Book List

<h2 style="text-align: center;">အခန်း (၁၄၂၃)</h2> <h2 style="text-align: center;">သွေးလနက္ခတ် (၆၃)</h2> <h2 style="text-align: center;">*</h2> <p> </p> <p> </p> <p> </p> <p>ဂူစတပ်စံအိမ်၏ ပန်းဥယျာဉ်အတွင်းဝယ် တိတ်ဆိတ်ငြိမ်သက်လှသော လမ်းကလေးအတိုင်း ရိုနန်နှင့် အော်ဒရီနော်တန်တို့သည် ယှဉ်တွဲ၍ လျှောက်လှမ်းနေကြလေသည်။</p> <p> </p> <p>ထိုစဉ် မှော်ဆရာမလေး အော်ဒရီသည် သူမ၏ အဆောင်လက်ဖွဲ့ကို တစ်ဖန်ပြန်ထုတ်ယူလိုက်ပြီးလျှင် ရိုနန်အား ကြည့်၍ "ဒီလက်ဆောင်က တန်ဖိုးကြီးလွန်းတယ်၊ ရှင်ပဲ ပြန်သိမ်းထားလိုက်ပါတော့" ဟု ဆိုရှာ၏။</p> <p> </p> <p> စောစောက လူရှေ့သူရှေ့တွင် ရိုနန် အရှက်ရမည်စိုးသဖြင့်သာ လက်ခံထားခဲ့ခြင်း ဖြစ်ပေသည်။</p> <p>အော်ဒရီနော်တန်သည် အမြင်ကျဉ်းမြောင်းသော မိန်းမသားတစ်ဦး မဟုတ်ပေ။</p> <p> </p> <p>သူမသည် ရိုနန်၏ အရည်အချင်းကို အသိအမှတ်ပြုထားသကဲ့သို့ စိတ်တူကိုယ်တူ သူငယ်ချင်းတစ်ဦးအဖြစ်လည်း သတ်မှတ်ထားရာ ရိုနန်အပေါ် အမြတ်ထုတ်လိုစိတ် အလျဉ်းမရှိချေ။</p> <p> </p> <p>"တန်ဖိုးကြီးလို့လား"</p> <p>ရိုနန်က ပြုံးလျက် ခေါင်းခါပြလိုက်ပြီး "သိပ်ပြီးတော့လည်း အကုန်အကျမများပါဘူး၊ သိမ်းထားလိုက်ပါ... မင်းရဲ့ အကူအညီသာမပါရင် ငါအဂ္ဂိရတ်ပညာရှင် တစ်ယောက် ဖြစ်လာမှာမဟုတ်ဘူး၊ ဒါလေးက ငါရဲ့ ကျေးဇူးတင်လွှာအဖြစ် သဘောထားလိုက်ပါ" ဟု ရိုးသားစွာ ဆိုလေသည်။</p> <p> </p> <p>အဘိုးကြီးဂျက်ခ်နှင့် တွေ့ဆုံနှီးနှောခွင့်ရခြင်းမှာ သူ၏ကံကောင်းမှုတစ်ရပ် ဖြစ်ကြောင်းကို ရိုနန် ကောင်းစွာ နားလည်ထား၏။</p> <p> </p> <p>အဂ္ဂိရတ်ပညာရှင်ဟူသည် ရှားပါးသောအသက်မွေးဝမ်းကျောင်း ဖြစ်သော်လည်း ရှာဖွေလျှင် စုစည်း၍ ရနိုင်ပေသည်။</p> <p> </p> <p> သို့သော် အဘိုးကြီးဂျက်ခ်ကဲ့သို့ အဂ္ဂိရတ်ပညာရပ်ကို ထဲထဲဝင်ဝင် သုတေသနပြုထားသူ၊ ဗဟုသုတ အလွန်တရာ ကြွယ်ဝသူနှင့် ကိုယ်ပိုင်ဓာတ်ခွဲခန်းပင် တည်ထောင်ထားနိုင်သူမျိုးမှာမူကား မြေလှန်ရှာလျှင်ပင် တွေ့နိုင်ခဲလှသော လူထူးလူဆန်း တစ်ဦး ဖြစ်ပေရာသည်။</p> <p> </p> <p>ရိုနန်၏ ဂုဏ်ဒြပ်နှင့်ဆိုလျှင် အဂ္ဂိရတ်ပညာရှင်အစစ်အမှန်တစ်ဦးထံ ချဉ်းကပ်ရန်ပင် မဖြစ်နိုင်သလောက် ရှိပေရာ အလုပ်သင်တစ်ဦး ဖြစ်လာရန်မှာမူကား ပြောနေရန်ပင် မလိုတော့ချေ။</p> <p> </p> <p>ထို့ကြောင့်လည်း အော်ဒရီနော်တန်၏ ထောက်ခံပေးမှုမှာ ရိုနန်အတွက် အလွန်ပင် အရေးပါခဲ့လေသည်။</p> <p> </p> <p>အဂ္ဂိရတ်ပညာရပ်ကို လေ့လာလိုက်စားခွင့်ရခြင်းကြောင့်သာ ရိုနန်သည် ဤလောက၏ နိယာမတရားများကို ပိုမိုနက်နဲစွာ နားလည်လာခဲ့ရ၏။ ထိုမှရရှိသော အကျိုးကျေးဇူးမှာလည်း အတိုင်းအဆ မရှိပေ။</p> <p> </p> <p>"နောင်တစ်ချိန်မှာ မင်းအတွက် အဂ္ဂိရတ်ပစ္စည်းတွေ လိုအပ်လာရင် ငါ့ကို ပြောပါ၊ ငါ့ကိုယ်တိုင် စိတ်ကြိုက် သွန်းလုပ်ပေးပါ့မယ်"</p> <p> </p> <p>ရိုနန်က လေးနက်သောလေသံဖြင့် "</p> <p>မင်းအတွက်ဆိုရင် အရင်းဈေးပဲ ယူပါ့မယ်" ဟု ကတိပြုလိုက်၏။ ရိုနန်၏ ထိုသို့သော အလေးအနက်ထားမှုကို မြင်လျှင် အော်ဒရီနော်တန်၏ ဖြူစင်သောမျက်နှာထက်ဝယ် ရှက်သွေးဖြန်းသွားကာ "ကျေးဇူးတင်ပါတယ်" ဟု တိုးညင်းစွာ ပြောရှာလေသည်။</p> <p> </p> <p>ရိုနန် ရယ်မောလိုက်ပြီး "အားနာမနေပါနဲ့" ဟု ပြန်ဆိုလိုက်၏။</p> <p>ထိုစဉ် မှော်ဆရာမလေးက မျက်တောင်လေး ခတ်လိုက်ကာ "ဟို... ရို့စ်စင်ကလဲယား ဆိုတဲ့ အမျိုးသမီးကရော" ဟု မေးမြန်းလိုက်ပြန်သည်။</p> <p> </p> <p>"သူက ငါ့ရဲ့ ကိုယ်စားလှယ်ပါ"</p> <p>ရိုနန်သည် တစ်ဖက်လူ ဘာကိုသိလိုသည်ကို ရိပ်မိသဖြင့် ဂူစတပ်ရိန်းနှင့် သူ၏ ပူးပေါင်းဆောင်ရွက်မှုအကြောင်းကို ရှင်းပြလိုက်၏။</p> <p> </p> <p> ထိုအခါမှ အော်ဒရီက "ဪ... ဒါကြောင့်ကိုး" ဟု မှတ်ချက်ပြုလေသည်။</p> <p>သူမက ခေတ္တမျှ စဉ်းစားပြီးနောက် "ရိန်းမိသားစုက အင်အားကြီးသလို နာမည်ကောင်းလည်း ရှိပါတယ်၊ သူတို့က လက်တွဲဖော်ကောင်းတွေ ဖြစ်မှာပါ" ဟု ဆို၏။</p> <p> </p> <p>ရိုနန်၏ လုပ်ဆောင်ချက်ကို သူမ အပြည့်အဝ နားလည်ပေးနိုင်ပေသည်။ နာမည်မရှိသော အဂ္ဂိရတ်ပညာရှင်တစ်ဦးမှာ အင်အားကြီးသူတို့၏ လောဘဇောတိုက်ခြင်းကို ခံရနိုင်ချေရှိရာ ရိန်းမိသားစုကဲ့သို့ ကျောထောက်နောက်ခံရှိခြင်းက ဘေးဒုက္ခများစွာကို ကာကွယ်ပေးနိုင်မည် ဖြစ်တန်ရာ၏။</p> <p> </p> <p>ရိုနန်က "မင်းရော ဆဲလက်စ်ကို ဘာကိစ္စနဲ့ လာတာလဲ" ဟု