအားများ ထွက်ပေါ်နေလေရာ ၎င်း၏ ပြီးပြည့်စုံသည့် စွမ်းအင်ပညာအချို့ ကျန်ရစ်နေပုံ ပေါ်နေသည်။ ထိုသူက အဆင့် ၉ စွမ်းအားကို အမှီပြုကာ ဆေဘာဖြင့် ခုတ်ပိုင်းလိုက်၏။</p> <p>မကောင်းဆိုးဝါး တောင်တန်းက မိစ္ဆာများ၏ တာအို၌ ထိပ်သီးဆရာသခင်များ မြှုပ်နှံရာ ရှုပ်ထွေးသော ဂူသင်္ချိုင်းများဖြစ်ပြီးတော့ ရှေးဟောင်းအလောင်းများကို ဉာဏ်ရည်များ ပေးစွမ်းနေခဲ့သည်။</p> <p>သူတို့ အသက်ရှင်စဉ်က ဆရာသခင် အဆင့်များဖြစ်ကြသည်။ သို့သော် သေဆုံးပြီးသည့်နောက် သူတို့က စိတ်ဆန္ဒတစ်ခုတည်းသာ ရှိကြတော့သည်။ ယခုအချိန်၌ သူတို့၏ ကျင့်ကြံခြင်းက အရင်ထက် ပိုမိုမြန်ဆန်လာသော်လည်း သူတို့က ဖုတ်ကောင်များ ဖြစ်သောကြောင့် ဘဝက ခက်ခဲကြမ်းတမ်းသည်။</p> <p>ရှေးဟောင်း အလောင်းကောင်က ရန်ချီ နားမလည်သည့် ဘာသာစကားဖြင့် အော်ဟစ်ကာ ရန်ချီထံ ဆေဘာဓားကို ပျံသန်းစေလွှတ်လိုက်သည်။</p> <p>ရန်ချီက လက်ကို ဝှေ့ယမ်းလိုက်သည်နှင့် ဆေဘာဓားက အပိုင်းပိုင်း ပြတ်သွား၏။ ထို့နောက် သူက လက်ညှိုးကို ညွှန်လိုက်ကာ နွေဦးပိုးကောင်၏ ပိုးချည်မျှင်မိုးကို ထုတ်ဖော်လိုက်သည်။ ပိုးချည်မျှင်ကဲ့သို့ များပြားသော ဓားအလင်းများက ရှေးဟောင်းအလောင်းကောင်၏ ဦးခေါင်းကို ဖောက်ထွက်သွားကာ ၎င်း၏ပါးစပ်မှ လောက်စာလုံးတစ်ခုအရွယ် ကျောက်စိမ်းအလုံးတစ်လုံး ထွက်ကျလာသည်။</p> <p>ထိုအလုံးက တောကြက်မောက်သီး အရွယ်ခန့်ရှိကာ သွေးကြောများ ဖုံးအုပ်နေပြီး မျက်လုံးတစ်ခုနှင့် ဆင်တူနေသည်။</p> <p>ရန်ချီက အစစ်အမှန် စွမ်းအင်များကို ကျောက်စိမ်းအတွင်း ချက်ချင်း ပို့လွှတ်လိုက်ရာ ၎င်းက ဆရာသခင် အဆင့်၏ စွမ်းအားပင်လယ်တစ်ခုနှင့် တူညီနေသည်ကို ခံစားမိသည်။ ၎င်းက အစစ်အမှန်စွမ်းအားများ သိုလှောင်ရန် ပြုလုပ်ထားသည့် ရှားပါးသော စိတ်ဝိညာဉ် ကျောက်စိမ်းတစ်ပိုင်း ဖြစ်သည်။</p> <p>ယန်ကူဖုန်း၌ ထိုကဲ့သို့ လုပ်ဆောင်ချက်တူညီသည့် သိုလှောင်လက်စွပ် တစ်ခုရှိကြောင်း