Book List

<h2 style="text-align: center;">အခန်း (၄၅၈)</h2> <h2 style="text-align: center;">*</h2> <p> </p> <p> </p> <p> </p> <p style="text-align:justify">နောက်တစ်နေ့တွင် ရှန့်ဟယ် လေ့ကျင့်ရေးစခန်းတစ်ခုလုံး ဆူညံသွားတော့သည်။ ကစားသမားများ အားလုံး ဖျတ်ခနဲ နိုးကြားသွားကြ၏။ အကြောင်းမှာ အသင်းမန်နေဂျာ ကျန်းဟုန်ချိုးက ချူဖုန်းကို ခေါ်ဆောင်ကာ လေ့ကျင့်ရေးကွင်း အတွင်းသို့ ဝင်လာသည်ကို တွေ့လိုက်ရသောကြောင့်ပင်။</p> <p style="text-align:justify">ကင်မရာပေါင်းစုံကလည်း သူတို့နောက်က တကောက်ကောက် လိုက်နေကြသည်။ ချူဖုန်းကတော့ နာမည်ကြီး ကစားသမားတစ်ယောက်၏ မောက်မာမှုမျိုး မရှိဘဲ အားလုံးကို ပြုံးပြကာ နှုတ်ဆက်လေသည်။ </p> <p style="text-align:justify">ထိုအခါမှ လက်ရွေးစင်အသင်းသားများ သက်ပြင်းချနိုင်ကြတော့သည်။ ချူဖုန်းက သူတို့ ထင်သလောက်တော့ ကြောက်ဖို့ မကောင်းပါလား။</p> <p style="text-align:justify">ချူဖုန်း အဝတ်လဲခန်းထဲ ဝင်သွားသည့်အခါ နံရံမှာ ချိတ်ဆွဲထားသော အနီရောင် ဂျာစီများကို တွေ့လိုက်ရသည်။ ဤအနီရောင်ကား မန်ယူ၏ အနီရောင်နှင့် မတူ။ ၎င်းသည် မိမိ၏ နိုင်ငံကို ကိုယ်စားပြုသော အရောင်ပင်။</p> <p style="text-align:justify">ပီယာလို ပြောခဲ့ဖူးသည့် စကားတစ်ခွန်း ရှိသည်။ “အီတလီက အရာအားလုံးထက် အရေးကြီးတယ်... အင်တာမီလန်၊ အေစီမီလန်၊ ဂျူဗင်တပ်စ်နဲ့ ဘယ်ကလပ်ထက်မဆို ပိုအရေးကြီးတယ်” တဲ့။ <br /> ချူဖုန်းလည်း အခု ထိုခံစားချက်မျိုး ရနေသည်။</p> <p style="text-align:justify">ဂျာစီ နံပါတ် (၇) ...။</p> <p style="text-align:justify">သူ့နာမည်ပါသည့် ဂျာစီကို မြင်တော့ ချူဖုန်း ပြုံးလိုက်မိသည်။ အမှန်တော့ သူက နံပါတ်ကို သိပ်မရွေးသော်လည်း သူသာ (၇) ကို မဝတ်လျှင် ဝူလေလည်း ဆက်ဝတ်ရဲမှာ မဟုတ်မှန်း သူ သိနေသည်။</p> <p style="text-align:justify">ချူဖုန်း ဂျာစီလဲပြီး ကွင်းထဲ ထွက်လာသည့်အခါ ကျန်းဟုန်ချိုးက သူ့ကျောပြင်ကို ကြည့်ရင်း “မျှော်လင့်ချက် ရောင်ခြည်ကို မြင်နေရသလိုပဲ”ဟု တိုးတိုးလေး ရေရွတ်လိုက်မိ၏။</p> <p style="text-align:justify">လေ့ကျင့်ရေးကွင်းတွင် လစ်ပီက ဘောလုံးတစ်လုံးကို ပုတ်လျက် စောင့်နေသည်။ ချူဖုန်းက လျှောက်သွားပြီး -“ဆရာ... လေ့ကျင့်ရေးပွဲ မစခင် ကစားကွက်အကြောင်း အရင် ဆွေးနွေးကြမလား”</p> <p style="text-align:justify">လစ်ပီက ချူဖုန်း၏ တက်ကြွမှုကို သဘောကျကာ လက်ခုပ်တီးပြီး အသင်းသားအားလုံးကို စုလိုက်သည်။</p> <p style="text-align:justify">အသင်း (A) က ၄-၃-၃ ကစားကွက် : တိုက်စစ်တွင် အယ်လ်ကီဆင်၊ ချူဖုန်းနှင့် ဝူလေ။</p> <p style="text-align:justify">အသင်း (B) ကလည်း ၄-၃-၃ ကစားကွက် : ဝေရှီဟောင်၊ ရန်ရွှီနှင့် ယွီတာပေါင်။</p> <p style="text-align:justify">အသင်း (B) မှ ကစားသမားများမှာ အသင်း (A) ၏ တိုက်စစ်အတွဲကို ကြည့်ကာ မျက်နှာ ပျက်ကုန်ကြသည်။ အယ်လ်ကီဆင်၊ ချူဖုန်းနှင့် ဝူလေ...။ </p> <p style="text-align:justify">ဒါက လက်ရွေးစင်အသင်းရဲ့ အတောင့်တင်းဆုံး တိုက်စစ် မဟုတ်ပါလား။ သူတို့ ဘယ်လို ခုခံရမလဲ။</p> <p style="text-align:justify">တီ... တီ...</p> <p style="text-align:justify">လေ့ကျင့်ရေးပွဲ စတင်လိုက်သည်နှင့် နှစ်သင်းလုံး အားကုန် တိုက်စစ်ဆင်ကြတော့သည်။ အသင်း (A)၏ ကစားကွက်က ရိုးရှင်းသည်။ ချူဖုန်းကို လူကပ်ကစားခံထားရသဖြင့် အယ်လ်ကီဆင်က ဘယ်ဘက် တောင်ပံမှ ဖြတ်တင်ဘော ပေးလိုက်၏။</p> <p style="text-align:justify">ထိုအချိန်တွင်ပင်...</p> <p style="text-align:justify">ကျူးချန်ကျဲသည် ချူဖုန်း ဝုန်းခနဲ လေထဲသို့ မြောက်တက်သွားသည်ကို မြင်လိုက်ရသည်။ သူထက် အနည်းဆုံး (၂၀) စင်တီမီတာခန့် ပိုမြင့်အောင် ခုန်တက်သွားခြင်းပင်။</p> <p style="text-align:justify">ဘုန်း...</p> <p style="text-align:justify">ချူဖုန်းက ဘောလုံးကို ခေါင်းဖြင့် အားပါပါ တိုက်သွင်းလိုက်ရာ ဂိုးကွင်းထဲသို့ ဒုံးကျည်ပမာ ဝင်သွားတော့သည်။</p> <p style="text-align:justify">တစ်ကွင်းလုံး တိတ်ဆိတ်သွား၏။ အားလုံးက မွန်းစတားကြီးတစ်ကောင်ကို တွေ့လိုက်ရသလို အံ့သြမှင်သက်နေကြသည်။</p> <p style="text-align:justify">“ဒါ... အနည်းဆုံး လေထဲမှာ (၂) မီတာလောက် မြင့်သွားတာ မဟုတ်လား” ဝူလေက အံ့သြတကြီး ရေရွတ်လိုက်သည်။</p> <p style="text-align:justify">ငါးမိနစ်အကြာတွင် ချူဖုန်းက ကွင်းလယ်အထိ ဆင်းလာပြီး ဘောလုံးတောင်းလိုက်သည်။ ဝူရှီးက သူ့ကို တားရန် ကြိုးစားသော်လည်း ချူဖုန်းက ခန္ဓာကိုယ်ကို အသာအယာ ယိမ်းလိုက်ရုံဖြင့် ဝူရှီးမှာ မြက်ခင်းပေါ်သို့ ဖင်ထိုင်လျက်သား လဲကျသွားတော့သည်။</p> <p style="text-align:justify">ချူဖုန်းက ခေါင်းကို အသာမော့ကာ အသင်းဖော်၏ တည်နေရာကို အတည်ပြုပြီးနောက်...</p> <p style="text-align:justify">ရွှစ်...