Book List

<h2 style="text-align: center;">အခန်း (၅၂၈)</h2> <h2 style="text-align: center;">ကောင်းကင်ကံကြမ္မာ နတ်ဘုရားတောင်</h2> <h2 style="text-align: center;">*</h2> <p> </p> <p>ရန်ရှောက်ထျန်းက ရုတ်တရက်လှည့်ကြည့်လိုက်သောအခါ လုံရှန့်တုန်း၏ကျောရိုးတစ်လျှောက် အေးစိမ့်သွားသလို ခံစားလိုက်ရလေသည်။</p> <p>တစ်ဖက်လူ၏ အလွန်တရာပြင်းထန်လှသောလက်သီးချက်ကိုရင်ဆိုင်ရင်းမှ ရန်ရှောက်ထျန်းသည် လည်း သူ၏လက်သီးတစ်ချက်ကိုပြန်လည်ထိုးနှက်လိုက်လေရာ သူ့ခန္ဓာကိုယ်မှအတိုင်းအဆမဲ့သော နဂါးအရှိန်အဝါများပေါက်ကွဲထွက်လာခဲ့ပြီးနောက် သူ၏လက်သီးစွမ်းအားအတွင်းမှစစ်မှန်သောနဂါးစွမ်း အားသန်းပေါင်းများစွာတို့သည်မှာလည်းအဆမတန်ပျံသန်းထွက်ပေါ်၍လာခဲ့လေတော့သည်။</p> <p>ချက်ချင်းဆိုသလိုပင် စစ်မှန်သောနဂါးသန်းပေါင်းများစွာမှာ နတ်ဘုရားနဂါးပင်လယ်ကြီးအဖြစ်သို့ ပြောင်းလဲသွားခဲ့လေသည်။</p> <p>ကြောက်မက်ဖွယ်ကောင်းသောစွမ်းအားများရယ်ကြောင့် လုံရှန့်တုန်း၏မျက်နှာမှာ ထိတ်လန့်တကြား ဖြစ်သွားခဲ့တော့သည်။</p> <p>သူ နောက်သို့ ဆုတ်ခွာချင်သော်လည်း နောက်ကျသွားခဲ့လေပြီသာဖြစ်တော့သည်။</p> <p>“ဘုန်း…”</p> <p>ရန်ရှောက်ထျန်း၏နဂါးလက်သီးစွမ်းအားတို့သည် တစ်ဖက်လူ၏လက်သီးစွမ်းအားကို ချက်ချင်း ထိုးဖောက်ဝင်ရောက်ဖြိုခွင်းသွားလေတော့သည်။</p> <p>သူတို့၏လက်သီးများမှာ ထိပ်တိုက်တွေ့ဆုံသွားခဲ့ကြလေသည်။</p> <p>နတ်ဘုရားနဂါး မင်နဂါးသွေးမျိုးဆက်နှင့်နတ်ဘုရားဆင်မျိုးနွယ်၏ကောင်းကင်ဆင်သွေးမျိုး ဆက်ကိုပိုင်ဆိုင်ထားသည်ဟုဆိုသောလုံရှန့်တုန်းမှာ နတ်ဘုရားတောင်ကြီးတစ်လုံးနှင့် တိုက်မိသွားသော ကျောက်တုံးတစ်တုံးအလား နောက်သို့ လွင့်ထွက်သွားခဲ့လေသည်။</p> <p>သူသည် ထိုပြင်းထန်လှသောအရှိန်အဝါရယ်ကြောင့် အဝေးရှိတောင်ထိပ်တစ်ခုပေါ်သို့ ပြင်းထန်စွာ ကျဆင်းသွားခဲ့လေသည်။</p> <p>တောင်ထိပ်မှာ တိုက်ရိုက်ပင် ပေါက်ကွဲသွားခဲ့လေသည်။</p> <p>လုံရှန့်တုန်းသည် အဝေးရှိတောင်တန်းဒေသသို့ကျဆင်းသွားသောအခါ သူ၏လက်မောင်းတစ်ခု လုံးမှာ ကြောက်မက်ဖွယ်ကောင်းသောစွမ်းအားတစ်ခုကြောင့်ပျက်စီးသွားသလိုပင်ခံစားလိုက်ရပြီး တိုက်ရိုက် ပေါက်ကွဲထွက်လို့သွားကာ အသားစများတို့လွင့်စင်သွားပြီး အရိုးများပင်ပေါ်ထွက်သွားခဲ့တော့သည်။</p> <p>ထို့အပြင် လုံရှန့်တုန်းကိုယ်တိုင်မှာလည်း သွေးများအဆက်မပြတ်အန်ထုတ်နေရပြီး ဖရိုဖရဲ ဖြစ်နေကာ သူတောင်းစားတစ်ဦးနှင့်ပင် အလားသဏ္ဍာန်တူနေလေသည်။</p> <p>လုံရှန့်တုန်း၏ သနားစရာကောင်းသောအခြေအနေကိုမြင်လိုက်ရသဖြင့် အားလုံးမှာထိတ်လန့်သွား ကြပြီး လုံရှန့်တုန်းနှင့်အတူလာခဲ့သောလူငယ်လူရွယ်အနည်းငယ်မှာလည်း သေလုမတတ်ထိတ်လန့်သွားကြ တော့သည်၊ ကောင်းကင်ပျံဖီးနစ်အမျိုးသမီး၏ လှပသောမျက်နှာလေးမှာပင် ဖြူဖျော့သွားခဲ့လေသည်။</p> <p>ရန်ရှောက်ထျန်း၏ ခုနကလက်သီးချက်မှာ သူမ၏နှလုံးသားကိုလည်း ရိုက်ခတ်သွားပုံ ရလေသည်။</p> <p>မင်နဂါးသွေးမျိုးဆက်နှင့် ကောင်းကင်ဆင်သွေးမျိုးဆက်ကိုပိုင်ဆိုင်ထားသောလုံရှန့်တုန်းက မည်မျှ အစွမ်းထက်ကြောင်း သူမ မသိဘဲနေပါ့မည်နည်း။</p> <p>သို့သော်လည်း သိုင်းပညာအမျိုးမျိုးကိုကျင့်ကြံထားပြီး ချန်ကျိုး၏နံပါတ်တစ်သိုင်းပညာသားတော် ဟု လူသိများသောလုံရှန့်တုန်းမှာ ယခုအခါ ခွေးသေတစ်ကောင်အလားလဲကျနေခြင်း ဖြစ်လေသည်။</p> <p>ခေတ္တမျှကြာအောင် ကောင်းကင်ကံကြမ္မာနတ်ဘုရားတောင်၏ပတ်ဝန်းကျင်တွင် သေလုမတတ် တိတ်ဆိတ်သွားခဲ့လေသည်။</p> <p>အားလုံးမှာ ဤကြောက်မက်ဖွယ်ကောင်းသောမြင်ကွင်းကြောင့် ထိတ်လန့်နေကြခြင်းဖြစ်လေသည်။</p> <p>လုံရှန့်တုန်းမှာ ချန်ကျိုးရှိ ဒဏ္ဍာရီတစ်ခုဖြစ်လေသည်။</p> <p>သူသည် ချန်ကျိုးရှိ လူအများအသိအမှတ်ပြုထားသောနံပါတ်တစ်ပါရမီရှင်ဖြစ်သလို၊ ချန်ကျိုးရှိ လူငယ်မျိုးဆက်များကြားတွင်လည်း နံပါတ်တစ်ပညာရှင်ဖြစ်ကာ စိန့်အဆင့်ဒုတိယအလွှာရှိပညာရှင်တစ်ဦး ၏ လက်သီးချက်ကိုပင် တောင့်ခံနိုင်ခဲ့သူလည်းဖြစ်လေသည်။</p> <p>သို့သော်လည်း ယခုမူ သူသည်လူငယ်လေးတစ်ဦး၏လက်သီးတစ်ချက်ကိုပင် မတောင့်ခံနိုင်ခဲ့ပေ။</p> <p>ဤလူငယ်လေး၏လက်သီးချက်မှာ စိန့်အဆင့်ဒုတိယအလွှာရှိပညာရှင်တစ်ဦးထက်ပင် ပိုမို ကြောက် မက်ဖွယ်ကောင်းနေသည်တဲ့လား။</p> <p>ဤအတွေးကြောင့် တပည့်အများအပြားမှာ သူတို့၏ခြေထောက်များ ပျော့ခွေသွားသလို ခံစားလိုက်ရ လေသည်။</p> <p>လွန်ခဲ့သော နှစ်ပေါင်းသန်းနှင့်ချီက ဟွန်ချွမ်ဘိုးဘေးမှာဝမ်ကျန့်တိုက်ကြီးတစ်ခုလုံးတွင် ပြိုင်ဘက် ကင်းခဲ့ပြီး မည်သူမျှသူ၏ပြိုင်ဘက်မဟုတ်ခဲ့ကြပေ၊ သူသည်ဝမ်ကျန့်တိုက်ကြီးပေါ်ရှိလူတိုင်း သူ့ကို ဒူးထောက်ရသည်အထိ သတ်ဖြတ်ခဲ့သူ ဖြစ်သော်လည်း ယခုအခါ ဤဟွန်ချွမ်ဘိုးဘေး ဆက်ခံသူမှာ ထိုနှစ်က ဟွန်ချွမ်ဘိုးဘေးထက်ပင် ပိုမို ကြောက်မက်ဖွယ်ကောင်းနေပုံ ရလေသည်။</p> <p>ဤအချိန်တွင် ရန်ရှောက်ထျန်း၏ဓားဖြင့်ထိုးဖောက်ခြင်းခံခဲ့ရသော လူငယ်ဧကရာဇ်ချန်ယွမ်မှာ ရပ်နေသော အနေအထားမှမြေပြင်ပေါ်သို့ တောင့်တောင့်ကြီး လဲကျသွားခဲ့လေပြီ။</p> <p>ကျယ်လောင်သော အသံတစ်ခုထွက်ပေါ်လာလေသည်။</p> <p>၎င်းက ရောက်ရှိနေသူအားလုံးကို နောက်တစ်ကြိမ်ထိတ်လန့်သွားစေခဲ့လေသည်။</p> <p>အဝေးတွင် လေခွဲသံများကိုကြားလိုက်ရပြီး ဧကရာဇ်အဆင့်ပညာရှင်အုပ်စုကြီးတစ်ခုမှာ ကောင်း ကင်ကံကြမ္မာနတ်ဘုရားတောင်ဆီသို့ အဝေးမှပျံသန်းလာကြသည်ကိုမြင်တွေ့လိုက်ရလေသည်၊ သူတို့မှာ လည်း ကံကြမ္မာနတ်ဘုရားကျောက်တုံးအတွက် လာခဲ့ကြခြင်းဖြစ်ကြောင်း ရှင်းလင်းလှပေသည်။</p> <p>သူတို့ ရောက်ရှိလာချိန်တွင် လူတိုင်းမှာကျောက်ရုပ်များအလားတိတ်ဆိတ်ငြိမ်သက်စွာ ရပ်နေကြ သည်ကို မြင်လိုက်ရသဖြင့် သူတို့မှာထူးဆန်းသည်ဟု ခံစားမိလိုက်ကြလေသည်။</p> <p>ပညာရှင်တစ်ဦးက ထိုနေရာရှိတစ်စုံတစ်ယောက်ကိုနှုတ်ဆက်လိုက်ပြီး နောက်ပြောင်လိုက်သည်။</p> <p>“ယန်အစ်ကို... ခင်ဗျား ဘာလို့အဲဒီမှာရပ်နေတာလဲ။ လှပတဲ့အမျိုးသမီးတစ်ယောက်ကို ကြည့်ပြီး စိတ်လှုပ်ရှားနေတာလား”</p> <p>သို့သော်လည်း သူ အနားသို့တိုးသွားသောအခါမှ ထိုယန်အစ်ကိုမှာစိတ်လှုပ်ရှားနေခြင်း မဟုတ်ဘဲ တုန်ယင်နေခြင်း ဖြစ်ကြောင်း သူ တွေ့ရှိလိုက်ရလေသည်။</p> <p>သူသည် အံ့အားသင့်စွာကြည့်လိုက်ရာ ရန်ရှောက်ထျန်း၏နောက်ကွယ်ရှိ အလောင်းကိုတွေ့လိုက်ရ သောအခါ သူ၏ မျက်နှာမှာ သိသိသာသာ ပြောင်းလဲသွားတော့သည်။</p> <p> “လူငယ်ဧကရာဇ် ချန်”</p> <p>သူနှင့်အတူ လာခဲ့သောသူများသည်လည်း ဤအချိန်တွင်ချန်ယွမ်၏အလောင်းကို မြင်လိုက်ရသဖြင့် သူတို့၏ မျက်နှာများအားလုံး အကြီးအကျယ်ပြောင်းလဲသွားကြတော့သည်။</p> <p>“ဒါ... ဒါက နဂါးဆင် လူငယ်ဧကရာဇ်လား”</p> <p> သူတို့ထဲမှ တစ်ဦးကအဝေးတွင် သူတောင်းစားတစ်ဦးအလားလဲကျနေသော လုံရှန့်တုန်းကို ကြည့် ရင်း စကားထစ်လျက်မေးလိုက်သည်။</p> <p>ရောက်ရှိလာသူ အားလုံးမှာတစ်ကိုယ်လုံး တုန်ယင်သွားကြပြီး သူတောင်းစားနှင့် တူနေသော ထိုသူကို ကြည့်လိုက်ကြလေသည်။</p> <p>ဒါ အမှန်တကယ်ပဲ နဂါးဆင် လူငယ်ဧကရာဇ် လုံရှန့်တုန်းပါလား။</p> <p>ဒါ ဘယ်သူလဲ။</p> <p>ဘယ်သူက နဂါးဆင်လူငယ်ဧကရာဇ်ကို ဒီလိုအခြေအနေမျိုးဖြစ်အောင် လုပ်လိုက်တာလဲ။</p> <p>ရန်ရှောက်ထျန်းသည် ရောက်ရှိလာသူများကိုလျစ်လျူရှုလိုက်ပြီး လုံရှန့်တုန်းကိုအေးစက်စွာ ကြည့် လိုက်သည်။</p> <p> “မင်းလည်း သေချင်နေတယ်ဆိုမှတော့ ငါ မင်းရဲ့ ဆန္ဒကို ဖြည့်ဆည်းပေးရမှာပေါ့”</p> <p> ထိုသို့ပြောရင်း သူသည်လုံရှန့်တုန်းဆီသို့ လမ်းလျှောက်သွားရန် ပြင်ဆင်လိုက်လေသည်။</p> <p>လုံရှန့်တုန်းမှာ ထိတ်လန့်တကြားဖြင့်ပြန်ထလိုက်ပြီး ကြောက်လန့်တကြားနောက်သို့ ဆုတ်ခွာခဲ့ လေသည်။</p> <p>လုံရှန့်တုန်းက ဤမျှလောက်အထိထိတ်လန့်နေခြင်းမှာမဆန်းတော့ပေ၊ ရန်ရှောက်ထျန်း၏ လက်သီး ချက်က မည်မျှကြောက်မက်ဖွယ်ကောင်းကြောင်း သူကိုယ်တိုင်သာအမှန်တကယ်ခံစားမိခဲ့ခြင်း ဖြစ်လေ သည်။</p> <p>ရန်ရှောက်ထျန်းသည် လုံရှန့်တုန်းဆီသို့လမ်းလျှောက်သွားစဉ်မှာပင် ရုတ်တရက်ကောင်းကင်ကံ ကြမ္မာ နတ်ဘုရားတောင်၏ပတ်ဝန်းကျင်ရှိ အလွန်တရာပြင်းထန်လှသောတားမြစ်ချက် အရှိန်အဝါများမှာ မှိတ်တုတ်မှိတ်တုတ် ဖြစ်လာခဲ့ပြီး မှေးမှိန်သွားခဲ့လေသည်။</p> <p>အားလုံးမှာ မှင်တက်သွားကြပြီးနောက် အကြီးအကျယ်ဝမ်းသာသွားကြတော့သည်။</p> <p>တပည့်အများအပြားမှာ ကောင်းကင်ကံကြမ္မာ နတ်ဘုရားတောင်ဆီသို့ တိုးဝင်သွားကြလေသည်။</p> <p>၎င်းကို မြင်သောအခါ ရန်ရှောက်ထျန်းသည် လုံရှန့်တုန်းကိုသတ်ရန် အချိန်မဖြုန်းတော့ပေ။</p> <p>ဤအချိန်တွင် ကောင်းကင်ကံကြမ္မာ နတ်ဘုရားတောင်၏တားမြစ်ချက်အရှိန်အဝါမှာ မှေးမှိန်နေပြီး တားမြစ်ချက်စွမ်းအားမှာအားနည်းဆုံးဖြစ်နေချိန်ဖြစ်လေသည်၊ ဤအချိန်တွင် တောင်တက်ခြင်းမှာ အကောင်းဆုံးအခွင့်အရေးဖြစ်ပြီး တားမြစ်ချက်စွမ်းအားမှာမကြာမီမူလအခြေအနေသို့ ပြန်လည်ရောက်ရှိ သွားပေလိမ့်မည်။</p> <p>ရန်ရှောက်ထျန်းနှင့် အခြားသောတပည့်များသည်လည်း ကောင်းကင်ကံကြမ္မာနတ်ဘုရားတောင် ဆီသို့ အပြေးတိုးဝင်သွားကြလေသည်။</p> <p>မျက်စိတစ်မှိတ်အတွင်းမှာပင် ရန်ရှောက်ထျန်းသည်ကောင်းကင်ကံကြမ္မာ နတ်ဘုရားတောင်၏ တားမြစ်ချက်အရှိန်အဝါကိုထိုးဖောက်ပြီး ကောင်းကင်ကံကြမ္မာနတ်ဘုရားတောင်အတွင်းသို့ ဝင်ရောက်ခဲ့ လေသည်။</p> <p>ချက်ချင်းဆိုသလိုပင် ရန်ရှောက်ထျန်းသည် တောင်ထိပ်ဆီသို့ တိုက်ရိုက်ပျံသန်းသွားခဲ့လေသည်။</p> <p>ပေတစ်ရာ၊ နှစ်ရာ၊ သုံးရာ။</p> <p>ပေတစ်ထောင်။</p> <p>ပို၍ မြင့်မားသောနေရာသို့ရောက်လေလေ တားမြစ်ချက်စွမ်းအားမှာ ပိုမိုပြင်းထန်လာလေလေဖြစ် ပြီး ဧကရာဇ်အဆင့်ဒသမအလွှာရှိ တပည့်အများအပြားမှာပေတစ်ထောင်အမြင့်သို့ ရောက်ရှိသောအခါ သူတို့၏အပေါ်တွင် ရှေးဟောင်းနတ်ဘုရားတောင်ကြီးတစ်လုံးဖိနှိပ်ထားသလိုခံစားရပြီး ဆက်လက်၍မသွား နိုင်တော့ဘဲ ရပ်တန့်ခဲ့ကြရလေသည်။</p> <p>ထို့ကြောင့် ပေတစ်ထောင်သို့ရောက်ရှိပြီးနောက်တွင် အနည်းငယ်သောတပည့်များသာ ဆက်လက်၍ တက်နိုင်ခဲ့ကြလေသည်။</p> <p>ပေနှစ်ထောင်သို့ ရောက်ရှိသောအခါတွင်မူ လူအနည်းငယ်သာ ကျန်တော့လေသည်။</p> <p>ပေသုံးထောင်အမြင့်သို့ရောက်ရှိသောအခါတွင်မူ ကောင်းကင်ပျံဖီးနစ်အမျိုးသမီးတစ်ဦးသာ ကျန်ရှိ တော့လေသည်။</p> <p>နောက်ဆုံးတွင် ကောင်းကင်ပျံ ဖီးနစ်အမျိုးသမီးသည် ပေသုံးထောင်ကျော်တွင်သာရပ်တန့်ခဲ့ရလေ သည်။</p> <p>အခြားသူများ အားလုံးရပ်တန့်သွားကြသော်လည်း ရန်ရှောက်ထျန်းမှာမူဆက်လက်၍ တက်နေခဲ့ လေသည်။</p> <p>မကြာမီမှာပင် သူသည်ပေလေးထောင်ကို ထိုးဖောက်သွားခဲ့လေသည်။</p> <p>ရန်ရှောက်ထျန်း၏ အရှိန်မှာ လျော့ကျသွားခြင်း မရှိသေးပေ။</p> <p>“သူက ပေငါးထောင်ကိုများ ထိုးဖောက်သွားမလားမသိဘူး”</p> <p> ဖီးနစ်မျိုးနွယ်စုမှ ပညာရှင်တစ်ဦးက အံ့အားသင့်စွာအော်ဟစ်လိုက်လေသည်။</p> <p>လွန်ခဲ့သော နှစ်ပေါင်းသန်းနှင့်ချီအတွင်း ပေငါးထောင်သို့ခုနစ်ဦးသာရောက်ရှိနိုင်ခဲ့ခြင်း ဖြစ်လေ သည်။</p> <p>တစ်ဦးမှာ ဘိုးဘေးဟုန်ဖုန်းနတ်ဘုရားအရှင်သခင်ဖြစ်ပြီး၊ တစ်ဦးမှာဟွန်ချွမ်ဘိုးဘေး၊ တစ်ဦးမှာ ကျောက်ရုန်နှင့် နောက်တစ်ဦးမှာကျန့်ထျန်းဧကရာဇ်တို့ဖြစ်လေသည်။</p> <p>ကောင်းကင်ပျံ ဖီးနစ်အမျိုးသမီးသည်လည်းပေငါးထောင်ဆီသို့ဆက်တိုက် တိုးဝင်နေသော ရန်ရှောက်ထျန်းကို မျက်တောင်မခတ်တမ်းကြည့်နေမိသည်။</p> <p>ရန်ရှောက်ထျန်း ပေငါးထောင်သို့ရောက်နိုင်မလားဆိုသည်ကို သူမလည်းအမှန်တကယ် သိချင်နေ ခြင်း ဖြစ်လေသည်။</p> <p>“လေးထောင် ရှစ်ရာ”</p> <p>“လေးထောင် ကိုးရာ”</p> <p>အားလုံးမှာ အင်မတန်ရင်ခုန်နေကြလေသည်။</p> <p>ရန်ရှောက်ထျန်း ပေငါးထောင်ကိုထိုးဖောက်သွားသောအခိုက်အတန့်တွင် အားလုံးမှာအံ့အားသင့် သွားကြတော့သည်။</p> <p>“ပေငါးထောင်”</p> <p>ယခုမှစ၍ ပေငါးထောင်သို့ ရောက်ရှိသူစာရင်းတွင် နောက်ထပ်တစ်ဦး တိုးလာခဲ့လေပြီ။</p> <p>“သူ့ရဲ့ အရှိန်ကလျော့မသွားသေးဘူး”</p> <p> တစ်စုံတစ်ယောက်က ရုတ်တရက်အံ့အားသင့်စွာ အော်ဟစ်လိုက်လေသည်။</p> <p>အားလုံးမှာ ထိတ်လန့်သွားကြသည်၊ အမှန်တကယ်ပင် ရန်ရှောက်ထျန်းပေငါးထောင်ကို ထိုးဖောက် ပြီးနောက်တွင် သူ၏အရှိန်မှာလျော့ကျမသွားဘဲ ပေခြောက်ထောင်ဆီသို့ ဆက်လက်တိုးဝင်နေခဲ့လေသည်။</p> <p>“ငါးထောင် ခုနစ်ရာ”</p> <p>ရန်ရှောက်ထျန်း ငါးထောင်ခုနစ်ရာအမြင့်သို့ ရောက်ရှိသွားသောအခါ အားလုံးမှာနောက်တစ်ကြိမ် အကြီးအကျယ်တုန်လှုပ်သွားကြပြန်သည်။</p> <p>အဘယ်ကြောင့်ဆိုသော် ဟိုတုန်းကဘိုးဘေးဟုန်ဖုန်းနတ်ဘုရားအရှင်သခင်ပင်လျှင် ငါးထောင် ခုနစ်ရာအမြင့်သို့သာရောက်ရှိခဲ့သောကြောင့် ဖြစ်လေသည်။</p> <p>၎င်းမှာ သမိုင်းတစ်လျှောက် အမြင့်ဆုံးစံချိန်ဖြစ်လေသည်။</p> <p>ယခုအခါ ဤဟွန်ချွမ်ဘိုးဘေးဆက်ခံသူမှာ ဟိုတုန်းကဘိုးဘေးဟုန်ဖုန်း နတ်ဘုရားအရှင်သခင်၏ အမြင့်သို့ ရောက်ရှိနေပြီဖြစ်လေသည်။</p> <p>အားလုံး အံ့အားသင့်နေကြစဉ်မှာပင် ရန်ရှောက်ထျန်းသည်ငါးထောင်ခုနစ်ရာအမြင့်ကို အလွယ်တကူ ဖြတ်ကျော်သွားခဲ့ပြီး ပေခြောက်ထောင်ဆီသို့ချဉ်းကပ်သွားခဲ့လေသည်။</p> <p>“ပေခြောက်ထောင်”</p> <p>ရန်ရှောက်ထျန်း ပေခြောက်ထောင်သို့ရောက်ရှိသွားသောအခိုက်အတန့်တွင် အားလုံးမှာဆွံ့အသွား ကြတော့သည်။</p> <p>“ပေခြောက်ထောင်၊ သူကအမှန်တကယ်ပဲ ပေခြောက်ထောင်အထိတက်နိုင်တာပဲ”</p> <p>ပေခြောက်ထောင်အထိ တက်နိုင်သူသမိုင်းတစ်လျှောက်ပထမဆုံးလူ</p> <p>အဘယ်ကြောင့်ဆိုသော် ယခင်ကမည်သူမျှပေခြောက်ထောင်သို့ မရောက်နိုင်ခဲ့သောကြောင့်ဖြစ်လေ သည်။</p> <p>ကောင်းကင်ပျံဖီးနစ်အမျိုးသမီးလည်း ထိတ်လန့်သွားခဲ့လေသည်၊ ဤဟွန်ချွမ်ဘိုးဘေးဆက်ခံသူက အရှင်ကျောက်ရုန်ထက်သာမက ကျန့်ထျန်းဧကရာဇ်၊ ဟွန်ချွမ်ဘိုးဘေးနှင့် ဘိုးဘေးဟုန်ဖုန်းနတ်ဘုရားအရှင် သခင်တို့ထက်ပင် သာလွန်သွားခဲ့သည်တဲ့လား။</p> <p>“သူ... သူကအပေါ်ကိုဆက်ပြီး တက်နေတုန်းပဲ”</p> <p> ရန်ရှောက်ထျန်း ပေခြောက်ထောင်ကိုထိုးဖောက်ပြီးနောက်တွင် သူ၏အရှိန်မှာ လျော့ကျမသွားဘဲ ပေခုနစ်ထောင်ဆီသို့ ဆက်လက်တိုးဝင်နေသည်ကို အားလုံးမြင်တွေ့လိုက်ရလေသည်။</p> <p>“ပေခုနစ်ထောင်”</p> <p>ရန်ရှောက်ထျန်း ပေခုနစ်ထောင်ကိုထိုးဖောက်သွားသောအခါ အားလုံးမှာပါးစပ်အဟောင်းသား ဖြစ် သွားကြတော့သည်။</p> <p>သို့သော်လည်း ရန်ရှောက်ထျန်းမှာ အပေါ်သို့ ဆက်လက်တိုးဝင်နေဆဲဖြစ်လေသည်။</p> <p>“သူက ပေရှစ်ထောင်ကိုများ ထိုးဖောက်သွားမလား မသိဘူး”</p> <p> တစ်စုံတစ်ယောက်က တုန်ရီသောအသံဖြင့် ပြောလိုက်လေသည်။</p> <p> </p> <p style="text-align: center;">***</p> <p> </p>


Save