Book List

<h2 style="text-align: center;">အခန်း (၄၆၀)</h2> <h2 style="text-align: center;">*</h2> <p> </p> <p> </p> <p> </p> <p> </p> <p style="text-align:justify">သုံးရက်အကြာတွင် ကျင်းပသည့် နိုင်ငံတကာ အေအဆင့် ခြေစမ်းပွဲကို တန်ဟဲအားကစားကွင်း၌ပင် ဆက်လက်ကျင်းပခဲ့သည်။</p> <p style="text-align:justify">ယခုတစ်ကြိမ် ရင်ဆိုင်ရမည့် ပြိုင်ဘက်မှာ တာဂျစ်ကစ္စတန် အသင်းပင် ဖြစ်၏။</p> <p style="text-align:justify">ပွဲကစားချိန် (၁၃) မိနစ်တွင် ဝမ်ကန်က တောင်ပံမှ ဖောက်ထွက်ကာ ကွင်းလယ်သို့ ဘောလုံး ဖြတ်တင်ပေးလိုက်သည်။ ချူဖုန်းက သူ့ကို ပိတ်ဆို့ထားသည့် နောက်ခံလူကို လိမ်ခေါက်ကျော်ဖြတ်ကာ အဝေးကန်ချက်ဖြင့် ကန်သွင်းလိုက်ရာ ဘောလုံးက ဂိုးပိုက်ထဲသို့ တန်းခနဲ ဝင်သွားတော့သည်။</p> <p style="text-align:justify">ပွဲကစားချိန် (၃၅) မိနစ်အရောက်တွင် ချူဖုန်းက ကွင်းလယ်၌ ပြိုင်ဘက်ကစားသမား နှစ်ယောက်ကို လှပစွာ ကျော်ဖြတ်ပြီး ဝူလေထံသို့ ဘောလုံး ပင့်ကျော်ပေးပို့လိုက်သည်။ ဝူလေကလည်း အခွင့်အရေးကို အမိအရ ဆုပ်ကိုင်ကာ ညာဘက်ထောင့်ကျဉ်းလေးထဲသို့ မြေစိုက်ကန်ချက်ဖြင့် ဒုတိယဂိုးကို သွင်းယူပေးခဲ့၏။</p> <p style="text-align:justify">ထို့နောက်တွင်တော့...</p> <p style="text-align:justify">နည်းပြချုပ် လစ်ပီက လူစာရင်းကို စတင် ပြောင်းလဲခဲ့သည်။ ခံစစ်သုံးယောက်တန်းမှ လေးယောက်တန်းသို့ ပြောင်းလဲကာ လူငယ်ကစားသမားများကို အတွေ့အကြုံရစေရန် လူစားဝင် ကစားစေခဲ့သည်။</p> <p style="text-align:justify">နောက်ဆုံးတွင် တရုတ်အသင်းက တာဂျစ်ကစ္စတန်ကို ၃-၀ ဖြင့် အနိုင်ရရှိသွားခဲ့သည်။</p> <p style="text-align:justify">အဆိုပါ နိုင်ပွဲကြောင့် တရုတ်အသင်းသည် အာရှအဆင့် (၈) နေရာကို ဆက်လက် ထိန်းထားနိုင်ခဲ့ပြီး ကာတာကမ္ဘာ့ဖလား ခြေစစ်ပွဲနှင့် အာရှအသင်း (၄၀) ခြေစစ်ပွဲများတွင် ထိပ်သီးအသင်း အဖြစ် ပါဝင်ခွင့် ရရှိသွားခဲ့လေပြီ။</p> <p style="text-align:justify">——</p> <p style="text-align:justify">လက်ရွေးစင်အသင်းနှင့် ခြေစမ်းပွဲ နှစ်ပွဲကစားပြီးနောက် ချူဖုန်းသည် အနားမယူနိုင်ဘဲ ချန်ဒူးမြို့သို့ တန်းခနဲ ပြေးခဲ့ရပြန်သည်။</p> <p