Book List

<h2 style="text-align: center;">အခန်း (၂၃)</h2> <h2 style="text-align: center;">သန့်စင်သော နတ်ရေစင်</h2> <h2 style="text-align: center;">*</h2> <p> </p> <p> </p> <p> </p> <p> </p> <p>"သဘာဝ နတ်စမ်းရေရဲ့ အာနိသင်ကတော့ အံ့မခန်းနိုင်လောက်အောင် ထူးခြားလွန်းလှတဲ့အတွက်  ရေနှောပြီး အာနိသင် လျှော့ချလိုက်ရင်တောင် ထိရောက်မှု ရှိနေဦးမှာ ဖြစ်သလို သူတစ်ပါးရဲ့ အာရုံစိုက်မှုကိုလည်း အလွန်အကျွံ ဆွဲဆောင်ရာ မရောက်နိုင်တော့ဘူး" ဟု ချင်ယွမ်ဖုန်းက ပြုံးရွှင်စွာဖြင့် ရေရွတ်လိုက်သည်။</p> <p> </p> <p>သူ၏ ရည်ရွယ်ချက်မှာ ဤနတ်စမ်းရေကို ရောင်းချရန်သာ ဖြစ်ချေသည်။ အကယ်၍ ထိုသို့သော နတ်ဘုရားအဆင့် ရတနာပစ္စည်းမျိုး မြေပြင်ပေါ်သို့ ပေါ်ထွက်လာခဲ့ပါက စကြဝဠာ တိုက်ကြီးအတွင်းရှိ လူအများက ဝိုင်းအုံလုယူကြမည် ဖြစ်ရာ မိမိကိုယ်တိုင်မှာလည်း အများ၏ ရန်သူတော်ကြီး ဖြစ်သွားပေလိမ့်မည်။</p> <p> </p> <p>ထို့ကြောင့်ပင် ပိုမိုဘေးကင်းစေရန်အတွက် သတိကြီးစွာ ထားရခြင်း ဖြစ်တန်ရာသည်။</p> <p>ချင်ယွမ်ဖုန်းသည် ကျောက်စိမ်းပုလင်းငယ်အတွင်းရှိ ရေတွင် လက်ချောင်းတစ်ချောင်းကို နှစ်လိုက်ပြီးနောက် မြေပြင်ပေါ်ရှိ မြက်ပင်လေးတစ်ပင်ပေါ်သို့ ခါထုတ်လိုက်ချေသည်။</p> <p> </p> <p> ထိုခဏ၌ပင် ထိုမြက်ပင်လေးမှာ တဖြည်းဖြည်းချင်း စတင်ကြီးထွားလာလေတော့သည်။ သို့သော်လည်း ရေနှောထားသောကြောင့် ကြီးထွားနှုန်းမှာ အနည်းငယ် နှေးကွေးနေပြီး မြက်ပင်၏ သဘာဝ ကြီးထွားချိန် လအနည်းငယ်ခန့်ကိုသာ အချိန်တိုအတွင်း ရောက်ရှိသွားစေခြင်း ဖြစ်သည်။</p> <p> </p> <p>အကယ်၍သာ ဤကျောက်စိမ်းပုလင်းအတွင်းရှိ ရေအားလုံးကို မြက်ပင်ပေါ်သို့ လောင်းချလိုက်ပါက ထိုမြက်ပင်မှာ မျက်စိတစ်မှိတ်အတွင်း အမြင့်ဆုံးအဆင့်ထိ ချက်ချင်း ကြီးထွားသွားပေလိမ့်မည်။</p> <p> </p> <p>ယင်းကပင် သဘာဝ နတ်စမ်းရေ၏ အာနိသင် ဖြစ်ချေသည်။ သို့သော် အဆပေါင်း ရာနှင့်ချီ၍ ရေနှောထားသည့် တိုင်အောင် ယခုကဲ့သို့ ထိရောက်မှု ရှိနေသေးသည်မှာ အံ့ဩဖွယ်ပင်။</p> <p> </p> <p>"ရေနှောထားတဲ့ ဒီရေကိုတော့ သဘာဝ နတ်စမ်းရေလို့ ခေါ်လို့ မသင့်တော်တော့ဘူး 'သန့်စင်သော နတ်ရေစင်' လို့ပဲ အမည်ပေးလိုက်တော့မယ်။ နောင်တစ်ချိန်မှာ ငွေကြေး လိုအပ်လာခဲ့ရင် ဒီရေကို ရေနှောပြီး ရောင်းချလို့ ရတာပေါ့" ဟု ချင်ယွမ်ဖုန်းက မိမိကိုယ်ကို ဂုဏ်ယူစွာဖြင့် တွေးတောနေမိသည်။</p> <p> </p> <p>သူသည် ကျောက်စိမ်းပုလင်းကြီးအတွင်းမှ နတ်ရေစင်များကို ကျောက်စိမ်းပုလင်းငယ် အလုံးပေါင်း တစ်ရာအတွင်းသို့ ခွဲထည့်ကာ ပုလင်းဝများကို ပိတ်ဆို့လိုက်ချေသည်။</p> <p> </p> <p>ပုလင်းတစ်လုံးစီတွင် နတ်ရေစင် အစက်ပေါင်း တစ်ရာခန့် ပါဝင်ပြီး ယင်းက ဝိညာဉ်ဆေးမြက်ပင်များ၏ ကြီးထွားချိန် ဆယ်နှစ်ကျော်ခန့်ကို အချိန်တိုအတွင်း ရောက်ရှိစေနိုင်သည်။</p> <p> </p> <p>ယေဘုယျအားဖြင့် ဝိညာဉ်ဆေးမြက်ပင်များသည် သက်တမ်း ကြာရှည်လေလေ၊ တန်ဖိုးနှင့် အဆင့်အတန်း မြင့်မားလေလေ ဖြစ်ရာ သက်တမ်းရင့်ပြီး အဆင့်မြင့်သော ဆေးမြက်ပင်များမှာ ရှာဖွေရန် အလွန်ခဲယဉ်းလှပေသည်။</p> <p> </p> <p>ထို့ကြောင့် ဆယ်နှစ်ကျော် သက်တမ်းကို အချိန်တိုအတွင်း ရရှိစေခြင်းမှာ ဝိညာဉ်ဆေးမြက်ပင်များအတွက် အလွန်ပင် တန်ဖိုးရှိလှချေသည်။</p> <p> </p> <p>ပစ္စည်းများကို သိမ်းဆည်းပြီးနောက် ချင်ယွမ်ဖုန်းသည် လမ်းမပေါ်သို့ တစ်ဖန် ပြန်လည် ထွက်ခွာလာခဲ့ပြီး ချန်ဟုန်း ကုန်သည်ကြီးများအသင်းအတွင်းသို့ ဝင်ရောက်ခဲ့လေသည်။</p> <p> </p> <p>"မိတ်ဆွေ.. ဘာများ အလိုရှိပါသလဲ" ဟု အရောင်းဝန်ထမ်း အမျိုးသမီးလေးတစ်ဦးက ပြုံးရွှင်စွာဖြင့် အပြေးအလွှား လာရောက် မေးမြန်းချေသည်။</p> <p> </p> <p> ချင်ယွမ်ဖုန်း ကြည့်လိုက်သောအခါ ထိုအမျိုးသမီးမှာ ယခင်က သူလာရောက်စဉ်ကပင် ကြိုဆိုခဲ့သည့် ဝန်ထမ်းလေး ဖြစ်နေသည်ကို တွေ့လိုက်ရသဖြင့် ကံကြမ္မာ၏ ဆုံစည်းမှုအပေါ် စိတ်ထဲမှ တိတ်တဆိတ် သက်ပြင်းချမိလေသည်။</p> <p> </p> <p>"ဒီက တာဝန်ခံနဲ့ တွေ့ချင်တယ်။ ငါ့မှာ ရောင်းစရာ ပစ္စည်းရှိလို့ပါ" ဟု ချင်ယွမ်ဖုန်းက သူ၏ အသက်အရွယ်အမှန်ကို သူတစ်ပါး မသိနိုင်စေရန် အသံကို တမင် နှိမ့်၍ ပြောဆိုလိုက်သည်။</p> <p> </p> <p>"တာဝန်ခံနဲ့လားရှင့်" ဟု ထိုဝန်ထမ်းလေးမှာ အံ့အားသင့်သွားပြီး "အကယ်၍ ရောင်းချချင်တာရှိရင် ဒီမှာ ကျွမ်းကျင်တဲ့ အကဲဖြတ်ပညာရှင်တွေ ရှိပါတယ်ရှင်။ ဈေးနှုန်းကလည်း အလွန်တရာ မျှတပါတယ်" ဟု ပြန်လည် ပြောကြားလိုက်သည်။</p> <p> </p> <p>"မဟုတ်ဘူး... ငါ့မှာ ရှိတဲ့အရာက အလွန်ကို အစွမ်းထက်တဲ့ ပစ္စည်းမို့ မင်းတို့ တာဝန်ခံနဲ့ပဲ တွေ့ရမယ်" ဟု ချင်ယွမ်ဖုန်းက အခိုင်အမာ ဆိုလိုက်ချေသည်။</p> <p> </p> <p>ဝန်ထမ်းလေးမှာ ခဏမျှ စဉ်းစားပြီးနောက် "ဒါဆိုရင် ကျွန်မ သွားမေးပေးပါမယ်ရှင်။ ကျွန်မတို့ တာဝန်ခံက အခု လေလံပွဲအတွက် ပြင်ဆင်နေလို့ မအားလပ်တာမျိုး ဖြစ်နိုင်ပါတယ်" ဟု ဆိုကာ ခန်းမအတွင်းဘက်သို့ အပြေးအလွှား သွားရောက်ခဲ့သည်။</p> <p> </p> <p>ချင်ယွမ်ဖုန်းသည် အနားယူဆောင်တွင် ခေတ္တ ထိုင်စောင့်နေစဉ် ထိုဝန်ထမ်းလေးမှာ အဘိုးချန်ထံသို့ တိုက်ရိုက် သွားရောက်သည်ကို မြင်တွေ့လိုက်ရသဖြင့် "အဘိုးချန်က ဒီက တာဝန်ခံ ဖြစ်နေတာလား" ဟု လန့်ဖျပ်သွားမိသည်။</p> <p> </p> <p>သို့သော်လည်း အဘိုးချန်သည် ချင်ယွမ်ဖုန်းအား သူသဘောကျရသည့် လူငယ်လေးအဖြစ် မမှတ်မိဘဲ ခန်းမနောက်ဖေးတံခါးမှ လျင်မြန်စွာ ထွက်ခွာသွားလေသည်။</p> <p> </p> <p>မကြာမီပင် အဘိုးချန် ပြန်လည် ရောက်ရှိလာပြီး "မိတ်ဆွေ... ကျွန်တော်တို့ရဲ့ တာဝန်ခံက မိတ်ဆွေကို တွေ့ဆုံဖို့ ဖိတ်ကြားလိုက်ပါတယ်" ဟု ပြုံးရွှင်စွာ ဆိုလေသည်။</p> <p> </p> <p>ချင်ယွမ်ဖုန်းလည်း ခေါင်းညိတ်ပြကာ အဘိုးချန်၏ နောက်သို့ လိုက်ပါသွားခဲ့ချေသည်။</p> <p>ချန်ဟုန်း ကုန်သည်ကြီးများအသင်းမှာ အလွန်ပင် ကျယ်ဝန်းလှပေရာ ရှေ့ဘက်ခန်းမဆောင်နှင့် အဆောက်အဦးမှာ အစိတ်အပိုင်း တစ်ခုမျှသာ ဖြစ်သည်။</p> <p> </p> <p>ဒုတိယထပ်ရှိ သီးသန့်အခန်းတစ်ခုသို့ ရောက်သောအခါ ချင်ယွမ်ဖုန်းမှာ အံ့အားသင့်သွားရသည်မှာ တာဝန်ခံမှာ အလွန်ပင် လှပချောမောသော အမျိုးသမီးတစ်ဦး ဖြစ်နေခြင်းကြောင့်ပင်။</p> <p> </p> <p>အသက်သုံးဆယ်ကျော်ခန့်သာ ရှိဦးမည့် ထိုအမျိုးသမီး၏ အလှတရားမှာ ရင်သပ်ရှုမောဖွယ် ဖြစ်နေပြီး "အလှတရားပေါင်း တစ်သောင်း ခြံရံထားသည့် ကမ္ဘာလောကတွင် တွေ့ရခဲသော အဆင်းရှိသူ" ဟူသော စကားစုမှာ ချင်ယွမ်ဖုန်း၏ စိတ်ထဲတွင် အလိုအလျောက် ပေါ်ပေါက်လာချေသည်။</p> <p> </p> <p>"ဒါကတော့ နန်ဝူးမြို့ ချန်ဟုန်း ကုန်သည်ကြီးများအသင်းခွဲရဲ့ တာဝန်ခံ 'လင်ဇီအာ' ဖြစ်ပါတယ်" ဟု အဘိုးချန်က မိတ်ဆက်ပေးလိုက်သည်။</p> <p> </p> <p>"ကျွန်တော့်မျိုးရိုးက ချင် ပါ" ဟု ချင်ယွမ်ဖုန်းက ဆိုလိုက်ရာ အဘိုးချန်မှာ ခေတ္တမျှ ငိုင်ကျသွားပြီး ချင်ယွမ်ဖုန်း အမည်ရှိသော လူငယ်လေးအား သတိရသွားမိသည်။ သို့သော်လည်း ရှေ့မှလူမှာ ဝတ်ရုံနက်ကို ခြုံထားသဖြင့် မည်သူမည်ဝါ ဖြစ်သည်ကို မခန့်မှန်းနိုင်ချေ။</p> <p> </p> <p>"သ​ခင်လေးချင်ပဲ ဖြစ်မှာပါ... ကျွန်မကို အခိုင်အမာ တွေ့ချင်တယ်ဆိုတော့ ကျွန်မကို ဘာများ ကူညီပေးချင်လို့ပါလိမ့်" ဟု