Book List

<h2 style="text-align: center;">အခန်း (၄၅၀)</h2> <h2 style="text-align: center;">*</h2> <p> </p> <p> </p> <p> </p> <p style="text-align:justify">ချူဖုန်းက မျက်မှောင်ကို ပြင်းပြင်းထန်ထန် ကြုတ်လိုက်သည်။ </p> <p style="text-align:justify">သူက ဒိုင်လူကြီးနှင့် သိပ်မဝေးလှဘဲ ဆယ်မီတာခန့်သာ ကွာဝေးပြီး ပင်နယ်တီ ဧရိယာထဲသို့ မြင်ရသော အမြင်ထောင့်မှာလည်း အတူတူလောက်ပင် ဖြစ်သည်။ </p> <p style="text-align:justify">သူ မြင်လိုက်ရသည်မှာ ဒေးဗစ်လူးဝစ်နှင့် စတာလင်း ထိခိုက်မိသွားခြင်းပင်။ ဒေးဗစ်လူးဝစ်က စတာလင်းကို ထိရုံလေး ထိခဲ့သည်မှာ မှန်သော်ငြား ထိတာက ထိတာပင်…။</p> <p style="text-align:justify">မန်ယူ ကစားသမားများက ဒိုင်လူကြီးကို ဝိုင်းဝန်း ကန့်ကွက်ကြပြီး မန်စီးတီး ကစားသမားများကမူ ဒိုင်လူကြီးကို ဝိုင်းဝန်း ကာကွယ်ပေးကြလေသည်။ </p> <p style="text-align:justify">ဒါက သူတို့ အံ့ဖွယ်ဖြစ်ရပ် တစ်ခု ဖန်တီးနိုင်မယ့် နောက်ဆုံး မျှော်လင့်ချက်ပဲလေ... အကယ်၍ သူတို့ ဒီပင်နယ်တီကို ဝင်အောင် သွင်းနိုင်ရင် ချေပဂိုး တစ်ဂိုး ရသွားပြီ။ </p> <p style="text-align:justify">နာကျင်အချိန်ပိုမှာ နောက်တစ်ဂိုး ထပ်သွင်းနိုင်ရင် ပွဲကို အချိန်ပို အထိ ဆွဲခေါ်သွားနိုင်ပြီ။</p> <p style="text-align:justify">အသင်းနှစ်သင်းလုံး အစကနေ ပြန်စရတဲ့ အချိန်ကျရင် ဘယ်သူနိုင်မလဲ ဆိုတာကို ပြောဖို့ ခက်ခဲသွားပါပြီ။ </p> <p style="text-align:justify">ကွင်းထဲတွင် အကြိတ်အနယ် ငြင်းခုံမှုများ ဖြစ်ပွားနေစဉ် ပွဲကြည့်စင်ပေါ်တွင်လည်း အမြင်အမျိုးမျိုး ကွဲလွဲနေကြလေသည်။ </p> <p style="text-align:justify">"ပင်နယ်တီလား..."</p> <p style="text-align:justify">"ပင်နယ်တီပဲဟေ့"</p> <p style="text-align:justify">မန်စီးတီး အမာခံ ပရိသတ်နှင့် ဋီကာဆရာ ဖြစ်သူ ဂျော်ဒီက ရူးသွပ်စွာ အော်ဟစ်လိုက်သည်။ "ဒေးဗစ်လူးဝစ်က စတာလင်းကို ဖောင်းလုပ်ခဲ့တယ်... ဒါက ပင်နယ်တီ ဆိုတာ သံသယ ဝင်စရာ မလိုပါဘူး"</p> <p style="text-align:justify">"မန်စီးတီးကို နှစ်ပေါင်းများစွာ အားပေးလာခဲ့တဲ့ သူတစ်ယောက် အနေနဲ့... မန်စီးတီး ဥရောပရဲ့ ထိပ်တန်း နေရာမှာ ရပ်တည်နိုင်မယ်လို့ ကျွန်တော် အမြဲတမ်း ခိုင်ခိုင်မာမာ ယုံကြည်ခဲ့တယ်။ ဒါပေမဲ့ ကျွန်တော်တို့ အနာဂတ်ကို ဆက်ပြီး မျှော်လင့်မနေချင်တော့ဘူး"</p> <p style="text-align:justify">"ဒီနေ့ပဲ" </p> <p style="text-align:justify">ဂျော်ဒီက ကွင်းဘေးရှိ ချန်ပီယံလိဂ် ဆုဖလားကြီးကို လှမ်းကြည့်လိုက်ပြီး သူ၏ မျက်လုံးများတွင် စိတ်လှုပ်ရှားမှုများ အပြည့် ရှိနေသည်။ "ဒီနေ့ ငါတို့ နောက်ကလိုက် အနိုင်ယူပြပြီး အံ့ဖွယ်ဖြစ်ရပ် တစ်ခုကို ဖန်တီးပြမယ်ကွ" </p> <p style="text-align:justify">"အားတင်းထားကြ မန်စီးတီး ကောင်လေးတို့ရေ"</p> <p style="text-align:justify">ဘေးခန်းရှိ နဗီးလ်နှင့် ကာရေဂါ တို့ကလည်း ပင်နယ်တီ ကိစ္စကို ဆွေးနွေးနေကြသည်။ </p> <p style="text-align:justify">"ပင်နယ်တီတဲ့လား..."</p> <p style="text-align:justify">နဗီးလ်က ဒေါသတကြီးဖြင့် စားပွဲကို ထုကာ ပြောလိုက်သည်။ "ဒီလောက်လေး ထိတာကို ပင်နယ်တီ ပေးရသလား။ စတာလင်းက ဟန်ဆောင် လဲကျတဲ့ သမိုင်းကြောင်း ရှိပြီးသား... ဒိုင်လူကြီးက မန်စီးတီးကို ပင်နယ်တီ ပေးလောက်အောင် မျက်ကန်း ဖြစ်နေမယ့် အစား... စတာလင်းကို အဝါကတ် ပြဖို့ ကျွန်တော် တောင်းဆိုပါတယ်"</p> <p style="text-align:justify">"ကျွန်တော်တို့ ခေတ်တုန်းကသာဆိုရင် ဟန်ဆောင် လဲကျရဲတဲ့ ကောင်ဆိုရင် သူ့ကို အတင်း ဆွဲထူပြီး ဘောလုံးကို ဘယ်လို ကစားရမလဲ ဆိုတာ လက်သီးနဲ့ သေချာ သင်ပေးလိုက်ပြီ"</p> <p style="text-align:justify">"စတာလင်း အနေနဲ့ ယဉ်ကျေးတဲ့ ဘောလုံးခေတ်မှာ နေရတာကို ကျေးဇူးတင်သင့်တယ်"</p> <p style="text-align:justify">နဗီးလ်က ဒေါသ မပြေသေးပုံဖြင့် မိုက်ကရိုဖုန်းကို ဆွဲယူကာ ရူးသွပ်စွာ အော်ဟစ်နေလေသည်။ သို့သော် သူ၏ နောက်ပိုင်း စကားများကတော့ သိသိသာသာ ချဲ့ကားပြောနေခြင်း ဖြစ်ပေသည်။ </p> <p style="text-align:justify">ဟန်ဆောင် လဲကျခြင်း ဆိုသည်မှာ ပြစ်ဒဏ်ဘော ရှာရန် နည်းလမ်းတစ်ခု ဖြစ်သောကြောင့် အမြဲတမ်း တည်ရှိနေမည်သာ ဖြစ်သည်။ </p> <p style="text-align:justify">လူတွေက အမြဲတမ်း ဖြတ်လမ်းက သွားရတာကို ပိုသဘောကျကြတယ်လေ။ </p> <p style="text-align:justify">ခရစ္စတီယာနို ရော်နယ်ဒို ပင်လျှင် ဟန်ဆောင် လဲကျခြင်းကို အလွန် စွဲလမ်းခဲ့ဖူးပြီး ဖာဂူဆန်၏ ပြင်းပြင်းထန်ထန် ဆူပူကြိမ်းမောင်းမှုကို ခံရပြီးမှသာ သူ၏ စွမ်းရည်များ တိုးတက်လာစေရန် အာရုံစိုက်လာခဲ့ခြင်း