Book List

<h2 style="text-align: center;">အခန်း (၄၅၄)</h2> <h2 style="text-align: center;">*</h2> <p> </p> <p> </p> <p> </p> <p style="text-align:justify">"အနာဂတ်က မင်းအတွက်ပဲ..."</p> <p style="text-align:justify">မော်ရင်ညိုက မှတ်ချက်ချလိုက်သည်။ မော်ရင်ညို၏ ဖြူဝေနေသော ဆံပင်များနှင့် မျက်ခုံးများကြားရှိ သိသာ ထင်ရှားသော အရေးအကြောင်းများကို ကြည့်ရင်း ချူဖုန်းက ဂန္ထဝင် စကားတစ်ခွန်းကို ပြန်လည် သတိရသွားသည်။ </p> <p style="text-align:justify">မက်အာသာက ပြောခဲ့ဖူးတယ်... 'စစ်သားအိုတွေက ဘယ်တော့မှ မသေဘူး... သူတို့က တဖြည်းဖြည်း မှေးမှိန် ပျောက်ကွယ်သွားကြတာပဲ' တဲ့လေ။</p> <p style="text-align:justify">မာနကြီးပြီး ထိန်းချုပ်လို့မရတဲ့ ရူးသွပ်သူ တစ်ယောက် ဘဝကနေ ရင့်ကျက်ပြီး အသက်အရွယ် ကြီးရင့်လာတဲ့ မန်နေဂျာ တစ်ယောက် အဖြစ်သို့။ </p> <p style="text-align:justify">သူရဲ့ စိတ်အားထက်သန်မှုတွေကို ဘယ်တော့မှ မဆုံးရှုံးခဲ့ပါဘူး။ ဒါပေမဲ့ အဲဒါကတောင်မှ အချိန်ရဲ့ စွမ်းအားကို မတွန်းလှန်နိုင်ခဲ့ဘူးလေ။ </p> <p style="text-align:justify">"ဘော့စ်... ဘော့စ်မှာ ခရီးလမ်း အရှည်ကြီး ကျန်နေပါသေးတယ်။ နောက်ထပ် ချန်ပီယံဆု နည်းနည်းပါးပါး ထပ်ယူဖို့က သေချာပေါက် ပြဿနာ မရှိပါဘူး..."</p> <p style="text-align:justify">ချူဖုန်းက ပြုံးရင်း ပြောလိုက်သည်။ ထိုသို့ ပြောပြီးနောက် သူက ပွဲကြည့်စင်ဘက်သို့ လျှောက်သွားကာ အပေါ်သို့ လက်လှမ်းပြလိုက်သည်။ </p> <p style="text-align:justify">ချူချန်းကျိနှင့် ယန်လန်ရှတို့က ပြန်လည် လက်လှမ်းပြကြသည်။ </p> <p style="text-align:justify">"သား... ကောင်းကောင်း လုပ်နိုင်ခဲ့တယ်။ ဒါပေမဲ့ မင်းလည်း အရွယ်ရောက်လာပြီ ဆိုတော့ မင်းရဲ့ ကိုယ်ပိုင်ဘဝ အတွက်လည်း စဉ်းစားဖို့ လိုနေပြီနော်..."</p> <p style="text-align:justify">မာရီယာနှင့် လက်ချင်းချိတ်ထားသော ယန်လန်ရှက ပြောလိုက်သည်။ "နွေရာသီ ပြိုင်ပွဲတွေ မစခင် မင်းတို့ နှစ်ယောက် စေ့စပ်လိုက်ကြပါလား..."</p> <p style="text-align:justify">ယန်လန်ရှက တရုတ်လို ပြောလိုက်သဖြင့် မာရီယာ အနည်းငယ် နားရှုပ်သွားသည်။ သို့သော် ယန်လန်ရှက သူမကို ရှင်းပြလိုက်ပြီးနောက် သူမက ချူဖုန်းကို မျှော်လင့်ချက်များ အပြည့်ပါသော အကြည့်များဖြင့် မနေနိုင်ဘဲ လှမ်းကြည့်လိုက်လေသည်။ </p> <p style="text-align:justify">"ကျွန်တော် အဆင်ပြေပါတယ်..."