Book List

<h2 style="text-align: center;">အခန်း (၅၃၀)</h2> <h2 style="text-align: center;">အချိန်ဂလက်ဆီကို ဖြတ်ကျော်ခြင်း</h2> <h2 style="text-align: center;">*</h2> <p> </p> <p>ရန်ရှောက်ထျန်းမှာ နှစ်ပေါင်းများစွာမြစ်ဆီသို့အရှိန်အဟုန်ဖြင့်သွားနေစဉ်မှာပင် ရန်ရှောက်ထျန်း ကောင်းကင်ကံကြမ္မာနတ်ဘုရားတောင်၏ထိပ်သို့ ရောက်ရှိသွားသော သတင်းမှာလည်း ပျံ့နှံ့သွားခဲ့လေသည်။ ချက်ချင်းဆိုသလိုပင် ကံကြမ္မာနတ်ဘုရားနန်းတော်ကြီးမှာတုန်လှုပ်သွားခဲ့လေသည်။</p> <p>“ဘာ... တောင်ထိပ်ကို ရောက်သွားတယ်ဟုတ်လား။ ဘယ်သူကတောင်ထိပ်ကို ရောက်သွားတာလဲ”</p> <p>“မဖြစ်နိုင်တာ၊ ဟွန်ချွမ်ဘိုးဘေးနဲ့ ဘိုးဘေးဟုန်ဖုန်းနတ်ဘုရားအရှင်သခင်တောင်မှ ငါးထောင် ကျော်အထိပဲ ရောက်ခဲ့တာလေ။ ဘယ်လိုလုပ်ပြီး တစ်စုံတစ်ယောက်က တောင်ထိပ်ကို ရောက်နိုင်မှာလဲ”</p> <p>တစ်ခုပြီးတစ်ခုသော ထိပ်တန်းဂိုဏ်းများနှင့် အင်ပါယာကြီးများမှမရေမတွက်နိုင်သော ပညာရှင် များမှာအံ့အားသင့်သွားကြတော့သည်။ ကံကြမ္မာနတ်ဘုရားနန်းတော်အတွင်းသို့ဝင်ရောက်နေသော ဓားနတ် ဘုရားပညာရှင်အများအပြားပင်လျှင် ထိတ်လန့်သွားပြီး မယုံကြည်နိုင်ဘဲ ရှိနေကြလေသည်။</p> <p>ကံကြမ္မာနတ်ဘုရားနန်းတော်၏တစ်နေရာတွင် တစ်စုံတစ်ခုကိုရှာဖွေနေသော တောင်ဘက်ကောင်း ကင် ဓားနတ်ဘုရား ကျန့်လင်းသည်လည်း ဤသတင်းကိုကြားလိုက်ရသောအခါ မှင်တက်သွားပြီး။</p> <p>“ဇန့်တစ်သောင်း... ကောင်းကင်ကံကြမ္မာ နတ်ဘုရားတောင်ရဲ့ ထိပ်ကို ရောက်သွားတယ်တဲ့လား” ဟု ထစ်ထစ်အအဖြင့် ပြောလိုက်မိသည်။</p> <p>ထိုစဉ်က သူသည်သူ၏အစွမ်းကုန်ကြိုးစားခဲ့ပြီး သူ၏အသက်ကိုပင် ရင်းခဲ့သော်လည်း ငါးထောင်ဇန့်သို့ပင်မရောက်နိုင်ဘဲ လေးထောင်ကျော်တွင်သာရပ်တန့်ခဲ့ရခြင်းဖြစ်လေသည်။ ယခုမူ ဤဟွန် ချွမ်ဘိုးဘေး၏ ဆက်ခံသူမှာတောင်ထိပ်သို့ပင် ရောက်ရှိသွားခဲ့လေပြီ။</p> <p>“ဒီဟွန်ချွမ်ဘိုးဘေးရဲ့ဆက်ခံသူက ဘယ်လိုထူးဆန်းတဲ့ကောင်လဲ” ဟု ကျန့်လင်းမှာ သူ၏အံ့အား သင့်မှုကို မဖုံးကွယ်နိုင်တော့ပေ။</p> <p>ကောင်းကင်ကံကြမ္မာ နတ်ဘုရားတောင်၏ထိပ်သို့ ရောက်ရှိခြင်းမှာ ဘာကိုဆိုလိုသနည်း။ မည်သူမျှ သေသေချာချာမသိကြပေ။ သို့သော်ငါးထောင်ဇန့်ကို ဖြတ်ကျော်ခြင်းမှာ ဘာကိုဆိုလိုသလဲဆိုသည်ကိုမူ သူ သိလေသည်။ နှစ်ပေါင်းများစွာအတွင်း လူခုနစ်ဦးသာငါးထောင်ဇန့်ကို ဖြတ်ကျော်နိုင်ခဲ့ခြင်း ဖြစ်လေသည်။ ဤလူခုနစ်ဦးစလုံးမှာ ဝမ်ကျန့်တိုက်ကြီးကိုတုန်လှုပ်စေခဲ့သော အမြင့်မြတ်ဆုံးတည်ရှိမှုများ ဖြစ်ကြလေ သည်။</p> <p>“ဒဏ္ဍာရီတွေက အမှန်များလား” ဟု ကျန့်လင်းက တိုးတိုးလေးရေရွတ်လိုက်သည်။</p> <p>ဒဏ္ဍာရီအရဆိုလျှင် တစ်စုံတစ်ယောက်ကကောင်းကင်ကံကြမ္မာနတ်ဘုရားတောင်၏ ထိပ်သို့ရောက် ရှိပါက ထိုသူမှာကံကြမ္မာ၏သားတော်ပင်ဖြစ်လေသည်။ ကံကြမ္မာ၏သားတော်နှင့်ပတ်သက်ပြီး ရှေးဟောင်း မှတ်တမ်းများစွာတွင် လျှို့ဝှက်ဆန်းကြယ်သော ဒဏ္ဍာရီများစွာရှိနေလေသည်။</p> <p>“နှစ်ပေါင်း သန်းနဲ့ချီ ကြာပြီးတဲ့နောက်မှာ ကံကြမ္မာရဲ့ သားတော် နောက်ဆုံးမှာ ပေါ်လာခဲ့ပြီပေါ့” ဟု ကျန့်လင်း၏မျက်နှာတွင် ခံစားချက်များရှုပ်ထွေးနေလေသည်။ အကယ်၍အခွင့်အရေး ရခဲ့မည်ဆိုပါက ဤကံကြမ္မာ၏သားတော်မှာရှေးဟောင်းမှတ်တမ်းများတွင် ဖော်ပြထားသလို အမှန်တကယ်ပဲကြောက်မက် ဖွယ်ကောင်းသလားဆိုသည်ကို သူ မြင်တွေ့လိုနေခြင်းဖြစ်လေသည်။</p> <p>တစ်ချိန်တည်းမှာပင် သက်တမ်းရှည်နတ်ဘုရားသစ်ပင်ကိုရှာဖွေရန် နှစ်ပေါင်းများစွာမြစ်ဆီသို့ ရောက်ရှိနေသောနေလစိန့်ဘုရင်သည်လည်း ရန်ရှောက်ထျန်းကောင်းကင်ကံကြမ္မာနတ်ဘုရားတောင်၏ ထိပ် သို့ ရောက်ရှိသွားသောသတင်းကိုသိလိုက်ရလေသည်။ ထို့ပြင်လူငယ်ဧကရာဇ်ချန်ဖြစ်သော ချန်ယွမ်မှာ ရန်ရှောက်ထျန်း၏လက်ချက်ဖြင့် သေဆုံးသွားခဲ့ပြီဖြစ်သောသတင်းကိုလည်း သိလိုက်ရလေသည်။</p> <p>နေလစိန့်ဘုရင်မှာ အံ့အားသင့်သလို တစ်ဖက်တွင်လည်းအကြီးအကျယ် ဒေါသထွက်သွား တော့သည်။ ဤဟွန်ချွမ်ဘိုးဘေး၏ဆက်ခံသူက သူတို့ဂိုဏ်းချုပ်၏မြေးတပည့်ကို လူပုံအလယ်တွင် သတ်ရဲ သည်တဲ့လား။ ဒါဟာ သူတို့ရဲ့ ထုန်းထျန်းနတ်ဘုရားဂိုဏ်းကို လုံးဝမျက်ကွယ်ပြုလိုက်ခြင်းပင် ဖြစ်လေသည်။ ဒါဟာ ခွင့်မလွှတ်နိုင်တဲ့ ပြစ်မှုပင်ဖြစ်လေသည်။</p> <p>“အမိန့်ထုတ်လိုက်စမ်း၊ ဟွန်ချွမ်ဘိုးဘေးရဲ့ဆက်ခံသူကိုတွေ့တဲ့သူမှန်သမျှ ဘယ်လိုမှ ညှာတာမနေနဲ့၊ သတ်ပစ်ကြ” ဟု နေလစိန့်ဘုရင်က သူအသုံးပြုဖူးသမျှထဲတွင် အအေးစက်ဆုံးသော လေသံဖြင့် ပြောလိုက် သည်။</p> <p>“ဟွန်ချွမ်ဘိုးဘေးရဲ့ ဆက်ခံသူနဲ့ ပတ်သက်တဲ့ သတင်းပေးနိုင်တဲ့သူကို တစ်ဘီလီယံ ဆုချမယ်”</p> <p>“ဟွန်ချွမ်ဘိုးဘေးရဲ့ ဆက်ခံသူကို ဖမ်းမိတဲ့သူကိုတော့ ဆယ်ဘီလီယံ ဆုချမယ်”</p> <p>ယေဘုယျအားဖြင့် ဆုကြေးငွေများမှာ အဆင့်နိမ့်ဝိညာဉ်ကျောက်တုံးများကို ရည်ညွှန်းခြင်း ဖြစ်လေ သည်။</p> <p>ထုန်းထျန်းနတ်ဘုရားဂိုဏ်းမှ ဘိုးဘေးတစ်ဦးက တွန့်ဆုတ်နေရင်း။</p> <p>“စိန့်ဘုရင်မင်းကြီး... ဒီဟွန်ချွမ်ဘိုးဘေးရဲ့ဆက်ခံသူကဒဏ္ဍာရီထဲကကံကြမ္မာရဲ့သားတော် ဖြစ်နိုင် ခြေ အများကြီး ရှိပါတယ်” ဟု ပြောလိုက်သည်။</p> <p>ထိုဘိုးဘေးက ကံကြမ္မာ၏သားတော်အကြောင်းပြောလိုက်သည်ကိုကြားလိုက်ရသဖြင့် နေလစိန့် ဘုရင်မှာ ချက်ချင်းပင်ဒေါသထွက်သွားပြီး။</p> <p>“ဘယ်လို ကံကြမ္မာရဲ့ သားတော်လဲ” ဟု သူက ဟိန်းဟောက်လိုက်ပြီး။</p> <p>“ဆုကြေးငွေကို နှစ်ဆတိုးလိုက်စမ်း”</p> <p>နှစ်ဆတိုးလိုက်ခြင်းမှာ သတင်းပေးနိုင်သူကိုနှစ်ဘီလီယံနှင့် ဖမ်းမိသူကိုဘီလီယံနှစ်ဆယ် ဆုချမည် ဟု ဆိုလိုခြင်းဖြစ်လေသည်။ နေလစိန့်ဘုရင်၏အမိန့်ထွက်လာသောအခါ ကံကြမ္မာနတ်ဘုရားနန်းတော် တစ်ခုလုံးဆူညံသွားတော့သည်။ အဆင့်နိမ့်ဝိညာဉ်ကျောက်တုံးဘီလီယံနှစ်ရာမှာ ပညာရှင်အများအပြား အတွက် ဆွဲဆောင်မှုရှိလှသဖြင့် သတင်းကြားသူတိုင်းမှာ ရန်ရှောက်ထျန်း၏တည်နေရာကို စတင်ရှာဖွေကြ တော့သည်။</p> <p>ရန်ရှောက်ထျန်းသည်လည်း နေလစိန့်ဘုရင်ကသူ့ကိုဖမ်းဆီးရန် ဆုကြေးငွေထုတ်ထားသည့် သတင်း ကို သိလိုက်ရလေသည်။</p> <p>“ဘီလီယံနှစ်ရာတဲ့လား” ဟု ရန်ရှောက်ထျန်းကခေါင်းခါပြရင်း ပြုံးလျက် ပြောလိုက်သည်။</p> <p>ဝမ်ကျန့်တိုက်ကြီးသို့ ရောက်လာပြီးနောက် သူ၏တန်ဖိုးမှာကျသွားပုံရလေသည်။ ယခင်က ငရဲနတ် ဘုရားသားတော်ယန်ဖျင်မှာ သူ့ကိုသတ်ရန်တစ်ထရီလီယံအထိ ဆုကြေးထုတ်ခဲ့ဖူးလေသည်။ ဘီလီယံနှစ် ရာနှင့် တစ်ထရီလီယံဆိုသည်မှာ ကမ္ဘာကြီးနှစ်ခုလိုကွာခြားလှပေသည်။</p> <p>ရန်ရှောက်ထျန်းမှာ နေလစိန့်ဘုရင်၏ဆုကြေးငွေကိုဂရုမစိုက်ဘဲ နှစ်ပေါင်းများစွာ မြစ်ဆီသို့ ဆက်လက်ပျံသန်းသွားခဲ့လေသည်။ ကံကြမ္မာနတ်ဘုရားနန်းတော်မှာ သုံးရက်သာပွင့်ခြင်းဖြစ်သဖြင့် သူသည် ဤသုံးရက်အတွင်း အချိန်သဲပွင့်များ၊ ကံကြမ္မာနတ်ဘုရားသစ်ပင်နှင့် ကံကြမ္မာနတ်ဘုရားသီးတို့ကို ရှာတွေ့ ရမည် ဖြစ်လေသည်။ ရရှိထားသော ကမ္ဘာဦးမူလကောင်းကင်ကံကြမ္မာကျောက်တုံး တစ်ဆယ်ကျော်ကိုမူ သူ အပြင်သို့ ရောက်မှသာ သန့်စင်ရန်အချိန်ရှိပေလိမ့်မည်။</p> <p>ရန်ရှောက်ထျန်းမှာ အလွန်တရာမြန်ဆန်လှပြီး တစ်နာရီအကြာတွင်နှစ်ပေါင်းများစွာ မြစ်ဆီသို့ ရောက်ရှိလာခဲ့လေသည်။ သူသည်အဝေးတွင်ကြယ်များဖြာထွက်နေပြီး အိပ်မက်ဆန်သောကောင်းကင် ကြီးကို မြင်တွေ့လိုက်ရလေသည်။</p> <p> ကြယ်ရောင်များအောက်တွင် မြစ်တစ်စင်းမှာစီးဆင်းနေပြီး ကြည့်ကောင်းလှပေသည်။</p> <p>ရှေ့တွင်ရှိသော နှစ်ပေါင်းများစွာမြစ်မှာ ကြယ်ပင်လယ်နှင့်အနည်းငယ်တူနေလေသည်။ သို့သော် နှစ်ပေါင်းများစွာမြစ်မှာ ကြယ်ပင်လယ်ထက်ပိုမိုလှပလေသည်။ ထို့ပြင်နှစ်ပေါင်းများစွာမြစ်မှ သက်တမ်းစွမ်း အားတစ်ခုထွက်ပေါ်နေပြီး ၎င်းမှာ သူ၏ထာဝရနတ်ဘုရားခန္ဓာကိုယ်၏အချိန်စွမ်းအားနှင့် မူလအစခြင်း တူညီလေသည်။</p> <p>ပညာရှင်အများအပြားမှာ နှစ်ပေါင်းများစွာမြစ်၏အထက်တွင် ရပ်နေကြပြီ ဖြစ်လေသည်။</p> <p>ပညာရှင်အများအပြားမှာ မြစ်၏မျက်နှာပြင်ပေါ်မှတစ်ဆင့် ရှေ့သို့ဆက်တိုက်ပျံသန်းသွားနေ ကြလေ သည်။ သို့သော်လည်းနှစ်ပေါင်းများစွာမြစ်တွင် သက်တမ်းစွမ်းအားများရှိနေသဖြင့် ဧကရာဇ်အဆင့်ရှိသူများ အတွက် ဝင်ရောက်ရန်မှာအလွန်တရာခက်ခဲလှပေသည်။ ထို့ကြောင့်နှစ်ပေါင်းများစွာမြစ်အတွင်းသို့ ဝင်ရောက်နေသူအားလုံးနီးပါးမှာ စိန့်အဆင့်အထက်ရှိ ပညာရှင်များ ဖြစ်ကြလေသည်။</p> <p>“သူငယ်ချင်းလေး... မင်းကဘယ်ဂိုဏ်းကလဲ။ မင်းလည်းဒီနှစ်ပေါင်းများစွာမြစ်ထဲကိုဝင်ဖို့ စဉ်းစား နေတာလား” ဟု ဤအချိန်တွင် သူ၏ဘေးမှအဘိုးအိုတစ်ဦးကပြုံးလျက်မေးလိုက်ပြီးနောက် စေတနာဖြင့် သတိပေးလိုက်သည်။</p> <p>“ဒီမြစ်က မရိုးရှင်းဘူးနော်၊ မင်းဝင်နိုင်တဲ့နေရာမျိုးမဟုတ်ဘူး။ မင်း ပြန်လှည့်သွားတာ ပိုကောင်းလိမ့် မယ်”</p> <p>ယခင်က ကံကြမ္မာနတ်ဘုရားနန်းတော်ပွင့်စဉ်အခါက လူငယ်အများအပြားမှာ မိမိကိုယ်ကိုယ်အထင် ကြီးပြီး နှစ်ပေါင်းများစွာမြစ်အတွင်းသို့စွန့်စားဝင်ရောက်ခဲ့ကြသော်လည်း သက်တမ်းစွမ်းအားကို မတောင့် ခံနိုင်ခဲ့ကြပေ။ သူတို့၏ ချီ၊ သွေးနှင့်အသက်စွမ်းအားများမှာ သက်တမ်းစွမ်းအားကြောင့် ကုန်ဆုံးသွားခဲ့ပြီး နောက်ဆုံးတွင် မြစ်အတွင်းမှာပင် သေဆုံးသွားခဲ့ကြခြင်း ဖြစ်လေသည်။</p> <p>ရန်ရှောက်ထျန်းက ထိုအဘိုးအိုကို ပြုံးပြလိုက်ပြီး။</p> <p>“ကျွန်တော့်ကို သတိပေးတဲ့အတွက်ကျေးဇူးတင်ပါတယ်စီနီယာ၊ ဒါပေမဲ့ ကျွန်တော်စမ်းကြည့် ချင်ပါသေးတယ်” ဟု ပြောလိုက်သည်။</p> <p>ထိုသို့ပြောပြီးနောက် သူသည် ပျံတက်လိုက်ပြီး မြစ်၏မျက်နှာပြင်ပေါ်သို့ ဆင်းသက်လိုက်ကာ ရှေ့သို့ လမ်းလျှောက်သွားခဲ့လေသည်။ ခြေတစ်လှမ်းလှမ်းလိုက်တိုင်း သူသည်မီတာတစ်ရာခန့်ဝေးရာသို့ ရောက်ရှိ သွားခဲ့လေသည်။</p> <p>ထိုအဘိုးအိုမှာ ဤမြင်ကွင်းကိုကြည့်ကာ အလွန်တရာ အံ့အားသင့်သွားတော့သည်။</p> <p>ရန်ရှောက်ထျန်းမှာ နှစ်ပေါင်းများစွာမြစ်ပေါ်တွင် တည်ငြိမ်စွာရပ်နိုင်ရုံသာမက ရှေ့သို့မီတာတစ် ရာအထိလမ်းလျှောက်နိုင်သည်ကို သူမမျှော်လင့်ထားခဲ့ပေ။ ပို၍ဝေးဝေးသို့လျှောက်လေလေ သက်တမ်း စွမ်းအားမှာ ပိုမိုပြင်းထန်လာလေလေဖြစ်ကြောင်းသိထားရမည်ဖြစ်လေသည်။ စိန့်အဆင့်နှင့် ညီမျှသော အစွမ်းမရှိပါက မီတာတစ်ရာအထိလမ်းလျှောက်ရန်မှာမဖြစ်နိုင်ပေ။ ဤလူငယ်လေးမှာ အမှန်တကယ်ပဲ စိန့်အဆင့်နှင့် ညီမျှသော အစွမ်း ရှိနေသည်တဲ့လား။</p> <p>အဘိုးအိုမှာ အံ့အားသင့်စွာကြည့်နေစဉ်မှာပင် ရန်ရှောက်ထျန်းမှာနောက်ထပ်ခြေတစ်လှမ်း ထပ်မံ လှမ်းလိုက်ပြန်ရာ မီတာတစ်ရာသို့ရောက်ရှိသွားပြန်လေသည်။ ရန်ရှောက်ထျန်းမှာမြန်မြန်လမ်းမလျှောက် သော်လည်း သူ၏ခြေလှမ်းတိုင်းမှာ မီတာတစ်ရာတိတိ ဖြစ်နေလေသည်။ မကြာမီမှာပင် ရန်ရှောက်ထျန်းမှာ မီတာတစ်ထောင်အကွာသို့ ရောက်ရှိသွားခဲ့လေပြီ။ အဘိုးအိုမှာ မှင်တက်ကျန်ရစ်ခဲ့လေတော့သည်။</p> <p>အခြားသူများ၏ အာရုံစိုက်မှုကိုမခံရစေရန် ရန်ရှောက်ထျန်းမှာလူမရှိသောနေရာသို့ ဦးတည် လမ်းလျှောက်သွားခဲ့လေသည်။ နှစ်ပေါင်းများစွာမြစ်မှာ အလွန်တရာကျယ်ပြောလှပြီး ၎င်း၏အကျယ်နှင့် အနက်ကိုမည်သူမျှမသိကြပေ။</p> <p> ရန်ရှောက်ထျန်းမှာ အတိုင်းအဆမဲ့သော မြစ်အတွင်းသို့ လျင်မြန်စွာ ပျောက်ကွယ်သွားခဲ့လေသည်။ စိန့်အဆင့်ရှိ ပညာရှင်များပင်လျှင် မြစ်အတွင်းသို့လီတစ်ရာအကွာအဝေး ရောက်ပြီးနောက် သတိထားပြီး သွားကြရသော်လည်း ရန်ရှောက်ထျန်းမှာမူ အေးအေးဆေးဆေးပင် ဆက်လက်လမ်းလျှောက်နေခဲ့လေသည်။</p> <p>လီတစ်ရာအကွာသို့ ရောက်ပြီးနောက် သက်တမ်းစွမ်းအားမှာအလွန်တရာ ပြင်းထန်နေပြီဖြစ်လေ သည်။ ဤနေရာသို့ ရောက်လျှင် စိန့်အဆင့်ကျင့်ကြံသူ အများအပြားမှာ သတိမထားပါက သူတို့၏ ချီ၊ သွေးနှင့် အသက်စွမ်းအားများမှာ သက်တမ်းစွမ်းအားကြောင့် ကုန်ဆုံးသွားနိုင်လေသည်။</p> <p>သို့သော် ရန်ရှောက်ထျန်းမှာမူ လုံးဝထိခိုက်ခြင်းမရှိပေ။ သူ၏ ထာဝရနတ်ဘုရားခန္ဓာကိုယ်တွင် အချိန်စွမ်းအားများရှိနေပြီး ၎င်းမှာ သက်တမ်းစွမ်းအားနှင့် မူလအစခြင်းတူညီလေသည်။ ထို့ကြောင့် သူသည် သက်တမ်းစွမ်းအား၏ထိခိုက်မှုကိုမခံရရုံသာမက ဤနေရာရှိသက်တမ်းစွမ်းအားများကိုပင် စုပ်ယူနေခဲ့ လေသည်။</p> <p> အခြားသူများမှာ သက်တမ်းစွမ်းအားကိုမစုပ်ယူနိုင်ကြသော်လည်း သူ၏ထာဝရနတ်ဘုရားခန္ဓာ ကိုယ်ကမူ စုပ်ယူနိုင်လေသည်။ သက်တမ်းစွမ်းအားများကိုစုပ်ယူခြင်းက သူ၏ထာဝရနတ်ဘုရားခန္ဓာကိုယ် ကို ပိုမိုကြံ့ခိုင်စေနိုင်လေသည်။</p> <p>ရန်ရှောက်ထျန်းမှာ မြစ်၏နက်ရှိုင်းသောနေရာသို့ ဆက်တိုက်ပျံသန်းသွားနေစဉ်မှာပင် နေလစိန့်ဘုရင် နှင့် ထုန်းထျန်းနတ်ဘုရားဂိုဏ်းမှပညာရှင်အုပ်စုမှာလည်း မြစ်၏နက်ရှိုင်းသောနေရာသို့ ပျံသန်းနေကြ လေသည်။</p> <p>“စိန့်ဘုရင်မင်းကြီး... ဟွန်ချွမ်ဘိုးဘေးရဲ့ဆက်ခံသူနဲ့ပတ်သက်ပြီး သတင်းရထားပါတယ်။</p> <p>တစ်စုံတစ်ယောက်က သူ နှစ်ပေါင်းများစွာ မြစ်ထဲကို ဝင်သွားတာကို မြင်လိုက်တယ်လို့ ပြောပါတယ်” ဟု ထုန်းထျန်းနတ်ဘုရားဂိုဏ်းမှ ဘိုးဘေးတစ်ဦးက နေလစိန့်ဘုရင်အား ရိုသေစွာ ပြောလိုက်လေသည်။</p> <p> </p> <p style="text-align: center;">***</p> <p> </p>


Save