Book List

<h2 style="text-align: center;">အခန်း (၄၄၅)</h2> <h2 style="text-align: center;">*</h2> <p> </p> <p> </p> <p> </p> <p> </p> <p style="text-align:justify">"ဘောလုံးက ငါ့ဆီ ရောက်လာပြီလား..."</p> <p style="text-align:justify">ပေါ့ဘာက အံ့ဩတကြီးဖြင့် စိုက်ကြည့်နေသော်လည်း သူ၏ ခြေထောက်များက ရပ်တန့်မသွားခဲ့ချေ။ </p> <p style="text-align:justify">သူနှင့် သုံးမီတာ အတွင်းတွင် မည်သည့် ခံစစ် ကစားသမားမျှ မရှိချေ။ အနီးဆုံးတွင် ရှိနေသော စတုန်းစ်က သူ့ဆီသို့ အပြေးအလွှား လာနေသော်လည်း သူက အများကြီး ရှေ့ရောက်နေခဲ့လေပြီ။</p> <p style="text-align:justify">စတုန်းစ် ကိုယ်တိုင်ပင် ပေါ့ဘာကို ကြည့်ရင်း တားဆီးရန် အချိန်နှောင်းသွားပြီ ဖြစ်ကြောင်း သိနေလေသည်။ နောက်ဆုံးတွင် သူသည် ကွင်းလယ်ခံစစ် နေရာနှင့် မရင်းနှီးသဖြင့် နေရာယူမှု မရှင်းလင်းခြင်းကြောင့် အမှားလုပ်မိသွားခြင်းပင် ဖြစ်သည်။</p> <p style="text-align:justify">ပေါ့ဘာက သူ၏ ကိုယ်ဟန်အနေအထားကို အမြန် ချိန်ညှိလိုက်သည်။ ထို့နောက် အားပါပါ ကန်သွင်းလိုက်လေပြီ။</p> <p style="text-align:justify">ဘုန်း…</p> <p style="text-align:justify">အီဒါဆန်က ဟန်ပြ ကာကွယ်မှု တစ်ခု ပြုလုပ်လိုက်ပြီးနောက် မြက်ခင်းပြင်ပေါ်သို့ အကူအညီမဲ့စွာ လဲကျသွားလေသည်။ </p> <p style="text-align:justify">ဘောလုံးကမူ ပိုက်ကွန်ကို ဝင်တိုက်ပြီး အဟုန် ကုန်ဆုံးသွားသည်အထိ ပြင်းပြင်းထန်ထန် လည်ပတ်နေကာ မြေပြင်ပေါ်သို့ ကျပြီးနောက် အကြိမ်အနည်းငယ် ခုန်ကာ ငြိမ်သက်သွားလေသည်။ </p> <p style="text-align:justify">၂ : ၀ </p> <p style="text-align:justify">တိတ်ဆိတ်ငြိမ်သက်နေသော ဘောလုံးပွဲ အခြေအနေနှင့် လုံးဝ ဆန့်ကျင်ဘက် အနေဖြင့် ကွင်းကြီးက မီးတောင်ရှင် တစ်ခု ပေါက်ကွဲထွက်လာသကဲ့သို့ နားကွဲမတတ် အားပေးသံများ ပေါက်ကွဲ ထွက်လာတော့သည်။ </p> <p style="text-align:justify">မန်ယူ ပရိသတ်များမှာ အလံများကို ဝှေ့ယမ်းကာ ရူးသွပ်စွာ အော်ဟစ် အားပေးနေကြသည်။ </p> <p style="text-align:justify">"မန်ချက်စတာယူနိုက်တက်..."</p> <p style="text-align:justify">"မန်ချက်စတာယူနိုက်တက်..."</p> <p style="text-align:justify">"မန်ချက်စတာယူနိုက်တက်..."