Book List

<h2 style="text-align: center;">အခန်း (၄၅၂)</h2> <h2 style="text-align: center;">*</h2> <p> </p> <p> </p> <p> </p> <p style="text-align:justify">နာကျင်အချိန်ပို နောက်ဆုံး တစ်မိနစ်သာ ကျန်ရှိတော့ချိန်တွင်...</p> <p style="text-align:justify">မော်ရင်ညို လုံးဝ ထိုင်မနေနိုင်တော့ချေ။ သူက စတုတ္ထ ဒိုင်လူကြီးထံသို့ ပြေးသွားပြီး ဘာစကားမှ မပြောဘဲ သူ၏ နာရီကိုသာ လက်ညှိုး ထိုးပြလိုက်သည်။ </p> <p style="text-align:justify">ဆိုလိုရင်းက ရှင်းနေပါတယ်။ </p> <p style="text-align:justify">နာကျင်အချိန်ပို ပြီးသွားပြီလေ... ဘာလို့ ပွဲမသိမ်းသေးတာလဲ။ </p> <p style="text-align:justify">ဂွါဒီယိုလာက တစ်ဖက်တွင် ရပ်နေသည်။ </p> <p style="text-align:justify">"ခုနက လက်ပစ်ဘော နှစ်ခါ ပစ်တုန်းက အချိန်တွေ၊ မန်ယူ ဂိုးသမား အချိန်ဆွဲတာတွေနဲ့ အသေဘော ကန်တုန်းက လူတံတိုင်း ကာတဲ့ အချိန်တွေကို ကျွန်တော်တို့ အစားထိုး ပြန်ပေးရမယ်"</p> <p style="text-align:justify">"ကျွန်တော် အကြမ်းဖျင်း တွက်ကြည့်လိုက်တာ ၂ မိနစ်နဲ့ ၁၃ စက္ကန့် ပိုကြာလိမ့်မယ်"</p> <p style="text-align:justify">ဂွါဒီယိုလာက တိကျသော ကိန်းဂဏန်း အချက်အလက်များကို ပေးလိုက်သည်။ </p> <p style="text-align:justify">စတုတ္ထ ဒိုင်လူကြီး: "..."</p> <p style="text-align:justify">ကမ္ဘာ့အဆင့်မီ နည်းပြကြီး နှစ်ယောက်... ခင်ဗျားတို့မှာ ဒိုင်လူကြီးကို အခက်တွေ့အောင် လုပ်နိုင်စွမ်း ရှိတယ်ဆိုရင်... ကျွန်တော့်ကို လာပြီး အခက်တွေ့အောင် လုပ်နေတာက ဘာအဓိပ္ပာယ် ရှိလို့လဲဗျာ။ </p> <p style="text-align:justify">ခရာမှုတ်တဲ့သူက ကျွန်တော်မှ မဟုတ်တာ။</p> <p style="text-align:justify">ကွင်းထဲရှိ ပရိသတ်များမှာ နာရီလက်တံ တောက်တောက် မြည်သံများကို ကြားနေရသကဲ့သို့ပင်။</p> <p style="text-align:justify">လေထုက တဖြည်းဖြည်း လေးလံလာသည်။ </p> <p style="text-align:justify">နောက်ဆုံး အခိုက်အတန့်များတွင် ဘာဆက်ဖြစ်မည် ဆိုသည်ကို မည်သူကမျှ မသိနိုင်ကြချေ။ </p> <p style="text-align:justify">"စတုန်းစ်က ဘေးစည်း တစ်လျှောက် မျှောထိုး ပေးပို့မှု တစ်ခု လုပ်လိုက်ပါတယ်"</p> <p style="text-align:justify">"အင်အား ပမာဏက ကွက်တိပါပဲ"</p> <p style="text-align:justify">"ဘာနာဒို…"</p> <p style="text-align:justify">ဘာနာဒို ဆေးလ်ဗားက သူ့ရှေ့ရှိ ဘောလုံးကို ကျွမ်းကျင်စွာ ထိန်းချုပ်လိုက်ပြီး