Book List

<h2 style="text-align: center;">အခန်း (၁၈)</h2> <h2 style="text-align: center;">ကင်းမြီးကောက်ဘုရင်နှင့် အသည်းယားဖွယ် တိုက်ပွဲ</h2> <h2 style="text-align: center;">*</h2> <h2 style="text-align: center;"> </h2> <p> </p> <p> </p> <p> </p> <p>“ငါ့ရှိကို ယုံကြည်မှုတန်ဖိုးတွေ ဒီလောက်အများကြီး ရောက်လာတာ မဆန်းတော့ပါဘူးလေ... ဒီသွေးဆာနေတဲ့ ကင်းမြီးကောက်တွေက တကယ့်ကို ကိုင်တွယ်ရခက်တဲ့ ကောင်တွေပဲ” ဟု ချင်ယွမ်ဖုန်းက မတတ်သာသည့် လေသံဖြင့် ရေရွတ်လိုက်မိသည်။</p> <p> </p> <p>ဆုတ်သာငဲ့သာမရှိသည့် အခြေအနေတွင် ချင်ယွမ်ဖုန်းမှာ အသက်နှင့်လဲ၍ တိုက်ခိုက်ရန်မှတစ်ပါး အခြားလမ်းမရှိတော့ချေ။</p> <p> </p> <p> မြေပြင်ပေါ်မှ အရိုးတုတ်နှစ်ချောင်းကို ကောက်ယူပြီးနောက် ကြောက်ရွံ့စိတ်တို့ကို ဘေးဖယ်လျက် အဆိပ်ပြင်းလှသော ကင်းမြီးကောက်တို့ကို ထိပ်တိုက်ရင်ဆိုင်လေတော့သည်။</p> <p> </p> <p>ယင်းခဏတွင် ကင်းမြီးကောက်တစ်ကောင်သည် ဘေးတိုက်မှ ချဉ်းကပ်လာပြီး အဆိပ်ဆူးဖြင့် ချင်ယွမ်ဖုန်းအား တိုက်ရိုက်ထိုးနှက်လိုက်၏။</p> <p> </p> <p> ချင်ယွမ်ဖုန်းသည် အဆိပ်ချိတ်ကို ပါးနပ်စွာ ရှောင်တိမ်းကာ လေထဲသို့ မြင့်မားစွာ ခုန်တက်လိုက်သည်။ ထို့နောက် လက်ထဲမှ အရိုးတုတ်ကို ဦးခေါင်းထက်သို့ မြှောက်ကာ အရှိန်အဟုန်ဖြင့် ရိုက်ချလိုက်ရာ ထိုကင်းမြီးကောက်မှာ ရွှံ့နွံပမာ ကြေမွသွားရလေတော့သည်။</p> <p> </p> <p>“... သွေးဆာနေသော ကင်းမြီးကောက်ထံမှ အာဃာတတန်ဖိုး +၁၀၀ ရရှိသည်”</p> <p>သွေးညှီနံ့တို့က ကင်းမြီးကောက်တို့၏ ရိုင်းစိုင်းခက်ထန်မှုကို ပိုမိုလှုံ့ဆော်ပေးသကဲ့သို့ ဖြစ်သွားရာ ၎င်းတို့အားလုံးသည် အဆိပ်ဆူးများကို ကောင်းကင်ယံအနှံ့ ပိတ်ဖုံးထားသကဲ့သို့ ဖြန့်ကျက်လျက် ချင်ယွမ်ဖုန်းထံသို့ အလုံးအရင်းနှင့် တိုးဝင်လာကြကုန်၏။</p> <p> </p> <p> ထိုစဉ် ချင်ယွမ်ဖုန်း၏ ခန္ဓာကိုယ်ထက်၌ နက်မှောင်သော အရှိန်အဝါတစ်ခု ထွက်ပေါ်လာပြီး ကြောက်မက်ဖွယ်ကောင်းသော ပုံရိပ်ကို ဆောင်နှင်းပေးလိုက်သည်။</p> <p> </p> <p>ဤကင်းမြီးကောက်တို့မှာ အလယ်အလတ်အဆင့်ရှိသော သားရဲများသာ ဖြစ်ကြပေရာ ချင်ယွမ်ဖုန်းအတွက်မူ တစ်ချက်တည်းဖြင့် အမှုန့်ပြုနိုင်သော်လည်း အဆိပ်ရှိသော ထိုချိတ်ဆူးများဖြင့် အထိုးမခံရစေရန် အထူးသတိထားရပေမည်။</p> <p> </p> <p>ချင်ယွမ်ဖုန်းသည် မြေပြင်ပေါ်မှ အရိုးတုတ်တို့ကို အဆက်မပြတ်ကောက်ယူ၍ ရိုက်နှက်လိုက်ရာ ကင်းမြီးကောက်တစ်ကောင်ပြီးတစ်ကောင် သေဆုံးသွားရလေသည်။</p> <p> </p> <p>“. သွေးဆာနေသော ကင်းမြီးကောက်ထံမှ အာဃာတတန်ဖိုး +၁၀၀ ရရှိသည်”</p> <p>ချင်ယွမ်ဖုန်းမှာ ထိုကင်းမြီးကောက်များထံမှ ရရှိသော ယုံကြည်မှုတန်ဖိုးများကို စစ်ဆေးရန်ပင် အချိန်မရနိုင်ဘဲ အဆိပ်ချိတ်များကြားမှ ဝေ့ဝဲရှောင်တိမ်းရင်း အရိုးတုတ်ဖြင့် အဆက်မပြတ် ခြေမှုန်းနေရ၏။</p> <p> </p> <p>မဟာဆရာအဆင့်၏ ခွန်အားဗလဖြင့် ချင်ယွမ်ဖုန်းသည် သိုးအုပ်ထဲသို့ ရောက်ရှိနေသော ဝံပုလွေတစ်ကောင်ကဲ့သို့ ခန့်ညားထည်ဝါသော အရှိန်အဝါဖြင့် လှုပ်ရှားနေတော့သည်။</p> <p> </p> <p>အပြင်းအထန် တိုက်ခိုက်ပြီးနောက် ကင်းမြီးကောက် အများအပြားမှာ သူ၏အရိုးတုတ်အောက်တွင်ပင် အသက်ပျောက်ခဲ့ရလေပြီ။</p> <p> </p> <p>ဤတိုက်ပွဲအတွင်း၌ပင် မိမိ၏ ကျင့်စဉ်အဆင့်မှာ အနည်းငယ် လှုပ်ခတ်ပြောင်းလဲလာသည်ကို ချင်ယွမ်ဖုန်း ခံစားလိုက်ရ၏။</p> <p> </p> <p> အတိတ်ကာလက ကျင့်ကြံခြင်း ပါရမီရှိစဉ်က သူ၏အဆင့်မှာ နေ့စဉ်နှင့်အမျှ တဖြည်းဖြည်း တိုးတက်နေခဲ့ခြင်း ဖြစ်သည်။ ကျင့်ကြံခြင်း မပြုလျှင်ပင် အလိုအလျောက် မြင့်တက်နေခဲ့ဖူးသည်။</p> <p> </p> <p>သို့ရာတွင် ထိုအဖြစ်အပျက်ပြီးနောက် ချင်ယွမ်ဖုန်း၏ ကျင့်စဉ်အဆင့်မှာ လုံးဝကွယ်ပျောက်ခဲ့ရပြီး ပါရမီမရှိတော့သည့်အတွက် သူ၏အဆင့်မှာ အလိုအလျောက် မြင့်တက်လာခြင်း မရှိတော့ပေ။</p> <p> </p> <p>“တိုက်ပွဲဝင်ခြင်းကသာ ပညာရှင်တစ်ဦးရဲ့ အဆင့်ကို အမြန်ဆုံးမြှင့်တင်နိုင်တဲ့ နည်းလမ်းပဲ ဖြစ်တယ်” ဟု ချင်ယွမ်ဖုန်းက သက်ပြင်းချလျက် ရေရွတ်လိုက်သည်။</p> <p> </p> <p>ယခုအခါတွင် သွေးဆာနေသော ကင်းမြီးကောက် ဆယ်ကောင်ခန့်နှင့် ကင်းမြီးကောက်ဘုရင်တစ်ကောင်သာ ကျန်ရှိတော့၏။</p> <p> </p> <p>ကင်းမြီးကောက်ဘုရင်သည် ၎င်း၏ သေးငယ်သော