</p> <p style="text-align:justify">စကားလုံး နှစ်လုံးက လေထဲတွင် လွင့်ပျံသွားပြီး ကောင်းကင်ယံသို့ ပျံတက်သွားလေသည်။ </p> <p style="text-align:justify">ဂိုး…</p> <p style="text-align:justify">"ဒုတိယပိုင်း စပြီး သုံးမိနစ်လေး အတွင်းမှာတင် မန်ယူတို့ ဦးဆောင်ဂိုးကို ထပ်ပြီး ရယူနိုင်ခဲ့ပါပြီ”</p> <p style="text-align:justify">"ရှောင်ချူက ခေါင်းနောက်မှာ မျက်လုံး ပါနေသလိုပါပဲ... လူကပ်မခံရတဲ့ ပေါ့ဘာကို ဖိအား ကင်းကင်းနဲ့ ကန်သွင်းနိုင်အောင် ဂိုးဖန်တီးမှု တစ်ခု လုပ်ပေးသွားတာပါ"</p> <p style="text-align:justify">"သူတို့ နှစ်ယောက်စလုံးက မန်ယူ လူငယ်အကယ်ဒမီထွက်တွေ ဖြစ်ကြပြီး ဒီနေ့ သူတို့ရဲ့ ချိတ်ဆက်မှုက မန်ယူရဲ့ အနာဂတ်ကို ဒီလူငယ်လေးတွေက ထိန်းချုပ်သွားတော့မယ် ဆိုတာကို ညွှန်ပြနေတာများလား"</p> <p style="text-align:justify">"ယုံတောင် မယုံနိုင်ဘူးဗျာ" ကျန်းကျွင်းက စိတ်လှုပ်ရှားစွာဖြင့် အော်ဟစ်လိုက်သည်။ </p> <p style="text-align:justify">ပွဲကြည့်စင်ပေါ်တွင် ရပ်နေသော ဆာအဲလက်စ် ဖာဂူဆန်ကလည်း မန်ယူ ပရိသတ်များနှင့်အတူ မတ်တတ်ရပ်ကာ သူတို့ကို လက်ခုပ်တီးပြီး ဂုဏ်ပြုလိုက်လေသည်။ </p> <p style="text-align:justify">ချန်ပီယံလိဂ် ဖလားကို ကာကွယ်နိုင်ခြင်း ဆိုသည်မှာ မန်ယူအသင်း မည်သည့်အခါမှ မအောင်မြင်ဖူးသေးသော အိမ်မက်တစ်ခုပင် ဖြစ်သည်။</p> <p style="text-align:justify">သူ မန်ယူကို ကိုင်တွယ်ခဲ့စဉ်က လေးနှစ်အတွင်း ဗိုလ်လုပွဲသို့ သုံးကြိမ် တက်ရောက်နိုင်ခဲ့သော်လည်း တစ်ကြိမ်သာ အနိုင်ရရှိခဲ့ပြီး ကျန်နှစ်ကြိမ်စလုံး ဘာစီလိုနာကို ရှုံးနိမ့်ခဲ့ရသည်။ </p> <p style="text-align:justify">ဆာအဲလက်စ် ဖာဂူဆန် အတွက်တော့ ဒါက ဘယ်တော့မှ မေ့ဖျောက်လို့ မရနိုင်တဲ့ နောင်တ တစ်ခုပါပဲ။ </p> <p style="text-align:justify">သို့သော် ယခုအခါ မန်ယူတို့ သူတို့၏ အိမ်မက်ကို အကောင်အထည်ဖော်ရန် ခြေတစ်လှမ်းသာ လိုတော့လေပြီ။ </p> <p style="text-align:justify">ချန်ပီယံလိဂ် ဗိုလ်လုပွဲ တစ်ပွဲတွင် နှစ်ဂိုး အသာရနေခြင်းကပင် သူတို့သည် ဆုဖလားနှင့် ခြေလှမ်း တစ်လှမ်းသာ လိုတော့ကြောင်း သက်သေခံနေလေသည်။</p> <p