Book List

<h2 style="text-align: center;">အခန်း (၄၅၆)</h2> <h2 style="text-align: center;">*</h2> <p> </p> <p> </p> <p> </p> <p> </p> <p style="text-align:justify">“မန်ယူနိုက်တက်...”</p> <p style="text-align:justify">“မန်ယူနိုက်တက်...”</p> <p style="text-align:justify">အဓိကရုဏ်းနှိမ်နင်းရေး ရဲတပ်ဖွဲ့ဝင်များသည် ပရိသတ်များ အတားအဆီးကို ကျော်မတက်လာစေရန် အားသွန်ခွန်စိုက် ထိန်းသိမ်းနေရသည်။ သို့သော် သူတို့သည် ပရိသတ်များ၏ ဇွဲကို လျှော့တွက်ခဲ့မိသည်။ မန်ယူနိုက်တက် နံပါတ် (၇) ဂျာစီ ဝတ်ထားသော ကောင်လေးတစ်ယောက်သည် ရဲများ၏ ကြားမှ ငုပ်လျှိုးကာ ချူဖုန်း၏ ရင်ခွင်ထဲသို့ တိုးဝင်လာလေသည်။</p> <p style="text-align:justify">“ချူ... ကျွန်တော် ခင်ဗျားနဲ့ ဓာတ်ပုံရိုက်ချင်လို့ ကျောင်းပြေးလာတာဗျ...”</p> <p style="text-align:justify">ထိုကောင်လေးက ချူဖုန်းသည် အရုပ်ကြီးတစ်ရုပ်ဟု ထင်နေသလား မသိဘဲ စိတ်လှုပ်ရှားစွာဖြင့် ဟိုကိုင်သည်ကိုင် လုပ်နေရှာသည်။</p> <p style="text-align:justify">“ဓာတ်ပုံရိုက်မယ်... လာ...”</p> <p style="text-align:justify">ချူဖုန်းက ဘယ်ဘက်လက်ဖြင့် ဖလားကို ကိုင်ကာ ညာဘက်လက်ဖြင့် ကောင်လေးကို ချီမလိုက်ပြီး အသင်းဖော်များကို ဓာတ်ပုံရိုက်ခိုင်းလိုက်၏။ ဓာတ်ပုံရိုက်ပြီးသည့်နောက် -</p> <p style="text-align:justify">“ကဲ... ရဲဦးလေးတွေနဲ့ အပြင်ကို ပြန်ထွက်လိုက်တော့နော်... မဟုတ်ရင် လူအုပ်ကြားထဲ နင်းမိလိမ့်မယ်”</p> <p style="text-align:justify">ချူဖုန်းက ကောင်လေးကို ရဲများထံ ပြန်အပ်ကာ ဂရုတစိုက် သတိပေးလိုက်သည်။ ယခုကဲ့သို့ ပျော်ရွှင်စရာ နေ့မျိုးတွင် မတော်တဆ ထိခိုက်မှုမျိုး မဖြစ်စေချင်ပေ။</p> <p style="text-align:justify">“နောက်ရာသီကျရင် ဘလွန်းဒီအောဆုကို အိုးထရက်ဖို့ဒ်ကို ယူလာပေးနိုင်မလားဟင်...”</p> <p style="text-align:justify">ကောင်လေးက မျှော်လင့်ချက်အပြည့်ဖြင့် လှည့်မေးလိုက်၏။</p> <p style="text-align:justify">“ယူလာခဲ့မယ်...”</p> <p style="text-align:justify">ချူဖုန်းက ပြုံးလျက် ခေါင်းညိတ်လိုက်သည်။ သူက ဆုဖလား ၇လုံးကို ရရှိထားသူ ဖြစ်သဖြင့် အကြွင်းမဲ့ ယုံကြည်ချက် ရှိနေခြင်းပင်။</p> <p style="text-align:justify">မန်ယူကစားသမားများသည် လူအုပ်ကြီးကြားမှ ရုန်းထွက်ကာ အသင်းဘတ်စ်ကားပေါ် ရောက်သွားချိန်မှတင် သက်ပြင်းချနိုင်ကြတော့သည်။</p> <p style="text-align:justify">“ငါတို့ ပရိသတ်တွေကတော့ တကယ့်ကို ရူးသွပ်ကြတာပဲ... ဒီလို အခြေအနေမျိုး ဖြစ်လာမယ်လို့ လုံးဝ မထင်ထားဘူး”</p> <p style="text-align:justify">မက်ဂွိုင်းယားက ပြောနေသော်လည်း သူ့မျက်နှာတွင်မူ ကျေနပ်ပီတိများ လွှမ်းနေသည်။ သူက ကားပြတင်းပေါက်မှနေ၍ လက်ဝှေ့ယမ်းပြသော်လည်း ပရိသတ်များက သူ့ကို ဂရုမစိုက်ကြပေ။ </p> <p style="text-align:justify">အားလုံးက ကား၏ ညာဘက်ခြမ်း၊ နောက်ဆုံးတန်းမှ သုံးခုမြောက် နေရာသို့သာ စိုက်ကြည့်နေကြသည်။ ထိုနေရာကား ချူဖုန်း အမြဲထိုင်လေ့ရှိသည့် နေရာပင်။</p> <p style="text-align:justify">---</p> <p style="text-align:justify">မန်ယူအမှတ်တံဆိပ်ပါသော ဘတ်စ်ကားကြီးသည် အိုးထရက်ဖို့ဒ်ကွင်းဆီသို့ တရွေ့ရွေ့ မောင်းနှင်လာသည်။ လမ်းတစ်လျှောက်တွင် ကားဟွန်းသံများက မစဲဘဲ ပရိသတ်များကလည်း တကောက်ကောက် လိုက်ပါလာကြသည်။</p> <p style="text-align:justify">မီဒီယာများ၏ ရှေ့မှောက်တွင် မန်ယူကစားသမားများသည် ချူဖုန်းကို ဝန်းရံကာ ဖလားကြီးကို ပြတိုက် အတွင်းသို့ သယ်ဆောင်သွားကြသည်။ ဤနေရာကား သရဲနီများ၏ သမိုင်းကြောင်းများ ကိန်းအောင်းရာ နေရာပင်။</p> <p style="text-align:justify">နံရံပေါ်ရှိ ဓာတ်ပုံများတွင် မာရီဒစ်မှသည် ဆာ ဘက်စ်ဘီ၊ ကန်တိုနာ၊ ရွန်းနီ၊ စီရော်နယ်ဒိုနှင့် အခုဆိုလျှင် ချူဖုန်း...။</p> <p style="text-align:justify">ဂျီယိုဗာနီသည် မန်ယူနိုက်တက် ကျော်ကြားသူများ ဂုဏ်ပြုခန်းမ၏ ပြတိုက်မှူး ဖြစ်သည်။ အသက် (၇၆) နှစ်ရှိပြီဖြစ်သော ထိုအဖိုးအိုသည် မန်ယူ၏ အနိမ့်အမြင့် အတက်အကျ အားလုံးကို မြင်တွေ့ခဲ့သူ ဖြစ်၏။ သူသည် တုန်ရီနေသော လက်များဖြင့် ဖန်ဗူးကို ဖွင့်လိုက်သည်။ ထိုနေရာတွင် ငွေပြားလေး တစ်ခု ရှိနေပြီး ၎င်းပေါ်တွင် '၂၀၁၈-၂၀၁၉ ယူအီးအက်ဖ်အေ ချန်ပီယံလိဂ်' ဟု ရေးထိုးထားသည်။</p> <p style="text-align:justify">၎င်းသည် မန်ယူနိုက်တက်၏ (၅) ကြိမ်မြောက် ချန်ပီယံလိဂ် ဖလားပင်။ ယူအီးအက်ဖ်အေ၏ စည်းမျဉ်းဟောင်း အရဆိုလျှင် ဖလား (၅) ကြိမ်ရလျှင် မူရင်းဖလားကို အပိုင်သိမ်းခွင့်ရှိသော်လည်း ၂၀၀၈-၀၉ ရာသီနောက်ပိုင်းတွင် ထိုစည်းမျဉ်းကို ပယ်ဖျက်လိုက်ခြင်း ဖြစ်သည်။</p> <p style="text-align:justify">“သောက်ကျိုးနည်း ယူအီးအက်ဖ်အေ...”