Book List

<h2 style="text-align: center;">အခန်း (၂၅၉)</h2> <h2 style="text-align: center;">ကျွန်ဘဝမှ လွတ်မြောက်ရန် မျှော်လင့်ချက်</h2> <h2 style="text-align: center;">*</h2> <p> </p> <p>မွေးဖွားစဉ်မှာတင် <strong>အခြေခံတည်ဆောက်ခြင်းအဆင့်</strong>၊ အသက် (၁၀) နှစ်တွင် <strong>ရွှေအမြုတေအဆင့်</strong> နှင့် အနှစ် ၅၀ အတွင်း <strong>နက်နဲသော ဝိညာဉ်အဆင့်</strong>။</p> <p>အတိတ်ကာလက ချန်းလန်လောကတွင် ဤအရာများသည် လူတို့ အိပ်မက်ပင် မမက်ရဲသော အရာများ ဖြစ်သည်။</p> <p>သို့သော် ဝူမိသားစုတွင်မူ ဤသည်မှာ အလွန်ပင် သာမန်ဖြစ်ရပ်များသာ ဖြစ်သည်။ အကယ်၍ သတ်မှတ်ထားသော အချိန်အတွင်း သက်ဆိုင်ရာ အဆင့်သို့ မတက်လှမ်းနိုင်ပါက အနှိမ်ခံရမည်သာ ဖြစ်သည်။</p> <p>လူတိုင်းကို လုံလောက်အောင် ခြိမ်းခြောက်ပြီးပြီဟု မြင်သောအခါ <strong>ကြီးကြပ်ရေးမှူး ဝူ</strong>က နောက်ဆုံးတွင် စကားပြောလာသည်။</p> <p>“မင်းတို့ကို စည်းကမ်းတွေ သင်ပေးဖို့ မကြာခင် လူတစ်ယောက် လွှတ်လိုက်မယ်။ စည်းကမ်းတွေကို သေချာ တတ်မြောက်သွားပြီဆိုရင်တော့ အလုပ်တွေ စခိုင်းမယ်.......”</p> <p>“အလုပ်တွေ လုပ်ရမယ်...........” တစ်စုံတစ်ယောက်က သံသယဖြင့် မေးလိုက်သည်။ “ကျွန်တော်တို့က ကောင်းကင်တာအို အကယ်ဒမီကို တက်ရမှာ မဟုတ်ဘူးလား...........”</p> <p>“မင်းတို့ကို ဒီကို ပို့လိုက်တဲ့သူက သေချာ ရှင်းမပြထားဘူးနဲ့ တူတယ်.......” ကြီးကြပ်ရေးမှူးက ထိုမေးခွန်းမေးသူကို ခပ်အေးအေးပင် တစ်ချက်ကြည့်လိုက်သည်။</p> <p>“လူတိုင်းက ကောင်းကင်တာအို အကယ်ဒမီကို တက်ဖို့ အရည်အချင်းမရှိဘူး။ မင်းတို့ဟာ ငါတို့ ဝူမိသားစုရဲ့ စည်းကမ်းတွေကို တစ်နှစ်ကြာ သင်ယူရမယ်၊ ပြီးရင် စစ်ဆေးမှု တစ်ခု ခံယူရမယ်။</p> <p> ဒီစစ်ဆေးမှုက မင်းတို့ရဲ့ အနာဂတ်ကို ဆုံးဖြတ်ပေးလိမ့်မယ်။</p> <p>အငယ်တန်း အစေခံဖြစ်ရင် ချန်းလန်လောကကို ပြန်ပြီး ဝူမိသားစုကိုယ်စား စီမံခန့်ခွဲပေးရမယ်။ အလယ်တန်း အစေခံဖြစ်ရင် ဝူမိသားစုမှာ ကျန်ခဲ့ပြီး သခင်လေးတွေ၊ သခင်မလေးတွေကို ခစားရမယ်။ <strong>အထက်တန်း အစေခံ</strong> ဖြစ်လာမှသာ ကောင်းကင်တာအို အကယ်ဒမီရဲ့ အောက်တန်းကျောင်းကို တက်ဖို့ အရည်အချင်း ပြည့်မီလိမ့်မယ်.......”