style="text-align:justify">သို့သော် ချန်ပီယံလိဂ် သမိုင်းကြောင်းတွင် မော်ကွန်းဝင် နောက်ကလိုက် အနိုင်ရရှိမှုများ အများအပြား ရှိခဲ့လေသည်။ </p> <p style="text-align:justify">ဥပမာအားဖြင့် နူးကမ့် အံ့ဖွယ်ဖြစ်ရပ်နှင့် အစ္စတန်ဘူလ် အံ့ဖွယ်ဖြစ်ရပ်တို့ပင် ဖြစ်သည်။ </p> <p style="text-align:justify">မန်စီးတီးကရော အံ့ဖွယ်ဖြစ်ရပ် တစ်ခု ဖန်တီးနိုင်မလား။ </p> <p style="text-align:justify">နောက်ဆုံး ပွဲသိမ်းခရာ မမှုတ်မချင်း ဘယ်သူကမှ ဘာကိုမှ အာမမခံနိုင်ပါဘူး။ </p> <p style="text-align:justify">ဂိုးသွင်းပြီးနောက် ပေါ့ဘာက ထောင့်ကန်ဘော တိုင်ဆီသို့ အမြန် ပြေးသွားပြီး ဒူးထောက် လျှောတိုက်ကာ စိတ်အားထက်သန်စွာဖြင့် အောင်ပွဲခံလေသည်။ </p> <p style="text-align:justify">သူ မကြာသေးမီက တော်တော်လေး ပျင်းရိနေခဲ့သည်။ </p> <p style="text-align:justify">ပရိသတ်များ သိထားသင့်သည်မှာ ပေါ့ဘာသည် လူအထင်ကြီးခံချင်သော စရိုက် ရှိသူ ဖြစ်သည်။ သူက အမြဲတမ်း အိမ်မက်မက်ခဲ့ရသော ကွင်းလယ်တိုက်စစ် နေရာကို နောက်ဆုံးတွင် ရရှိခဲ့သလို သူ၏ လက်ရွေးစင် အသင်းဖော် ကန်တေနှင့်လည်း ပြန်လည် ဆုံတွေ့ခဲ့ရသည်။ </p> <p style="text-align:justify">သို့သော် သူက ယင်းအတွက် အပြည့်အဝ ပျော်ရွှင်ခြင်း မရှိချေ။ အကြောင်းမှာ သူက ကွင်းလယ်တိုက်စစ် နေရာတွင် ကစားခွင့် ရသော်လည်း ဘောလုံး ပိုင်ဆိုင်ခွင့် ပိုနည်းခဲ့သောကြောင့်ပင်…။ </p> <p style="text-align:justify">သို့ရာ၌ မော်ရင်ညို၏ နည်းဗျူဟာများက ချူဖုန်းကို ဗဟိုပြုထားသဖြင့် မည်သို့မျှ တတ်နိုင်စရာ မရှိပေ။ မကြာသေးမီ နှစ်များအတွင်း ထွက်ပေါ်လာသော ဝေါဟာရ အသစ်တစ်ခု ရှိလေသည်။ </p> <p style="text-align:justify">ယင်းက ဘောလုံးဘုရင် ကစားဟန်တဲ့လေ။</p> <p style="text-align:justify">ဆိုလိုသည်မှာ ကစားသမား တစ်ဦးတည်းကသာ ဘောလုံးကို ပိုင်ဆိုင်ထားပြီး သူ လိုသလို ကစားသည့် ပုံစံမျိုးကို ဆိုလိုခြင်း ဖြစ်သည်။ </p> <p style="text-align:justify">ကွင်းလယ်မှ ဘောလုံး လက်ခံရယူခြင်းမှစ၍ တိုက်စစ် စတင်ခြင်း၊ ဘောလုံးကို ထိုးဖောက်ခြင်း သို့မဟုတ် တောင်ပံများဆီသို့ ပေးပို့ခြင်း၊ တိုက်စစ် အစီအစဉ် တစ်ခုကို အဆုံးသတ်ခြင်း စသည်တို့ အထိပင်။ </p> <p