လင်ဇီအာက ရယ်မောကာ ပြောဆိုလိုက်ရာ ကမ္ဘာလောကကြီး တစ်ခုလုံးပင် အရောင်အသွေး ပြောင်းလဲသွားသယောင် ထင်မှတ်ရသည်။</p> <p> </p> <p>ချင်ယွမ်ဖုန်းမှာ ခဏမျှ ငေးမောသွားမိသော်လည်း လျင်မြန်စွာပင် စိတ်ကို ပြန်လည် ထိန်းချုပ်လိုက်သည်။</p> <p> </p> <p>သူသည် အခန်းအတွင်းရှိ အိုးစိုက်ပန်းပင်အနီးသို့ သွားကာ သူ၏ သိုလှောင်အိတ်အတွင်းမှ ကျောက်စိမ်းပုလင်းငယ်ကို ထုတ်ယူ၍ နတ်ရေစင် တစ်စက်ကို ပန်းပင်ပေါ်သို့ လောင်းချလိုက်လေသည်။</p> <p> </p> <p>ထိုခဏ၌ပင် ပန်းပင်လေးမှာ ချက်ချင်းပင် ညှိုးနွမ်းသွားလေတော့သည်။</p> <p>ချင်ယွမ်ဖုန်းမှာ ထိတ်လန့်သွားပြီး "ဒါက ဘာဖြစ်တာလဲ... သန့်စင်သော နတ်ရေစင် ဖြစ်ပါလျက်နဲ့ ဘာလို့ ညှိုးနွမ်းသွားရတာလဲ" ဟု ချွေးပြန်ကာ တွေးတောနေမိသည်။</p> <p> </p> <p>လျှို့ဝှက် ဆရာသခင်  တစ်ဦးဖြစ်သည့် အဘိုးချန်ကို ခေတ္တဖယ်ထားဦးတော့၊ လင်ဇီအာ၏ ကျင့်ကြံခြင်း အဆင့်အတန်းမှာပင် ချင်ယွမ်ဖုန်းထက် လျော့နည်းမည် မဟုတ်သည်မှာ အသေအချာပင် ဖြစ်တန်ရာသည်။ </p> <p> </p> <p> သို့သော်လည်း လင်ဇီအာနှင့် အဘိုးချန်တို့၏ မျက်နှာတွင်မူ အံ့အားသင့်မှုများဖြင့် ပြည့်နှက်နေသည်ကို တွေ့လိုက်ရလေသည်။</p> <p>"ဒါ... ဒါက ဘာလဲ" ဟု အဘိုးချန်က ဦးစွာ မေးမြန်းလိုက်သည်။</p> <p> </p> <p>လင်ဇီအာက ခေါင်းညိတ်ကာ "ဒီပန်းက အခုဆိုရင် အစွမ်းကုန် ပွင့်လန်းနေရမှာ ဖြစ်ပေမဲ့ အခု ညှိုးနွမ်းသွားတာဟာ သူက အချိန်တိုအတွင်းမှာ ဖူးပွင့်ခြင်း၊ ညှိုးနွမ်းခြင်းနဲ့ အဖူးအသစ် ပြန်ထွက်ခြင်းဆိုတဲ့ ဖြစ်စဉ်တွေကို ဖြတ်သန်းသွားတာ ဖြစ်ရမယ်။ ဒါဟာ လအနည်းငယ် ကြာပြီးနောက်မှာ ဖြစ်ပေါ်မယ့် ပုံစံမျိုးပါ" ဟု ရှင်းပြလိုက်သည်။</p> <p> </p> <p> ချင်ယွမ်ဖုန်း ကြည့်လိုက်သောအခါ ညှိုးနွမ်းနေသော ပန်းပင်တွင် အဖူးအသစ်လေး တစ်ဖူး တကယ်ပင် ထွက်ပေါ်နေသည်ကို တွေ့လိုက်ရသဖြင့် သက်ပြင်းချနိုင်လေတော့သည်။</p> <p> </p> <p>"မှန်တယ်... ဒီနတ်ရေစင်ဟာ အပင်တွေရဲ့ ကြီးထွားမှုကို မြန်ဆန်စေရုံတင်မကဘဲ ဘေးထွက်ဆိုးကျိုး လုံးဝမရှိသလို ဝိညာဉ်ဆေးမြက်ပင်တွေရဲ့ ဂုဏ်သတ္တိကိုလည်း မြှင့်တင်ပေးနိုင်ပါတယ်။ သားရဲတွေအပေါ်မှာတောင် သက်ရောက်မှုရှိပြီး မှော်သားရဲတွေအဖြစ် သွေးသားပြောင်းလဲမှုကို ဖြစ်ပေါ်စေနိုင်ပါတယ်" ဟု ချင်ယွမ်ဖုန်းက တည်ငြိမ်စွာဖြင့် ဆိုလိုက်ချေသည်။</p> <p>***</p> <p> </p>


Save