Book List

<h2 style="text-align: center;">အခန်း (၂၃၁)</h2> <h2 style="text-align: center;">တိုက်ပွဲစတင်ခြင်း</h2> <h2 style="text-align: center;">*</h2> <p> </p> <p> </p> <p> </p> <p> </p> <p>"လျှပ်စီးတွေက အရမ်းအားကောင်းတာပဲ... ကောင်းကင်မိုးကြိုးဂိုဏ်းက အကြီးအကဲတစ်ယောက် လှုပ်ရှားလိုက်ပြီ.........."</p> <p>"မကောင်းတော့ဘူး၊ ရွှေအမြုတေအဆင့် စီနီယာတွေ တိုက်ခိုက်နေကြပြီ... ပြေးကြဟေ့.........."</p> <p>အော်ဟစ်သံများနှင့်အတူ တစ်ကွင်းလုံး ရုတ်ရုတ်သဲသဲ ဖြစ်သွားတော့သည်။ ခြေသံများ၊ ငိုယိုသံများနှင့် ဆဲဆိုသံများ ရောထွေးနေပြီး လူတိုင်း ထွက်ပေါက်ဆီသို့ အသည်းအသန် ပြေးလွှားနေကြသည်။</p> <p>လီမင်၏ မျက်နှာမှာ ချက်ချင်းပင် ပျက်သွားပြီး သူ ရှင်းပြရန် ပြင်လိုက်သော်လည်း နတ်သမီးဝူမုံ့က အခွင့်အရေး မပေးခဲ့ချေ။</p> <p>သူမသည် လက်ကိုမြှောက်ကာ လီမင်နှင့် ချင်ကျန့်ရှန်းတို့ကို ရီဝေစွာ ရယ်မောရင်း တိုက်ခိုက်လိုက်သည်။</p> <p>"လီမင်၊ ချင်ကျန့်ရှန်း... နင်တို့က လမ်းမှန်ကျင့်ကြံသူတွေလို့ ကြွေးကြော်နေပြီး တိုက်ခိုက်တဲ့အခါကျတော့ ဒီကျင့်ကြံသူလေးတွေရဲ့ အသက်ကို ထည့်တွက်ရဲ့လား"</p> <p>လီမင်နှင့် ချင်ကျန့်ရှန်းတို့မှာ ဒေါသထွက်သွားပြီး ပြန်လည်ခုခံချင်သော်လည်း ဤအခြေအနေတွင် နတ်သမီးဝူမုံ့၏ အစွမ်းကုန်တိုက်ကွက်ကို ရင်ဆိုင်နေရသဖြင့် မပေါ့ဆရဲကြချေ။</p> <p>၎င်းတို့နှစ်ဦးမှာ အပြစ်မဲ့သူများကို မထိခိုက်စေလိုသော်လည်း လက်ရှိအခြေအနေမှာ ငဲ့ညှာရန် မဖြစ်နိုင်တော့ပေ။</p> <p>ချင်ကျန့်ရှန်းက ဟိန်းဟောက်လိုက်ပြီး သူ၏လက်ဝါးမှ ရွှေရောင်အလင်းများ ထွက်ပေါ်လာကာ တိုက်ကွက်ကို တစ်ချက်တည်းဖြင့် တုံ့ပြန်လိုက်သည်။</p> <p>လီမင်ကလည်း အရှုံးမပေးဘဲ သူ၏ပတ်ဝန်းကျင်တွင် လျှပ်စီးများ လက်ခနဲ ဖြစ်သွားရာ မိုးကြိုးနတ်ဘုရား ဆင်းသက်လာသည့်အလား ထင်မှတ်ရသည်။</p> <p>သူသည် လက်မောင်းများကို ဝှေ့ယမ်းလိုက်ရာ လက်ဝါးများမှ လျှပ်စီးတန်းများ ထွက်ပေါ်လာပြီး ဖျက်ဆီးလိုသော အရှိန်အဝါများနှင့်အတူ နတ်သမီးဝူမုံ့ဆီသို့ ပြင်းထန်စွာ ပစ်လွှတ်လိုက်သည်။</p> <p>အစွမ်းထက်သော အင်အားသုံးခုမှာ "ဘုန်း" ခနဲ တိုက်မိသွားပြီး စွမ်းအင်လှိုင်းများမှာ ပတ်ဝန်းကျင်ရှိ စားပွဲ၊ ကုလားထိုင်များကို တစ်စစီ ဖြစ်သွားစေကာ မြေပြင်ပေါ်တွင်ပင် အက်ကြောင်းများ ပေါ်လာတော့သည်။</p> <p>ကျင့်ကြံသူ အယောက်ပေါင်းများစွာမှာ ထိုတိုက်ပွဲ၏ နောက်ဆက်တွဲဒဏ်ကြောင့် သွေးအန်ကုန်ကြသည်။</p> <p>အချို့သော ကံဆိုးသူများမှာ တိုက်ခိုက်မှု၏ ဗဟိုချက်တွင် ရှိနေသဖြင့် နေရာမှာတင် အသက်ဆုံးရှုံးသွားရသည်။</p> <p>နတ်သမီးဝူမုံ့၏ အပြုံးမှာ ပိုမိုနက်ရှိုင်းလာပြီး တိုက်ကွက်များကို ခုခံရင်း အံ့သြဟန်ဆောင်ကာ ပြောလိုက်သည်။</p> <p>"လီမင်၊ ချင်ကျန့်ရှန်း... 'တိမ်တိုက်မယ်တော်ပန်း' နဲ့ 'မိုးကြိုးနဂါးလှံ' ကို ပြန်ရဖို့အတွက် နင်တို့နှစ်ယောက်က အပြစ်မဲ့ကျင့်ကြံသူတွေရဲ့ အသက်ကိုတောင် ဂရုမစိုက်ဘဲ</p> <p> ငါ့ကို ဒီနေရာမှာ တိုက်ခိုက်နေကြတာပေါ့... နင်တို့တွေ ဟန်တောင်မဆောင်တော့ဘူးလား"</p> <p>ချင်ကျန့်ရှန်းက မျက်မှောင်ကြုတ်ကာ အေးစက်စွာ ပြန်ပြောလိုက်သည်။ "ပါးစပ်ပိတ်ထားစမ်း၊ မိစ္ဆာမ.......... နင်က အရင်ဆုံး ခိုးကြောင်ခိုးဝှက် တိုက်ခိုက်ခဲ့တာလေ..........</p> <p> နင်သာ ရပ်လိုက်မယ်ဆိုရင် ငါ အပြစ်မဲ့သူတွေကို ဘယ်တော့မှ မထိခိုက်ဘူး"</p> <p>လီမင်ကလည်း သွားကြိတ်ကာ ပြောလိုက်သည်။ "ရွှမ်ယင်ဂိုဏ်း ဆိုတာ တကယ်ကို မိစ္ဆာလမ်းစဉ်ဂိုဏ်း ပီသပါပေတယ်၊ နည်းလမ်းမျိုးစုံကို သုံးတတ်တာပဲ.........."</p> <p>နတ်သမီးဝူမုံ့က သူမ၏ နှုတ်ခမ်းကို အုပ်ကာ တိုးတိုးလေး ရယ်မောလိုက်သည်။</p> <p>"နင်တို့ နှစ်ယောက်က တိုက်နေပြီးတော့ ငါ့ကို ရပ်ခိုင်းနေတာလား... ငါ နင်တို့ရဲ့ အကွက်ထဲ မဝင်ဘူး"</p> <p>သူတို့သုံးဦးမှာ တစ်ဦးကိုတစ်ဦး ညှာတာမှုမရှိဘဲ တိုက်ခိုက်နေကြသည်။</p> <p>ဝိညာဉ်စွမ်းအားများ သောင်းကျန်းနေပြီး စွမ်းအင်လှိုင်းများ ပြင်းထန်နေသဖြင့် ပတ်ဝန်းကျင်ရှိ ကျောက်တိုင်များတွင် အက်ကြောင်းများ ပေါ်လာကာ အချို့မှာ တိုက်ရိုက် ပြိုကျကုန်သဖြင့် တစ်ပွဲလုံးမှာ အန္တရာယ်ရှိသော အခြေအနေသို့ ရောက်ရှိနေသည်။</p> <p>တိုက်ပွဲ၏ နောက်ဆက်တွဲ ဆိုးကျိုးများမှာ လေပြင်းအလား ပြင်းထန်နေပြီး အပြစ်မဲ့ ကျင့်ကြံသူများကို အမြဲတစေ ထိခိုက်ဒဏ်ရာရစေကာ သေဆုံးမှုများပင် ဖြစ်ပေါ်စေသည်။</p> <p>ထိုကဲ့သို့ ဝမ်းနည်းဖွယ် မြင်ကွင်းကို မြင်လိုက်ရသောအခါ ချင်ကျန့်ရှန်းနှင့် လီမင်တို့၏ မျက်နှာများမှာ ချက်ချင်းပင် ပြာနှမ်းသွားသော်လည်း ယခုအချိန်တွင် ဆုတ်ခွာရန် မဖြစ်နိုင်တော့ပေ။</p> <p>နတ်သမီးဝူမုံ့၏ တိုက်စစ်မှာ ပြင်းထန်လှပြီး တိုက်ကွက်တိုင်းမှာ အသက်ကို ရည်ရွယ်ထားသဖြင့် သူတို့ အနည်းငယ် တုံ့ဆိုင်းသွားပါက ကိုယ့်ကိုယ်ကိုယ် ကာကွယ်နိုင်တော့မည် မဟုတ်ပေ။</p> <p>"ဝူမုံ့... နင် လွန်လွန်းနေပြီ.........."</p> <p>ချင်ကျန့်ရှန်းက ဟိန်းဟောက်လိုက်ပြီး သူ၏ လက်ဝါးအတွင်းမှ ရွှေရောင်အလင်းများ ပိုမိုတောက်ပလာသည်။</p> <p>တောင်ဖြိုခွဲနိုင်သော အရှိန်အဝါ ပါဝင်သည့် ကြီးမားသော ရွှေရောင်လက်ဝါးကြီးတစ်ခုသည် နတ်သမီးဝူမုံ့ဆီသို့ ဝုန်းခနဲ ကျရောက်သွားသည်။</p> <p>လီမင်ကလည်း ထပ်ကြပ်မကွာ လိုက်ပါလာပြီး သူ၏ပတ်ဝန်းကျင်မှ လျှပ်စီးများမှာ မိုးကြိုးမြွေများအဖြစ် ပြောင်းလဲကာ နတ်သမီးဝူမုံ့ကို ကိုက်ဖြတ်ရန် ပြင်လိုက်သည်။</p> <p>နတ်သမီးဝူမုံ့၏ ပုံရိပ်မှာ မိုးမခပွင့်ဖတ်လေးကဲ့သို့ လွင့်မြောလျက် တိုက်ကွက်များကို ရှောင်တိမ်းနေသည်။</p> <p>သူမ၏ နှုတ်ခမ်းတွင် အေးစက်သော အပြုံးတစ်ခု ပေါ်လာပြီး လက်ထဲတွင် ဝိညာဉ်စွမ်းအားများ စုစည်းကာ တိုက်ကွက်နှစ်ခုလုံးကို ဝါးမြိုသွားသည့် ကြီးမားသော ဝိညာဉ်စွမ်းအား ဝဲကတော့တစ်ခုကို ဖန်တီးလိုက်သည်။</p> <p>ထို့နောက် ၎င်းမှာ ပြင်းထန်စွာ ပေါက်ကွဲထွက်သွားရာ ကြောက်မက်ဖွယ်ကောင်းသော စွမ်းအင်များကြောင့် တစ်ပွဲလုံးမှာ ပြိုကျလုနီးပါး ဖြစ်သွားတော့သည်။</p> <p>"ဗုန်း.........."</p> <p>"မကောင်းတော့ဘူး၊ ပွဲခင်းကြီး ပြိုကျနေပြီ.........."</p> <p>"ဒီလိုသာ ဆက်သွားရင် ငါတို့ ဒီနေ့ ဒီမှာ တကယ် သေကုန်တော့မှာပဲ"</p> <p>"လေလံပွဲကို လာတက်တာ၊ ဒီလို အရူးမျိုးနဲ့ တိုးလိမ့်မယ်လို့ ဘယ်သူ သိမှာလဲ... ကယ်ကြပါဦး၊ ငါ မသေချင်သေးဘူး..."