မျက်လုံးများဖြင့် ဝေ့ဝဲကြည့်ပြီးနောက် ချင်ယွမ်ဖုန်းထံသို့ တိုက်ရိုက် စီးနင်းဝင်ရောက်လာရာ မြေပြင်ပင် သိမ့်သိမ့်တုန်သွားသည်ဟု ခံစားရသည်။</p> <p> </p> <p>“မင်း လာတာ အချိန်ကိုက်ပဲ... ငါ့ရဲ့ အဆင့်တက်လှမ်းဖို့အတွက် မင်းကိုပဲ နင်းကြမ်းအဖြစ် သုံးရတော့မှာပေါ့”</p> <p> </p> <p>ချင်ယွမ်ဖုန်းသည် ရုတ်ချည်းပင် လေထဲသို့ ခုန်တက်ကာ အရိုးတုတ်ဖြင့် အားကုန်လွှဲ၍ ရိုက်ချလိုက်၏။</p> <p> </p> <p>သို့သော် ထိုခဏ၌ ကောင်းကင်ယံတွင် မှောင်မိုက်သော အလင်းတန်းတစ်ခု ပေါ်ထွက်လာပြီး ချင်ယွမ်ဖုန်းထံသို့ ပစ်လွှတ်လိုက်သည်။</p> <p> </p> <p>လေထဲတွင် အားပြုစရာမရှိသည့် ချင်ယွမ်ဖုန်းမှာ ထိုအလင်းတန်းနှင့် တိုက်ရိုက် တိုးမိတော့သည်။</p> <p>အနီးကပ်ကြည့်ရှုလိုက်သောအခါ ထိုအမည်းရောင် အလင်းတန်းမှာ ကင်းမြီးကောက်ဘုရင်၏ အဆိပ်ချိတ်ဆူး ဖြစ်နေလေသည်။</p> <p> </p> <p> ချင်ယွမ်ဖုန်းမှာ မြေပြင်ပေါ်သို့ လိမ့်ကျသွားပြီး လက်ထဲမှ အရိုးတုတ်ကို မြေပေါ်သို့ ပစ်ချလိုက်ရာ ထိုအရိုးတုတ်မှာ တစ်ခုလုံး မည်းနက်သွားသည်ကို တွေ့ရ၏။</p> <p> </p> <p>လေထဲတွင် ရှိနေစဉ် ရှောင်တိမ်း၍ မရနိုင်တော့ကြောင်း သိရှိသဖြင့် ချင်ယွမ်ဖုန်းသည် အရိုးတုတ်ကို ခန္ဓာကိုယ်ရှေ့တွင် ကာထားခဲ့သောကြောင့်သာ အဆိပ်ချိတ်ဆူး၏ ထိုးနှက်မှုကို သီသီလေး လွတ်ကင်းခဲ့ခြင်း ဖြစ်ပေသည်။</p> <p> </p> <p>“ဒါက တကယ့်ကို ပထမအဆင့် မြင့်မားတဲ့ သားရဲအဆင့်ရှိတဲ့ ကင်းမြီးကောက်ဘုရင်ပဲ” ဟု ချင်ယွမ်ဖုန်းက တိုးတိုးလေး ဆိုလိုက်သည်။</p> <p> </p> <p>ချင်ယွမ်ဖုန်း အခက်တွေ့နေသည်ကို မြင်သောအခါ ကင်းမြီးကောက်မှာ စိတ်လှုပ်ရှားလာပြီး ၎င်း၏ အမြီးထက်မှ အဆိပ်ဆူးကို ဟိုဒီ ဝေ့ယမ်းနေတော့သည်။</p> <p> </p> <p> ရုတ်တရက်ပင် ထိုအဆိပ်ချိတ်မှာ အမည်းရောင် လျှပ်စီးတန်းပမာ ချင်ယွမ်ဖုန်းထံသို့ တစ်ဖန် ပြေးဝင်လာပြန်၏။</p> <p> </p> <p>ချင်ယွမ်ဖုန်းမှာ ဆုတ်နှစ်ခြင်းမရှိဘဲ မြေပြင်ပေါ်၌ နက်ရှိုင်းသော ခြေရာများ ထင်ကျန်စေလျက် ရှေ့သို့ တိုးဝင်သွားသည်။</p> <p> </p> <p>အဆိပ်ချိတ်နှင့် ထိတွေ့လုနီးနီးတွင် သူ၏ ခန္ဓာကိုယ်ကို