Book List

<h2 style="text-align: center;">အခန်း (၄၅၅)</h2> <h2 style="text-align: center;">*</h2> <p> </p> <p> </p> <p style="text-align:justify">ဝမ်ဒါ မက်ထရိုပိုလီတာနို ကွင်းကြီး</p> <p style="text-align:justify">အနီရောင် မီးခိုးများက ပွဲကြည့်စင်များပေါ်တွင် ဖုံးလွှမ်းနေပြီး အသင်းအလံများကို ရူးသွပ်စွာ ဝှေ့ယမ်းနေကြသော မန်ယူ ပရိသတ်များကို ဝေဝါးဝါး မြင်တွေ့နေရသည်။ </p> <p style="text-align:justify">ဥရောပရဲ့ အထွတ်အထိပ်…</p> <p style="text-align:justify">မန်ယူတို့က အတိတ်က စိတ်ပျက်စရာများကို ပြန်လည် ချေဖျက်နိုင်ခဲ့ပြီး သူတို့၏ ချန်ပီယံလိဂ် ဆုဖလားကို အောင်မြင်စွာ ကာကွယ်နိုင်ခဲ့လေပြီ။ ယင်းက မန်ယူ ပရိသတ်တိုင်းကို ဂုဏ်ယူစေသည်။ </p> <p style="text-align:justify">ဝိုး...</p> <p style="text-align:justify">စိတ်အားထက်သန်ဖွယ် ကောင်းလှသော ချန်ပီယံလိဂ် သီချင်းသံကြီး စတင် ထွက်ပေါ်လာသည်။ </p> <p style="text-align:justify">မန်ယူ ကစားသမားများက ဥမင်လှိုဏ်ခေါင်းထဲမှ တစ်ယောက်ချင်းစီ ထွက်လာကြပြီး ယူအီးအက်ဖ်အေ တာဝန်ရှိသူများထံမှ ဆုတံဆိပ်များ လက်ခံရယူကာ ဧရာမ ဆုပေးစင်မြင့်ကြီးပေါ်တွင် ရပ်လိုက်ကြသည်။ </p> <p style="text-align:justify">နောက်ဆုံးတွင်...</p> <p style="text-align:justify">လင်းထိန်နေသော မီးရှူးမီးပန်းများ အောက်တွင် စိတ်အားထက်သန်ဖွယ် တေးသွားများနှင့်အတူ... </p> <p style="text-align:justify">"ငါတို့က ချန်ပီယံတွေဟေ့..."</p> <p style="text-align:justify">ချူဖုန်းက အသင်းခေါင်းဆောင် အနေဖြင့် ချန်ပီယံလိဂ် ဆုဖလားကြီးကို အပေါ်သို့ မြှောက်တင်လိုက်လေသည် </p> <p style="text-align:justify">ချက်ချင်းပင်... </p> <p style="text-align:justify">ကွင်းကြီးက ဆူပွက်လာသကဲ့သို့ နားကွဲမတတ် အားပေးသံများ ပေါက်ကွဲထွက်လာတော့သည်။ </p> <p style="text-align:justify">"အနီရောင်တွေ ရှေ့ကို ဆက်ချီတက်... ဆက်ချီတက်... ဆက်ချီတက်..."</p> <p style="text-align:justify">"ငါတို့က ကမ္ဘာ့ချန်ပီယံတွေပဲ"</p> <p style="text-align:justify">"ပြီးတော့ ငါတို့က အကောင်းဆုံး ဘောလုံးအသင်းကြီးပဲ"</p> <p style="text-align:justify">"အနီရောင်တွေ ရှေ့ကို ဆက်ချီတက်... ဆက်ချီတက်... ဆက်ချီတက်..."</p> <p style="text-align:justify">"ဂုဏ်ကျက်သရေဆိုတာ မန်ချက်စတာ ယူနိုက်တက်နဲ့ပဲ ထိုက်တန်တယ်"</p> <p style="text-align:justify">"..."