ချက်ချင်းပင် အမြန် စည်းချက် ပြောင်းလဲမှု တစ်ခုကို အသုံးပြုကာ လုခ်ရှောကို အပြင်ဘက်မှ ကျော်ဖြတ်ရန် အခွင့်အရေး ရှာလိုက်သည်။ </p> <p style="text-align:justify">လုခ်ရှောက အံကြိတ်ကာ သူ့နောက်မှ လိုက်သွားလေသည်။ သူ၏ ဒူးတွင် မသက်မသာ ဖြစ်မှုများကို ခံစားနေရသော်လည်း အရှိန်ကို မလျှော့ချခဲ့ချေ။ </p> <p style="text-align:justify">အခု သူ့ခေါင်းထဲမှာ အတွေးတစ်ခုတည်းပဲ ရှိတယ်။ ဘာနာဒို ဆေးလ်ဗားကို လုံးဝ အကျော်ခံလို့ မဖြစ်ဘူး။ </p> <p style="text-align:justify">သို့သော် ခြေထောက်ကျိုးခဲ့သည့် ဒဏ်ရာ၏ သက်ရောက်မှုက အလွန် ကြီးမားလွန်းလှရာ ဘာနာဒို ဆေးလ်ဗားကို သူ တားဆီးနိုင်ခြင်း မရှိခဲ့ချေ။ </p> <p style="text-align:justify">ဝှစ်…</p> <p style="text-align:justify">ဘောလုံးက လူတစ်ဝက်ခန့် အမြင့်မှနေ၍ ပင်နယ်တီ ဧရိယာ၏ ဂိုးတိုင် အနီးဘက်ဆီသို့ ပျံသန်းသွားလေသည်။ အဂူရိုက ရုတ်တရက် အရှိန်တင်ကာ ပေါက်ကွဲထွက်လာသည်။ </p> <p style="text-align:justify">သို့သော်လည်း... </p> <p style="text-align:justify">သူ့ရှေ့တွင် တံတိုင်းကြီး တစ်ခု ပေါ်လာသည်။ သေချာ ကြည့်လိုက်သောအခါ မက်ဂွိုင်းယား ဖြစ်နေလေသည်။ </p> <p style="text-align:justify">'ငါ အတင်း တိုးဝင်မယ်'</p> <p style="text-align:justify">အဂူရို အစွမ်းကုန် ကြိုးစားခဲ့သော်လည်း မက်ဂွိုင်းယားကို လုံးဝ မရွှေ့နိုင်ခဲ့ချေ။ </p> <p style="text-align:justify">မန်ယူ ပရိသတ်များမှာ ချက်ချင်းပင် အလွန်အမင်း စိုးရိမ်ထိတ်လန့် သွားကြလေသည်။ </p> <p style="text-align:justify">'ကျေးဇူးပြုပြီး ရောဂါဟောင်း ပြန်မထပါနဲ့' </p> <p style="text-align:justify">မက်ဂွိုင်းယားမှာ အဂူရိုနှင့် တွေ့သော်ငြား တည်ငြိမ်နေဆဲပင် ဖြစ်ပြီး ဘောလုံးကို ထိန်းချုပ်ရန် မကြိုးစားဘဲ ကွင်းပြင်သို့သာ ပြတ်ပြတ်သားသား ကန်ထုတ်လိုက်လေသည်။ </p> <p style="text-align:justify">"ဟူး"</p> <p style="text-align:justify">ထိုအခါမှ မန်ယူအသင်း တစ်သင်းလုံး သက်ပြင်းချလိုက်နိုင်ကြသည်။ </p> <p style="text-align:justify">"ပွဲမပြီးသေးဘူးနော်။ မန်စီးတီးတို့ ညာဘက်ကနေ ထောင့်ကန်ဘော ရသွားပါတယ်"</p> <p style="text-align:justify">"အခွင့်အရေး ရှိသေးတယ်ဟေ့" </p> <p style="text-align:justify">ကွန်ပနီက သူ့ကိုယ်သူရော မန်စီးတီး ပရိသတ်များကိုပါ နှစ်သိမ့်လိုက်သည်။ </p> <p style="text-align:justify">အီဒါဆန်က အမြန် ပြေးလာပြီး မန်ယူ ပင်နယ်တီ ဧရိယာထဲသို့ တိုးဝင်လာသည်။ </p> <p style="text-align:justify">သေချာ ကြည့်လိုက်ပါလျှင်…</p> <p style="text-align:justify">ပင်နယ်တီ ဧရိယာထဲတွင် မန်စီးတီး ကစားသမား ရှစ်ယောက် ရှိနေလေသည်။ </p> <p style="text-align:justify">မန်ယူ ကစားသမားများ အနေဖြင့်မူ ကစားသမား တစ်ယောက် အပို လိုအပ်ပြီး မန်စီးတီး ကစားသမားများ ဒုတိယအကြိမ် အခွင့်အရေး ရကာ ပြန်ထွက်လာသော ဘောလုံးများကို ကန်သွင်းခြင်းမှ တားဆီးရန် အပြင်ဘက်တွင် တစ်ယောက် နေခဲ့ရမည် ဖြစ်သည်။ </p> <p style="text-align:justify">ဒီဘရိုင်းက အသက်ပြင်းပြင်း အကြိမ်အနည်းငယ် ရှူလိုက်ပြီး လက်ချောင်း သုံးချောင်းကို ထောင်ပြလိုက်သည်။ </p> <p style="text-align:justify">တတိယမြောက် နည်းဗျူဟာ…</p> <p style="text-align:justify">ဝှစ်…</p> <p style="text-align:justify">ဘောလုံးက အပြင်ဘက်သို့ ကွေးထွက်သွားပြီး ပင်နယ်တီ အမှတ်ဆီသို့ ပျံသန်းသွားလေသည်။ </p> <p style="text-align:justify">တစ်ချိန်တည်းမှာပင် အဂူရို ကဲ့သို့သော လျင်မြန် သွက်လက်သည့် ကစားသမားများက ရူးသွပ်စွာ ဟိုဒီ ပြေးလွှားနေကြပြီး မန်ယူ၏ လူကပ် ခံစစ် ကစားကွက်ကို နှောင့်ယှက်နေကြသည်။ </p> <p style="text-align:justify">ဖာနန်ဒင်ဟို၊ ကွန်ပနီ၊ အော်တာမန်ဒီနှင့် စတုန်းစ်တို့ကဲ့သို့ အရပ်ရှည်သော ကစားသမားများက ပင်နယ်တီ ဧရိယာ အစွန်းမှနေ၍ တိုက်ခိုက်လာကြသည်။ </p> <p style="text-align:justify">သို့သော် အလုပ်မဖြစ်ခဲ့ချေ။ </p> <p style="text-align:justify">တစ်စုံတစ်ယောက်က ဘောလုံး ကျမည့်နေရာကို သူတို့ထက် ပိုမြန်အောင် ခန့်မှန်းနိုင်ခဲ့ပြီး ထိုလူက သူတို့ထက် အများကြီး ပိုမြင့်အောင် ခုန်နိုင်ခဲ့သည်။ ထိုလူသည်ကား ချူဖုန်းပင်…။</p> <p style="text-align:justify">စတုန်းစ်က လေထဲရှိ ချူဖုန်းကို ငေးကြည့်နေမိသည်။ ထိုခဏ၌ သူက ဆဲဆိုချင်စိတ်ပင် ပေါက်လာသည်။ </p> <p style="text-align:justify">ငါ့ထက် စင်တီမီတာ ၂၀ လောက် အရပ်ပိုရှည်တဲ့ လူဆီကနေ ငါ ဘယ်လိုလုပ် လုယူရမှာလဲ။ </p> <p style="text-align:justify">စတာလင်းမှာ အနည်းငယ် အံ့ဩသွားသည်။ ချူဖုန်း၏ အရိပ်က သူ့အပေါ်သို့ ကြီးစိုးလာသဖြင့် သူ့ခမျာ ကွင်းကြီး တစ်ခုလုံး ခေတ္တမျှ မီးပျက်သွားသလား ဟုပင် တွေးမိသွား၏။</p> <p style="text-align:justify">မန်စီးတီး ကစားသမားများ၏ တွေးခေါ်နိုင်စွမ်းမှာ လျင်မြန်စွာ ပြောင်းလဲနိုင်စွမ်း ရှိကြသည်။ </p> <p style="text-align:justify">ပြန်ကျဘောလုံးကို