Book List

<h2 style="text-align: center;">အခန်း (၄၄၇)</h2> <h2 style="text-align: center;">*</h2> <p> </p> <p> </p> <p> </p> <p style="text-align:justify">ဒီဘရိုင်းက လှပသော မြေပြင် ကွေးကန်ချက် တစ်လုံး ပေးပို့လိုက်ရာ အက်ရှ်လေယန်းဘေးမှ မီတာဝက်ခန့် အကွာမှ လျှောတိုက် ဖြတ်သန်းသွားပြီး ကိုင်လီ ဝေါ်ကာ ပြေးဝင်လာမည့် လမ်းကြောင်းဆီသို့ တိကျစွာ လိမ့်သွားလေသည်။ ကိုင်လီ ဝေါ်ကာက ဘောလုံးကို ဖမ်းထိန်းပြီး ချက်ချင်း ပင်နယ်တီ ဧရိယာထဲသို့ တိုးဝင်လာပြီး မန်ယူ ကစားသမားများ ကြားတွင် အရှုပ်အထွေးများ ဖန်တီးရန် ကြိုးစားလေသည်။</p> <p style="text-align:justify">"အနီးဘက် ထောင့်ကို ပိတ်ထား" </p> <p style="text-align:justify">"အလယ်ကို လူကပ်ထားကြ" </p> <p style="text-align:justify">ဒီဂီယာက လျင်မြန်စွာ ညွှန်ကြားလိုက်သည်။ </p> <p style="text-align:justify">မန်စီးတီး ကစားသမားများက အရပ်မရှည်ကြသဖြင့် အမြင့်ဘောများ အတွက် စိုးရိမ်စရာ မလိုပေ။ သူတို့သည် မြေပြင်မှတစ်ဆင့် ပင်နယ်တီ ဧရိယာထဲသို့ ဘောလုံး ပေးပို့လာနိုင်ခြေ အများဆုံး ဖြစ်သည်။ </p> <p style="text-align:justify">ထို့ကြောင့် ပေးပို့မှု လမ်းကြောင်းများနှင့် ဂိုးကန်သွင်းနိုင်မည့် နေရာလွတ်များကို ပိတ်ဆို့ထားနိုင်ပါက လုံလောက်ပြီ ဖြစ်သည်။ မန်စီးတီး၏ တိုက်စစ်က ကြီးမားသော ခြိမ်းခြောက်မှုမျိုး ပေးစွမ်းနိုင်ဖွယ် မရှိချေ။ </p> <p style="text-align:justify">ကိုင်လီ ဝေါ်ကာ၏ အမြန်နှုန်းနှင့် နှိုင်းယှဉ်ပါက သူ၏ ဘောလုံး လိမ်ခေါက်နိုင်စွမ်းမှာ ရပ်ကွက်အဆင့် လောက်သာ ရှိပြီး အရှိန်ပြင်းပြင်းဖြင့် ဘောလုံး ဆွဲပြေးလာစဉ်မှာပင် လမ်းကြောင်း လွဲချော်သွားခဲ့သည်။ မက်ဂွိုင်းယားက သူ၏ လမ်းကြောင်းကို ပိတ်ဆို့လိုက်ပြီး ဘောလုံးကို ကွင်းပြင်သို့ ကန်ထုတ်လိုက်လေသည်။ </p> <p style="text-align:justify">"တတ်နိုင်သမျှ မြန်မြန် ပေးပို့လေကွာ" </p> <p style="text-align:justify">ဂွါဒီယိုလာက သူ၏ ခေါင်းကို ထပ်မံ ကိုင်လိုက်မိပြန်သည်။ </p> <p style="text-align:justify">အကယ်၍ ဘာနာဒို ဆေးလ်ဗားသာ ဆိုလျှင် သူတို့က ဘောလုံးကို