Book List

<h2 style="text-align: center;">ရော်နယ်ဒိုလက်သစ် ကျွန်တော်</h2> <h2 style="text-align: center;">အခန်း (၄၄၁)</h2> <h2 style="text-align: center;">*</h2> <p style="text-align:justify"> </p> <p style="text-align:justify"> </p> <p style="text-align:justify"> </p> <p style="text-align:justify"> </p> <p style="text-align:justify">အချိန်များ ကုန်လွန်လာသည်နှင့်အမျှ မန်စီးတီးတို့က ပွဲ၏ စည်းချက်ကို တဖြည်းဖြည်း ထိန်းချုပ်လာနိုင်ခဲ့သည်။ </p> <p style="text-align:justify">သို့သော် ချူဖုန်း ထင်ထားသလိုပင် နည်းဗျူဟာသစ်ကို အသုံးပြုထားသည့် အချိန်က အလွန် တိုတောင်းလွန်းနေပြီး တရားဝင် ပွဲစဉ်များတွင် စမ်းသပ်ထားခြင်းလည်း မရှိသေးပေ။ ရလဒ် အနေဖြင့် အနည်းနှင့်အများ ဆိုသလို အမှားအယွင်းများ ပေါ်ထွက်လာတော့သည်။</p> <p style="text-align:justify">သို့သော် ဥရောပ၏ အမြင့်ဆုံး အဆင့်ရှိ ပြိုင်ပွဲများတွင် အသေးအဖွဲ အမှားလေး တစ်ခုကပင် ကပ်ဘေးဆိုက်လောက်အောင် ပျက်စီးဆုံးရှုံးမှုများကို ဖြစ်ပေါ်စေနိုင်လေသည်။</p> <p style="text-align:justify">ဒေးဗစ် ဆေးလ်ဗား ဘောလုံး ရရှိပြီးနောက် လှည့်ကာ ဂန်ဒိုဂန်ထံသို့ ကန့်လန့်ဖြတ် ပေးပို့ရန် ပြင်လိုက်သည်။ သို့သော် ဂန်ဒိုဂန်က ရှေ့သို့ ပြေးတက်သွားပြီးသား ဖြစ်နေသည်။</p> <p style="text-align:justify">ထို့ကြောင့် ဘောလုံးက ဟာရဲရားထံသို့ လိမ့်သွားရာ ဂန်ဒိုဂန်က ဘောလုံး ပြန်လုရန် အမြန် လှည့်လာသည်။ ထို့နောက် ဟာရဲရားက မာတစ်ထံသို့ ကန့်လန့်ဖြတ် ပေးပို့လိုက်သည်။</p> <p style="text-align:justify">မာတစ်၏ အမည်ပြောင်သည် စနိုက်ပါ မြင်းကြီး ဖြစ်သည်။ ယင်းအမည်တွင် သူ၏ မမောမပန်းနိုင် လိုက်လံ ဖြတ်ထုတ်မှုနှင့် တိကျသော ဘောလုံးပေးပို့ စွမ်းရည်တို့ကို အတိုင်းသား မြင်နိုင်ပေသည်။</p> <p style="text-align:justify">မန်ယူတွင် တိုက်စစ် ကစားသမား အများအပြား ရှိနေသဖြင့် သူက တိုက်စစ်ပိုင်းတွင် များစွာ ပါဝင်ရန် မလိုအပ်တော့ရာ အနှီ နာမည်ပြောင်လေးကို ပြင်ပလောကက တဖြည်းဖြည်း မေ့ပျောက်သွားခဲ့ကြလေသည်။ သို့သော် ၎င်းက သူ၏ တိုက်စစ် စွမ်းရည်များ ပျောက်ဆုံးသွားပြီဟု ဆိုလိုခြင်း မဟုတ်ပေ။</p> <p style="text-align:justify">ဝှစ်…</p> <p style="text-align:justify">မာတစ်က