Book List

<h2 style="text-align: center;">အခန်း (၁၄၃၅)</h2> <h2 style="text-align: center;">သွေးလနက္ခတ် (၇၅)</h2> <h2 style="text-align: center;">*</h2> <p> </p> <p> </p> <p> </p> <p>တဟုန်းဟုန်း တောက်လောင်နေသော မီးလျှံများက ရိုနန်၏ မျက်နှာကို ဝင်းခနဲ လင်းလက်သွားစေသည်။</p> <p>သူသည် အမှောင်ရိပ်ထဲ၌ ရပ်တန့်လျက် ရှေ့မှ အက်ဒ်မန် သင်္ဘောကျင်း ရှိ ဧရာမ ကုန်လှောင်ရုံကြီး မီးပင်လယ်အတွင်းသို့ ကျဆင်း၍ ဝါးမြိုခံနေရသည်ကို တည်ငြိမ်စွာ စောင့်ကြည့်နေခဲ့၏။</p> <p> </p> <p>ဟုန်းဟုန်းတောက်နေသော မီးအရှိန်မှာ ပြင်းထန်လှပေရာ ခဏချင်းတွင်ပင် အမိုးခုံးကို လောင်ကျွမ်းဖောက်ထွက်သွားပြီး ရဲရဲတောက် မီးလျှံများသည် ရက်စက်ကြမ်းကြုတ်သော သားရဲတစ်ကောင်အလား မီတာပေါင်းများစွာ အမြင့်သို့ ထိုးတက်သွားတော့သည်။</p> <p> </p> <p>သံမဏိဘောင်များမှာလည်း အရည်ပျော်ကျကာ ရုတ်ချည်းပင် ပြိုကျပျက်စီးသွားခဲ့လေပြီ။</p> <p>ယင်းပျက်စီးမှုအောက်တွင် မော်ဖီးယပ်စ် မန်ဒက် နှင့်အတူ ဓားသွားဂိုဏ်း ဝင် နှစ်ရာနီးပါးတို့မှာလည်း တစ်ပါတည်း မြေမြှုပ်သင်္ဂြိုဟ်ခြင်း ခံလိုက်ရချေပြီ။</p> <p> </p> <p>ထိုသို့ဖြင့် ရှေးဟောင်းဆိပ်ကမ်းရပ်ကွက် ၏ နာမည်ဆိုးဖြင့် ကျော်ကြားသော ဂိုဏ်းကြီးမှာ သမိုင်းအဖြစ်သာ ကျန်ရစ်ခဲ့တော့သည်။</p> <p> </p> <p>အဖွဲ့ဝင်အချို့မှာ အပြင်သို့ ထွက်ပြေးလွတ်မြောက်သွားကြသော်လည်း သူတို့၏ ခေါင်းဆောင်နှင့် အမာခံအင်အားစုများ မရှိတော့ပေရာ ထူးထူးခြားခြား ပြဿနာကို ဖန်တီးနိုင်စွမ်း ရှိတော့မည်မဟုတ်ပေ။</p> <p> </p> <p>ထူးခြားသော အဖြစ်အပျက်များ မပေါ်ပေါက်ခဲ့ပါမူ ဓားသွားဂိုဏ်း၏ နယ်မြေနှင့် ပိုင်ဆိုင်မှုများအားလုံးမှာ အချိန်တိုအတွင်း၌ပင် အင်အားစုအသစ်တစ်ခု၏ ဝါးမြိုခြင်းကို ခံရပေလိမ့်မည်။</p> <p> </p> <p>အဆောက်အအုံတစ်ခုလုံး လုံးဝပြိုကျသွားသည့်တိုင်အောင် ရိုနန်သည် အမှောင်ထုအတွင်းသို့ တိုးဝင်ပျောက်ကွယ်သွားခြင်း မရှိသေးပေ။</p> <p> </p> <p>သူထွက်ခွာသွားပြီး မကြာမီတွင်မှ ရဲဥဩသံများမှာ နောက်ကျစွာ ထွက်ပေါ်လာတော့သည်။</p> <p>နက်ဖြန်နံနက် ရိုနန် စတုတ္ထမြောက်ရဲစခန်း သို့ ရောက်ရှိသည့်အခါ ရဲဝန်ထမ်းများမှာ အချင်းချင်း တိုးတိုးတိတ်တိတ် ပြောဆိုနေကြသည်ကို မြင်တွေ့လိုက်ရ၏။</p> <p> </p> <p>ရိုနန်၏ အာရုံခံစားမှုမှာ အလွန်ပင် ထက်မြက်ပေရာ ထိုရဲဝန်ထမ်းများက အသံကို တမင်နှိမ့်၍ ပြောဆိုနေကြသော်လည်း သူသည် ရှင်းလင်းစွာ ကြားနေရလေသည်။</p> <p> </p> <p>" တကယ်ကို ထိတ်လန့်စရာပဲ... သင်္ဘောကျင်းထဲမှာ အလောင်းပေါင်း တစ်ရာကျော် တွေ့တယ်လို့ ငါကြားခဲ့တယ် "</p> <p>" အရာရှိချုပ်ရုံးနဲ့ လုံခြုံရေးဗျူရိုက လူတွေပါ အခင်းဖြစ်တဲ့နေရာကို သွားစစ်နေကြတာ... ဒီတစ်ခါတော့ တကယ်ကို ကိစ္စကြီးသွားပြီ "</p> <p> </p> <p>" ဓားသွားဂိုဏ်းကတော့ ပြီးသွားပြီပေါ့ကွာ "</p> <p>" ဒါနဲ့ မော်ဖီးယပ်စ် မန်ဒက်ရော... သူ အသက်ရှင်သေးရဲ့လား "</p> <p>" အခုထိတော့ မသိရသေးဘူး... သူက အင်အားကြီးတဲ့သူဆိုတော့ လွတ်သွားခဲ့ရင်လည်း အံ့သြစရာတော့ မဟုတ်ဘူးပေါ့ "</p> <p> </p> <p>" ဓားသွားဂိုဏ်းက ဘယ်သူ့ကို သွားစမိလို့ ဒီလိုဖြစ်ရတာလဲ "</p> <p> </p> <p>" ဘယ်သူသိမှာလဲကွာ "</p> <p> </p> <p>ပြီးခဲ့သည့်ညက အက်ဒ်မန် သင်္ဘောကျင်း၌ ရုတ်တရက် မီးလောင်မှု ဖြစ်ပွားခဲ့ခြင်း ဖြစ်သည်။ ရဲတပ်ဖွဲ့ဝင်များနှင့် မီးသတ်သမားများ အမြောက်အမြား ရောက်ရှိလာချိန်တွင် မီးအရှိန်မှာ ထိန်းမနိုင်သိမ်းမရ ဖြစ်နေခဲ့ချေပြီ။</p> <p> </p> <p>အခင်းဖြစ်ရာတွင်လည်း အသက်ရှင်ကျန်ရစ်သူ တစ်ဦးတစ်ယောက်မျှ မရှိခဲ့ပေ။</p> <p>ရှေးဟောင်းဆိပ်ကမ်းရပ်ကွက်ရှိ လူတိုင်းက အက်ဒ်မန် သင်္ဘောကျင်းသည် ဓားသွားဂိုဏ်း၏ အမာခံစခန်းဖြစ်ကြောင်း သိကြပေသည်။</p> <p> </p> <p>ထိုနေရာသည် ဒုစရိုက်လောက၏ အထူးအင်အားစုများ ခိုအောင်းရာ နေရာဖြစ်ပြီး အလွန်အန္တရာယ်ကြီးမားသော နေရာတစ်ခုလည်း ဖြစ်ပေရာ ထိုသင်္ဘောကျင်းကြီး ယခုကဲ့သို့ အမြစ်ပြတ် သုတ်သင်ခံလိုက်ရလိမ့်မည်ဟု မည်သူမျှ မမျှော်လင့်ထားခဲ့ကြပေ။</p> <p> </p> <p>ထိုမီးလောင်မှုကြီးကြောင့် ရှေးဟောင်းဆိပ်ကမ်းရပ်ကွက် တစ်ဝက်ခန့်မှာ ကောင်းကင်သို့ ထိုးတက်နေသော မီးလျှံများကို မြင်တွေ့ခဲ့ရသည်။</p> <p> </p> <p>ဓားသွားဂိုဏ်း ကျဆုံးရခြင်း၏ အကြောင်းရင်းအမှန်ကို မည်သူမျှ တိတိကျကျ မသိကြသော်လည်း ကောလာဟလများမှာမူ အနှံ့အပြား ပျံ့နှံ့နေခဲ့ပြီ ဖြစ်သည်။</p> <p> </p> <p>အက်ဒ်မန် သင်္ဘောကျင်းသည် စတုတ္ထမြောက်ရဲစခန်း၏ စီရင်ပိုင်ခွင့်နယ်မြေအတွင်း၌ မရှိသော်လည်း ဓားသွားဂိုဏ်း၏ ပိုင်ဆိုင်မှုအချို့မှာ ဤနယ်မြေအတွင်းရှိနေသောကြောင့် ရဲစခန်းအတွင်း၌လည်း ပြောစမှတ် ပြုနေကြခြင်း ဖြစ်ပေသည်။</p> <p> </p> <p>အချို့က စိုးရိမ်မကင်း ဖြစ်နေကြသလို အချို့ကလည်း ဝမ်းသာအားရ ဖြစ်နေကြရာ ယင်းအကြောင်းအရာမှာ အလွန်ပင် ရေပန်းစားနေတော့သည်။</p> <p> </p> <p>" ဒုတိယအရာရှိချုပ် "</p> <p>ရိုနန် ဝင်လာသည်ကို မြင်သည်နှင့် ရဲဝန်ထမ်းတစ်ဦးက ချက်ချင်းပင် အနားသို့ ချဉ်းကပ်၍ အလေးပြုလိုက်ပြီး " အရာရှိချုပ် ဖော့ဒ်ဟာမီလ် က ဒုတိယအရာရှိချုပ် ရောက်တာနဲ့ သူ့ရုံးခန်းကို လာခဲ့ဖို့ မှာထားပါတယ်... ဆွေးနွေးစရာ အရေးကြီးကိစ္စတွေ ရှိတယ်လို့ ပြောပါတယ် " ဟု ဆိုသည်။</p> <p> </p> <p>ရိုနန်က ခေါင်းငြိမ့်ပြကာ " ကောင်းပြီ... ငါသိပြီ " ဟု ပြန်လည်ပြောကြားလိုက်၏။</p> <p>သူတို့နှစ်ဦး စကားပြောနေစဉ်အတွင်း ခန်းမဆောင်အတွင်းရှိ ရဲဝန်ထမ်းများမှာ တိတ်ဆိတ်သွားကြသည်။</p> <p> </p> <p> ရိုနန်၏ ကျောပြင် လှေကားထစ်များပေါ်၌ ပျောက်ကွယ်သွားသည့်တိုင်အောင် ထိုထူးဆန်းသော တိတ်ဆိတ်မှုမှာ တည်ရှိနေဆဲ ဖြစ်ပြီး သူတို့သည်လည်း အချင်းချင်း တိုးတိုးတိတ်တိတ် ပြန်လည်ပြောဆိုလာကြတော့သည်။</p> <p> </p> <p>ရိုနန်နှင့် အရာရှိချုပ် ဖော့ဒ်ဟာမီလ်တို့၏ ဆက်ဆံရေးမှာ အလွန်ဆိုးရွားလှကြောင်း လူတိုင်း သိထားကြပေသည်။</p> <p> </p> <p>ထို့ပြင် အရာရှိချုပ်သည် လွန်ခဲ့သော ရက်အနည်းငယ်က ရိုနန်အား ဘော်ဒါ အက်ဒီ ကို ဖမ်းဆီးရန် တာဝန်ပေးထားကြောင်း လူသိရှင်ကြား ကြေညာထားခဲ့ဖူး၏။</p> <p> </p> <p>ထိုတာဝန်အတွက် သတ်မှတ်ထားသော အချိန်ကာလမှာ တစ်ပတ်သာ ဖြစ်ပေသည်။ ရဲဝန်ထမ်းတိုင်းမှာ နုံအသူများ မဟုတ်ကြရာ အရာရှိချုပ်သည် ရိုနန်ကို ပစ်မှတ်ထား၍ နှိပ်ကွပ်ရန် စီစဉ်ထားခြင်း ဖြစ်ကြောင်း အလွယ်တကူပင် ခန့်မှန်းနိုင်ကြလေသည်။</p> <p> </p> <p>အကယ်၍ ရိုနန်သည် သတ်မှတ်ချိန်အတွင်း ဘော်ဒါ အက်ဒီ  ကို အမှန်တကယ် ဖမ်းဆီးနိုင်ခဲ့လျှင် အရာရှိချုပ်အနေဖြင့် သူ၏ စီမံခန့်ခွဲမှုကြောင့် အောင်မြင်ခြင်းဖြစ်သည်ဟု အမှတ်ယူနိုင်ပေမည်။</p> <p> </p> <p> သို့သော်လည်း ရိုနန် တာဝန်မကျေပွန်ခဲ့ပါမူ အကျိုးဆက်မှာ အလွန်ပင် ဆိုးရွားလှပေလိမ့်မည်။ ပြင်းထန်သော အပြစ်ပေးမှု မခံရသည့်တိုင်အောင် ဤဒုတိယအရာရှိချုပ် ငယ်လေး၏ သြဇာအာဏာမှာမူ ထိုးကျသွားမည်မှာ အမှန်ပင်။</p> <p> </p> <p>လက်ရှိတွင် ရိုနန်အနေဖြင့်ဘော်ဒါ အက်ဒီ ကို သတ်မှတ်ချိန်အတွင်း ဖမ်းဆီးနိုင်ခြင်း ရှိ၊ မရှိကိုပင် လောင်းကြေးထပ်နေကြချေပြီ။</p> <p>အများစုမှာမူ ရိုနန် ရှုံးနိမ့်လိမ့်မည်ဟုသာ လောင်းကြေးထပ်ထားကြလေသည်။</p> <p> </p> <p>လူအများ၏ ပြောစမှတ်ပြုခြင်းကို ခံနေရသော ရိုနန်သည် စခန်း၏ တတိယထပ်ရှိ အရာရှိချုပ်၏ ရုံးခန်းသို့ ရောက်ရှိနေပြီ ဖြစ်သည်။</p> <p> </p> <p>ဖော့ဒ်ဟာမီလ်သည် ရိုနန် ရောက်ရှိလာသည်ကို သတိမပြုမိဟန်ဆောင်ကာ စာရွက်စာတမ်းများကို အာရုံစိုက်၍ ရေးမှတ်နေ၏။</p> <p> </p> <p>သာမန် လက်အောက်ငယ်သားတစ်ဦးသာ ဆိုပါက ယင်းကဲ့သို့ အခြေအနေမျိုးတွင် ဘေး၌ အရိုအသေပေးလျက် ငြိမ်သက်စွာ စောင့်ဆိုင်းနေရပေမည်။</p> <p> </p> <p>ယင်းမှာ " မတ်တပ်ရပ် စောင့်ခိုင်းခြင်း " ဟူသော အာဏာပြမှုကို ခံရခြင်းဖြစ်သော်လည်း မနာခံပါက စည်းကမ်းမဲ့သူဟု အမည်ဖျက်ခံရမည် ဖြစ်သည်။</p> <p>သို့သော်လည်း ရိုနန်က ထိုသို့ ပြုမူမည်လား။</p> <p> </p> <p> သူသည် ပွင့်နေသော တံခါးကို ခေါက်လိုက်ပြီး " ဆရာ... ကျွန်တော့်ကို ဘာကိစ္စ ခေါ်တာလဲ " ဟု တည့်တိုးပင် မေးမြန်းလိုက်သည်။</p> <p>ဖော့ဒ်ဟာမီလ်က ခေါင်းမဖော်ဘဲ " စောင့်နေ " ဟုသာ ပြန်လည်ဖြေကြားလေသည်။</p> <p> </p> <p>" ကောင်းပါပြီ "</p> <p>ရိုနန်သည် တွန့်ဆုတ်နေခြင်း မရှိဘဲ ချက်ချင်းပင် နောက်လှည့်၍ ထွက်ခွာရန် ပြင်လိုက်ကာ " ဒါဆိုရင် ကျွန်တော် မနက်ဖြန်မှပဲ ပြန်လာခဲ့မယ် " ဟု