</p> <p style="text-align:justify">ချူဖုန်းက ပခုံးတွန့်လိုက်သည်။ သူ၏ အာရုံစိုက်မှုက ဘောလုံးအပေါ်တွင်သာ ရှိနေသေးသော်လည်း ယင်းက သူ၏ နေ့စဉ်ဘဝကို စွန့်လွှတ်လိုက်ပြီဟု ဆိုလိုခြင်း မဟုတ်ပေ။</p> <p style="text-align:justify">ထို့အပြင် မာရီယာနှင့် အတူ ဖြတ်သန်းခဲ့ရသော အချိန်များအတွင်း အနှီ မိန်းကလေးမှာ တကယ်ကို ကောင်းမွန်ကြောင်း သူ ခံစားခဲ့ရသည်။ သူမသည် ဂွါဒီယိုလာ၏ ဩဇာလွှမ်းမိုးမှုကို အားမကိုးဘဲ သူမ၏ ကိုယ်ပိုင်ဘဝကို ဂုဏ်ယူစွာဖြင့် တည်ဆောက်လိုသူ ဖြစ်သည်။ </p> <p style="text-align:justify">ဂွါဒီယိုလာ အကြောင်း ပြောရရင်... အခု သူ ဘာတွေ လုပ်နေလဲ။ </p> <p style="text-align:justify">သူက သူတို့၏ စကားဝိုင်းကို ခိုးနားထောင်နေလေသည်။ </p> <p style="text-align:justify">ချူဖုန်းနှင့် မာရီယာတို့ စေ့စပ်ချင်နေကြကြောင်း ကြားလိုက်ရသောအခါ မိုးကြိုးပစ်ခံလိုက်ရသကဲ့သို့ နေရာမှာတင် အေးခဲသွားလေသည်။ </p> <p style="text-align:justify">စေ့စပ်မယ် ဟုတ်လား။</p> <p style="text-align:justify">သူ အမြတ်နိုးဆုံး အချစ်တော်လေးက သူ့အပိုင် မဟုတ်တော့ဘူး ဆိုတာကို ယခုမှ သူ သဘောပေါက်သွားလေသည်။ </p> <p style="text-align:justify">ချန်ပီယံဆုလည်း ပါသွားပြီ... သမီးလေးလည်း ပါသွားပြီ။ </p> <p style="text-align:justify">သူ့မှာ ဘာများ ကျန်သေးလို့လဲ။ </p> <p style="text-align:justify">ဂွါဒီယိုလာက သူ၏ ဘဝကြီး မှောင်မိုက်သွားပြီး မျှော်လင့်ချက် လုံးဝ မရှိတော့သကဲ့သို့ ရုတ်တရက် ခံစားလိုက်ရပြီး နည်းပြခုံတန်းပေါ်တွင် အကူအညီမဲ့စွာ လှဲချလိုက်လေသည်။ </p> <p style="text-align:justify">"သောက်ကျိုးနည်း မန်ချက်စတာ ယူနိုက်တက်"</p> <p style="text-align:justify">ဂွါဒီယိုလာက ရုတ်တရက် ပြန်လည် တက်ကြွလာပြီး အံကြိတ်ကာ တိုးတိုးလေး အော်ပြောလိုက်သည်။ </p> <p style="text-align:justify">ကံကြမ္မာကို သူ အပြင်းထန်ဆုံး တုံ့ပြန် တိုက်ခိုက်တော့မည် ။</p> <p style="text-align:justify">ထိုအချိန်၌…</p> <p style="text-align:justify">ချူဖုန်းက သူ၏ အသင်းဖော်များနှင့်အတူ ပရိသတ်များကို ကျေးဇူးတင်စကား ပြောကြားပြီးနောက် အဝတ်အစား အသစ် လဲလှယ်ရန် အဝတ်လဲခန်းသို့ ပြန်ဝင်လာခဲ့သည်။ ချန်ပီယံလိဂ် ချန်ပီယံများ အတွက် ကြိုတင် ပြင်ဆင်ထားသော သီးသန့် ဂျာစီများကို လဲလှယ် ဝတ်ဆင်လိုက်ကြ၏။ </p> <p style="text-align:justify">"ခဏနေ အင်တာဗျူးကျရင် မင်း ဘာတွေ ပြောချင်လဲ..."