Book List

<h2 style="text-align: center;">အခန်း (၂၄၀)</h2> <h2 style="text-align: center;">နက်နဲသော ဝိညာဉ်အဆင့် ပညာရှင်တစ်ဦး စေလွှတ်ခြင်း</h2> <h2 style="text-align: center;">*</h2> <p> </p> <p> </p> <p> </p> <p> </p> <p>သေချာစွာ ဆွေးနွေးတိုင်ပင်ပြီးနောက် ရွှေတိမ်တိုက်ဂိုဏ်း ၊ ထာဝရစိတ်ဝိညာဉ်ဂိုဏ်း နှင့် ရွှန်ထျန်းဓားဂိုဏ်းတို့မှ အကြီးအကဲများသည် အခြားသော ဒုတိယတန်းစား အင်အားစုများ၊</p> <p>ဂိုဏ်းများနှင့် ပူးပေါင်းကာ ရွှမ်ယင်ဂိုဏ်း ထံမှ ရှင်းပြချက်တောင်းရန်နှင့် မုန့်ဝမ် ကို လွှဲပြောင်းပေးရန် ဖိအားပေးရန် ဆုံးဖြတ်လိုက်ကြသည်။</p> <p>ခဏချင်းမှာပင် လူထု၏ ဒေါသမှာ ဟုန်းဟုန်းတောက်သွားပြီး ရွှမ်ယင်ဂိုဏ်းကို ရှုတ်ချသည့် အသံများ ကျင့်ကြံခြင်း လောကတစ်ခုလုံးတွင် ဟိန်းထွက်သွားတော့သည်။</p> <p>ပြင်ပလောက၏ စွပ်စွဲချက်များကို ရင်ဆိုင်ရာတွင် ရွှမ်ယင်ဂိုဏ်း အတွင်းပိုင်းမှာမူ ထူးဆန်းစွာ ငြိမ်သက်နေခဲ့သည်။</p> <p>“ဟင်း... ငါတို့ ရွှမ်ယင်ဂိုဏ်းကို လူလွှဲပေးဖို့ ဖိအားပေးရဲတယ်ပေါ့.......... အပြင်က လူတွေက အေးအေးချမ်းချမ်း နေရတာ ကြာတော့ ဒဏ်ရာပျောက်တာနဲ့ အရင်တုန်းက နာကျင်ခဲ့တာ‌ေတွကို မေ့နေကြပြီ ထင်တယ်”</p> <p>မျက်နှာထား တင်းမာနေသော အကြီးအကဲတစ်ဦးက အေးစက်စွာ ပြောလိုက်သည်။</p> <p>“ဒီမုန့်ဝမ်က ငါတို့ ရွှမ်ယင်ဂိုဏ်းရဲ့ တပည့်ပဲ။ သူမက မုန့်မိသားစုကို ဖျက်ဆီးတာက သူမရဲ့ ကိုယ်ရေးကိုယ်တာ ရန်ငြိုးပဲ၊ ဘယ်သူမှ ဝင်ပါလို့မရဘူး”</p> <p>“မှန်တယ်၊ ငါတို့ ရွှမ်ယင်ဂိုဏ်းက ဘာလို့ တခြားလူတွေကို ရှင်းပြနေရမှာလဲ.......... တခြားလူတွေက မေးခွန်းထုတ်ရဲရင် သတ်ပစ်လိုက်ရုံပဲ..........” နောက်ထပ် အကြီးအကဲတစ်ဦးက ထောက်ခံလိုက်သည်။</p> <p>“မုန့်ဝမ်က ငါတို့ဂိုဏ်းရဲ့ သွေးလမ်းစဉ် နတ်သမီး ပဲ၊ သူမရဲ့ အနာဂတ်က အကန့်အသတ်မရှိဘူး။ သူမကို လုံးဝ လွှဲမပေးနိုင်ဘူး”</p> <p>“သူတို့က မကျေနပ်ရင်လည်း လာတိုက်ခိုင်းလိုက်ပေါ့..........”