ဖြစ်သည်။ </p> <p style="text-align:justify">ကာရေဂါက ဝမ်းသာအားရဖြင့် ဝင်ပြောလိုက်သည်။ "ကျွန်တော်တို့ ခေတ်တုန်းကလည်း ဒီလို အခြေအနေမျိုးက ပင်နယ်တီပဲ ပေးမှာပါ။ အဓိပ္ပာယ် မရှိတဲ့ ရုန်းကန်မှုတွေကို အရှုံးပေးလိုက်ပါတော့ဗျာ"</p> <p style="text-align:justify">"ဗီဒီယို အကူဒိုင်က ဘာလုပ်နေတာလဲ။ ဒီဆုံးဖြတ်ချက်အတွက် VAR ကြားဝင် စွက်ဖက်ပေးဖို့ ကျွန်တော် တောင်းဆိုပါတယ်" </p> <p style="text-align:justify">နဗီးလ်၏ အသံက ဒိုင်လူကြီး၏ နားထဲသို့ ရောက်သွား၍လားတော့ မသိပေ။ </p> <p style="text-align:justify">ဒိုင်လူကြီးက သူ၏ နားကြပ်ကို ဖိထားရင်း ခေါင်းဆက်တိုက် ညိတ်ပြလိုက်ပြီးနောက် VAR စစ်ဆေးမည်ဟု လက်ဟန်ပြကာ ကွင်းဘေးရှိ တီဗီ ဖန်သားပြင် အသေးလေးဆီသို့ အပြေးအလွှား သွားလိုက်လေသည်။ </p> <p style="text-align:justify">"တကယ်ကြီး ပင်နယ်တီ ဖြစ်သွားနိုင်သလား..."</p> <p style="text-align:justify">ဒေးဗစ်လူးဝစ်မှာ မျက်နှာ ဖြူရော်နေပြီး အသံများပင် တုန်ယင်နေလေသည်။ </p> <p style="text-align:justify">"ပင်နယ်တီ ဖြစ်တော့ရော ဘာဖြစ်လဲ..."</p> <p style="text-align:justify">ချူဖုန်းက အားလုံးကို နှစ်သိမ့်လိုက်သည်။ "ပင်နယ်တီ ဝင်သွားရင်တောင် ငါတို့က ၂-၁ နဲ့ ဦးဆောင်နေတုန်းပဲလေ... ပွဲပြီးရင်လည်း ငါတို့ပဲ ချန်ပီယံ ဖြစ်မှာပါ..."</p> <p style="text-align:justify">သို့သော် ဒေးဗစ်လူးဝစ်မှာ အနည်းငယ် ကြောက်လန့်နေဆဲပင်။ "သူတို့သာ ၁၉၉၉ ခုနှစ်တုန်းက မန်ယူလိုမျိုး များဆိုရင်…"</p> <p style="text-align:justify">"ဒေးဗစ်" </p> <p style="text-align:justify">ချူဖုန်း၏ လေသံက ရုတ်တရက် လေးနက်သွားသည်။ "ခင်ဗျားက အဆိုးဆုံး အခြေအနေကို တွေးနေရင် အဲဒီအတိုင်းပဲ ဖြစ်လာတတ်တယ်..." </p> <p style="text-align:justify">"ခင်ဗျား ဆက်ပြီး မတောင့်ခံနိုင်တော့ဘူးလို့ ထင်ရင် အခုချက်ချင်း ဘော့စ်ကို လူစားလဲပေးဖို့ တောင်းဆိုလို့ ရတယ်..."