</p> <p style="text-align:justify">သောင်းနှင့်ချီသော လူများက မန်ယူ သီချင်းကို တညီတညွတ်တည်း သီဆိုလိုက်ကြရာ သူတို့၏ အသံများက မြစ်တစ်စင်းအလား ပေါင်းဆုံသွားပြီး ကမ္ဘာမြေ၏ ထောင့်တိုင်းသို့ တဖြည်းဖြည်း စီးဆင်းသွားလေသည်။</p> <p style="text-align:justify">မန်ယူ ကစားသမားများမှာ အနီရောင် ဖဲကြိုးများကြားတွင် နစ်မြုပ်နေကြသည်။ </p> <p style="text-align:justify">ချူဖုန်းက ဆုဖလားကြီးကို ဆက်တိုက် ရမ်းပြနေသည်။ ၎င်း၏ လေးလံသော အလေးချိန်က သူ့ကို တစ်ခုခု ပြောပြနေသကဲ့သို့ပင်။ </p> <p style="text-align:justify">ဒါ အိမ်မက် မဟုတ်ဘူး။ </p> <p style="text-align:justify">လူငယ်အသင်းကနေ ပထမအသင်း အရန် ကစားသမား... အဲဒီကနေ အခုဆိုရင်... </p> <p style="text-align:justify">သူ ဘယ်လောက်တောင် စွန့်လွှတ် အနစ်နာခံခဲ့ရတယ် ဆိုတာကို ဘယ်သူမှ သိနိုင်မှာ မဟုတ်ပါဘူး။ </p> <p style="text-align:justify">တစ်နှစ်လျှင် ၃၆၅ ရက်လုံး နီးပါး အဆက်မပြတ် လေ့ကျင့်ရေး ဆင်းခဲ့ရသည်။ ပရော်ဖက်ရှင်နယ် ကစားသမားများပင် ထိုကဲ့သို့သော ဇွဲလုံ့လမျိုးကို မထိန်းသိမ်းနိုင်ကြချေ။ </p> <p style="text-align:justify">ဘောလုံးကစားနှင့် ပတ်သတ်၍ သူ၏ မူလ ရည်ရွယ်ချက်ကို သူ မှတ်မိနေဆဲပင်။ </p> <p style="text-align:justify">တစ်ဦးချင်း ဆုတံဆိပ်တွေ ဘယ်လောက်ရမလဲ၊ ချန်ပီယံဆုတွေ ဘယ်လောက် ယူနိုင်မလဲ ဆိုတာတွေ အတွက် မဟုတ်ဘဲ မိသားစုရဲ့ နေထိုင်မှု ဘဝလေး ပိုကောင်းလာစေဖို့ အတွက်သာ…။</p> <p style="text-align:justify">ပွဲကြည့်စင်ပေါ်ရှိ အနီရောင် ပင်လယ်ပြင်ကြီးကို ကြည့်ရင်း သူ၏ ရင်ထဲတွင် ဂုဏ်ယူဝင့်ကြွားမှုများ လှိုက်တက်လာသည်ကို မနေနိုင်ဘဲ ခံစားလိုက်ရသည်။ </p> <p style="text-align:justify">မန်ယူမှာ ပြည်ထောင် တစ်ခု တည်ထောင်မယ်…</p> <p style="text-align:justify">ငါ့ရဲ့ ကိုယ်ပိုင် ရုပ်တုကို အိုးထရက်ဖို့ဒ် ရင်ပြင်မှာ မတ်မတ်ရပ်စေရမယ်…</p> <p style="text-align:justify">ဤသည်ကား သူ၏ ရည်မှန်းချက် အသစ်များ ဖြစ်ပေသည်။</p> <p style="text-align:justify">"ဒီအခိုက်အတန့်မှာ မန်ချက်စတာက မရေမတွက်နိုင်တဲ့ မန်ယူ ပရိသတ်တွေ ဒီအချိန်လေးကို သေချာပေါက် အောင်ပွဲခံနေကြမှာပါ..."</p> <p style="text-align:justify">"ပြီးတော့ မန်ချက်စတာမှာပဲ မရေမတွက်နိုင်တဲ့ မန်စီးတီး ပရိသတ်တွေ အသည်းကွဲနေကြမှာ သေချာပါတယ်..."