</p> <p style="text-align:justify">အက်ရှလေယန်းက ပေါ့ပေါ့ပါးပါး မေးလိုက်သည်။ </p> <p style="text-align:justify">"အင်း... အသင်းကို ကျေးဇူးတင်ပါတယ်... အသင်းဖော်တွေကို ကျေးဇူးတင်ပါတယ်... ပရိသတ်တွေကို ကျေးဇူးတင်ပါတယ်... မိသားစုကို ကျေးဇူးတင်ပါတယ်... ကျေးဇူးတင်ပါတယ်..."</p> <p style="text-align:justify">မက်ဂွိုင်းယား ပြောပြီးသွားသောအခါ အဝတ်လဲခန်းကြီး တစ်ခုလုံး တိတ်ဆိတ်သွားလေသည်။ </p> <p style="text-align:justify">'ဒီကလေး ဘာမှ ကြိုတင် ပြင်ဆင်မထားဘူး ဆိုတာ သိသာလွန်းနေတယ်...' </p> <p style="text-align:justify">"ချူ... ဒီရာသီ ဘလွန်းဒီအောဆုက မင်းအတွက် သေချာနေပြီ မဟုတ်လား..."</p> <p style="text-align:justify">ဒီဂီယာက အကြောင်းအရာ ပြောင်းလိုက်သည်။ </p> <p style="text-align:justify">"အဲဒီလောက်တော့ ဖြစ်လောက်ပါတယ်..."</p> <p style="text-align:justify">ချူဖုန်း ခေါင်းညိတ်လိုက်သည်။ </p> <p style="text-align:justify">ဆုဖလား ခုနစ်လုံး ချန်ပီယံ – ပရီးမီးယားလိဂ် ရွှေဖိနပ်ဆုနဲ့ ချန်ပီယံလိဂ် ရွှေဖိနပ်ဆု – ဒီလောက်တောင် ရထားတာကို သူ ရွှေဘောလုံးဆု မရဘူး ဆိုရင်တော့… ဘောလုံးပရိသတ်တွေက သူ့အစား ဖီဖာကို ဝိုင်းဆဲပေးကြပေလိမ့်မည်။</p> <p style="text-align:justify">"အားကျလိုက်တာကွာ"</p> <p style="text-align:justify">မက်ဂွိုင်းယားက ပါးစပ်ထောင့်မှ သွားရည်များကို သုတ်လိုက်သည်။ "မန်ယူ သမိုင်းမှာ လေးယောက်ပဲ ရှိဖူးတယ်။ ၁၉၆၄ မှာ ဒင်းနစ် လော ၊ ၁၉၆၆ မှာ ဘော်ဘီ ချာလ်တန် ၊ ၁၉၆၈ မှာ ဂျော့ချ် ဘက်စ်နဲ့ ၂၀၀၈ မှာ ရော်နယ်ဒိုတို့ပဲ။ အခု ငါတို့ နောက်ထပ် တစ်ယောက် ထပ်တိုးတော့မယ်..."</p> <p style="text-align:justify">'မင်းက ဘယ်လိုလုပ် အဲဒီလောက် ရှင်းရှင်းလင်းလင်း မှတ်မိနေတာလဲ...' </p> <p style="text-align:justify">မက်တော်မီနေးမှာ အလွန် စပ်စုချင်နေလေသည်။ </p> <p style="text-align:justify">"အမ်..." </p> <p style="text-align:justify">မက်ဂွိုင်းယားက အချိန်အတော်ကြာ တွေဝေနေပြီးနောက် အနေရခက်စွာဖြင့် ရှင်းပြလိုက်သည်။ "ငါ မန်ယူကို စရောက်တုန်းက ငါက ပဉ္စမမြောက် လူ ဖြစ်လာမယ်လို့ ထင်ခဲ့တာလေ... အဲဒါကြောင့် အရင်က ရခဲ့တဲ့ ကစားသမား လေးယောက်ရဲ့ နာမည်တွေကို အလွတ်ကျက်ထားတာ..."</p> <p style="text-align:justify">မန်ယူ ကစားသမားများ: "..."