Book List

<h2 style="text-align: center;">အခန်း ၁၈၂</h2> <h2 style="text-align: center;">ပျားမလေး ကြုံတွေ့ရမည့် လူလုပ် မတော်တဆမှု</h2> <h2 style="text-align: center;">*</h2> <p> </p> <p>လီယီတောင်း မျက်နှာက Live စခရင်ပေါ်တွင် ပေါ်လာလေသည်။</p> <p>လေထုက တစ်ဖန် ပြန်လည် တိတ်ဆိတ်သွားပြန်၏။</p> <p>ပျားမလေးက အစ်ကိုယီတောင်း၏ နာမည်ကျော်ကြားမှုကို အတိုင်းအတာ တစ်ခုအထိတော့ သိထားလေသည်။</p> <p>ဤကဲ့သို့သော ထိပ်တန်း အနုပညာရှင်များက ပုံမှန်အားဖြင့် သတင်းအမျိုးမျိုးကို လိုက်ဖတ်နေလေ့ မရှိကြပေ။ သူတို့ အဓိက အာရုံစိုက်လေ့ရှိသည်မှာ သူတို့၏ အနုပညာ အသိုင်းအဝိုင်း အတွင်း၌သာ ဖြစ်တတ်၏။</p> <p>သို့သော်...</p> <p>အစ်ကိုယီတောင်း၏ မကြာသေးမီက မှတ်ချက်များက အလွန်အမင်း နာမည်ကြီးနေခဲ့လေသည်။ ရက်အနည်းငယ်ခြားတိုင်း Trending စာရင်းထဲ ရောက်ရောက်နေသဖြင့် အာရုံမစိုက်မိဘဲ နေရန်မှာ မဖြစ်နိုင်သလောက်ပင်။</p> <p>ထို့ကြောင့် ပျားမလေးက သူမ အနေဖြင့် အစ်ကိုယီတောင်းနှင့် အပြန်အလှန် စကားပြောရမည်ကို သိလိုက်ရချိန်တွင် ရိုသေစွာ အရင် စကားစလိုက်သည်။</p> <p>" မင်္ဂလာပါ အစ်ကိုယီတောင်း... အစ်ကိုက အခုတလော တော်တော်လေး နာမည်ကြီးနေတာနော်... "</p> <p>" အစ်ကိုယီတောင်း သနားညှာတာပြီး ကျွန်မကို မ Follow ပါနဲ့လို့ မျှော်လင့်ပါတယ်ရှင်... ဟီးဟီး... "</p> <p>အခြေအနေကို အသက်ဝင်စေရန် သူမက ရယ်မောလျက် ပြောလိုက်လေသည်။</p> <p>သို့သော်...</p> <p>အစ်ကိုယီတောင်းက မှင်သက်နေပုံ ရလေသည်။</p> <p>အစ်ကိုယီတောင်း၏ ကြောင်အမ်းအမ်း မျက်နှာထားကို ပရိသတ်များ မြင်တွေ့လိုက်ရချိန်တွင် Live တစ်ခုလုံး ခဏတာ တိတ်ဆိတ်သွားတော့၏။</p> <p>အစ်ကိုယီတောင်း၏ ဤမျက်နှာထားက အလွန် ရင်းနှီးနေလေပြီ။</p> <p>အစ်ကိုယီတောင်း၏ Live ကို ကြည့်ဖူးသူတိုင်း၊ အထူးသဖြင့် သူ၏ ယောဂမယ်လေးများ အကြောင်းကို ကြုံတွေ့ဖူးသူတိုင်းက ဤမျက်နှာထား ဘာကို ဆိုလိုသည်ကို အတိအကျ သိကြလေသည်။</p> <p>အစ်ကိုယီတောင်း စတင် လှုပ်ရှားတော့မည်...။</p> <p>ထင်သည့်အတိုင်းပင်။</p> <p>ခဏတာ ဇဝေဇဝါ ဖြစ်ပြီးနောက် အစ်ကိုယီတောင်းက မျက်မှောင်ကြုတ်လိုက်ကာ ပျားမလေးကို ချက်ချင်း Follow လိုက်လေသည်။</p> <p>Live တစ်ခုလုံး မျက်စိတစ်မှိတ် အတွင်းမှာပင် ပေါက်ကွဲသွားတော့၏။</p> <p>" လခွမ်း... ဒါ နောက်နေတာလား... မဖြစ်နိုင်ဘူး... "</p> <p>" မဖြစ်နိုင်ဘူး မဟုတ်လား... ဒါ တကယ် မဖြစ်နိုင်ဘူး... အစ်ကိုယီတောင်း... ခင်ဗျား ဒီလို လုပ်လို့ မရဘူးလေ... "</p> <p>" အဲဒါ အစစ်လား၊ အတုလား... ငါ တစ်မိနစ်လောက်လေး လစ်သွားတာကို ပျားမလေးက Follow ခံလိုက်ရပြီလား... "</p> <p>" မဟုတ်ဘူး... ဘယ်သူက လာကျိန်စာတိုက်သွားတာလဲ... ဖက်ခ်... သူ့ကို ငါ အပိုင်းပိုင်း ဆွဲဖြဲပစ်မယ်... "</p> <p>" အပေါ်ကလူ... မင်းက အစ်ကိုယီတောင်း ကို ဆွဲဖြဲမလို့လား၊ ဒါမှမဟုတ် ကျိန်စာတိုက်တဲ့ ကောင်ကို ဆွဲဖြဲမလို့လား... "</p> <p>" မေးနေစရာ လိုသေးလို့လား... ဒီကိစ္စရဲ့ နောက်ကွယ်က လက်မည်းကြီးက ဘယ်သူလဲ... ငါ အဲဒီ ကျိန်စာတိုက်တဲ့ ကောင်ကို သေချာပေါက် ဆွဲဖြဲပစ်မှာပေါ့... "</p> <p>" သူသာ လျှောက်မပြောရင် အစ်ကိုယီတောင်းက ငါ့ရဲ့ ပျားမလေး ကို Follow ပါ့မလား... "</p> <p>" နေပါဦး... သူငယ်ချင်း... မင်း သွားတာ နည်းနည်းတော့ လွန်နေပြီ... "</p> <p>" ဟင့်... ငါ့ရဲ့ ပျားမလေး ပြဿနာ တက်ပြီလား... ဘယ်လိုလုပ် ဒီလို ဖြစ်ရတာလဲ... "</p> <p>" တအား ဆူလွန်းတယ်ဟေ့... ဖက်ခ်... ဒီနေ့ရဲ့ Trending ခေါင်းစဉ်တွေကတော့ သေချာသွားပြီ... "</p> <p>" ဒါနဲ့... အစ်ကိုယီတောင်းက ဘာလို့ Follow လိုက်တာလဲ... အစ်ကိုယီတောင်း... အရိပ်အမြွက်ကော... အရိပ်အမြွက် ပေးဦးလေ... "</p> <p>ဤအချိန်တွင် ပျားမလေးလည်း ဆွံ့အသွားလေသည်။</p> <p>သူမက အစ်ကိုယီတောင်းကို သနားညှာတာဖို့ ယဉ်ယဉ်ကျေးကျေးလေး တောင်းဆိုလိုက်ကာမှ သူမကို Follow လိုက်တယ် ဟုတ်လား...။</p> <p>သူမက အစ်ကိုယီတောင်းကို အနေရခက်သော မျက်နှာထားဖြင့် ကြည့်ကာ အတင်း ပြုံးပြလိုက်ပြီး... <br /> " ဟီးဟီး... အစ်ကိုယီတောင်းက တကယ် နောက်တတ်တာပဲ... သနားညှာတာပေးပါလို့ ကျွန်မ ပြောလိုက်တာနဲ့ တစ်ပြိုင်နက်တည်း အစ်ကိုက ကျွန်မကို Follow လိုက်လိမ့်မယ်လို့ မထင်ထားဘူး... "</p> <p>သူမက အခြေအနေကို ပေါ့ပါးသွားစေရန် အစွမ်းကုန် ကြိုးစားနေခြင်း ဖြစ်၏။</p> <p>သို့သော် အစ်ကိုယီတောင်းက သူမကို Follow လိုက်သည်မှာ အမှန်တရားပင်။</p> <p>ဝမ်ရှန်းချန် တစ်ယောက် ဤအချိန်တွင် လုံးဝ စိတ်ပျက်အားငယ်နေလေပြီ။</p> <p>" ဖက်ခ်... လီယီတောင်း... မင်းက ငါ့ကို ဒုက္ခပေးဖို့ ကောင်းကင်ဘုံက လွှတ်လိုက်တာလား... " </p> <p>ဖုန်းကို ရိုက်ခွဲလိုက်သံနှင့်အတူ ဒေါသတကြီး အော်ဟစ်သံကြီး ထွက်ပေါ်လာလေသည်။</p> <p>လီယီတောင်း ပေါ်လာကတည်းက သူ အများကြီး ခံစားခဲ့ရပြီးပြီလေ...