Book List

<h2 style="text-align: center;">အခန်း (၅၂၉)</h2> <h2 style="text-align: center;">တောင်ထိပ်သို့ ရောက်ရှိခြင်း</h2> <h2 style="text-align: center;">*</h2> <p> </p> <p>ခြောက်ထောင်ဆိုသည်မှာပင် ထူးခြားလှပြီဖြစ်လေသည်။</p> <p>ခုနစ်ထောင်အမြင့်က လူတိုင်းကို တုန်လှုပ်စေခဲ့ပြီ ဖြစ်လေသည်။</p> <p>သို့ဆိုလျှင် ရှစ်ထောင်ဆိုပါက မည်သို့ရှိမည်နည်း။</p> <p>လူတိုင်း၏ နှလုံးသားများ တုန်ယင်သွားကြတော့သည်။</p> <p>အကယ်၍ သူသာ ရှစ်ထောင်အမြင့်သို့ ရောက်ရှိသွားပါကဘာများဖြစ်လာမည်နည်း။</p> <p>“တကယ်ပဲ ရှစ်ထောင်အမြင့်ကို ရောက်သွားတာလား” ဟု ကျန့်ဟိုင်အင်ပါယာ တော်ဝင်မိသားစုမှ တပည့်တစ်ဦးက တုန်ယင်နေသောအသံဖြင့်ပြောလိုက်သည်။</p> <p>ဟွန်ချွမ်ဘိုးဘေးနှင့် ဘိုးဘေးဟုန်ဖုန်းနတ်ဘုရားအရှင်သခင်တို့ပင် ခြောက်ထောင်အမြင့်အထိသာ တက်နိုင်ခဲ့ခြင်းဖြစ်ရာ မည်သူတစ်ဦးတစ်ယောက်ကမျှရှစ်ထောင်အမြင့်သို့ ရောက်ရှိနိုင်မည်ဟု သူ မယုံကြည် နိုင်ပေ။ တစ်စုံတစ်ယောက်၏ပါရမီက ဤမျှအထိထူးချွန်ပြောင်မြောက်နေလိမ့်မည်ဟု သူ မထင်ထားခဲ့ပေ။</p> <p>လူတိုင်းက အသက်ရှူမှားမတတ်စောင့်ကြည့်နေကြပြီး ကောင်းကင်ကံကြမ္မာနတ်ဘုရား တောင် တစ်ခုလုံးငြိမ်သက်နေတော့သည်။ ကောင်းကင်ပျံဖီးနစ်အမျိုးသမီးမှာ ယခင်ကစုန်းအတတ်ပညာနယ်မြေသို့ စွန့်စားသွားခဲ့စဉ်ကထက်ပင် ပို၍ စိတ်လှုပ်ရှားစွာဖြင့် လက်သီးကိုတင်းတင်းဆုပ်ထားမိလေသည်။</p> <p>လူတိုင်း၏ စောင့်ကြည့်နေသောမျက်လုံးများအောက်တွင် ရန်ရှောက်ထျန်း၏ တစ်ကိုယ်လုံးမှ ရွှေရောင်မီးတောက်များထွက်ပေါ်လာပြီး အဝေးမှကြည့်လျှင်ရွှေရောင်မီးတောက်နတ်ဘုရားတစ်ပါးအလား ထင်မှတ်ရလေသည်။ အကွာအဝေး ဝေးကွာနေသော်လည်း ရန်ရှောက်ထျန်းအထက်သို့ အရှိန်အဟုန်ဖြင့် ပြေးတက်သွားစဉ် ဖြစ်ပေါ်လာသောပြင်းထန်သည့်ချီလှိုင်းများ၏ပေါက်ကွဲသံကို လူတိုင်းကြားနေရဆဲ ဖြစ် လေသည်။</p> <p>ဤအချိန်တွင် လုံရှန့်တုန်းသည်လည်း