</p> <p>နောက်ဆုံးတွင် ရွှမ်ယင်ဂိုဏ်းက ပြင်ပလောကသို့ တုံ့ပြန်လိုက်ရာ မုန့်ဝမ်၏ လုပ်ရပ်များသည် ဂိုဏ်းနှင့် မသက်ဆိုင်သော ကိုယ်ရေးကိုယ်တာ ကိစ္စများသာ ဖြစ်ပြီး သူမကို လွှဲပြောင်းပေးမည် မဟုတ်ကြောင်း ကြေညာလိုက်သည်။</p> <p>ရွှမ်ယင်ဂိုဏ်း၏ တုံ့ပြန်မှုမှာ မီးလောင်ရာ လေပင့်လိုက်သကဲ့သို့ ဖြစ်သွားပြီး သူတို့ကို မကျေမနပ် ဖြစ်နေသော ဂိုဏ်းများကို ပိုမို ဒေါသထွက်စေခဲ့သည်။</p> <p>“ရွှမ်ယင်ဂိုဏ်းက ဒီမိစ္ဆာခေါင်းဆောင်ကို ကာကွယ်ဖို့ ဆုံးဖြတ်ထားပုံပဲ.......... ရွှမ်ယင်ဂိုဏ်းက ကျင့်ကြံခြင်း လောကမှာ လက်တစ်ဝါးနဲ့ ကောင်းကင်ကို ကွယ်လို့ရမယ်လို့ တကယ်ပဲ ထင်နေတာလား..........</p> <p>သူတို့ရဲ့ လုပ်ရပ်တွေက ကိုယ့်သေတွင်းကိုယ် တူးနေတာပဲ..........” ချင်ကျန့်ရှန်း က အလွန်အမင်း ဒေါသထွက်ကာ ရယ်မောလိုက်သည်။</p> <p>သူသည် ရှေ့ရှိ စန္ဒကူးသား စားပွဲကို ရိုက်ချလိုက်ရာ စားပွဲပေါ်ရှိ လက်ဖက်ရည်ခွက်များမှာ တဂိတ်ဂိတ် မြည်ကာ လွင့်ထွက်မတတ် ဖြစ်သွားသည်။</p> <p>“ရွှမ်ယင်ဂိုဏ်းက ဒီနတ်ဆိုးမကို အဲဒီလောက်အထိ ကာကွယ်နေမှတော့ ငါတို့လည်း စည်းမျဉ်းတွေ လိုက်နာနေဖို့ မလိုတော့ဘူး..........” ထာဝရစိတ်ဝိညာဉ်ဂိုဏ်းမှ အကြီးအကဲ ကူ က သဘောတူလိုက်သည်။</p> <p>“နက်နဲသော ဝိညာဉ်အဆင့် ပညာရှင်တစ်ဦးကို တိုက်ရိုက် ဖိတ်ခေါ်ပြီး ဒီမိစ္ဆာမလေးကို အမြစ်ဖြတ်ပစ်ရအောင်..........”</p> <p>“မဖြစ်သေးဘူး..........” ရွှမ်ကျီဇီ က စိတ်အေးအေးထားကာ လူတိုင်းကို တိတ်ရန် လက်ယမ်းပြလိုက်သည်။</p> <p>“အကယ်၍ ငါတို့က နက်နဲသော ဝိညာဉ်အဆင့် ပညာရှင်ကို တကယ်ပဲ လွှတ်လိုက်ရင် ရွှမ်ယင်ဂိုဏ်းက အခွင့်အရေးယူပြီး ပြဿနာရှာလာလိမ့်မယ်၊</p> <p>ကျင့်ကြံခြင်း လောကရဲ့ ငြိမ်းချမ်းရေးလည်း ပျက်စီးသွားလိမ့်မယ်။ အဲဒီအစား တိတ်တဆိတ် လှုပ်ရှားတာက ပိုကောင်းမယ်”</p> <p>“တိတ်တဆိတ် လှုပ်ရှားမယ်..........” အကြီးအကဲ ကူက မျက်မှောင်ကြုတ်ကာ သံသယဖြင့် ကြည့်လိုက်သည်။</p> <p>“မှန်တယ်။ တစ်ကိုယ်တော် ကျင့်ကြံသူတွေ ထဲမှာ နက်နဲသော ဝိညာဉ်အဆင့် ကျင့်ကြံသူတွေ အများကြီး ရှိတယ်။</p> <p>ငါတို့က သူတို့ကို မုန့်ဝမ်ကို နှိမ်နင်းဖို့ လုံလောက်တဲ့ အကျိုးအမြတ်တွေ ပေးလိုက်ရင် ဒါက အလွန်လွယ်ကူတဲ့ ကိစ္စ ဖြစ်မသွားဘူးလား..........” ရွှမ်ကျီဇီက သူ၏ မုတ်ဆိတ်ကို သပ်ရင်း ယုံကြည်မှုရှိသော အပြုံးဖြင့် ပြောလိုက်သည်။</p> <p>“ဒီနည်းနဲ့ဆိုရင် ရွှမ်ယင်ဂိုဏ်းက သိသွားရင်တောင် ငါတို့အပေါ် အပြစ်တင်စရာ အထောက်အထား ရှိမှာ မဟုတ်ဘူး။</p> <p>တစ်ကိုယ်တော် ကျင့်ကြံသူတစ်ယောက်အတွက်နဲ့တော့ ငါတို့ကို စစ်ကြေညာမှာ မဟုတ်ဘူး မဟုတ်လား..........”</p> <p>လူတိုင်းက သဘောတူ ခေါင်းညိတ်ကြသည်။ ၎င်းသည် စွန့်စားရမှုကို အနည်းဆုံးဖြစ်စေပြီး ရည်မှန်းချက် အောင်မြင်နိုင်သော တစ်ချက်ခုတ် နှစ်ချက်ပြတ် နည်းလမ်းဟု ယူဆကြသည်။</p> <p>“ကောင်းပြီ..........” ချင်ကျန့်ရှန်းက ခေါင်းညိတ်လိုက်ပြီး မျက်နှာပေါ်မှ ဒေါသများ အနည်းငယ် လျော့ပါးသွားသည်။</p> <p>“ဒီကိစ္စက ငါ့ရဲ့ ရွှေတိမ်တိုက်ဂိုဏ်း စီရင်ပိုင်ခွင့် နယ်မြေထဲမှာ ဖြစ်တာဆိုတော့ ငါတို့ဂိုဏ်းကပဲ စီစဉ်ပေးမယ်။ အဲဒီ နတ်ဆိုးမကို ထိုက်တန်တဲ့ အဖိုးအခ ပေးစေရမယ်..........”</p> <p>ဂိုဏ်းအသီးသီးမှ အဆင့်မြင့် အကြီးအကဲများမှာလည်း ထပ်ခါတလဲလဲ ခေါင်းညိတ်ကာ သဘောတူညီမှု ရရှိသွားကြသည်။</p> <p>ဤကိစ္စကြောင့် ကျင့်ကြံခြင်း လောက၏ ထက်ဝက်ကျော် ဆူညံနေစဉ်မှာပင်၊ အရာအားလုံး၏ တရားခံဖြစ်သူ မုန့်ဝမ်မှာ မုန့်မိသားစု ဘိုးဘေးကြီး၏ အရှိန်အဝါနောက်သို့ အလျင်အမြန် လိုက်နေခဲ့သည်။</p> <p>ရုတ်တရက် သူမ၏ ခါးတွင် ချိတ်ထားသော နတ်သမီးအဆင့်အတန်းကို ကိုယ်စားပြုသည့် တံဆိပ်ပြားလေးမှာ အသာအယာ တုန်ခါလာသည်။</p> <p>မုန့်ဝမ်သည် ခေါင်းငုံ့ကာ ထိုတံဆိပ်ပြားကို စဉ်းစားဟန်ဖြင့် ကြည့်လိုက်သည်။</p> <p>သူမ သတ္တုတွင်းဧရိယာမှ ထွက်ခွာပြီး ချင်းရှာစီရင်စုသို့ သွားကတည်းက ဤတံဆိပ်ပြားမှာ မည်သည့်သတင်းစကားမျှ မရရှိဘဲ သေနေသော အရာဝတ္ထုတစ်ခုကဲ့သို့ ရှိနေခဲ့ခြင်း ဖြစ်သည်။</p> <p>ဤမျှ ဝေးကွာသော အကွာအဝေးမှနေ၍ ဂိုဏ်းအတွင်းရှိ အဆင့်မြင့် အကြီးအကဲများက အရေးပေါ် အခြေအနေတွင် သူမထံ သတင်းပို့နိုင်သော နည်းလမ်းရှိပုံရသည်။</p> <p>မုန့်ဝမ်က သူမ၏ ဝိညာဉ်အာရုံ ကို