အလျင်အမြန် မျှောထိုးပေးပို့လိုက်သော ဘောလုံးက မန်စီးတီး၏ အလျင်စလို ပြင်ဆင်ထားသော ကွင်းလယ် ကြားဖြတ်လုယူရေး လမ်းကြောင်းကို ဆုတ်ဖြဲပစ်လိုက်လေသည်။</p> <p style="text-align:justify">ဘောလုံးက ပေါ့ဘာထံသို့ တိုက်ရိုက် ဦးတည်သွားသည်။</p> <p style="text-align:justify">စတုန်းစ်က နောက်သို့ တစ်ချက် လှမ်းကြည့်လိုက်သည်။ သူက ပေါ့ဘာ၏ အနောက်၌ ရပ်နေသော ချူဖုန်းကို လှမ်းမြင်လိုက်ရလေသည်။</p> <p style="text-align:justify">ပေါ့ဘာက ဘောလုံး လက်ခံမည့် ဟန်ရေးပြလိုက်သော်လည်း တကယ်တမ်းတွင် ဘောလုံးကို ခွကာ ဆက်လက် မျောပါခွင့် ပြုလိုက်သည်။ </p> <p style="text-align:justify">ယင်းက ဖာနန်ဒင်ဟိုကို လှည့်စားလိုက်ရုံသာမက မန်စီးတီး၏ ဘယ်ညာ ဗဟိုနောက်ခံလူ နှစ်ဦးကိုပါ အလိုအလျောက် တောင်ပံများဆီသို့ ရွှေ့သွားစေခဲ့သည်။ ထိုအချိန်၌ အက်ရှလေယန်းနှင့် ဝမ်-ဘစ်ဆာကာ တို့က တောင်ပံတစ်လျှောက် အရှိန်အဟုန်ဖြင့် ပြေးတက်လာနေကြပြီ မဟုတ်ပါလား။</p> <p style="text-align:justify">"သူ့ကို လှည့်ခွင့် မပေးနဲ့"</p> <p style="text-align:justify">စတုန်းစ် တစ်ခုခု မှားနေပြီ ဖြစ်ကြောင်း အာရုံခံမိသွားပြီး ဖာနန်ဒင်ဟိုကို အသံကုန် အော်ဟစ်လိုက်သည်။</p> <p style="text-align:justify">နောက်ဆုံးတွင် မလုံလောက်သေးဟု ခံစားရသဖြင့် "ဖောင်းဘော လုပ်လိုက်… ဖောင်းဘော” ဟု ထပ်မံ အော်ပြောလိုက်သည်။</p> <p style="text-align:justify">သူ စကားပင် မဆုံးသေးချေ။ ချူဖုန်းက ဂိုးပေါက်ကို ကျောပေးထားလျက် ဘောလုံးကို လက်ခံ ရယူလိုက်ပြီးနောက် နောက်ဘက်သို့ ညင်သာစွာ ဆွဲယူကာ ပင့်တင်လိုက်သည်ကို အားလုံး မြင်တွေ့လိုက်ရသည် </p> <p style="text-align:justify">ဘောလုံးက ဖာနန်ဒင်ဟို၏ ခြေနှစ်ချောင်းကြားမှ လျှောတိုက် ထွက်သွားလေသည်။ </p> <p style="text-align:justify">ဖာနန်ဒင်ဟိုက သူ၏ များပြားလှသော အတွေ့အကြုံများကို အသုံးပြုကာ ချူဖုန်း၏ ဂျာစီကို ဆွဲရန် လက်လှမ်းလိုက်သည်။ သို့သော် ချူဖုန်းက သူ့နောက်ကျောဘက်သို့ ရုတ်တရက် လက်ကို ဝှေ့ယမ်းလိုက်သည်။ </p> <p style="text-align:justify">ဒါက ပြိုင်ပွဲတွေမှာ အတွေ့အကြုံတွေ အများကြီး ရလာပြီးနောက် သူ သင်ယူခဲ့တဲ့ ကျွမ်းကျင်မှု တစ်ခုပါပဲ။ </p> <p style="text-align:justify">ဖြောင်း…</p> <p