ပြောလိုက်၏။</p> <p> </p> <p>" မင်း... "</p> <p>ဖော့ဒ်ဟာမီလ်မှာ ဆဲရေးတိုင်းထွာမိလုနီးပါး ဖြစ်သွားရပြီး လက်ထဲမှ ကလောင်တံကိုပင် ချိုးပစ်ချင်စိတ် ပေါက်သွားတော့သည်။</p> <p> </p> <p>ရိုနန်သည် ကိုင်တွယ်ရ ခက်ခဲသူဖြစ်ကြောင်း သူသိသော်လည်း ယခုကဲ့သို့ မောက်မာစွာဖြင့် အရာရှိချုပ်၏ အာဏာကို အလေးမထားဘဲ ပြုမူလိမ့်မည်ဟု မမျှော်လင့်ထားခဲ့ပေ။</p> <p> </p> <p>ဖော့ဒ်ဟာမီလ်သည် အသက်ကို ပြင်းပြင်းရှူလိုက်ပြီး " ထိုင်... ငါတို့ စကားပြောရအောင် " ဟု အသံနိမ့်နိမ့်ဖြင့် ပြောလိုက်ရတော့သည်။</p> <p> </p> <p>" ကောင်းပါပြီ "</p> <p>ရိုနန်က နောက်သို့ ပြန်လှည့်လာကာ ဖော့ဒ်ဟာမီလ်၏ ရှေ့တွင် ခပ်အေးအေးပင် ထိုင်လိုက်၏။</p> <p> </p> <p>" ဒုတိယအရာရှိချုပ် ရိုနန်... "</p> <p>ဖော့ဒ်ဟာမီလ်သည် သူ၏ မကျေနပ်ချက်များကို မျိုသိပ်လိုက်ပြီး ရိုနန်၏ မျက်လုံးများကို စိုက်ကြည့်ကာ " မင်း မနေ့ညက ဘယ်မှာ ရှိနေတာလဲ " ဟု မေးမြန်းလိုက်သည်။</p> <p> </p> <p>" အိမ်မှာပဲ ရှိနေတာပါ "</p> <p>ရိုနန်က တည်ငြိမ်စွာပင် ပြန်လည်ဖြေကြားပြီး " အက်ဒ်မန် သင်္ဘောကျင်းက မီးလောင်တာကိုတောင် ကျွန်တော် မြင်လိုက်ရသေးတယ် " ဟု ဆိုသည်။</p> <p> </p> <p>ရှေးဟောင်းဆိပ်ကမ်းရပ်ကွက်အတွင်းရှိ သူ၏ အိမ်မှာ အက်ဒ်မန် သင်္ဘောကျင်းနှင့် ငါးကီလိုမီတာခန့်သာ ဝေးကွာပေရာ အလွန်ပင် နီးကပ်နေသည်ဟု ဆိုရပေမည်။</p> <p>ဖော့ဒ်ဟာမီလ်သည် တိတ်ဆိတ်သွား၏။</p> <p> </p> <p>သူသည် ဓားသွားဂိုဏ်း ကျဆုံးမှုနှင့် ရိုနန် ပတ်သက်နေနိုင်သည်ဟု သံသယရှိနေခြင်း ဖြစ်သည်။ အကြောင်းမှာ ရိုနန်သည် ဘော်ဒါ အက်ဒီ ကို ခြေရာခံနေပြီး ဓားသွားဂိုဏ်း၏ ခေါင်းဆောင် မော်ဖီးယပ်စ် မန်ဒက်မှာ ဘော်ဒါ အက်ဒီ ၏ သူငယ်ချင်းကောင်း တစ်ဦးဖြစ်သောကြောင့်ပင်။</p> <p> </p> <p>ထို့ကြောင့် ရိုနန်သည် မော်ဖီးယပ်စ် မန်ဒက်ထံမှ သဲလွန်စ ရှာဖွေနေခြင်းလည်း ဖြစ်တန်ရာ၏။</p> <p>သို့သော်လည်း ရိုနန်တစ်ဦးတည်းက ဓားသွားဂိုဏ်းတစ်ခုလုံးကို ဖြိုခွင်းနိုင်လိမ့်မည်ဟူသော အတွေးမှာ ဖော့ဒ်ဟာမီလ်အတွက်မူ အလွန်ပင် ယုတ္တိမရှိဟု