Book List

<h2 style="text-align: center;">အခန်း (၅၃၇)</h2> <h2 style="text-align: center;">တိုက်တန်ဧရာမမိစ္ဆာ</h2> <h2 style="text-align: center;">*</h2> <p> </p> <p>ရန်ရှောက်ထျန်းက ကမ္ဘာဦးမူလကောင်းကင်ကံကြမ္မာစွမ်းအားကို အသက်သွင်းလိုက်သောအခါ ကံကြမ္မာနတ်ဘုရားသစ်ပင်မှာ အလင်းတန်းများဖြင့်တုန်ခါသွားခဲ့လေသည်။ ကံကြမ္မာနတ်ဘုရားသစ်ပင်၏ လှုပ်ရှားမှုကိုမြင်လိုက်ရသဖြင့် ရန်ရှောက်ထျန်းမှာအလွန်တရာဝမ်းသာသွားပြီး ကမ္ဘာဦးမူလကောင်းကင် ကံကြမ္မာနှစ်ခု၏စွမ်းအားကို အသက်သွင်းလိုက်ပြန်လေသည်။ ချက်ချင်းဆိုသလိုပင်ကံကြမ္မာနတ်ဘုရား သစ်ပင်၏ အလင်းတန်းမှာ ပိုမိုပြင်းထန်စွာ တုန်ခါလာခဲ့လေသည်။</p> <p>ရန်ရှောက်ထျန်းမှာ ကမ္ဘာဦးမူလကောင်းကင်ကံကြမ္မာသုံးခု၏စွမ်းအားကို ချက်ချင်းအသက်သွင်း လိုက်လေသည်။ ကံကြမ္မာနတ်ဘုရားသစ်ပင်၏ အလင်းတန်းမှာဆောင့်တက်လာခဲ့လေသည်။ ရန်ရှောက် ထျန်းမှာ စတုတ္ထမြောက်၊ ထို့နောက် ပဉ္စမမြောက်၊ နောက်ဆုံးတွင် သူ၏ကမ္ဘာဦးမူလ ကောင်းကင်ကံကြမ္မာ အားလုံးကို အသက်သွင်းလိုက်လေသည်။ ကံကြမ္မာနတ်ဘုရားသစ်ပင်၏ အလင်းတန်းမှာ ကောင်းကင်ယံသို့ ပျံတက်သွားပြီး နက်နဲလှသော ကံကြမ္မာအလင်းလှိုင်းများမှာ ရေဂယက်များအလား ပြန့်နှံ့သွားခဲ့လေသည်။</p> <p>ထို့နောက်တွင် ကံကြမ္မာနတ်ဘုရားသစ်ပင်၏ ပတ်ဝန်းကျင်ရှိမြေပြင်မှာ အဆက်မပြတ်တုန်ခါလာ ခဲ့ပြီး အက်ကြောင်းများပေါ်ထွက်လာကာ ကံကြမ္မာနတ်ဘုရားသစ်ပင်မှာတဖြည်းဖြည်း မြင့်တက်လာခဲ့ လေသည်။ ရန်ရှောက်ထျန်း၏ ကမ္ဘာဦးမူလကောင်းကင်ကံကြမ္မာကိုးခု၏စွမ်းအားများ ဆက်တိုက်စီးဝင်မှု အောက်တွင် ကံကြမ္မာနတ်ဘုရားသစ်ပင်မှာနောက်ဆုံးတွင် လုံးဝပျံထွက်လာခဲ့ပြီး ကောင်းကင်ယံတွင် မြင့်မားစွာရပ်တည်နေခဲ့ကာ ၎င်း၏ပြင်းထန်သောကံကြမ္မာစွမ်းအားများမှာဟိန်းဟောက်နေပြီး ဟင်းလင်း ပြင်တစ်ခုလုံးကို လွှမ်းမိုးသွားတော့သည်။</p> <p>ရန်ရှောက်ထျန်း၏ ကမ္ဘာဦးမူလကောင်းကင်ကံကြမ္မာစွမ်းအား၏ လမ်းညွှန်မှုအောက်တွင် ကံကြမ္မာ နတ်ဘုရားသစ်ပင်မှာ ကောင်းကင်ယံတွင်ရပ်နေခဲ့ပြီး ကံကြမ္မာစွမ်းအားများမှာရေတံခွန်တစ်ခုအလား ရန်ရှောက်ထျန်းဆီသို့စီးဆင်းလာခဲ့လေသည်။ ရန်ရှောက်ထျန်းမှာကံကြမ္မာစွမ်းအားများကိုဝါးမြိုရန် ကမ္ဘာဦး မူလနဂါးကျင့်စဉ်ကိုလည်ပတ်လိုက်ရာ ကံကြမ္မာစွမ်းအားများမှာသူ၏ခန္ဓာကိုယ်အတွင်းသို့ ဆက်တိုက် စီးဝင်လာခဲ့လေသည်။</p> <p>“နောင်တစ်ချိန်မှာ မင်းကံကြမ္မာနတ်ဘုရားခန္ဓာကိုယ်ကိုရလာတဲ့အခါ ကံကြမ္မာနတ်ဘုရားမရဲ့ ကံကြမ္မာနတ်ဘုရားကျင့်စဉ်ကို ကျင့်ကြံလို့ ရတယ်” ဟု ဆေးနံ့သာအိုးဘိုးဘေးက ပြောလိုက်သည်။</p> <p>“ကံကြမ္မာနတ်ဘုရားကျင့်စဉ်ဟုတ်လား” ဟု ရန်ရှောက်ထျန်း၏နှလုံးသားမှာ လှုပ်ရှားသွားခဲ့ လေသည်။</p> <p>“ဟုတ်တယ်” ဟု ဆေးနံ့သာဘိုးဘေးက ပြောလိုက်သည်။</p> <p> “အကယ်၍ မင်းမှာကံကြမ္မာနတ်ဘုရားကျင့်စဉ်ရှိပြီး ကံကြမ္မာနတ်ဘုရားသစ်ပင်နဲ့ ကျင့်ကြံမယ် ဆိုရင် မင်းရဲ့ ကံကြမ္မာနတ်ဘုရားခန္ဓာကိုယ်က အကြီးအကျယ်မြင့်တက်လာလိမ့်မယ်”</p> <p>“ကံကြမ္မာနတ်ဘုရားကျင့်စဉ်က နတ်ဘုရားမနန်းတော်ထဲမှာ ရှိရမယ်”</p> <p>ရန်ရှောက်ထျန်းမှာ ချက်ချင်းပင်အားလျော့သွားခဲ့လေသည်။ နတ်ဘုရားမနန်းတော်အတွင်းသို့ ဝင်ရန်အတွက် ထာဝရနတ်ဘုရားခန္ဓာကိုယ်အောင်မြင်မှုအသေးစားအဆင့်သို့ရောက်ရန်လိုအပ်ပြီး ယခုမူ သူသည် နတ်ဘုရားမနန်းတော်အတွင်းသို့ လုံးဝ မဝင်နိုင်သေးပေ။</p> <p>“ဒါပေမဲ့ ကံကြမ္မာနတ်ဘုရားမမှာအချိန်အဘိုးအိုလို့ခေါ်တဲ့တပည့်တစ်ယောက် ရှိတယ်၊ သူကလည်း ကံကြမ္မာနတ်ဘုရားကျင့်စဉ်ကို သိတယ်” ဟု ဆေးနံ့သာဘိုးဘေးက ပြောလိုက်သည်။</p> <p>“အချိန်အဘိုးအို ဟုတ်လား” ဟု ရန်ရှောက်ထျန်းက တိုးတိုးလေး ရေရွတ်လိုက်သည်။ ထို့ကြောင့် သူ အပြင်သို့ ရောက်သောအခါ အချိန်အဘိုးအို၏ တည်နေရာကို စုံစမ်းရမည် ဖြစ်လေသည်။</p> <p>ရန်ရှောက်ထျန်းမှာ ကံကြမ္မာနတ်ဘုရားသစ်ပင်ကို သူ၏ဆေးနံ့သာအိုးလက်စွပ်အတွင်းသို့ ထည့်လိုက်ပြီး