Book List

<h2 style="text-align: center;">အခန်း ၁၈၁</h2> <h2 style="text-align: center;">အစ်ကိုယီတောင်းနှင့် ပျားမလေး</h2> <h2 style="text-align: center;">*</h2> <p> </p> <p>စက္ကန့်သုံးဆယ်ခန့် တိတ်ဆိတ်သွားပြီးနောက် အခြေအနေက ပြန်လည် အသက်ဝင်လာလေသည်။ Live ထဲရှိ comment များကလည်း တစ်ဖန် ပြန်လည် ပွက်လောရိုက်လာတော့၏။</p> <p>" လခွမ်း... ဒီဘဲက ဘယ်သူလဲဟ... "</p> <p>" ဟားဟား... အူနာနေပြီဟေ့... တကယ် ရယ်ရလွန်းလို့ သေတော့မယ်... ဒီလို လူမျိုး ရှိတာပဲ... "</p> <p>" ဒီကောင်ကတော့... ဒီတစ်ခါတော့ တကယ် နာမည်ကြီးသွားပြီ... တကယ့်ကို နာမည်ကြီးသွားတာ... ပျားမလေး ရဲ့ ဇဝေဇဝါ ဖြစ်နေတဲ့ မျက်နှာကို ကြည့်ပါဦး... "</p> <p>" ငါလည်း နည်းနည်း ဇဝေဇဝါ ဖြစ်နေတယ်... ဒီကောင်က တမင်တကာ လုပ်နေတာများလား... "</p> <p>" တမင် လုပ်နေတာတော့ မထင်ပါဘူး... သူ့မှာ အဲဒီလောက် ဉာဏ်ရည်ဉာဏ်သွေး ရှိပုံမရဘူး... ဟားဟား... "</p> <p>" ဒီ တက်ကြွတဲ့ကြက်ဖ အွန်လိုင်း ပြန်တက်လာတဲ့ အချိန်ကျရင် သူ့မျက်နှာ ဘယ်လို နေမလဲ ဆိုတာကို ငါ တကယ် ကြည့်ချင်တယ်... "</p> <p>" ဟီးဟီး... မင်း တွေးနေသလိုပဲ၊ သူ တွေးနေသလိုပဲ၊ အားလုံး တွေးနေကြသလိုပဲ... နောက်ဆုံးတော့ သူ အောင်မြင်သွားတာပဲ မဟုတ်ဘူးလား... "</p> <p>" အောင်မြင်တယ် ဟုတ်လား... ဘာကို အောင်မြင်တာလဲ... "</p> <p>" အဆဲတောင်းပြီး အောင်မြင်တဲ့ အထာပေါ့ကွာ... "</p> <p>" အင်း... မင်း အဲဒီလို ပြောလိုက်တော့လည်း ဟုတ်သလိုလိုပဲ... "</p> <p>" ဟားဟား... ရယ်လို့ကို မဆုံးနိုင်တော့ဘူး... အမိုက်စားပဲ... "</p> <p>ဤအချိန်တွင် ရှောင်ဝမ်လည်း သတိပြန်ဝင်လာလေပြီ။</p> <p>သူမက စခရင်ကို ပျားမလေးနှင့် အပြန်အလှန် စကားပြောနေသည့် အခြေအနေသို့ အလျင်အမြန် ပြန်လည် ပြောင်းလဲလိုက်၏။</p> <p>" အဟမ်း... အဟမ်း... ခုနက သူငယ်ချင်းက နည်းနည်း စိတ်လှုပ်ရှားလွန်းသွားလို့ နေမှာပါ... "</p> <p>" အဲဒီလို ဆိုတော့လည်း... နောက်တစ်ယောက်ကို ဆက်ပြီး