လုယူရမယ်။ </p> <p style="text-align:justify">"ဘောလုံး ဘယ်ကျမလဲ ဆိုတာကို သေချာ ကြည့်ထား" </p> <p style="text-align:justify">ကွန်ပနီက သူ့အနောက်မှနေ၍ ဟိန်းဟောက်လိုက်သည်။ မီးမောင်းများ ထိုးထားသည့် အောက်တွင် ချူဖုန်းက ဘောလုံးကို ခေါင်းတိုက် ရှင်းထုတ်လိုက်ပြီး ဘောလုံးမှာ လွတ်နေသော ဟာရဲရားဆီသို့ ပျံသန်းသွားလေသည်။ </p> <p style="text-align:justify">ချူဖုန်းသည် ခေါင်းတိုက်ဘော လမ်းကြောင်းကို ထိန်းချုပ်ရာတွင် ကျွမ်းကျင်သူ ဖြစ်ရာ အန်ဒါ ဟာရဲရားဆီ ဘောလုံးကို ကွက်တိကျအောင် တိုက်ချပေးခဲ့ခြင်း ဖြစ်ပေသည်။</p> <p style="text-align:justify">ချက်ချင်းပင်... </p> <p style="text-align:justify">အပြင်ဘက်တွင် ဘောလုံးကို လက်ခံရယူရန် စောင့်ဆိုင်းနေသော ဟာရဲရားမှာ ဒီဘရိုင်းနှင့် ဂန်ဒိုဂန်တို့၏ ဝိုင်းရံခြင်းကို ခံလိုက်ရလေသည်။ </p> <p style="text-align:justify">ဒီဘောလုံးကို ရအောင် လုရမယ်။ </p> <p style="text-align:justify">သူတို့၏ မျက်လုံးများတွင် ပြတ်သားသော စိတ်ပိုင်းဖြတ်မှုများ အပြည့် ရှိနေသည်။ </p> <p style="text-align:justify">ဟာရဲရားမှာ အကြောင်းပြချက် မရှိဘဲ ရုတ်တရက် ထိတ်လန့်သွားရသည်။ ဒိုင်လူကြီးက ဘာလို့ ခရာ မမှုတ်သေးတာလဲ။ </p> <p style="text-align:justify">ယုတ္တိဗေဒ အရ ဆိုလျှင် နာကျင်အချိန်ပိုလည်း ကုန်ဆုံးသွားပြီ ဖြစ်သလို ဒုတိယအကြိမ် တိုက်စစ်လည်း မရှိတော့သဖြင့် ခရာမှုတ်သင့်နေပြီ မဟုတ်ပါလား…။</p> <p style="text-align:justify">ရုတ်တရက်... </p> <p style="text-align:justify">"အန်ဒါ…”</p> <p style="text-align:justify">ဟာရဲရားက ရင်းနှီးနေသော အသံကို ကြားလိုက်ရပြီး မသိစိတ်အရ အလိုအလျောက် ဘောလုံးကို ထိုနေရာဆီသို့ ပေးပို့လိုက်သည်။ ဘာတွေ ဖြစ်နေသလဲ ဆိုတာကို သဘောပေါက်သွားချိန်တွင် သူ မော့ကြည့်လိုက်သည်။ </p> <p style="text-align:justify">အို... ချူဖုန်းက ဘောလုံး လက်ခံဖို့ ညာဘက်ခြမ်းကို ပြေးသွားတာပဲ။ အသင်းခေါင်းဆောင်လေးက အယုံကြည်ရဆုံး ပါပဲလား…။</p> <p style="text-align:justify">ချူဖုန်းက လိမ့်လာသော ဘောလုံးကို ကြည့်လိုက်ပြီးနောက် အဝေးရှိ ဂိုးပေါက်ကို လှမ်းကြည့်လိုက်သည်။ </p> <p style="text-align:justify">ဘာပဲဖြစ်ဖြစ် ဒီအချိန်မှာ ဂိုးပေါက်ကို ကန်လိုက်လို့ ဘာမှ နစ်နာသွားမှာမှ မဟုတ်တာ။ </p> <p style="text-align:justify">ထိုသို့ တွေးလိုက်ရင်း သူက တတ်နိုင်သမျှ သက်တောင့်သက်သာ အရှိဆုံးနှင့် အလှပဆုံး ကန်သွင်းမည့် ကိုယ်ဟန်အနေအထားကို ယူလိုက်သည်။ </p> <p style="text-align:justify">ကွင်းဘေးတွင်...