style="text-align:justify">ချူဖုန်းက ဖာနန်ဒင်ဟို၏ လက်ကို တိုက်ရိုက် ပုတ်ချလိုက်ပြီးနောက် ရှေ့သို့ ရုတ်တရက် အရှိန်တင် ပြေးထွက်သွားလေသည်</p> <p style="text-align:justify">ပေါ့ဘာ၏ ဘောလုံး လွတ်ထွက်သွားစေသော လှည့်စားမှုကြောင့် အငိုက်မိသွားသော ဖာနန်ဒင်ဟိုမှာ ချူဖုန်း၏ အနောက်တွင် ကိုယ်တစ်ခြမ်းစာကျော် ပြတ်ကျန်ရစ်ခဲ့လေပြီ။ </p> <p style="text-align:justify">ယခုအခါမူ အမီလိုက်နိုင်စရာ အကြောင်း မရှိတော့ချေ။ သူက အသင်းဖော်များကို မျှော်လင့်တကြီး ကြည့်နေရုံသာ တတ်နိုင်တော့သည်။</p> <p style="text-align:justify">သို့သော် အော်တာမန်ဒီမှာလည်း တော်တော်လေး ထိတ်လန့်နေလေပြီ။</p> <p style="text-align:justify">တကယ်တော့ သူသည် တစ်ယောက်ချင်း ခံစစ် ကစားရာတွင် တော်တော်လေး ကောင်းမွန်သူ ဖြစ်ပြီး အခြား အားသာချက် တစ်ခုလည်း ရှိသေးသည်။ သူသည် မက်ဆီကဲ့သို့ ကိုယ်လုံးကိုယ်ပေါက် သေးငယ်သော ကစားသမားများကို ကာကွယ်ရာတွင် အလွန် ထူးချွန်လေသည်။ </p> <p style="text-align:justify">အဘယ်ကြောင့်ဆိုသော် သူ၏ ခြေလှမ်း ရွှေ့ပြောင်းမှုများက ထူးထူးခြားခြား မြန်ဆန်သောကြောင့် ဖြစ်သည်။ ပြဿနာမှာ ချူဖုန်းက သူ့အပေါ် မည်သည့် လှည့်ကွက်မှ မသုံးခြင်းပင်။ </p> <p style="text-align:justify">ချူဖုန်းက ခန္ဓာကိုယ်ကို ဘယ်ဘက်သို့ ယိမ်းလိုက်ပြီးနောက် အတိုတောင်းဆုံး အချိန်အတွင်း ပြန်လည် ဆွဲယူကာ ညာဘက်သို့ အစွမ်းကုန် အရှိန်ဖြင့် ပြေးထွက်သွားလေသည်။</p> <p style="text-align:justify">တစ်လှမ်းတည်းပင်…။</p> <p style="text-align:justify">မန်ယူ၏ နံပါတ် ၇ ကစားသမားက ခြေတစ်လှမ်းတည်းဖြင့် အော်တာမန်ဒီကို လိမ်ခေါက် ကျော်ဖြတ်သွားခဲ့လေပြီ။ </p> <p style="text-align:justify">အော်တာမန်ဒီက ငယ်စဉ်က ပရော်ဖက်ရှင်နယ် လက်ဝှေ့ သင်တန်း တက်ခဲ့ဖူးသဖြင့် ချူဖုန်းကို ရုပ်ပိုင်းဆိုင်ရာအရ နှောင့်ယှက်ရန် ကြိုးစားလိုက်သေးသည်။ သူ၏ ရုတ်တရက် ပေါက်ကွဲအား၊ သွက်လက်မှုနှင့် ခွန်အားတို့မှာ တော်တော်လေး ကောင်းမွန်လှသည်။ </p> <p style="text-align:justify">ဘုန်း </p> <p style="text-align:justify">ကြွက်သားများ အချင်းချင်း ပြင်းပြင်းထန်ထန် ဝင်တိုက်မိသွားကြပြီး သွားကျိန်းမတတ် အသံကြီး တစ်ခု ထွက်ပေါ်လာသည်။ အော်တာမန်ဒီမှာ နံရံကြီး တစ်ခုကို ဝင်တိုက်မိသလို ခံစားလိုက်ရသည်။ </p> <p style="text-align:justify">ဒီကောင်က လူရော ဟုတ်ရဲ့လား...