ရှစ်ထောင်ဇန့်အမြင့်သို့ဦးတည်သွားနေသော ရန်ရှောက် ထျန်းကိုကြောင်စီစီဖြင့်စိုက်ကြည့်နေမိတော့သည်။ ဤနေရာသို့မလာခင်က သူသည်သူ၏အစွမ်းကုန် ကြိုး စားပါကလေးထောင်အမြင့်သို့ရောက်နိုင်မည်ဟု ထင်မှတ်ထားခဲ့ခြင်းဖြစ်လေသည်။</p> <p> သူတို့ နတ်ဘုရားနဂါးမျိုးနွယ်စု၏ဘိုးဘေးကြီးပင်လျှင် ထိုစဉ်ကလေးထောင်အထိသာ ရောက်ရှိ နိုင်ခဲ့ခြင်းဖြစ်လေသည်။ လေးထောင်ဆိုသည်မှာ သူကိုယ်တိုင်အတွက်အမြင့်ဆုံး ရည်မှန်းချက်ဖြစ်လေသည်။</p> <p>သို့သော် ယခုမူ ဤဟွန်ချွမ်ဘိုးဘေး၏ဆက်ခံသူမှာ ရှစ်ထောင်သို့ ဦးတည်နေလေပြီ။ ရှစ်ထောင်ဇန့်။ ဤကိန်းဂဏန်းကို စဉ်းစားလိုက်ရုံနှင့်ပင် လုံရှန့်တုန်းမှာအသက်ရှူကျပ်သွားသလို ခံစားလိုက်ရသည်။</p> <p>“ရှစ်ထောင်ဇန့်ပါလား”</p> <p>ရန်ရှောက်ထျန်းက ရှစ်ထောင်ဇန့်အမြင့်ကိုအတားအဆီးမရှိဖြတ်ကျော်သွားသောအခါ လုံရှန့်တုန်း မှာ ရုတ်တရက်မူးဝေသွားသလိုခံစားလိုက်ရလေသည်။ ရောက်ရှိနေသူအများအပြားမှာလည်း မတ်တပ်ပင် ဆက်မရပ်နိုင်ကြတော့ပေ။</p> <p>ရန်ရှောက်ထျန်း ရှစ်ထောင်ဇန့်သို့ ချိုးဖောက်ဝင်ရောက်သွားသည်နှင့်တစ်ပြိုင်နက် ကောင်းကင် ကံကြမ္မာနတ်ဘုရားတောင်တစ်ခုလုံး ရုတ်တရက်တောက်ပလာခဲ့လေသည်။ တောက်ပလာသည်မှာ တားမြစ် ချက်အလင်းတန်းမဟုတ်ဘဲ ကောင်းကင်ကံကြမ္မာနတ်ဘုရားတောင်၏ ကိုယ်ထည်ကိုယ်တိုင်ကတောက်ပ လာခြင်း ဖြစ်လေသည်။</p> <p>နှစ်ပေါင်း သန်းနှင့်ချီ၍ကောင်းကင်ကံကြမ္မာ နတ်ဘုရားတောင်မှာ ငြိမ်သက်နေခဲ့ခြင်း ဖြစ်လေသည်။ ရန်ရှောက်ထျန်းရှစ်ထောင်ဇန့်အမြင့်သို့ ရောက်ရှိသွားသောအခါမှသာ ကောင်းကင်ကံကြမ္မာနတ်ဘုရား တောင်မှာ နောက်ဆုံးတွင်စတင်နိုးထလာခြင်းဖြစ်လေသည်။ ရန်ရှောက်ထျန်းနှင့်အခြားသူများလည်း ကောင်းကင်ကံကြမ္မာ နတ်ဘုရားတောင်၏ထူးခြားသော အလင်းတန်းကိုသတိပြုမိကြလေသည်။</p> <p>သို့သော်လည်း ဤအချိန်တွင် သူသည်ထိုအလင်းတန်းများကိုအာရုံစိုက်နေရန်အချိန်မရှိဘဲ ဇန့်တစ် သောင်းအမြင့်ရှိတောင်ထိပ်သို့ အစွမ်းကုန်ဆက်လက်ပြေးတက်နေခဲ့လေသည်။ ကောင်းကင်ကံကြမ္မာ နတ်ဘုရားတောင်၏တားမြစ်ချက်အလင်းတန်းများမှာ တဖြည်းဖြည်းပြန်လည်နိုးထလာနေသည်ကို သူ ခံစား လိုက်ရလေသည်။ အမြင့်သို့ရောက်လေလေတားမြစ်ချက်စွမ်းအားမှာ ပိုမိုပြင်းထန်လာလေလေဖြစ်ပြီး ဖိအားမှာလည်း ပိုမိုကြီးမားလာလေလေဖြစ်လေသည်။</p> <p>ရန်ရှောက်ထျန်း ကိုးထောင်ဇန့်အမြင့်သို့ရောက်ရှိသွားသောအခါ မကြုံစဖူးသောဖိအားကြီးကို ခံစား လိုက်ရလေသည်။ ဤအချိန်တွင် သူ၏တစ်ကိုယ်လုံးမှရွှေရောင်မီးတောက်များနှင့် နတ်ဘုရားအလင်း တန်းများ အထပ်ထပ်ထွက်ပေါ်လာခဲ့လေသည်။</p> <p>“ကိုးထောင်ရှစ်ရာဇန့်”</p> <p>“ကိုးထောင်ကိုးရာဇန့်”</p> <p>လက်တစ်ကမ်းအကွာတွင်ရှိနေသောတောင်ထိပ်ကိုကြည့်ရင်း ရန်ရှောက်ထျန်းမှာ သူ၏အစွမ်းအား လုံးကို ထုတ်သုံးကာ ရူးသွပ်စွာဖြင့်အပေါ်သို့ ပြေးတက်သွားခဲ့လေသည်။</p> <p>ငါ တောင်ထိပ်ကို ရောက်ပြီ။</p> <p>ဇန့်တစ်သောင်း။</p> <p>ရန်ရှောက်ထျန်းမှာ တောင်ထိပ်သို့ပြေးတက်သွားပြီး မြေပြင်ပေါ်သို့ပြင်းထန်စွာကျဆင်းသွားခဲ့ လေ သည်။ ဤအချိန်တွင်ကောင်းကင်ကံကြမ္မာနတ်ဘုရားတောင်မှ ကြောက်မက်ဖွယ်ကောင်းသောအလင်းတန်း များ အထပ်ထပ်ပေါက်ကွဲထွက်လာတော့သည်။ တောင်ပတ်ဝန်းကျင်ရှိလူတိုင်းမှာ ထိုအလင်းတန်းများ အောက်တွင် တောက်ပသွားကြလေသည်။</p> <p>ကောင်းကင်ကံကြမ္မာနတ်ဘုရားတောင်မှ ကံကြမ္မာစွမ်းအားတစ်ခု ထွက်ပေါ်လာခဲ့လေသည်။</p> <p>မြေကြီးများတုန်ခါနေခဲ့လေသည်။ ကံကြမ္မာနတ်ဘုရားနန်းတော်ကြီးမှာ တုန်ခါနေခဲ့လေသည်။ ကံကြမ္မာနတ်ဘုရားနန်းတော်၏အခြားနေရာများရှိ မရေမတွက်နိုင်သောဂိုဏ်းများနှင့် မိသားစုများမှ ပညာရှင် များမှာ အံ့အားသင့်သွားကြတော့သည်။</p> <p>“ဘာတွေဖြစ်နေတာလဲ” ဟု နေလစိန့်ဘုရင်ကလည်း အံ့အားသင့်စွာမေးလိုက်သည်။ ၎င်းမှာ သူ ကံကြမ္မာနတ်ဘုရားနန်းတော်အတွင်းသို့ ပထမဆုံးအကြိမ်ဝင်ရောက်ဖူးခြင်းမဟုတ်သော်လည်း ဤကဲ့သို့ သောအပြောင်းအလဲမျိုးကို ပထမဆုံးအကြိမ်မြင်ဖူးခြင်းဖြစ်လေသည်။ ကြယ်တာရာဓားနတ်ဘုရားနှင့် ဟင်းလင်းပြင်ဓားနတ်ဘုရားတို့မှာလည်း အံ့အားသင့်နေကြလေသည်။</p> <p>သို့သော်လည်း ဤတုန်ခါမှုမှာကြာရှည်မခံခဲ့ပေ။ မကြာမီမှာပင်ကံကြမ္မာနတ်ဘုရားနန်းတော်မှာ ပုံမှန် အတိုင်းပြန်ဖြစ်သွားခဲ့လေသည်။ နေလစိန့်ဘုရင်မှာဇဝေဇဝါဖြစ်နေသော်လည်း များများစားစားမစဉ်းစား တော့ပေ။ သူကကြယ်တာရာဓားနတ်ဘုရားနှင့် ဟင်းလင်းပြင်ဓားနတ်ဘုရားတို့ကိုပြောလိုက်သည်။</p> <p>“ဂိုဏ်းချုပ်က ဒီတစ်ခါမှာကံကြမ္မာနတ်ဘုရားသစ်ပင်ကိုသေချာပေါက်ရှာဖို့ ညွှန်ကြားထားတယ်။ မင်းတို့နှစ်ယောက်က ကံကြမ္မာတောအုပ်ကို သွားရှာကြ၊ ငါကတော့ နှစ်ပေါင်းများစွာ မြစ်ဆီကို သွားရှာမယ်”</p> <p>ကြယ်တာရာဓားနတ်ဘုရားနှင့် ဟင်းလင်းပြင်ဓားနတ်ဘုရားတို့က ခေါင်းငြိမ့်ပြကြပြီး ထုန်းထျန်းနတ် ဘုရားဂိုဏ်းမှပညာရှင်အုပ်စုကို ဦးဆောင်ကာ ဟင်းလင်းပြင်နယ်မြေမှတစ်ဆင့် ထွက်ခွာသွားကြလေသည်။</p> <p>တစ်ချိန်တည်းမှာပင် တောင်ထိပ်ပေါ်သို့ပြုတ်ကျသွားခဲ့သော ရန်ရှောက်ထျန်းမှာလည်း တဖြည်း ဖြည်း ပြန်လည်သက်သာလာပြီးမတ်တပ်ရပ်လိုက်လေသည်။ သူသည်ကမ္ဘာကြီး၏ အမြင့်ဆုံးနေရာတွင် ရပ်နေသလိုမျိုးခံစားချက်ကိုရလိုက်လေသည်။ သူရှေ့သို့လှမ်းကြည့်လိုက်သောအခါ မြေပြင်ပေါ်တွင် ကျဲကျဲပါးပါးပြန့်ကျဲနေသော ကောင်းကင်ကံကြမ္မာနတ်ဘုရားကျောက်တုံးဒါဇင်ပေါင်းများစွာကို မြင်တွေ့ လိုက်ရလေသည်။ ထို့ပြင် ဤကောင်းကင်ကံကြမ္မာ နတ်ဘုရားကျောက်တုံးများမှာ ကမ္ဘာဦးမူလချီစွမ်းအင် များကို ထုတ်လွှတ်နေကြလေသည်။</p> <p>ကမ္ဘာဦးမူလ ကောင်းကင်ကံကြမ္မာ နတ်ဘုရားကျောက်တုံးများပါလား။</p> <p>ကောင်းကင်ကံကြမ္မာ နတ်ဘုရားတောင်၏ထိပ်တွင် ကမ္ဘာဦးမူလကောင်းကင်ကံကြမ္မာ နတ်ဘုရား ကျောက်တုံးများ အမှန်တကယ်ပင်ရှိနေပြီး ၎င်းမှာလည်းဒါဇင်ပေါင်းများစွာရှိနေသည်ကို မြင်လိုက်ရသဖြင့် ရန်ရှောက်ထျန်းမှာ အလွန်တရာဝမ်းသာသွားတော့သည်။ မူလက သူသည်တောင်ထိပ်ပေါ်တွင် ကမ္ဘာဦးမူလ ကောင်းကင်ကံကြမ္မာ နတ်ဘုရားကျောက်တုံးဆယ်တုံး