Book List

<h2 style="text-align: center;">အခန်း (၁၄)</h2> <h2 style="text-align: center;">တာဝန်ကို လက်ခံခြင်း</h2> <h2 style="text-align: center;">*</h2> <p> </p> <p> </p> <p> </p> <p> </p> <p>"ဟားဟား... မင်းက အသုံးမကျတဲ့ အမှိုက်တစ်စပဲကိုး။ အမှတ် ဆိုတာ ဘာလဲဆိုတာ မသိတာ မဆန်းပါဘူးလေ။ ဘယ်သူမှ လှည့်မကြည့်တဲ့ မြေနက်မြေ  ဆီကို ပို့ခံထားရတာကိုး"။</p> <p> </p> <p>အပြင်စည်းတပည့်  နှစ်ဦးမှာ လှောင်ပြောင်ရယ်မောကြလေသည်။</p> <p>ထိုအခိုက်တွင် ကိုယ့်ကိုယ်ကိုယ် ထိန်းချုပ်နိုင်စွမ်း မြင့်မားလှသော ချင်ယွမ်ဖုန်းပင်လျှင် သည်းခံနိုင်စွမ်း ကုန်ဆုံးသွားချေပြီ။</p> <p> </p> <p>ယင်းက ရှေ့သို့ တစ်လှမ်းတိုးလိုက်ပြီး လျှပ်စီးလက်သဖွယ် မြန်ဆန်သော အရှိန်ဖြင့် ထိုတပည့်၏ အဝတ်အစားကို လှမ်းဆွဲ၍ အားပြင်းစွာ ဆောင့်ကန်လိုက်ရာ၊ ထိုတပည့်မှာ ဟန်ချက်ပျက်ကာ ရှေ့သို့ မှောက်လျက်လဲကျသွားတော့သည်။</p> <p> </p> <p>ချင်ယွမ်ဖုန်းသည် ထိုသူ၏ ကျောပြင်ပေါ်သို့ ခြေဖြင့်နင်းကာ အားအနည်းငယ် ထည့်လိုက်ရုံမျှဖြင့် အရိုးကျိုးသံများမှာ တဂျောက်ဂျောက် မြည်ဟည်းသွားရလေသည်။</p> <p> </p> <p>"တင်း . ချန်မင်၏ မကျေနပ်မှု +၁၀၀ ရရှိသည်"။</p> <p>ချင်ယွမ်ဖုန်း၏ မျက်နှာမှာ မည်သည့်ခံစားချက်မျှ မပေါ်လွင်ဘဲ အေးစက်လှသော အကြည့်ဖြင့် ထိုအပြင်စည်းတပည့် နှစ်ဦးကို စိုက်ကြည့်လျက် -</p> <p>"ဘယ်သူမဆို တစ်ပါးသူကို 'အမှိုက်' လို့ ခေါ်လို့မရဘူး။ အနည်းဆုံးတော့ မင်းတို့မှာ အဲဒီလိုခေါ်ပိုင်ခွင့် မရှိစေရဘူး"</p> <p> </p> <p>"တောက်... မင်းက တော်တော်လေး မောက်မာနေတာပဲ၊ အရိုက်ခံချင်နေပြီထင်တယ်"</p> <p>ထိုအပြင်စည်းတပည့် နှစ်ဦးသည် တစ်ပြိုင်နက်တည်း တိုက်ခိုက်လာကြလေသည်။</p> <p> </p> <p> ယင်းတို့ နှစ်ဦးစလုံးမှာ ပညာရှင်အဆင့် အဆင့် ၅ သို့ ရောက်ရှိနေသူများ ဖြစ်ရာ၊ တိုက်ခိုက်လိုက်သော အရှိန်ကြောင့် လေထုထဲတွင် ပေါက်ကွဲသံများပင် ထွက်ပေါ်လာချေသည်။</p> <p> </p> <p>တစ်ဦးက ချင်ယွမ်ဖုန်း၏ ဘယ်ဘက်ပုခုံးကို လှမ်းဆွဲပြီး ကျန်တစ်ဦးက ညာဘက်ပုခုံးကို ဖမ်းဆုပ်ရန် ကြိုးပမ်းကြသော်လည်း၊ ချင်ယွမ်ဖုန်းကို မထိတွေ့မီမှာပင် ပြင်းထန်သော စုပ်ယူမှုအားတစ်ခုကို ခံစားလိုက်ရပြီး ချင်ယွမ်ဖုန်းရှိရာသို့ ဟန်ချက်ပျက်ကာ လွင့်စင်လာကြတော့သည်။</p> <p> </p> <p>ချင်ယွမ်ဖုန်း၏ လက်ဖဝါးတွင် အနက်ရောင် ဟင်းလင်းပြင်ပေါက်တစ်ခု ပေါ်ပေါက်လာပြီး ထိုမှထွက်ပေါ်လာသော စုပ်ယူမှု အရှိန်အဝါ က ထိုတပည့်နှစ်ဦးကို ဆွဲခေါ်လိုက်ခြင်း ဖြစ်ပေရာ၊ နောက်တစ်ခဏတွင် ချင်ယွမ်ဖုန်းသည် လက်ဖဝါးကို လက်သီးအဖြစ် ပြောင်းလဲကာ ပြင်းထန်သော ထိုးနှက်ချက်တစ်ခုကို ထုတ်ဖော်လိုက်လေသည်။</p> <p> </p> <p>လက်သီးချက်မှာ ထိုသူနှစ်ဦး၏ ရင်ဘတ်ကို ထိမှန်သွားပြီး နောက်သို့ လွင့်စင်သွားစေကာ သွေးများအန်ထုတ်လျက် နံရိုးများပင် ကျိုးအက်ကုန်ကြတော့သည်။</p> <p> </p> <p>"တင်း .. ကျင်းဖော်၏ ထိတ်လန့်မှု +၆၆"</p> <p>"တင်း .. ဖန်ဟုန်၏ ထိတ်လန့်မှု +၅၇"</p> <p>ထိုအခိုက်တွင် ဘေးပတ်ဝန်းကျင်ရှိ လူစုလူဝေးမှာ စုရုံးလာကြပြီး ချင်ယွမ်ဖုန်း၏ လက်ချက်ဖြင့် အပြင်စည်းတပည့် နှစ်ဦး သွေးအန်သည်အထိ ဖြစ်သွားရသည်ကို မြင်တွေ့ကာ အံ့ဩတုန်လှုပ် သွားကြလေသည်။</p> <p> </p> <p>"ဒါ... ကျင့်စဉ်လောကထဲကို စတင်ဝင်ရောက်တုန်းက အဆင့် ၁ ပညာသင်အဆင့်ပဲ ရှိလို့ အသုံးမကျတဲ့သူလို့ သတ်မှတ်ခံထားရတဲ့ ချင်ယွမ်ဖုန်း မဟုတ်လား"</p> <p> </p> <p>"အစောပိုင်းက စမ်းသပ်မှုမှာ အမှားအယွင်း တစ်ခုခု ရှိခဲ့တာများလား"</p> <p>ဘေးလူများက အမျိုးမျိုး ဝေဖန်ပြောဆိုနေကြသော်လည်း ချင်ယွမ်ဖုန်းမှာမူ မည်သို့မျှ ဂရုမစိုက်ပေ။</p> <p> </p> <p>ယင်းက ပြဿနာ ရှာလိုသူ မဟုတ်သော်လည်း မိမိအပေါ် တစ်ပါးသူက မောက်မာစွာ လာရောက် စော်ကားသည်ကိုမူ ငုံ့ခံမည့်သူ မဟုတ်ချေ။</p> <p> </p> <p>"ချင်ယွမ်ဖုန်း... မင်းက မင်းရဲ့ ဂိုဏ်းတူညီအစ်ကိုကို တိုက်ခိုက်ရဲတယ်ပေါ့။ ဒါဟာ ကြီးလေးတဲ့ ပြစ်မှုပဲ။ မင်းကို အပြစ်ပေးနိုင်ဖို့ ဂိုဏ်းအကြီးအကဲ  ဆီကို ငါတိုင်မယ်" ဟု လွင့်စင်သွားသော တပည့်တစ်ဦးက ဒေါသတကြီး အော်ဟစ်လေသည်။</p> <p> </p> <p>ချင်ယွမ်ဖုန်းက ထိုသူရှိရာသို့ တစ်လှမ်းချင်း လျှောက်လှမ်းသွားရာ၊ ထိုတပည့်မှာ ကြောက်လန့်တကြား နောက်သို့ ဆုတ်သွားရလေသည်။</p> <p> </p> <p>"တိုင်ချင်တယ်ဆိုရင်လည်း သွားတိုင်လိုက်ပေါ့။ ဂိုဏ်းအကြီးအကဲတွေက အမှားအမှန်ကို မခွဲခြားနိုင်လောက်အောင် ဖြစ်နေမလားဆိုတာ ငါလည်း သိချင်သားပဲ" ဟု ချင်ယွမ်ဖုန်းက အေးစက်စွာ ပြောဆိုလိုက်သည်။</p> <p> </p> <p>အဆုံးတွင် ချင်ယွမ်ဖုန်းမှာ ဆက်လက် တိုက်ခိုက်ခြင်း မပြုတော့ဘဲ စာကြည့်တိုက် ကို တစ်ချက်လှမ်းကြည့်ကာ အိုင်ဖေး နှင့်အတူ ထွက်ခွာလာခဲ့တော့သည်။</p> <p> </p> <p>ထိုအပြင်စည်းတပည့် နှစ်ဦးမှာလည်း မိမိတို့တွင် အပြစ်ရှိသည်ကို သိရှိနားလည်သွားကြသဖြင့် လူစုလူဝေးကို လူစုခွဲကာ မည်သည့်အရာမျှ မဖြစ်ခဲ့သကဲ့သို့ ဟန်ဆောင်ကာ ဆေးကုသမှု ခံယူရန် ထွက်သွားကြလေသည်။</p> <p> </p> <p>"စီနီယာအစ်ကို .. အစ်ကိုက အသုံးမကျတဲ့သူ မဟုတ်ဘူးဆိုတာ ကျွန်တော် သိပြီးသားပါ။ ဒါနဲ့ အစ်ကိုက ဘာဖြစ်လို့ အစွမ်းတွေကို ဖုံးကွယ်ထားတာလဲ" ဟု အိုင်ဖေးက အားကျသည့် အကြည့်ဖြင့် မေးမြန်းလေသည်။</p> <p> </p> <p>ချင်ယွမ်ဖုန်းသည် အိုင်ဖေးကို မည်သို့ ရှင်းပြရမည် မသိသဖြင့် "ဂျူနီယာညီလေး ကို ပြောပြဖို့ အဆင်မပြေတဲ့ အကြောင်းအရာတချို့ ရှိနေလို့ပါ" ဟုသာ ခေါင်းခါလျက် ဆိုလိုက်ရတော့သည်။</p> <p> </p> <p>"ရပါတယ် စီနီယာအစ်ကို။ ခုနက အစ်ကိုလုပ်လိုက်တာ တကယ်ကို လန်းတယ်။ အဲဒီလူတွေက ခံရမှာကို တန်တာ" ဟု အိုင်ဖေးက ပြုံးလျက် ဆိုသည်။</p> <p> </p> <p>"ဒါနဲ့... အမှတ် ဆိုတာ ဘာလဲဆိုတာ သေချာလေး ရှင်းပြပါဦး"</p> <p>"ဩော်... စီနီယာအစ်ကို မသိသေးဘူးလား။ ကျွန်တော်တို့ ဆေးနတ်ဘုရားဂိုဏ်း မှာ ဂိုဏ်းက ထုတ်ပြန်တဲ့ တာဝန်တွေကို ထမ်းဆောင်ပြီး ဂိုဏ်းတွင်းအမှတ်တွေ စုဆောင်းလို့ ရပါတယ်။ အဲဒီအမှတ်တွေကို ဂိုဏ်းထဲက လက်နက်တွေ၊ ကျင့်စဉ်  တွေနဲ့ တခြားအရာတွေနဲ့ လဲလှယ်လို့ ရတာပါ" ဟု အိုင်ဖေးက ရှင်းပြလေသည်။</p> <p> </p> <p>ချင်ယွမ်ဖုန်းက ခေါင်းညိတ်ကာ "ဒါဆို တာဝန်တွေကို ဘယ်မှာ သွားလက်ခံရမလဲ"</p> <p> </p> <p>"ကျွန်တော် လိုက်ပို့ပါ့မယ်။ တာဝန်လက်ခံရမယ့် နေရာက တာဝန်ခန်းမ  မှာ ရှိပါတယ်။ ဒါပေမဲ့ အခုမှ ဂိုဏ်းကို စရောက်တဲ့ တပည့်တွေက အစွမ်း သိပ်မရှိကြသေးတော့ ဘယ်သူမှ တာဝန်လာမယူကြဘူး။ အမှတ်ရှိတဲ့ သူတွေကလည်း တခြားတပည့်တွေဆီကနေ ဝိညာဉ်ကျောက်တုံး  တွေနဲ့ လဲလှယ်ထားတာ ဖြစ်ပါလိမ့်မယ်"</p> <p> </p> <p>ယင်းတို့နှစ်ဦး တာဝန်ခန်းမသို့ ရောက်ရှိသောအခါ တပည့်များစွာ အဝင်အထွက် ရှိနေသည်ကို တွေ့ရသော်လည်း အိုင်ဖေး ပြောသည့်အတိုင်း အသစ်ဝင်တပည့်ဟူ၍ တစ်ဦးမျှ မရှိချေ။</p> <p> </p> <p>"စီနီယာအစ်ကို... ဟိုမှာ ကြည့်လိုက်၊ အဲဒါ ဂိုဏ်းရဲ့ တာဝန်တွေကို ကပ်ထားတဲ့ ဆိုင်းဘုတ်ပဲ"</p> <p>ထိုဆိုင်းဘုတ်တွင် အဖွဲ့အစည်း အသီးသီးမှ ပေးအပ်ထားသော တာဝန်များစွာ ရှိနေပြီး လူအများမှာ မိမိတို့နှင့် သင့်တော်မည့် တာဝန်ကို ရွေးချယ်နေကြလေသည်။</p> <p> </p> <p>ချင်ယွမ်ဖုန်းတို့ နှစ်ဦးလည်း သွားရောက် ကြည့်ရှုရာ တာဝန်အများစုမှာ သားရဲ  များကို နှိမ်နင်းရန် ဖြစ်သည်ကို တွေ့ရလေသည်။</p> <p> </p> <p>ရှန်းဝူ စကြဝဠာ တိုက်ကြီး ပေါ်တွင် သားရဲဟူသည်မှာ ဝိညာဉ်စွမ်းအင်  များ၏ ပြုစုပျိုးထောင်မှုကြောင့် သာမန် တောရိုင်းတိရစ္ဆာန်များမှ အသွင်ပြောင်းလဲသွားသော သတ္တဝါများ ဖြစ်ကြသည်။</p> <p> </p> <p>ယင်းတို့သည်လည်း ကောင်းကင်နှင့် မြေကြီး၏ ဝိညာဉ်စွမ်းအင်များကို စုပ်ယူ၍ ကျင့်ကြံနိုင်ကြပြီး၊ အချို့သော သားရဲများမှာ တိုက်ကြီးပေါ်ရှိ အသန်မာဆုံး လူသားများထက်ပင် ကြောက်မက်ဖွယ် ကောင်းလှပေ၏။</p> <p> </p> <p>ယင်းတို့ကို အဆင့် ၅ ဆင့် ခွဲခြားထားလေသည် ။အခြေခံအဆင့်၊ အလယ်အလတ်အဆင့်၊ အဆင့်မြင့်အဆင့်၊ နတ်သားရဲ နှင့် သန့်ရှင်းသော သားရဲ  တို့ ဖြစ်ကြသည်။</p> <p> </p> <p>လူသားတို့၏ အာရုံစိုက်မှုကို မခံရစေရန်အတွက် ချင်ယွမ်ဖုန်းသည် အလယ်အလတ်အဆင့် ၅ ရှိသော သားရဲကို နှိမ်နင်းသည့် တာဝန်ကိုသာ ရွေးချယ်လိုက်လေသည်။</p> <p> </p> <p>ယင်းတာဝန်ကို အောင်မြင်ပါက အမှတ် ၃၀၀ ရရှိမည် ဖြစ်သည်။</p> <p>စာရင်းတင်သည့်နေရာရှိ အမျိုးသမီးတပည့်မှာ ချင်ယွမ်ဖုန်း ရွေးချယ်လိုက်သော တာဝန်ကို မြင်သောအခါ အံ့အားသင့်သွားပြီး -</p> <p>"ဂျူနီယာမောင်လေး... ဒီတာဝန်ကို ယူမှာ သေချာရဲ့လား"</p> <p> </p> <p>"သေချာပါတယ်၊ ဘာပြဿနာရှိလို့လဲ"</p> <p>"ပြဿနာတော့ မရှိပါဘူး... အားလုံး အဆင်ပြေပါစေလို့ ဆုတောင်းပေးပါတယ်" ဟု ဆိုကာ စာရင်းတင်ပေးလိုက်လေသည်။</p> <p> </p> <p>ချင်ယွမ်ဖုန်း ထွက်ခွာသွားပြီးနောက် တာဝန်ခန်းမတစ်ခုလုံး ဆူညံသွားတော့သည်။</p> <p>"ဟေး... အဲဒီ သွေးဆာနေတဲ့ ကင်းမြီးကောက်တွေကို နှိမ်နင်းတဲ့ တာဝန်ကို တစ်ယောက်ယောက်က ယူသွားပြီဟ"</p> <p> </p> <p>"အဲဒါ နာမည်ခံတပည့် တစ်ယောက်က ယူသွားတာ မဟုတ်လား။ သေချင်လို့လားမသိဘူး၊ ဒါက အလယ်အလတ်အဆင့် ၅ ရှိတဲ့ သားရဲလေ"</p> <p> </p> <p>"ဒါတင်မကဘူး၊ အဲဒီသားရဲတွေက အုပ်စုလိုက် နေတတ်ကြတာ။ တစ်ကောင်ကို သွားထိတာနဲ့ အုပ်စုလိုက်ကြီးနဲ့ ရင်ဆိုင်ရမှာ"</p> <p> </p> <p>"ကြည့်ရတာတော့ အဲဒီ ဂျူနီယာညီလေးကတော့ အသက်အန္တရာယ်နဲ့ ရင်ဆိုင်ရတော့မှာပဲ..."</p> <p> </p> <p> </p> <p>***</p> <p> </p>


Save