style="text-align:justify">ဤလုပ်ငန်းစဉ် တစ်လျှောက်လုံးတွင် အသင်းအတွင်းရှိ ကစားသမား အားလုံးက ဗဟိုချက် ကစားသမားကိုသာ ဝန်ဆောင်မှု ပေးရလေသည်။</p> <p style="text-align:justify">ဤသည်ကပင် ဘောလုံးဘုရင် ကစားဟန်၏ အနှစ်သာရပင်…။</p> <p style="text-align:justify">"ပွဲချိန် မိနစ် ၅၀ တောင် မပြည့်သေးခင်မှာ မန်ယူတို့ နှစ်ဂိုးသွင်းသွားနိုင်ခဲ့တာက ပြီးခဲ့တဲ့ရာသီ ချန်ပီယံလိဂ် ဗိုလ်လုပွဲကို ပြန်သတိရသွားစေတယ်..."</p> <p style="text-align:justify">"မန်ယူတို့ အရမ်းကို ခက်ခဲတဲ့ အခြေအနေနဲ့ ရင်ဆိုင်နေရပြီး မျှော်လင့်ချက်ဆိုလို့ အရိပ်အယောင်လေးတောင် မမြင်ရတဲ့ အချိန်တုန်းကလေ..."</p> <p style="text-align:justify">"အဲဒီအချိန်တုန်းက ကျွန်တော့်အမြင်မှာတော့ မန်ယူဟာ ပုံမှန် မဟုတ်တဲ့ အသင်းတစ်သင်း... အိမ်မက်တွေ အပြည့်နဲ့ အသင်းတစ်သင်း ဖြစ်နေခဲ့တယ်..."</p> <p style="text-align:justify">"ဘာလို့လဲဆိုတော့ မန်ယူအသင်းဆီကနေ အရာရာကို ဖျက်ဆီးပစ်နိုင်တဲ့ တောက်ပမှုတွေ ထွက်ပေါ်လာတာကို ကျွန်တော် မြင်ခဲ့ရလို့ပဲ..."</p> <p style="text-align:justify">"ဒီနေ့ပွဲမှာရော ဘယ်လိုများလဲ..."</p> <p style="text-align:justify">"သူတို့ ကြီးထွားလာတာကို ကျွန်တော် မြင်တွေ့ခဲ့ရတယ်။ ကျွန်တော်တို့သာ အတိတ်ကို ပြန်သွားလို့ရပြီး အဲဒီ ရီးရဲလ်မက်ဒရစ် အသင်းကြီးနဲ့ ချန်ပီယံလိဂ် ဗိုလ်လုပွဲကို ထပ်ပြီး ကစားခွင့် ရမယ်ဆိုရင်..."</p> <p style="text-align:justify">"နိုင်မလား၊ ရှုံးမလား ဆိုတာကို ခဏထားလိုက်ဦး... အနည်းဆုံးတော့ အရင်ကလောက် ခက်ခဲတော့မှာ မဟုတ်ဘူး..."</p> <p style="text-align:justify">"ဒါပေမဲ့ ဒါက ဘောလုံးရဲ့ အလှတရားပါပဲ... ခင်ဗျား ဘယ်တော့မှ ရလဒ်ကို ကြိုတင် ခန့်မှန်းလို့ မရနိုင်ပါဘူး။ အဲဒီ ကြိုတင်မသိနိုင်တဲ့ ခံစားချက်ကပဲ ဆွဲဆောင်မှု အရှိဆုံးပါပဲ..."</p> <p style="text-align:justify">ကျန်းကျွင်းမှာ နက်ရှိုင်းစွာ ခံစားနေရသည်။</p> <p style="text-align:justify">ပြီးခဲ့သည့်ရာသီ ချန်ပီယံလိဂ် ဗိုလ်လုပွဲတွင် ရှောင်ချူ သွင်းယူခဲ့သော သွင်းဂိုး သုံးဂိုးမှာ သူ၏ မှတ်ဉာဏ်ထဲတွင် ထွင်းထုထားသကဲ့သို့ ယခုထက်တိုင် ရှင်သန်နေဆဲပင်။ </p> <p