Book List

<h2 style="text-align: center;">အခန်း (၄၄၃)</h2> <h2 style="text-align: center;">*</h2> <p> </p> <p> </p> <p> </p> <p style="text-align:justify">"ဂွါဒီယိုလာရဲ့ ၃-၂-၂-၃ ကစားကွက်က သိပ်ပြီး အလုပ်မဖြစ်တဲ့ ပုံပဲနော်..."</p> <p style="text-align:justify">မက်ဂွိုင်းယားက သူ၏ ခေါင်းကြီးကို ပွတ်သပ်ရင်း အလွန်အမင်း နားလည်ရခက်နေသော အမူအရာဖြင့် ပြောလိုက်သည်။ သူ၏ အကန့်အသတ်ရှိသော နည်းဗျူဟာ နားလည်မှုဖြင့် ထိုကစားကွက်၏ အနှစ်သာရကို သူ သဘောမပေါက်နိုင်ခဲ့ချေ။</p> <p style="text-align:justify">"အဲဒီလောက် မရိုးရှင်းဘူး..."</p> <p style="text-align:justify">မော်ရင်ညို၏ လေသံက ထူးထူးခြားခြား လေးနက်နေသည်။ "ဒီဘရိုင်းကို ဘာလို့ ပွဲထွက် လူစာရင်းမှာ မသုံးတာလဲ ဆိုတာ မင်းတို့ သိကြလား..."</p> <p style="text-align:justify">အားလုံးက ခေါင်းယမ်းလိုက်ကြသည်။</p> <p style="text-align:justify">"ဘာလို့လဲဆိုတော့ မန်စီးတီးက ပွဲအစောပိုင်း ကာလတွေကို အာရုံမစိုက်ထားလို့ပဲ... ဒါမှမဟုတ် ငါတို့က ပွဲလယ် ဒါမှမဟုတ် ပွဲနှောင်းပိုင်းလောက်ကျမှ သူတို့ကို အကြိတ်အနယ် ကစားလိမ့်မယ်လို့ သူတို့ ခန့်မှန်းထားတာလည်း ဖြစ်နိုင်တယ်။ အဲဒါကြောင့်ပဲ ပထမပိုင်းမှာ အဲဒီလို ကစားကွက်မျိုးကို သုံးပြီး ဒီဘရိုင်းကို အရန်ခုံမှာ ထားခဲ့တာ..."</p> <p style="text-align:justify">မော်ရင်ညိုက ရှင်းပြလိုက်သည်။ မန်စီးတီး၏ ကွင်းလယ်ခံစစ်မှာ အင်အား မတောင့်တင်းကြောင်း အားလုံး သိထားကြသလို ဂွါဒီယိုလာ ကိုယ်တိုင်လည်း ယင်းကို ကောင်းကောင်း သိလေသည်။</p> <p style="text-align:justify">ထို့ကြောင့် မန်ယူ၏ တိုက်စစ်များကို ရှောင်လွှဲနိုင်ရန် ကွင်းလယ် ထိန်းချုပ်မှုကို အားဖြည့်လိုခဲ့ခြင်း ဖြစ်သည်။ တကယ်တမ်းတွင် သူ ထိုသို့ လုပ်နိုင်ခဲ့သည်။</p> <p style="text-align:justify">သူတို့သည် မန်ယူ၏ အစောပိုင်း တိုက်စစ် အဟုန်များကို ရှောင်လွှဲနိုင်ခဲ့ပြီး ပွဲကို ဒုတိယပိုင်းအထိ ဆွဲခေါ်လာနိုင်ခဲ့သည်။</p> <p style="text-align:justify">တစ်ဂိုး အရှုံးပေးထားရတာ ကရော။ </p> <p style="text-align:justify">ဒါက လုံးဝ လက်ခံနိုင်စရာ အနေအထားပင်။</p> <p style="text-align:justify">"ဘော့စ်... ဒုတိယပိုင်းအတွက် ကျွန်တော်တို့ ဘယ်လို အပြောင်းအလဲ လုပ်ကြမလဲ..."</p> <p style="text-align:justify">မက်ဂွိုင်းယားက မေးလိုက်သည်။</p> <p style="text-align:justify">မော်ရင်ညိုက နည်းဗျူဟာပြ ဘုတ်ပြားပေါ်တွင် မျဉ်းသုံးကြောင်း ဆွဲလိုက်ပြီးနောက် "မန်စီးတီးက နေရာလွတ်တွေကို အသုံးချပြီး ဘောလုံးပေးပို့တဲ့ နေရာမှာ တော်တယ်။ သူတို့မှာ အဲဒီ စွမ်းရည်လည်း ရှိတယ်။ ဒါကြောင့် သူတို့ အလွယ်တကူ ဘောလုံး မပေးပို့နိုင်အောင် ငါတို့က နေရာလွတ်တွေကို ဖိသိပ်ထားရမယ်..."</p> <p style="text-align:justify">"တကယ်တော့ ပထမပိုင်းတုန်းကလိုပါပဲ။ ဒါပေမဲ့ ကွာခြားချက် တစ်ခု ရှိတယ်... ငါတို့ရဲ့ ကစားကွက်ကို ရှေ့ကို နည်းနည်း တိုးရမယ်..."</p> <p style="text-align:justify">"မန်စီးတီးက ကွင်းလယ်လူတွေ ထပ်ဖြည့်ထားတာမို့ ငါတို့လည်း ခံစစ်ပိုင်းမှာ အင်အား ပိုသုံးရမယ်။ ငါတို့ရဲ့ ခံစစ်ကြောင်း အလွယ်တကူ အဆုတ်ဖြဲ မခံရအောင်နဲ့ ဟာကွက်တွေ မဖြစ်ပေါ်လာအောင် တောင်ပံ နှစ်ဖက်စလုံးမှာ နောက်ခံလူ အထပ်ထပ်နဲ့ တည်ဆောက်ထားရမယ်..."</p> <p style="text-align:justify">"ရှင်းရှင်းပြောရရင် ကွင်းလယ်ကို အဓိက အာရုံစိုက်ရမယ်..."</p> <p style="text-align:justify">မော်ရင်ညိုက အားလုံးကို ဝေ့ကြည့်လိုက်သည်။ </p> <p style="text-align:justify">ထိုသို့ လုပ်ဆောင်ခြင်းက ခံစစ်ကြောင်း အနောက်ရှိ နေရာလွတ်များကို ဟာလာဟင်းလင်း ဖြစ်သွားစေမည် ဖြစ်သော်လည်း အခြား နည်းလမ်း မရှိတော့ချေ။ </p> <p style="text-align:justify">အကယ်၍ မန်ယူတို့က ကိုယ့်ကွင်းဘက်ခြမ်းမှာပဲ ဆက်ပြီး ပုန်းအောင်းနေမည် ဆိုပါက...</p> <p style="text-align:justify">ဖားတစ်ကောင်ကို ရေနွေးအိုးထဲ ထည့်ပြီး တဖြည်းဖြည်း အပူပေးသကဲ့သို့ မန်စီးတီးတို့က သူတို့၏ ခံစစ်ကို ဖြည်းဖြည်းချင်း ထိုးဖောက်လာမည်မှာ အသေအချာပင်။ </p> <p style="text-align:justify">သေချာသည်မှာတော့ မန်စီးတီး ကစားသမားများက နည်းဗျူဟာအသစ်ဖြင့် အသားမကျသေးရာ သူတို့ မကြာခဏ အမှားများ လုပ်တတ်ကြသည်။ သို့သော် ပြိုင်ဘက် အမှားလုပ်မည်ကိုသာ ထိုင်စောင့်နေရမည် ဆိုပါက မိမိတို့၏ ကံကြမ္မာကို သူတစ်ပါး လက်ထဲ အပ်ထားလိုက်သကဲ့သို့ ဖြစ်မနေဘူးလား။</p> <p style="text-align:justify">မော်ရင်ညိုက အရာရာကို သူ၏ ထိန်းချုပ်မှုအောက်တွင်သာ ထားရှိလိုသူ ဖြစ်သည်။ </p> <p style="text-align:justify">"ဒေးဗစ် (ဒီဂီယာ)... မင်း အပြောင်းအလဲတွေ လုပ်တတ်ဖို့ သင်ယူရမယ်။ ခေတ်သစ် ဂိုးသမားတွေရဲ့ ရေစီးကြောင်းက ဂိုးစည်းပေါ်က နည်းစနစ်တွေချည်းပဲ မဟုတ်တော့ဘူး... အပြင်ထွက်လာပြီး ဘောလုံး ပေးပို့တာတွေကလည်း အရမ်း အရေးကြီးတယ်..."