Book List

<h2 style="text-align: center;">အခန်း ၁၈၃</h2> <h2 style="text-align: center;">ရုပ်ရှင် ပွဲတော်မှာ မတော်တဆမှု ဖြစ်မယ်ဆိုပါလား...</h2> <h2 style="text-align: center;">*</h2> <p> </p> <p>စခရင်ပေါ်တွင် တစ်ပြိုင်နက်တည်း တက်လာသော comment များနှင့်အတူ Live တစ်ခုလုံးတွင် အာမေဍိတ် သင်္ကေတများဖြင့် ပြည့်နှက်သွားတော့၏။</p> <p>ဒါက တကယ့်ကို ထိတ်လန့်စရာ သတင်းပဲ...။</p> <p>ရုပ်ရှင် ပွဲတော်မှာ မတော်တဆမှု ဖြစ်မယ် ဟုတ်လား...။</p> <p>ဒီရုပ်ရှင် ပွဲတော်က တစ်နိုင်ငံလုံး အတိုင်းအတာနဲ့ အရေးအပါဆုံးနဲ့ အခမ်းနားဆုံး ပွဲကြီး ဆိုတာ အားလုံး သိကြတယ်လေ...။</p> <p>ထိပ်တန်း အနုပညာရှင် ၈၀ ရာခိုင်နှုန်းလောက်နဲ့ နိုင်ငံတော် အဆင့် သရုပ်ဆောင်တွေတောင် တက်ရောက်ကြမယ့် ပွဲလေ...။</p> <p>တကယ်လို့ အဲဒီမှာသာ တကယ် မတော်တဆမှု တစ်ခုခု ဖြစ်သွားခဲ့ရင်... ပေးဆပ်ရမယ့် တန်ဖိုးက ဘယ်လိုမှ ခံနိုင်ရည် ရှိမှာ မဟုတ်ဘူး...။</p> <p>အဲဒါက ဘာအဓိပ္ပာယ်လဲ...။</p> <p>ဖက်ခ်...။</p> <p>ခဏတာမျှ လူတိုင်း အံ့အားသင့်ရုံတင် မကဘဲ လုံးဝကို မှင်သက်သွားကြလေသည်။</p> <p>' ဒါ နောက်နေတာလား... '</p> <p>ရုပ်ရှင် ပွဲတော်လို အဆင့်အတန်းမျိုး ရှိတဲ့ ပွဲအတွက် လုံခြုံရေး အင်အားက သိပ်ကို တင်းကျပ်မှာ သေချာတယ်လေ...။</p> <p>မတော်တဆမှု ဟုတ်လား... အဲဒါက တကယ့် ဟာသပဲ...။</p> <p>ထို့ကြောင့်ပင် လူအများအပြားက ၎င်းကို မယုံကြည်ကြပေ။</p> <p>" သွားစမ်းပါ... အဓိပ္ပာယ် မရှိတာတွေ လျှောက်မပြောနဲ့... အစ်ကိုယီတောင်း ရဲ့ သတိပေးချက် နောက်ကွယ်က အဓိပ္ပာယ်ကို သေချာ စဉ်းစားကြည့်ကြပါဦး... "</p> <p>" ဟုတ်တယ်... ရုပ်ရှင် ပွဲတော်က ဘယ်လို နေရာမျိုးလဲ... မတော်တဆမှု ဟုတ်လား... ဘယ်လိုလုပ် ဖြစ်နိုင်မှာလဲ... "</p> <p>" ငါတို့ရဲ့ ပျားမလေးက ထိပ်တန်း ကြယ်ပွင့်တွေထဲက တစ်ယောက်လေ... တကယ်လို့ သူမ တစ်ခုခု ဖြစ်သွားရင် ကျန်တဲ့ သူတွေကကော ဘယ်လို နေမလဲ... ဒါ ဘယ်လို ဟာသမျိုးလဲ... "</p> <p>" တချို့လူတွေက အစ်ကိုယီတောင်းရဲ့ အတွေးတွေကို နားလည်တယ်လို့ ထင်နေကြတာ... တကယ်တော့ သူတို့ ဘာမှ မသိကြဘူး... ပိုပြီး ယုတ္တိရှိတဲ့ ခန့်မှန်းချက်တွေ လုပ်သင့်တယ်... "</p> <p>" မှန်တယ်... ငါတို့ရဲ့ ပျားမလေးက အခုတလော ပင်ပန်းနေလို့များလား... ကျန်းမာရေး ပြဿနာ တစ်ခုခုများ ရှိနေလို့လား... အမြန်ဆုံး ဆေးရုံ သွားကြည့်ပါဦး... "</p> <p>" ဟုတ်တယ်... ဟုတ်တယ်... အစ်ကိုယီတောင်း Follow လုပ်တဲ့ Streamer အများစုက ရောဂါနဲ့ သေကြတာ များတယ်... ပျားမလေး... မြန်မြန် ဆေးရုံ သွားလိုက်ပါ... "</p> <p>" ဆေးရုံမှာပဲ သွားအိပ်နေလိုက်... ဆေးရုံမှာတော့ ဘာပြဿနာမှ မရှိနိုင်ဘူးလို့ ငါ ယုံတယ်... "</p> <p>" ဆေးရုံမှာ သွားအိပ်နေ... တကယ်လို့ ပြဿနာ တစ်ခုခု ရှိနေရင်တောင် အဲဒီမှာဆို အဆင်ပြေတယ်... "</p> <p>လူတိုင်း တစ်ယောက်တစ်ပေါက် ပြောနေကြသည်ကို ကြည့်ရင်း ပထမဆုံး comment ကို ထောက်ခံသူ အချို့ပင် ဝင်ပြောရန် အခက်တွေ့လာကြလေသည်။</p> <p>ဘာပဲဖြစ်ဖြစ်... ရုပ်ရှင် ပွဲတော်မှာ မတော်တဆမှု ဖြစ်မယ် ဆိုတာက လက်ခံဖို့ နည်းနည်းတော့ ခက်ခဲတယ်လေ...။</p> <p>တကယ်လို့ တကယ့် မတော်တဆမှုသာ ဖြစ်သွားခဲ့ရင် ပြဿနာက ဘယ်လောက်တောင် ကြီးသွားမလဲ...။ </p> <p>လီယီတောင်းက ပရိသတ်များ၏ ဆွေးနွေးမှုများကို ကူကယ်ရာမဲ့သော မျက်လုံးများဖြင့် ကြည့်နေလိုက်၏။</p> <p>ပထမဆုံး ပရိသတ်က အကြောင်းရင်းကို ရှင်းပြလိုက်ချိန်တွင် သူ ခဏတာ မှင်သက်သွားခဲ့ရ၏။</p> <p>သူ ဆိုလိုသည့် အဓိပ္ပာယ်ကို တစ်ယောက်ယောက်က ဤမျှ မြန်မြန်ဆန်ဆန် သဘောပေါက်သွားလိမ့်မည်ဟု သူ မမျှော်လင့်ထားခဲ့ပေ။</p> <p>အစကတော့ သူ ဝမ်းသာသွားမိသော်လည်း နောက်ပိုင်းတွင် ထိုပရိသတ်၏ commentက သူ့ကို စကားမပြောနိုင်အောင် ဖြစ်သွားစေခဲ့လေသည်။</p> <p>သူ တကယ်ကို ကူကယ်ရာမဲ့သလို ခံစားလိုက်ရ၏။</p> <p>' မင်းတို့ ပရိသတ်တွေက တကယ်ကို အားကိုးလို့ မရဘူးပဲ... '</p> <p>သို့သော် လူတိုင်း မသိခဲ့သည့် အရာမှာ... လီယီတောင်းက ပျားမလေး ကို Follow လုပ်ပြီး စကားအနည်းငယ် ပြောလိုက်ပြီးနောက် အင်အားစု အများအပြားက စိုးရိမ်တကြီးနှင့် အလုပ်ရှုပ်စွာ စတင် လှုပ်ရှားလာကြခြင်းပင် ဖြစ်သည်။</p> <p>တပ်ဖွဲ့ ၃၆ ၏ ရုံးခန်း တစ်ခန်းထဲတွင် ချီယွီချန်က အကြီးအကဲလျန်၏ အနောက်တွင် ရပ်နေ၏။ အခန်းထဲတွင် သူတို့ နှစ်ဦးအပြင် အခြား လူနှစ်ဦးလည်း ရှိနေပြီး သူတို့၏ အဆင့်အတန်းမှာ အကြီးအကဲလျန် ထက် နိမ့်ကျကြောင်း ထင်ရှားလှပေသည်။</p> <p>လူတိုင်း၏ အကြည့်များက လီယီတောင်း Live လွှင့်နေသော စခရင်ပေါ်သို့ စူးစိုက်နေလျက်။</p> <p>အသံတစ်သံမျှ မထွက်။</p> <p>Live ထဲရှိ ပရိသတ်များ ရူးသွပ်စွာ ဆွေးနွေးလာကြချိန်မှသာ အကြီးအကဲလျန်က တိတ်ဆိတ်မှုကို ဖြိုခွဲလိုက်လေသည်။</p> <p>" သွားကြည့်လိုက်... ငါ့ခန့်မှန်းချက်သာ မှန်မယ် ဆိုရင် တစ်ယောက်ယောက်က လှုပ်ရှားနေပြီ... ရုပ်ရှင် ပွဲတော် ကျင်းပမယ့် နေရာကို သွားပြီး ထူးခြားတဲ့ အရိပ်အယောင်တွေ ရှိ၊ မရှိ စစ်ဆေးကြည့်... "</p> <p>အကြီးအကဲလျန်၏ စကားသံ တိတ်သွားချိန်တွင် ချီယွီချန်က သိပ်ပြီး တုံ့ပြန်မှု မပြပေ။ အကြီးအကဲလျန်၏ ညွှန်ကြားချက်က ပုံမှန်သာ ဖြစ်သည်ဟု သူ ယူဆထား၏။</p> <p>သို့သော် သူ၏ အောက်တွင် ရှိနေသော လူနှစ်ဦးမှာတော့ သိသိသာသာ အံ့အားသင့်သွားကြလေသည်။ သူတို့က ခေါင်းမော့ကာ အကြီးအကဲလျန်ကို ဇဝေဇဝါ ဖြစ်နေသော မျက်နှာထားဖြင့် ကြည့်လိုက်ကြသည်။</p> <p>" အကြီးအကဲလျန်... ကျွန်တော်တို့ရဲ့ မကြာခင်ကမှ လုံခြုံရေး အစီအမံတွေ တော်တော်လေး တင်းကျပ်ထားပါတယ်... ဘာထူးခြားတဲ့ အခြေအနေမှ မရှိနိုင်ပါဘူး... တကယ်ပဲ သွားစစ်ဖို့ လိုလို့လား... "</p> <p>အရပ်ရှည်ရှည် လူတစ်ယောက်က စကားစလိုက်၏။</p> <p>သို့သော် အကြီးအကဲလျန်က သူ့ကို တစ်ချက်သာ ကြည့်လိုက်ပြီး ဘာစကားမျှ ပြန်မပြောပေ။</p> <p>သူ၏ နောက်မှ ချီယွီချန်က ခေါင်းမော့ကာ ပြုံးလျက်... <br /> " အကြီးအကဲလျန် ပြောတဲ့အတိုင်းသာ လုပ်ပါ... အစ်ကိုယီတောင်း ရဲ့ ကိစ္စတွေကို သာမန် အသိဉာဏ်နဲ့ တွေးလို့ မရဘူး... " ဟု ဝင်ပြောလိုက်လေသည်။</p> <p>" မင်းတို့က အပြင်လောကနဲ့ သိပ်မထိတွေ့ရဘူးလေ... ဒါကြောင့် သူ့ရဲ့ နောက်ခံ အကြောင်းကို မင်းတို့ မသိကြတာ... "</p> <p>" ပြန်သွားပြီး မင်းတို့ရဲ့ လက်အောက်ငယ်သားတွေကို သတင်း အချက်အလက် တချို့ စုဆောင်းခိုင်းလိုက်... ပြီးရင် ဒီကိစ္စကို