style="text-align:justify">ရီးရဲလ်မက်ဒရစ် ကြယ်စင်စု အသင်းကြီးကို ခွန်အားနှင့် သတ္တိများ အသုံးပြုကာ ထိုးဖောက် ဝင်ရောက်ခဲ့သော လူငယ်လေး တစ်ဦးက အက်သလက်တီကို မက်ဒရစ်ကို အနိုင်ယူပြီး လီဗာပူးကို နောက်ကလိုက် အနိုင်ယူပြခဲ့သော သရဲနီများ၏ ခေါင်းဆောင် တစ်ဦး အဖြစ်သို့ ပြောင်းလဲလာပုံကို သူ စောင့်ကြည့်ခဲ့ရသည်။</p> <p style="text-align:justify">ဤကဲ့သို့ သမိုင်းကြောင်းကို ကိုယ်တိုင်ကိုယ်ကျ မျက်မြင်ကိုယ်တွေ့ ကြုံခွင့်ရသည့်အတွက် ကျန်းကျွင်းမှာ ကျေးဇူးတင်နေမိပြီး ပရိသတ်များစွာကလည်း သူနှင့် ထပ်တူ ခံစားရမည်ဟု ယုံကြည်လေသည်။</p> <p style="text-align:justify">ကင်မရာက ကွင်းဘေးရှိ မော်ရင်ညိုထံသို့ ရောက်ရှိသွားသည်။ သူက ဘေးရှိ ချန်ပီယံလိဂ် ဆုဖလားကြီးကို တစ်ချက် ကြည့်လိုက်ပြီးနောက် တစ်ဖက်ရှိ ဂွါဒီယိုလာကို လှမ်းကြည့်လိုက်သည်။ </p> <p style="text-align:justify">အတွေးများက လျင်မြန်စွာ ပြေးလွှားနေသည်။ </p> <p style="text-align:justify">၂၀၁၀ ခုနှစ်တွင် သူသည် ရီးရဲလ်မက်ဒရစ်ကို တရားဝင် တာဝန်ယူခဲ့ရာ ယင်းမှာ ဘာစီလိုနာကို စစ်ကြေညာလိုက်ခြင်းနှင့် အတူတူပင် ဖြစ်သည်။ ထိုစဉ်က ဘာစီလိုနာ၏ နည်းပြချုပ်မှာ ပက်ပ် ဂွါဒီယိုလာ ဖြစ်သည်။ </p> <p style="text-align:justify">နူးကမ့်ကွင်းကြီးထဲတွင် မော်ရင်ညို ရူးသွပ်စွာ အောင်ပွဲခံခဲ့စဉ်က သူတို့နှစ်ဦး၏ ဆက်ဆံရေးမှာ အနိမ့်ဆုံး အမှတ်သို့ ရောက်ရှိသွားခဲ့လေသည်။</p> <p style="text-align:justify">မော်ရင်ညိုသည် ဂွါဒီယိုလာ၏ ပြီးပြည့်စုံမှုကို လိုလားသော ဒဿန အပေါ်တွင် ကျရောက်နေသည့် အမည်းစက် တစ်ခုပင်။</p> <p style="text-align:justify">ဂွါဒီယိုလာသည်လည်း မော်ရင်ညို အနိုင်ယူချင်သော နောက်ထပ် ပြိုင်ဘက် တစ်ဦး ဖြစ်လေသည်။ </p> <p style="text-align:justify">"ဒါပေမဲ့ ပက်ပ်က တကယ်ကို ပါရမီရှင် တစ်ယောက်ပါ... အို မဟုတ်ဘူး... ရူးသွပ်သူ တစ်ယောက်ပါ..."