</p> <p style="text-align:justify">အော်တာမန်ဒီက ဟန်ချက် ပျက်နေသည့် အနေအထားမှ ချူဖုန်းကို ဝင်တိုက်ရန် ကြိုးစားသော်ငြား ချူဖုန်း၏ ခန္ဓာကိုယ်က နံရံ တစ်ခုအလား ခိုင်မာနေသဖြင့် မြက်ခင်းပြင်ပေါ်သို့ အချိုးမကျစွာ လဲကျသွားရုံသာ တတ်နိုင်တော့၏။ ထို့နောက် သူသည် ချူဖုန်းမှာ ယိမ်းကာ ယိုင်ကာဖြင့် ဂိုးပေါက်ဆီသို့ ဘောလုံး ဆွဲပြေးသွားသည်ကို ငေးကြည့်နေမိတော့လေသည်။</p> <p style="text-align:justify">လာပေါ့တ်က လျှောထိုး ဖျက်ထုတ်ရန် ပြေးဝင်လာပြီး ဂိုးပေါက်ရှေ့တွင် ရပ်နေသော အီဒါဆန်ကလည်း အပြင်သို့ ပြေးထွက်လာကာ လျှောထိုး ကာကွယ်ရန် ကြိုးစားလိုက်သည်။</p> <p style="text-align:justify">သူတို့နှစ်ဦးက ကျော်လွှား၍ မရနိုင်သော တံတိုင်းကြီး တစ်ခုကို ဖန်တီးထားသကဲ့သို့ပင်။ </p> <p style="text-align:justify">ချူဖုန်းက ရိုးရိုးရှင်းရှင်းပင် ရှေ့ဆက် ပြေးမည့် အကြံကို စွန့်လွှတ်ကာ ခန္ဓာကိုယ်ကို မြေပြင်ပေါ် လှဲချလိုက်ပြီးနောက် ဘောလုံးကို ခြေဖျားဖြင့် ညင်သာစွာ ချိတ်ယူ၍ ကန်သွင်းလိုက်သည်။</p> <p style="text-align:justify">ကွင်းထဲရှိ ပရိသတ် သောင်းချီ၏ စောင့်ကြည့်နေသော အကြည့်များအောက်တွင်...</p> <p style="text-align:justify">ဘောလုံးက အီဒါဆန်၏ လက်မောင်းအောက်မှ လျှောတိုက် ထွက်သွားပြီး မန်စီးတီး ဂိုးပေါက်ဆီသို့ ဖြည်းဖြည်းချင်း လိမ့်သွားလေသည်။ </p> <p style="text-align:justify">အော်တာမန်ဒီမှာ မြေပြင်ပေါ်တွင် လဲကျနေဆဲ ဖြစ်ရာ အချိန်မီ မရောက်နိုင်တော့ချေ။ ကိုင်လီ ဝေါ်ကာက အမြင့်ဆုံး အမြန်နှုန်းဖြင့် ပေါက်ကွဲ ထွက်ပေါ်လာပြီး ဘောလုံး ဂိုးစည်း မကျော်မီ ကယ်တင်ရန် ကြိုးစားလိုက်သည်။</p> <p style="text-align:justify">ဘုန်း…</p> <p style="text-align:justify">သူ ဘောလုံးကို ထိလိုက်ရပြီး ကယ်တင်နိုင်ခဲ့သည်။</p> <p style="text-align:justify">သို့သော် ဒိုင်လူကြီး၏ နာရီမှ အသံမြည်လာပြီး အစိမ်းရောင် ဖန်သားပြင်ပေါ်တွင် ရင်းနှီးနေသော စကားလုံး တစ်လုံး တလက်လက် တောက်ပနေလေသည်။ </p> <p style="text-align:justify">ဂိုး </p> <p style="text-align:justify">ပထမပိုင်း ပွဲချိန် ၂၃ မိနစ်တွင် မန်ယူတို့ ဦးဆောင်ဂိုး ရရှိသွားခဲ့လေပြီ။ </p> <p style="text-align:justify">ဝိုး...