Book List

<h2 style="text-align: center;">အခန်း (၅၉၇)</h2> <h2 style="text-align: center;">နတ်ဘုရားစွမ်းရည် သိုင်းပညာ။ ကျားဖြူဟိန်းသတ်ချက်။ (၂)</h2> <h2 style="text-align: center;">*</h2> <p> </p> <p> </p> <p> </p> <p> </p> <p>"တော်... တော်တော့..." ရှီပုဖော်သည် တစ်စုံတစ်ခုကို ပြောရန် ကြိုးစားခဲ့သော်လည်း စူးချန်ခုန်းက သူ့ကို အခွင့်အရေး မပေးခဲ့ပေ။ သူ၏ ညာလက်သီးကို အမြင့်သို့ မြှောက်ကာ ရှီပုဖော်၏ ဦးခေါင်းတည့်တည့်သို့ ထိုးချလိုက်လေသည်။</p> <p> </p> <p>"ဂျွတ်"</p> <p> </p> <p>မြေပြင်ပေါ်တွင် ဒူးထောက်လျက်သား ဖြစ်နေသော ရှီပုဖော်သည် ရှောင်တိမ်းရန်နှင့် ခုခံရန် ကြိုးစားခဲ့သော်လည်း အင်အားတစ်စက်မျှ မစုစည်းနိုင်တော့ပေ။ သူ၏ မျက်လုံးများထဲတွင် ထိတ်လန့်မှုများ ပြည့်နှက်နေစဉ်မှာပင် စူးချန်ခုန်း၏ ပြင်းထန်သော လက်သီးချက်မှာ သူ၏ ဦးခေါင်းခွံကို ဖရဲသီးတစ်လုံးကဲ့သို့ အစိတ်စိတ်အမြွှာမြွှာ ပေါက်ကွဲသွားစေခဲ့သည်။</p> <p> </p> <p>ဝူး...</p> <p> </p> <p>ရှီပုဖော်ကို သတ်လိုက်သည်နှင့် တစ်ပြိုင်နက် စူးချန်ခုန်း၏ ခန္ဓာကိုယ်မှာ ဘေးဘက်သို့ ဆယ်ပေကျော် ခုန်ထွက်သွားရာ လွင့်စင်လာသော သွေးများကိုသာမက ရှီပုဖော်၏ သွေးကြောများအတွင်းမှ ထွက်ပေါ်လာသော သွေးမျိုးဆက်အမှတ်အသားများကိုပါ ရှောင်တိမ်းနိုင်ခဲ့သည်။</p> <p> </p> <p>မျိုးရိုးမြင့် မိသားစုဝင်များ၏ ခန္ဓာကိုယ်အတွင်းတွင် သွေးမျိုးဆက်အမှတ်အသားများ ရှိကြသည်။ အနီးကပ် သတ်ဖြတ်မိပါက ထိုအမှတ်အသားများမှာ လူသတ်သမား၏ ခန္ဓာကိုယ်အတွင်းသို့ ပျံဝင်သွားတတ်သည်။ သို့သော် သမင်ပြကွက်ဖြင့် စူးချန်ခုန်းသည် အနီးကပ် သတ်ဖြတ်သော်လည်း ထိုသွေးမျိုးဆက်အမှတ်အသားများ မိမိကိုယ်ထဲသို့ မဝင်ရောက်အောင် ရှောင်တိမ်းနိုင်ခဲ့သည်။</p> <p> </p> <p>"ခေါင်းဆောင်"</p> <p> </p> <p>စာပေသုခဘုံအတွင်း၌ ဝမ်းနည်းပူဆွေးသော အော်ဟစ်သံများ ဆက်တိုက် ထွက်ပေါ်လာသည်။ ကျောက်တုံးမြို့တော်တွင် အင်အားအကြီးဆုံးဟု ဆိုရမည့် ရှီမိသားစုခေါင်းဆောင်မှာ စူးချန်ခုန်းနှင့် တိုက်ခိုက်ရာတွင် ဤမျှလျင်မြန်စွာ ရှုံးနိမ့်ကာ သေဆုံးသွားလိမ့်မည်ဟု မည်သူမျှ မထင်ထားခဲ့ကြပေ။</p> <p> </p> <p>ထိုအချိန်တွင် မိုင်ပေါင်းထောင်ချီ ဝေးကွာသော ကျောက်တုံးတောင်၌ ကျောက်ရုပ်ထုတစ်ခုကို ထုဆစ်နေသော ခန့်ညားသည့် လူငယ်လေး ရှီကျန့်ထျန်းမှာ အနည်းငယ် တုန့်ဆိုင်းသွားပြီး သူ၏ လက်ရှိ ထုဆစ်နေသော ရုပ်ထုပေါ်တွင် အကျည်းတန်သော အနာအဆာတစ်ခု ဖြစ်သွားသည်။</p> <p> </p> <p>"ရှီပုဖော်... သေသွားပြီလား။ ငါပေးထားတဲ့ ကျောက်တုံးဘုရင်မျက်လုံး ရှိနေတာတောင် ဒီလိုမျိုး မဖြစ်သင့်ဘူး"</p> <p> </p> <p>ရှီကျန့်ထျန်း မျက်မှောင် အနည်းငယ် ကြုတ်လိုက်သည်။ သူ ပေးအပ်ထားသော ကျောက်တုံးဘုရင်မျက်လုံးမှတစ်ဆင့် ရှီပုဖော်၏ အသက်အရှိန်အဝါ ကွယ်ပျောက်သွားသည်ကို သူ ခံစားလိုက်ရသည်။</p> <p> </p> <p>အင်အားချည့်နဲ့နေပြီဖြစ်သော လီမိသားစုတွင် ပိုင်ရှင်းကျစ် ချန်ထားရစ်ခဲ့သော အစီအစဉ်များနှင့် အသေခံလှည့်ကွက်များ ရှိနေသေးသဖြင့် ရှီပုဖော်မှာ အမှားအယွင်း ဖြစ်သွားခဲ့တာလား။</p> <p> </p> <p>"ကျောက်တုံးဘုရင်မျက်လုံးကနေတစ်ဆင့် ကြည့်ရအောင်..." ရှီကျန့်ထျန်းသည် စိတ်ကို အာရုံစိုက်လိုက်ကာ ဘာဖြစ်ခဲ့မှန်း သိရအောင် ကြိုးစားလိုက်သည်။</p> <p> </p> <p>"ဂျွတ်"</p> <p> </p> <p>သို့သော် ဝေးကွာလှသော စာပေနိဗ္ဗာန်ဘုံအတွင်း၌ စူးချန်ခုန်းသည် တစ်စုံတစ်ဦးက စောင့်ကြည့်နေသည်ဟု ခံစားလိုက်ရသဖြင့် မြေပြင်ပေါ်သို့ ပြုတ်ကျနေသော ကျောက်တုံးဘုရင်မျက်လုံးကို ချက်ချင်းပင် နင်းခြေဖျက်ဆီးပစ်လိုက်သည်။</p> <p> </p> <p>"ဒီမျက်လုံးကို ရှီမိသားစုက ပညာရှင်တစ်ယောက်က ရှီပုဖော်ကို ပေးထားတာပဲ။ ခုနက ငါ့ရဲ့ လှုပ်ရှားမှုတွေကိုတောင် သက်ရောက်မှု ရှိခဲ့သေးတယ်... ဒီမျက်လုံးကို ပေးခဲ့တဲ့သူက တကယ့်ကို ကြောက်စရာကောင်းတဲ့သူ ဖြစ်ရမယ်"</p> <p> </p> <p>စူးချန်ခုန်းက စဉ်းစားလိုက်သည်။ ရှီပုဖော်၏ နဖူးအလယ်ရှိ မျက်လုံးမှာ သာမန်ကျောက်ခဲများဖြင့်သာ ပြုလုပ်ထားခြင်း ဖြစ်သည်။ ကံကောင်းထောက်မစွာဖြင့် သူ၏ ဝူချင်းရှီမှာ အဆင့် ၁၁ သို့ ရောက်ရှိနေပြီး သူ၏ သမင်ကျင့်စဉ် သိုင်းပညာမှာလည်း အလွန်တရာ ဖျတ်လတ်လှသဖြင့် ထိုသက်ရောက်မှုမှ သူ ရုန်းထွက်နိုင်ခဲ့ခြင်း ဖြစ်သည်။</p> <p> </p> <p>နှစ်ပေါင်းထောင်ချီ သက်တမ်းရှိသော ရှီမိသားစုမှာ ရိုးရှင်းသူများမဟုတ်ကြောင်း စူးချန်ခုန်း ကောင်းစွာ နားလည်ပါ၏။ ထိုမိသားစုအတွင်း၌ ခန့်မှန်းရခက်သော အလွန်အင်အားကြီးမားသည့် ပုဂ္ဂိုလ်များ ရှိနေပြီး ရှီပုဖော်ကို ဤမျက်လုံး ပေးခဲ့သူမှာလည်း ရှီမိသားစု၏ အင်အားအကြီးဆုံး အဖွဲ့ဝင်တစ်ဦး ဖြစ်ရပေမည်။</p> <p> </p> <p>"ရှီပုဖော်... တကယ်ပဲ သေသွားပြီလား"</p> <p> </p> <p>ခေါင်းမရှိသော အလောင်းကြီး မြေပြင်ပေါ်သို့ လဲကျသွားသည်ကို မြင်လိုက်ရသောအခါ လီစုန့်၊ လီရွှယ်နှင့် အခြားသော လီမိသားစုမှ လက်ရွေးစင်အဖွဲ့ဝင်များမှာလည်း မှင်သက်သွားကြသည်။</p> <p> </p> <p>လီမိသားစုကို အကြီးအကျယ် ဖိအားပေးခဲ့ပြီး စာပေနိဗ္ဗာန်ဘုံထဲသို့ ပုန်းအောင်းနေအောင် လုပ်ခဲ့သော အင်အားကြီး ပုဂ္ဂိုလ်မှာ သူတို့ မထင်မှတ်ထားသော လျှို့ဝှက်ဆန်းပြားသည့် "သခင်လေးစူး" ၏ လက်သီးတစ်ချက်တည်းဖြင့် သေဆုံးသွားခဲ့ရလေပြီ။</p> <p> </p> <p>"လီမိသားစုခေါင်းဆောင်၊ စာပေနိဗ္ဗာန်ဘုံရဲ့ ဝင်ပေါက်ကို ပိတ်လိုက်။ ဘယ်သူ့ကိုမှ မလွတ်စေနဲ့"</p> <p> </p> <p>စူးချန်ခုန်း၏ အသံ ထွက်ပေါ်လာသည်။ ယခုအခါ သူ စတင်လှုပ်ရှားနေပြီဖြစ်ရာ ဤရန်သူအားလုံးကို တစ်ယောက်မကျန် သတ်ဖြတ်ရန် သူ ဆုံးဖြတ်ထားသည်။</p> <p> </p> <p>"ကောင်းပါပြီ"</p> <p> </p> <p>လီစုန့်သည် စိတ်ဓာတ်များ ပြန်လည်တက်ကြွလာပြီး ချက်ချင်း သဘောတူလိုက်သည်။</p> <p> </p> <p>ရှီပုဖော်နှင့် အခြားသူများသည် ထိုထူးဆန်းသော မျက်လုံးကြောင့် စာပေနိဗ္ဗာန်ဘုံထဲသို့ ဝင်လာနိုင်ခဲ့ခြင်း ဖြစ်သည်။ ယခုအခါ ရှီပုဖော် သေဆုံးသွားပြီး မျက်လုံးမှာလည်း စူးချန်ခုန်းကြောင့် ပျက်စီးသွားပြီဖြစ်ရာ သူတို့အတွက် ဝင်လာရသည်မှာ လွယ်ကူသော်လည်း ပြန်ထွက်သွားရန်မှာမူ မလွယ်ကူတော့ပေ။</p> <p> </p> <p>ဆွေမျိုးသားချင်းများ သေဆုံးသွားသကဲ့သို့ စိတ်ဓာတ်ကျနေသော ရှီမိသားစု သိုင်းပညာရှင်များကို လျစ်လျူရှုကာ စူးချန်ခုန်း၏ အေးစက်သော အကြည့်မှာ ဆံပင်ဖြူနှင့်လူ ထန်ယို့ထံသို့ ရောက်သွားလေ၏။ "ခင်ဗျားအလှည့်ပဲ"</p> <p> </p> <p>ထန်ယို့သည် ရှီပုဖော်နောက်သို့ လိုက်၍ ဤနေရာကို ရှာတွေ့ခဲ့တာဖြစ်သဖြင့် စူးချန်ခုန်းသည် သူ့ကို အပိုင်းပိုင်း အစစ ဖြစ်အောင် သတ်ဖြတ်ရန် ရည်ရွယ်ထားသည်။</p> <p> </p> <p>"ဒီတာ့ဝူဖုန်းက အရမ်း ကြောက်ဖို့ကောင်းတာပဲ... သူက အရင်တုန်းက အကြီးအကဲထန်နဲ့ ရင်ဆိုင်တုန်းက သူ့ရဲ့ အရည်အချင်းအစစ်အမှန်ကို ဖုံးကွယ်ထားတာလား။ ငါကတော့ သူ့ကို ဘယ်လိုမှ မယှဉ်နိုင်ဘူး။ ဒါပေမဲ့ အကြီးအကဲထန် ရှိနေတာဆိုတော့ သူ ဘယ်လောက်ပဲ သန်မာပါစေ၊ သူ့ဘဝတုံးသွားမှာပဲ"</p> <p> </p> <p>ဝတ်ရုံနက် အဖိုးအိုက ရှီပုဖော် အသတ်ခံရသည်ကို မြင်ပြီး စိတ်ထဲတွင် ထိတ်လန့်သွားသော်လည်း သူ၏ ဘေးရှိ ထန်ယို့ကို ကြည့်ကာ စိတ်အနည်းငယ် ပြန်အေးသွားသည်။</p> <p> </p> <p>စူးချန်ခုန်းတွင် အရည်အချင်းအချို့ ရှိနေသော်လည်း နောက်ဆုံးတွင် သူသည် လူသားခန္ဓာကိုယ်တစ်ခုသာ ဖြစ်သည်။ ထန်ယို့မှာမူ အသက်ခြွေအဖွဲ့အစည်း၏ အကြီးအကဲတစ်ဦး ဖြစ်သလို အဆင့်မြင့် နတ်ဆိုးအမြုတေနှင့် ပေါင်းစပ်ထားသူ ဖြစ်သည်။ အသက်ခြွေအဖွဲ့အစည်းအတွင်း၌ ခေါင်းဆောင်နှင့် ဒုတိယခေါင်းဆောင်တို့သာ သူ့ကို အနိုင်ယူနိုင်သည်။</p> <p> </p> <p>စူးချန်ခုန်းသည် သူ၏ အရည်အချင်းများကို မည်မျှပင် ဖုံးကွယ်ထားပါစေ ထန်ယို့ကိုမူ ယှဉ်နိုင်မည် မဟုတ်ပေ။</p> <p> </p> <p>"မင်းက ငါ့ရဲ့ မျှော်လင့်ချက်တွေထက်ကို ကျော်လွန်နေတာပဲ။"</p> <p> </p> <p>ထန်ယို့သည် စူးချန်ခုန်းကို စိုက်ကြည့်လိုက်ရာ သူ၏ မျက်လုံးများထဲတွင် သွေးရောင်အလင်းတန်းများ ဖျတ်ခနဲ ပေါ်လာသည်။ စူးချန်ခုန်းက ရှီပုဖော်ကို အလွယ်တကူ သတ်လိုက်ခြင်းမှာ ထန်ယို့ကို စိတ်လှုပ်ရှားသွားစေသည်။</p> <p> </p> <p>ပြီးခဲ့သည့် တိုက်ပွဲတွင် သူသည် အားမစိုက်ဘဲ အလွယ်တကူ အနိုင်ရခဲ့သည်။ သို့သော် စူးချန်ခုန်းမှာ သူ၏ အစွမ်းကုန်ကို အသုံးမပြုဘဲ ဖုံးကွယ်ထားခဲ့ပုံရသည်။ ဤမမျှော်လင့်ထားသော အချက်မှာ ထန်ယို့ကို ကျေနပ်သွားစေသည်။ နောက်ဆုံးတွင် သူ၏ အဆင့်အတန်းရှိသူတစ်ဦးအတွက် သူ အလေးအနက်ထား တိုက်ခိုက်ရမည့် ပြိုင်ဘက်တစ်ဦးကို