ချိတ်ဆက်ကြည့်ကြတာပေါ့... ဒီတစ်ခေါက် ကျွန်မတို့ရဲ့ ပျားမလေး နဲ့ အပြန်အလှန် စကားပြောခွင့် ရမယ့် ဒုတိယမြောက် ကံထူးရှင် Streamer က ဘယ်သူ ဖြစ်မလဲ ဆိုတာ ကြည့်လိုက်ကြရအောင်... "</p> <p>ဤတစ်ကြိမ်တွင်တော့ အရာအားလုံးက ဇာတ်ညွှန်းအတိုင်း ဖြစ်သွားလေသည်။</p> <p>သူတို့က အလားအလာ အတော်လေး ရှိသော Streamer တစ်ဦးနှင့် ချိတ်ဆက်လိုက်မိ၏။</p> <p>အချိန်များ ကုန်လွန်လာသည်နှင့်အမျှ အစီအစဉ်က တဖြည်းဖြည်း ပုံမှန် အခြေအနေသို့ ပြန်ရောက်သွားလေသည်။</p> <p>ဘာပဲဖြစ်ဖြစ် ဇာတ်ညွှန်း ရှိနေပြီးသားလေ... ပြီးတော့ အပြန်အလှန် စကားပြောမယ့် Streamer တွေကလည်း အစီအစဉ်တွေ အတွက် သေချာ ပြင်ဆင်ထားကြတာ...။</p> <p>အစကတော့ ကျပန်း ပရိသတ် နှစ်ယောက်ကိုလည်း ပါဝင်ခိုင်းဖို့ အစီအစဉ် ရှိခဲ့တာ...။</p> <p>Live ဆက်လက် လွှင့်နေစဉ်မှာပင် အစီအစဉ်က အဆုံးသတ်သို့ ရောက်ရှိလာလေပြီ။</p> <p>ထိုအချိန်မှာပင် ရှောင်ဝမ် ထံသို့ လီယီတောင်း ဆီမှ မက်ဆေ့ချ် တစ်စောင် ဝင်လာ၏။</p> <p>" မနက်ဖြန်က စပြီး Live လွှင့်ဖို့ ကျွန်တော် အာမ မခံနိုင်တော့ဘူး... ခဏနေရင် အပြန်အလှန် စကားပြောကြတာပေါ့... "</p> <p>တကယ်တမ်းတွင် လီယီတောင်းက အတော်လေး အေးအေးဆေးဆေး နေတတ်သူ ဖြစ်ပြီး ပထမနေ့တွင် အပြန်အလှန် စကားပြောရန် ရည်ရွယ်မထားခဲ့ပေ။</p> <p>သို့သော် အခုလေးတင် အဘိုးအိုက သူ့ထံ မက်ဆေ့ချ် တစ်စောင် ပို့လာခဲ့ခြင်း ဖြစ်၏။</p> <p>ဒီရက်ပိုင်း အတွင်း သူ့အကူအညီ လိုအပ်မယ့် ကိစ္စ တစ်ခုခု ရှိနေနိုင်တယ်တဲ့...။</p> <p>ဘာကိစ္စလဲ၊ ဘယ်ကို သွားရမလဲ ဆိုတာကိုတော့ အတိအကျ မပြောခဲ့ဘူး...။</p> <p>အနည်းဆုံး တစ်ပတ်၊ ဒါမှမဟုတ် အဲဒီထက် ပိုကြာနိုင်တယ်လို့ပဲ ပြောခဲ့တာ...။</p> <p>ထို့ကြောင့် လီယီတောင်းက ရှောင်ဝမ်ကို ချက်ချင်း ဆက်သွယ်လိုက်ရခြင်း ဖြစ်၏။</p> <p>ဘာပဲဖြစ်ဖြစ် ပလက်ဖောင်းကို ကတိပေးထားပြီးပြီ ဆိုတော့ အနည်းဆုံး တစ်ကြိမ်တော့ ပေါ်လာရမှာပေါ့...။ </p> <p>သို့သော် မက်ဆေ့ချ်ကို ရရှိပြီးနောက် ရှောင်ဝမ် ခဏတာ မှင်သက်သွားရလေသည်။</p> <p>အစ်ကိုယီတောင်း က ပျားမလေး နဲ့ အပြန်အလှန် စကားပြောမယ် ဟုတ်လား...။</p> <p>သူမ မသိစိတ်မှပင် တံတွေး တစ်ချက် မျိုချလိုက်မိပြီး ဝမ်ရှန်းချန် ထံ အလျင်အမြန် ပို့လိုက်လေသည်။</p> <p>အစီအစဉ်မှာ လီယီတောင်း ကို ပျားမလေး နဲ့ အပြန်အလှန် စကားပြောခိုင်းဖို့ လုံးဝ မပါဘူးလေ...။</p> <p>တကယ်လို့ အစ်ကိုယီတောင်းသာ ပျားမလေး ကို Follow လိုက်ရင်... ပြဿနာ အကြီးကြီး တက်တော့မှာပဲ...။</p> <p>သေချာတာပေါ့... အစ်ကိုယီတောင်း က တခြား အနုပညာရှင်တွေကို Follow လုပ်ရင်လည်း ပွဲဆူလောက်တဲ့ သတင်း ဖြစ်မှာပါပဲ...။</p> <p>ဒါပေမဲ့ အနည်းဆုံးတော့ သြဇာလွှမ်းမိုးမှု သိပ်မရှိတဲ့ သူကို ရွေးချယ်တာက ပိုကောင်းတာပေါ့... ယောက်ျားလေး အနုပညာရှင် ဆိုရင် ပိုကောင်းတာပေါ့...။</p> <p>သူတို့က အစ်ကိုယီတောင်း ရဲ့  အရှိန်အဝါ ကို နည်းနည်းလောက် ယူသုံးချင်ကြတာ...။</p> <p>ဒါပေမဲ့ အစ်ကိုယီတောင်း follow မှာလည်း မလိုချင်ကြဘူး…။</p> <p>ရွေးချယ်ခံရတဲ့ အနုပညာရှင် အနေနဲ့ အစ်ကိုယီတောင်း ရဲ့ Follow လုပ်တာ ခံရမလား၊ မခံရဘူးလား ဆိုတာကတော့ ကံတရား အပေါ်မှာပဲ မူတည်တော့တာပေါ့...။</p> <p>ရှောင်ဝမ်၏ မက်ဆေ့ချ်ကို ရရှိပြီးနောက် ဝမ်ရှန်းချန် တစ်ယောက် သိသိသာသာ လွန်ဆွဲနေလေပြီ။</p> <p>ရွေးချယ်စရာ နှစ်ခုပဲ ကျန်တော့တဲ့ ပုံပဲ...။</p> <p>တစ်ခုက လီယီတောင်းရဲ့ တောင်းဆိုချက်ကို သဘောတူလိုက်ဖို့... ဒါပေမဲ့ လီယီတောင်း က ပျားမလေး ကို Follow လိုက်မယ့် ရာခိုင်နှုန်းက တော်တော်လေး များနေတယ်...။</p> <p>နောက်ရွေးချယ်စရာ တစ်ခုကတော့ ငြင်းလိုက်ဖို့ပဲ...။</p> <p>ဒါပေမဲ့...</p> <p>ငြင်းလိုက်တယ် ဆိုရင်... အစ်ကိုယီတောင်းရဲ့ အရှိန်အဝါကို ငါတို့ ယူသုံးလို့ မရတော့ဘူး ဆိုတဲ့ သဘောပဲလေ...။</p> <p>ငါတို့ရဲ့ ပရိုမိုးရှင်းမှာ အစ်ကိုယီတောင်းကလည်း အတိုင်းအတာ တစ်ခုအထိ နေရာယူထားတာ...။</p> <p>ပြီးတော့ တချို့ စစ်တမ်းတွေ အရ... ဒီအစီအစဉ်မှာ အစ်ကိုယီတောင်း ပါလာဖို့ကို မျှော်လင့်နေကြတာတွေလည်း ရှိတယ်...