။</p> <p>ရှောင်ဝမ်နှင့် လုပ်ခဲ့သော ပြီးခဲ့သည့် အစီအစဉ် အတွင်းက အစ်ကိုယီတောင်း၏ ခြောက်လှန့်မှုကြောင့် ရခဲ့သော စိတ်ဒဏ်ရာများက အခုထိ မကျက်သေးပေ။</p> <p>ပြီးတော့ အစ်ကိုယီတောင်း ကြောင့် ပလက်ဖောင်းရဲ့ ဆာဗာတွေ ကျသွားတာလည်း မရေမတွက်နိုင်အောင်ပဲ...။</p> <p>လီယီတောင်း၏ Live ချောမွေ့စေရန်အတွက် ရန်ပုံငွေများကို အကြိမ်ပေါင်းများစွာ တောင်းခံခဲ့ရသည် မဟုတ်ပါလား။</p> <p>ထိုမျှမကသေးပေ။ လီယီတောင်းကြောင့်ပင် သူဌေး၏ ဆူပူကြိမ်းမောင်းခြင်းကို အကြိမ်ကြိမ် ခံခဲ့ရသေး၏။</p> <p>လီယီတောင်း၏ နာမည်ကျော်ကြားမှုက ပလက်ဖောင်းကို အကျိုးအမြတ် အများအပြား ယူဆောင်လာပေးခဲ့သည်ကလွဲလျှင် စီမံခန့်ခွဲရေး မန်နေဂျာ တစ်ယောက် ဖြစ်သော သူ့အဖို့တော့ ခေါင်းခဲစရာများချည်းသာ။</p> <p>ဘာပဲဖြစ်ဖြစ်... Live လွှင့်နေတုန်း Streamer တစ်ယောက် သေဆုံးသွားတယ် ဆိုတာ သေးတဲ့ ကိစ္စမှ မဟုတ်တာ...။</p> <p>ဒါက Live မတော်တဆမှုကြီးလေ...။</p> <p>ဒီလို ပြဿနာမျိုးကို စီမံခန့်ခွဲရေး မန်နေဂျာကလွဲရင် ဘယ်သူက တာဝန်ယူဖြေရှင်းပေးရမှာလဲ...။</p> <p>ဒါကြောင့် ဒီလို အခြေအနေမျိုးမှာ တကယ်ကို ဒုက္ခရောက်နေရတာ...။</p> <p>တကယ်လို့သာ အစ်ကိုယီတောင်းသာ ပျားမလေး ကို Follow လိမ့်မယ် ဆိုတာကို သူ ကြိုသိခဲ့မယ် ဆိုရင်... အလုပ်တောင် ထွက်ထားဖြစ်မှာ…။</p> <p>သူတို့ နှစ်ယောက်ကို အပြန်အလှန် စကားပြောဖို့ မစီစဉ်ခဲ့သင့်ဘူး...။</p> <p>ပျားမလေးက ထိပ်တန်း အနုပညာရှင် တစ်ယောက်လေ...။</p> <p>သူမရဲ့ ပရိသတ် အင်အားက အစ်ကိုယီတောင်း ထက်တောင် ပိုများသေးတယ်...။</p> <p>အခု ဖြစ်လာမယ့် အကျိုးဆက်တွေ၊ ပရိတ်သတ်တွေ ပွက်လောရိုက်တာတွေက တွေးကြည့်တာနဲ့တင် ခေါင်းခဲစရာကြီး။</p> <p>ထိုအချိန်လေးမှာပင်...</p> <p>" မန်နေဂျာ... ခုနက ရှင် ပစ်ပေါက်လိုက်တာ ကျွန်မ ဖုန်းလေ... " </p> <p>ရှောင်ဝမ် အသံက မပွင့်တပွင့်။</p> <p>" ကျွန်မ ကောင်လေးက ဟိုနေ့ကမှ ဝယ်ပေးထားတဲ့ iPhone 17 pro max  1TB လေ... "</p> <p>ဝမ်ရှန်းချန် ဆွံ့အသွား၏။</p> <p>ဖက်ခ်... ရင်တွေ ပိုနာသွားပြီ…။</p> <p>လီယီတောင်း ကတော့ ဤအချိန်တွင် ကြောင်အမ်းနေမိ၏။ သူကိုယ်တိုင်လည်း စနစ်ကို နားမလည်နိုင်တော့ပေ။</p> <p>[ ကတောင်... အရည်အသွေးမြင့် ဖောက်သည်ကို ရှာဖွေတွေ့ရှိပါသည်၊ ID : ပျားမလေး ]</p> <p>[ သေဆုံးမှု အခြေအနေ စစ်ဆေးခြင်း - မကြာမီ လူလုပ် မတော်တဆမှုများကြောင့် သေဆုံးမည်၊ သေဆုံးနိုင်ခြေ ၈၈% ]</p> <p>[ သင့်အနေဖြင့် ဤအရည်အသွေးမြင့် ဖောက်သည်အား ချက်ချင်း Follow လုပ်ရန် အကြံပြုအပ်ပါသည်။ ]</p> <p>သေဆုံးနိုင်ခြေ ၈၈ ရာခိုင်နှုန်းတဲ့လား...။</p> <p>ဒီအချိန်မှာ တစ်ဖက်လူကို Follow လိုက်တာက မသင့်တော်ဘူး ဆိုတာကို ငါ သိတယ်... လူမှုရေးဆိုတာကြီးကို ငါ နားလည်တယ်…။</p> <p>ဒါပေမဲ့...</p> <p>ဒီအချိန်မှာ Follow လိုက်တာကပဲ ပျားမလေး ကို အထိရောက်ဆုံး သတိပေးနိုင်မယ့် တစ်ခုတည်းသော နည်းလမ်းပဲ...။</p> <p>ထို့ကြောင့် မည်သို့မျှ တွန့်ဆုတ်မနေဘဲ Follow လိုက်လေသည်။</p> <p>သေဆုံးရမယ့် အကြောင်းရင်းက လူလုပ် မတော်တဆမှုတွေကြောင့် ဟုတ်လား...။</p> <p>တစ်နည်းအားဖြင့် ပြောရရင် တစ်ယောက်ယောက်က သူမကို တမင်တကာ အန္တရာယ် ပေးချင်နေတာလား...။</p> <p>ထို့ကြောင့် ပျားမလေး ဇဝေဇဝါ ဖြစ်နေသည်ကို ချက်ချင်း မဖြေကြားခဲ့သလို၊ သေဆုံးရမည့် အကြောင်းရင်းကိုလည်း ကိုယ်တိုင် မပြောခဲ့ပေ။</p> <p>ထိုအစား အချက်အလက် အချို့ကို စုဆောင်းရန် သေဆုံးမှု စုံစမ်းစစ်ဆေးခြင်းကို အသုံးပြုလိုက်လေသည်။</p> <p>သက်တမ်း ဆယ်နှစ်...။</p> <p>အင်း… သက်တမ်းကုန်တာ များတယ်ဆိုတော့ ဒီကိစ္စက သိပ်တော့ မရိုးရှင်းဘူး…။</p> <p>[ သုံးရက် အကြာတွင် ရုပ်ရှင် ပွဲတော်၌ နိုင်ငံခြား အင်အားစုများ၏ ရက်စက်စွာ တိုက်ခိုက်မှုကို ခံရမည် ဖြစ်ပြီး ပျားမလေး အပါအဝင် ပွဲတော် တစ်ခုလုံးတွင် ထိခိုက်သေဆုံးမှု အများအပြား ဖြစ်ပေါ်မည်။ ]</p> <p>[ သေဆုံးမည့် အချိန် အတိအကျ - … ]</p> <p>၎င်းမှာ လီယီတောင်း တွေ့ရှိခဲ့သော အခြေအနေပင် ဖြစ်၏။</p> <p>အထဲတွင် သေဆုံးမည့် အချိန်ကို အသေးစိတ် ဖော်ပြထားသည့်အပြင် တစ်ဖက်လူ၏ ရက်စက်သော တိုက်ခိုက်မှုနှင့် အန္တရာယ် ဖန်တီးမှုများ အကြောင်း တိကျသော အချက်အလက်များပင် ပါဝင်လေသည်။</p> <p>အသုံးပြုမည့် နည်းလမ်းများ၊ သီးခြား နေရာတစ်ခုတွင် ဖုံးကွယ်ထားသော အန္တရာယ်ရှိသည့် ပစ္စည်းများ စသည့် အသေးစိတ် အချက်အလက်များကို ဖော်ပြထား၏။ လီယီတောင်းက အကြောင်းအကျိုး ဆက်စပ်မှုကို နားလည်သွားလေသည်။</p> <p>သို့သော်...