</p> <p>ထိုရုတ်ရုတ်သဲသဲ ဖြစ်နေသည့် ကြားတွင် မုန့်ဝမ်က ရှေ့သို့ လှမ်းတက်လာသည်။</p> <p>"ရောင်းရင်းတို့... ဒီနေရာက ကြာကြာနေဖို့ မသင့်တော့ဘူး။ ထိခိုက်မှုတွေ မရှိအောင် ကျွန်မနောက်ကို လိုက်ခဲ့ပြီး နောက်ပေါက်ကနေ အမြန်ဆုံး ထွက်ခွာကြပါ"</p> <p>မုန့်ဝမ်၏ ကြည်လင်သော အသံမှာ တစ်ပွဲလုံး ပျံ့နှံ့သွားသဖြင့် လူတိုင်းမှာ အားကိုးရာ ရသွားသကဲ့သို့ ဝမ်းမြောက်သွားကြသည်။</p> <p>"ဟုတ်တယ်၊ ဟုတ်တယ်၊ မြန်မြန်သွားကြစို့.........."</p> <p>ထိုစကားကို ကြားလိုက်သောအခါ ကျင့်ကြံသူများမှာ မုန့်ဝမ်နောက်သို့ လိုက်ကာ နောက်ပေါက်ဆီသို့ အသည်းအသန် ပြေးကြတော့သည်။</p> <p>လူအများစု ထွက်ခွာသွားသည်ကို မြင်လိုက်ရသောအခါ နတ်သမီးဝူမုံ့သည် အကျယ်ကြီး ရယ်မောလိုက်ပြီး ကောင်းကင်သို့ ပျံတက်သွားသည်။</p> <p>ချင်ကျန့်ရှန်းနှင့် လီမင်တို့လည်း အကြည့်ချင်း ဖလှယ်လိုက်ကာ ချက်ချင်းပင် နောက်မှ လိုက်သွားကြပြီး ကောင်းကင်ထက်တွင် နတ်သမီးဝူမုံ့နှင့် ထပ်မံ၍ တိုက်ပွဲဖြစ်ပွားတော့သည်။</p> <p>ပုံရိပ်သုံးခုမှာ မြင့်မားသော ကောင်းကင်ထက်တွင် လှုပ်ရှားနေပြီး ၎င်းတို့၏ ဝိညာဉ်စွမ်းအားများ ထိတွေ့မှုကြောင့် မိုးခြိမ်းသံကဲ့သို့ ဟိန်းဟောက်သံများမှာ ဈေးတစ်ခုလုံးတွင် ပဲ့တင်ထပ်နေသည်။ ဈေးအတွင်းရှိ ကျင့်ကြံသူများသည် အိမ်ထဲမှ ပြေးထွက်လာကြပြီး ထိုမြင်ကွင်းကို ကြောက်ရွံ့အားကျစွာဖြင့် မော့ကြည့်နေကြသည်။</p> <p>ထိုသုံးဦး၏ တိုက်ပွဲကြောင့် ဖြစ်ပေါ်လာသော ဝိညာဉ်စွမ်းအား တုန်ခါမှုများမှာ အဆင့်နိမ့် ကျင့်ကြံသူများကို ရင်တုန်စေပြီး တည့်တည့်ပင် မကြည့်ရဲအောင် ဖြစ်စေသည်။</p> <p>"ဘာတွေ ဖြစ်နေတာလဲ.......... ဈေးထဲမှာ တိုက်ခိုက်တာကို တားမြစ်ထားတာ မဟုတ်ဘူးလား..........</p> <p> ဘာလို့ ဒီရွှေအမြုတေအဆင့် စီနီယာတွေက တိုက်ခိုက်နေကြတာလဲ.........."</p> <p>"ဟဲ... စည်းကမ်းဆိုတာ အားနည်းသူတွေကို ထိန်းချုပ်ဖို့ အားကြီးသူတွေက လုပ်ထားတာလေ။ မင်းသာ ရွှေအမြုတေအဆင့် ကျင့်ကြံမှု ရှိမယ်ဆိုရင် မင်းလည်း စည်းကမ်းကို ဖျက်လို့ရတာပေါ့.........."