Book List

<h2 style="text-align: center;">အခန်း (၄၄၉)</h2> <h2 style="text-align: center;">*</h2> <p> </p> <p> </p> <p> </p> <p style="text-align:justify">အသေးအဖွဲ ပြဿနာလေး ပြီးဆုံးသွားပြီးနောက် မန်စီးတီးတို့ လူစားလဲမှုများကို ပြီးစီးအောင် လုပ်ဆောင်လိုက်ကြသည်။</p> <p style="text-align:justify">ပွဲဆက်လက် စတင်သည်။</p> <p style="text-align:justify">ပွဲမှာ အလွန် အကြိတ်အနယ် ရှိလှသော်လည်း မန်စီးတီးတို့မှာ စိတ်ဓာတ်ပိုင်းဆိုင်ရာ ပြန်လည် နာလန်မထနိုင်သေးဘဲ တစ်ကိုယ်ကောင်းဆန်ဆန် စတင် ကစားလာကြသည်။</p> <p style="text-align:justify">ကွင်းဘေးတွင်...</p> <p style="text-align:justify">မော်ရင်ညိုက သူ၏ နားထင်ကို ပွတ်သပ်ရင်း ဂွါဒီယိုလာကို သနားစရာကောင်းသော အကြည့်ဖြင့် လှမ်းကြည့်လိုက်သည်။ သူလည်း ယခင်က ဤကဲ့သို့သော အခြေအနေမျိုးများကို အကြိမ်များစွာ ကြုံတွေ့ခဲ့ဖူးလေသည်။ </p> <p style="text-align:justify">ရီးရဲလ်မက်ဒရစ် စူပါစတားများ၏ ဘောလုံး ပိုင်ဆိုင်ခွင့် အငြင်းပွားမှုများ၊ ချယ်လ်ဆီး ကစားသမားများ၏ နောက်ကျောကို ဓားနဲ့ထိုးမှုများ စသည်ဖြင့်...</p> <p style="text-align:justify">ထို့ကြောင့် ရလဒ်ကောင်းများ ရရှိရန်အတွက် တည်ငြိမ်သော အဝတ်လဲခန်း တစ်ခုက မည်မျှ အရေးကြီးကြောင်း နည်းပြအားလုံး သိထားကြသည်။ ယင်းက နည်းဗျူဟာ အဆင့်အတန်းထက်ပင် ပို၍ အရေးကြီးလှပေသည်။ </p> <p style="text-align:justify">တကယ်တမ်းတွင် မန်ယူ၏ အဝတ်လဲခန်းထဲတွင်လည်း ပြဿနာများ၏ အရိပ်အယောင်များ ရှိခဲ့ဖူးလေသည်။ </p> <p style="text-align:justify">အီဘရာဟီမိုဗစ် ပြောင်းရွှေ့သွားပြီး ချူဖုန်း ပွဲပယ်ခံထားရသည့် အချိန်ကာလအတွင်းက မန်ယူ၏ ခြေစွမ်းမှာ ဆိုးရွားခဲ့ပြီး ပြဿနာများနှင့်လည်း ရင်ဆိုင်ခဲ့ရသည်။ </p> <p style="text-align:justify">ပေါ့ဘာ၏ ကွင်းလယ်တိုက်စစ် နေရာတွင် ကစားလိုသော ဆန္ဒများ ပြန်လည် ပေါ်ထွက်လာခဲ့ပြီး ရက်ရှ်ဖို့ဒ်ကလည်း ပွဲထွက်ခွင့် နေရာတစ်ခုကို အခိုင်အမာ ရယူလိုနေခဲ့သည်။</p> <p style="text-align:justify">ထိုအချိန်က မော်ရင်ညိုမှာ ဆံပင်တွေတောင် ကျွတ်မတတ် စိုးရိမ်ပူပန်နေခဲ့ရသည်။ </p> <p style="text-align:justify">ကံကောင်းထောက်မစွာဖြင့် ချူဖုန်း အချိန်မီ ပြန်ရောက်လာပြီး သဘောထား ကွဲလွဲမှုများ အားလုံးကို ဖိနှိပ်ပစ်နိုင်ခဲ့သည်။ </p> <p style="text-align:justify">မည်သို့ပင်ဆိုစေကာမူ သူသည် ထူးခြားသော အဆင့်အတန်း တစ်ခု ရှိပြီး မည်သူကမျှ သူ့ကို မေးခွန်းမထုတ်ရဲလောက်အောင် စွမ်းဆောင်ရည်လည်း ကောင်းမွန်လွန်းလှသည် မဟုတ်ပါလော။ </p> <p style="text-align:justify">ထိုအချိန်မှစ၍ မန်ယူတို့ လမ်းကြောင်းမှန်ပေါ် ပြန်ရောက်လာခဲ့ပြီး သူတို့၏ စွမ်းရည်များကို တည်ငြိမ်စွာ တိုးတက်စေခဲ့ကာ ကလပ်ကမ္ဘာ့ဖလား၊ လိဂ်ဖလား၊ အက်ဖ်အေဖလား ကဲ့သို့သော ချန်ပီယံဆုများကို ဆွတ်ခူးနိုင်ခဲ့ခြင်း ဖြစ်သည်။ </p> <p style="text-align:justify">ရုတ်တရက်... </p> <p style="text-align:justify">မော်ရင်ညိုက မေးခွန်းတစ်ခုကို စဉ်းစားမိသွားသည်။ ငါက ချူဖုန်းအရှိန်နဲ့ အောင်မြင်နေတာလား။</p> <p style="text-align:justify">"သေချာပေါက် မဟုတ်ပါဘူး" </p> <p style="text-align:justify">သူ့ကိုယ်သူ ယုံကြည်မှု ရှိနေဆဲပင်။ </p> <p style="text-align:justify">ဂွါဒီယိုလာက မန်စီးတီး ကစားသမားများကြားရှိ အတွင်းရေး ပြဿနာများကို မြင်တွေ့ရသောအခါ အစပိုင်းက ညွှန်ကြားရေး ဧရိယာတွင် မတ်တတ်ရပ်နေရာမှ ယခုအခါ နည်းပြခုံတန်းပေါ်တွင် ပြန်လည် ထိုင်ချလိုက်လေသည်။ </p> <p style="text-align:justify">တကယ်တမ်းတွင် သူကိုယ်တိုင်လည်း အတော်လေး အကူအညီမဲ့နေလေပြီ။ ရလဒ်ကောင်းများ ဆိုသည်မှာ စိတ်ခံစားမှုများကို တည်ငြိမ်စေရန်အတွက် အကောင်းဆုံး အရာပင် ဖြစ်သည်။ </p> <p style="text-align:justify">ပြီးခဲ့သည့် ရာသီက မန်စီးတီးသည် အက်ဖ်အေဖလားဖြင့် သီသီလေး အသက်ဆက်နိုင်ခဲ့သော်လည်း ယခုအခါ သူတို့ လက်ဗလာဖြင့် ပြန်ရတော့မည့် အနေအထား ဖြစ်နေလေပြီ။ ကစားသမားများ၏ စိတ်ပိုင်းဆိုင်ရာ ဟန်ချက်မညီ ဖြစ်မသွားလျှင်သာ ပုံမှန် မဟုတ်ဟု ဆိုရပေမည်။ </p> <p style="text-align:justify">သူကိုယ်တိုင်ပင် တည်ငြိမ်မှုကို စတင် ဆုံးရှုံးလာခဲ့လေပြီ။ </p> <p style="text-align:justify">အကယ်၍ နှစ်ပေါင်းများစွာ နည်းပြခဲ့သည့် အတွေ့အကြုံများသာ မရှိခဲ့ဘဲ လုပ်ငန်းခွင်သို့ ယခုမှ ဝင်ရောက်လာသည့် နည်းပြပေါက်စ တစ်ဦးသာ တာဝန်ယူရမည် ဆိုပါက ဤရာသီကုန်တွင် သူ သေချာပေါက် အသည်းကွဲရပေလိမ့်မည်။</p> <p style="text-align:justify">"ဒီလောက် ကောင်းတဲ့ ကစားသမားက ငါ့လူ မဟုတ်ဘူးလေ..."</p> <p style="text-align:justify">ဂွါဒီယိုလာက ပိုပိုပြီး ဒေါသထွက်လာကာ ရေသန့်ဘူးကို ပေါက်ချလိုက်လေသည်။ </p> <p style="text-align:justify">အာတီတာက တိတ်ဆိတ်စွာ သက်ပြင်းချလိုက်သည်။</p> <p style="text-align:justify">သူသည် အာဆင်နယ်ကို ကိုင်တွယ်ရမည့် လာမည့်ရာသီတွင် မန်ယူကို မည်သို့ ရင်ဆိုင် ဖြေရှင်းရမည်နည်း ဆိုသည်ကို စဉ်းစားနေလေပြီ။ </p> <p style="text-align:justify">ဘတ်စ်ကား ပိတ်ရပ်မလား။ </p> <p style="text-align:justify">အာဆင်နယ် ကစားသမားတွေက ဒီလို ကစားဖို့ မွေးဖွားလာတာ မဟုတ်ဘူးလေ။</p> <p style="text-align:justify">လှပတဲ့ ဘောလုံး ကစားကွက်လား။ </p> <p style="text-align:justify">အဲဒီလိုဆိုရင် မန်ယူက သူတို့ကို လေးငါးဂိုးလောက် သွင်းသွားလိမ့်မယ်။ </p> <p style="text-align:justify">အာတီတာက နည်းပြခုံတန်းပေါ်တွင် ကွေးကွေးလေး ထိုင်ရင်း ထိုအကြောင်းကို တွေးလေ မျက်မှောင်ကြုတ်လေ ဖြစ်လာသည်။</p> <p style="text-align:justify">'ငါ တော်တော်လေး ကံဆိုးတာပဲ...'</p> <p style="text-align:justify">အာဆင်နယ်ကို စတင် တာဝန်ယူရတော့မည့် အချိန်မှာပင် အခက်ခဲဆုံး စိန်ခေါ်မှုကြီးများနှင့် သူ ရင်ဆိုင်လိုက်ရလေပြီ။</p> <p style="text-align:justify">မော်ရင်ညို၏ မန်ယူ၊ ဂွါဒီယိုလာ၏ မန်စီးတီးနှင့် ကလော့ပ်၏ လီဗာပူး အသင်းတို့ ရှိနေကြလေသည်။ </p> <p style="text-align:justify">အာဆင်နယ် အနေဖြင့် လာမည့် သုံးနှစ်အတွင်း... အို မဟုတ်ဘူး... ငါးနှစ်အတွင်း ချန်ပီယံဆု ရရန် မျှော်လင့်ချက် လုံးဝ မရှိချေ။</p> <p style="text-align:justify">ပြီးခဲ့သည့် ရာသီက မန်ယူအသင်း ပြုလုပ်ခဲ့သလိုမျိုး ကစားသမားများ၏ အစွမ်းအစ အားလုံးကို ထုတ်သုံးစေပြီး ချန်ပီယံလိဂ် ဖလားကို ရယူနိုင်မလား ဆိုတာတော့...</p> <p style="text-align:justify">အာတီတာ အနေဖြင့် အိမ်မက်ပင် မမက်ရဲချေ။ </p> <p style="text-align:justify">အာဆင်နယ် လူငယ်အကယ်ဒမီမှ "လီဖုန်း"၊ "ကျန်းဖုန်း"၊ သို့မဟုတ် "ကျောက်ဖုန်း" စသည့် ကစားသမားမျိုးကို သူ မရှာဖွေနိုင်သရွေ့ပေါ့။ </p> <p style="text-align:justify">ဟူး...</p> <p style="text-align:justify">အာတီတာက မြက်ခင်းပြင်ဆီသို့ ခါးသီးစွာ လှမ်းကြည့်လိုက်ရာ မန်စီးတီး ကစားသမားများက နိုးထလာပုံရပြီး ပွဲ၏ စည်းချက်ကို တဖြည်းဖြည်း ထိန်းချုပ်လာနေကြသည်ကို မြင်လိုက်ရသည်။ </p> <p style="text-align:justify">ယင်းကလည်း မန်ယူတို့က ဘောလုံး ပိုင်ဆိုင်ခွင့်ကို စွန့်လွှတ်လိုက်ပြီး ကွင်းလယ်နှင့် နောက်တန်းတွင်သာ ခံစစ် ကစားရန် အာရုံစိုက်လာသောကြောင့်လည်း ဖြစ်သည်။</p> <p style="text-align:justify">ပုံမှန် ပွဲချိန် ပြီးဆုံးရန် တစ်မိနစ် အလို...