သူတို့ကို လွှဲပေးလိုက်... "</p> <p>" သူတို့က အစ်ကိုယီတောင်း အကြောင်းကို မင်းတို့ထက် ပိုသိတယ်... သူ့ကို အထင်မသေးနဲ့... " </p> <p>ချီယွီချန်၏ စကားကို ကြားသောအခါ ထိုလူနှစ်ဦး အချင်းချင်း ကြည့်လိုက်ကြ၏။</p> <p>ထို့နောက် သူတို့က ဘာမှတ်ချက်မျှ ထပ်မပေးကြတော့ပေ။</p> <p>ချယ်ရီပန်း နိုင်ငံရှိ နေရာတစ်ခုတွင်…</p> <p>လူတစ်စုက ပလက်ဖောင်း၏ Live ကို အာရုံစိုက်ကာ ကြည့်ရှုနေကြလေသည်။</p> <p>သို့သော်...</p> <p>ဤအချိန်တွင် လူတိုင်း၏ မျက်လုံးများထဲ၌ တင်းမာမှုများ ပြည့်နှက်နေ၏။</p> <p>ဘာလို့လဲ ဆိုတော့ ရုပ်ရှင် ပွဲတော်မှာ တကယ်ပဲ ပြဿနာ ရှိနေလို့လေ...။</p> <p>ထိုမျှမကသေးပေ။ ဤပြဿနာက သူတို့ ဖန်တီးထားခြင်း ဖြစ်သည်။ သူတို့က အဓိက တရားခံများ မဟုတ်သော်လည်း ဤကိစ္စတွင် အခန်းကဏ္ဍ တစ်ခုမှ ပါဝင်နေကြသည် မဟုတ်ပါလား။</p> <p>ထို့ကြောင့် ဤလို အခြေအနေမျိုးတွင် တစ်ယောက်ယောက်ကသာ လီယီတောင်း၏ အကြံအစည် အတိုင်း မှန်းဆပြီး စုံစမ်းစစ်ဆေးမှုများ တကယ် လုပ်ဆောင်ခဲ့မည် ဆိုပါက...<br /> ‘ ဒီတစ်ခေါက်တော့ ငါတို့ရဲ့ ပူးပေါင်းကြံစည်မှုကို ဖုံးကွယ်ထားလို့ ရနိုင်တော့မှာ မဟုတ်ဘူး... ‘</p> <p>ဘာပဲဖြစ်ဖြစ် ရုပ်ရှင် ပွဲတော်က သုံးရက်ပဲ လိုတော့တာလေ...။</p> <p>အစောပိုင်း အဆင့်တွေမှာ သူတို့ ပြင်ဆင်ထားရမယ့် အရာတွေကို စီစဉ်ပြီးသွားပြီ...။</p> <p>ပြီးတော့ အစောပိုင်း ပြင်ဆင်မှုတွေ အတွက် သူတို့ ဘယ်လောက်ပဲ ဖုံးကွယ်ထားပါစေ... ရှောင်လွှဲလို့ မရတဲ့ အရာ တချို့တော့ ရှိနေသေးတယ်လေ...။ </p> <p>ဒီအခြေအနေမှာ... အရာအားလုံး ဘူးပေါ်သလို ပေါ်သွားနိုင်တယ်...။</p> <p>ဒါက ရှောင်လွှဲလို့ မရတဲ့ ကိစ္စပဲ...။<br /> ' ပထမဆုံး ပရိသတ် အကြံပြုထားတဲ့အတိုင်း တကယ် မစုံစမ်းကြပါစေနဲ့ '</p> <p>မဟုတ်လျှင် သူတို့ အချိန်အတော်ကြာ သေချာ စီစဉ်ထားခဲ့သော လှုပ်ရှားမှုကြီး အလကား ဖြစ်သွားပေလိမ့်မည်။</p> <p>ထို့ပြင် လီဟွေ့နှင့် ကျန်းချောင်ယန် ကဲ့သို့သော သူများလည်း ရှိနေသေး၏။ဤအချိန်တွင် သူတို့ အားလုံးက အတွေးကိုယ်စီဖြင့် Live ကို ကြည့်ရှုနေကြလေသည်။ </p> <p>ပျားမလေး ကတော့ တိတ်ဆိတ်နေသော လီယီတောင်းကို ကြည့်ရင်း ဘာပြောရမည်၊ ဘယ်လို ပြောရမည်ကို မသိတော့ဘဲ အနည်းငယ် ဇဝေဇဝါ ဖြစ်နေလေသည်။</p> <p>' ဘာတွေ ဖြစ်နေတာလဲ... ဖျော်ဖြေပွဲမှာ တစ်ခုခု ဖြစ်မှာလား... ငါ့ကျန်းမာရေးမှာ ပြဿနာ တစ်ခုခု ရှိနေလို့လား... ပြီးတော့ ခုနက လူက ဘာပြောလိုက်တာလဲ... လာလာ အဖွဲ့ချုပ်က ငါ့ကို သစ္စာဖောက်မှာတဲ့လား... အိုတာကု တွေရဲ့ ချုံခိုတိုက်ခိုက်တာ ခံရမှာလား... ဂြိုဟ်သားတွေကများ ပြန်ပေးဆွဲသွားမှာလား... '</p> <p>ဘုရားရေ... ဦးနှောက် တစ်ခုလုံး လွတ်နေပြီလေ...။</p> <p>ထိုစဉ် ရှောင်ဝမ်က စကားဝိုင်းထဲသို့ ဝင်ရောက်လာလေသည်။</p> <p>အစကတော့ လူနှစ်ယောက် အပြန်အလှန် စကားပြောနေခြင်း ဖြစ်သော်လည်း ယခုအခါ လူသုံးယောက် တစ်ပြိုင်နက်တည်း စကားပြောနေကြပြီ ဖြစ်၏။</p> <p>" ဟီးဟီး... " </p> <p>ရှောင်ဝမ် အနေရခက်စွာ ပြုံးလိုက်သည်။ ထို့နောက် သူမက... <br /> " အစ်ကိုယီတောင်း... ရှင်က အရင်ကလိုပဲ နောက်တတ်တာပဲ... ဒါပေမဲ့ အစ်ကိုယီတောင်း... ရှင့် Follow လိုက်လို့ အကုန်လုံး ပွဲဆူနေကြပြီ… တော်တော် ဆိုးတာပဲ… “ </p> <p>တင်းမာနေသော အခြေအနေကို အတတ်နိုင်ဆုံး ပြေလည်စေရန် ရှောင်ဝမ် ဝင်ပြောလိုက်သော်လည်း ဘာမှ မထူးခြားပေ။</p> <p>ဖုန်းကင်မရာဆီသို့ လှည့်ကာ လီယီတောင်း ချောင်းဟန့်လိုက်၏။ </p> <p>" အဟမ်း... အဟမ်း " </p> <p>လူတိုင်း၏ အာရုံကို ဖမ်းစားရန် ရည်ရွယ်ချက်ဖြင့် ချောင်းနှစ်ချက်ခန့် ဟန့်လိုက်လေသည်။</p> <p>" အင်း... အားလုံးပဲ... ကိုယ့်ဘာသာ ဆုံးဖြတ်ကြပါ... တကယ်တော့... တချို့လူတွေ ပြောနေတာတွေက အများစု မှန်ပါတယ်... "</p> <p>လီယီတောင်းက သူ ပြောသည်မှာ မှန်ကန်ကြောင်း ပေါ်ပေါ်ထင်ထင် မပြောရဲပေ။ ပထမဆုံး comment ကို သူက တိုက်ရိုက် ထောက်ခံလိုက်မည် ဆိုပါက ပျားမလေး သေဆုံးရမည့် အကြောင်းရင်းကို ဖွင့်ပြောလိုက်သည်နှင့် အတူတူပင် ဖြစ်သွားမည် မဟုတ်ပါလား။</p> <p>Live တစ်ခုလုံး နောက်တစ်ကြိမ် ပွက်လောရိုက်သွားပြန်လေသည်။</p> <p> </p> <p> </p> <p style="text-align: center;">***</p>


Save