Book List

<h2 style="text-align: center;">ရော်နယ်ဒိုလက်သစ် ကျွန်တော်<br /> အခန်း (၄၅၁)</h2> <h2 style="text-align: center;">*</h2> <p style="text-align:justify"> </p> <p style="text-align:justify"> </p> <p style="text-align:justify"> </p> <p style="text-align:justify">ဒိုင်လူကြီးက နာကျင်အချိန်ပို ခြောက်မိနစ် ပေးလိုက်ရာ ပွဲကို အစောတလျင် ပြီးဆုံးစေချင်နေသော မန်ယူ ပရိသတ်များမှာ အလွန် ဒေါသထွက်သွားကြသည်။ မန်စီးတီး ပရိသတ်များကမူ အလံများကို ဝှေ့ယမ်းကာ ကြွေးကြော်သံများ အော်ဟစ်လာကြသည်။</p> <p style="text-align:justify">ထို့နောက် မန်စီးတီး၏ တိုက်စစ်များသည် လှိုင်းလုံးများအလား တဟုန်ထိုး တက်လာတော့၏။</p> <p style="text-align:justify">ထိရောက်မှု မရှိသော ဘောလုံးပေးပို့မှုနှင့် ထိန်းချုပ်မှုများ လျော့ကျသွားပြီး အန္တရာယ်များသော ထိုးဖောက်ပေးပို့မှုများ ပိုများလာသည်။ မန်စီးတီးတို့ ဂိုးသွင်းပြီးနောက် ရူးသွပ်သွားကြပြီး အစွမ်းကုန် တိုက်စစ်ဆင်လာကြလေသည်။ </p> <p style="text-align:justify">သူတို့ ဘောလုံးကို ကိုင်မထားတော့ဘဲ မန်ယူ ဂိုးပေါက်ဆီသို့ အကြောက်အလန့်ကင်းစွာဖြင့် တိုက်ခိုက်လာကြသည်။ အဘယ်ကြောင့်ဆိုသော် သူတို့သည် အချိန်ပိုအထိ ရောက်ရှိရန် အံကြိတ်ကာ တိုက်ပွဲဝင်လိုသောကြောင့် ဖြစ်သည်။ </p> <p style="text-align:justify">မန်ယူ အနေဖြင့်မူ ပြီးခဲ့သည့်ရာသီက သူတို့ကိုယ်သူတို့ ပြန်မြင်နေရသကဲ့သို့ပင်။ </p> <p style="text-align:justify">မန်စီးတီး၏ ဘောလုံးပေးပို့မှုနှင့် ပိုင်ဆိုင်မှု ကစားကွက်က ထက်မြက်သော ပိုက်ကွန်ကြီး တစ်ခုကို ရက်လုပ်လိုက်ရာ မန်ယူ ပရိသတ်များ၏ နှလုံးသားများမှာ ပြင်းထန်စွာ တုန်လှုပ်သွားကြရသည်။ </p> <p style="text-align:justify">ဘာလို့ သူတို့ ဒီလောက် ဆိုးရွားတဲ့ ခံစားချက်ကြီးကို ခံစားနေရတာလဲ။ </p> <p style="text-align:justify">ကွင်းဘေးတွင်...</p> <p style="text-align:justify">ဂွါဒီယိုလာက ချက်ချင်း ပြန်လည် နိုးထလာပြီး သူ၏ စိတ်အားထက်သန်မှုများ ပြန်လည် ရောက်ရှိလာကာ ရူးသွပ်စွာ လက်ဟန်ခြေဟန်များဖြင့် ညွှန်ကြားနေလေသည်။ </p> <p style="text-align:justify">"ဘယ်ဘက်မှာ ဟာကွက်ကြီး ပေါ်နေတာကို... ဘာလို့ ဘောလုံး မပေးလိုက်တာလဲ"</p> <p style="text-align:justify">"ရာဟင် လှပတဲ့ ပြေးထွက်မှု တစ်ခု လုပ်သွားတယ်လေ"</p> <p style="text-align:justify">"ဘောလုံး ပေးပို့တဲ့ အမြန်နှုန်းက မလုံလောက်သေးဘူး... ဧရိယာ တစ်ခုတည်းမှာပဲ ကန့်သတ်မထားနဲ့... အမြင်ကို ကျယ်ကျယ်ထားပြီး ပွဲတစ်ပွဲလုံးကို ခြုံငုံကြည့်"</p> <p style="text-align:justify">"ဟုတ်တယ်... ဟုတ်တယ်... ဟုတ်တယ်။ တိုက်စစ်နယ်မြေကို အရင် ရယူပြီး မန်ယူရဲ့ ကစားကွက် ပြောင်းလွယ်ပြင်လွယ် ရှိမှုကို ဖျက်ဆီးပစ်လိုက်"</p> <p style="text-align:justify">"..."</p> <p style="text-align:justify">ဂွါဒီယိုလာက ရူးသွားသကဲ့သို့ အဆက်မပြတ် သူ့ဘာသာသူ ရေရွတ်နေလေသည်။ </p> <p style="text-align:justify">ယှဉ်ကြည့်မည် ဆိုလျှင်...</p> <p style="text-align:justify">မော်ရင်ညိုက အများကြီး ပိုပြီး တည်ငြိမ်နေလေသည်။ သူက လက်ကို ပိုက်ကာ ရပ်နေပြီး စိမ်းလန်းသော မြက်ခင်းပြင်ကြီးကို အေးစက်စက် အကြည့်ဖြင့် စောင့်ကြည့်နေသည်။ </p> <p style="text-align:justify">ဒီရာသီ နှစ်ခုအတွင်းမှာ သူ တစ်ခုခုကို သင်ယူခဲ့ရတယ်။ </p> <p style="text-align:justify">ယုံကြည်မှု။ </p> <p style="text-align:justify">မန်ယူ ကစားသမားတွေ လုပ်နိုင်မယ် ဆိုတာကို သူ ယုံကြည်တယ်။ </p> <p style="text-align:justify">နာကျင်အချိန်ပို ၃ မိနစ်...</p> <p style="text-align:justify">ဒီဘရိုင်းက နောက်ထပ် ထောင့်ဖြတ်ပေးပို့မှု တစ်ခု လုပ်လိုက်ပြီး ဘောလုံးက ဟာရဲရားကို ကျော်ကာ စတာလင်းထံ ရောက်သွားသည်။</p> <p style="text-align:justify">ဝမ်-ဘစ်ဆာကာ အရမ်း အရမ်းကို ပင်ပန်းနေလေပြီ။ </p> <p style="text-align:justify">သူ၏ ခြေထောက်များက ခဲတုံးများ ဖြစ်နေသကဲ့သို့ လေးလံနေသည်ဟု သူ ခံစားနေရသည်။ ဆာနေးကို တားဆီးဖို့ ကြိုးစားရင်း သူ၏ ခွန်အား အများစုကို အသုံးပြုခဲ့ရသည်။ ယခု စတာလင်း၏ ပေါက်ကွဲအားကို ရင်ဆိုင်ရသောအခါ သူတို့ အနည်းငယ် အကူအညီမဲ့နေကြရသည်။ </p> <p style="text-align:justify">စတာလင်းက ရှောင်ထွက်လိုက်သည်... ရုတ်တရက် ရပ်တန့်လိုက်သည်... ထို့နောက် ဘောလုံးကို ပြန်ဆွဲယူသွားသည်။ </p> <p style="text-align:justify">မန်စီးတီး၏ ပုံမှန် နည်းဗျူဟာမှာ ပြိုင်ဘက်၏ အာရုံစိုက်မှုကို သူတို့၏ အားကောင်းသော တိုက်စစ်ဘက်ခြမ်းသို့ ဆွဲဆောင်ပြီးနောက် အခြားတစ်ဖက်သို့ အာရုံ ပြောင်းလဲသွားစေခြင်း ဖြစ်သည်။ ထို့ကြောင့် စတာလင်းက