</p> <p style="text-align:justify">'မင်းက တကယ်ကို ရဲရဲတင်းတင်း အိမ်မက်မက်ရဲတာပဲ...' </p> <p style="text-align:justify">ဒါပေမဲ့ ပြန်တွေးကြည့်ရင်... ဘယ်ကစားသမားကများ ဘလွန်းဒီအောဆု ရဖို့ အိမ်မက် မမက်ဖူးလို့လဲ။ </p> <p style="text-align:justify">စိတ်ကူးယဉ်တာက အပြစ်မှ မဟုတ်တာ။ </p> <p style="text-align:justify">သို့သော် သေချာ ခွဲခြမ်းစိတ်ဖြာကြည့်မည် ဆိုပါက မက်ဂွိုင်းယား အတွက်တော့ အလွန် ခက်ခဲပေလိမ့်မည်။</p> <p style="text-align:justify">နောက်ခံလူ အနေဖြင့် ရွှေဘောလုံးဆု နောက်ဆုံး ရရှိခဲ့သည့် ကစားသမားမှာ ဖေဘီယို ကန်နာဗားရိုးပင် ဖြစ်သည်။ </p> <p style="text-align:justify">ထိုစဉ်က ရော်နယ်ဒင်ဟိုမှာ ကမ္ဘာ့ဖလားတွင် ခြေစွမ်း မပြနိုင်ခဲ့သလို ဇီဒန်းကလည်း ခေါင်းဖြင့် တိုက်မိသဖြင့် အနီကတ် အပြခံခဲ့ရရာ သူတို့နှစ်ဦးစလုံး ဘလွန်းဒီအောဆု ပြိုင်ပွဲမှ တိုက်ရိုက် နုတ်ထွက်သွားရသကဲ့သို့ ဖြစ်သွားခဲ့သည်။</p> <p style="text-align:justify">သို့သော် ထိပ်ဆုံး သုံးဦးမှာ အကြမ်းဖျင်း တန်းတူလောက်ပင် ရှိလေသည်။ ကန်နာဗားရိုး၊ ဘူဖွန်နှင့် အွန်နရီတို့ ဖြစ်သည်။ ကန်နာဗားရိုးသည် ရီးရဲလ်မက်ဒရစ်သို့ ပြောင်းရွှေ့ပြီးနောက်မှသာ မဲအများအပြား ပိုရလာခဲ့ခြင်း ဖြစ်သည်။ </p> <p style="text-align:justify">၂၀၀၁ ခုနှစ်က ဖီဂို၏ ဘလွန်းဒီအောမှာလည်း ထိုနည်းတူပင် ဖြစ်သည်။ ရီးရဲလ်မက်ဒရစ် ဟူသော အရှိန်အဝါကြောင့် မဲအများအပြားကို ရရှိခဲ့ခြင်းပင်…။</p> <p style="text-align:justify">"နောက်ဆယ်နှစ် အတွင်းမှာ နောက်ခံလူ တစ်ယောက် ရွှေဘောလုံးဆု ရဖို့ ဆိုတာ ခက်ခဲလိမ့်မယ်လို့ ငါ ခန့်မှန်းတယ်။ ဟယ်ရီ... မင်း အရင်ဆုံး ချန်ပီယံလိဂ် တစ်နှစ်တာ အကောင်းဆုံး အသင်း စာရင်း ဝင်အောင် အရင် ကြိုးစားပါဦး..."</p> <p style="text-align:justify">ဒီဂီယာက ပြောလိုက်သည်။ </p> <p style="text-align:justify">"ဒီနှစ်တော့ အခွင့်အရေး ကောင်းကောင်း ရှိတယ်လို့ ငါ ခံစားရတယ်"</p> <p style="text-align:justify">မက်ဂွိုင်းယားက ရုတ်တရက် တက်ကြွလာပြီး စတင် တွက်ချက်နေလေသည်။ "တခြား အသင်းတွေက နောက်ခံလူတွေကို ကြည့်လိုက်... သူတို့ရဲ့ အချက်အလက်တွေက သိပ်မကောင်းကြဘူး။ ဗန်ဒိုက်ကလွဲရင်ပေါ့..."</p> <p style="text-align:justify">ဗန်ဒိုက်အကြောင်း ပြောသည့် အခိုက်တွင် သူ၏ အသံက ချက်ချင်း ကျဆင်းသွားလေသည်။ </p> <p style="text-align:justify">ငါတို့ ဗန်ဒိုက်ကို ဘယ်လိုလုပ် မေ့ထားလို့ ရမှာလဲ။ သူကလည်း နောက်ခံလူတွေ ကြားထဲမှာ ဆိုရင် ချူဖုန်းလို အဆင့်ကျော်နေတဲ့ အကောင်လေ။</p> <p style="text-align:justify">မက်ဂွိုင်းယားက ညှိုးငယ်သော မျက်နှာဖြင့် ပြောလိုက်သည်။ "ဒါဆိုရင် ငါ နောက်ထပ် နှစ်နည်းနည်းလောက် စောင့်ရဦးမယ်။ သူ အသက်ကြီးလာတဲ့ အထိပေါ့..."