</p> <p style="text-align:justify">"ဒါပေမဲ့ ခင်ဗျား အဲဒီလို လုပ်ခဲ့ရင် ခင်ဗျားက သတ္တိကြောင်တဲ့ လူပဲ ဆိုတာကိုတော့ ခင်ဗျား သိထားသင့်တယ်" </p> <p style="text-align:justify">ချူဖုန်းက လုံးဝ ညှာတာမှု မရှိဘဲ ပြတ်ပြတ်သားသား ပြောလိုက်သည်။ အကယ်၍ တကယ်ပင် ပင်နယ်တီ ဖြစ်သွားခဲ့လျှင် ဒေးဗစ်လူးဝစ်၏ စကားများက အသင်း၏ စိတ်ဓာတ်ကို သေချာပေါက် ထိခိုက်စေလိမ့်မည်။ </p> <p style="text-align:justify">ပွဲ၏ နောက်ဆုံး အချိန်ပိုင်းလေးများတွင် စိတ်ဓာတ်ပိုင်းဆိုင်ရာက မည်မျှ လွှမ်းမိုးမှု ရှိသလဲ ဆိုသည်ကို သူ အလွန် ကောင်းကောင်း သိထားလေသည်။ ပြီးခဲ့သည့် ရာသီက ချန်ပီယံလိဂ် ဗိုလ်လုပွဲတွင် မန်ယူတို့သည် စိတ်ဓာတ်ကို အားကိုးကာ ရီးရဲလ်မက်ဒရစ် အသင်းကြီးကို အမြစ်ပြတ် ချေမှုန်းနိုင်ခဲ့သည် မဟုတ်ပါလား…။</p> <p style="text-align:justify">မန်စီးတီးတို့ရော အဲဒီလို လုပ်နိုင်မလား။ </p> <p style="text-align:justify">ချူဖုန်းကတော့ လုံးဝ မယုံကြည်ပေ။</p> <p style="text-align:justify">မက်ဂွိုင်းယား၏ လည်စိက လှုပ်ရှားသွားပြီး သူက အတင်း ပြုံးကာ ပြောလိုက်သည်။ "ကိစ္စ မရှိပါဘူးကွာ... အရင်တုန်းက ငါ ခဏခဏ ပင်နယ်တီ ပေးရဖူးတယ်။ ဒါပေမဲ့ အမြဲတမ်း ငါတို့ပဲ နိုင်တာပါပဲ..."</p> <p style="text-align:justify">"ဒါ့အပြင် ဒေးဗစ်ကို မင်းတို့ ယုံကြည်ရမယ်။ သူက ကာကွယ်တဲ့ နေရာမှာ တကယ် တော်တယ်"</p> <p style="text-align:justify">"ပြီးခဲ့တဲ့ ရာသီတုန်းက ရီးရဲလ်မက်ဒရစ်ရဲ့ ပင်နယ်တီကို သူ ကယ်တင်နိုင်ခဲ့လို့သာ မန်ယူ ချန်ပီယံဆု ရခဲ့တာလေ... ပွဲကို အချိန်ပိုအထိ ဆွဲခေါ်သွားရရင်တောင်မှ…"</p> <p style="text-align:justify">မက်ဂွိုင်းယား စကားမဆုံးခင်မှာပင် ဒီဂီယာက ရက်စက်စွာ ဖြတ်ပြောလိုက်သည်။ "ပွဲက မကြာခင် ပြီးတော့မှာပဲ... အများကြီး တွေးမနေနဲ့... ကိုယ့်အလုပ် ကိုယ်လုပ်ကြ"</p> <p style="text-align:justify">"ဟုတ်တယ်... ကိုယ့်အလုပ် ကိုယ်လုပ်ကြ..." ချူဖုန်းက ခေါင်းညိတ်လိုက်သည်။ </p> <p style="text-align:justify">ဒိုင်လူကြီးက တီဗီ ဖန်သားပြင် အသေးလေးကို ကြည့်ရှုပြီးနောက်...</p> <p style="text-align:justify">မရေမတွက်နိုင်သော လူများ၏ စိုးရိမ်တကြီး စောင့်ကြည့်နေသော အကြည့်များ ကြားတွင် သူက ပင်နယ်တီ အမှတ်ဆီသို့ နောက်တစ်ကြိမ် လက်ညှိုး ထိုးပြလိုက်လေသည်။ </p> <p style="text-align:justify">ဝိုး...