တံဆိပ်ပြားအတွင်းသို့ ထိုးဖောက်ကြည့်လိုက်သည်။</p> <p>သူမသည် ရွှမ်ယင်ဂိုဏ်းကို နားလည်သည်၊ သာမန် မုန့်မိသားစုလေး တစ်ခုအတွက်နှင့် သူတို့၏ ကိုယ်ပိုင် နတ်သမီးကို လွှဲပေးလိမ့်မည် မဟုတ်ပေ။</p> <p>“ဂိုဏ်းကို အမြန်ပြန်ခဲ့ပြီး အခြေအနေကို ခေတ္တရှောင်ရှားပါ.......... ရွှေတိမ်တိုက်ဂိုဏ်းက နင့်ကို လုပ်ကြံဖို့ နက်နဲသော ဝိညာဉ်အဆင့် တစ်ကိုယ်တော် ကျင့်ကြံသူတစ်ယောက်ကို စေလွှတ်ဖို့ ရည်ရွယ်နေတယ်..........”</p> <p>တိုတောင်းသော စာကြောင်းလေး ဖြစ်သော်လည်း မုန့်ဝမ်၏ စိတ်ထဲတွင် မိုးကြိုးပစ်လိုက်သကဲ့သို့ ပေါက်ကွဲသွားသည်။ မုန့်ဝမ်က နှာခေါင်းရှုံ့ကာ အတွင်းစိတ်ဖြင့် သက်ပြင်းချလိုက်သည်။</p> <p>ထိုလူတွေက သူမကို တကယ်ပဲ အထင်ကြီးနေကြသည်၊</p> <p>သူမကို သတ်ဖို့အတွက် နက်နဲသော ဝိညာဉ်အဆင့် ပညာရှင်တစ်ဦးကိုတောင် ဖိတ်ခေါ်ချင်နေကြသည်လော..........</p> <p>ရွှေတိမ်တိုက်ဂိုဏ်းမှ လူများက သူမကို တကယ်ပဲ သေစေချင်နေပုံရသည်။</p> <p>မုန့်ဝမ်သည် သူမ၏ အစွမ်းကို ပြန်လည် ဆန်းစစ်ကြည့်သည်။ သူမ၏ လက်ရှိ အခြေခံတည်ဆောက်ခြင်း နဝမအဆင့် အစွမ်းဖြင့် သာမန် ရွှေအမြုတေအဆင့် အစောပိုင်း ကျင့်ကြံသူတစ်ဦးကို လုံးဝ ချေမှုန်းနိုင်သည်။</p> <p>ရွှေအမြုတေအဆင့် အလယ်ပိုင်းနှင့်ဆိုလျှင် မနည်း ရင်ဆိုင်နိုင်သော်လည်း ရလဒ်မှာ မသေချာပေ။ ရွှေအမြုတေအဆင့် နောက်ဆုံးပိုင်းနှင့်ဆိုလျှင် သူမ မယှဉ်နိုင်သော်လည်း သွေးပင်လယ် ပုံရိပ်ယောင်အိပ်မက် ကျင့်စဉ်နှင့် မြူပိုးကောင်အမ ထိန်းချုပ်ထားသော ရုပ်သေးရုပ် များဖြင့် သူမ ဘေးကင်းစွာ ဆုတ်ခွာနိုင်မည်ဟု ယုံကြည်ချက်ရှိသည်။</p> <p>သို့သော်လည်း အကယ်၍ သူမသည် နက်နဲသော ဝိညာဉ်အဆင့် ပညာရှင်နှင့် ရင်ဆိုင်ရပါက အဆင့်ကွာခြားချက်မှာ အလွန်ကြီးမားလွန်းလှသည်။</p> <p>သူမ မည်မျှပင် တတ်စွမ်းပါစေ သေလမ်းသာ ရှိပေလိမ့်မည်။ မုန့်ဝမ်၏ မျက်လုံးများ လက်ခနဲ ဖြစ်သွားပြီး သူမ၏ သွယ်လျသော လက်ချောင်းလေးများဖြင့် တံဆိပ်ပြားကို အသာအယာ ပွတ်သပ်နေသည်။</p> <p>ဘိုးဘေးကြီးနောက်ကို ဆက်လိုက်နေခြင်းမှာ စွန့်စားရမှုအချို့ ရှိသည်မှာ အမှန်ပင်။</p> <p>သို့သော် သူ့ကို မသတ်ရသေးသရွေ့ သူမ၏ စိတ်ထဲတွင် ရှင်းလင်းမည် မဟုတ်ပေ။ ဘိုးဘေးကြီးကို လိုက်လံဖမ်းဆီးသည့် အရှိန်ကို မြှင့်တင်ရမည်ဟု သူမ ဆုံးဖြတ်လိုက်သည်။</p> <p>မုန့်ဝမ်သည် တံဆိပ်ပြားကို ချလိုက်ပြီး ဘိုးဘေးကြီး ထွက်ပြေးသွားသော လမ်းကြောင်းကို ပြန်လည် အတည်ပြုကာ သူမ၏ လေသင်္ဘော  ကို သိမ်းဆည်းလိုက်သည်။</p> <p>ထို့နောက် သူမ၏ ပုံရိပ်မှာ သွေးနီရောင် အလင်းတန်းတစ်ခုအဖြစ် ပြောင်းလဲသွားပြီး အဝေးသို့ ပျံသန်းသွားတော့သည်။</p> <p>သွေးလွတ်မြောက်ခြင်းကျင့်စဉ် ကို အသုံးပြုကာ မုန့်ဝမ်သည် သူမ၏ အရှိန်ကို အမြင့်ဆုံးသို့ မြှင့်တင်လိုက်ရာ တစ်ရက်အတွင်းမှာပင် ဘိုးဘေးကြီးကို မှီသွားတော့သည်။</p> <p>ဘိုးဘေးကြီးသည် မုန့်ဝမ်ကို မြင်လိုက်ရသောအခါ မျက်လုံးအိမ်များ ကျုံ့သွားပြီး ချက်ချင်းပင် သူ၏ နောက်ထပ် ဝှက်ဖဲဖြစ်သော မိုင်တစ်ထောင် အဝေးပြောင်းခြင်းကို အသုံးပြုလိုက်ပြန်သည်။</p> <p>“ရှင့်ရဲ့ အစွမ်းက အဲဒီလောက် မဟုတ်ပေမဲ့ အသက်ကယ်တဲ့ နည်းလမ်းတွေကတော့ တော်တော်များသားပဲ”</p> <p>မုန့်ဝမ်က လှောင်ပြောင်လိုက်ပြီး သွေးလွတ်မြောက်ခြင်းကျင့်စဉ်ကို ထပ်မံအသုံးပြုကာ ဘိုးဘေးကြီးရှိရာ အရပ်သို့ ဦးတည်လိုက်သည်။</p> <p>နာရီဝက်ခန့်အတွင်းမှာပင် မုန့်ဝမ်သည် ဘိုးဘေးကြီးကို ထပ်မံ မှီသွားပြန်သည်။ ယခုအချိန်တွင် ဘိုးဘေးကြီးမှာ ယခင်က ဂုဏ်ရှိန်များ ပျောက်ဆုံးနေပြီ ဖြစ်သည်။</p> <p>သူသည် ပိန်ချုံးကာ အဝတ်အစားများ စုတ်ပြတ်နေပြီး လမ်းဘေးခွေးတစ်ကောင်နှယ် အရပ်မျက်နှာ အသီးသီးသို့ အသည်းအသန် ထွက်ပြေးနေရသည်။</p> <p>“မုန့်ဝမ်... ငါ ထပ်ခါတလဲလဲ ထွက်ပြေးနေပြီပဲ... နင် ဘာလို့ ငါ့ကို ဒီလောက်အထိ အငြိုးတေးပြီး လိုက်နေရတာလဲ..........”</p> <p>ဘိုးဘေးကြီးသည် အသက်ကို လုရှူနေရပြီး သူ၏ မျက်လုံးများထဲတွင် ကြောက်ရွံ့မှုနှင့် မုန်းတီးမှုများ ပြည့်နှက်နေသည်။</p> <p>“ငါ့ကို ဒီအတိုင်း လွှတ်ပေးလို့ မရဘူးလား..........”