</p> <p style="text-align:justify">ဂွါဒီယိုလာက သူ၏ ခေါင်းကို ထပ်မံ အုပ်ကိုင်လိုက်ပြန်သည်။ </p> <p style="text-align:justify">မော်ရင်ညိုက ခေါင်းပြူထွက်လာသည်။ </p> <p style="text-align:justify">ချူဖုန်းက သူ၏ စပရိန်ကဲ့သို့ ကန်ထွက်နိုင်သော ခြေထောက်များဆီသို့ အင်အား အားလုံးကို စုစည်းလိုက်ပြီးနောက် သူ့ရှေ့ရှိ ဘောလုံးဆီသို့ အားလုံးကို လွှဲပြောင်းပေးလိုက်သည်။ </p> <p style="text-align:justify">ဘုန်း…</p> <p style="text-align:justify">နားကွဲမတတ် ပေါက်ကွဲသံကြီး တစ်ခုနှင့်အတူ... </p> <p style="text-align:justify">ဘောလုံးမှာ မြေပြင်မှ ပျံတက်သွားလေသည်။ နောက်ကျကျန်ရစ်နေသော ကိုင်လီ ဝေါ်ကာက အမြန် ပြေးလိုက်လာသည်။ </p> <p style="text-align:justify">သူက လေထက်တောင် အများကြီး ပိုမြန်တယ်လို့ ခံစားနေရသော်ငြား သူနှင့် ဘောလုံးကြားက အကွာအဝေးကတော့ အချိန်ကြာသည်နှင့်အမျှ ပိုဝေးလာလေလေပင်…။</p> <p style="text-align:justify">ဝမ်ဒါ မက်ထရိုပိုလီတာနို ကွင်းကြီး၏ မီးမောင်းများ အောက်တွင်...</p> <p style="text-align:justify">ဘောလုံးက တိတ်ဆိတ်နေသော အိုင်ဘေးရီးယား ကျွန်းဆွယ်ကို ဖြတ်သန်း ပျံသန်းသွားသည့် ကြယ်တံခွန် တစ်စင်းအလား ပင်နယ်တီ ဧရိယာရှေ့တွင် ကျသွားသည်... ပြန်ခုန်တက်လာသည်... ထပ်ကျသည်... ထပ်ခုန်တက်လာသည်။ </p> <p style="text-align:justify">ထို့နောက် ဂိုးပေါက်ထဲကို တည့်တည့် ဝင်သွားလေသည်။ </p> <p style="text-align:justify">၃ : ၁</p> <p style="text-align:justify">မန်စီးတီး၏ နောက်ဆုံး မျှော်လင့်ချက်လေး လုံးဝ ပျောက်ကွယ်သွားခဲ့ပြီ ဖြစ်ပြီး နောက်ကလိုက် အနိုင်ယူနိုင်မည့် အခွင့်အရေးလည်း လုံးဝ မရှိတော့ချေ။ </p> <p style="text-align:justify">ကွင်းကြီးထဲတွင် မန်ယူ ပရိသတ်များ၏ အားပေးသံများသာ ကျန်ရှိနေတော့သည်။ </p> <p style="text-align:justify">နောက်ဆုံးတွင်... </p> <p style="text-align:justify">မန်စီးတီးတို့ အရှုံးမပေးလိုသေးဘဲ ပွဲစတင် ကန်ထုတ်လိုက်သော်လည်း ဒိုင်လူကြီးက ချက်ချင်းပင် ခရာမှုတ်လိုက်လေသည်။ </p> <p style="text-align:justify">တီ… တီ… တီ…</p> <p style="text-align:justify">ဤသို့ဖြင့် ၂၀၁၈-၁၉ ယူအီးအက်ဖ်အေ ချန်ပီယံလိဂ် ဗိုလ်လုပွဲကြီး ပြီးဆုံးသွားခဲ့လေပြီ။</p> <p style="text-align:justify"> </p>


Save