။</p> <p>ဒါပေမဲ့...</p> <p>အရင်က ထုံးစံတွေအရ... လီယီတောင်း လို လူမျိုးက ပထမဆုံး မိနစ်မှာတင် စင်ပေါ် တက်လာမှာတော့ မဟုတ်ဘူးလေ...။</p> <p>ဒါက အစီအစဉ်ရဲ့ ပထမဆုံး အပိုင်းပဲ ရှိသေးတာ...။</p> <p>တကယ်လို့ လီယီတောင်း ဆိုတဲ့ ဝှက်ဖဲကို အခု ထုတ်သုံးလိုက်ရင်... နောက်ပိုင်း Live တွေမှာ အစ်ကိုယီတောင်း ကို ကြည့်ဖို့ လူတွေ ဝင်ကြည့်ကြဦးမလား...။ </p> <p>ဒါပေမဲ့ အခုတော့...</p> <p>ရွေးချယ်စရာ မရှိတော့ဘူး...။</p> <p>နောက်ဆုံးတွင် သူ ကူကယ်ရာမဲ့စွာ ခေါင်းခါလိုက်ပြီး ရှောင်ဝမ် ကို လက်ကာပြလိုက်လေသည်။</p> <p> နည်းနည်း ရတာက ဘာမှ မရတာထက်တော့ ပိုကောင်းပါတယ်...။</p> <p>ဘာပဲဖြစ်ဖြစ်... အစ်ကိုယီတောင်း ပေါ်မလာတာထက်တော့ ပိုကောင်းပါတယ်...။</p> <p>တကယ်လို့ အစ်ကိုယီတောင်းသာ တကယ် ပေါ်မလာခဲ့ရင်... အဲဒါကမှ တကယ့် ခေါင်းကိုက်စရာ ဖြစ်တော့မှာ...။</p> <p>အစ်ကိုယီတောင်း ရဲ့ ပရိသတ်တွေက ငါတို့ကို ဝိုင်းကြိတ်ကြလိမ့်မယ်…။</p> <p>သူတို့ ဘယ်လိုတွေတောင် အထင်လွဲသွားကြမလဲ ဆိုတာ ဘယ်သူမှ မသိနိုင်ဘူးလေ...။</p> <p>ခွင့်ပြုချက် ရရှိပြီးနောက် ရှောင်ဝမ် ပြုံးလိုက်ပြီး….<br /> " ဒီနေ့ ပျားမလေးရဲ့ live ကို အားလုံး နှစ်သက်ကြမယ်လို့ ကျွန်မ ယုံကြည်ပါတယ်... "</p> <p>" ဒါပေမဲ့ လှပတဲ့ အခိုက်အတန့်တွေက အမြဲတမ်း တိုတောင်းလေ့ ရှိပါတယ်... အချိန်လည်း စေ့လာပြီ ဆိုတော့ ဒီနေ့အတွက် ကျွန်မတို့ရဲ့ အစီအစဉ်က အဆုံးသတ်ကို ရောက်လာပါပြီ... "</p> <p>" ဒီနောက်ဆုံး အချိန်လေးမှာ ဒီနေ့ရဲ့ နောက်ဆုံး ကံထူးရှင်က ဘယ်သူ ဖြစ်လာမလဲ ဆိုတာ ကြည့်လိုက်ကြရအောင်... "</p> <p>" ကဲ... ဒီနေ့အတွက် နောက်ဆုံး Streamer ကို မဲဖောက်လိုက်ကြရအောင်... "</p> <p>အစီအစဉ် တင်ဆက်သူ စကားပြောနေစဉ် Live ထဲရှိ စခရင်ပေါ်တွင် ရွေးချယ်မှု လုပ်ငန်းစဉ် စတင်နေလေပြီ။</p> <p>မရေမတွက်နိုင်သော ပရိုဖိုင်ပုံများက ဆက်တိုက် လင်းလက်နေ၏။</p> <p>တကယ်တမ်းတွင် ၎င်းတို့က ရွေးချယ်မှု လုပ်ငန်းစဉ်ကို ပိုမို အစစ်အမှန် ဖြစ်စေရန် ဖန်တီးထားသော အထူး ပြုလုပ်ချက် အချို့သာ ဖြစ်လေသည်။</p> <p>စက္ကန့်အနည်းငယ် ကြာပြီးနောက်...