မေးလိုက်ရာ အော်ဒရီက ပြုံးလျက် "ဆဲလက်စ်ဆိုတာ ကျွန်မရဲ့ ဝိဇ္ဇာခရီးစဉ်မှာ တစ်ထောက်နားတဲ့ နေရာလေးပါပဲ" ဟု ဆိုလေသည်။</p> <p> </p> <p>ဝိဇ္ဇာများကို အဓိကအားဖြင့် 'အကယ်ဒမီဂိုဏ်း' နှင့် 'သဘာဝဂိုဏ်း' ဟူ၍ နှစ်မျိုးခွဲခြားနိုင်ပေသည်။ အကယ်ဒမီဂိုဏ်းသားတို့မှာ ဓာတ်ခွဲခန်း သို့မဟုတ် ဝိဇ္ဇာမျှော်စင်များအတွင်း အောင်း၍ ပညာရပ်များကိုသာ စေ့စေ့စပ်စပ် လေ့လာတတ်သော ပညာရှင်များဖြစ်ပြီး ပြင်ပသို့ ထွက်ခဲလှ၏။</p> <p> </p> <p>သဘာဝဂိုဏ်းသားတို့မှာမူကား ဆန့်ကျင်ဘက်ဖြစ်၍ လေ့ကျင့်ခန်းဆင်းခြင်းနှင့် စွန့်စားခန်းဖွင့်ခြင်းတို့ကိုသာ အဓိကထားကြပေသည်။</p> <p> </p> <p>အော်ဒရီနော်တန်သည်ကား သဘာဝဂိုဏ်းဝင်တစ်ဦး ဖြစ်ချေသည်။ သဘာဝဂိုဏ်းဝင် ဝိဇ္ဇာတိုင်းသည် နေရာဒေသအနှံ့ လှည့်လည်သွားလာရင်း နတ်ဆိုးများနှင့် သွေးစုပ်ဖုတ်ကောင်များကို နှိမ်နင်းကာ လိုအပ်သော အရင်းအမြစ်များကို ရှာဖွေလေ့ရှိကြ၏။</p> <p> </p> <p>ထို့ကြောင့်ပင် အဆင့်တူသော်ငြား သဘာဝဂိုဏ်းသားတို့၏ တိုက်ခိုက်ရေးစွမ်းရည်မှာ အကယ်ဒမီဂိုဏ်းသားတို့ထက် သိသိသာသာ သာလွန်သကဲ့သို့ သေဆုံးနှုန်းမှာလည်း အလားတူ မြင့်မားလှပေသည်။</p> <p> </p> <p>အော်ဒရီသည် ယခုတစ်ခေါက် မြို့တော်သို့ လာရောက်ခြင်းမှာ လေ့ကျင့်ရန်အတွက်သာမက ဆဲလက်စ်တွင် သိုသိုသိပ်သိပ် နေထိုင်နေကြသော ဝိဇ္ဇာများထံမှ အတွေ့အကြုံနှင့် ဗဟုသုတများ ဆည်းပူးရန်လည်း ဖြစ်ပေသည်။</p> <p> </p> <p>သူမသည် လာမည့်လတွင် ထွက်ခွာတော့မည် ဖြစ်၏။</p> <p>ရိုနန်က ခေါင်းညိတ်လိုက်ပြီး "အကူအညီ လိုတာရှိရင် ငါ့ဆီ လာခဲ့ပါ" ဟု ဆိုကာ သူ၏ နေရပ်လိပ်စာ နှစ်ခုကို ပေးလိုက်လေသည်။</p> <p> </p> <p>"ငါ မကြာခင် နေရာရွှေ့ရင် ရွှေ့လိမ့်မယ်၊ ဒါပေမဲ့ အဘိုးကြီးဂျက်ခ်ရဲ့ အိမ်ကတော့ အမြဲတမ်း ရှိနေမှာပါ" ဟုလည်း ထပ်လောင်းပြောဆို၏။</p> <p> </p> <p>"သိပါပြီ"</p> <p>အော်ဒရီက ပြုံးလျက် "ကျွန်မ သွားရတော့မယ်၊ နောက်တစ်ခါ ပြန်တွေ့ကြတာပေါ့" ဟု နှုတ်ဆက်လိုက်ရာ ရိုနန်ကလည်း ခြေလှမ်းရပ်ကာ "သွားတော့လေ... သွားပါ" ဟု ဆိုလိုက်တော့သည်။</p> <p> </p> <p>မှော်ဆရာမလေးသည် ခြေလှမ်းအနည်းငယ် ဆုတ်လိုက်ပြီးလျှင် ရိုနန်အား