</p> <p>၎င်းကို ကြားသောအခါ လူတိုင်း တိတ်ဆိတ်သွားကြသည်။</p> <p>ဝူမိသားစုတွင် ကျွန်ခံရသည့်တိုင်အောင် အဆင့်အတန်း ခွဲခြားခံရဦးမည် မဟုတ်ပါလား။</p> <p>ခဏမျှ သူတို့သည် ဝူမိသားစု၏ အင်အားကြီးမားမှုကို အံ့သြရမလို၊ မိမိတို့၏ ကံကြမ္မာဆိုးကို ငိုရမလိုပင်။</p> <p>ကြီးကြပ်ရေးမှူး ဝူ ထွက်သွားပြီးနောက် ဝဖြိုးသော အမျိုးသမီး ကြီးကြပ်ရေးမှူးတစ်ဦး ရောက်လာပြီး လူတိုင်းကို စည်းကမ်းများ စတင်သင်ကြားပေးသည်။</p> <p>သူမက ဖော်ရွေစွာ ပြုံးပြလိုက်သည်။ “မလှုပ်ရှားကြပါနဲ့၊ ကျွန်မက ကြီးကြပ်ရေးမှူး ဝူ ထက်စာရင် စကားပြောရတာ အများကြီး ပိုလွယ်ပါတယ်။</p> <p>ပြီးတော့ ကျွန်မကလည်း မင်းတို့လိုပဲ တစ်ချိန်က အောက်ကမ္ဘာတစ်ခုကနေ လာခဲ့တဲ့ ကျင့်ကြံသူတစ်ဦးပါပဲ။ ဒါကြောင့် မင်းတို့ရဲ့ အခုခံစားချက်ကို ကျွန်မ အပြည့်အဝ နားလည်ပါတယ်.......”</p> <p>ဤစကားကြောင့် အမျိုးသမီး ကြီးကြပ်ရေးမှူးနှင့် တပည့်များကြားရှိ အကွာအဝေးမှာ ချက်ချင်း ကျဉ်းမြောင်းသွားသည်။</p> <p>လူတိုင်း၏ အမူအရာများ လျော့ကျသွားပြီး သူတို့ သိချင်ဆုံး မေးခွန်းများကို မေးကြတော့သည်။</p> <p>“စီနီယာ... ဝူမိသားစုရဲ့ အစွမ်းအထက်ဆုံး ပုဂ္ဂိုလ်တွေက ဘယ်အဆင့်မှာ ရှိတာလဲ...........”</p> <p>“ကျွန်တော်တို့ ဝူမိသားစုရဲ့ အစေခံတွေ ဖြစ်သွားပြီဆိုရင် တစ်သက်လုံး ကျွန်ခံရတော့မှာလား...........”</p> <p>အမျိုးသမီး ကြီးကြပ်ရေးမှူးက လူတိုင်းကို သနားကရုဏာဖြင့် ကြည့်လိုက်သည်။ “နက်နဲသော ဝိညာဉ်အဆင့်ရဲ့ အထက်မှာ <strong>ဝိညာဉ်ပြောင်းလဲခြင်း</strong>ရှိတယ်။</p> <p>နက်နဲသော ဝိညာဉ်ကနေ ဝိညာဉ်ပြောင်းလဲခြင်းကို ကူးပြောင်းဖို့ဆိုတာ လူအများကြီးကို တားဆီးထားတဲ့ အတားအဆီးတစ်ခုပဲ............ ဒါပေမဲ့ ဝိညာဉ်ပြောင်းလဲခြင်းရဲ့ အထက်မှာလည်း <strong>ဝိညာဉ်သန့်စင်ခြင်း</strong>၊ <strong>ခန္ဓာကိုယ် ပေါင်းစည်းခြင်း </strong>... စသဖြင့် အဆင့်တွေ အများကြီး ရှိသေးတယ်။</p> <p>အဆင့်တိုင်းက ကျင့်ကြံသူတွေအတွက် စိန်ခေါ်မှုတွေပဲ........... ဝူမိသားစုရဲ့ အစွမ်းထက် ပုဂ္ဂိုလ်ကြီးတွေရဲ့ အမြင်မှာတော့ မင်းတို့ဟာ ကျင့်ကြံခြင်း မရှိတဲ့ သာမန်လူတွေနဲ့ ဘာမှမခြားဘူး.......”</p> <p>လူတိုင်း၏ မျက်နှာထားမှာ မကောင်းတော့ပေ။ ချန်းလန်လောက၏ ပါရမီရှင်များ ဖြစ်ကြသည့်အတွက် သူတို့၏ ပါရမီကို သံသယမရှိသော်လည်း နက်နဲသော ဝိညာဉ်အဆင့်သို့ တက်လှမ်းနိုင်ရန်ပင် သူတို့ ကိုယ့်ကိုယ်ကိုယ် အပြည့်အဝ ယုံကြည်မှု မရှိကြချေ။</p> <p>သူတို့ တစ်ခါမှ မကြားဖူးခဲ့သော ထိုအဆင့်များအကြောင်းကိုမူ ဆိုဖွယ်ရာ မရှိတော့ပေ။</p> <p>အမျိုးသမီး ကြီးကြပ်ရေးမှူးက သူတို့၏ အမူအရာကို မြင်သော် နှစ်သိမ့်လိုက်သည်။</p> <p>“စိတ်မပူပါနဲ့၊ မင်းတို့ရဲ့ အဆင့်အတန်းကို လက်ခံပြီး အလုပ်ကို ကြိုးကြိုးစားစား လုပ်မယ်ဆိုရင် ဝူမိသားစုက မင်းတို့ရဲ့ ကျင့်ကြံခြင်းကို သေချာပေါက် ကူညီပေးမှာပါ။</p> <p>ဒါပေမဲ့ အနာဂတ်မှာ ဘယ်လောက်အထိ ခရီးရောက်မလဲ ဆိုတာကတော့ မင်းတို့ရဲ့ အရည်အချင်းပေါ်မှာပဲ မူတည်တယ်.......”</p> <p>“စီနီယာ... ဒုတိယ မေးခွန်းကို မဖြေရသေးပါဘူး။ ကျွန်တော်တို့မှာ ဝူမိသားစုရဲ့ အစေခံဆိုတဲ့ တံဆိပ်ကို ဖျက်ပစ်နိုင်မယ့် အခွင့်အရေး ရှိလား...........”</p> <p>၎င်းကို ကြားသောအခါ အမျိုးသမီး ကြီးကြပ်ရေးမှူး၏ အကြည့်မှာ ပို၍ပင် သနားစရာ ကောင်းလာသည်။</p> <p>သူမသည် စိတ်ထဲမှ သက်ပြင်းချလိုက်ပြီး ‘မရှိဘူး’ ဟု တိတ်တဆိတ် ရေရွတ်လိုက်မိသည်။</p> <p>အရေးကြီးသော သယံဇာတ အရင်းအမြစ်များကို ဂိုဏ်းကြီးများက လက်ဝါးကြီးအုပ်ထားပြီး မြင့်မြတ်သော တာအိုလမ်းစဉ်ကိုလည်း ပိတ်ဆို့ထားကြသည်။</p> <p>ဝူမိသားစုနှင့် အခြားသော မိသားစုကြီးများ၏ ပိတ်ဆို့မှုကို နောက်မျိုးဆက်များက ချိုးဖျက်ရန်မှာ မဖြစ်နိုင်သလောက်ပင်။</p> <p>သို့သော် အပြင်ပန်းတွင်မူ သူမက ပြုံးလျက် ခေါင်းညိတ်ပြလိုက်သည်။</p> <p>မြည်းတစ်ကောင်ကို အလုပ်ခိုင်းချင်လျှင် နှာခေါင်းရှေ့တွင် မုန်လာဥနီ တစ်ခု ချိတ်ပေးထားရမည် ဖြစ်သည်။</p> <p>“ရှိတာပေါ့။ ဒါပေမဲ့ ဒီလမ်းက အရမ်းခက်ခဲပြီး မင်းတို့ အခုရှိနေတဲ့ နေရာနဲ့ အဝေးကြီး လိုသေးတယ်.......