Book List

<h2 style="text-align: center;">အခန်း (၅၃၂)</h2> <h2 style="text-align: center;">အရိုးဖြူလူငယ်ဧကရာဇ်</h2> <h2 style="text-align: center;">*</h2> <p> </p> <p>ဖန့်ကျင်းကို ပို၍ပင်ဇဝေဇဝါဖြစ်စေသည်မှာ ထိုလျှို့ဝှက်ဆန်းကြယ်သောလူငယ်လေး၏ စွမ်းအား မှာ အချိန်စွမ်းအားဖြစ်နေပုံရခြင်းပင်ဖြစ်လေသည်။ ဤလူငယ်လေးမှာအမှန်တကယ်ပဲ အချိန်စွမ်းအားကို ပိုင်ဆိုင်ထားသည်တဲ့လား။ ဒါဟာ တကယ့်ကို မယုံနိုင်စရာပင် ဖြစ်လေသည်။</p> <p>ဖန့်ကျင်းမှာ သံသယများဖြစ်နေစဉ်မှာပင် ရန်ရှောက်ထျန်းမှာနှစ်ပေါင်းများစွာမြစ်အတွင်းမှ ပျံသန်း ထွက်ခွာလာခဲ့လေသည်။ ကံကြမ္မာနတ်ဘုရားနန်းတော်မှာသုံးရက်သာပွင့်ခြင်းဖြစ်ပြီး ယခုမူအချိန်တစ်ဝက် မှာကုန်ဆုံးသွားခဲ့ပြီဖြစ်လေသည်။ သူသည်ကံကြမ္မာနတ်ဘုရားသစ်ပင်ကိုရှာဖွေရန် အလျင်အမြန်သွားရမည် ဖြစ်လေသည်။</p> <p>“ဆေးနံ့သာဘိုးဘေး... ကံကြမ္မာနတ်ဘုရားသစ်ပင်ကဘယ်နေရာမှာရှိနိုင်ခြေအများဆုံးလဲ” ဟု ရန်ရှောက်ထျန်းကမေးလိုက်သည်။ သူသည်ဦးတည်ချက်မဲ့စွာဆက်လက်ရှာဖွေ၍မရတော့ပေ။ ထိုသို့မဟုတ် ပါက နောက်ထပ်တစ်ရက်ကျော်မဆိုထားနှင့်၊ နှစ်ပေါင်းတစ်ရာကြာလျှင်ပင် ကံကြမ္မာနတ်ဘုရားသစ်ပင်ကို ရှာတွေ့ရန်မှာမလွယ်ကူလှပေ။</p> <p>“မင်း ကံကြမ္မာတောအုပ်ထဲကို သွားကြည့်သင့်တယ်” ဟု ဆေးနံ့သာအိုးက အကြံပြုလိုက်သည်။</p> <p>“ကံကြမ္မာတောအုပ် ဟုတ်လား” ဟု ရန်ရှောက်ထျန်းမှာ အံ့အားသင့်သွားပြီး။</p> <p>“ကံကြမ္မာနတ်ဘုရားသစ်ပင်က ကံကြမ္မာတောအုပ်ထဲမှာ ရှိနေတာလား”</p> <p>“ကံကြမ္မာနတ်ဘုရားမကလွဲရင် ကံကြမ္မာနတ်ဘုရားသစ်ပင်ဘယ်မှာရှိလဲဆိုတာ ဘယ်သူမှမသိကြ ဘူး” ဟု ဆေးနံ့သာအိုးကပြောလိုက်သည်။</p> <p>“ဒါပေမဲ့ ကံကြမ္မာနတ်ဘုရားသစ်ပင်ရှိနိုင်ခြေအများဆုံးနေရာသုံးခုရှိတယ်၊ တစ်ခုက နှစ်ပေါင်းများစွာ မြစ်၊ တစ်ခုကကံကြမ္မာတောအုပ်၊ နောက်တစ်ခုကတော့ နတ်ဘုရားမနန်းတော်ပဲ”</p> <p>ရန်ရှောက်ထျန်းမှာ နှစ်ပေါင်းများစွာမြစ်အတွင်းသို့ဝင်ရောက်ပြီးခဲ့ပြီဖြစ်လေသည်။ သို့ဆိုလျှင် နေရာနှစ်ခုသာကျန်တော့သည်၊ ၎င်းတို့မှာကံကြမ္မာတောအုပ်နှင့် နတ်ဘုရားမနန်းတော်တို့ ဖြစ်ကြလေသည်။</p> <p>“ကံကြမ္မာတောအုပ်၊ နတ်ဘုရားမနန်းတော်” ဟု ရန်ရှောက်ထျန်းကတိုးတိုးလေးရေရွတ်လိုက် သည်။</p> <p>“နတ်ဘုရားမနန်းတော်ဆိုတာ ဟိုတုန်းကကံကြမ္မာနတ်ဘုရားမနေထိုင်ခဲ့တဲ့နန်းတော်ပဲ။ အထဲမှာ ဘာရှိလဲဆိုတာ ဘယ်သူမှမသိကြဘူး၊ ဘာလို့လဲဆိုတော့ ဘယ်သူမှမဝင်ဖူးကြလို့ပဲ” ဟု ဆေးနံ့သာအိုးက ပြောလိုက်သည်။</p> <p>“ပြီးတော့ မင်းလည်းအခုချိန်မှာ အဲဒီထဲကိုမဝင်နိုင်သေးဘူး”</p> <p>“မင်း နတ်ဘုရားမနန်းတော်ထဲကိုဝင်ချင်ရင် မင်းရဲ့ထာဝရနတ်ဘုရားခန္ဓာကိုယ်က အောင်မြင်မှု အသေးစား အဆင့်ကိုရောက်မှသာဝင်နိုင်မှာ”</p> <p>ထာဝရနတ်ဘုရားခန္ဓာကိုယ် အောင်မြင်မှုအသေးစားအဆင့်ဆိုတာထပ်လာပြန်ပြီ။ ရန်ရှောက်ထျန်း မှာ သက်ပြင်းချလိုက်မိလေသည်။ ထို့ကြောင့် သူသည်ကံကြမ္မာတောအုပ်အပေါ်တွင်သာ သူ၏မျှော်လင့်ချက် ကို ထားနိုင်တော့မည် ဖြစ်လေသည်။</p> <p>ဤအချိန်တွင် ထုန်းထျန်းနတ်ဘုရားဂိုဏ်းမှပညာရှင်များမှာ နှစ်ပေါင်းများစွာမြစ်၏ ပတ်ဝန်းကျင်မှ ထွက်ခွာသွားကြပြီဖြစ်လေသည်။ ရန်ရှောက်ထျန်းသည်နှစ်ပေါင်းများစွာမြစ်မှ ထွက်ခွာပြီးနောက် သူ၏ အမြန်ဆုံးအရှိန်ဖြင့် ကံကြမ္မာတောအုပ်ဆီသို့ သွားခဲ့လေသည်။ နှစ်ပေါင်းများစွာမြစ်နှင့် ကံကြမ္မာတောအုပ်မှာ မနီးလှပေ။ ရန်ရှောက်ထျန်းကံကြမ္မာတောအုပ်သို့ ရောက်ရှိသောအခါ နှစ်နာရီခန့် ကြာမြင့်ခဲ့လေသည်။</p> <p>ကံကြမ္မာတောအုပ်မှာ သက်တမ်းစွမ်းအားများရှိသော နှစ်ပေါင်းများစွာမြစ်နှင့်မတူသဖြင့် ကံကြမ္မာ တောအုပ်သို့လာရောက်သူ အလွန်တရာများပြားလှပေသည်၊ အနည်းဆုံးနှစ်ပေါင်းများစွာမြစ်သို့ သွားသူများ ထက် ဆယ်ဆခန့်ပိုမိုများပြားလေသည်။ ရန်ရှောက်ထျန်းပတ်ဝန်းကျင်ကိုကြည့်လိုက်သောအခါ လူအုပ် ကြီးကို မြင်တွေ့လိုက်ရလေသည်။</p> <p> ကံကြမ္မာတောအုပ်အတွင်း၌ မြင့်မားလှသောရှေးဟောင်းသစ်ပင်ကြီးများမှာ အဆုံးမရှိအောင် ပေါက်ရောက်နေကြလေသည်။ တောအုပ်အတွင်း၌မီးခိုးရောင်မြူနှင်းများစီးဆင်းနေကြလေသည်။ ဤမီးခိုး ရောင်မြူနှင်းများမှာ နှစ်ပေါင်းများစွာမြူနှင်းများနှင့် အနည်းငယ်တူသော်လည်း ၎င်းတို့မှာသာမန်အဆိပ်သင့် သော