</p> <p>သို့သော် လူတိုင်းက ထိုအကြောင်းကို ဆွေးနွေးနေကြစဉ်မှာပင် ရွှမ်ယင်ဂိုဏ်း နတ်သမီး လက်ခံကျင်းပသည့် လေလံပွဲတွင် ချင်ကျန့်ရှန်းနှင့် လီမင်ဟူသော ရွှေအမြုတေအဆင့် ကျင့်ကြံသူနှစ်ဦးမှာ</p> <p>လူသိရှင်ကြား ပြင်းထန်စွာ တိုက်ခိုက်ခဲ့ပြီး ကျင့်ကြံသူ အများအပြားကို သတ်ဖြတ်ခဲ့သည်ဟူသော သတင်းမှာ အတောင်ပံများ ပါသည့်အလား တစ်ဈေးလုံးသို့ လျင်မြန်စွာ ပျံ့နှံ့သွားတော့သည်။</p> <p>သတင်းများမှာ ပို၍ ပို၍ ပုံကြီးချဲ့လာသည်။</p> <p>ကနဦးတွင် တိုက်ပွဲ၏ နောက်ဆက်တွဲကြောင့် ကျင့်ကြံသူ ရာနှင့်ချီ ထိခိုက်ခဲ့သည်ဟုသာ ကောလာဟလ ထွက်ပေါ်ခဲ့သော်လည်း</p> <p>နောက်ပိုင်းတွင် ချင်ကျန့်ရှန်းနှင့် လီမင်တို့မှာ လူသတ်ပွဲ ကျင်းပခဲ့ကြပြီး လေလံပွဲတွင် ဒေါသတကြီး တိုက်ခိုက်ခဲ့သဖြင့်</p> <p>လာသမျှ ကျင့်ကြံသူအားလုံးနီးပါး အသတ်ခံလိုက်ရသည်ဟု ကောလာဟလများ ထွက်ပေါ်လာသည်။</p> <p>ထို့အပြင် ကောလာဟလများမှာ ထိုနေရာတင် ရပ်မသွားပေ။</p> <p>"ငါ ကြားတာတော့ ချင်ကျန့်ရှန်းက တစ်ခါတုန်းက ရတနာတစ်ခုကို လုယူဖို့အတွက် သူ့ရဲ့ ဆရာကိုတောင် သတ်ပစ်ဖို့ ဝန်မလေးခဲ့သလို</p> <p>တပည့်ရင်း ခြောက်ယောက်ကိုလည်း သတ်ခဲ့ဖူးတယ်တဲ့" ဝါရင့် ကျင့်ကြံသူတစ်ဦးက တုန်ယင်သော အသံဖြင့် တိုးတိုးလေး ပြောလိုက်သည်။</p> <p>"လီမင်ကလည်း သာမန်လူ မဟုတ်ဘူး။ သူက ဆေးဖော်စပ်ဖို့အတွက် ဂိုဏ်းတစ်ခုလုံးမှာ ရှိတဲ့ တပည့်တွေကို ဖမ်းပြီး ဆေးဖော်စပ်တဲ့ ပစ္စည်းတွေအဖြစ် သုံးခဲ့ဖူးတယ်။</p> <p>အဲဒီတပည့်တွေရဲ့ အလောင်းတွေဆိုရင် တောင်တစ်လုံးထက်တောင် မြင့်တယ်လို့ ပြောကြတယ်" နောက်တစ်ယောက်ကလည်း ထိတ်လန့်တကြား ထောက်ခံပြောဆိုလိုက်သည်။</p> <p>သတင်းများမှာ အသေးစိတ် အချက်အလက်များနှင့်အတူ ပျံ့နှံ့နေပြီး မကောင်းသော ရည်ရွယ်ချက်ရှိသူများ၏ "လျှို့ဝှက်ဇာတ်လမ်းများ" နှင့် ပေါင်းစပ်လိုက်သောအခါ ကောလာဟလများမှာ ပို၍ပင် ထိန်းမနိုင်သိမ်းမရ ဖြစ်လာတော့သည်။</p> <p>ခဏချင်းမှာပင် ဈေးတစ်ခုလုံးတွင် ဆဲဆိုသံများ ပွက်လောရိုက်သွားသည်။</p> <p>"ဒါမျိုးက ဘယ်လို လမ်းမှန်ကျင့်ကြံသူလဲ.......... မိစ္ဆာကျင့်ကြံသူတွေနဲ့ ဘာများ ထူးခြားလို့လဲ.........."