</p> <p style="text-align:justify">ဂျီယိုဗာနီက တိုးတိုးလေး ဆဲလိုက်မိသည်။ သူသည် လီဗာပူးပြတိုက်မှူးနှင့် တွေ့ဆုံစဉ်က အလှောင်ခံခဲ့ရသည်ကို အမှတ်ရနေသေးသည်။</p> <p style="text-align:justify">“သောက်ကျိုးနည်း လီဗာပူး... သောက်ကျိုးနည်း ယူအီးအက်ဖ်အေ...”</p> <p style="text-align:justify">သူက ထပ်မံ ဆဲဆိုလိုက်ပြီးနောက် လက်ကို အကြိမ်ကြိမ် ဆေးကြောကာ ချူဖုန်းထံမှ ဖလားကို လှမ်းယူလိုက်သည်။ ထို့နောက် အသာအယာ သုတ်သင်ကာ ဖန်ဗူးထဲသို့ ဂရုတစိုက် ထည့်လိုက်၏။ ဤအရာသည် သူ၏ ယုံကြည်ချက်၊ အတိတ်နှင့် အနာဂတ် ဖြစ်သောကြောင့်ပင်။</p> <p style="text-align:justify">“ချူ... မင်းရဲ့ ဗိုလ်လုပွဲဝတ် ဂျာစီကိုတော့ သူငယ်ချင်းတွေကို ပေးမလိုက်ဘူး မဟုတ်လား”</p> <p style="text-align:justify">ဂျီယိုဗာနီက ရုတ်တရက် မေးလိုက်သည်။</p> <p style="text-align:justify">“ဒါက ရွိုင်ကိန်းရဲ့ ဂျာစီပဲ... ခေတ်တစ်ခုရဲ့ သင်္ကေတပေါ့... အခု ခေတ်သစ်ရဲ့ သင်္ကေတ ဖြစ်တဲ့ မင်းရဲ့ ဂျာစီကိုလည်း ဒီမှာ ထားစေချင်တယ်”</p> <p style="text-align:justify">“ရပါတယ်... ခဏနေရင် ကျွန်တော့်လက်ထောက်ကို လာပို့ခိုင်းလိုက်ပါ့မယ်”</p> <p style="text-align:justify">ချူဖုန်းက လွယ်လွယ်ပင် သဘောတူလိုက်သည်။ အသင်းက လိုချင်လျှင် ပေးလိုက်ရုံသာ။ သူက နောက်ပိုင်းကျလျှင် အိုးထရက်ဖို့ဒ် အရှေ့၌ သူ့ရုပ်တုကိုပင် ထားချင်နေသူ မဟုတ်ပါလား…။</p> <p style="text-align:justify">---</p> <p style="text-align:justify">ညနက်ပိုင်းသို့ ရောက်သည့်အခါ အောင်ပွဲခံ စားသောက်ပွဲအပြီး ချူဖုန်း မိမိတိုက်ခန်းသို့ ပြန်ရောက်လာခဲ့သည်။ အရက်ရှိန်ကြောင့် အနည်းငယ် မူးနေသဖြင့် ညကောင်းကင်ယံကို ကြည့်ကာ လွမ်းဆွေးနေမိသေးသည်။</p> <p style="text-align:justify">အနည်းငယ် အမူးပြေသွားချိန်တွင် သူသည် စိတ်ကို စုစည်းကာ စနစ်ကို ဖွင့်လိုက်၏။</p> <p style="text-align:justify">[ဂုဏ်ယူပါသည်၊ အသင်းမစ်ရှင် : ၂၀၁၈-၁၉ ချန်ပီယံလိဂ် ဆုဖလားအား ဆွတ်ခူးနိုင်ခြင်းကို ပြီးမြောက်ခဲ့ပြီ ဖြစ်ပါသည်။]</p> <p style="text-align:justify">[စွမ်းဆောင်ရည် တွက်ချက်နေပါသည်...]</p> <p style="text-align:justify">[မစ်ရှင်ဆုလာဘ် : ဒဏ္ဍာရီလာ ရတနာသေတ္တာ]</p> <p style="text-align:justify">[ဂုဏ်ယူပါသည်၊ အထူးစွမ်းရည် မော်ဂျူး - ပြိုင်ဘက်ကင်းကို ရရှိခဲ့ပါသည်။]</p> <p style="text-align:justify">[မော်ဂျူး အသေးစိတ် : သင်၏ အရည်အချင်း တစ်ခုခုသည် အမြင့်ဆုံးသို့ ရောက်ရှိသွားပါက ထိုအကန့်အသတ်ကို ကျော်ဖြတ်နိုင်မည် ဖြစ်ပြီး သင်၏ အနာဂတ်တွင် အကန့်အသတ်ဟူ၍ ရှိတော့မည် မဟုတ်ပါ။]</p> <p style="text-align:justify">ချူဖုန်း : “???”</p> <p style="text-align:justify">အရင်က စနစ်က ကစားသမား ပုံစံတူတွေ ပေးခဲ့တာ မဟုတ်လား။ အခုကျမှ ဘာလို့ 'ပြိုင်ဘက်ကင်း' ဆိုတာကြီး ပေးရတာလဲ။ </p> <p style="text-align:justify">ထို့ပြင် အရင်လို ခေါင်းစောင်းပြီး အိပ်ပျော်သွားတာမျိုးလည်း မရှိသလို ခန္ဓာကိုယ်ထဲမှာ ထူးခြားတဲ့ ခံစားချက်လည်း မရှိပေ။</p> <p style="text-align:justify">ထို့နောက် သူသည် အရည်အချင်းပြကွက်ကို ဖွင့်ကြည့်လိုက်သည်။</p> <p style="text-align:justify">[ဘောလုံးလိမ်ခေါက်ခြင်း : ၉၈.၁၃ (၉၇)]</p> <p style="text-align:justify">[ဘောလုံးပေးပို့ခြင်း : ၉၃.၂၇ (၈၃)]</p> <p style="text-align:justify">[ဂိုးကန်သွင်းခြင်း : ၉၆.၇၀ (၉၅)]</p> <p style="text-align:justify">[အလျင်နှုန်း : ၉၄.၂၅ (၉၄)]</p> <p style="text-align:justify">[ခန္ဓာကိုယ်ကြံ့ခိုင်မှု : ၉၈.၁၂ (၈၃)]</p> <p style="text-align:justify">[ခံစစ် : ၆၇.၃၆ (၅၁)]</p> <p style="text-align:justify">ခံစစ်ကလွဲလျှင် သူ၏ အရည်အချင်းများအားလုံးက ရော်နယ်ဒို၏ အမြင့်ဆုံး အလားအလာများကို ကျော်လွန်သွားခဲ့လေပြီ။ ရုတ်တရက်ဆိုသလိုပင် စခရင်ပေါ်ရှိ ကွင်းစကွင်းပိတ်အတွင်းမှ ဂဏန်းများမှာ သဲသောင်ပြင် လေတိုက်ခံရသလို ပျောက်ကွယ်သွားတော့သည်။</p> <p style="text-align:justify">“ရော်နယ်ဒိုရဲ့ ပုံစံတူက ငါ့ကို အောင်မြင်စေခဲ့ပေမဲ့ တစ်ဖက်မှာလည်း ငါ့ကို ကန့်သတ်ထားသလို ဖြစ်နေတာကိုး... ဒါကြောင့်ပဲ ပြိုင်ဘက်ကင်း ဆိုတဲ့ မော်ဂျူးကို ပေးတာလား...”</p> <p style="text-align:justify">ချူဖုန်းက တိုးတိုးလေး ရေရွတ်လိုက်သည်။ သူသည် ထိုကိစ္စကို ခေါင်းထဲမှ ထုတ်လိုက်ပြီး ပျော်ရွှင်စရာ အချိန်များကိုသာ ကုန်ဆုံးစေခဲ့သည်။ သို့သော် အလေ့အကျင့် ဖြစ်နေသောကြောင့် နေ့တိုင်း မနက်စောစော ထကာ လေ့ကျင့်မှုများ ပြုလုပ်ခဲ့ပြီးနောက် ကာရင်တန် လေ့ကျင့်ရေးကွင်းသို့ သွားခဲ့သည်။</p> <p style="text-align:justify">“မတွေ့ရတာ ကြာပြီနော်...”</p> <p style="text-align:justify">ချူဖုန်းက ပြုံးပြီး ပြောလိုက်သည်။</p> <p style="text-align:justify">“နှစ်ရက်ပဲ ရှိသေးတာကိုဗျာ...”</p> <p style="text-align:justify">မန်ဒက်စ်က ပွစိပွစိ ပြောရင်း လက်ဝှေ့ယမ်းပြလိုက်သည်။</p> <p style="text-align:justify">“ကဲ... အရင်ဆုံး စာချုပ်သစ် ကိစ္စ ပြောရအောင်... မန်ယူက မင်းဆီကနေ ပိုက်ဆံတွေ အများကြီး မြတ်ထားတာ... ငါတို့ သူတို့ကို ပြန်အနိုင်ကျင့်ရမယ်”</p> <p style="text-align:justify">နှစ်ဦးသား စကားပြောရင်း အစည်းအဝေးခန်းထဲသို့ ဝင်လာခဲ့ကြသည်။ မန်ယူစီမံခန့်ခွဲရေးအဖွဲ့က အသင့်စောင့်နေကြပြီး အက်ဒ် ဝုဒ်ဝပ်က ပြုံးရွှင်စွာဖြင့် ကြိုဆိုလေသည်။</p> <p style="text-align:justify">“ကျွန်တော်တို့ရဲ့ သူရဲကောင်းကြီးကို ကြိုဆိုပါတယ်ဗျာ...”</p> <p style="text-align:justify">ဖြောင်း ဖြောင်း ဖြောင်း</p> <p style="text-align:justify">လက်ခုပ်သံများ ဟိန်းထွက်သွားပြီးနောက် စာချုပ်သစ်အတွက် စတင် ဆွေးနွေးကြတော့သည်။</p> <p style="text-align:justify">“တစ်ပတ် လုပ်ခလစာ ပေါင် ၇၆၅,၀၀၀ ၊ ဂိုးသွင်းဆုကြေး ၃၀ ရာခိုင်နှုန်း တိုးမြှင့်ဖို့နဲ့ ဂျာစီရောင်းရငွေ ဝေစု ပိုပေးဖို့ လိုအပ်ပါတယ်”</p> <p style="text-align:justify">မန်ဒက်စ်၏ အဖွဲ့က အသေးစိတ် အချက်အလက်များကို တင်ပြလိုက်သည်။ အက်ဒ် ဝုဒ်ဝပ်၏ မျက်နှာမှာ ပျက်သွားတော့၏။ </p> <p style="text-align:justify">အခုဆိုလျှင် ချူဖုန်းက ပရီးမီးယားလိဂ်မှာ လစာအများဆုံး ဖြစ်နေပြီ။ ထပ်တိုးပေးရမည်ကို သိသော်လည်း ဤပမာဏက များလွန်းနေသည်။</p> <p style="text-align:justify">ချူဖုန်းအပြင် ဒုတိယမြောက် လစာအများဆုံးမှာ ပေါ့ဘာဖြစ်ပြီး ပေါင် ၃၅၀,၀၀၀ သာ ရှိသည်။ ချူဖုန်း၏ လစာက သူတို့ထက် နှစ်ဆလောက် များနေသဖြင့် ပေါ့ဘာ စိတ်ဆိုးမည်မှာ အမှန်ပင်။</p> <p style="text-align:justify">“ချူဖုန်းက ဘယ်လောက် တန်ဖိုးရှိလဲဆိုတာ လူတိုင်း သိကြတာပဲ... ဒါကြောင့် ပွင့်ပွင့်လင်းလင်းပဲ ပြောကြရအောင်”</p> <p style="text-align:justify">မန်ဒက်စ်က အက်ဒ် ဝုဒ်ဝပ်ကို စကားပြောခွင့် မပေးပေ။ အကယ်၍ မန်ယူက ဒီစာချုပ်ကို ငြင်းပယ်လျှင်ပင် အခြားကလပ်ပေါင်းများစွာက အလုအယက် ကမ်းလှမ်းကြမည်မှာ အသေအချာပင်။ ဖလော်ရန်တီနိုက သူ့ကို ချဉ်းကပ်ခဲ့ပြီး လစာအပြင် ပုံရိပ်မူပိုင်ခွင့်တွေပါ ပေးမည်ဟု ဆိုခဲ့ဖူးသည်။</p> <p style="text-align:justify">“ပေါလ်က လွန်ခဲ့တဲ့ ရက်ပိုင်းကပဲ ကျွန်တော့်ကို လာပြောတယ်... သူ့လစာက ပြဿနာ မရှိစေချင်ဘူးတဲ့... တခြား ကစားသမားတွေလည်း...”