မြူနှင်းများသာဖြစ်ကြလေသည်။</p> <p>ရန်ရှောက်ထျန်း ကံကြမ္မာတောအုပ်အတွင်းသို့ လှမ်းဝင်တော့မည့်ဆဲဆဲတွင် ရင်းနှီးသောစွမ်းအား တစ်ခု၏ လှုပ်ခတ်မှုကိုသူ ခံစားလိုက်ရလေသည်။</p> <p>“ဒါ မသေနိုင်သော သေမင်းနတ်ဘုရားပဲ” ဟု ရန်ရှောက်ထျန်းက ကံကြမ္မာတောအုပ်၏နက်ရှိုင်း သောနေရာဆီသို့လှမ်းကြည့်လိုက်သည်။ ယခင်ကရင်းနှီးသောစွမ်းအားလှုပ်ခတ်မှုမှာ မသေနိုင်သောသေမင်း ချီစွမ်းအားပင်ဖြစ်လေသည်။ မသေနိုင်သောသေမင်းနတ်ဘုရားမှာ ကံကြမ္မာတောအုပ်၏နက်ရှိုင်းသော နေရာ တွင် ရှိနေသည်ပေါ့။</p> <p>ရှေးဟောင်းစိတ်ဝိညာဉ်မိစ္ဆာသည်လည်း ထိုနေရာမှာပင်ရှိနေပေလိမ့်မည်။ ရန်ရှောက်ထျန်းမှာ ကံကြမ္မာနတ်ဘုရားနန်းတော်ပွင့်သည့်အချိန်တွင် သူတို့နှစ်ဦးစလုံးလည်းဝင်ရောက်လာလိမ့်မည်ဟု ယခင်က တည်းက ခန့်မှန်းထားခဲ့ခြင်းဖြစ်ပြီး ထင်ထားသည့်အတိုင်းပင်ဖြစ်လေသည်။</p> <p> မသေနိုင်သော သေမင်းနတ်ဘုရားသည်လည်း ကံကြမ္မာနတ်ဘုရားနန်းတော်အတွင်းသို့ ဝင်ရောက် လာခဲ့လေပြီ။ ရန်ရှောက်ထျန်းမှာမတွန့်ဆုတ်တော့ဘဲ ကံကြမ္မာတောအုပ်အတွင်းသို့ပြေးဝင်သွားခဲ့လေသည်၊ သူသည် မသေနိုင်သောသေမင်းချီလှုပ်ခတ်မှုရှိရာအရပ်ဆီသို့ သူ၏အမြန်ဆုံးအရှိန်ဖြင့် ပျံသန်းသွားခဲ့ လေသည်။</p> <p>သို့သော်လည်း သူထိုနေရာသို့ရောက်သောအခါ မသေနိုင်သောသေမင်းနတ်ဘုရားမှာ အရိပ် အယောင်မျှပင်မကျန်တော့ဘဲပျောက်ကွယ်သွားခဲ့ပြီဖြစ်လေသည်။ မြေပြင်ပေါ်တွင်ကြောက်မက်ဖွယ် ကောင်းသောနက်ရှိုင်းသည့်ကျင်းကြီးများနေရာအနှံ့ရှိနေလေသည်။</p> <p> ပတ်ဝန်းကျင်ရှိဟင်းလင်းပြင်တွင် မသေနိုင်သောသေမင်းချီများမှာကျန်ရှိနေဆဲ ဖြစ်လေသည်။</p> <p>“ဆေးနံ့သာဘိုးဘေး... မသေနိုင်သောသေမင်းနတ်ဘုရားကိုအာရုံခံလို့ရမလား” ဟု ရန်ရှောက် ထျန်းကမေးလိုက်သည်။</p> <p>ဆေးနံ့သာအိုးကက ခေါင်းခါပြလိုက်ပြီး။</p> <p>“သူတို့အပေါ်မှာ အရင်ကငါထားခဲ့တဲ့အမှတ်အသားတွေကပျောက်ကွယ်သွားပြီ။ အခု သူတို့ရဲ့ ချီစွမ်း အားကို ငါ အာရုံခံလို့မရတော့ဘူး၊ ငါ သူတို့အပေါ်မှာနောက်တစ်ကြိမ် အမှတ်အသားပြန်ထားနိုင်မှပဲ ရမယ်” ဟု ပြောလိုက်သည်။</p> <p>ဆေးနံ့သာဘိုးဘေးက