ဤဟင်းလင်းပြင်အတွင်း၌လှည့်ပတ်ရှာဖွေခဲ့သော်လည်း ထွက်ပေါက်ကိုရှာမတွေ့ခဲ့ပေ။ နောက်ဆုံးတွင် သူသည်အားကိုးရာမဲ့စွာဖြင့် ထိုင်ချလိုက်ပြီး ကျင့်ကြံနေခဲ့လေသည်။</p> <p>ကံကြမ္မာနတ်ဘုရားနန်းတော်ပွင့်သည့် သုံးရက်တာကာလကုန်ဆုံးသွားသည်နှင့် နန်းတော်အတွင်းရှိ လူတိုင်းမှာ အပြင်သို့အလိုအလျောက်ပို့ဆောင်ခြင်းခံရမည်ဖြစ်လေသည်။ ယခုမူ သူသည်စိတ်ရှည်စွာ စောင့်ဆိုင်းနေရုံသာ ရှိတော့သည်။</p> <p>အချိန်များ ကုန်ဆုံးသွားခဲ့လေသည်။ သုံးရက်တာကာလမှာ နောက်ဆုံးတွင် ရောက်ရှိလာခဲ့လေပြီ။</p> <p>ရန်ရှောက်ထျန်းမှာ အံ့ဩဖွယ်ကောင်းသောဟင်းလင်းပြင်ဝါးမြိုမှုစွမ်းအားတစ်ခုက သူ့ကို လွှမ်းမိုး သွားသည်ကိုခံစားလိုက်ရပြီး မူးဝေသွားသောခံစားချက်တစ်ခုပြီးနောက် ပတ်ဝန်းကျင်အနေအထားမှာ ပြောင်းလဲသွားခဲ့ကာ သူသည်ကံကြမ္မာနတ်ဘုရားနန်းတော်၏အပြင်ဘက်သို့ ရောက်ရှိနေပြီ ဖြစ်လေသည်။</p> <p>အပြင်ဘက်ရှိ အတိုင်းအဆမဲ့သောပင်လယ်ပြင်ကြီး၏ပြာလွင်သော ကောင်းကင်နှင့် ကြည်လင်သော ပင်လယ်ရေများကိုကြည့်ရင်း ရန်ရှောက်ထျန်းမှာအခြားကမ္ဘာတစ်ခုမှပြန်ရောက်လာသလိုမျိုး ခံစားလိုက်ရ လေသည်။ သူသည်ထိုနေရာတွင်ကြာရှည်မနေဘဲ လျင်မြန်စွာပျံသန်းထွက်ခွာသွားခဲ့လေသည်။ ယခုမူ သူသည်ကံကြမ္မာနတ်ဘုရားသီးများနှင့် ကမ္ဘာဦးမူလကောင်းကင်ကံကြမ္မာကျောက်တုံးများအားလုံးကို သန့်စင်ရန်အတွက် နေရာတစ်ခု ရှာဖွေရမည် ဖြစ်လေသည်။</p> <p>ရန်ရှောက်ထျန်း ထွက်ခွာသွားပြီး သိပ်မကြာမီမှာပင် နေလစိန့်ဘုရင်၊ ဟင်းလင်းပြင်ဓားနတ်ဘုရားနှင့် အခြားသူများသည်လည်း ကံကြမ္မာနတ်ဘုရားနန်းတော်မှတစ်ဦးပြီးတစ်ဦး ထွက်လာခဲ့ကြလေသည်။ နေလစိန့်ဘုရင်က လူအုပ်ကြီးကိုကြည့်လိုက်ပြီး သူ၏မျက်နှာမှာ မှောင်မိုက်နေလေသည်။</p> <p>“အမိန့်ထုတ်လိုက်စမ်း၊ ဟွန်ချွမ်ဘိုးဘေးရဲ့ ဆက်ခံသူကို ဆုကြေးထုတ်လိုက်မယ်။ ဟွန်ချွမ်ဘိုးဘေးရဲ့ ဆက်ခံသူကို ရှာတွေ့တဲ့သူကို ဘီလီယံတစ်ရာ ဆုချမယ်”</p> <p>“ဟွန်ချွမ်ဘိုးဘေးရဲ့ ဆက်ခံသူကို