</p> <p style="text-align:justify">ဝမ်ဒါ မက်ထရိုပိုလီတာနို ကွင်းကြီး</p> <p style="text-align:justify">မန်ယူ ပရိသတ်များမှာ ရူးသွပ်စွာ အော်ဟစ် အောင်ပွဲခံလိုက်ကြပြီး အနီရောင် အလံများက ညနေခင်း လေပြေထဲတွင် တလူလူ လွင့်ဝဲနေကြသည် </p> <p style="text-align:justify">"ဂိုး..."</p> <p style="text-align:justify">"ချူ..."</p> <p style="text-align:justify">အသံလွှင့်ခန်းထဲတွင် နဗီးလ်က လက်နှစ်ဖက်ကို အပေါ်သို့ မြှောက်ကာ ရူးသွပ်စွာ ဝှေ့ယမ်းနေလေသည်။ </p> <p style="text-align:justify">"မန်စီးတီးတို့ ပွဲကို အကောင်းဆုံး ထိန်းချုပ်ထားနိုင်ခဲ့ပြီး ဘောလုံး ပိုင်ဆိုင်မှုက ၇၅ ရာခိုင်နှုန်း အထိတောင် ရှိခဲ့ပါတယ်..."</p> <p style="text-align:justify">"ဒါပေမဲ့ ဘောလုံးက ဘောလုံးပိုင်ဆိုင်မှုတို့၊ ဂိုးပေါက် တည့်မတ်မှုတို့ ဆိုတဲ့ အချက်အလက်တွေကို ဘယ်တော့မှ ဂရုမစိုက်ပါဘူး... ဂိုးတွေက တစ်ခဏလေး အတွင်းမှာပဲ ဖြစ်ပေါ်လာတတ်ပါတယ်"</p> <p style="text-align:justify">"ဒါက ဘောလုံးရဲ့ မှော်ဆန်မှုပဲ... ဒါက ကျွန်တော်တို့ရဲ့ မန်ချက်စတာ ယူနိုက်တက်ပဲ..."</p> <p style="text-align:justify">"သရဲနီတွေက ပြိုင်ဘက်ကို ချေမှုန်းဖို့ အခွင့်အရေး တစ်ကြိမ်ပဲ လိုပါတယ်"</p> <p style="text-align:justify">မန်ယူနှင့် ရင်းနှီးကျွမ်းဝင်သော ဋီကာဆရာများ အားလုံးက ထိုအချိန်တွင် အသံကုန် အော်ဟစ်နေကြသည်။ "ဂိုး..."</p> <p style="text-align:justify">အားကစားကွင်း ဒီဂျေကလည်း တက်ကြွသော လေထုကို ဖန်တီးရာတွင် အလွန် ကျွမ်းကျင်လှပေသည်။ </p> <p style="text-align:justify">သူက အသံဩဩဖြင့် "မန်ချက်စတာ ယူနိုက်တက်အတွက် ဂိုးသွင်းယူပေးသွားသူကတော့ နံပါတ် ၇—ချူ..." ဟု အော်ဟစ်လိုက်သည်။ </p> <p style="text-align:justify">ထို့နောက် ချက်ချင်းပင်... </p> <p style="text-align:justify">သောင်းနှင့်ချီသော မန်ယူ ပရိသတ်များက သုံးကြိမ်တိုင်တိုင် ဟိန်းဟောက် အော်ဟစ်လိုက်ကြသည် </p> <p style="text-align:justify">"ဟေး... ဟေး... ဟေး..."