ထူးဆန်းသော ပုံစံဖြင့် လိမ်ဖယ်ကာ ရှောင်တိမ်းလိုက်ပြီး ကင်းမြီးကောက်ဘုရင်၏ ရှေ့မှောက်သို့ ရောက်ရှိသွားတော့သည်။</p> <p> </p> <p>ကင်းမြီးကောက်၏ သန်မာလှသော လက်မကြီးနှစ်ခုက သူ့အား ညှပ်ရန် ကြိုးစားသော်လည်း ချင်ယွမ်ဖုန်းက လေထဲသို့ ခုန်တက်ကာ ကင်းမြီးကောက်၏ ကျောပေါ်သို့ ဆင်းသက်လိုက်သည်။</p> <p> </p> <p>“ဒူးထောက်စမ်း”</p> <p>ချင်ယွမ်ဖုန်းသည် သူ၏ လက်နှစ်ဖက်ကို တူကြီးပမာ စုစည်းလျက် ကင်းမြီးကောက်ဘုရင်၏ ဦးခေါင်းထက်သို့ အရှိန်အဟုန်ဖြင့် ထုချလိုက်ရာ ပြင်းထန်သော မြည်ဟီးသံနှင့်အတူ ကင်းမြီးကောက်ဘုရင်မှာ မြေပေါ်သို့ ဘုန်းဘုန်းလဲ ကျသွားလေတော့သည်။</p> <p> </p> <p>ချင်ယွမ်ဖုန်း၏ မျက်နှာတွင် ဝမ်းမြောက်ရိပ်များ ယှက်သန်းသွား၏။ အဆင့်တူ ပညာရှင်များထက် သားရဲများက ပိုမိုသန်မာသည်ဟု ဆိုသော်လည်း "စွမ်းအင်စုပ်ယူခြင်း မဟာပညာရပ်" ကြောင့် ရရှိလာသော မဟာခွန်အားကြောင့် ချင်ယွမ်ဖုန်းမှာ ဤကင်းမြီးကောက်ထက်ပင် ပိုမို အစွမ်းထက်နေခြင်း ဖြစ်ပေသည်။</p> <p> </p> <p> ဤသည်မှာ မြင့်မားသော ကျင့်စဉ်ပညာရပ်များ၏ အကျိုးကျေးဇူးပင် ဖြစ်ချေသည်။ အကယ်၍ လူသားအဆင့် ကျင့်စဉ်သာ ဖြစ်ပါက ဤကင်းမြီးကောက်၏ လက်တွင်းမှ လွတ်မြောက်ရန်ပင် ကံကောင်းမှ ဖြစ်ပေလိမ့်မည်။</p> <p> </p> <p>သို့သော် ထိုစဉ် ကျန်ရှိနေသော ကင်းမြီးကောက် ဆယ်ကောင်ကျော်တို့မှာ ၎င်းတို့၏ ဘုရင် ဒုက္ခရောက်နေသည်ကို မြင်သောအခါ အပြေးအလွှား ရောက်ရှိလာပြီး အမြီးမှ အဆိပ်ချိတ်များဖြင့် ချင်ယွမ်ဖုန်းအား ဝိုင်းဝန်း ထိုးနှက်ကြလေသည်။</p> <p> </p> <p>ချင်ယွမ်ဖုန်းမှာ အစွမ်းကုန် ရှောင်တိမ်းသော်လည်း ခြေထောက်တွင် အဆိပ်ဆူး အနည်းငယ် ထိမှန်သွားသဖြင့် ဒဏ်ရာဝန်းကျင်မှာ ချက်ချင်းပင် မည်းနက်သွားရ၏။</p> <p> </p> <p>“တောက်... အမင်္ဂလာကောင်တွေ”</p> <p>ချင်ယွမ်ဖုန်းမှာ ဒေါသတကြီး ဆဲဆိုလိုက်ရင်း အဆိပ်တက်လာသဖြင့် ခေါင်းမူးဝေလာသည်ကို ခံစားလိုက်ရသည်။</p> <p> </p> <p> ထိုအချိန်၌ ကင်းမြီးကောက်ဘုရင်မှာလည်း တစ်ဖန် ပြန်လည်ထလာပြန်၏။ ချင်ယွမ်ဖုန်း၏ ရိုက်ချက်မှာ ပြင်းထန်သော်လည်း