ဖမ်းမိတဲ့သူ ဒါမှမဟုတ် သတ်နိုင်တဲ့သူကို ဘီလီယံနှစ်ရာ ဆုချမယ်”</p> <p>“ဒါ့အပြင် ကမ္ဘာကြီးကိုကြေညာလိုက်စမ်း၊ ကံကြမ္မာနတ်ဘုရားသစ်ပင်က ဟွန်ချွမ်ဘိုးဘေးရဲ့ ဆက်ခံသူဆီမှာ ရှိနေတယ်လို့”</p> <p>ကံကြမ္မာနတ်ဘုရားသစ်ပင်မှာ ဟွန်ချွမ်ဘိုးဘေး၏ဆက်ခံသူဆီမှာရှိနေသည်ဟူသော သတင်း ပျံ့နှံ့သွားသည်နှင့် ဝမ်ကျန့်တိုက်ကြီးပေါ်ရှိလူတိုင်းမှာ သူ့ကိုသတ်ရန်ထကြွလာကြပေလိမ့်မည်။ ထိုအချိန် ကျလျှင် ကမ္ဘာကြီးကမည်မျှပင်ကျယ်ပြောပါစေ ဤဟွန်ချွမ်ဘိုးဘေး၏ဆက်ခံသူပုန်းအောင်းစရာ နေရာ ရှိလိမ့်မည်မဟုတ်ပေ။ ဤဟွန်ချွမ်ဘိုးဘေး၏ဆက်ခံသူသေဆုံးရန်မှာမခက်ခဲတော့ပေ။ ထို့ပြင် ဟွန်ချွမ်ဘိုး ဘေး၏ ဆက်ခံသူကို သတ်ခြင်းကဘီလီယံနှစ်ရာ ဆုကြေးငွေပါ ရရှိဦးမည် မဟုတ်ပါလော။</p> <p>“စိန့်ဘုရင် အစ်ကို... ငါတို့သူ့ကိုစည်းရုံးလို့ရနိုင်မလား” ဟု ဟင်းလင်းပြင်ဓားနတ်ဘုရားက စဉ်းစားရင်း မေးလိုက်သည်။</p> <p>နေလစိန့်ဘုရင်က ခေါင်းခါပြလိုက်ပြီး။</p> <p> “ဒီလို ရှေးဟောင်းပါရမီရှင်မျိုးက တခြားသူတွေရဲ့ လက်အောက်မှာ နေပါ့မလား။ သူက ငါတို့ဂိုဏ်းရဲ့ အမာခံတပည့်ကိုသတ်ခဲ့တာဖြစ်လို့ ငါတို့ထုန်းထျန်းနတ်ဘုရားဂိုဏ်းထဲကိုဝင်ဖို့ဆိုတာ ပိုတောင်မဖြစ်နိုင် သေးတယ်” ဟု ပြောလိုက်သည်။</p> <p>မကြာမီမှာပင် ထုန်းထျန်းနတ်ဘုရားဂိုဏ်း၏ ဆုကြေးငွေသတင်းမှာ ပျံ့နှံ့သွားခဲ့လေသည်။</p> <p>ဝမ်ကျန့်တိုက်ကြီးပေါ်ရှိအင်အားစုအသီးသီးမှပညာရှင်များမှာ တုန်လှုပ်သွားကြတော့သည်။</p> <p>သတင်းပျံ့နှံ့သည့်နေ့မှာပင် ဝမ်ကျန့်တိုက်ကြီးတစ်ခုလုံး ရန်ရှောက်ထျန်း၏တည်နေရာကို စတင်ရှာ ဖွေကြတော့သည်။ နေလစိန့်ဘုရင်ထင်ထားသည့်အတိုင်းပင် ကံကြမ္မာနတ်ဘုရားသစ်ပင်၏ဆွဲဆောင်မှုကို မည်သူမျှမလှုပ်မယှက်မနေနိုင်ကြဘဲ ရန်ရှောက်ထျန်းကိုသတ်ရန်အတွက် ဘီလီယံနှစ်ရာဆုကြေးငွေ က လည်း လူအများအပြားကို ရူးသွပ်စေရန်လုံလောက်လေသည်။</p> <p>ညဦးပိုင်းတွင်ငြိမ်သက်နေခဲ့လေသည်။ ဆောင်းတွင်းရောက်နေပြီဖြစ်ရာ ညချမ်းမှာအလွန်တရာ အေးစက်လှပေသည်။ အေးစက်လှသော လေပြင်းများတိုက်ခတ်နေစဉ်မှာပင် လူတစ်ဦးမှာဆိတ်ငြိမ်လှသော တောကန္တာရအထက်မှ ဆက်တိုက်ပျံသန်းနေခဲ့လေသည်၊ သူသည်ရန်ရှောက်ထျန်းပင်ဖြစ်လေသည်။ ရုတ်တ ရက်ရန်ရှောက်ထျန်းကရပ်လိုက်ပြီး။</p> <p> “မင်းကြီး... ခင်ဗျားနောက်ကနေအကြာကြီးလိုက်လာခဲ့ပြီးမှ အခုထိအပြင်ကိုမထွက်လာသေးဘူး လား” ဟု ပြောလိုက်သည်။</p> <p>ရန်ရှောက်ထျန်း၏စကားဆုံးသည်နှင့် ရှေ့တွင်မှောင်မိုက်သောအလင်းတန်းများမှာ ပင်လယ်တစ် ခုအလားဆောင့်တက်လာပြီး မှောင်မိုက်လှသောပင်လယ်ကြီးအတွင်းမှ ဧရာမပုံရိပ်ကြီးတစ်ခု လမ်းလျှောက် ထွက်လာခဲ့လေသည်။ တစ်ဖက်လူမှာမှောင်မိုက်လှသောကမ္ဘာကြီးမှအမြင့်မြတ်ဆုံးမိစ္ဆာတစ်ပါးအလား ရှိနေပြီး အတိုင်းအဆမဲ့သောမိစ္ဆာချီများမှာလှည့်ပတ်နေကာ ကြောက်မက်ဖွယ်ကောင်းသော အရှိန်အဝါများ က ကောင်းကင်နှင့်မြေကြီးကိုဖုံးလွှမ်းသွားပြီး ရန်ရှောက်ထျန်း၏ပတ်ဝန်းကျင်ရှိ ဟင်းလင်းပြင်အားလုံးကို ပိတ်ဆို့လိုက်လေသည်။</p> <p>ရန်ရှောက်ထျန်း၏ မျက်လုံးများမှာကျဉ်းမြောင်းသွားခဲ့လေသည်။</p> <p> ထုန်းရှင်းမိစ္ဆာမျောက်မှာကြီးမားလှသော်လည်း ရှေ့တွင်ရှိသောမှောင်မိုက်လှသောမိစ္ဆာကြီးမှာ ထုန်းရှင်းမိစ္ဆာမျောက်ထက်ပင်များစွာပိုမိုကြီးမားလှပေသည်။ ထို့ပြင်တစ်ဖက်လူ၏မှောင်မိုက်လှသော မိစ္ဆာ ချီမှာ ရန်ရှောက်ထျန်းမြင်ဖူးသမျှထဲတွင် အပြင်းထန်ဆုံးဖြစ်လေသည်။ ချဉ်းကပ်လာသောပုံရိပ်ကိုကြည့်ရင်း ရန်ရှောက်ထျန်းက တစ်ဖက်လူ၏မည်သူမည်ဝါဖြစ်ကြောင်းကို ခန့်မှန်းလိုက်ပြီး။</p> <p> “တိုက်တန်ဧရာမမိစ္ဆာ” ဟု ပြောလိုက်သည်။</p> <p>ရောက်ရှိလာသူမှာ အခြားသူမဟုတ်ဘဲမိစ္ဆာများ၏မိစ္ဆာ၊ ဝမ်ကျန့်တိုက်ကြီးပေါ်ရှိမိစ္ဆာအားလုံး၏ နတ်ဘုရားဖြစ်သောတိုက်တန်ဧရာမမိစ္ဆာပင်ဖြစ်လေသည်။ တိုက်တန်ဧရာမမိစ္ဆာ၏အမည်မှာ ဝမ်ကျန့်တိုက် ကြီးပေါ်ရှိပညာရှင်အားလုံး၏မျက်နှာများကို ပျက်သွားစေနိုင်လေသည်။ တိုက်တန်ဧရာမမိစ္ဆာ၏အဘိုးမှာ ဟွန်ချွမ်ဘိုးဘေး၏လက်အောက်ရှိ အစွမ်းထက်ဆုံးသော မိစ္ဆာကြီးလေးဦးထဲမှတစ်ဦး ဖြစ်လေသည်။</p> <p>“ကောင်လေး... မင်းက ဟွန်ချွမ်ဘိုးဘေးရဲ့ ဆက်ခံသူပေါ့” ဟု တိုက်တန်ဧရာမမိစ္ဆာက ထိုနေရာ တွင်ရပ်နေရင်း သူ၏သွေးရောင်မျက်လုံးများဖြင့် ရန်ရှောက်ထျန်းအားငုံ့ကြည့်လိုက်ကာပြောလိုက်ရာ သူ၏ အသံမှာ ပတ်ဝန်းကျင်လီတစ်ရာအတွင်းရှိ ဟင်းလင်းပြင်ကိုတုန်ခါသွားစေခဲ့လေသည်။</p> <p>“မှန်ပါတယ်” ဟု ရန်ရှောက်ထျန်းက တည်ငြိမ်စွာပြောလိုက်သည်။</p> <p>“မင်းက ဟွန်ချွမ်ဘိုးဘေးရဲ့ ဆက်ခံသူဖြစ်နေတာကို ထောက်ထားပြီး ဟွန်ချွမ်လက်စွပ်၊ ဟွန်ချွမ်နတ် ဘုရားကျင့်စဉ်နဲ့ ကံကြမ္မာနတ်ဘုရားသစ်ပင်ကိုအပ်လိုက်မယ်ဆိုရင် မင်းရဲ့ အသက်ကို ငါ ချမ်းသာပေးမယ်” ဟု တိုက်တန်ဧရာမမိစ္ဆာက ပြောလိုက်သည်။</p> <p>ဤသည်ကို ကြားလိုက်ရသောအခါ ရန်ရှောက်ထျန်းက သူ၏လက်ချောင်းမှ ဟွန်ချွမ်လက်စွပ်ကို ထုတ်ပြလိုက်ပြီးတစ်ချိန်တည်းမှာပင် ဟွန်ချွမ်နတ်ဘုရားကျင့်စဉ်၏ဒသမမြောက်အဆင့်ကို အသက်သွင်း လိုက်လေသည်။ ချက်ချင်းဆိုသလိုပင်ဟွန်ချွမ်နတ်ဘုရားချပ်ဝတ်တန်ဆာမှာ သူ၏တစ်ကိုယ်လုံးကို ဖုံးလွှမ်း သွားခဲ့ပြီး ပြင်းထန်လှသောဟွန်ချွမ်ချီစွမ်းအားများမှာ သူ၏ပတ်ဝန်းကျင်တွင်ရစ်ပတ်ကာ ဟွန်ချွမ်အတား အဆီးတစ်ခု ဖြစ်ပေါ်လာခဲ့လေသည်။</p> <p>“ဟွန်ချွမ်နတ်ဘုရားကျင့်စဉ် ဒသမမြောက်အဆင့်ပါလား” ဟု တိုက်တန်ဧရာမမိစ္ဆာမှာ အံ့အားသင့် သွားခဲ့လေသည်၊ ရန်ရှောက်ထျန်းကဟွန်ချွမ်နတ်ဘုရားကျင့်စဉ်ကို ဒသမမြောက်အဆင့်အထိကျင့်ကြံထား နိုင်လိမ့်မည်ဟု သူ လုံးဝ မထင်ထားခဲ့ပေ။</p> <p>ဟွန်ချွမ်နတ်ဘုရားကျင့်စဉ်ကဲ့သို့သော အမြင့်မြတ်ဆုံးမိစ္ဆာပညာရပ်ကိုကျင့်ကြံရန် မည်မျှအထိ ခက်ခဲကြောင်း သူသိလေသည်၊ သူကိုယ်တိုင်ပင်လျှင်ဟွန်ချွမ်နတ်ဘုရားကျင့်စဉ်ကို ဒသမမြောက်အဆင့် အထိကျင့်ကြံရန် နှစ်ပေါင်းရာနှင့်ချီ၍ကြာမြင့်ခဲ့ခြင်းဖြစ်လေသည်။ သို့သော်ရန်ရှောက်ထျန်းက အသက်မည် မျှ ရှိသေးသနည်း။</p> <p>“မင်းက