မင်းတို့အတွက် အခု အရေးကြီးဆုံးက ဝူမိသားစုရဲ့ စည်းကမ်းတွေကို မြန်မြန် နားလည်အောင်လုပ်ပြီး စစ်ဆေးမှုမှာ ရလဒ်ကောင်းတွေ ရအောင် လုပ်ဖို့ပဲ.......”</p> <p>အမျိုးသမီး ကြီးကြပ်ရေးမှူး၏ “ရင်ဖွင့်စကား” ကြောင့် လူတိုင်းမှာ စည်းကမ်းများကို သင်ယူရန် အင်တင်တင် မဖြစ်တော့ဘဲ သူတို့၏ အဆင့်အတန်းသစ်ကို လက်ခံလိုက်ကြသည်။</p> <p>ဝူမိသားစုမှာ အလွန်ကျယ်ပြောပြီး စည်းကမ်းများစွာ ရှိလှသည်။</p> <p>အရေးမပါသော သခင်လေး သို့မဟုတ် သခင်မလေးတစ်ဦး၏ အဆောင်တွင်ပင် အစေခံပေါင်း ဒါဇင်နှင့်ချီ၍ အမြဲ အဆင်သင့် ရှိနေတတ်သည်။</p> <p>စည်းကမ်းများကို တစ်လတိုင်တိုင် မရပ်မနား သင်ယူပြီးနောက် လူတိုင်းမှာ တစ်ရက် အားလပ်ရက် ရခဲ့ကြသည်။</p> <p>တစ်စုံတစ်ယောက်က တိုးတိုးလေး ညည်းညူလိုက်သည်။</p> <p>“ဝူမိသားစုရဲ့ စည်းကမ်းတွေက အရမ်း တင်းကျပ်တာပဲ၊ နေ့ရောညပါ သင်နေရတာ ခဏလေးတောင် အနားမရဘူး။ ကျွန်တော်က ညဘက်မှာ ကျင့်ကြံဖို့ အချိန်ယူမလို့ ကြံထားပေမဲ့ အချိန်ကို မရှိဘူး.......”</p> <p>အခြားတစ်ဦးကလည်း ချက်ချင်း ထောက်ခံသည်။ “အဲဒါ အမှန်ပဲ။ ဟူး... အထက်လောကကို လာရတာ ဒီလိုမှန်းသိရင် မလာခဲ့ပါဘူး။ စီနီယာ ဆူရှီးက ငါတို့ကို လိမ်လိုက်တာ.......”</p> <p>မျော်လွင့်နန်းတော်မှ တပည့်တစ်ဦးက အေးစက်စွာ နှာခေါင်းရှုံ့လိုက်သည်။</p> <p>“ငါ့အဒေါ်က ဘယ်သူ့ကိုမှ မလိမ်ဘူး........... အထက်လောကကို မလာရင် နက်နဲသော ဝိညာဉ်အဆင့် မရောက်နိုင်ဘူးဆိုတာကို သူ ရှင်းရှင်းလင်းလင်း ပြောပြီးသား။ ဒါဟာ မင်းတို့ဘာသာ ရွေးချယ်ခဲ့တဲ့ လမ်းပဲ...........”</p> <p>“ဒါပေမဲ့ ငါတို့ ဝူမိသားစုရဲ့ အစေခံ ဖြစ်သွားမယ်လို့ သူ မပြောခဲ့ဘူးလေ။ ပြီးတော့ ကောင်းကင်တာအို အကယ်ဒမီကို ဝင်ဖို့ စစ်ဆေးမှုတွေ ဖြေရဦးမယ်ဆိုတာလည်း မသိရဘူး.......”