အသက်ဆုံးရှုံးစေလောက်သည့် ဒဏ်ရာမျိုး မဟုတ်ခဲ့ပေ။</p> <p> </p> <p>“စွမ်းအင်စုပ်ယူခြင်း မဟာပညာရပ်”</p> <p>ချင်ယွမ်ဖုန်းသည် အောက်သို့ ခုန်ဆင်းကာ အဆိပ်ချိတ်ကို ရှောင်တိမ်းလျက် ကင်းမြီးကောက်တစ်ကောင်၏ ဦးခေါင်းပေါ်သို့ သူ၏ လက်ဝါးကို တင်လိုက်၏။</p> <p> </p> <p>တစ်ခဏအတွင်းမှာပင် ထိုကင်းမြီးကောက်မှာ ချင်ယွမ်ဖုန်း၏ စုပ်ယူခြင်းကို ခံလိုက်ရပြီး အမည်းရောင် အဆိပ်ဆူးသာ ကျန်ရစ်တော့သည်။</p> <p> </p> <p>ချင်ယွမ်ဖုန်းသည် ဒေါသအဟုန်ဖြင့် အဆိပ်များ မပြန့်နှံ့မီ တစ်ကောင်ပြီးတစ်ကောင် ခုန်အုပ်ကာ မျက်စိတစ်မှိတ်အတွင်းမှာပင် ကျန်ရှိနေသော ကင်းမြီးကောက် ဆယ်ကောင်ကျော်လုံးကို အခြောက်တိုက် အလောင်းများ ဖြစ်သွားစေခဲ့သည်။</p> <p> </p> <p>ဤကင်းမြီးကောက်များမှာ အလယ်အလတ်အဆင့် သားရဲများသာ ဖြစ်သဖြင့် ချင်ယွမ်ဖုန်း စုပ်ယူလိုက်သော စွမ်းအင်မှာ ဒုတိယအဆင့် မဟာဆရာအဆင့်သို့ တိုက်ရိုက်တက်လှမ်းရန် မလုံလောက်သေးချေ။</p> <p> </p> <p>ထိုအခါ ကင်းမြီးကောက်ဘုရင်သည် ချင်ယွမ်ဖုန်းအား စိုက်ကြည့်ကာ ၎င်း၏ ကြီးမားသော ခန္ဓာကိုယ်ကို လှည့်ပတ်လျက် လက်မကြီးများဖြင့် ညှပ်ရန် ပြင်ဆင်တော့သည်။</p> <p> </p> <p>အဆိပ်ချိတ်မှာလည်း အမည်းရောင် အလင်းတန်းပမာ ချင်ယွမ်ဖုန်းထံသို့ ပြေးဝင်လာပြန်၏။</p> <p> </p> <p>ချင်ယွမ်ဖုန်း၏ မျက်လုံးများ ပြူးကျယ်သွားပြီး ခန္ဓာကိုယ်ထက်မှ အမည်းရောင် စွမ်းအင်များမှာ ပိုမို နက်မှောင်လာရာ သူကိုယ်တိုင်ပင်လျှင် နက်ရှိုင်းသော ဟင်းလင်းပြင်တစ်ခုအလား ထင်မှတ်ရပေတော့သည်။</p> <p> </p> <p>အဆိပ်ချိတ် ရောက်ရှိလာသော ခဏတွင် ချင်ယွမ်ဖုန်းသည် ကိုယ်ကို အနည်းငယ် တိမ်းစောင်းလျက် ရှောင်တိမ်းလိုက်ပြီး ကင်းမြီးကောက်ဘုရင်၏ အမြီးကို လက်နှစ်ဖက်ဖြင့် ဆုပ်ကိုင်လိုက်၏။</p> <p> </p> <p>“ဟား...”</p> <p>ချင်ယွမ်ဖုန်းသည် ဟိန်းဟောက်လိုက်ရင်း ရှိသမျှ အားအင်တို့ကို အသုံးပြုကာ ကင်းမြီးကောက်ဘုရင်၏ ကြီးမားလှသော ခန္ဓာကိုယ်ကို လေထဲသို့ မြှောက်၍ မြေပြင်ပေါ်သို့ အရှိန်အဟုန်ဖြင့် တစ်ဖန်ပြန်၍ ရိုက်ချလိုက်လေတော့သတည်း။</p> <p> </p> <p>***</p> <p> </p>


Save