</p> <p style="text-align:justify">"ပြီးတော့ မင်း ဘလွန်းဒီအောဆု ရချင်ရင် ဗန်ဒိုက်ကို စောင့်ရုံတင်မကဘူး... ပိုအရေးကြီးတာက ချူကိုလည်း စောင့်ရဦးမယ်..."</p> <p style="text-align:justify">ဒီဂီယာက သဘောကောင်းစွာဖြင့် သတိပေးလိုက်သည်။ </p> <p style="text-align:justify">မန်ယူ ကစားသမားများ အားလုံး ချူဖုန်းကို လှမ်းကြည့်လိုက်ကြပြီး တစ်ပြိုင်နက်တည်း သက်ပြင်းချလိုက်ကြသည်။ </p> <p style="text-align:justify">ဒီဂီယာ ပြောတာ မှန်တယ်။ ချူဖုန်းက ဒီနှစ်မှ အသက် နှစ်ဆယ်ပဲ ရှိသေးတယ်။ </p> <p style="text-align:justify">အနာဂတ်မှာ ဘာတွေ ဆက်ဖြစ်လာဦးမလဲ။ </p> <p style="text-align:justify">ချူဖုန်းက နှစ်တိုင်း ပိုပိုပြီး စွမ်းလာနိုင်တယ် ဆိုတာကိုတောင် မပြောနဲ့ဦး။ လက်ရှိ အဆင့်အတန်းမှာပဲ ဆက်ရှိနေမယ် ဆိုရင်တောင်မှ...</p> <p style="text-align:justify">မက်ဆီ-ရော်နယ်ဒို ခေတ်ကြီးက နိဂုံးချုပ်တော့မယ့် ပုံပဲ။ </p> <p style="text-align:justify">ဘယ်သူမှ ယှဉ်မရတဲ့ အကောင်းဆုံး ခေတ်သစ် တစ်ခုဆီကို ဝင်ရောက်လာတော့မှာပဲ။ </p> <p style="text-align:justify">"ချူ... မင်း စောစောလေး အနားယူပြီး နည်းပြ သွားလုပ်ပါလားကွာ..."</p> <p style="text-align:justify">မာရက်ဇ်က ညည်းတွားလိုက်သည်။ </p> <p style="text-align:justify">"ငါက ဘယ်အသင်းကို သွားကိုင်ရမှာလဲ..."</p> <p style="text-align:justify">ချူဖုန်းက အလွန် စိတ်ဝင်စားစွာဖြင့် မေးလိုက်သည်။ "အသင်းတွေ သိပ်အများကြီး မကျန်တော့ဘူး မဟုတ်ဘူးလား..."</p> <p style="text-align:justify">"ဘာပဲဖြစ်ဖြစ်ကွာ... မင်းတို့ နိုင်လို့ မရတော့တဲ့ အချိန်ကျရင်... 'ဘာ... နည်းပြချုပ်ကြီး သွေးပူလေ့ကျင့်ခန်း ဆင်းနေပြီ' ဆိုပြီး ဋီကာဆရာတွေ အော်ဟစ်နေတဲ့ အသံကို မင်းတို့ ကြားရလိမ့်မယ်..." </p> <p style="text-align:justify">မက်တော်မီနေးက မာရက်ဇ်၏ စကားကြောင့် အားရပါးရ ရယ်မောလိုက်သည်။ </p> <p style="text-align:justify">"ကဲပါ... အဝတ်အစား လဲပြီး အပြင်ထွက်ကြရအောင်"</p> <p style="text-align:justify">ချူဖုန်းက လက်ကာပြလိုက်ပြီး "ဟယ်ရီ... ဒီနေ့ သတိထားနော်။ မင်းသာ ချန်ပီယံလိဂ် ဖလားကြီးကို ခွဲပစ်လိုက်ရင် မန်ယူ ပရိသတ်တွေ ပစ်ပေါက်တဲ့ မိုလိုတော့ဗ်တွေက မင်းဆီ ရောက်လာလိမ့်မယ်” ဟု ပြောလိုက်သည်။</p> <p style="text-align:justify">ထို့နောက် မန်ယူ ကစားသမားများက ကစားသမား ဥမင်လှိုဏ်ခေါင်းထဲတွင် တန်းစီ ရပ်လိုက်ကြသည်။ </p> <p style="text-align:justify"> </p>


Save