</p> <p style="text-align:justify">"ဘဝရဲ့ ဒီလို အဓိပ္ပာယ်ရှိတဲ့ အချိန်လေးမှာ... ဒီည တီဗီရှေ့က ပရိသတ် သန်းရာချီက ဒီအခိုက်အတန့်လေးကို အတူတကွ ခံစားပြီး မျှဝေနိုင်ကြပါပြီ..."</p> <p style="text-align:justify">"ဒါဟာ ကျွန်တော့်ရဲ့ ပျော်ရွှင်မှုဖြစ်သလို အားလုံးရဲ့ ပျော်ရွှင်မှုလည်း ဖြစ်ပါတယ်..."</p> <p style="text-align:justify">"ဒီနေ့ တိုက်ရိုက် ထုတ်လွှင့်မှု အစီအစဉ်ကို ဒီမှာပဲ အဆုံးသတ်လိုက်ပါတယ်"</p> <p style="text-align:justify">"နောက်ဆုံး အနေနဲ့ မန်ချက်စတာယူနိုက်တက်ကို ဂုဏ်ပြုပါတယ်... နှုတ်ဆက်ပါတယ် မန်ချက်စတာစီးတီး... နောက်တကြိမ် ပြန်ဆုံကြတာပေါ့ဗျာ"</p> <p style="text-align:justify">ဆရာ ကျန်းကျွင်းနှင့် ကျန်းလုတို့ကလည်း တရုတ် ဘောလုံးပရိသတ်များကို နှုတ်ဆက်လိုက်ကြလေသည်။</p> <p style="text-align:justify">………………….</p> <p style="text-align:justify">ခေတ်သစ်တစ်ခုကတော့ အမှန်တကယ် ဆိုက်ရောက်လာခဲ့ပြီ ဖြစ်သည်။</p> <p style="text-align:justify">အင်္ဂလန်၏ ပထမဦးဆုံးသော ခုနစ်ထပ်ကွမ်း ချန်ပီယံ။</p> <p style="text-align:justify">“မန်ယူနိုက်တက် သမိုင်းတစ်လျှောက် အကြီးကျယ်ဆုံး နံပါတ် (၇) ... သူဟာ ခရစ္စတီယာနို ရော်နယ်ဒို ချန်ထားခဲ့တဲ့ ကျိန်စာကို ချေဖျက်နိုင်ခဲ့ရုံတင်မကဘဲ မန်ယူနိုက်တက်ကို ဥရောပ ဘောလုံးလောကရဲ့ ထိပ်ဆုံးဆီ ပြန်လည် ပို့ဆောင်ပေးနိုင်ခဲ့ပြီ ဖြစ်ပါတယ်”</p> <p style="text-align:justify">“လာပါပြီ... ရိုမာနိုရဲ့ သတင်းအရ ဟာဇတ်ဟာ ဒီနွေရာသီမှာ ရီးရဲလ်မက်ဒရစ်ကို ပြောင်းရွှေ့တော့မှာပါ”</p> <p style="text-align:justify">“လာပါပြီ... ဂရစ်ဇ်မန်းဟာ ဒီနွေရာသီမှာ ဘာစီလိုနာကို ပူးပေါင်းတော့မှာ ဖြစ်ကြောင်း ရိုမာနိုက အတည်ပြုလိုက်ပါတယ်”</p> <p style="text-align:justify">ဖလော်ရန်တီနို ပီရက်ဇ် : “မန်ယူနိုက်တက်က ရီးရဲလ်မက်ဒရစ်ရဲ့ ချန်ပီယံလိဂ် သုံးကြိမ်ဆက် စံချိန်ကို တားဆီးခဲ့သလို နောက်ရာသီမှာတော့ သူတို့တွေလည်း အရှုံး ဆိုတဲ့ အရသာကို မြည်းစမ်းစေရပါမယ်”</p> <p style="text-align:justify">လာပေါ်တာ : “ဘာစီလိုနာဟာ ချန်ပီယံလိဂ် ဗိုလ်လုပွဲနဲ့ ဝေးကွာနေတာ ကြာပါပြီ... နောက်ရာသီမှာတော့ ကျွန်တော်တို့ရဲ့ ပြတ်သားတဲ့ ဆုံးဖြတ်ချက်နဲ့ စွမ်းဆောင်ရည်ကို ပရိသတ်တွေ မြင်တွေ့ရပါလိမ့်မယ်”</p> <p style="text-align:justify">ဆာအဲလက်စ် ဖာဂူဆန် : “မန်ယူနိုက်တက်က