</p> <p style="text-align:justify">မန်စီးတီးတို့က မန်ယူ၏ ကစားကွက်ကို ရှေ့သို့ ဆွဲထုတ်ရန် ကြိုးပမ်းသည့် အနေဖြင့် သူတို့၏ ကိုယ်ပိုင် ကွင်းဘက်ခြမ်းသို့ ဘောလုံး ပြန်လည် ပေးပို့လိုက်ကြသည်။</p> <p style="text-align:justify">သို့သော် မန်ယူတို့က လုံးဝ မလှုပ်ရှားခဲ့ပေ။ </p> <p style="text-align:justify">ကွန်ပနီက ရှေ့သို့ ဘောလုံး ဆွဲတက်လာချိန်တွင် ချူဖုန်းက သူ့ကို ဖိအားပေးရန် ချက်ချင်း ခုန်အုပ်လိုက်သည်။ ဘယ်လ်ဂျီယံ ကစားသမား၏ အဝေးပေးပို့မှု စွမ်းရည်များက တော်တော်လေး ကောင်းမွန်လေသည်။ </p> <p style="text-align:justify">ထို့ကြောင့် သူ့ကို အဝေးပေးပို့မှုများ ပြုလုပ်ရန် အခွင့်အရေး မပေးခြင်းက အကောင်းဆုံးပင်။</p> <p style="text-align:justify">မည်သို့ပင်ဆိုစေကာမူ တစ်ခုခု မှားယွင်းသွားနိုင်ခြေက အမြဲတမ်း ရှိနေသည် မဟုတ်ပါလော။ </p> <p style="text-align:justify">အကယ်၍ မက်ဂွိုင်းယားက အမှားလုပ်မိပြီး ဘောလုံးကို သူ့အနောက်သို့ ကျော်သွားခွင့် ပြုလိုက်ရင် ဘယ်လိုလုပ်မလဲ။ </p> <p style="text-align:justify">သို့သော် သူ့အနောက်တွင် ရှိနေသော ပေါ့ဘာကမူ လမ်းလျှောက် ထွက်နေလေသည်။ </p> <p style="text-align:justify">ကွန်ပနီက အခွင့်အရေးကို အမိအရ ဆုပ်ကိုင်ကာ ညာဘက်ခြမ်းရှိ ဂန်ဒိုဂန်ထံသို့ မျှောထိုးပေးပို့မှု တစ်လုံး ပေးပို့လိုက်သည်။ </p> <p style="text-align:justify">"ကီဗင် (ဒီဘရိုင်း)"</p> <p style="text-align:justify">ဂန်ဒိုဂန်က မက်တော်မီနေး ဘောလုံးကို ကြားဖြတ် မလုယူနိုင်မီ ကွင်းဖြတ် ပေးပို့မှု တစ်လုံး ပြုလုပ်လိုက်သည်။ </p> <p style="text-align:justify">ဒီဘရိုင်းက ဘောလုံးကို အသေအချာ ထိန်းချုပ်လိုက်သည်။ ထို့နောက် ဂိုးဧရိယာ အတွင်းသို့ တစ်ချက် လှမ်းကြည့်ပြီး ညာခြေဖြင့် ကျွမ်းကျင်စွာ ပွတ်တင်လိုက်သည်။ </p> <p style="text-align:justify">ဝှစ်…</p> <p style="text-align:justify">ဘောလုံးက လှပသော သက်တံကွေး လမ်းကြောင်းလေး တစ်ခုကို ဖန်တီးကာ ပင်နယ်တီ ဧရိယာ၏ ဘယ်ဘက်ခြမ်းဆီသို့ လည်ထွက် ပျံသန်းသွားလေသည်။ </p> <p style="text-align:justify">ထိုနေရာတွင် ကစားသမား တစ်ဦးက ဘောလုံးကို အသင့် စောင့်ဆိုင်းနေသည်။ သူသည်ကား စတာလင်း…။</p> <p style="text-align:justify">ဂျမေကာ သွေးစစ်စစ် ပါဝင်သော အင်္ဂလိပ် ကစားသမားက ကြောက်မက်ဖွယ် ကောင်းသော အမြန်နှုန်း တစ်ခုဖြင့် ပြေးထွက်သွားပြီး တစ်ပွဲလုံး ကစားခဲ့ရသဖြင့် မောဟိုက်နေပြီ ဖြစ်သော ဝမ်-ဘစ်ဆာကာကို အဝေးကြီးတွင် ချန်ထားရစ်ခဲ့လေသည်။</p> <p style="text-align:justify">မျက်စိတစ်မှိတ်စာ အချိန်လေးသာ ကြာလိုက်သည်။ </p> <p