သူတို့နှစ်ဦးအပေါ်တွင်ထားခဲ့သောအမှတ်အသားမှာ အမြဲတမ်းမဟုတ်ဘဲ အချိန်အတိုင်းအတာတစ်ခုကြာပြီးနောက်ပျောက်ကွယ်သွားမည်ဖြစ်လေသည်။ ရန်ရှောက်ထျန်းမှာဤစကား ကိုကြားလိုက်ရသဖြင့် စိတ်ပျက်သွားခဲ့လေသည်၊ သူသည်ကံကြမ္မာတောအုပ်အတွင်း၌ သူတို့ကိုအချိန် အတော်ကြာရှာဖွေခဲ့သော်လည်း အရိပ်အယောင်မျှမတွေ့ရသဖြင့် သူတို့အားရှာဖွေခြင်းကို လက်လျှော့ လိုက်ပြီး ကံကြမ္မာနတ်ဘုရားသစ်ပင်ကို အရင်ရှာဖွေရန်သာဆုံးဖြတ်လိုက်လေသည်။</p> <p>သို့သော်လည်း သူ ဝေးဝေးသို့မပျံသန်းရသေးခင်မှာပင် မြေပြင်ပေါ်တွင်လဲလျောင်းနေသော အလောင်းအချို့ကိုတွေ့လိုက်ရလေသည်၊ သူအံ့အားသင့်သွားသည်မှာ ထိုအလောင်းများတွင် သေလောက် သောဒဏ်ရာများ သို့မဟုတ်သွေးကွက်များမရှိခြင်းပင်ဖြစ်လေသည်။ ဤလူတွေကဘယ်လိုလုပ်ပြီး သေသွား တာလဲ။ ရန်ရှောက်ထျန်းမှာ အံ့အားသင့်သွားခဲ့လေသည်။</p> <p>“သူတို့က မြွေခိုးရောင်တွေရဲ့ကိုက်ခံရလို့သေသွားတာဖြစ်ရမယ်” ဟု ဆေးနံ့သာဘိုးဘေးက ပြောလိုက်သည်။</p> <p>“မြွေခိုးရောင် ဟုတ်လား” ဟု ရန်ရှောက်ထျန်းက မေးလိုက်သည်။</p> <p>“မြွေခိုးရောင်ဆိုတာ ကံကြမ္မာတောအုပ်ထဲမှာ နေထိုင်တဲ့ အလွန်အဆိပ်ပြင်းတဲ့ သတ္တဝါတစ်မျိုးပဲ” ဟု ဆေးနံသာဘိုးဘေးက ပြောလိုက်သည်။</p> <p> “သူတို့က အလွန်ရှားပါးပေမဲ့ အလွန်အန္တရာယ်များတယ်၊ သူတို့ရဲ့ တိုက်ခိုက်မှုတွေက တိတ်ဆိတ်ပြီး ကာကွယ်ဖို့ မဖြစ်နိုင်ဘူး”</p> <p>“တစ်ခါ အကိုက်ခံရတာနဲ့စိန့်အဆင့် အထွတ်အထိပ်ပညာရှင်တစ်ယောက်တောင်မှ သေသွား လိမ့်မယ်”</p> <p>“မြွေခိုးရောင် အဆိပ်ကြောင့်သေတဲ့လူတွေက အပြင်ပန်းမှာတော့ ပုံမှန်အတိုင်းပဲ”</p> <p>“ပြီးတော့ မြွေခိုးရောင်တွေက လူတွေရဲ့ ဦးနှောက်ကိုစားရတာ ကြိုက်ကြတယ်”</p> <p>မြွေခိုးရောင်တွေက လူတွေရဲ့ဦးနှောက်ကိုစားရတာကြိုက်တယ်လို့ ဆေးနံ့သာဘိုးဘေး ပြောလိုက် သည်ကိုကြားလိုက်ရသောအခါ ရန်ရှောက်ထျန်းမှာကြက်သီးများထသွားတော့သည်။ သို့ဆိုလျှင် ထိုနေရာတွင် လဲလျောင်းနေသော လူများ၏ဦးနှောက်များကို မြွေခိုးရောင်များက စုပ်ယူစားသောက်ခဲ့ကြသည်ပေါ့။ ထို့ပြင် မြွေခိုးရောင်များမှာလည်း