ပင်နယ်တီ ဧရိယာထဲအထိ ဆွဲယူလာနိုင်ကောင်း ဆွဲယူလာနိုင်ပေမည်။ </p> <p style="text-align:justify">သို့သော် ကိုင်လီ ဝေါ်ကာ အနေဖြင့်ကတော့ လုံးဝ မဖြစ်နိုင်ချေ။ အဘယ်ကြောင့်ဆိုသော် သူ၏ ဘောလုံး လိမ်ခေါက်နိုင်စွမ်းက မက်ဂွိုင်းယားလောက်ပင် မကောင်းသောကြောင့် ဖြစ်သည်။ </p> <p style="text-align:justify">လူစားလဲမှုကြောင့် ရရှိလာသော အပြောင်းအလဲ အခွင့်အရေးမှာ အလဟဿ ဖြစ်သွားခဲ့ရလေသည်။</p> <p style="text-align:justify">"မန်စီးတီးတို့ နည်းဗျူဟာ ထောင့်ကန်ဘောကို ရွေးချယ်လိုက်ပါတယ်။ ပင်နယ်တီ ဧရိယာထဲကို လှည့်ဝင်လာပြီး ခါးလောက် အမြင့်ရှိတဲ့ ဖြတ်တင်ဘော တစ်လုံး တင်ပေးလိုက်ပါတယ်"</p> <p style="text-align:justify">"မက်ဂွိုင်းယားက ဘောလုံးကို တစ်ချက်တည်းနဲ့ ပြတ်ပြတ်သားသား ရှင်းမထုတ်နိုင်ခဲ့ပါဘူး" </p> <p style="text-align:justify">"အဂူရို ကန်သွင်းဖို့ အခွင့်အရေး ရသွားပြီ…"</p> <p style="text-align:justify">"လှလိုက်တာ... ဒီဂီယာ"</p> <p style="text-align:justify">"အဂူရိုရဲ့ ကန်ချက်က အားမပါလို့ ဒီဂီယာ အလွယ်တကူပဲ ဖမ်းယူသွားနိုင်ခဲ့ပါတယ်"</p> <p style="text-align:justify">"မက်ဂွိုင်းယား ဒုက္ခ ကြီးကြီးမားမား ရောက်တော့မလို့ပဲ..."</p> <p style="text-align:justify">ကျန်းကျွင်းက သူ၏ နဖူးမှ ချွေးစေးများကို သုတ်လိုက်သည်။ </p> <p style="text-align:justify">မန်ယူပွဲ ကြည့်ရတိုင်း ပြိုင်ဘက်က ပင်နယ်တီ ဧရိယာထဲ ဘောလုံး တင်ပေးလိုက်သည်နှင့် သူ၏ နှလုံးသားတစ်စုံ လွတ်ကျသွားမတတ် ခံစားရလေသည်။ </p> <p style="text-align:justify">မက်ဂွိုင်းယားသည် နတ်ဘုရားနှင့် မိစ္ဆာ နှစ်မျိုးစလုံး၏ လက္ခဏာရပ်များကို ပိုင်ဆိုင်ထားသူ ဖြစ်ပြီး ကြိုတင် ခန့်မှန်း၍ မရနိုင်သော လူစားမျိုးလည်း ဖြစ်ပေသည်။ </p> <p style="text-align:justify">"စတုတ္ထ ဒိုင်လူကြီးက ဆိုင်းဘုတ် မြှောက်ပြတာကို ကျွန်တော်တို့ တွေ့ရပါတယ်။ မန်ယူတို့ လူစားလဲပါတော့မယ်... အက်ရှလေယန်း နေရာမှာ လုခ်ရှော၊ ရက်ရှ်ဖို့ဒ် နေရာမှာ မက်တော်မီနေး ပါ..."</p> <p style="text-align:justify">"မော်ရင်ညိုလည်း ဒီပြဿနာကို သတိထားမိပုံ ရပါတယ်။ တောင်ပံ နှစ်ဖက်စလုံးရဲ့ ခံစစ် အင်အားက ကျဆင်းသွားတော့ မန်စီးတီးကို ဘောလုံး ကိုင်တွယ်ဖို့ ပိုပြီး သက်တောင့်သက်သာ ရှိတဲ့ ပတ်ဝန်းကျင် တစ်ခု ဖန်တီးပေးသလို ဖြစ်နေတာကိုး..."</p> <p style="text-align:justify">ကျန်းကျွင်းက သက်ပြင်းချလိုက်သည်။ မန်ယူတို့ ဂိုးပေးလိုက်ရမည်ကို သူ စိုးရိမ်နေခဲ့ရာ ယခု မော်ရင်ညို လူစားလဲမှုများ စတင် ပြုလုပ်လာသဖြင့် တော်သေးသည်ဟု ဆိုရမည်။ </p> <p style="text-align:justify">မော်ရင်ညို၏ အခြေအနေ အကဲဖြတ်မှုမှာ အလွန် တိကျမှန်ကန်လှသည်ဟု ဆိုရပေမည်။ </p> <p style="text-align:justify">လူစားလဲမှုက မန်စီးတီး၏ စည်းချက်ကို ဖျက်ဆီးပစ်လိုက်ရုံသာမက သူတို့ အသင်းကိုလည်း တစ်ခဏမျှ အသက်ရှူချောင်သွားစေခဲ့သည်။ </p> <p style="text-align:justify">ကွင်းဘေးရှိ ဂွါဒီယိုလာက မော်ရင်ညိုကို စူးစူးရဲရဲ ကြည့်လိုက်သည်။ </p> <p style="text-align:justify">သူ၏ သူငယ်ချင်းဟောင်းနှင့် ပြိုင်ဘက်ကြီးသည် ပြီးခဲ့သည့် ရာသီက ချန်ပီယံလိဂ် ဆုဖလားကို ဆွတ်ခူးပြီးကတည်းက နည်းဗျူဟာ အဆင့်အတန်းများ ပိုမို တိုးတက်လာသည်ဟု သူ ခံစားလိုက်ရသည်။ ထို့အပြင် လွန်ခဲ့သော ဆယ်နှစ်က သူ၏ မောက်မာ ထောင်လွှားမှုများနှင့် မတူတော့ဘဲ ယခုအခါ မော်ရင်ညိုက ပို၍ တည်ငြိမ်လာခဲ့လေပြီ။ </p> <p style="text-align:justify">ဘယ်လို ပြောရမလဲ။</p> <p style="text-align:justify">ပြိုင်ဘက်များအပေါ် သူတို့၏ လေ့လာမှုနှင့် ထိန်းချုပ်နိုင်စွမ်းကို အားဖြည့်လာပြီး ကိုယ်ပိုင် အယူအဆများကိုသာ တင်းကျပ်စွာ စွဲကိုင်ထားခြင်းမျိုး မရှိတော့ချေ။ </p> <p style="text-align:justify">'အရင်ကလောက် ခေါင်းမမာတော့ဘူးပဲ...'</p> <p style="text-align:justify">အလျှော့ပေးလိုက်တာလား။ </p> <p style="text-align:justify">မဟုတ်ပါဘူး... ခေတ်နဲ့အညီ ရင်ပေါင်တန်း လိုက်လာတာလို့ ပြောရင် ပိုမှန်ပါလိမ့်မယ်။</p> <p style="text-align:justify">ဂွါဒီယိုလာလည်း ထိုနည်းတူပင်။ </p> <p style="text-align:justify">ဘောလုံးလောကသည် လျင်မြန်သော တိုးတက်မှု ခေတ်သို့ ဝင်ရောက်လာသည်နှင့်အမျှ သူတို့၏ နည်းဗျူဟာ အယူအဆများကလည်း ခရုပတ်ပုံသဏ္ဍာန် ဆက်တိုက် ဆင့်ကဲ ပြောင်းလဲနေလေသည်။ </p> <p style="text-align:justify">"ဒီနေ့ပွဲက အရမ်းကို ခက်ခဲတော့မယ့် ပုံပဲ..."