</p> <p style="text-align:justify">အက်ဒ် ဝုဒ်ဝပ် စကားမဆုံးခင်မှာပင် မန်ဒက်စ်က ရက်ရက်စက်စက် ဖြတ်ပြောလိုက်သည်။</p> <p style="text-align:justify">“သူတို့မှာ ချူဖုန်းလို စွမ်းရည်ရှိရင် သူတို့လည်း တောင်းဆိုနိုင်ပါတယ်... ဒါပေမဲ့ မေးချင်တာက သူတို့မှာ အဲဒီလို စွမ်းရည် ရှိလို့လား”</p> <p style="text-align:justify">“လစာကြီးလွန်းရင် အသင်းရဲ့ အဝတ်လဲခန်းထဲမှာ စိတ်ဝမ်းကွဲမှုတွေ ဖြစ်လာနိုင်တယ်လို့ ခင်ဗျား ပြောချင်တာလား”</p> <p style="text-align:justify">မန်ဒက်စ်က အက်ဒ် ဝုဒ်ဝပ်ကို ပြုံးကြည့်ကာ ပြောလိုက်သည်။</p> <p style="text-align:justify">“ဒါဆိုရင်လည်း လွယ်ပါတယ်... သူတို့ကို ရောင်းထုတ်လိုက်ပေါ့... မဟုတ်ဘူးလား။ အခု မန်ယူမှာ ပိုက်ဆံရော၊ နာမည်ကျော်ကြားမှုရော ရှိနေတာပဲ... ကစားသမား မရှိမှာကို ဘာလို့ စိုးရိမ်နေရတာလဲ”</p> <p style="text-align:justify">မန်ဒက်စ်က အက်ဒ် ဝုဒ်ဝပ်၏ အတွေးကို ကောင်းကောင်း သိသည်။ အထူးသဖြင့် ပေါ့ဘာ။ သူက အေးဂျင့် ရိုင်အိုလာရဲ့ မြှောက်ပင့်မှုကို ခံနေရတာ ဖြစ်မည်။</p> <p style="text-align:justify">‘မင်းက တော်တဲ့သူပဲ၊ ဘာလို့ သူတစ်ပါးအောက်မှာ နေမှာလဲ’၊ ‘ချူဖုန်းရဲ့ အချက်အလက်တွေကို ကြည့်ဦး။ သူက မင်းဆီကနေ ဘောလုံးတွေ လုယူသွားတာပဲ’ အစရှိသဖြင့် ရိုင်အိုလာက ကစားသမားတွေကို လမ်းမှားအောင် အမြဲ လုပ်လေ့ရှိသည်။</p> <p style="text-align:justify">အက်ဒ် ဝုဒ်ဝပ်က ချူဖုန်းကို ကြည့်လိုက်သော်လည်း ချူဖုန်းကတော့ ဘာမှမပြောဘဲ ပြုံးနေရုံသာ။ </p> <p style="text-align:justify">သူ့ကို ကိုယ်ကျင့်တရားနဲ့ လာပြီး ခြိမ်းခြောက်ချင်တာလား။ သူက ဟယ်ရီကိန်း မဟုတ်ဘူး။ အဲဒီလို အပေါစား နည်းလမ်းတွေထဲ ကျဆုံးသွားမှာ မဟုတ်ဘူး။</p> <p style="text-align:justify">သူ သတိထားမိတာက ပေါ့ဘာ၊ လင်ဂတ်၊ ရက်ရှ်ဖို့ဒ်တို့က သူ့ကို ရှောင်နေကြတာပင်။ </p> <p style="text-align:justify">သူတို့တွေက မန်ယူမှာ မင်းသားကိုးပါး နန်းလုပွဲ ခင်းကျင်းချင်နေကြတာလား။ မော်ရင်ညိုက ဧကရာဇ်ဆိုရင် သူက မင်းသားကြီး၊ ပေါ့ဘာက ဒုတိယမင်းသား၊ ရက်ရှ်ဖို့ဒ်က တတိယမင်းသားပေါ့။</p> <p style="text-align:justify">“ကောင်းပါပြီ... ကျွန်တော် နားလည်ပါပြီ”</p> <p style="text-align:justify">အက်ဒ် ဝုဒ်ဝပ်က သက်ပြင်းချလိုက်သည်။ သူ ဘာကို ရွေးချယ်ရမလဲဆိုတာ စဉ်းစားနေစရာတောင် မလိုတော့ပေ။</p> <p style="text-align:justify"> </p>


Save