လက်ပြကာ အရိပ်များအတွင်းသို့ တိုးဝင် ပျောက်ကွယ်သွားလေတော့၏။</p> <p> </p> <p>သူမ ပျောက်ကွယ်သွားချိန်ဝယ် မွှေးပျံ့သော ရနံ့လေးတစ်ခုသာ လေထဲတွင် ကြွင်းကျန်ရစ်လေသည်။</p> <p>ရိုနန်သည် ဗီလာခန်းမဆောင်အတွင်းသို့ ပြန်ဝင်လာခဲ့၏။</p> <p> </p> <p>ရို့စ်စင်ကလဲယားသည် စိတ်လှုပ်ရှားစွာဖြင့် သူ၏အနားသို့ တိုးကပ်လာကာ လက်ထဲမှ ချက်လက်မှတ်များကို ဝှေ့ယမ်းပြလျက် "အဆောင်လက်ဖွဲ့ ငါးခုလုံး ရောင်းလိုက်ရပြီ" ဟု ဝမ်းသာအားရ ဆိုလေသည်။</p> <p> </p> <p>"ဒီလောက်တောင် မြန်လား" ဟု ရိုနန် အံ့သြသွားရ၏။ သူ ထွက်သွားသည်မှာ တစ်နာရီပင် မပြည့်သေးချေ။</p> <p> </p> <p>ရို့စ်စင်ကလဲယားက မြူးကြွသောလေသံဖြင့် "ဆရာရိုနန်သွန်းလုပ်တဲ့ အဆောင်လက်ဖွဲ့တွေက အစွမ်းထက်လွန်းတော့ လူတိုင်းက လုဝယ်နေကြတာပဲ၊ တချို့ဆိုရင် သူတို့စိတ်ကြိုက် ပစ္စည်းတွေတောင် အော်ဒါမှာနေကြပြီ" ဟု ရှင်းပြရှာသည်။</p> <p> </p> <p> အဂ္ဂိရတ်ပညာရှင်သစ် ရိုနန်၏ ကိုယ်စားလှယ်အဖြစ် သူမသည် လူအများ၏ အာရုံစိုက်မှုကို ခံခဲ့ရသည် မဟုတ်လော။</p> <p>ရို့စ်က လက်ထဲမှ ချက်လက်မှတ်အားလုံးကို ရိုနန်အား ကမ်းပေးလိုက်ပြီး "ရေတွက်ကြည့်လိုက်ပါဦး၊ စုစုပေါင်း ရွှေဒင်္ဂါးပေါင် ၄၅၀၀ ရှိတယ်" ဟု ဆို၏။</p> <p> </p> <p>ရွှေဒင်္ဂါးပေါင် ၄၅၀၀ ဟူသော ပမာဏမှာ ရိုနန်ကိုပင် အမှန်တကယ် အံ့အားသင့်စေခဲ့ပေသည်။ ပိုလျှံနေသော ပစ္စည်းများဖြင့် သွန်းလုပ်ထားသည့် အဆောင်လက်ဖွဲ့ တစ်ခုလျှင် ၉၀၀ နှုန်းအထိ ရလိမ့်မည်ဟု သူ လုံးဝ မထင်မှတ်ထားခဲ့ချေ။</p> <p> </p> <p> အမြတ်အစွန်းမှာ အလွန်ပင် ကြီးမားလှပေသည်။</p> <p>"ဒီပစ္စည်းတွေကို လေလံတင်ရင် ဒီထက်တောင် ဈေးပိုရနိုင်သေးတယ်၊ ဒါပေမဲ့ ဆရာရိုနန်ရဲ့ နာမည်ကို အရင်ပျံ့သွားအောင်လို့ ကျွန်မ မြန်မြန်ပဲ ရောင်းချလိုက်တာ" ဟု ရို့စ်က ဆိုလေသည်။</p> <p> </p> <p>စောစောက ရိုနန်သည် သေနတ်ဖြင့် ပစ်ဖောက်၍ အဂ္ဂိရတ်ပစ္စည်းကို စမ်းသပ်ပြခဲ့ပုံမှာ အလွန်ပင် ထူးခြားဆန်းသစ်လှရာ အထူးစွမ်းအားရှင်များအကြား လုယက်ဝယ်ယူစရာ ဖြစ်ခဲ့ရပေသည်။</p> <p> </p> <p>အထူးစွမ်းအားရှင်ပင် ဖြစ်လင့်ကစား