</p> <p style="text-align:justify">ဂွါဒီယိုလာက တိတ်တဆိတ် သက်ပြင်းချလိုက်သည်။ </p> <p style="text-align:justify">ထို့နောက် ချက်ချင်းပင် သူ၏ လက်များကို နာရူတိုထဲမှ လက်ဟန်ပြ သင်္ကေတများအလား ရူးသွပ်စွာ ဝှေ့ယမ်းကာ မန်စီးတီး ကစားသမားများကို ဆက်လက် ညွှန်ကြားနေလေသည်။</p> <p style="text-align:justify">ပွဲချိန်က မသိလိုက်မသိဘာနှင့်ပင် မိနစ် ၇၀ သို့ ရောက်ရှိလာခဲ့လေပြီ။</p> <p style="text-align:justify">ရလဒ်ကတော့ ၂-၀ အတိုင်းပင်။ </p> <p style="text-align:justify">မက်တော်မီနေးနှင့် လုခ်ရှော ဝင်လာပြီးနောက် မန်ယူတို့က သူတို့၏ ခံစစ် စည်းချက်ကို တဖြည်းဖြည်း တည်ငြိမ်အောင် ထိန်းထားနိုင်ခဲ့ကြသည်။ </p> <p style="text-align:justify">မန်စီးတီး၏ ကစားကွက် များမှာ စတင် စိုးရိမ်ပူပန်စရာ ဖြစ်လာလေပြီ။ </p> <p style="text-align:justify">လုံခြုံတဲ့ ဘောလုံးက ခြိမ်းခြောက်မှု မရှိဘူး... ခြိမ်းခြောက်မှု ရှိတဲ့ ဘောလုံးက လုံခြုံမှု မရှိဘူး။ </p> <p style="text-align:justify">ဒီစကားက အဓိပ္ပာယ် မရှိဘူးလို့ ထင်ရပါတယ်။ </p> <p style="text-align:justify">သို့သော် ဒီဘရိုင်းက ထိုစကား၏ နောက်ကွယ်ရှိ အကြောင်းရင်းကို ကောင်းကောင်း နားလည်လေသည်။ </p> <p style="text-align:justify">သူ ဘောလုံး ပြန်လည် ရရှိချိန်တွင် ထိုးဖောက် ပေးပို့မှု တစ်ခု လုပ်ရန် ပြတ်ပြတ်သားသား ဆုံးဖြတ်လိုက်သည်။ </p> <p style="text-align:justify">မန်ယူ၏ သံမဏိ တံတိုင်းကြီးလို ခံစစ်ကို ရင်ဆိုင်ရာတွင် လုံခြုံသော ပေးပို့မှုများက သိပ်ပြီး ထိရောက်မည် မဟုတ်ချေ။ ထိုးဖောက် ပေးပို့မှုများကသာ ပိုမို ကောင်းမွန်သော အခွင့်အရေးများကို ဖန်တီးပေးနိုင်ပြီး မန်စီးတီးကို ရှုံးနိမ့်မှုမှ ကယ်တင်နိုင်မည် ဖြစ်သည်။</p> <p style="text-align:justify">ဘောလုံးက မန်ယူ၏ ပထမ ခံစစ်ကြောင်းကို ဆုတ်ဖြဲသွားသည်။ </p> <p style="text-align:justify">နောက်ဆုံး ခံစစ်ကြောင်းကို ဖြတ်ကျော်တော့မည့် ဆဲဆဲတွင် အချိန်မီ ရောက်ရှိလာသော ဒေးဗစ်လူးဝစ်၏ ကြားဖြတ် လုယူခြင်းကို ခံလိုက်ရသည်။ </p> <p style="text-align:justify">ဒီဘရိုင်း၏ ပေးပို့မည့် ရည်ရွယ်ချက်က သိသာထင်ရှားခြင်း မရှိသော်လည်း... ဆာနေး၏ ပြေးလမ်းကြောင်းကတော့ အလွန် သိသာလွန်းနေလေသည်။ </p> <p style="text-align:justify">ဒေးဗစ်လူးဝစ်က ကိုယ်ဟန်အနေအထား ယူလိုက်ပြီး သူ၏ ညာခြေခွင်ဖြင့် ဘောလုံးကို ပြင်းပြင်းထန်ထန် ကန်ထုတ်လိုက်သည်။ </p> <p style="text-align:justify">ဘောလုံးက တိုက်စစ်နယ်မြေထဲရှိ ချူဖုန်းဆီသို့ ပျံသန်းသွားလေသည်။ </p> <p style="text-align:justify">ဤတစ်ကြိမ်တွင်တော့ သူ အလွယ်တကူ ဂိုးမသွင်းနိုင်တော့ချေ။ အဘယ်ကြောင့်ဆိုသော် သူ့နောက်ရှိ ကွန်ပနီက ဖိအား အများအပြား ပေးထားပြီး ဖာနန်ဒင်ဟိုကိုပါ ခံစစ် ကူညီရန် ခေါ်ထားသောကြောင့် ဖြစ်သည်။ </p> <p style="text-align:justify">ဘောလုံးကို ကွန်ပနီက မန်ယူ ကွင်းဘက်ခြမ်းသို့ ပြန်လည် ခေါင်းတိုက် ချပေးလိုက်သည်။ </p> <p style="text-align:justify">ဒီဘရိုင်းက ဘောလုံး လက်ခံရရှိပြီးနောက် အနီးဆုံးရှိ လင်ဂတ်ကို ကျော်ဖြတ်လိုက်၏။ သူက ပြိုင်ဘက်ကို လိမ်ခေါက် မကျော်ဖြတ်တတ်ဘူးဟု လူတွေက အမြဲ ပြောလေ့ရှိကြသည်။ </p> <p style="text-align:justify">ဒါက ဘာလို့လဲဆိုတော့ သူ့ရဲ့ ဘောလုံး ထိန်းချုပ်မှု၊ ဘောလုံး ကာကွယ်မှုနဲ့ ဘောလုံး ပေးပို့မှုတွေက ကမ္ဘာ့အဆင့်မီ ဖြစ်နေလို့ပဲ။</p> <p style="text-align:justify">ထို့ကြောင့် ပြိုင်ဘက်ကို လိမ်ခေါက် ကျော်ဖြတ်စရာ မလိုသည့် အချိန်များ အများအပြား ရှိလေသည်။ ဒီဘရိုင်း၏ တစ်ကိုယ်တော် အဆက်မပြတ် စည်းချက် ပြောင်းလဲမှုများက မန်ယူ၏ ကွင်းလယ်၌ နေရာလွတ်များကို ဖန်တီးပေးလေသည်။ </p> <p style="text-align:justify">ထို့နောက် ဒီဘရိုင်းက တစ်နေရာသို့ ကြည့်ကာ ဘောလုံးကို မတင်ပေးလိုက်သည်။</p> <p style="text-align:justify">"ဘောလုံးက မော်တာ တပ်ထားသလိုပါပဲ... မယုံနိုင်စရာ ကောင်းတဲ့ သက်တံကွေး လမ်းကြောင်းလေး တစ်ခုကို ဖန်တီးပြီး မာတစ်နဲ့ ဒေးဗစ်လူးဝစ်တို့ ကြားကနေ လျှောတိုက် ထွက်သွားပါတယ်" </p> <p style="text-align:justify">"အဂူရို…"</p> <p