</p> <p style="text-align:justify">ဓားခုတ်သလို တိကျလှသော မျှောပေးဘော တစ်လုံးကို ပေးလိုက်ရာ ဘောလုံးက အသင်း (B) ၏ နောက်တန်းကို ဖောက်ထွက်ကာ ဝူလေ၏ ခြေထောက်ရှေ့သို့ အသာအယာ ရောက်သွားတော့သည်။ ဝူလေကလည်း အမှားအယွင်းမရှိ ဂိုးသွင်းယူလိုက်၏။</p> <p style="text-align:justify">“တကယ့်ကို ကွက်တိပဲ... အက်စပန်ညိုမှာတောင် ဒီလို ပေးပို့မှုမျိုး တစ်ခါမှ မရဖူးဘူး” ဝူလေက စိတ်လှုပ်ရှားစွာ ပြောရှာသည်။</p> <p style="text-align:justify">ဘေးနားမှ ကြည့်နေသော လစ်ပီကတော့ မျက်မှောင်ကြုတ်နေမိသည်။</p> <p style="text-align:justify">“ချူဖုန်းနဲ့ သူ့အသင်းဖော်တွေကြားက ကွာဟချက်က ကြီးလွန်းနေတယ်... ဒါက သိပ်တော့ မကောင်းဘူး”</p> <p style="text-align:justify">ချူဖုန်းက ပရီးမီးယားလိဂ်၏ အရှိန်အဟုန်ကို ယူဆောင်လာခြင်း ဖြစ်သော်လည်း အသင်းဖော်များက လိုက်မမှီနိုင်ဖြစ်နေသည်။ အသင်းငယ်တွေနှင့် ကစားလျှင် ချူဖုန်း၏ တစ်ကိုယ်တော် စွမ်းရည်နှင့် နိုင်နိုင်သော်လည်း အသင်းကြီးတွေနှင့် တွေ့လျှင် ထိုကဲ့သို့ ဟန်ချက်မညီမှုက အန္တရာယ် ရှိလာနိုင်သည်။</p> <p style="text-align:justify">လစ်ပီက သူ့မျက်မှန်ကို အသာပင့်ရင်း -<br /> “ချူဖုန်းကို နည်းနည်း နောက်ဆုတ်ခိုင်းရင်ရော... သူက ဂိုးပေါက်ကို မျက်နှာမူပြီး တိုက်စစ်ကို ဦးဆောင်နိုင်သလို ကွင်းလယ်ကိုလည်း ထိန်းကျောင်းပေးနိုင်မယ်... နံပါတ် ၁၀နဲ့ နံပါတ် ၉ နှစ်မျိုးအရော ပုံစံမျိုးပေါ့”</p> <p style="text-align:justify">ဒါက လစ်ပီ ဂျူဗင်တပ်စ်နှင့် အီတလီအသင်းမှာ သုံးခဲ့သော ဂန္ထဝင် အီတလီ ၄-၄-၂ ကစားကွက်ပင် ဖြစ်ပေသည်။ နေရာစုံကစားနိုင်တဲ့ နောက်ခံလူတွေ၊ မာကျောတဲ့ ကွင်းလယ်လူတွေနဲ့အတူ ပါရမီရှင် ကွင်းလယ်ဖန်တီးရှင် တစ်ယောက် ပါဝင်တဲ့ ကစားကွက်...။</p> <p style="text-align:justify">ချူဖုန်းကတော့ ထိုသင်္ဘောကြီး၏ တက်မကိုင် အသင်းခေါင်းဆောင် ဖြစ်လာတော့မည်။</p> <p style="text-align:justify">“အရင်ကတော့ တရုတ်အသင်းမှာ ဒီလို နေရာမျိုးအတွက် ကစားသမား မရှိခဲ့ဘူး... ဒါပေမဲ့ အခု ချူဖုန်း ရှိနေပြီ”လစ်ပီက ယုံကြည်မှုအပြည့်ဖြင့် ပြောလိုက်သည်။</p> <p style="text-align:justify">ရုတ်တရက် ကွင်းထဲတွင် ဟေးခနဲ အော်သံ ထွက်လာပြန်သည်။ ချူဖုန်းက ကမ္ဘာ့အဆင့် ဂိုးတစ်ဂိုးကို ထပ်မံ သွင်းယူလိုက်ခြင်းပင်။</p> <p style="text-align:justify">လစ်ပီ၏ စိတ်ထဲတွင် နောက်ဆုံး ကျန်ရှိနေသော သံသယများပါ ပျောက်ကွယ်သွားတော့သည်။</p> <p style="text-align:justify">“ချူဖုန်းက ငါ့ကို လုံလောက်တဲ့ အာဏာကို ပေးလိုက်တာပဲ... ကစားသမား ရွေးချယ်မှုကအစ၊ ကစားကွက် အဆုံး ငါ့စိတ်ကြိုက် လုပ်လို့ရပြီ... ဘယ်သူမှ လာနှောင့်ယှက်မှာ မဟုတ်တော့ဘူး... ငါ တရုတ်ပရိသတ်တွေနဲ့ ငါ့ကိုယ်ငါ အတွက် အကောင်းဆုံး ကြိုးစားရတော့မယ်”</p> <p style="text-align:justify">………………</p> <p style="text-align:justify">"အစီအစဉ် စတင်ပါပြီ... အစီအစဉ် စတင်ပါပြီ..."