ထင်မြင်မိပေသည်။</p> <p> </p> <p>အကယ်၍ ရိုနန်၌ ယင်းကဲ့သို့သော အစွမ်းမျိုး ရှိနေပါမူ ဤရဲစခန်းငယ်လေးအတွင်း၌ အဘယ်ကြောင့် ရှိနေပါဦးမည်နည်း။</p> <p>သို့သော်ငြားလည်း သူ၏ အတွင်းစိတ် အသိစိတ်ကမူ ရိုနန်သည် အက်ဒ်မန် သင်္ဘောကျင်း အဖြစ်အပျက်နှင့် ဆက်စပ်နေကြောင်း ညွှန်ပြနေခဲ့သည်။</p> <p> </p> <p>ထိုသို့သော အတွင်းစိတ် ပဋိပက္ခမှာ ဖော့ဒ်ဟာမီလ်ကို အလွန်ပင် စိတ်မသက်မသာ ဖြစ်စေလေသည်။</p> <p>သူသည် ရိုနန်ကို စမ်းသပ်လိုသော်လည်း ရိုနန်၏ အဖြေမှာမူ အပြစ်ဆိုဖွယ်မရှိအောင် တိကျနေခဲ့သည်။</p> <p> </p> <p>ဖော့ဒ်ဟာမီလ်က အတန်ကြာ စဉ်းစားပြီးနောက် အကြောင်းအရာကို ပြောင်းလဲလိုက်ပြီး " ဘော်ဒါ အက်ဒီ ရဲ့ စုံစမ်းစစ်ဆေးမှုက ဘယ်လိုအခြေအနေ ရှိသလဲ " ဟု မေးမြန်းလိုက်သည်။</p> <p> </p> <p>သူက ရိုနန်အား " အချိန်က ရက်အနည်းငယ်ပဲ ကျန်တော့တယ် " ဟုလည်း မလိုတမာစိတ်ဖြင့် သတိပေးလိုက်သေး၏။</p> <p> </p> <p>" ကျွန်တော် သဲလွန်စအချို့ ရထားပါတယ် "</p> <p>ရိုနန်က အေးဆေးစွာပင် ပြန်လည်ဖြေကြားခဲ့သည်။ " အကယ်၍ သူ သေမနေဘူးဆိုရင်တော့ သတ်မှတ်ချိန်အတွင်းမှာ သူ့ကို ဖမ်းမိပါလိမ့်မယ် "</p> <p> </p> <p>ဖော့ဒ်ဟာမီလ်၏ မျက်ခုံးများမှာ လှုပ်ခတ်သွားသော်လည်း နောက်ဆုံးတွင်မူ ရိုနန်ကို ထွက်ခွာခွင့် ပေးလိုက်တော့သည်။ " ကောင်းပြီ... မင်းရဲ့ အလုပ်ကို ပြန်လုပ်တော့ "</p> <p> </p> <p>" ဟုတ်ကဲ့ "</p> <p>ရိုနန်သည် ထိုင်နေရာမှ ထကာ အရာရှိချုပ်၏ ရုံးခန်းအတွင်းမှ ထွက်ခွာသွားခဲ့သည်။</p> <p>သူ၏ မောက်မာလှသော ကျောပြင်ကို ကြည့်လျက် ဖော့ဒ်ဟာမီလ်မှာ စားပွဲကို ဒုန်းခနဲ ရိုက်လိုက်မိတော့သည်။</p> <p> </p> <p>ရိုနန်ကို သူ မထိန်းချုပ်နိုင်တော့ကြောင်း ခံစားနေရချေပြီ။</p> <p>ဤသို့သာ ဆက်သွားနေပါမူ ရိုနန်သည် သူ၏ အရာရှိချုပ် ရာထူးကိုပင် သိမ်းပိုက်သွားမည်မှာ အချိန်စောင့်ရန်သာ လိုတော့ပေသည်။</p> <p> </p> <p>သူသည် သွားကို တင်းတင်းကြိတ်လိုက်ပြီး စားပွဲပေါ်ရှိ ဖုန်းကို ကောက်ကိုင်ကာ ဒေါသတကြီးဖြင့် လှည့်ပတ်လိုက်တော့သည်။</p> <p> </p> <p>***</p> <p> </p>


Save