</p> <p style="text-align:justify">မော်ရင်ညိုက အတိတ်ကို ပြန်တွေးနေခြင်းမှ ရပ်တန့်လိုက်သည်။ </p> <p style="text-align:justify">"ပါရမီရှင် တစ်ယောက်က ခေတ်ကို ခြေတစ်လှမ်း ကြိုရောက်နေတတ်ပြီး ရူးသွပ်သူ တစ်ယောက်က ခြေနှစ်လှမ်း ကြိုရောက်နေတတ်တယ်" ဆိုတဲ့ စကားပုံလေး တစ်ခု ရှိတယ်လေ။</p> <p style="text-align:justify">ဂွါဒီယိုလာ၏ နည်းဗျူဟာများအပေါ် စွဲလမ်းမှုမှာ အစွန်းရောက် တစ်ဦးကဲ့သို့ပင် ဖြစ်ပြီး အပြီးပြည့်စုံဆုံး ဘောလုံး ကစားဟန်ကို မည်သို့ ဖန်တီးရမည် ဆိုသည်ကို အမြဲတမ်း တွေးတောနေတတ်သည်။ </p> <p style="text-align:justify">မော်ရင်ညိုကတော့ သူ့ကိုယ်သူ သာမန်လူ တစ်ယောက်လို့ပဲ ခံယူထားတယ်။ ဘာလို့လဲဆိုတော့ သူက အလုပ်နဲ့ ကိုယ်ပိုင်ဘဝကို ခွဲခြားထားလို့ပဲ။</p> <p style="text-align:justify">သို့သော် ၎င်းက သူ အားနည်းသည်ဟု ဆိုလိုခြင်း မဟုတ်ပေ။</p> <p style="text-align:justify">ကွင်းတွင်း ချက်ချင်း နည်းဗျူဟာ ချိန်ညှိမှုများ ပြုလုပ်ရာတွင် သူသည် ပါရမီရှင် တစ်ဦးအလား တိကျ မှန်ကန်လှပြီး ခံစစ်နှင့် တန်ပြန်တိုက်စစ်များကိုလည်း အစွမ်းကုန် အသုံးချနိုင်လေသည်။ </p> <p style="text-align:justify">တကယ်တမ်းတော့... </p> <p style="text-align:justify">သူတို့နှစ်ဦး၏ ဆက်ဆံရေးမှာ ထင်ထားသလောက် ဆိုးရွားလှသည် မဟုတ်ပေ။ ၂၀၁၇ ခုနှစ်တွင် မော်ရင်ညို၏ ဖခင် ကွယ်လွန်သွားသောအခါ ဂွါဒီယိုလာက ဖုန်းဆက်ပြီး ဝမ်းနည်းကြောင်း ပြောကြားခဲ့သေးသည်။</p> <p style="text-align:justify">အဘယ်ကြောင့်ဆိုသော် မော်ရင်ညိုအတွက် သူ၏ ဖခင်က မည်မျှ အရေးကြီးကြောင်း ဂွါဒီယိုလာ သိထားသောကြောင့် ဖြစ်သည်။ </p> <p style="text-align:justify">မော်ရင်ညို ပြောခဲ့သလိုပင်။ "ဘောလုံးကွင်းထဲမှာ ဖြစ်ပျက်ခဲ့သမျှ ကိစ္စတွေက ကွင်းထဲမှာပဲ ကျန်ခဲ့သင့်ပါတယ်။ ကျွန်တော်တို့ အနေနဲ့ လေးစားမှုနဲ့ ပိုပြီး အပြုသဘောဆောင်တဲ့ အရာတွေကိုပဲ ချန်ထားရစ်ခဲ့သင့်ပါတယ်..."</p> <p style="text-align:justify">သို့သော် ဤသည်မှာ လွန်ခဲ့သော နှစ်နှစ်အတွင်းကမှ သူ နားလည် သဘောပေါက်လာခဲ့သော သင်ခန်းစာ တစ်ခု ဖြစ်သည်။ ယခင်ကတော့ သူတို့နှစ်ဦးမှာ နေ့စဉ်နှင့်အမျှ အပြန်အလှန် တိုက်ခိုက်နေကြပြီး စပိန် သတင်းစာများ၏ မျက်နှာဖုံးများတွင် နေရာယူခဲ့ကြလေသည်။</p> <p style="text-align:justify">လူတွေ အသက်ကြီးလာတဲ့အခါ တက်ကြွမှုတွေ လျော့ကျလာပြီး ပဋိပက္ခတွေကို တမင်တကာ ဖန်တီးချင်စိတ် မရှိကြတော့တာလည်း ဖြစ်ကောင်း ဖြစ်နိုင်ပါတယ်။</p> <p style="text-align:justify">***</p>


Save