</p> <p style="text-align:justify">မော်ရင်ညိုက ဒီဂီယာကို ကြည့်ကာ ပြောလိုက်သည်။ </p> <p style="text-align:justify">ရာသီ မစတင်မီကတည်းက ဒီဂီယာကို သူက ဤစကား ပြောခဲ့ဖူးပြီး ဒီဂီယာကလည်း ပြောင်းလဲနိုင်ရန် အစွမ်းကုန် ကြိုးစားနေခဲ့သည်။</p> <p style="text-align:justify">သို့သော် နည်းစနစ်ပိုင်းဆိုင်ရာ ကစားဟန် ဆိုသည်မှာ ညတွင်းချင်း ပြောင်းလဲပစ်၍ ရနိုင်သော အရာမျိုး မဟုတ်ချေ။ အချိန်နှင့် ကြိုးစားအားထုတ်မှုများစွာ လိုအပ်လေသည်။ ထို့အပြင် တစ်ခါတစ်ရံတွင် မည်မျှပင် ကြိုးစားစေကာမူ အချည်းနှီးသာ ဖြစ်တတ်သေးသည်။ </p> <p style="text-align:justify">ထိုသို့မဟုတ်လျှင် လူတိုင်း ဘောလုံး စူပါစတားတွေ ဖြစ်ကုန်ကြပြီပေါ့။</p> <p style="text-align:justify">ဒီဂီယာက ခေါင်းညိတ်လိုက်သည်။ "နားလည်ပါတယ်..."</p> <p style="text-align:justify">သူ အများကြီး မပြောခဲ့ပေ။ အဘယ်ကြောင့်ဆိုသော် ယင်းက သူ၏ စရိုက်ပင် ဖြစ်သည်။ စကားများများ ပြောခြင်းထက် လက်တွေ့ လုပ်ရပ်များဖြင့်သာ သက်သေပြလိုသူ ဖြစ်သည်။ ဤအကျင့်မှာ ချူဖုန်းနှင့် အနည်းငယ် တူပေသည်။</p> <p style="text-align:justify">"ပြီးတော့ ဟယ်ရီ..." မော်ရင်ညိုက မက်ဂွိုင်းယားဘက်သို့ လှည့်ကာ ပြောလိုက်သည်။ </p> <p style="text-align:justify">"မင်း လှည့်တဲ့ အမြန်နှုန်း နှေးတာကို ငါ သိပါတယ်။ ဒါပေမဲ့ လိုအပ်လာရင် ဖောင်းဘော လုပ်ဖို့ ဝန်မလေးနဲ့။ အမြဲတမ်း သတိထားနေ... မင်းမှာ အဲဒီ စွမ်းရည် ရှိတယ်ဆိုတာ ငါ ယုံကြည်တယ်..."</p> <p style="text-align:justify">"ကျွန်တော့် တာဝန် ထားလိုက်ပါ ဘော့စ်... စိတ်မပူနဲ့"</p> <p style="text-align:justify">သူ၏ ဘော့စ်ထံမှ ချီးကျူးစကား ကြားလိုက်ရပြီ အထင်ဖြင့် ခေါင်းကြီး မက်ဂွိုင်းယားမှာ အလွန် ပျော်ရွှင်သွားပြီး ကွေးတက်သွားသော နှုတ်ခမ်းများကို အစွမ်းကုန် ပြန်ထိန်းထားလိုက်ရသည်။ </p> <p style="text-align:justify">မော်ရင်ညို: "..."</p> <p style="text-align:justify">မင်းကို စိတ်ပူလို့ သတိပေးတာပါကွာ... ကြည့်စမ်း... ငါ သတိပေးတာ ရှင်းရှင်းလင်းလင်း မရှိလို့လား...။</p> <p style="text-align:justify">စောစောက ပင်နယ်တီ ဧရိယာထဲတွင် မက်ဂွိုင်းယား ဘောလုံး လုယူခဲ့ပုံက သူ့ကို တကယ် လန့်ဖျပ်သွားစေခဲ့သည်။ </p> <p style="text-align:justify">မက်ဂွိုင်းယားက ဘာလို့များ ခြေလှမ်းကျဲကြီးနဲ့ လှမ်းလိုက်သလဲ... အဲဒီအချိန်တုန်းက သူ ဘာတွေများ တွေးနေသလဲ ဆိုတာကို မော်ရင်ညို ဦးနှောက်စားမတတ် စဉ်းစားသော်လည်း နားမလည်နိုင်ခဲ့ချေ။</p> <p style="text-align:justify">"နောက်ကျရင် သူ့ကို သတိပေးလိုက်ဦး..."