အခုဆို ထိပ်ဆုံးကို ရောက်နေပါပြီ... ဒါကြောင့် မကြုံစဖူး စိန်ခေါ်မှုတွေနဲ့ ရင်ဆိုင်ရမှာပါ... ဒါပေမဲ့ ကျွန်တော့်အနေနဲ့ ချူဖုန်းအပေါ် အကြွင်းမဲ့ ယုံကြည်မှု ရှိပါတယ်... သူဟာ မန်ယူနိုက်တက် သမိုင်းမှာ အအောင်မြင်ဆုံး ကစားသမား ဖြစ်လာမှာပါ”</p> <p style="text-align:justify">---</p> <p style="text-align:justify">ချန်ပီယံလိဂ် ဗိုလ်လုပွဲ ပြီးဆုံးသွားသည့် ညတွင် သတင်းပေါင်းစုံက မှိုလိုပေါက်အောင် ထွက်ပေါ်လာတော့သည်။ ချူဖုန်းသည် အခုဆိုလျှင် အင်တာနက်ပေါ်တွင် လူပြောအများဆုံး ပုဂ္ဂိုလ်တစ်ယောက် ဖြစ်လာခဲ့လေပြီ။</p> <p style="text-align:justify">ထိုသို့ ဖြစ်လာရခြင်းမှာ သူရရှိထားသော ဂုဏ်ပုဒ်များကြောင့်သာမကဘဲ တစ်ခါမြင်ရုံနှင့် စွဲလမ်းသွားစေနိုင်သည့် သူ၏ ဆွဲဆောင်မှုရှိသော ကစားဟန်ကြောင့်လည်း ဖြစ်သည်။ အချို့သော ကစားသမားများက ကင်မရာ အရိုက်ခံရအောင် ကစားတတ်ကြသော်လည်း ချူဖုန်းကမူ ကင်မရာက သူ့ကို အလိုလို လိုက်ရှာနေရသည့် အမျိုးအစား ဖြစ်သည်။</p> <p style="text-align:justify">သူသာ ကွင်းထဲတွင် ရှိနေပါစေ… ဘောလုံး မရှိသည့်တိုင်အောင် ကင်မရာများက သူ့ထံသို့သာ ဗဟိုပြုနေတတ်ကြသည်။ အကြောင်းမှာ ချူဖုန်း ဘောလုံး ရရှိသွားသည့်အခါ မည်သို့သော ရင်သပ်ရှုမောဖွယ် ထိုးဖောက်မှုမျိုး လုပ်ပြမည်ကို မည်သူမျှ ကြိုမသိနိုင်သောကြောင့် ဖြစ်သည်။</p> <p style="text-align:justify">တရုတ်ပြည်သူများ… အထူးသဖြင့် ပင်ချန်းမြို့သားများမှာမူ ပျော်ရွှင်မှုများ အထွတ်အထိပ်သို့ ရောက်နေကြသည်။ အခုဆိုလျှင် ဘောလုံးကွင်းထဲတွင် ဘောလုံးကစားနေသည့် ကလေးများမှာ အရင်ကထက် ပိုမို များပြားလာသည်။ ထိုကလေးအားလုံးသည်လည်း နံပါတ် (၇) ဂျာစီများကိုသာ ဝတ်ဆင်ထားကြပြီး ထိုနံပါတ်မှာ သူတို့၏ တစ်သက်တာ စွဲလမ်းမှု ဖြစ်လာသယောင် ရှိနေတော့၏။</p> <p style="text-align:justify">မြို့ပြ၏ အထင်ကရ အဆောက်အအုံများပေါ်တွင် ချူဖုန်း ဖလားကို မြှောက်မထားသည့် ပိုစတာကြီးများ ချိတ်ဆွဲထားကြပြီး ဘေးနားရှိ အထပ်မြင့် အဆောက်အအုံကြီးမှ စခရင်ကြီး အပေါ်တွင်လည်း ချူဖုန်း၏ သွင်းဂိုးများကို တစ်နေ့လုံး အကြိမ်ကြိမ် ပြသနေလေသည်။</p> <p style="text-align:justify">လူမှုကွန်ရက် စာမျက်နှာများပေါ်တွင်လည်း မှတ်ချက်များက ဝေေဝဆာဆာ ရှိနေသည်။</p> <p style="text-align:justify">- [ချန်ပီယံဆုကို ကာကွယ်နိုင်ခဲ့ပြီ... ချူလေးကတော့ ရှယ်ပဲကွာ။]</p> <p