ဟွန်ချွမ်မိစ္ဆာဂိုဏ်းရဲ့မျိုးဆက်တစ်ယောက်အနေနဲ့ ဟွန်ချွမ်နတ်ဘုရားကျင့်စဉ်ဒသမ မြောက်အဆင့်က ဘာကိုဆိုလိုသလဲဆိုတာသိသင့်ပါတယ်” ဟု ရန်ရှောက်ထျန်းက အေးစက်စွာ ပြောလိုက် သည်။</p> <p>“မင်း ငါ့ကို တွေ့တဲ့အခါဟွန်ချွမ်ဘိုးဘေးကိုတွေ့သလိုမျိုးသဘောထားပြီးသုံးကြိမ်ဦးချ၊ ကိုးကြိမ် ဂါရဝပြုရမှာဖြစ်တယ်”</p> <p>တိုက်တန်ဧရာမမိစ္ဆာမှာ ဤသည်ကိုကြားလိုက်ရသောအခါ လှောင်ပြုံးပြုံးလိုက်ပြီး။</p> <p>“မင်းက ဟွန်ချွမ်နတ်ဘုရားကျင့်စဉ်ကိုဒသမမြောက်အဆင့်အထိ ကျင့်ကြံထားနိုင်ခဲ့ပေမဲ့ ဟွန်ချွမ် မိစ္ဆာဂိုဏ်းကိုဦးဆောင်နိုင်လောက်တဲ့အစွမ်းရှိတယ်လို့ထင်နေတာလား” ဟု ပြောလိုက်သည်။</p> <p>ထိုသို့ပြောပြီးနောက် သူကဆက်လက်ပြောလိုက်ပြန်သည်။</p> <p> “အကယ်၍ မင်းကငါ့ရဲ့ လက်ဝါးချက်သုံးချက်ကိုမသေဘဲတောင့်ခံနိုင်မယ်ဆိုရင်တော့ မင်းကို ဟွန်ချွမ်မိစ္ဆာဂိုဏ်းရဲ့ဂိုဏ်းချုပ်အဖြစ် ငါအသိအမှတ်ပြုပေးမယ်၊ မင်းနောက်ကိုလိုက်မယ်၊ မင်းကိုအလုပ် အကျွေးပြုမယ်၊ ဟွန်ချွမ်မိစ္ဆာဂိုဏ်းကိုအလုပ်အကျွေးပြုမယ်”</p> <p>သူ၏ အမြင်တွင်လက်ဝါးချက်သုံးချက်မဆိုထားနှင့်၊ သူ၏လက်ညှိုးတစ်ချက်တည်းဖြင့်ပင် ရန်ရှောက်ထျန်းကို အကြိမ်ပေါင်းတစ်ရာမကအလွယ်တကူချေမှုန်းပစ်နိုင်သည်ဟု ယူဆထားခြင်းဖြစ်လေ သည်။</p> <p>“လှုပ်ရှားလိုက်တော့” ဟု ရန်ရှောက်ထျန်းက ပြန်ပြောလိုက်လေသည်။</p> <p>တိုက်တန်ဧရာမမိစ္ဆာမှာ မှင်တက်သွားခဲ့လေသည်၊ ရန်ရှောက်ထျန်းက သူ၏လက်ဝါးချက်သုံးချက် ကို အမှန်တကယ်ပဲတောင့်ခံချင်နေလိမ့်မည်ဟု သူမထင်ထားခဲ့ပေ။ သူက ရန်ရှောက်ထျန်းကို သံသယများဖြင့် ကြည့်လိုက်ပြီး လေးနက်သောအသံဖြင့်ပြောလိုက်သည်။</p> <p> “မင်းက သေချင်နေမှတော့ ငါ့ကို အပြစ်မတင်နဲ့တော့”</p> <p> ထိုသို့ပြောပြီးနောက် သူသည်သူ၏ဧရာမလက်ဝါးကြီးကိုမြှောက်လိုက်ပြီး ရန်ရှောက်ထျန်းဆီသို့ ဖိချလိုက်လေတော့သည်။</p> <p> </p> <p style="text-align: center;">***</p> <p> </p>


Save