</p> <p style="text-align:justify">"အခုဆိုရင် ၂၀၁၉ ခုနှစ်ရဲ့ ဖီဖာ အဆင့် (A) ခြေစမ်းပွဲစဉ်ကို တိုက်ရိုက် ထုတ်လွှင့် တင်ဆက်ပေးနေတာ ဖြစ်ပါတယ်..."</p> <p style="text-align:justify">"တရုတ်အမျိုးသား လက်ရွေးစင်အသင်းနဲ့ ဖိလစ်ပိုင် အမျိုးသား လက်ရွေးစင်အသင်းတို့ရဲ့ အိမ်ကွင်းပွဲစဉ်ပဲ ဖြစ်ပါတယ်..."</p> <p style="text-align:justify">"ကျွန်တော်ကတော့ ဒီနေ့ပွဲစဉ်ရဲ့ နောက်ခံစကားပြောသူ ဟယ်ဝေ ဖြစ်ပါတယ်... ကျွန်တော့် ဘေးမှာတော့ ဧည့်သည်တော်အဖြစ် လက်ရွေးစင် ကစားသမားဟောင်းကြီး ဆန်ကျိဟိုင် ရှိနေပါတယ်..."</p> <p style="text-align:justify">ဟယ်ဝေက အသက်ကို ဝဝရှူလိုက်ရင်း ကွင်းထဲသို့ ငုံ့ကြည့်လိုက်သည်။ ကွမ်ကျိုး တီယန်ဟဲ အားကစားကွင်းကြီးကား ပရိသတ် ခြောက်သောင်းခန့်နှင့် ပြည့်လျှံနေလေပြီ။ </p> <p style="text-align:justify">ရိုးရိုး ခြေစမ်းပွဲလေး တစ်ပွဲဖြစ်သော်လည်း ပရိသတ်များမှာ ကွင်းထဲတွင်သာမက ကွင်းအပြင်ဘက်မှာပါ တိုးမပေါက်အောင် ရောက်ရှိနေကြသည်။</p> <p style="text-align:justify">ကွင်း၏ အရပ်လေးမျက်နှာလုံးတွင် အနီရောင် ပင်လယ်ပြင်ကြီးတစ်ခုပမာ ရဲရဲတောက်နေ၏။ ဟယ်ဝေ၏ မျက်လုံးများတွင် မျက်ရည်များ ဝဲတက်လာသည်။ </p> <p style="text-align:justify">သူ တစ်ခါက ပြောခဲ့ဖူးသလိုပင် - တရုတ်ဘောလုံးလောကသည် လူအများအတွက် တံတွေးခွက် တစ်ခု ဖြစ်နေပါစေဦး… သူ့အတွက်တော့ ဒါဟာ တန်ဖိုးမဖြတ်နိုင်သော သန့်စင်ရေခွက်တော်ပင်…။</p> <p style="text-align:justify">ဆန်ကျိဟိုင်လည်း ကွင်းထဲရှိ ကစားသမားများကို ကြည့်ရင်း ၂၀၀၁ ခုနှစ် ကမ္ဘာ့ဖလား ခြေစစ်ပွဲ အောင်မြင်ခဲ့စဉ်က မြင်ကွင်းကို ပြန်လည် အမှတ်ရနေမိသည်။ ထိုအချိန်က လီဝေဖုန်း တစ်ယောက် နိုင်ငံတော်အလံကို ဝှေ့ယမ်းကာ "တရုတ်ပြည် အဓွန့်ရှည်ပါစေ" ဟု အားရပါးရ အော်ဟစ်ခဲ့ဖူးသည်။ </p> <p style="text-align:justify">နှမြောစရာကောင်းသည်မှာ ထိုကဲ့သို့သော အော်ဟစ်သံမျိုး နောက်ပိုင်းမှာ မကြားရတော့ခြင်းပင်။</p> <p style="text-align:justify">"ဒီနေ့ပွဲက တရုတ်အသင်းအတွက် အဓိပ္ပာယ် ထူးခြားပါတယ်... ပထမအချက်က နည်းပြ လစ်ပီ ပြန်လာတာဖြစ်ပြီး ဒုတိယအချက်ကတော့ ရှောင်ချူ လက်ရွေးစင်အသင်းဆီ ပြန်ရောက်လာတာပါပဲ..." ဆန်ကျိဟိုင်က လေသံလေးလေးဖြင့် ပြောလိုက်သည်။</p> <p style="text-align:justify">---</p> <p style="text-align:justify">အသင်းနှစ်သင်း ကွင်းထဲသို့ ထွက်လာသည့်အခါ ကင်မရာများအားလုံးက ချူဖုန်းထံသို့သာ စိုက်နေတော့သည်။ ချူဖုန်းက ခေါင်းမော့ကာ ကြည့်လိုက်၏။ </p> <p style="text-align:justify">ဤအနီရောင် မြင်ကွင်းသည် မည်မျှ လှပလိုက်ပါသနည်း။</p> <p style="text-align:justify">ကလပ်အသင်းမှာ ကစားရခြင်းက ကိုယ်ကျိုးစီးပွားအတွက် ဖြစ်သော်လည်း လက်ရွေးစင်အသင်းမှာ ကစားရခြင်းက နိုင်ငံတော်၏ ဂုဏ်သိက္ခာအတွက် ဖြစ်သည်။ သူ့ရင်ဘတ်ပေါ်ရှိ နိုင်ငံတော် အလံအမှတ်တံဆိပ်က ပူနွေးလာသလို ခံစားရပြီး သွေးများ ဆူပွက်လာတော့သည်။</p> <p style="text-align:justify">"အားလုံးပဲ မတ်တပ်ရပ်ပေးကြပါရန်..."</p> <p style="text-align:justify">နိုင်ငံတော်သီချင်းသံ ထွက်ပေါ်လာချိန်တွင် ချူဖုန်းက သူ့ရင်ဘတ်ပေါ် လက်တင်ကာ စိတ်လှုပ်ရှားမှုကို ထိန်းထားလိုက်သည်။ သူ မငိုပါ။ ခေါင်းကိုသာ မော့ထားကာ ဂုဏ်ယူစွာဖြင့် ရှေ့သို့ ကြည့်နေမိသည်။ </p> <p style="text-align:justify">သူ တွေးနေမိသည်မှာ - သူသည် ကလပ်အသင်းတွင် ဆုဖလားပေါင်း များစွာ ရရှိခဲ့သော်လည်း မိမိနိုင်ငံ အတွက် ဘာမှ မလုပ်ပေးနိုင်ခဲ့လျှင် တစ်သက်လုံး နောင်တရနေမည်မှာ အသေအချာပင်။ ချန်ပီယံလိဂ် ဖလားတွေ ဘယ်လောက်ပဲ ရရ၊ နိုင်ငံတော်အလံကို ဘောလုံးကွင်းထဲမှာ မြှောက်ခွင့်မရရင်တော့ ဘာမှ မပြည့်စုံနိုင်ပေ။</p> <p style="text-align:justify">---</p> <p style="text-align:justify">"ကဲ... အခု ပွဲထွက်လူစာရင်းကို ကြေညာပေးပါ့မယ်..."</p> <p style="text-align:justify">ဟယ်ဝေက သူ့ထိုင်ခုံတွင် ပြန်ထိုင်ကာ စာရင်းဖတ်လိုက်သည်။ တရုတ်အသင်းသည် ၄-၄-၂ ကစားကွက်ဖြင့် ပွဲထွက်လာပြီး မန်ယူစတား ချူဖုန်းနှင့် လူငယ်နောက်ခံလူ ကျူးချန်ကျဲတို့ ပွဲဦးထွက် အဖြစ် ပါဝင်လာကြသည်။ ဖိလစ်ပိုင်အသင်းကမူ ၃-၄-၁-၂ ကစားကွက်ဖြင့် ပွဲထွက်လာ၏။</p> <p style="text-align:justify">အွန်လိုင်း ထုတ်လွှင့်မှုများတွင်လည်း ကြည့်ရှုသူဦးရေမှာ စံချိန်တင်နေပြီး ချန်ပီယံလိဂ် ဗိုလ်လုပွဲထက်ပင် ပိုများနေလေသည်။</p> <p style="text-align:justify">- [တီဗီထဲမှာ ကြည့်တုန်းက ချူလေးက ခန္ဓာကိုယ် သေးသေးလေးလို့ ထင်ရပေမဲ့... အပြင်မှာကျတော့ တကယ့် နွားသိုးကြီးလိုပဲဟ။ တောင့်လိုက်တာ။]</p> <p style="text-align:justify">- [ဖိလစ်ပိုင်ကိုတော့ အပြတ်ကန်ရမှာပဲ... ချူလေး မပါခင်တုန်းကတောင် ၈-၁ နဲ့ နိုင်ထားတာ။]</p> <p style="text-align:justify">- [ဒီနေ့ပွဲကတော့ ဂိုးပြတ်မှာပဲ... ချူလေးရဲ့ ခြေစွမ်းကို စောင့်ကြည့်ရအောင်။]</p> <p style="text-align:justify">***</p>


Save