</p> <p>"လမ်းမှန်ကျင့်ကြံသူတွေဆိုတာ လူ့အသက်ကို ဂရုမစိုက်တဲ့ လူသတ်သမားတွေပဲ"</p> <p>ဈေးအတွင်းတွင် ရုတ်ရုတ်သဲသဲ ဖြစ်နေသည့် ကြားမှာပင် မုန့်ဝမ်မှာ ထိုရှုပ်ထွေးမှုကို အခွင့်ကောင်းယူကာ ကိုးကွေ့တစ်ပတ် အစီအရင် ထံသို့ ပြန်ရောက်နေပြီ ဖြစ်ပြီး</p> <p>အစီအရင်အတွင်းရှိ တစ်ခုတည်းသော ထွက်ပေါက်ကို စောင့်ကြပ်နေသည်။</p> <p>အချိန်အတော်ကြာအောင် ရှုပ်ထွေးမှုများ ဖန်တီးခဲ့ပြီးနောက် ယခုအခါတွင် ရိတ်သိမ်းရန် အချိန်တန်ပြီ ဖြစ်သည်။</p> <p>"နတ်သမီး မုန့်.........."</p> <p>မုန့်ဝမ် ပေါ်လာသည်နှင့် တစ်ပြိုင်နက် အဝေးမှ လူတစ်ယောက်က သူမကို တွေ့ရှိသွားပြီး ဝမ်းသာအားရ ပြေးလာသည်။</p> <p>"ကျွန်တော် ဒီထဲမှာ လမ်းပျောက်နေတာ ကြာလှပြီ၊ ဒီမှာ နတ်သမီး မုန့် နဲ့ တွေ့လိမ့်မယ်လို့ လုံးဝ မမျှော်လင့်ထားဘူး.........."</p> <p>ထိုသူ၏ မျက်နှာမှာ ဘေးအန္တရာယ်မှ လွတ်မြောက်လာသည့်အတွက် ဝမ်းသာကြည်နူးမှုများဖြင့် ပြည့်နှက်နေပြီး သူ၏ မျက်ဝန်းများတွင်လည်း ကျေးဇူးတင်မှုများ ရှိနေသည်။</p> <p>သူက ဆက်ပြောရန် ပြင်လိုက်သော်လည်း ရုတ်တရက် တစ်ခုခု မှားယွင်းနေသည်ကို သတိထားမိသွားကာ မျက်လုံးများ ပြူးသွားပြီး နောက်သို့ အမြန် ဆုတ်လိုက်သည်။</p> <p>မုန့်ဝမ်က မည်သည့် ခံစားချက်မျှ မပြဘဲ သွေးမိစ္ဆာကောင်းကင်ဘုံကျင့်စဉ် ကို အသက်သွင်းလိုက်ရာ ထိုသူ၏ ခန္ဓာကိုယ်အတွင်းမှ သွေးအားလုံးကို စုပ်ယူလိုက်ပြီးနောက် ခြောက်ကပ်သွားသော အလောင်းကို ဘေးသို့ ပေါ့ပေါ့ပါးပါးပင် ပစ်ချလိုက်သည်။</p> <p>သူမ၏ အသံမှာ အေးစက်နေပြီး ထိုသူကို ရှင်းပြနေသည့်အလား သို့မဟုတ် မိမိကိုယ်ကိုယ် ပြောနေသည့်အလား...</p> <p>"ငါက နင့်ကို ကူညီလိမ့်မယ်လို့ တကယ် ယုံကြည်နေတာလား... ငါက မိစ္ဆာကျင့်ကြံသူပဲလေ...."</p> <p>မုန့်ဝမ်သည် ခေါင်းကို ခါယမ်းလိုက်ပြီး အစီအရင်အတွင်းရှိ ပစ်မှတ်များကို စတင် ရှာဖွေတော့သည်။</p> <p> </p> <p> </p> <p> </p> <p>***</p> <p> </p>


Save