သူ့နောက်သို့ လိုက်ပါလာသော ဒီဘရိုင်းထံ ပေးလိုက်၏။</p> <p style="text-align:justify">ဒီဘရိုင်းက ညာတောင်ပံဆီသို့ ဘောလုံးကို ခုတ်တင်ပေးလိုက်သည်။ ဘောလုံးက ဘာနာဒို ဆေးလ်ဗားထံသို့ တိုက်ရိုက် ဦးတည်သွားသည်။ </p> <p style="text-align:justify">တစ်ချိန်တည်းမှာပင်... </p> <p style="text-align:justify">မန်စီးတီး၏ တိုက်စစ် ကစားသမားများက စတင် ပြေးထွက်လာကြသည်။ </p> <p style="text-align:justify">အဂူရိုက ပင်နယ်တီ ဧရိယာ၏ ညာဘက်ခြမ်းသို့ ထောင့်ဖြတ် ပြေးဝင်လာပြီး စတာလင်းက ဘယ်ဘက် အစွန်ဆုံးသို့ ပတ်၍ ပြေးသွားလေသည်။ </p> <p style="text-align:justify">မန်ယူ ပရိသတ်များကို ပို၍ ကြောက်လန့်သွားစေသည်မှာ အနောက်မှ မရပ်မနား ပြေးတက်လာကြသော ဂန်ဒိုဂန်၊ ဖာနန်ဒင်ဟိုနှင့် စတုန်းစ်တို့၏ ပေါင်းစပ်မှုပင် ဖြစ်သည်။ </p> <p style="text-align:justify">သူတို့နှစ်ဦးစလုံးက အထင်ကြီးလောက်စရာ အဝေးကန်ချက် စွမ်းရည်များကို ပိုင်ဆိုင်ထားကြသည်။ </p> <p style="text-align:justify">ဘာနာဒို ဆေးလ်ဗားက သူတို့ အသင်းက ခေါင်းတိုက်ဘောများတွင် အားနည်းနေသည်ကို သိထားသဖြင့် စည်းချက်ကို ပြောင်းလဲရန် ရွေးချယ်လိုက်ပြီး ဘောလုံးကို ပင်နယ်တီ ဧရိယာ အစွန်းဆီသို့ တြိဂံပုံစံ နောက်ပြန် ပေးပို့လိုက်သည်။ </p> <p style="text-align:justify">ဂန်ဒိုဂန်၏ ဟန်ပြလှုပ်ရှားမှုက မာတစ်ကို ဆွဲခေါ်သွားခဲ့သည်။ </p> <p style="text-align:justify">ထိုစဉ် ဖာနန်ဒင်ဟိုက ဘောလုံးဆီသို့ အရှိန်အဟုန်ဖြင့် ပြေးလာနေသည်။ </p> <p style="text-align:justify">သူက ချောမွေ့လှပသော ကန်သွင်းမည့် ကိုယ်ဟန်အနေအထားကို ယူလိုက်သည်။ သို့သော် ဘောလုံးက သူ မျှော်လင့်ထားသလို ဂိုးပေါက်ဆီသို့ ပျံသန်းမသွားခဲ့ချေ။ ယင်းအစား သူက ပြင်းပြင်းထန်ထန် ဝင်တိုက်ခံလိုက်ရပြီး မြေပြင်ပေါ်သို့ လဲကျသွားလေသည်။ </p> <p style="text-align:justify">"စကော့..."</p> <p style="text-align:justify">"သူက အရေးပါတဲ့ ခံစစ် ကစားကွက် တစ်ခုကို ဖန်တီးပြသွားတာပါ။ ဖာနန်ဒင်ဟိုရဲ့ အဝေးကန်ချက်ကို တားဆီးနိုင်ခဲ့ပါတယ်" </p> <p style="text-align:justify">"ဒီဘောလုံး ဝင်သွားမလား ၊ မဝင်ဘူးလား ဆိုတာကိုတော့ ကျွန်တော် မသိဘူး"</p> <p style="text-align:justify">"ဒါပေမဲ့ ဂိုးပေါက်နဲ့ အဝေးဆုံးမှာ ထားနိုင်တာက အကောင်းဆုံး