ရန်ချီ အမှတ်တမဲ့ သတိရလိုက်သည်။ ထိုအရာက တန်ဖိုးမဖြတ်နိုင်လောက်အောင် တန်ဖိုးရှိလှ၏။ ထိုအရာက ပင်လယ်နှလုံးသားလက်စွပ် ပိုင်ဆိုင်ထားသည့် သူ့အတွက် တန်ဖိုးမရှိသော်လည်း အင်မော်တယ်ခြေနင်း ကျောင်းတော်မှ ကျောင်းသားများအတွက်တော့ ငမ်းငမ်းတက် ဖြစ်စေပါလိမ့်မည်။</p> <p>ထိုဗိုလ်ချုပ် ပါးစပ်အတွင်းရှိ ကျောက်စိမ်းမျက်လုံးက ၎င်းကို ပျက်စီးမသွားအောင် ထိန်းသိမ်းထားခြင်းသာဖြစ်သည်။ ထိုအရာသာ မပါရှိပါက ရှေးဟောင်းအလောင်းကလည်း အခြားအလောင်းများကဲ့သို့ ယိုယွင်းပျက်စီးသွားပါလိမ့်မည်။</p> <p>"ဒီဟာက ရတနာတစ်ခုဆိုပေမယ့် ငါလိုအပ်တာမျိုးတော့ မဟုတ်ဘူး... ဒါပေမဲ့ အဖေကို ပေးလို့ရသားပဲ... ဒီလို အစစ်အမှန် စွမ်းအင်သိုလှောင်တဲ့ ပစ္စည်းနဲ့ဆိုရင် တိုက်ပွဲက သူက အရင်ထက် ပိုပြီး အစွမ်းထက်လာမှာပဲ... သူ့ရဲ့ လေထုဆန်းကြယ်သစ်ပင်နဲ့ပါ ပေါင်းလိုက်ရင် လောကအုပ်ချုပ်သူနဲ့ ရင်ဆိုင်ရရင်တောင် ထွက်ပြေးနိုင်မှာပဲ"</p> <p>ရန်ချီက မျက်လုံးကို သိမ်းဆည်းလိုက်ကာ စိတ်အားထက်သန်စွာ ဆက်သွားလိုက်သည်။</p> <p>သူက နောက်ထပ် အရိုးစုတွေ၊ ဖုတ်ကောင်တွေနှင့် စွမ်းအင်ပညာရပ် မိစ္ဆာအလောင်းကောင်များကို ထပ်ရင်ဆိုင်ရပြီး သူတို့ကို သတ်ဖြတ်ကာ မိစ္ဆာအမြုတေများကို ရိတ်သိမ်းလိုက်သည်။</p> <p>ရန်ချီက နောက်ထပ် အသုဘပစ္စည်းများနှင့် ရှေးဟောင်းအလောင်းများကို တွေ့ရှိခဲ့ကာ အားလုံးကို သိမ်းဆည်းခဲ့၏။</p> <p>ကံမကောင်းစွာပင် နောက်ထပ် သူရှာတွေ့သမျှ ရတနာများက မျက်လုံးကဲ့သို့ အဖိုးမတန်ကြချေ။ အရာရာတိုင်းက သာမန်မျှသာဖြစ်သည်။</p> <p>အဆက်မပြတ် တိုက်ခိုက်ခဲ့သော်လည်း သူ့ အစစ်အမှန် စွမ်းအင်များက မခန်းခြောက်သွားပေ။</p> <p>တစ်ကြိမ်၌ သင်္ချိုင်းဂူ အတွင်းပိုင်းမှ ငိုကြွေးသံကို ရုတ်တရက် သူကြားလိုက်ရသည်။</p> <p>ထို့ကြောင့် အနီးအနားရှိ ဖုတ်ကောင်များ၊ အရိုးစုများက အခြားနေရာသို့ ဆုတ်ခွာသွားကြသည်။</p> <p>'အဲ့ဒါက ဘာလဲ... အရမ်းကျယ်လောင်လွန်းတယ်'</p> <p>သူ့မျက်လုံးများက တောက်ပသွားကာ လမ်းထောင့်ချိုးများ တစ်ခုပြီးတစ်ခု ဖြတ်သန်းရင်း နက်သထက် နက်သည့်ထိ ဝင်ရောက်သွားကာ သင်္ချိုင်းဂူပေါက်ဝသို့ ရောက်ရှိလာသည်။</p> <p>၎င်းက မီတာ ၃၀ ရှည်လျားသည့် နံရံကြီးများရှိကာ ထိုနံရံများပေါ် နဂါးရုပ်များ၊ ဖီးနစ်ရုပ်များ ထွင်းထုထားသည်။ ကြမ်းပြင်၌ တောင်တန်းနှင့် မြစ်ချောင်းပုံများ ထွင်းထုထားကာ မျက်နှာကြက်၌ ကောင်းကင်နှင့်တူအောင် ပုလဲများ စီခြယ်ထားလေ၏။</p> <p>သင်္ချိုင်းဂူအလယ်၌ ကြီးမားလွန်းသော ခေါင်းတလားတစ်ခု တည်ရှိနေသည်။</p> <p>ခေါင်းတလားက ကြေးနီဖြင့်ပြုလုပ်ထားကာ ကြောက်မက်ဖွယ် သားရဲများ ပုံသဏ္ဌာန် ရေးထွင်းထားသည်။</p> <p>ဤဂူသင်္ချိုင်းနှင့် ခေါင်းတလားကို ကြည့်ခြင်းဖြင့် ထိုနေရာတွင် ဂူသွင်းမြှုပ်နှံထားသူက အလွန် အရေးပါသော ပုဂ္ဂိုလ်တစ်ဦး ဖြစ်ကြောင်း သိနိုင်သည်။</p> <p>ရန်ချီက သင်္ချိုင်းဂူထံ လျှောက်လှမ်းသွားစဉ်မှာပင် အလွန်ကြီးမားသော အလောင်းတစ်လောင်းက ခေါင်းတလားထဲမှ ပျံသန်းထွက်လာသည်။ ထိုလူက ယောက်ျားတစ်ယောက် ဖြစ်ကာ ရွှေရောင်မျက်နှာ ရှိသည်။ သူ့ခန္ဓာကိုယ်က ကျောက်မြတ်ရတနာများဖြင့် တန်ဆာဆင်ထား၏။ သူက အမည်မသိ သတ္တုစပ်တစ်မျိုးဖြင့် သွန်းလုပ်ထားသော နက်မှောင်နေသည့် တုတ်ချောင်း တစ်ချောင်းကို ကိုင်ထားသည်။ ထိုတုတ်ချောင်းထိပ်ရှိ ကြီးမားသော စိန်တုံးက မီးအမြုတေကဲ့သို့ အနီရောင် တောက်ပနေကာ ၎င်း၏ စွမ်းအားအရ ရန်ချီပင် ထိုစိန်တုံး၌ နေအသေးစား တစ်လုံးရှိနေသလို ခံစားမိလိုက်သည်။</p> <p>'ဒီကျောက်မြတ်က ဘာလဲဟ'</p> <p>ရန်ချီက တွေးလိုက်ကာ တုန်လှုပ်မိသွားသည်။ ထိုကျောက်မြတ်၏ အရည်အသွေးမှာ ကျောက်စိမ်းမျက်လုံးထက် ပိုကောင်းမွန်သည့် တစ်ချက်သာ သူ ပြောနိုင်သည်။</p> <p>ရှေးဟောင်း အလောင်းကြီး၏ နက်ရှိုင်းသော မျက်လုံးများက ရန်ချီကို စိုက်ကြည့်လိုက်သည်နှင့် သူ့အော်ရာ အရှိန်အဝါက ပြင်းထန်စွာ ထွက်ပေါ်လာသည်။ ထိုအရှိန်အဝါကြောင့် ဆရာသခင် အဆင့် အမြောက်အများပင် သတိလစ် မေ့လဲသွားနိုင်သည်။</p> <p>ထိုအရာက လောကအုပ်ချုပ်သူအဆင့် နှစ်တစ်ထောင် အလောင်းဘုရင် ဖြစ်သည်။</p> <p>သို့သော်လည်း ရန်ချီက နည်းနည်းလေးမျှ မကြောက်လန့်ခဲ့ချေ။</p> <p>"အင်မော်တယ်ခြေနင်း ကျောင်းတော်က ကျောင်းသား တစ်ယောက်လား..."</p> <p>အလောင်းကြီးက အော်ဂလီဆန်သော အသံကြီးဖြင့် ပြောလိုက်သည်။ "အပြင်စည်းက ဆရာသခင် အဆင့်လေးက မကောင်းဆိုးဝါး အလောင်းတောင်တန်းကို ရောက်လာပါလား... ဘယ်လိုတောင် မိုက်မဲတာလဲ... ငါက ဟွိုက်ယင်ဘုရင်ပဲ... ဒီနေရာကလည်း ငါ့ရဲ့ သင်္ချိုင်းဂူပဲ... မင်းက သေခြင်းတရားကို လာရှာတာလား..."</p> <p>ရှေးဟောင်း အလောင်းကောင်က အသက်ရှင်စဉ်က ဘုရင်တစ်ပါး ဖြစ်ပုံပေါ်သည်။</p> <p>"ကောင်းပြီလေ... မင်းက ဒီရောက်လာမှတော့ မင်းကို ငါ့ရဲ့ အလောင်းအစေခံ ပြောင်းပစ်မယ်... သေလိုက်တော့"</p> <p>ဟွိုက်ယင်ဘုရင်၏ တုတ်ချောင်းမှ ကြမ်းကြုတ်သော အရှိန်အဝါများထွက်လာကာ သူက လေထဲ၌ လက်ကို ဝှေ့ယမ်းလိုက်သည်။ လခြမ်းပုံစံ လောင်ကျွမ်းနေသော အနီရောင် အလင်းတန်းက တုတ်ကောက်ထိပ်ရှိ စိန်တုံးမှ ထွက်ပေါ်လာလေ၏။</p> <p>ထိုအရာက လောကအုပ်ချုပ်သူအဆင့် နှစ်တစ်ထောင် အလောင်းဘုရင်ဖြစ်တာကြောင့် ရန်ချီက တုံ့ဆိုင်းမနေတော့ပေ။ ထို့ပြင် သူက ဂူသင်္ချိုင်း အနက်ပိုင်းထဲ ရောက်ရှိနေသောကြောင့် လူတွေ သူ့ကိုမြင်မှာ မစိုးရိမ်တော့ချေ။ သူက တုံ့ဆိုင်းမနေဘဲ ငရဲချေမှုန်း နတ်ဆင်စွမ်းအားကို ထုတ်ဖော်ကာ ငရဲနတ်ဆိုးလှံတံ၊ မကောင်းဆိုးဝါး မိစ္ဆာတောင်ပံနှင့် ငရဲနတ်ဆိုးချပ်ဝတ်ကို ဆင့်ခေါ်လိုက်သည်။</p> <p>အနက်ရောင် ချပ်ဝတ်က သူ့အပေါ်၌ ဖြစ်ပေါ်လာကာ လှံရှည်တစ်ချောင်းက သူ့လက်အတွင်း ဖြစ်တည်လာသည်။ ကြီးမားသော အတောင်ပံက သူ့နောက်ကျောဘက်၌ ပေါ်လာကာ လေပြင်းများ တိုက်ခတ်လာတော့သည်။</p> <p>လှံတံက