</p> <p>လူစုထဲတွင် အငြင်းပွားနေကြသည်ကို မြင်သောအခါ <strong>ကျိုးထုန်း</strong>က အော်လိုက်သည်။</p> <p>“တော်ကြစမ်း........... စည်းကမ်းတွေ သင်လာတာ ဒီလောက်ကြာပြီကို ဘာမှ နားမလည်ကြသေးဘူးလား........... ကွယ်ရာမှာ သခင်မိသားစုကို မကောင်းပြောရဲတာ... မင်းတို့ အသက်မရှင်ချင်ကြတော့ဘူးလား...........”</p> <p>လူတိုင်းမှာ သတိဝင်သွားပြီး တိတ်ဆိတ်သွားကြသည်။ ထို့နောက် တစ်စုံတစ်ယောက်က မကျေမနပ်ဖြင့် ပြန်လည် ကဲ့ရဲ့လိုက်သည်။</p> <p>“ငါတို့က မင်းတို့လို အရိုးမရှိတဲ့ မိစ္ဆာကျင့်ကြံသူတွေ မဟုတ်ဘူး။ တစ်ယောက်ယောက်က အရိုးပစ်ပေးလိုက်ရင် အမြီးနန့်ပြီး အပြေးသွားမယ့် လူမျိုးတွေ မဟုတ်ဘူး.......”</p> <p>“မှန်တယ်။ အခုမှ ငါသိလိုက်ပြီ၊ ရွှမ်ယင်ဂိုဏ်းက မိစ္ဆာကျင့်ကြံသူတွေက အထက်လူကြီးကို ဖားပြီး အောက်လူကို နှိပ်စက်တဲ့လူတွေပဲ။ မင်းတို့က ကျွန်ဖြစ်ဖို့ မွေးလာတဲ့သူတွေ.......”</p> <p>ကျိုးထုန်းက နှုတ်ခမ်းကို တွန့်လိုက်သော်လည်း သူ၏ မျက်နှာမှာ အလွန် အေးစက်နေသည်။</p> <p>“မင်းတို့က ကျွန်ဖြစ်ဖို့ မွေးလာတာ မဟုတ်ဘူးဆိုရင် အဲဒီ သခင်လေးတွေ၊ သခင်မလေးတွေကို မြင်တဲ့အခါ ဘာလို့ ငါတို့လိုပဲ ခါးညွှတ်ပြီး အရိုအသေ ပေးနေကြတာလဲ...........”</p> <p>လူတိုင်း၏ မျက်နှာများ ရုတ်တရက် ပျက်ယွင်းသွားသည်။</p> <p>ပြီးခဲ့သည့် ရက်အနည်းငယ်အတွင်း လူတိုင်းမှာ အမျိုးသမီး ကြီးကြပ်ရေးမှူး၏ ဦးဆောင်မှုဖြင့် စည်းကမ်းများကို လက်တွေ့ လေ့ကျင့်ခဲ့ကြရာ ထိုသခင်လေး၊ သခင်မလေးများကို အကြိမ်ကြိမ် ဦးညွှတ်ခဲ့ရသည်။</p> <p>“ကျိုးထုန်း... ငါတို့နဲ့ ဒီမှာ လာငြင်းနေတာ ဘာစွမ်းရည်လဲ........... မင်းမှာ သခင်တွေကို အံတုရဲတဲ့ သတ္တိရော ရှိရဲ့လား...........”