ရွေးချယ်မှုပဲ" </p> <p style="text-align:justify">နဗီးလ်မှာ ရူးသွပ်နေသကဲ့သို့ပင်။ </p> <p style="text-align:justify">တီ…</p> <p style="text-align:justify">ဒိုင်လူကြီးက ခရာမှုတ်လိုက်ပြီး အဝါကတ် ပြသလိုက်သည်။ </p> <p style="text-align:justify">မက်တော်မီနေးက ဂရုမစိုက်ပေ။ </p> <p style="text-align:justify">အကယ်၍ ဖာနန်ဒင်ဟို၏ ပြေးထွက်မှုကိုသာ ကြိုတင် ခန့်မှန်းနိုင်ခဲ့မည် ဆိုပါက အရေးပါသော ကြားဖြတ် လုယူမှုကို အလွယ်တကူ လုပ်ဆောင်နိုင်မည် ဖြစ်ပြီး တန်ပြန်တိုက်စစ် တစ်ခုကိုလည်း စတင်နိုင်ပေလိမ့်မည်။ သို့သော် သူ၏ ဘောလုံးဉာဏ်ရည်က အကန့်အသတ် ရှိပေသည်။ </p> <p style="text-align:justify">ထို့ကြောင့် သူ့အနေဖြင့် ဖောင်းဘော လုပ်ရန်သာ တတ်နိုင်လေသည်။</p> <p style="text-align:justify">မက်တော်မီနေးကက ချူဖုန်းကို မျက်စိတစ်ဖက် မှိတ်ပြလိုက်သည်။ "ဘော့စ်က ငါ့ကို ခွေးရူး တစ်ကောင်လို့ ပြောတယ်။ အစတုန်းကတော့ ငါ နည်းနည်း စိတ်ဆိုးသွားသေးတယ်။ ဒါပေမဲ့ အခုတော့ ခွေးရူး တစ်ကောင် ဖြစ်ရတာ သိပ်မဆိုးပါဘူးလို့ ထင်လာတယ်..."</p> <p style="text-align:justify">"ငါတို့ အားလုံးကလည်း ခွေးရူးတွေပဲကွ”</p> <p style="text-align:justify">ချူဖုန်းက ကျယ်လောင်စွာ အော်ဟစ်ရင် မက်တော်မီနေးကို ခပ်ပြင်းပြင်း ထိုးလိုက်သည်။ </p> <p style="text-align:justify">အရေးပါသော ကြားဖြတ် ဖျက်ထုတ်မှုက မန်ယူ၏ စိတ်ဓာတ်များကို ပြန်လည် နိုးကြားလာစေခဲ့ပြီး ဒီဂီယာ၏ ညွှန်ကြားမှုအောက်တွင် သူတို့က လူတံတိုင်း တစ်ခုကို တည်ဆောက်လိုက်ကြသည်။ </p> <p style="text-align:justify">ဒီဘရိုင်းက ရှေ့သို့ လှမ်းကြည့်လိုက်သည်။ ဂိုးပေါက်နှင့် အကွာအဝေးက အလွန် နီးကပ်လွန်းနေသဖြင့် အင်အား ပမာဏကို ထိန်းချုပ်ရန် ခက်ခဲနေလေသည်။ </p> <p style="text-align:justify">ထောင့်ကို အရမ်း အာရုံစိုက်နေရင် ကန်ချက် လွဲချော်သွားဖို့ လွယ်ကူတယ်။</p> <p style="text-align:justify">ထောင့်ကောင်းကောင်း မချိန်ဘူး ဆိုရင်လည်း လူတံတိုင်းနဲ့ သွားတိုက်မိမှာပဲ။ </p> <p style="text-align:justify">ဒီဘရိုင်း အနေဖြင့် သူ၏ ခြေစွမ်းက အံ့ဩစရာ တစ်ခုခု ယူဆောင်လာပေးနိုင်ဖို့ကိုသာ မျှော်လင့်နိုင်တော့သည်။ </p> <p style="text-align:justify">တီ… တီ…</p> <p style="text-align:justify">ဒိုင်လူကြီး