style="text-align:justify">- [မန်ယူပရိသတ်သက်တမ်း (၃၀) ရှိပြီ... စိတ်လှုပ်ရှားလွန်းလို့ တစ်ညလုံး အိပ်မရဘူး။]</p> <p style="text-align:justify">- [မန်ယူက သမိုင်းသစ် ရေးထိုးလိုက်ပြန်ပြီ... ချန်ပီယံလိဂ် ပုံစံသစ်မှာ သုံးနှစ်ဆက် ချန်ပီယံ ဖြစ်လာဖို့ အခွင့်အရေး ရှိနေပြီ]</p> <p style="text-align:justify">- [နောက်ရာသီမှာ ဇီဒန်းက ရီးရဲလ်ကို ပြန်ကိုင်ပြီး အားနည်းချက်တွေကို ပြင်တော့မှာ... ဘာစီလိုနာကလည်း ဂရစ်ဇ်မန်းကို ယူရို (၁၂၀) သန်းနဲ့ ဝယ်လိုက်ပြီ... ပီအက်စ်ဂျီကလည်း ပိုက်ဆံအိတ်ကို ဖြဲထားတာဆိုတော့ နောက်ရာသီက ခက်ခဲဦးမှာပဲ။]</p> <p style="text-align:justify">- [မပူပါနဲ့... ချူလေး ရှိနေသရွေ့ မျှော်လင့်ချက် ရှိတယ်... ငါကတော့ သူ့ကို အကန့်အသတ်မရှိ ယုံကြည်တယ်။]<br /> - [ပီအက်စ်ဂျီက ချူဖုန်းအတွက် (၂၈၀) သန်း ပေးဖို့ ပြင်နေတယ်လို့ ကြားတယ်... လစာကလည်း မယုံနိုင်စရာပဲတဲ့။]</p> <p style="text-align:justify">- [ဆော်ဒီကမ်းလှမ်းချက်လောက်တော့ ဘယ်အရာမှ မကောင်းပါဘူး... ရီယာဒ်အသင်းက တစ်နှစ်လစာ (၁၈၀) သန်း ပေးမယ်တဲ့... ချူဖုန်းရဲ့ ကလေးတွေ ပညာရေးအတွက် စိုးရိမ်ရင်လည်း တရုတ်ကျောင်းကို ထိုနေရာမှာတင် ဆောက်ပေးမယ်လို့ ဆိုတယ်... ကိုယ်ပိုင်ဂျက်လေယာဉ်ကလည်း ၂၄ နာရီ အသင့်ပဲ... အစေခံ ၁၅ ယောက်နဲ့ နန်းတော်လို အိမ်ကြီးလည်း ပေးဦးမှာတဲ့။]</p> <p style="text-align:justify">- [ငါသာ ချူဖုန်းနေရာမှာဆိုရင် အဲဒီလို ဇိမ်ခံကားတွေ စီးပြီး အိမ်ကြီးအိမ်ကောင်းတွေမှာ နေဖို့ပဲ ဆုံးဖြတ်လိုက်တော့မှာ]</p> <p style="text-align:justify">---</p> <p style="text-align:justify">မန်ယူနိုက်တက် ကစားသမားများသည် တစ်ညတာ အနားယူပြီးနောက် နောက်တစ်နေ့တွင် မန်ချက်စတာမြို့သို့ ပျံသန်းခဲ့ကြသည်။ အေးချမ်းလှသော ထိုမြို့ကလေးသည် အခုဆိုလျှင် မီးတောက်များပမာ လောင်မြိုက်နေလေပြီ။</p> <p style="text-align:justify">ပရိသတ် တစ်သောင်းကျော်က သူတို့၏ သူရဲကောင်းများကို ကြိုဆိုရန် လေဆိပ်သို့ ရောက်ရှိနေကြပြီး အပေါ်စီးမှ ကြည့်လျှင် အနီရောင် ပင်လယ်ပြင်ကြီးတစ်ခုပမာ ဖြစ်နေသည်။</p> <p style="text-align:justify">“ဝိုး...”</p> <p style="text-align:justify">ချူဖုန်း ချန်ပီယံလိဂ် ဖလားကြီးကို ကိုင်မြှောက်ကာ ထွက်လာသည့်အခါ လေဆိပ်တစ်ခုလုံး ဟိန်းထွက်သွားမတတ် အော်ဟစ်အားပေးသံများ ထွက်ပေါ်လာတော့သည်။</p> <p style="text-align:justify"> </p>


Save