</p> <p style="text-align:justify">မက်ဂွိုင်းယား စိတ်လွတ်ကိုယ်လွတ် ဖြစ်သွားပြီး အမှားကြီးတစ်ခု ထပ်လုပ်မိမည်ကို စိုးရိမ်သဖြင့် မော်ရင်ညိုက ဒေးဗစ်လူးဝစ်ကိုသာ ကြိုတင် အသိပေးထားလိုက်ရသည်။</p> <p style="text-align:justify">ဒီလိုကိစ္စမျိုးကြောင့်သာ မန်ယူတို့ ချန်ပီယံလိဂ် ဗိုလ်လုပွဲမှာ ရှုံးနိမ့်သွားခဲ့မည် ဆိုပါက...</p> <p style="text-align:justify">တွေးကြည့်ရုံဖြင့်ပင် မော်ရင်ညို ကျောချမ်းသွားရသည်။ အင်တာနက်ပေါ်မှ ဆဲရေးတိုင်းထွာမှုများက နှစ်ပေါင်းများစွာတိုင်အောင် ရပ်တန့်သွားမည် မဟုတ်ချေ။</p> <p style="text-align:justify">တစ်ဖက် အဝတ်လဲခန်းထဲ၌...</p> <p style="text-align:justify">ဂွါဒီယိုလာက မန်စီးတီး ကစားသမားများနှင့်အတူ ပွဲအခြေအနေကို ပြန်လည် သုံးသပ်ပြီးနောက် ဒီဘရိုင်းကို ခေါ်ကာ တိုးတိုးတိတ်တိတ် စကားပြောနေလေသည်။</p> <p style="text-align:justify">မော်ရင်ညို ခန့်မှန်းထားသလိုပင် သူသည် ပွဲကို မိနစ် ၆၀ ကျော်သည်အထိ ဆွဲထားလိုပြီး ထိုအချိန်ကျမှ ဒီဘရိုင်းကို ထည့်ကာ ပွဲ၏ စည်းချက်ကို ထိန်းချုပ်ပြီး မန်ယူကို အတိုတောင်းဆုံး အချိန်အတွင်း ချေမှုန်းပစ်ရန် ရည်ရွယ်ထားခြင်း ဖြစ်သည်။</p> <p style="text-align:justify">မှန်ပါသည်။ </p> <p style="text-align:justify">ဂွါဒီယိုလာသည် စမ်းသပ်မှုများ ပြုလုပ်ရသည်ကို နှစ်သက်သော်လည်း သူ၏ နည်းဗျူဟာပိုင်းဆိုင်ရာ စွမ်းရည်မှာ သံသယဝင်စရာ မလိုအောင် ကောင်းမွန်လှသည်။ အစီအစဉ်တိုင်းတွင် လုံးဝ ခိုင်လုံသော အကြောင်းပြချက် တစ်ခုစီ ရှိနေတတ်သည်။ </p> <p style="text-align:justify">ဆယ့်ငါးမိနစ် အချိန်မှာ လျင်မြန်စွာ ကုန်လွန်သွားခဲ့သည်။</p> <p style="text-align:justify">အသင်းနှစ်သင်းလုံးမှ ကစားသမားများ ကွင်းထဲသို့ ပြန်လည် ဝင်ရောက်လာကြပြီး ဝမ်ဒါ မက်ထရိုပိုလီတာနို ကွင်းကြီးမှာ တစ်ဖန် ပြန်လည် အသက်ဝင် လှုပ်ရှားလာပြန်သည်။</p> <p style="text-align:justify">ချူဖုန်းက ကွင်းဘေးရှိ LED မျက်နှာပြင်ကို တစ်ချက် လှမ်းကြည့်လိုက်သည်။ </p> <p style="text-align:justify">မန်ချက်စတာ ယူနိုက်တက် ၁ - ၀ မန်ချက်စတာ စီးတီး။ </p> <p style="text-align:justify">မန်စီးတီး၏ ကြောက်မက်ဖွယ် ကောင်းလှသော တိုက်စစ်ကို ထည့်တွက်မည် ဆိုပါက