</p> <p>ဒီလို အခြေအနေမျိုးက အရိပ်အမြွက် ပေးဖို့ မလွယ်ဘူးလေ...။</p> <p>ခဏတာ တိတ်ဆိတ်သွားပြီးနောက် Live ထဲတွင် ပြာယာခတ်စပြုနေသည့် ပျားမလေး ကို ကြည့်လိုက်သည်။</p> <p>အနည်းငယ် တွေဝေသွားပြီးနောက် နောက်ဆုံးတွင်... <br /> " ဒါက Follow လုပ်တာ သက်သက်ပါပဲ... ဘာရည်ရွယ်ချက်မှ မရှိပါဘူး... " ဟု ခပ်တိုးတိုး ပြောလိုက်လေသည်။</p> <p>" ဒါပေမဲ့ မကြာခင်မှာ... ငါ မှတ်မိတာ မမှားဘူး ဆိုရင် တော်တော်လေး ကြီးကျယ်ခမ်းနားတဲ့ ပွဲတစ်ခု ရှိမယ် မဟုတ်လား... " </p> <p>" တကယ်တော့... တချို့ပွဲတွေကို မတက်ဘဲ နေတာက အကြံကောင်း တစ်ခုလို့ ငါ ခံစားရတယ်... "</p> <p>ရုပ်ရှင် ပွဲတော် အကြောင်း တည့်မပြောနိုင်သလို ပွဲတော်မှာ အန္တရာယ် ရှိတယ်လို့လည်း ပြောလို့ မရဘူးလေ...။</p> <p>အဲဒီလိုသာ ပြောလိုက်ရင် စနစ်က ငါ့ကို သတ်မှာပေါ့...။</p> <p>ထို့ကြောင့် အနည်းငယ် စဉ်းစားပြီးနောက် ဒုတိယ အကောင်းဆုံး နည်းလမ်းကို ရွေးချယ်လိုက်လေသည်။</p> <p>၎င်းမှာ ရုပ်ရှင် ပွဲတော်ကို မတက်ရန် ပျားမလေး ကို အရိပ်အမြွက် ပေးလိုက်ခြင်းပင်။</p> <p>တကယ်လို့ သူသာ အကင်းပါးမယ် ဆိုရင် ရုပ်ရှင် ပွဲတော်မှာ ပြဿနာ ရှိတယ် ဆိုတာကို ခန့်မှန်းမိနိုင်မှာပါ...။</p> <p>သို့သော်...</p> <p>ပျားမလေးက အစ်ကိုယီတောင်း၏ စကားကို သိပ်နားမလည်ပေ။ ခဏတာမျှ ပို၍ ဇဝေဇဝါ ဖြစ်သွားရလေသည်။</p> <p>ဒါ ဘာအဓိပ္ပာယ်လဲ...။</p> <p>တချို့ပွဲတွေကို မတက်ဘဲ နေတာက အကြံကောင်း တစ်ခု ဖြစ်နိုင်တယ် ဟုတ်လား...။</p> <p>တကယ်ကို ဘာမှ စဉ်းစားလို့ မရဘူး...။</p> <p>ဒါပေမဲ့...</p> <p>ပျားမလေး စဉ်းစားလို့ မရတာနဲ့ပဲ မရေမတွက်နိုင်တဲ့ အင်တာနက် သုံးစွဲသူတွေက စဉ်းစားလို့ မရဘူးလို့ မဆိုလိုဘူးလေ...။</p> <p>ဤအချိန်တွင် Live ထဲ၌ လီယီတောင်း၏ အရိပ်အမြွက် အမျိုးမျိုးကို ခန့်မှန်းရာတွင် ကျွမ်းကျင်သူ အများအပြား ရှိနေလေပြီ။</p> <p>ဆယ်မိနစ်ပင် မပြည့်သေးမီမှာပင် တစ်ယောက်ယောက်က ခန့်မှန်းချက်ကို အများမြင်နိုင်သော စခရင်ပေါ်တွင် ရဲရဲဝံ့ဝံ့ ရေးသားလိုက်လေပြီ။</p> <p>" ပျားမလေး... ရုပ်ရှင် ပွဲတော်မှာ မတော်တဆမှု တစ်ခုခု ဖြစ်နိုင်တယ်လို့ အစ်ကိုယီတောင်းက သတိပေးနေတာ... "</p> <p> </p> <p style="text-align: center;">***</p>


Save