</p> <p>ကျိုးထုန်းက လှောင်ပြုံး ပြုံးလိုက်သည်။ သူတို့ကိုယ်တိုင်ပင် ထိုသူများကို “သခင်” ဟု ခေါ်နေကြပြီဖြစ်သော်လည်း မာန်စောင့်ချင်နေကြသေးသည်။</p> <p> သူသည် သူတို့နှင့် ထပ်မံ အငြင်းမပွားတော့ဘဲ <strong>မုန့်ဝမ်</strong>နှင့် <strong>လီယွမ်ယွမ်</strong> တို့၏ အခန်းထဲသို့ လိုက်ဝင်သွားခဲ့သည်။</p> <p>တံခါးပိတ်လိုက်ပြီးနောက် အခြားသူများ ချောင်းနားမထောင်နိုင်ရန် အကာအကွယ် တစ်ခု ပြုလုပ်လိုက်သည်။</p> <p>ထိုအခါမှ သူသည် သူတို့ နှစ်ဦးကို ကြည့်လိုက်ရာ သူ၏ မျက်ဝန်းထဲတွင် စူးရှသော အလင်းတန်းများ ပေါ်လာသည်။</p> <p>“မင်းတို့ ဘာဆက်လုပ်ဖို့ စိတ်ကူးရှိလဲ........... တကယ်ပဲ ဒီမှာ တစ်သက်လုံး ကျွန်ခံနေတော့မှာလား...........”</p> <p>ရွှမ်ယင်ဂိုဏ်းမှ လူများသည် လက်တွေ့ကျပြီး အခြေအနေသစ်ကို လျင်မြန်စွာ လိုက်လျောညီထွေဖြစ်အောင် နေနိုင်ကြသော်လည်း ရင်ထဲတွင်မူ တစ်သက်လုံး ကျွန်ဖြစ်နေရန် လုံးဝ ဆန္ဒရှိကြမည် မဟုတ်ပေ။</p> <p>မုန့်ဝမ်က စိတ်ပျက်လက်ပျက်ဖြင့် သက်ပြင်းချလိုက်သည်။</p> <p>“အခြေအနေက ဒီလိုဖြစ်နေပြီပဲ၊ တခြား ဘာလုပ်လို့ရဦးမှာလဲ........... မာန်စောင့်ဖို့အတွက်နဲ့ အသက် အသေမခံနိုင်ဘူး မဟုတ်လား...........”</p> <p>“ဂျူနီယာညီမ မုန့်... ဒါက လမ်းဆုံး မဟုတ်သေးပါဘူး၊ ဘာလို့ ဒီလောက် အလွယ်တကူ လက်လျှော့လိုက်ရတာလဲ...........” လီယွမ်ယွမ်က မကျေမနပ်ဖြင့် ပြောလိုက်သည်။</p> <p>“ကြီးကြပ်ရေးမှူး ဝူ ပြောတာတော့ အထက်တန်း အစေခံဖြစ်ရင် ကောင်းကင်တာအို အကယ်ဒမီကို တက်ခွင့်ရမယ်တဲ့။ ငါတို့ အဲဒီ စစ်ဆေးမှုရဲ့ အသေးစိတ် အကြောင်းအရာတွေကို စုံစမ်းဖို့ နည်းလမ်းရှာသင့်တယ်.......”</p> <p>ကျိုးထုန်းက ခေါင်းညိတ်လိုက်သည်။ “စီနီယာ လီ ပြောတာ မှန်တယ်။ ကောင်းကင်တာအို အကယ်ဒမီကို ဝင်နိုင်ဖို့က ငါတို့အတွက် ကျွန်ဘဝက လွတ်မြောက်နိုင်မယ့် တစ်ခုတည်းသော မျှော်လင့်ချက်ပဲ.......”</p> <p>မုန့်ဝမ်က စိတ်ကို တင်းလိုက်ပြီး ပြောလိုက်သည်။ “ဒါဆိုရင် စီနီယာ အစ်ကိုနဲ့ အစ်မ... ကျွန်မတို့ ဘာလုပ်သင့်သလဲဆိုတာ ပြောပြပါ။ ကျွန်မ လုပ်နိုင်တဲ့ အရာဆိုရင် သေချာပေါက် ကူညီပါ့မယ်.......”</p> <p> </p> <p> </p> <p style="text-align: center;">***</p> <p> </p>


Save