ခံစစ် သက်သက် ကစားခြင်းက လုံလောက်မည် မဟုတ်ချေ။ အဂူရို၊ ဆာနေး၊ ဘာနာဒို ဆေးလ်ဗားနှင့် အခြား ကစားသမားများ အားလုံးမှာ သူတို့၏ သက်ဆိုင်ရာ နေရာ အသီးသီးတွင် ထိပ်တန်း ကစားသမား ဆယ်ဦး စာရင်းဝင်များ အဖြစ် သတ်မှတ်နိုင်လေသည်။ </p> <p style="text-align:justify">ထို့ကြောင့် ဂိုးသွင်းရန် နောက်ထပ် အခွင့်အရေး တစ်ခုကို ရှာဖွေရပေမည်။ </p> <p style="text-align:justify">တီ…</p> <p style="text-align:justify">ကျယ်လောင်စူးရှသော ခရာသံနှင့်အတူ ဒုတိယပိုင်း ပွဲစဉ် စတင်လေပြီ။ </p> <p style="text-align:justify">မန်ယူတို့ ဘောလုံး စတင် ရရှိသည်။ ချူဖုန်းက ပွဲစတင် ကန်ထုတ်လိုက်ပြီး ဘောလုံးကို ပေါ့ဘာထံသို့ နောက်ဆုတ် ပေးပို့လိုက်ကာ ညာဘက်ခြမ်းသို့ လှည့်၍ ပြေးသွားလေသည်။ </p> <p style="text-align:justify">ဘာကြောင့် ဘယ်ဘက်ကို မသွားဘဲ ညာဘက်ကို သွားသလဲ ဆိုရင်...</p> <p style="text-align:justify">အဘယ်ကြောင့်ဆိုသော် မန်စီးတီး၏ ဗဟိုနောက်ခံလူ သုံးယောက် ကစားကွက်တွင် ကိုင်လီ ဝေါ်ကာက ဘယ်ဘက်ခြမ်း၌ ကစားနေသောကြောင့် ဖြစ်သည်။ </p> <p style="text-align:justify">ထိုကောင်က မကြာခဏ ပါတီပွဲတွေ လုပ်လေ့ရှိသော်လည်း သူ၏ စွမ်းရည်များကိုတော့ ငြင်းပယ်၍ မရချေ။ အထူးသဖြင့် သူ၏ တာတို ပေါက်ကွဲအား အမြန်နှုန်းပင်။</p> <p style="text-align:justify">ချူဖုန်း အနေဖြင့် ကိုင်လီ ဝေါ်ကာကို အတင်း ထိုးဖောက် ကျော်ဖြတ်နိုင်မည်ဟု ရာနှုန်းပြည့် ယုံကြည်ချက် မရှိချေ။ ညာဘက်ရှိ လာပေါ့တ်မှာမူ ပြင်းထန်သော ဒဏ်ရာရရှိပြီးနောက်ပိုင်း ခြေစွမ်း သိသိသာသာ ကျဆင်းသွားခဲ့လေပြီ။ </p> <p style="text-align:justify">လာပေါ့တ် တစ်ယောက် ယနေ့ပွဲ၌ ခြေစွမ်း မပြနိုင်ဘဲ မာရက်ဇ်၏ အကြိမ်ကြိမ် ထိုးဖောက်မှုကို ခံနေရသည်ကိုလည်း ချူဖုန်း သတိပြုမိခဲ့သည်။ အကယ်၍ အော်တာမန်ဒီနှင့် ဖာနန်ဒင်ဟိုတို့ကသာ ကာကွယ် မပေးခဲ့လျှင် ရလဒ်က ၁-၀ ထက် အများကြီး ပိုသွားလောက်လေပြီ။</p> <p style="text-align:justify">ထို့ကြောင့်...</p> <p style="text-align:justify">ဒုတ်... ဒုတ်... ဒုတ် </p> <p style="text-align:justify">လာပေါ့တ်ကို ပစ်မှတ်ထားခြင်းဖြင့် သူတို့သည် မန်စီးတီး၏ ခံစစ်ကို လုံးဝ ဖျက်ဆီးပစ်နိုင်မည် ဖြစ်သည်။</p> <p style="text-align:justify">အကယ်၍ တိုက်စစ်နယ်မြေတွင် ဖိအား အလုံအလောက် ပေးနိုင်ပါက ခံစစ်အပေါ် ကျရောက်နေသော ဖိအားများ လျော့ကျသွားမည် ဖြစ်ပြီး ယင်းမှာ မန်စီးတီး၏ တိုက်စစ်ကို အမြစ်မှ စ၍ ဖြတ်တောက်နိုင်မည့် နည်းလမ်းပင် ဖြစ်သည်။ </p> <p style="text-align:justify">ပေါ့ဘာ ဘောလုံး လက်ခံရရှိပြီး နောက်သို့ ဆက်ပေးလိုက်သည်။ အလောတကြီး လုပ်စရာ မလိုပေ။ </p> <p style="text-align:justify">ပထမဆုံး အနေဖြင့် တိုက်စစ် ကစားသမားများ လွတ်လွတ်လပ်လပ် ပြေးလွှားနိုင်ရန် လုံလောက်သော နေရာလွတ်များ ရရှိစေရန် မန်စီးတီး၏ ကစားကွက်ကို ဆွဲဆန့်ထုတ်ရမည်။ </p> <p style="text-align:justify">မန်စီးတီးတို့ကလည်း အလျှော့မပေးဘဲ ရှေ့တက် ဖိအားပေးမှုကို စတင်လာကြသည်။ သို့သော် ယခင်က ဖိအားပေးမှုများနှင့်တော့ မတူညီချေ။ </p> <p style="text-align:justify">တောင်ပံ ကစားသမား နှစ်ယောက်နှင့် ဗဟိုတိုက်စစ်မှူးတို့က ကွင်းလယ်သို့ နောက်ဆုတ်လာကြပြီး ကွင်းလယ်လူ နှစ်ယောက်၊ ကွင်းလယ်ခံစစ် တစ်ယောက်တို့နှင့် ပေါင်းကာ အလယ်ဗဟိုတွင် "၃-၄" ခုနစ်ယောက် အုပ်စု တစ်ခုကို ဖန်တီးထားကြသည်။ </p> <p style="text-align:justify">တစ်ချိန်တည်းမှာပင် ဗဟိုနောက်ခံလူ နှစ်ဦးက ရှေ့သို့ တက်လာပြီး ကွင်းလယ်လူ နှစ်ဦးနှင့် ပေါင်းကာ "၂-၂" ဒုတိယ ခံစစ်ကြောင်း တစ်ခုကို ဖန်တီးလိုက်ကြသည်။ </p> <p style="text-align:justify">နောက်ဆုံး ခံစစ်ကြောင်း အဖြစ် နောက်ဆုတ်နေသော ဗဟိုနောက်ခံလူ တစ်ဦးလည်း ရှိသေးသည်။ </p> <p style="text-align:justify">ဤစနစ်က ဂွာဒီယိုလာ ဘိုင်ယန်မြူးနစ်အား ကိုင်တွယ်စဉ်က အသုံးပြုခဲ့သော နည်းဗျူဟာများ အတိုင်းပင် ဖြစ်သော်လည်း ပိုမို ကောင်းမွန်သော ချိန်ညှိမှုများ ပါဝင်လာခဲ့သည်။ </p> <p style="text-align:justify">ပြိုင်ဘက်၏ ကွင်းလယ် ဧရိယာအတွင်းရှိ နေရာလွတ်များကို ဖိသိပ်ထားခြင်းနှင့် ပေးပို့မှု လမ်းကြောင်းများကို ဖြတ်တောက်ခြင်းတို့ကြောင့် တောင်ပံများဆီသို့ ပေးပို့မည့် လမ်းကြောင်းများကို ဖြတ်တောက်ခြင်းဖြင့် တောင်ပံများရှိ ခံစစ် ဖိအားများကို လျှော့ချပေးရန် ဖြစ်သည်။ </p> <p style="text-align:justify">ဘောလုံးက ဒေးဗစ်လူးဝစ် ခြေထဲသို့ ရောက်ရှိလာသည်။ </p> <p style="text-align:justify">ရှေ့တက် ဖိအားပေးမှုကို ကျော်လွှားရန် နည်းလမ်းများစွာ ရှိလေသည်။ ဘောလုံးကို ပြန်ပေးထုတ်ခြင်း၊ သို့မဟုတ် တောင်ပံများဆီသို့ တွန်းပို့ခြင်း စသဖြင့်ပင်…။</p> <p style="text-align:justify">အလွယ်ကူဆုံး နည်းလမ်းကတော့ အဝေးဘော တစ်လုံး ကန်တင်လိုက်ခြင်းပင် ဖြစ်လေသည်။</p> <p style="text-align:justify">***</p>


Save