style="text-align:justify">“ဖယ်လိုင်နီ... မင်း ဒီတစ်လော အခြေအနေ ကောင်းနေပုံရတယ်နော်”</p> <p style="text-align:justify">ချူဖုန်းက သူ့ရှေ့တွင် ထိုင်နေသည့် ဖယ်လိုင်နီကို ကြည့်ကာ နှုတ်ဆက်လိုက်သည်။</p> <p style="text-align:justify">“နှမြောစရာပဲ... ဒီနှစ်မှာ ငါတို့အသင်းက လူမစုံလို့သာပေါ့။ နောက်ရာသီကျရင်တော့ ချန်ပီယံဆုကို ငါတို့ အရယူနိုင်မယ်လို့ ယုံကြည်တယ်”</p> <p style="text-align:justify">ဖယ်လိုင်နီက အားကျသလို လေသံဖြင့် ပြောလာ၏။ “မင်းတို့ကတော့ ကောင်းတာပေါ့ကွာ... တစ်နှစ်တည်းနဲ့ ချန်ပီယံဆု (၇) ခုတောင် ရခဲ့တာပဲ။ ငါသာ မန်ယူမှာ နောက်တစ်နှစ်လောက် ထပ်နေခဲ့ရင် သိပ်ကောင်းမှာ။ ဒါပေမဲ့ ဒီမှာလည်း မဆိုးပါဘူး။ ရှန်းတုန်းလူနန်းပရိသတ်တွေ ငါ့ကို ဘယ်လောက်ချစ်လဲဆိုတာ မင်း သိမှာမဟုတ်ဘူး”</p> <p style="text-align:justify">“ဒါပေါ့... ငါ့အဆက်အသွယ်ကြောင့် တစ်နိုင်ငံလုံးက ပရိသတ်တွေက မင်းကို ချစ်နေကြတာလေ” ချူဖုန်းက နောက်ပြောင်လိုက်သည်။</p> <p style="text-align:justify">“သွားစမ်းပါ... ဒါက ငါ့အရည်အချင်းကြောင့်ပါကွ။ ဒီမှာကြည့်... ဒီအမာရွတ်က ငါဘယ်လောက် ကြိုးစားလဲဆိုတဲ့ သက်သေပဲ” ဖယ်လိုင်နီက သူ့ဆံပင်တွေကို ဘေးဖယ်ပြရင်း ပြောလိုက်သည်။</p> <p style="text-align:justify">“အေးပါ အေးပါ... တကယ်တော့ ငါ ပြီးခဲ့တဲ့ရက်က ဗလင်စီယာကိုတောင် မင်းဆီလာဖို့ တိုက်တွန်းသေးတယ်။ ဒါပေမဲ့ သူက သူ့မွေးရပ်မြေက ကလပ်မှာပဲ ကစားရင်း မိသားစုကို အချိန်ပေးချင်တယ် ဆိုလို့ လွှတ်ပေးလိုက်ရတယ်” ချူဖုန်းက လက်ကာပြရင်း ပြော၏။</p> <p style="text-align:justify">“ငါ အားတဲ့တစ်နေ့ မန်ချက်စတာကို ပြန်လာခဲ့မယ်။ အဲဒီကျမှ အဝသောက်ကြတာပေါ့” ဟု ဖယ်လိုင်နီက ဆိုသည်။</p> <p style="text-align:justify">သူသည် ၂၀၁၇-၁၈ ရာသီက ချူဖုန်း၏ အတွေ့အကြုံမရှိသေးသော ပုံရိပ်ကို ပြန်လည် မြင်ယောင်နေမိသည်။ ချူဖုန်း၏ တိုးတက်မှုနှုန်းမှာ ဘယ်လိုမှ နားလည်ရခက်လောက်အောင် မြန်ဆန်လွန်းလှ၏။</p> <p style="text-align:justify">ချူဖုန်း၏ အောင်မြင်မှု ခရီးလမ်းကို သူသည် အနီးကပ် မြင်တွေ့ခဲ့ရသူ ဖြစ်၏။ ပြန်စဉ်းစားကြည့်လျှင် ရင်ခုန်စိတ်လှုပ်ရှားစရာ အတွေ့အကြုံများသည် သူ၏ ဘောလုံးသမားဘဝတွင် မေ့ဖျောက်၍ မရနိုင်သော အမှတ်တရများ ဖြစ်ပေလိမ့်မည်။</p> <p style="text-align:justify">“ကောင်းပြီ... ဒီည ငါ လုပ်စရာလေး ရှိသေးလို့ မင်းတို့ပွဲကိုတော့ လာမကြည့်နိုင်တော့ဘူး”</p> <p style="text-align:justify">ချူဖုန်းသည် ဖယ်လိုင်နီကို ဖက်လဲတကင်း နှုတ်ဆက်ပြီးနောက် ကော်ဖီဆိုင်မှ ထွက်လာခဲ့သည်။ ယနေ့တွင် သူသည် ပန်ဒါဖလား ကျင်းပရေးကော်မတီ၏ ဖိတ်ကြားချက်အရ တရုတ် ယူ-၁၈ အသင်းနှင့် တောင်ကိုရီးယား ယူ-၁၈ အသင်းတို့၏ ဗိုလ်လုပွဲကို ကြည့်ရှုရန် ရောက်ရှိနေခြင်း ဖြစ်သည်။</p> <p style="text-align:justify">မကြာမီမှာပင် သူသည် ရွှမ်းလျို အားကစားကွင်းသို့ ရောက်ရှိသွားခဲ့သည်။</p> <p style="text-align:justify">လက်ရွေးစင်အသင်း၏ ဆက်တိုက်နိုင်ပွဲများကြောင့် ထင်သည်။ တရုတ် ယူ-၁၈ အသင်းသည် ပွဲစကတည်းက အားသွန်ခွန်စိုက် ကစားခဲ့သော်လည်း နည်းစနစ်ပိုင်းတွင် ကိုရီးယားအသင်းကို မယှဉ်နိုင်သေးပေ။</p> <p style="text-align:justify">ဘောလုံးပညာဆိုသည်မှာ တစ်ညတည်းနှင့် တတ်မြောက်နိုင်သည့် အရာမှ မဟုတ်ဘဲ။ ဝုဖ်အသင်းမှ ဟယ်ကျန်းယွီပင်လျှင် ထင်သလောက် ခြေစွမ်းမပြနိုင်ခဲ့ပေ။</p> <p style="text-align:justify">နောက်ဆုံးတွင် တရုတ် ယူ-၁၈ အသင်းသည် ကိုရီးယားကို ၀-၂ ဖြင့် ရှုံးနိမ့်သွားခဲ့သည်။ သို့သော် ပွဲအပြီးတွင်တော့ ရွံရှာဖွယ်ရာ ဖြစ်ရပ်တစ်ခု ဖြစ်ပွားခဲ့လေသည်။</p> <p style="text-align:justify">ကိုရီးယားကစားသမား ပါ့ခ်ဂျူဟွန်းက ပန်ဒါဖလားကို မြေပြင်ပေါ်ချကာ ခြေထောက်ဖြင့် နင်းလိုက်ပြီး ဆီးသွားဟန်ဆောင်သည့် ရိုင်းစိုင်းသော အမူအရာကို လုပ်ပြခဲ့သည်။ သူ၏ ရည်ရွယ်ချက်က ရှင်းပါသည်။ နိုင်ငံ့ဂုဏ်ဆောင် ဖလားကို စော်ကားခြင်းဖြင့် တရုတ်အသင်းကို အထင်သေးကြောင်း ပြသခြင်းပင်။</p> <p style="text-align:justify">ပါ့ခ်ဂျူဟွန်းသည် ပွဲကြည့်စင်ပေါ်မှ ထွက်ခွာရန် ပြင်နေသည့် ချူဖုန်းကို တစ်ချက် လှမ်းကြည့်လိုက်၏။ သူသည် ဆွန်ဟောင်မင်၏ အမာခံပရိသတ်ဖြစ်ပြီး ချူဖုန်းအပေါ် မည်သည့်အခါမှ အမြင်ကြည်သူ မဟုတ်ပေ။ ယနေ့ တရုတ်မြေတွင် ချန်ပီယံဖြစ်ရုံတင်မက ချူဖုန်း၏ မျက်နှာကိုပါ ဖြတ်ရိုက်လိုက်နိုင်ပြီဟု သူ ထင်နေပုံရသည်။</p> <p style="text-align:justify">ချူဖုန်း၏ ခြေလှမ်းများ ရပ်တန့်သွား၏။ သူသည် ကွင်းပြင်ထဲသို့ ငုံ့ကြည့်လိုက်သည်။ တရုတ် လူငယ်ကစားသမားလေးများ မည်သို့ တုံ့ပြန်မည်ကို သူ သိချင်သည်။</p> <p style="text-align:justify">ရိုင်းစိုင်းသူကို တုံ့ပြန်ရန် အကောင်းဆုံးနည်းလမ်းမှာ နောက်ပွဲတွင် အနိုင်ယူခြင်းဖြစ်သည်ဟု မည်သူမျှ လာမပြောပါနှင့်။ ထိုသို့ပြောခြင်းမှာ မိမိတို့တွင် ဘောလုံးပညာသာမက အခြေခံ တိုက်ခိုက်လိုစိတ်တောင် မရှိတော့ကြောင်း ဝန်ခံခြင်းသာ ဖြစ်သည်။</p> <p style="text-align:justify">စော်ကားခံရလျှင် ပြန်လည် တုံ့ပြန်ရမည်။ ပွဲအပြီးတွင် လူအများက "ရှုံးတာကို မကျေနပ်လို့ ရန်ဖြစ်တာ" ဟု ကဲ့ရဲ့မည်ဆိုလျှင်တောင် ဂရုစိုက်နေစရာ မလိုပေ။</p> <p style="text-align:justify">ခေတ္တမျှ ငြိမ်သက်သွားပြီးနောက်...</p> <p style="text-align:justify">"ဝုန်း..."</p> <p style="text-align:justify">ဒေါသထွက်နေသော တရုတ် ယူ-၁၈ ကစားသမားများသည် ပါ့ခ်ဂျူဟွန်းဆီသို့ တဟုန်ထိုး ပြေးဝင်သွားကြပြီး ဝိုင်းဝန်း ထိုးကြိတ်ကြတော့သည်။ ဆဲဆိုသံများ၊ တွန်းထိုးသံများမှာ ကွင်းတစ်ခုလုံးတွင် ဆူညံသွားကာ ရဲတပ်ဖွဲ့ဝင်များ ဝင်ရောက် တားဆီးရသည့်အထိ အခြေအနေက ဆိုးရွားသွားခဲ့သည်။</p> <p style="text-align:justify">---</p> <p style="text-align:justify">အဝတ်လဲခန်းထဲတွင်တော့...</p> <p style="text-align:justify">တရုတ် ယူ-၁၈ ကစားသမားများသည် ခေါင်းငိုက်စိုက်ကျကာ တန်းစီရပ်နေကြသည်။</p> <p style="text-align:justify">“မင်းတို့ ဘာလို့ ဒီလောက် စိတ်လိုက်မာန်ပါ လုပ်ကြတာလဲ။ သူတို့လုပ်တာ လက်ခံနိုင်စရာ မရှိဘူး ဆိုပေမဲ့ ပွဲစီစဉ်သူတွေက အရေးယူမှာပဲလေ။ အခုတော့ ဘယ်လိုလုပ်မလဲ... မင်းတို့က အမှားကို အမှားနဲ့ တုံ့ပြန်လိုက်တော့ အကျိုးဆက်ကို မစဉ်းစားကြဘူးလား”</p> <p style="text-align:justify">အသင်းခေါင်းဆောင်က ဒေါသတကြီး အော်ဟစ်နေသည်။ “ပြောစမ်း... မင်းတို့ မှားတယ်လို့ မထင်ဘူးလား”</p> <p style="text-align:justify">နှုတ်ခမ်းတွင် ပွန်းပဲ့ဒဏ်ရာ ရထားသည့် လူငယ်ကစားသမားလေးက ခေါင်းမော့မလာဘဲ နှုတ်ဆိတ်နေ၏။ သူ ဘာမှ မမှားဟု ယုံကြည်နေပုံရသည်။</p> <p style="text-align:justify">မန်ယူနှင့် အက်သလက်တီကိုတို့ပွဲတွင် ချူဖုန်းပင်လျှင် ဖိလစ်ပီ၏ စော်ကားမှုကို လက်သီးဖြင့် တုံ့ပြန်ခဲ့သည် မဟုတ်ပါလား။</p> <p style="text-align:justify">ထိုစဉ် အဝတ်လဲခန်းတံခါး ပွင့်သွားသည်။ အသင်းခေါင်းဆောင်သည် ဝင်လာသူကို မြင်လိုက်ရသည့်အခါ ဆဲဆိုရန် ပြင်နေသည့် စကားလုံးများပင် လည်ချောင်းထဲတွင် တစ်ဆို့သွားတော့၏။</p> <p style="text-align:justify">“ချူဖုန်းက လူငယ်လေးတွေနဲ့ စကားခဏ ပြောချင်လို့ပါ” ဝန်ထမ်းတစ်ဦးက လာရောက် အသိပေးသည်။</p> <p style="text-align:justify">နံရံတွင် ကပ်ရပ်နေသည့် ကစားသမားလေးများအားလုံး ရုတ်တရက် ခေါင်းမော့လာကြသည်။ ဖန်သားပြင်ပေါ်တွင်သာ တွေ့ဖူးသည့် သူတို့၏ စံပြပုဂ္ဂိုလ်ကို အပြင်မှာ မြင်လိုက်ရသဖြင့် အားလုံး ရင်ခုန်စိတ်လှုပ်ရှားသွားကြ၏။</p> <p style="text-align:justify">ချူဖုန်းက အဝတ်လဲခန်းအလယ်သို့ လျှောက်လာပြီး အေးဆေးတည်ငြိမ်စွာ ပြောလိုက်သည်။</p> <p style="text-align:justify">“ပွဲအပြီး ဖြစ်သွားတဲ့ ကိစ္စနဲ့ ပတ်သက်လို့... ငါပြောချင်တာက မင်းတို့ ချတာ ကောင်းတယ် ဆိုတာပဲ။ ဟိုဘက်က တရားစွဲမယ်ဆိုရင် ငါ့ရှေ့နေအဖွဲ့က ကိုင်တွယ်ပေးလိမ့်မယ်။ ဆေးကုသခ တောင်းမယ် ဆိုရင်လည်း တောင်းသလောက် ပေးလိုက်မယ်။ ငါ့မှာ ပိုက်ဆံ အလုံအလောက် ရှိတယ်”</p> <p style="text-align:justify">“ဒါပေမဲ့... ဒီနေ့ သူတို့ ငါတို့ ဂုဏ်သိက္ခာကို နင်းခြေသွားတာကို လက်သီးနဲ့ပဲ တုံ့ပြန်နေမယ်ဆိုရင် ဒါက အဓိပ္ပာယ်မရှိဘူး”</p> <p style="text-align:justify">“ငါ အင်္ဂလန်မှာ ကစားတုန်းက မျောက်ဝါ လို့ ခေါ်တာ ခံခဲ့ရဖူးတယ်။ ငါ့မိသားစုကို စော်ကားတာ၊ ပရိသတ်သောင်းချီက ငါ့ကို လက်ခလယ်ထောင်တာတွေ ကြုံခဲ့ရတယ်။ အဲဒီလူတွေအားလုံးကို ငါ လိုက်ထိုးလို့ ရမလား... မရဘူး”</p> <p style="text-align:justify">“ဒါကြောင့် ဒီနေ့ အရှက်ရခဲ့တာကို ရင်ထဲမှာ မှတ်ထားလိုက်ပါ။ ဒါကို ရှေ့ဆက်ဖို့ တွန်းအားအဖြစ် ပြောင်းလဲလိုက်စမ်း။ ကိုယ်တိုင် ပြန်လက်စားချေနိုင်တဲ့အထိ ကြိုးစားကြ။ အဲဒီကျမှ အောက်တန်းကျတဲ့ ကိုရီးယားကောင်တွေက ယဉ်ကျေးမှု ဆိုတာ ဘာလဲဆိုတာ သိသွားလိမ့်မယ်”</p> <p style="text-align:justify">“နောက်ဆုံး ပြောချင်တာကတော့... ဒီအရှုံးကို ကျော်လွှားနိုင်အောင် ကြိုးစားပါ။ အောင်မြင်မှုကသာ မင်းတို့ကို လူရာဝင်စေမှာ။ မဟုတ်ရင်တော့ မင်းတို့ဟာ ထာဝရ လူပျော့လေးတွေပဲ ဖြစ်နေလိမ့်မယ်”</p> <p style="text-align:justify">ချူဖုန်းက လူငယ်လေးတစ်ဦးချင်းစီကို သေချာကြည့်ကာ သူတို့ ရင်ဘတ်ပေါ်က နိုင်ငံတော်အလံကို လက်ညှိုးညွှန်ပြရင်း လေးနက်သော အသံဖြင့် ပြောလိုက်သည်။</p> <p style="text-align:justify">“ငါ့ကို အရှက်မခွဲနဲ့။ ပရိသတ်တွေကို အရှက်မခွဲနဲ့။ အဲဒီထက် ပိုအရေးကြီးတာက... ကိုယ့်ကိုယ်ကိုယ် အရှက်မရစေဖို့ပဲ”</p> <p style="text-align:justify">---</p> <p style="text-align:justify">မိုင်ပေါင်းများစွာ ဝေးကွာသော အင်္ဂလန်နိုင်ငံတွင်တော့...</p> <p style="text-align:justify">“မန်စီးတီးက ပေးမယ့် လစာနဲ့ ခံစားခွင့်တွေက မန်ယူထက် အများကြီး သာလွန်လိမ့်မယ်လို့ ငါ အာမခံတယ်”</p> <p style="text-align:justify">ဂရီးလစ်ရှ်၏ အေးဂျင့်က သူ့ကို နားချနေသည်။ သို့သော် ဂရီးလစ်ရှ်က ခေါင်းခါပြလိုက်၏။</p> <p style="text-align:justify">“စိတ်မရှိပါနဲ့ဗျာ... ကျွန်တော့်အတွက် မန်ယူက ပိုသင့်တော်တယ်လို့ ခံစားရတယ်”</p> <p style="text-align:justify">ပြီးခဲ့သည့် ရက်အနည်းငယ်က မန်ယူအပြောင်းအရွှေ့အဖွဲ့က သူ့ဆီလာပြီး စကားတစ်ခွန်း ပြောသွားခဲ့သည်။</p> <p style="text-align:justify">“မင်းက ချန်ပီယံ (၇) ကြိမ်ရထားတဲ့ အသင်းကို သွားချင်တာလား ဒါမှမဟုတ် (၅) ကြိမ်ဆက် ဒုတိယပဲ ရနေတဲ့ အသင်းကို သွားချင်တာလား”</p> <p style="text-align:justify">ထိုစကားက ဂရီးလစ်ရှ်ကို ချက်ချင်း သတိဝင်သွားစေခဲ့သည်။ ဘယ်သူကများ ဒုတိယ ‘ဘုရင်’ ဖြစ်ချင်မှာလဲ။</p> <p style="text-align:justify">ဂရီးလစ်ရှ်သည် ငယ်စဉ်ကတည်းက မန်ယူပရိသတ် ဖြစ်ခဲ့သည်မှာ အမှန်ပင်။ သူ၏ လူမှုကွန်ရက်တွင် ၂၀၁၂ ခုနှစ်ကတည်းက “မန်ယူနိုင်ပါစေ၊ မန်စီးတီး ရှုံးပါစေ” ဟူသော ပို့စ်များ ရှိခဲ့ဖူးသည်။ ထို့ကြောင့်ပင် သူသည် မန်ယူသို့ ပြောင်းရွှေ့ရန် ဆုံးဖြတ်လိုက်တော့သည်။</p> <p style="text-align:justify">ဤသို့ဖြင့် ဂရီးလစ်ရှ်သည် မန်ယူအသင်း၏ ရာသီသစ်အတွက် ပထမဆုံးသော ကစားသမား ခေါ်ယူမှု ဖြစ်လာခဲ့လေသည်။</p> <p style="text-align:justify"><br /> ***<br />  </p>


Save