</p> <p style="text-align:justify">ကွင်းထဲရှိ မန်စီးတီး ပရိသတ်များမှာ ရူးသွပ်စွာ အောင်ပွဲခံ အော်ဟစ်လိုက်ကြပြီး အချို့က အပြာရောင် မီးရှူးမီးပန်းများကိုပင် ဖောက်လိုက်ကြသည်။ </p> <p style="text-align:justify">ဒီလိုအချိန်မျိုးမှာ ပင်နယ်တီ ရတာက အံ့ဖွယ်ဖြစ်ရပ် တစ်ခုရဲ့ အစပျိုးမှု မကြာခဏ ဖြစ်လေ့ရှိပါတယ်။ သူတို့ကတော့ အံ့ဖွယ်ဖြစ်ရပ် တစ်ခုကို မျက်မြင်ကိုယ်တွေ့ ကြုံရတော့မယ်လို့ ခိုင်ခိုင်မာမာ ယုံကြည်နေကြပါတယ်။</p> <p style="text-align:justify">စတာလင်းက ဘောလုံးကို အဂူရိုထံ ကမ်းပေးလိုက်သည်။ "ဆာဂျီယို... ငါတို့ရဲ့ မျှော်လင့်ချက်တွေ အားလုံး မင်းအပေါ်မှာပဲ မူတည်နေပြီ။ မင်း သွင်းကို သွင်းရမယ်"</p> <p style="text-align:justify">အဂူရိုက အသက်ပြင်းပြင်း တစ်ချက် ရှူလိုက်ပြီး ဘာမှ ပြန်မပြောခဲ့ချေ။</p> <p style="text-align:justify">အသင်းတစ်သင်းလုံး၏ ကံကြမ္မာကို ဆုံးဖြတ်ပေးမည့် ပင်နယ်တီ ကန်ချက်။ </p> <p style="text-align:justify">သူ့အပေါ် ကျရောက်နေသော ဖိအားများက မုန်တိုင်းကြီး တစ်ခုအလား လွှမ်းမိုးလာပြီး သူ့ကို အသက်ရှူကျပ်မတတ် ဖြစ်စေသည်ဟု သူ ခံစားလိုက်ရသည်။ </p> <p style="text-align:justify">သို့သော် အာဂျင်တီးနား ကစားသမားများ ဆိုသည်မှာ အမြဲတမ်း ပွဲကြီးပွဲကောင်းများတွင် ခြေစွမ်းပြနိုင်သူများ ဖြစ်ကြသည်။ </p> <p style="text-align:justify">သူက ဘောလုံးကို ပင်နယ်တီ အမှတ်ပေါ်တွင် ချလိုက်ပြီး နောက်သို့ ခြေငါးလှမ်း ဖြည်းဖြည်းချင်း ဆုတ်လိုက်သည်။ </p> <p style="text-align:justify">ဒီဂီယာက အဂူရို၏ ခန္ဓာကိုယ် ဗဟိုချက်ကို မျက်ခြည်မပြတ် စောင့်ကြည့်နေပြီး ဂိုးစည်း တစ်လျှောက် ညင်သာစွာ ခုန်ပေါက်နေကာ အချိန်မရွေး ဘေးတစ်ဖက်ဖက်သို့ ဒိုင်ဗင်ထိုး ကာကွယ်ရန် အသင့်ပြင်ထားလိုက်သည်။</p> <p style="text-align:justify">အလယ်ကို ပြန်ပြီး ရွေးချယ်ဖို့ကရော။ </p> <p style="text-align:justify">သူ့မှာ အဲဒီလောက် ရဲတင်းတဲ့ သတ္တိ မရှိပါဘူး။ </p> <p style="text-align:justify">တီ… တီ…</p> <p style="text-align:justify">စူးရှသော ခရာသံက အားလုံး၏ အာရုံကြောများကို တုန်လှုပ်သွားစေသည်။ သူတို့က အဂူရို၏ ပြေးလမ်းကြောင်း၊ လက်လွှဲမှု၊ ခြေထောက် ကန်ထုတ်မှုနှင့် ဂိုးအလယ်ဗဟိုဆီသို့ ပျံသန်းလာသော ဘောလုံးတို့ကို စူးစူးရဲရဲ ကြည့်နေကြလေသည်</p> <p style="text-align:justify">၂ : ၁</p> <p style="text-align:justify">ကမ္ဘာတစ်ဝှမ်းရှိ မန်စီးတီး