သို့မဟုတ်နှစ်ဆယ်ခန့်ရှိလျှင်ပင် အဆင်ပြေပြီဟု ထင်မှတ်ထားခဲ့ခြင်း ဖြစ်လေသည်။ ယခုမူ လေးဆယ် သို့မဟုတ် ငါးဆယ်ခန့်ပင် ရှိနေလေပြီ။</p> <p>ရန်ရှောက်ထျန်းမှာ မတွန့်ဆုတ်တော့ဘဲ ရှေ့သို့လှမ်းလိုက်ကာ ပထမဆုံးသောကမ္ဘာဦးမူလ ကောင်း ကင်ကံကြမ္မာ နတ်ဘုရားကျောက်တုံးကို သိမ်းဆည်းလိုက်လေသည်။ သို့သော်လည်း သူ ပထမဆုံးတစ်တုံးကို သိမ်းဆည်းပြီးသည်နှင့် ဟင်းလင်းပြင်နယ်မြေမှ ကံကြမ္မာစွမ်းအားတစ်ခုက ရုတ်တရက်အပေါ်မှ ပြင်းထန်စွာ ဖိချလိုက်သဖြင့် ရန်ရှောက်ထျန်း၏ တစ်ကိုယ်လုံးမှာ နိမ့်ဆင်းသွားခဲ့လေသည်။</p> <p>သူ၏ ကိုယ်ပေါ်ရှိကံကြမ္မာစွမ်းအားကိုခံစားရင်း ရန်ရှောက်ထျန်းမှာဒုတိယတစ်တုံးကို အမြန်သိမ်း ဆည်းရန် ရှေ့သို့လှမ်းလိုက်ပြန်လေသည်။ ကောင်းကင်ကံကြမ္မာနတ်ဘုရားတောင်ပေါ်တွင် ကျောက်တုံး များကိုသိမ်းဆည်းရာတွင် တစ်တုံးသိမ်းဆည်းပြီးတိုင်း ခန္ဓာကိုယ်ပေါ်သို့ ဖိချလာသော ကံကြမ္မာစွမ်းအားမှာ ပိုမိုလေးလံလာမည်ဖြစ်ပြီး အချိန်ကြာလာသည်နှင့်အမျှ ထိုစွမ်းအားမှာပိုမိုပြင်းထန်လာမည် ဖြစ်လေသည်။ ထို့ကြောင့် သူသည်ကြီးမားသောဖိအားကိုမတောင့်ခံနိုင်တော့မီအချိန်အတွင်း ကမ္ဘာဦးမူလကောင်းကင် ကံကြမ္မာ နတ်ဘုရားကျောက်တုံးများကို များနိုင်သမျှများများ သိမ်းဆည်းရမည်ဖြစ်လေသည်။</p> <p>တတိယမြောက်၊ စတုတ္ထမြောက်၊ ပဉ္စမမြောက်။</p> <p>ရန်ရှောက်ထျန်းမှာ လျင်မြန်စွာလှုပ်ရှားနေလေသည်။ ဤအချိန်တွင် သူ၏ ကိုယ်ပေါ်ရှိ ကံကြမ္မာစွမ်း အားမှာအံ့ဩဖွယ်ကောင်းသောအဆင့်သို့ ရောက်ရှိနေပြီဖြစ်ကာ ကောင်းကင်ကံကြမ္မာနတ်ဘုရားတောင် တစ်ခုလုံးက သူ့အပေါ်သို့တိုက်ရိုက်ဖိချထားသလိုမျိုးဖြစ်နေလေသည်။ ဤနေရာတွင်သူသည် သူ၏ စစ်မှန်သောစွမ်းအားများကို မည်သို့မျှလည်ပတ်၍မရဘဲ၊ မည်သည့်နတ်ဘုရားစွမ်းရည်ကိုမျှ အသုံးမပြု နိုင်သလို၊ သူ၏ကောင်းကင်ကံကြမ္မာကိုပင်ခေါ်ယူ၍မရကြောင်း သူတွေ့ရှိလိုက်ရလေသည်။ သူသည် ဤကြီးမားသော ဖိအားကို သူ၏ ခန္ဓာကိုယ်အစွမ်းဖြင့်သာ တောင့်ခံနိုင်လေသည်။</p> <p>ကံကောင်းထောက်မစွာဖြင့် သူ၏ထာဝရနတ်ဘုရားခန္ဓာကိုယ်မှာ အလွန်တရာကြံ့ခိုင်လွန်း သဖြင့်သာ တောင့်ခံနိုင်ခြင်းဖြစ်ပြီး အခြားသောနတ်ဘုရားခန္ဓာကိုယ်သာဆိုပါက ကွဲကြေသွားသည်မှာကြာလှပေပြီ။ ရန်ရှောက်ထျန်းမှာ အမြန်ဆုံးအရှိန်ဖြင့်ဆက်လက်သိမ်းဆည်းခဲ့လေသည်၊ ဆဋ္ဌမမြောက်၊ သတ္တမမြောက်၊ အဋ္ဌမမြောက်။</p> <p>ဤအချိန်တွင် ဆောင့်တက်လာသောကံကြမ္မာစွမ်းအားမှာ သူ၏ကျောရိုးကိုပင် ကွေးသွားအောင် ဖိချထားခဲ့လေပြီ။ ရန်ရှောက်ထျန်းမှာ အစွမ်းကုန်ရုန်းကန်နေသော်လည်း သူ၏ခန္ဓာကိုယ်ကို မတ်မတ်မရပ်နိုင် တော့ပေ။</p> <p>ကိုးတုံးမြောက်။</p> <p>ဆယ်တုံးမြောက်။</p> <p>ရန်ရှောက်ထျန်းမှာ အသက်ရှူရန်ပင်ခက်ခဲလာခဲ့လေပြီ။ ဤခံစားချက်မှာသာမန်လူတစ်ယောက် ပင်လယ်ရေအောက် မီတာတစ်ထောင်အနက်တွင် ရှိနေသလိုမျိုး ခံစားချက်ပင်ဖြစ်လေသည်။</p> <p>တစ်ဆယ့်တစ်တုံးမြောက်။</p> <p>ရန်ရှောက်ထျန်း တစ်ဆယ့်တစ်တုံးမြောက်ကိုသိမ်းဆည်းလိုက်သောအခါ သူ၏တစ်ကိုယ်လုံးမှာ တုန်ယင်နေခဲ့လေပြီ။</p> <p>တစ်ဆယ့်နှစ်တုံးမြောက်။</p> <p>သူ တစ်ဆယ့်နှစ်တုံးမြောက်ကို သိမ်းဆည်းလိုက်သည်နှင့် သူ၏တစ်ကိုယ်လုံးမှာ ပြင်းထန်စွာ ဖိချခံလိုက်ရသဖြင့် သူသည်ထိုနေရာတွင် မှောက်လျက်လဲကျလုနီးပါး ဖြစ်သွားခဲ့လေသည်။</p> <p>ဒါဟာ သူ၏အကန့်အသတ်ဖြစ်ကြောင်း ရန်ရှောက်ထျန်းသိလိုက်လေသည်။ အကယ်၍ သူသာ ဆက် လက်သိမ်းဆည်းနေပါက သူသည်မြေပြင်ပေါ်သို့တိုက်ရိုက်ဖိချခံလိုက်ရမည်ဖြစ်ပြီး ပြန်လည်ထွက်ခွာနိုင် တော့မည်မဟုတ်ပေ။ ထိုသို့ဖြစ်ပါကသူသည်ဤနေရာတွင် ထာဝရနှိမ်နင်းခံထားရမည်ဖြစ်ပြီး မည်သည့် အခါမျှလွတ်မြောက်နိုင်တော့မည်မဟုတ်ပေ။</p> <p>တစ်ခါက အစွမ်းထက်သောပညာရှင်အချို့မှာလောဘကြီးမှုကြောင့် ကောင်းကင်ကံကြမ္မာ နတ်ဘုရားတောင်၏ကံကြမ္မာစွမ်းအားဖြင့် နှိမ်နင်းခြင်းကိုခံလိုက်ရပြီး နောက်ဆုံးတွင်အိုမင်းရင့်ရော်ကာ သေဆုံးသွားခဲ့ဖူးလေသည်။</p> <p>ရန်ရှောက်ထျန်းမှာ သူ၏အစွမ်းအားလုံးကိုထုတ်သုံးကာ အပေါ်မှဖိချနေသော ကံကြမ္မာစွမ်းအားကို တောင့်ခံပြီး ကောင်းကင်ကံကြမ္မာနတ်ဘုရားတောင်မှပြန်လည်ထွက်ခွာလာခဲ့လေသည်။ သူကောင်းကင် ကံကြမ္မာနတ်ဘုရားတောင်မှထွက်ခွာလိုက်သည်နှင့် ရန်ရှောက်ထျန်းမှာ ငရဲမှကောင်းကင်ဘုံသို့ ရောက်သွား သလိုမျိုး ချက်ချင်းပင်သက်သာရာရသွားခဲ့လေသည်။</p> <p> ထိုပေါ့ပါးသော ခံစားချက်မှာ အလွန်တရာထူးခြားလှပေသည်။</p> <p>နောက်ဆုံးတော့ ငါ အပြင်ကိုရောက်ပြီ။</p> <p>ရန်ရှောက်ထျန်းမှာ ကံကောင်းသည်ဟုခံစားရသလိုတစ်ဖက်တွင်လည်း အလွန်တရာ နောင်တရ နေခဲ့လေသည်။ သူအစွမ်းကုန်ကြိုးစားခဲ့သော်လည်း နောက်ဆုံးတွင်ကမ္ဘာဦးမူလကောင်းကင်ကံကြမ္မာ နတ်ဘုရားကျောက်တုံးတစ်ဆယ့်နှစ်တုံးသာရရှိခဲ့ခြင်းဖြစ်လေသည်။</p> <p> ကျန်ရှိနေသော ကျောက်တုံးသုံးဆယ်ကျော်ကိုမူကံကြမ္မာနတ်ဘုရားနန်းတော် နောက်တစ်ကြိမ် ထပ်မံပွင့်သည့်အချိန်အထိသာစောင့်ရတော့မည်ဖြစ်လေသည်။ အဘယ်ကြောင့်ဆိုသော် နန်းတော်ပွင့်သည့် တစ်ကြိမ်တွင် လူတစ်ဦးမှာကောင်းကင်ကံကြမ္မာနတ်ဘုရားတောင်ပေါ်သို့ တစ်ကြိမ်သာတက်ခွင့်ရှိသော ကြောင့် ဖြစ်လေသည်။</p> <p>ရန်ရှောက်ထျန်းက ပတ်ဝန်းကျင်ကိုကြည့်လိုက်သောအခါ ယခင်ကကောင်းကင်ကံကြမ္မာ နတ်ဘုရား တောင်အတွင်းသို့ ဝင်ရောက်ခဲ့သောတပည့်များမှာထွက်ခွာသွားကြပြီဖြစ်ကြောင်း တွေ့ရှိလိုက်ရလေသည်။ လုံရှန့်တုန်းနှင့် ကောင်းကင်ပျံဖီးနစ်အမျိုးသမီးတို့ကိုလည်းမတွေ့ရတော့ပေ။ ချန်ယွမ်၏အလောင်းကိုမူ လုံရှန့်တုန်းက ယူဆောင်သွားပုံရလေသည်။ ရန်ရှောက်ထျန်းခဏမျှ စဉ်းစားလိုက်ပြီးနောက် နှစ်ပေါင်းများစွာ မြစ်ဆီသို့ ပျံသန်းသွားခဲ့လေသည်။</p> <p>ဒဏ္ဍာရီများအရ နှစ်ပေါင်းများစွာမြစ်၏နက်ရှိုင်းသောနေရာတွင်အချိန်သဲပွင့်များ ရှိနေသည်ဟု ဆိုလေသည်။ ရှာဖွေရန်ခက်ခဲသော်လည်း သူဘာပဲဖြစ်ဖြစ်ကံစမ်းကြည့်ရန် ဆုံးဖြတ်လိုက်ခြင်း ဖြစ်လေသည်။</p> <p> </p> <p style="text-align: center;">***</p> <p> </p>


Save