ခရာမှုတ်ပြီးနောက် ဒီဘရိုင်းက အရှိန်ယူကာ ကန်သွင်းလိုက်လေသည်။ ဘောလုံးက မက်တော်မီနေး၏ ဆံပင်များကို ပွတ်တိုက်သွားပြီး ဂိုး၏ ညာဘက်ခြမ်းဆီသို့ တိုက်ရိုက် ဦးတည်သွားလေသည်။ </p> <p style="text-align:justify">"ဒီဂီယာ"</p> <p style="text-align:justify">"လှလိုက်တာဗျာ... အားသိပ်မပါတဲ့ အဲဒီကန်ချက်က သူ့အတွက် ခြိမ်းခြောက်မှု မဖြစ်စေနိုင်ပါဘူး"</p> <p style="text-align:justify">နဗီးလ်၏ နှလုံးခုန်နှုန်းများ ရုတ်တရက် ထိုးတက်သွားလေသည်။ </p> <p style="text-align:justify">မော်ရင်ညို သက်ပြင်းတစ်ချက် ချလိုက်သည်။ </p> <p style="text-align:justify">ဂွါဒီယိုလာက သူ၏ ပြောင်နေသော ခေါင်းကို ကိုင်လိုက်မိသည်။ </p> <p style="text-align:justify">ဒီဂီယာက မြက်ခင်းပြင်ပေါ်တွင် တတ်နိုင်သမျှ ကြာကြာ လဲနေဖို့ ကြိုးစားနေဆဲပင်။ သို့သော် သူက ဤတစ်ကြိမ်တွင် အချိန်ကို သေချာ မထိန်းချုပ်နိုင်ခဲ့သဖြင့် အချိန်ဆွဲမှုကြောင့် ဒိုင်လူကြီးထံမှ အဝါကတ် တစ်ကတ် ပြသခြင်းကို ခံလိုက်ရသည်။ </p> <p style="text-align:justify">ထို့နောက် ဘောလုံးကို တိုက်စစ်နယ်မြေဆီသို့ အဝေး ကန်တင်လိုက်သည်။  ချူဖုန်းက ဘောလုံးကို ခေါင်းတိုက် ပြန်ချပေးခဲ့သော်လည်း မည်သူကမျှ သူ့ကို ကူညီရန် ရောက်မလာခဲ့ချေ။</p> <p style="text-align:justify">အကြောင်းမှာ သူ၏ အသင်းဖော်များ အားလုံးက နောက်တန်းတွင် ခံစစ် ကစားနေကြသည် မဟုတ်ပါလား။ </p> <p style="text-align:justify">မန်စီးတီးတို့ ဘောလုံး ပြန်လည် ရရှိသွားပြီး မရပ်မနား တိုက်စစ် ဆင်လာကြသည်။ </p> <p style="text-align:justify">"မန်စီးတီး အတွက် အချိန် ကုန်ခါနီးပြီ"</p> <p style="text-align:justify">"မန်ယူ... တောင့်ခံထား"</p> <p style="text-align:justify">"မန်ယူ... တောင့်ခံထားဟေ့" </p> <p style="text-align:justify">နဗီးလ်က ဟိန်းဟောက် အော်ဟစ်လိုက်သည်။ </p> <p style="text-align:justify">သို့သော် "သံပူတုန်း ထုရမယ်... ဒါပေမဲ့ ဒုတိယအကြိမ်မှာ အရှိန်လျော့သွားပြီး တတိယအကြိမ်မှာတော့ လုံးဝ ကုန်ခမ်းသွားလိမ့်မယ်" ဆိုတဲ့ စကားပုံလေး ရှိတယ်လေ။ </p> <p style="text-align:justify">မန်စီးတီး၏ ပြင်းထန်သော တိုက်စစ်များက အချိန်ကြာလေလေ သူတို့၏ တိုက်ပွဲဝင်လိုစိတ်ကို ပိုမို လျော့နည်းစေလေလေပင်…။</p> <p style="text-align:justify"> </p>


Save