အနီးနားမှာပင်ရှိနေပေလိမ့်မည်။ တစ်ကောင်ထက်မကလည်း ရှိနေနိုင်လေသည်။ ရန်ရှောက်ထျန်းမှာ များများစားစား မစဉ်းစားတော့ဘဲ ချက်ချင်းပင်လှည့်ထွက်သွားရန် ပြင်လိုက်လေသည်။</p> <p>သို့သော်လည်း ထိုအချိန်မှာပင်လူအုပ်စုတစ်စုက သူ့ထံသို့ရုတ်တရက်ပျံသန်းလာခဲ့ကြလေသည်။ ထိုလူအုပ်စုမှာ မြေပြင်ပေါ်တွင်လဲလျောင်းနေသောအလောင်းအချို့ကိုမြင်လိုက်ရသောအခါ သူတို့၏ မျက်နှာအမူအရာများ ပြောင်းလဲသွားကြတော့သည်။</p> <p>“စီနီယာအစ်ကိုချန်၊ စီနီယာအစ်မလင်း” ဟု အမျိုးသမီးတစ်ဦးက ဝမ်းနည်းပူဆွေးစွာ အော်ဟစ် လိုက်ပြီး အလောင်းများရှိရာသို့ ပြေးသွားခဲ့လေသည်။</p> <p>ရန်ရှောက်ထျန်းမှာ ထွက်ခွာတော့မည့်ဆဲဆဲတွင်အမျိုးသားတပည့်တစ်ဦးက သူ၏ ဓားကို ထုတ်လိုက် ပြီး ရန်ရှောက်ထျန်း၏ လမ်းကိုပိတ်လိုက်လေသည်။</p> <p>“နေဦး” ဟု ပြောလိုက်ပြီးနောက် သူကခေါင်းမော့လိုက်ပြီး။</p> <p>“ရှင်းပြစမ်း” ဟု ပြောလိုက်သည်။ သူ၏ လေသံမှာ အမိန့်ပေးသံပါနေလေသည်။</p> <p>“ရှင်းပြရမယ် ဟုတ်လား” ဟု ရန်ရှောက်ထျန်းကတစ်ဖက်လူကိုတည်ငြိမ်သော အမူအရာဖြင့် ကြည့်လိုက်သည်။</p> <p>“သူတို့ ဘယ်လိုသေသွားတာလဲဆိုတာရှင်းပြစမ်း” ဟု ထိုအမျိုးသားတပည့်၏ လေသံမှာ အနည်းငယ်အေးစက်သွားခဲ့လေပြီ။</p> <p>ရန်ရှောက်ထျန်းက သူတို့ကိုသတ်ခဲ့သည်ဟု သူကရှင်းရှင်းလင်းလင်းပင် သံသယဖြစ်နေခြင်း ဖြစ်လေ သည်။ ရန်ရှောက်ထျန်းမှာ ထိုအမျိုးသားတပည့်၏အမိန့်ပေးသံနှင့် ထောင်လွှားသောလေသံကို ကြားလိုက်ရ သဖြင့် တစ်ဖက်လူနှင့်ငြင်းခုံနေရန်ပျင်းရိသွားကာ အေးစက်စွာပြောလိုက်သည်။</p> <p>“ဖယ်စမ်း၊ မဟုတ်ရင် သေရမယ်”</p> <p>ထိုအမျိုးသားတပည့်နှင့် အခြားသောဆယ်ဦးကျော်သောလူများမှာ အကြီးအကျယ်ဒေါသထွက် သွားကြတော့သည်။</p> <p>“ကောင်လေး... မင်း ဘာပြောလိုက်တာလဲ”</p> <p>“စီနီယာအစ်ကို ချန်နဲ့ စီနီယာအစ်မ လင်းတို့ကို သူ သတ်ခဲ့တာ သေချာတယ်”</p> <p>“ငါတို့ အရိုးဖြူမိစ္ဆာနန်းတော်က လူတွေကိုသတ်ရဲတယ်ပေါ့၊ မင်း သေချင်နေတာပဲ”</p> <p>အရိုးဖြူမိစ္ဆာနန်းတော်မှာ ဝမ်ကျန့်တိုက်ကြီးပေါ်ရှိ ထိပ်တန်းဂိုဏ်းကြီးတစ်ခု ဖြစ်လေသည်။ ၎င်း၏ အင်အားမှာ ကျန့်လင်းကရန်ရှောက်ထျန်းကိုခေါ်သွားခဲ့ဖူးသောလုမိသားစုထက်မနိမ့်ကျပေ။ အရိုးဖြူမိစ္ဆာ နန်းတော်၏ နန်းတော်သခင်မှာဓားနတ်ဘုရားအဆင့်သတ်မှတ်ချက်တွင်အဆင့် ၄၉ ရှိသော အရိုးဖြူဓား နတ်ဘုရားပင်ဖြစ်လေသည်။ အရိုးဖြူမိစ္ဆာနန်းတော်ကိုလည်းအရိုးဖြူဓားနတ်ဘုရားက တည်ထောင်ခဲ့ခြင်း ဖြစ်လေသည်။ ရန်ရှောက်ထျန်းကိုတားဆီးထားသောအမျိုးသားတပည့်မှာ အရိုးဖြူမိစ္ဆာနန်းတော်၏ အမာခံတပည့်ဖြစ်ပြီး လူငယ်ဧကရာဇ်ကိုးပါးထဲမှတစ်ဦးဖြစ်သော အရိုးဖြူလူငယ်ဧကရာဇ်ပင်ဖြစ်လေ သည်။</p> <p>သူက ရန်ရှောက်ထျန်းကို သတ်ဖြတ်လိုစိတ်များပြည့်နှက်နေသောမျက်လုံးများဖြင့် စိုက်ကြည့် လိုက်ပြီး။</p> <p> “ကောင်လေး... မင်း တကယ်ပဲသေချင်နေတာပဲ။ ငါ အခု မင်းကို အရေခွံဆုတ်ပစ်ပြီး သေတာထက် ပိုဆိုးတဲ့ ဝေဒနာကို ခံစားရအောင်လုပ်ပေးမယ်” ဟု ပြောလိုက်သည်။ ထိုသို့ပြောပြီးနောက် သူသည် သူ၏ ဓားဖြင့် ရန်ရှောက်ထျန်း၏လည်ပင်းကို ထိုးလိုက်လေသည်။</p> <p>သို့သော်လည်း သူ့ထံသို့ ဦးတည်လာသော ဓားကိုကြည့်ရင်း ရန်ရှောက်ထျန်းက ဂရုပင်မစိုက်ဘဲ သူ၏ လက်ညှိုးဖြင့် တစ်ချက်မျှသာတောက်လိုက်လေသည်။ တစ်ဖက်လူ၏ရှည်လျားသောဓားမှာ အစိပ်စိပ် အမြွှာမြွှာ ကွဲအက်သွားခဲ့ပြီးနောက် အေးစက်သောအလင်းတန်းတစ်ခုအဖြစ် ပြောင်းလဲသွားကာ အလွန်တရာ မြန်ဆန်လှသောအရှိန်ဖြင့် တစ်ဖက်လူ၏နဖူး၊ လည်ပင်းနှင့်မျက်လုံးများဆီသို့ ပြန်လည်လွင့်စင်သွားခဲ့လေ တော့သည်။</p> <p>အရိုးဖြူလူငယ်ဧကရာဇ်မှာ သူ၏မျက်လုံးများကို ပြူးကြည့်လိုက်ပြီး ထိုနေရာမှာပင် တောင့်တောင့် ကြီးရပ်နေခဲ့လေသည်၊ သူသည်ရန်ရှောက်ထျန်းကိုမယုံကြည်နိုင်ဘဲကြည့်နေရင်း နောက်သို့ လဲကျသွားခဲ့ လေသည်။ မြေပြင်ပေါ်တွင် သွေးများအဆက်မပြတ်စီးကျလာခဲ့လေသည်။ သူ သေဆုံးသွားသည့်တိုင်အောင် ဂုဏ်သိက္ခာရှိလှသော အရိုးဖြူမိစ္ဆာနန်းတော်၏ အမာခံတပည့်၊ လူငယ်ဧကရာဇ်ကိုးပါးထဲမှ တစ်ဦးဖြစ်သော သူသည် ဘာမှမဟုတ်သော လူငယ်လေးတစ်ဦး၏ တစ်ကွက်တည်းဖြင့် အသတ်ခံလိုက်ရလိမ့်မည်ဟု သူ လုံးဝ မထင်ထားခဲ့ပေ။</p> <p> </p> <p style="text-align: center;">***</p> <p> </p>


Save