</p> <p>“မြက်ကို အမြစ်ကနေ မနှုတ်ရင် နွေဦးလေညင်း တိုက်လာတာနဲ့ ပြန်ပေါက်လာဦးမှာပဲ” မုန့်ဝမ်က နှာခေါင်းရှုံ့လိုက်သည်။</p> <p>“ရှင်က သားသမီး မြေးမြစ်တွေ အများကြီး မွေးထုတ်နိုင်တဲ့ အရည်အချင်းရှိတယ်လေ၊ ရှင့်ကို မသတ်ရင် နောက်ကျရင် ကျွန်မ ပိုပြီး အားစိုက်ထုတ်ရလိမ့်မယ်”</p> <p>“...”</p> <p>ဘိုးဘေးကြီးမှာ ဒေါသကြောင့် နားထင်ကြောများ တဖျတ်ဖျတ် တုန်လာသော်လည်း သူ တစ်ချိန်က ပုရွက်ဆိတ်တစ်ကောင်နှယ် သဘောထားခဲ့သော ဤဂျူနီယာကို မရိုင်းစိုက်ရဲတော့ပေ။</p> <p>ထိုအစား သူသည် နှိမ့်ချသော အမူအရာဖြင့် အောက်ကျနောက်ကျ အသနားခံလိုက်သည်။</p> <p>“မုန့်ဝမ်... နင် ငါ့ကို မသတ်ဘူးဆိုရင် မုန့်မိသားစုရဲ့ အမွေအနှစ်ကို နင့်ကို ပေးပါ့မယ်”</p> <p>“အမွေအနှစ်..........” မုန့်ဝမ်၏ လှုပ်ရှားမှုများ ခေတ္တရပ်တန့်သွားပြီး သူမ၏ မျက်လုံးထဲတွင် စိတ်ဝင်စားမှု အရိပ်အယောင်လေး လက်ခနဲ ဖြစ်သွားသည်။</p> <p> “မုန့်မိသားစုမှာ အမွေအနှစ် ရှိတယ်လို့ ကျွန်မ တစ်ခါမှ မကြားဖူးပါလား..........”</p> <p>“ဒါက မျိုးနွယ်စုရဲ့ လျှို့ဝှက်ချက်ပဲ၊ ငါတစ်ယောက်ပဲ သိတာ။ နင် မကြားဖူးတာက ပုံမှန်ပါပဲ” ဘိုးဘေးကြီးသည် မုန့်ဝမ် စိတ်ဝင်စားသွားပုံရသည်ကို မြင်သောအခါ လျှို့ဝှက်ဆန်းကြယ်စွာ ပြောလိုက်သည်။</p> <p> “မျိုးနွယ်စုထဲက အဲဒီအမွေအနှစ်က ထူးခြားတဲ့ ရတနာတစ်ခုပဲ.......... ငါ သာမန် ကျင့်ကြံသူတစ်ယောက်ကနေ အခုလို အဆင့်အထိ ကျင့်ကြံနိုင်ခဲ့တာ အဲဒီအမွေအနှစ်ကြောင့်ပဲ။ နင် စိတ်မဝင်စားဘူးလား..........”</p> <p>“အို... ဒါဆို ပြောပြပါဦး၊ အဲဒီအမွေအနှစ်က အတိအကျ ဘာလဲဆိုတာ..........” မုန့်ဝမ်၏ လေသံမှာ ကျီစယ်လိုဟန် ပါဝင်နေပြီး သူမ၏ မျက်လုံးထဲတွင် လှောင်ပြောင်မှုများ ရှိနေသည်။</p> <p>ဘိုးဘေးကြီးသည် စိတ်ကို တင်းထားပြီး သွားကြိတ်ကာ ပြောလိုက်သည်။ “ဒီပစ္စည်းရဲ့ နာမည်က... 'နက်နဲသော ကောင်းကင်လျှို့ဝှက်ချက် မှန် တဲ့..........”</p> <p>“နက်နဲသော ကောင်းကင်လျှို့ဝှက်ချက် မှန်..........” မုန့်ဝမ်က မျက်ခုံးပင့်လိုက်သည်။</p> <p> ဤနာမည်မှာ အမှန်တကယ်ပင် နက်နဲဆန်းကြယ်သော အဓိပ္ပာယ် ပါရှိနေလေသည်။</p> <p> </p> <p> </p>


Save