style="text-align:justify">ကျန်းကျွင်း၏ အသံမှာ ရုတ်တရက် ရပ်တန့်သွားသည်။ </p> <p style="text-align:justify">အဘယ်ကြောင့်ဆိုသော် ဒီဘရိုင်းသည် မန်ယူ ကစားသမားများကို ရှောင်လွှဲရန်အတွက် အခက်ခဲဆုံး ပေးပို့မှု လမ်းကြောင်းကို ရွေးချယ်ခဲ့ပြီး ယင်းမှာ ဂိုးပေါက်နှင့် အလွန် နီးကပ်လွန်းနေလေသည်။ အကယ်၍ အဂူရိုကသာ ဘောလုံးကို ဦးစွာ ထိလိုက်နိုင်လျှင် ချေပဂိုး ရဖို့ အခွင့်အရေးကောင်းကြီး ဖြစ်သွားပေလိမ့်မည်။ </p> <p style="text-align:justify">သို့သော် ဒီဂီယာက ပြတ်သားစွာ လှုပ်ရှားလိုက်ပြီး သူ၏ ခန္ဓာကိုယ်ကို ပစ်ချကာ ဘောလုံးကို ရင်ခွင်ထဲသို့ တင်းကျပ်စွာ ဖမ်းယူလိုက်လေသည်။ အဂူရိုမှာ ခြေခလုတ်တိုက်မိပြီး လဲကျသွားသည်။ </p> <p style="text-align:justify">"ကောင်းတယ်ကွာ"</p> <p style="text-align:justify">ချူဖုန်းက ယနေ့ပွဲ၏ ဒုတိယမြောက် လက်မထောင် ပြသမှုကို ပြုလုပ်လိုက်သည်။ </p> <p style="text-align:justify">ဒီဂီယာ အလွန် စွမ်းဆောင်ရည် ကောင်းမွန်သည်ဟု သူ အမြဲ ထင်ခဲ့သော်လည်း နောက်ဆုံးတွင် ကစားရန် ကလပ်အသင်းပင် မရှိတော့သည့် အခြေအနေသို့ ရောက်သွားခဲ့ရသည်။ ယခုမူ သူ၏ ကြားဝင် စွက်ဖက်မှု ပါဝင်လာပြီ ဖြစ်ရာ အခြေအနေက အဲဒီလောက်ကြီး ဆိုးရွားမည် မဟုတ်တော့ပါဘူးလေ... ဟုတ်တယ် မဟုတ်လား။ </p> <p style="text-align:justify">ဒီဂီယာက သူ၏ မျက်နှာကို မြက်ခင်းပြင်ထဲ အပ်ထားရင်း ပြုံးလိုက်သည်။ </p> <p style="text-align:justify">သူက ခြောက်စက္ကန့်တိတိ မြက်ခင်းပြင်ပေါ်တွင် လှဲနေပြီးမှ ကန်ထုတ်ရန် ဖြည်းဖြည်းချင်း ထလာလေသည်။ </p> <p style="text-align:justify">အချိန်ဆွဲခြင်း။ </p> <p style="text-align:justify">မန်ယူ အတွက်တော့ လက်ရှိ အရေးအကြီးဆုံး ဦးစားပေးမှာ ဘောင်အတွင်းမှနေ၍ ပွဲကို တတ်နိုင်သမျှ အချိန်ဆွဲရန်ပင် ဖြစ်သည်။ </p> <p style="text-align:justify">အချို့က ဒါကို ကိုယ်ကျင့်တရားနဲ့ မညီဘူးလို့ ပြောကြလိမ့်မယ်။ ဒါပေမဲ့ ကိုယ်ကျင့်တရား အရမ်း ကောင်းနေတာကလည်း ဘောလုံး ကစားသမားကောင်း တစ်ယောက် ဖြစ်လာစေမှာ မဟုတ်ပါဘူးလေ။</p> <p style="text-align:justify">***</p>


Save