လောင်ကျွမ်းနေသော အနီရောင်အလင်းတန်းနှင့် ရင်ဆိုင်မိသောအခါ ထိုအလင်းတန်းကို စားသုံးလိုက်သည်။</p> <p>ထို့နောက် ရန်ချီက လှံတံပုံရိပ်များစွာ ထုတ်ဖော်ရင်း လောကအုပ်ချုပ်သူ တစ်ယောက်ကို တတ်နိုင်သမျှ အလျင်အမြန် ဖျက်ဆီးလိုစိတ်ဖြင့် ဟွိုက်ယင်ဘုရင်ကို မိုးကြိုးမုန်တိုင်းတစ်ခုသဖွယ် တိုက်ခိုက်လိုက်သည်။</p> <p>ရန်ချီက ဆရာသခင် အဆင့်ဖြစ်သော်လည်း ကောင်းကင်နှင့် မြေကြီးကြားရှိ စိတ်ဝိညာဉ် စွမ်းအားများကို လောကအုပ်ချုပ်သူထက် ပိုမိုနားလည်နေသဖြင့် လောကအုပ်ချုပ်သူ တစ်ယောက်ပင် လွတ်မြောက်နိုင်မည် မဟုတ်တော့ချေ။</p> <p>ယခုအချိန်၌ သူက အလောင်းဘုရင်ကို အသုံးချကာ ပိုမိုသန်မာလာစေဖို့ သူ့ကိုယ်သူ ဖိအားပေးရင်း ကောင်းကင်နှင့်မြေပြင်ကြားမှ ဉာဏ်အလင်းပိုရရှိဖို့ မျှော်လင့်ခဲ့သည်။ ထိုအရာအားလုံးက သူ နောက်တစ်ဆင့်ကို တတ်နိုင်သမျှ မြန်မြန် ချိုးဖောက်တက်လှမ်းနိုင်ဖို့ မျှော်လင့်နေခြင်းသာ ဖြစ်သည် မဟုတ်ပါလား။</p> <p>ထို့အပြင် သူသာ လောကအုပ်ချုပ်သူ့ မိစ္ဆာအမြုတေသာ ရရှိပြီး သင်ယူနိုင်ပါက သူ့အတွက် အထောက်အကူ ဖြစ်စေပါလိမ့်မည်။</p> <p>ကြောက်မက်ဖွယ်ကောင်းသော ငရဲနတ်ဆိုးလှံတံက လေထုကို ဖြတ်သန်းသွားကာ နှစ်တစ်ထောင်အလောင်း၏ စွမ်းအင်အကာအကွယ်ကို ထိုးဖောက်သွားရင်း ရွှေနှင့် ကျောက်စိမ်း ဝတ်စုံကို ထိုးခွင်းလိုက်သည်။</p> <p>သို့သော်လည်း ရွှေနှင့် ကျောက်စိမ်းဝတ်စုံမှ အလင်းတန်းများ ထွက်ပေါ်လာကာ ကျယ်လောင်သော ပေါက်ကွဲသံကို ကြားလိုက်ရသည်။ လှံတံ တားဆီးခံလိုက်ရသည်။ ကံမကောင်းချင်တော့ ထိုဝတ်စုံက ရတနာပစ္စည်းတစ်ခုဖြစ်ကာ ငရဲနတ်ဆိုးလှံတံက ၎င်းကို မဖောက်ထွင်းနိုင်ခဲ့ချေ။</p> <p>သို့သော်လည်း ထိုအရာက အလောင်းဘုရင်၏ သန်မာမှုကြောင့် မဟုတ်ဘဲ ရန်ချီ၏ ကျင့်ကြံမှု အဆင့်နိမ့်ခြင်းကြောင့် ဖြစ်သည်။</p> <p>End</p> <p> </p> <p> </p> <p> </p> <p>***</p> <p> </p>


Save