</p> <p style="text-align:justify">အဘယ်ကြောင့်ဆိုသော် ချူဖုန်းက မီးမောင်းထိုးထားသည့် နေရာဆီသို့ ရူးသွပ်စွာ ပြေးသွားပြီး ခုန်ထွက်ကာ လေထဲသို့ လက်သီးဖြင့် ထိုးချလိုက်သောကြောင့် ဖြစ်လေသည်။</p> <p style="text-align:justify">ယခုအခါ ချူဖုန်း၏ ထူးခြားသော အောင်ပွဲခံသည့် နည်းလမ်းက သရဲနီများ၏ အမှတ်သင်္ကေတ တစ်ခု ဖြစ်လာခဲ့လေပြီ။ </p> <p style="text-align:justify">ထို့အပြင် ဂိုးသွင်းယူခဲ့သည့် လုပ်ငန်းစဉ်မှာလည်း အလွန် အထင်ကြီး လေးစားဖွယ် ကောင်းလှပေသည်။ ဤဂိုးတွင် ချူဖုန်းသည် အမြန်နှုန်း၊ ခွန်အား၊ ကျွမ်းကျင်မှု... စသည့် အားလုံးကို ထုတ်ဖော် ပြသသွားခဲ့သည်။ </p> <p style="text-align:justify">ယင်းက မန်ယူ ပရိသတ်များ၏ စိတ်ဝိညာဉ်များကို လှုပ်ခတ်သွားစေပြီး သူတို့၏ သွေးများကို ဆူပွက်လာစေပေသည်။</p> <p style="text-align:justify">"မန်ယူရဲ့ လျင်မြန်တဲ့ တန်ပြန်တိုက်စစ်က ယပ်တောင်ပုံစံ တိုက်စစ် လမ်းကြောင်းကို ဖန်တီးသွားခဲ့ပြီး ကွင်းရဲ့ အကျယ်ကို အကောင်းဆုံး အသုံးချသွားခဲ့ပါတယ်..."</p> <p style="text-align:justify">"အဲဒါကြောင့်ပဲ မန်စီးတီးရဲ့ ခံစစ် ကစားကွက်က ဆွဲဆန့်ခံလိုက်ရပြီး အရေးကြီးတဲ့ အလယ်ဗဟို ဧရိယာက နေရာလွတ်ကြီး တစ်ခု ဖြစ်သွားခဲ့ရတာပါ။ အို... မဟုတ်ဘူး... တကယ်တော့ အဲဒီမှာ ခံစစ် ကစားသမားတွေ ရှိနေပါသေးတယ်..."</p> <p style="text-align:justify">"ဒါပေမဲ့ ဖာနန်ဒင်ဟိုရော အော်တာမန်ဒီပါ တစ်ယောက်ချင်း အနေအထားမှာ ရှောင်ချူကို မယှဉ်နိုင်ခဲ့ပါဘူး..."</p> <p style="text-align:justify">"ကမ္ဘာပေါ်မှာ ရှောင်ချူကို ၁၀၀ ရာခိုင်နှုန်း အပြည့် ကာကွယ်နိုင်တဲ့ ခံစစ် ကစားသမား ဆိုတာ တစ်ယောက်မှ မရှိလောက်တော့ဘူး ထင်ပါတယ်ဗျာ"</p> <p style="text-align:justify">"မန်ယူတို့ ချန်ပီယံဆုကို ကာကွယ်နိုင်ဖို့ နောက်တစ်လှမ်း နီးကပ်လာခဲ့ပါပြီ"</p> <p style="text-align:justify">ကျန်းကျွင်းက နက်ရှိုင်းသော ခံစားချက်ဖြင့် ပြောလိုက်သည်။ </p> <p style="text-align:justify">ရုပ်မြင်သံကြားမှတစ်ဆင့် ရင်ခုန်စိတ်လှုပ်ရှားဖွယ် သွင်းဂိုးကို ကြည့်ရှုနေကြသော မန်ယူ ပရိသတ်များမှာ သူတို့၏ အရက်ခွက်များကို မြှောက်ကာ ခွက်ချင်းတိုက်ပြီး တစ်ကျိုက်တည်း မော့သောက်လိုက်ကြသည်။ ထို့နောက် အချင်းချင်း ပခုံးဖက်ကာ ခုန်ပေါက် ကခုန်ရင်း အောင်ပွဲခံကြလေသည်။ </p> <p style="text-align:justify">***</p>


Save