ပရိသတ်များမှာ အလွန်အမင်း စိတ်လှုပ်ရှားလွန်းသဖြင့် စကားပင် မပြောနိုင်တော့ချေ။ အဂူရိုက ဂိုးပေါက်ထဲသို့ အမြန် ပြေးဝင်သွားပြီး ဘောလုံးကို ကောက်ယူကာ ကွင်းလယ်စက်ဝိုင်းဆီသို့ အပြေးအလွှား သွားလိုက်သည်။ </p> <p style="text-align:justify">"ငါတို့ သရေကျအောင် လုပ်နိုင်တယ် ငါတို့ သရေကျအောင် လုပ်နိုင်တယ်ဟေ့" </p> <p style="text-align:justify">အဂူရိုက သူ၏ အသင်းဖော်များကို ဒေါသတကြီး ဟိန်းဟောက်လိုက်သည်။ </p> <p style="text-align:justify">ဤအခိုက်အတန့်တွင် သူသည် "၉၂ မိနစ် ၃၀ စက္ကန့်" အံ့ဖွယ်ဖြစ်ရပ်၏ အရသာကို ခံစားလိုက်ရပြီး မန်စီးတီးတို့ နောက်ထပ် အံ့ဖွယ်ဖြစ်ရပ် တစ်ခုကို ထပ်မံ ဖန်တီးနိုင်လိမ့်မည်ဟု သူ ခံစားနေရသည်။ </p> <p style="text-align:justify">ဒီဂီယာက သူ့ကိုယ်သူ အပြစ်တင်သည့် စကားတစ်ခွန်း ပြောရန် ပြင်လိုက်စဉ် ချူဖုန်းက ဖြတ်ပြောလိုက်သည်။ "အားလုံး မျက်နှာသေတွေနဲ့ မနေကြစမ်းပါနဲ့... ငါတို့ ပွဲရှုံးသွားလို့လား..."</p> <p style="text-align:justify">"မနှစ်က အခက်ခဲဆုံး ရာသီတုန်းကတောင် ငါတို့ ဒီလိုမျိုး မခံစားခဲ့ရဘူးလေ။ အခု ငါတို့က ဦးဆောင်နေတာကို ဘာလို့ စိတ်ဓာတ်ကျနေကြတာလဲ..."</p> <p style="text-align:justify">"မန်ယူ ဂျာစီကို ဝတ်ဆင်ထားပြီ ဆိုကတည်းက အရာရာကို ရင်ဆိုင်ဖို့ အသင့်ပြင်ထားရမယ်။ ဘောလုံးကွင်းထဲမှာ ဘာမဆို ဖြစ်သွားနိုင်တယ်။ ဒါပေမဲ့ အဲဒါက သေချာပေါက် ဖြစ်လာမယ်လို့ ဆိုလိုတာ မဟုတ်ဘူး"</p> <p style="text-align:justify">"အရင်တုန်းကလိုပဲ... မန်စီးတီးရဲ့ မျှော်လင့်ချက်တွေကို ရိုက်ချိုးပစ်လိုက်ကြစို့" </p> <p style="text-align:justify">ချူဖုန်း၏ အသံက မန်ယူ ကစားသမားတိုင်း၏ နားထဲသို့ ရောက်ရှိသွားလေသည်။ </p> <p style="text-align:justify">"ချကြဟေ့"</p> <p style="text-align:justify">မန်ယူ ကစားသမားများက အသက်ပြင်းပြင်း တစ်ချက် ရှူလိုက်ပြီး "ချကြဟေ့" ဟု အသံကုန် ဟိန်းဟောက်လိုက်ကြသည်။ </p> <p style="text-align:justify">ယခင်က VAR ကြားဝင် စွက်ဖက်မှုကြောင့် အချိန်အနည်းငယ် ကုန်ဆုံးသွားခဲ့သည်။ </p> <p style="text-align:justify">ပွဲက နာကျင်အချိန်ပိုသို့ ရောက်ရှိလာခဲ့ပြီ။ နာကျင်အချိန်ပို… ၆ မိနစ်။ </p> <p style="text-align:justify">***</p>


Save