style="text-align:justify">စတာလင်းက ပင်နယ်တီ ဧရိယာထဲသို့ ဘောလုံး ဆွဲပြေးလာပြီး ကာကွယ်ရန် ပြေးလာသော ဒေးဗစ်လူးဝစ်နှင့် ထိပ်တိုက် တွေ့ဆုံလေသည်။ </p> <p style="text-align:justify">ဘောလုံးကို မထိလိုက်ပေ။ </p> <p style="text-align:justify">သူက ခန္ဓာကိုယ် အယိမ်းအနွဲ့များအား ရိုးရိုးလေး အသုံးပြုကာ ဒေးဗစ်လူးဝစ်ကို ခြေထောက် ဆန့်ထုတ်လာအောင် လှည့်စားလိုက်ခြင်း ဖြစ်သည်။ </p> <p style="text-align:justify">စတာလင်းသည် သူ၏ ဘောလုံး လိမ်ခေါက်နိုင်စွမ်းမှာ ကန့်သတ်ချက် ရှိကြောင်းနှင့် နေရာ ကျဉ်းကျဉ်းလေး အတွင်းတွင် ဆက်တိုက် လျင်မြန်စွာ လွတ်မြောက်အောင် မလုပ်နိုင်ကြောင်း သိထားလေသည်။ </p> <p style="text-align:justify">ထို့ကြောင့် ခန္ဓာကိုယ် အယိမ်းအနွဲ့အား သုံးပြီး လှည့်စားတာက အကောင်းဆုံးပင်…။</p> <p style="text-align:justify">"အရပ်ပုတဲ့ လူတွေက ပိုမြန်တယ်" ဆိုတဲ့ စကားပုံလေး ရှိတယ်လေ။</p> <p style="text-align:justify">စတာလင်း၏ လှုပ်ရှားမှုများက ချူဖုန်းထက်ပင် ပိုမို မြန်ဆန်နေသဖြင့် ဒေးဗစ်လူးဝစ်မှာ မျက်စိလည်သွားရလေသည်။ </p> <p style="text-align:justify">ခံစစ် ကစားသမားများမှာ မသိစိတ်အရ အလိုအလျောက် ခြေထောက်ကို ဆန့်ထုတ်တတ်ကြစမြဲပင်။ </p> <p style="text-align:justify">ဒါက ရှောင်လွှဲလို့ မရပါဘူး... ဗီဇပါပဲ။</p> <p style="text-align:justify">လက်သီး တစ်လုံးက သင့်ဆီ တည့်တည့် လာနေရင် မသိစိတ်အရ အလိုအလျောက် မျက်လုံး မှိတ်လိုက်သလိုမျိုးပေါ့။ </p> <p style="text-align:justify">ဒီလို အမှားမျိုးတွေကို လေ့ကျင့်မှုကနေတစ်ဆင့် ရှောင်ရှားနိုင်ပေမဲ့... အမြဲတမ်း ပြောင်းလဲနေတဲ့ ကွင်းထဲမှာတော့ တချို့ လုပ်ရပ်တွေက သင့်ရဲ့ ထိန်းချုပ်မှု အပြင်ဘက်ကို ရောက်နေတတ်ပါတယ်။ </p> <p style="text-align:justify">ဒေးဗစ်လူးဝစ်က ထိန်းချုပ်မရနိုင်အောင်ပင် ခြေထောက်ကို ဆန့်ထုတ်လိုက်မိသည်။ </p> <p style="text-align:justify">"အား..." </p> <p style="text-align:justify">စတာလင်က ဒေးဗစ်လူးဝစ်၏ ခြေထောက်နှင့် ငြိကာ လဲကျသွားပြီး ညည်းတွားရင်း အကြိမ်အနည်းငယ် လူးလှိမ့်သွားလေသည်။ </p> <p style="text-align:justify">ထို့နောက် ချက်ချင်းပင်... </p> <p style="text-align:justify">တီ…</p> <p style="text-align:justify">စူးရှသော ခရာသံက ချက်ချင်း ထွက်ပေါ်လာပြီး ဒိုင်လူကြီးက ပင်နယ်တီ အမှတ်ဆီသို့ လက်ညှိုးထိုးပြလိုက်လေသည်။ </p> <p style="text-align:justify">***</p>


Save