သတိလက်လွတ်ဖြစ်နေချိန်တွင် သာမန်လူတို့၏ လုပ်ကြံမှုကို ခံရနိုင်သည် မဟုတ်လော။ ယနေ့ခေတ် သေနတ်များမှာ အစွမ်းထက်လှပေသည်။</p> <p> </p> <p>ထိုသို့သော အဆောင်လက်ဖွဲ့ ရှိနေခြင်းမှာ မိမိ၏အသက်ကို ဝယ်ယူထားခြင်းနှင့် အလားတူပေသည်။</p> <p>ရွှေဒင်္ဂါးပေါင် ၉၀၀ ဆိုသည်မှာ ကြီးမြင့်လှသလော။ အလျှင်း မဟုတ်ချေ။</p> <p> </p> <p>ရို့စ်သည် ရိုနန်မှာ အဂ္ဂိရတ်ပညာရှင်သစ် ဖြစ်နေသေး၍သာ ဈေးကို သိပ်မတင်ခဲ့ခြင်း ဖြစ်ပေသည်။</p> <p>"ရပါတယ်... ကောင်းတယ်"</p> <p>ရိုနန်မှာ လောဘမကြီးလှပေ။</p> <p> </p> <p>အဆောင်လက်ဖွဲ့တစ်ခု၏ ကုန်ကျစရိတ်မှာ ရွှေဒင်္ဂါးပေါင် ၉၀ အောက်သာ ရှိသည်ကို သူ ကောင်းစွာ သိထားရာ အမြတ်များစွာ ရရှိခဲ့ပြီးဖြစ်သည်ဟု မှတ်ယူလိုက်၏။</p> <p> </p> <p> သို့သော် အဂ္ဂိရတ်ပစ္စည်း သွန်းလုပ်ရာတွင် ကျရှုံးနိုင်ခြေ အလွန်မြင့်မားကြောင်းကိုမူ ရိုနန် သိရှိပုံမရချေ။ အဂ္ဂိရတ်ဆရာကြီးများပင်လျှင် အမြဲတမ်း ၁၀၀ ရာခိုင်နှုန်း အောင်မြင်ရန် မတတ်နိုင်ကြပေ။</p> <p> </p> <p>ထိုသို့သော ကျရှုံးမှုများ၏ ကုန်ကျစရိတ်နှင့် သင်ယူခဲ့ရသော အခက်အခဲများကို ထည့်သွင်းတွက်ချက်လိုက်လျှင် အထူးပစ္စည်းများ၏ ဈေးနှုန်းမှာ အဆမတန် မြင့်မားနေသည်မှာ မဆန်းတော့ချေ။</p> <p> </p> <p> သို့သော် ရိုနန်မှာမူ ထိုနိယာမများထက် ကျော်လွန်၍ အံ့ဖွယ်စွမ်းရည်ကို ပိုင်ဆိုင်ထားသူ ဖြစ်ပေတော့သည်။</p> <p> </p> <p>"ဒီငွေတွေကို ငါ့အတွက် လိုအပ်တဲ့ ပစ္စည်းတွေအဖြစ် ပြောင်းလဲပေးပါ"</p> <p>ရိုနန်သည် ငွေကိုမယူဘဲ "မှာထားတဲ့ အော်ဒါစာရင်းကိုသာ ပေးပါ" ဟု ဆိုလိုက်၏။</p> <p> </p> <p>ရို့စ်သည် အဆောင်လက်ဖွဲ့များကို ရောင်းရရုံသာမက သီးသန့်သွန်းလုပ်ရန် မှာကြားချက်များကိုလည်း ရရှိထားလေသည်။ ရိုနန်သည် ထိုစာရင်းကို ပြန်လည်စစ်ဆေးပြီး သူ မလုပ်နိုင်သည်များကို ပယ်ဖျက်ရမည် ဖြစ်ပေသည်။</p> <p> </p> <p>ရိုနန်သည် ဆဲလက်စ်တွင် အခြေချနိုင်ရန်အတွက် ငွေအမြောက်အမြား ရှာဖွေရန် ဆုံးဖြတ်ထားပြီး ဖြစ်ရာ ထိုသို့သော အော်ဒါများကို သူ ဝမ်းမြောက်စွာပင် ကြိုဆိုနေပေတော့သတည်း။</p> <p> </p> <p>***</p> <p> </p>


Save