</p> <p>နောက်ဆုံးတော့...</p> <p>စခရင်ကြီးပေါ်တွင် လူတစ်ယောက်၏ မျက်နှာ ပေါ်လာလေသည်။</p> <p>ထိုလူ၏ မျက်နှာ ပေါ်လာသည်နှင့် တစ်ပြိုင်နက် Live တစ်ခုလုံး စိတ်လှုပ်ရှားမှုများဖြင့် ဆူညံပေါက်ကွဲသွားတော့၏။</p> <p>" အိုး ဘုရားရေ... အစ်ကိုယီတောင်း လား... အဲဒါ အစ်ကိုယီတောင်း မဟုတ်ဘူးလား... "</p> <p>" ပျားမလေး အတွက် နောက်ဆုံး အပြန်အလှန် စကားပြောမယ့်သူက အစ်ကိုယီတောင်းလား... ဒါ ရူးချင်စရာပဲ... ပလက်ဖောင်းက အရမ်း အကြီးကြီး ပလေးနေတာလား... "</p> <p>" လခွမ်း... ပျားမလေး... ပြေးတော့... အစ်ကိုယီတောင်းကို ရှောင်ဟေ့... "</p> <p>"ဟုတ်တယ်... ပျားမလေး... စကားပြောမယ့် အစီအစဉ်ကို ငြင်းလိုက်... "</p> <p>" ဟီးဟီး... စကားပြောတာကို ငြင်းလိုက်ရင် အလုပ်ဖြစ်မလား... အစ်ကိုယီတောင်းက မင်းကို Follow ဖို့ မင်းနဲ့ စကားပြောဖို့ လိုလို့လား... ဖြစ်လာသမျှကို ကျေကျေနပ်နပ် လက်ခံလိုက်တာက ပိုကောင်းပါတယ်... "</p> <p>" နေပါဦး... ပျားမလေးက အစ်ကိုယီတောင်း ရဲ့ Follow လုပ်တာကို ခံရတော့မယ့် အတိုင်း မင်းတို့တွေက ဘယ်လိုလုပ် ပြောထွက်ရတာလဲ... အဲဒါက နည်းနည်း လွန်မနေဘူးလား... "</p> <p>" လွန်တယ် ဟုတ်လား... ဟီးဟီး... အစ်ကိုယီတောင်း မဲပေါက်တဲ့ အခွင့်အရေးက တအားကို တိုက်ဆိုင်နေတာလေ... ဘာပြဿနာမှ မရှိဘူးဆိုတာ ငါ မယုံဘူး... "</p> <p>" အစ်ကိုယီတောင်း... ကျေးဇူးပြုပြီး ကျွန်တော့်ရဲ့ ပျားမလေးကို ချမ်းသာပေးပါဗျာ... ကျွန်တော့် ရည်းစားရဲ့  အသက် ဆယ်နှစ်ကို ပေးပါမယ်… ပျားမလေးကို ချမ်းသာပေးပါဗျာ... "</p> <p>" အပေါ်ကလူ... မင်း ဘာတွေ လျှောက်ပြောနေတာလဲ... "</p> <p>" စကားများမနေကြနဲ့... ချိတ်သွားပြီ... ချိတ်သွားပြီ... အစ်ကိုယီတောင်း နဲ့ ငါ့ရဲ့ ပျားမလေးတို့ ဘာတွေ ပြောမလဲ ဆိုတာ ကြည့်လိုက်ကြရအောင်... "</p> <p> </p> <p style="text-align: center;">***</p>


Save