ရှာဖွေရန် ခဲယဉ်းလှပေသည်။</p> <p> </p> <p>"ထန်ယို့၊ ခင်ဗျားကို ဒီမှာတင် သတ်ပစ်မယ်"</p> <p> </p> <p>စူးချန်ခုန်းက တည်ငြိမ်စွာ ပြောလိုက်သည်။</p> <p> </p> <p>ယခင်က ထန်ယို့နှင့် ရင်ဆိုင်ရစဉ်တွင် သူသည် ထန်ယို့၏ ပေါ့ဆမှုကို အခွင့်ကောင်းယူကာ ပျံသန်းမြှားကို အသုံးပြု၍ ထွက်ပြေးခဲ့ရပြီး အားကိုးရာမဲ့ ဖြစ်ခဲ့ရသည်။ သို့သော် ယခုအခါ ဝူချင်းရှီမှာ အဆင့် ၁၁ သို့ ရောက်ရှိသွားပြီဖြစ်ရာ ၎င်း၏ အကန့်အသတ်မှာ မည်မျှအထိ ရှိသည်ကို သူ သိလိုနေသည်။ သူသည် အသက်ခြွေအဖွဲ့အစည်း၏ အကြီးအကဲကို ဤနေရာတွင်တင် အပြတ်ရှင်းရန် ဆုံးဖြတ်ထားသည်။</p> <p> </p> <p>"ဒါဆိုလည်း လာခဲ့လေ... စမ်းကြည့်လိုက်ပေါ့"</p> <p> </p> <p>ထန်ယို့၏ နှုတ်ခမ်းတွင် အပြုံးတစ်ခု ပေါ်လာပြီးနောက် စကားများများ မပြောတော့ဘဲ ဤအရသာရှိလှသော သားကောင်ကို မြည်းစမ်းရန် သူ မစောင့်နိုင်တော့ပေ။</p> <p> </p> <p>"မိစ္ဆာနဂါး လက်သည်း"</p> <p> </p> <p>ထန်ယို့၏ ခန္ဓာကိုယ်မှာ ရွေ့လျားသွားသည်နှင့်အတူ အသံလှိုင်း ပေါက်ကွဲသံများ ထွက်ပေါ်လာပြီး စူးချန်ခုန်း၏ အနီးသို့ ခဏချင်း ရောက်ရှိသွားသည်။ သူ၏ ညာလက်ကို လက်သည်းသဏ္ဍာန် ကွေးလိုက်ကာ လေထုကို ဖြတ်ကျော်၍ တိုက်ခိုက်လိုက်ရာ လေထုထဲတွင် အက်ကွဲကြောင်းများ ပေါ်ထွက်လာပြီး လျင်မြန်စွာ ချဉ်းကပ်လာသည်။</p> <p> </p> <p>စူးချန်ခုန်းကို ရင်ဆိုင်ရာတွင် ထန်ယို့က အရင်ဦးဆုံး စတင်တိုက်ခိုက်ရန် ရွေးချယ်လိုက်ခြင်း ဖြစ်သည်။</p> <p> </p> <p>ဝူချင်းရှီ၊ ကောင်းကင်ဖြတ်နင်း နတ်သမင်ခြေလှမ်း။</p> <p> </p> <p>စူးချန်ခုန်းသည် နတ်သမင်ခြေလှမ်းကို အသုံးပြုကာ ရှေ့သို့ တစ်လှမ်းတက်လိုက်ရာ ကိုယ်ရောင်ဖျောက်လိုက်သကဲ့သို့ ချက်ချင်းပင် ရွေ့လျားသွားပြီး ထန်ယို့၏ လက်သည်းများကို ရှောင်တိမ်းကာ သူ၏ နောက်ကျောဘက်သို့ ရောက်ရှိသွားသည်။ သူ၏ ညာလက်သီးမှာ သာမန်လက်သီးတစ်ချက်ကဲ့သို့ ထင်ရသော်လည်း အမှန်တကယ်တွင် "ကျားဖြူဟိန်းသတ်ချက်" ၏ စွမ်းအားများဖြင့် ပြည့်နှက်နေပြီး ထန်ယို့၏ ကျောရိုးဆီသို့ ဦးတည်ကာ ထိုးချလိုက်လေတော့သည်။</p> <p>***</p> <p> </p>


Save