Book List

<h2 style="text-align: center;">အခန်း ၁၈၆ - ပျားမလေး၏ တိတ်တိတ်ပုန်း အမျိုးသား</h2> <h2 style="text-align: center;">*</h2> <p> </p> <p> </p> <p> </p> <p> </p> <p>" အစ်ကိုယီတောင်း... ကျွန်မတို့ နေရာတွေက ဒီမှာပါ... "</p> <p>အခမ်းအနား ကျင်းပမည့် နေရာသို့ ဝင်ရောက်လာပြီးနောက် ပျားမလေးက အစ်ကိုယီတောင်းနှင့် အခြားသူများကို ရှေ့တန်းရှိ ထိုင်ခုံများဆီသို့ ခေါ်ဆောင်သွားလေသည်။</p> <p>တကယ်တမ်းတွင် ပျားမလေးက လီယီတောင်း ရုပ်ရှင် ပွဲတော်သို့ တက်ရောက်မည်ဟု ပြောလိုက်ချိန်တွင် နောက်ကွယ်မှ ပံ့ပိုးသူ တစ်ဦးမှာ ချက်ချင်း စိတ်လှုပ်ရှားသွားခဲ့လေသည်။</p> <p>ထိုမျှမကသေးဘဲ လီယီတောင်း အတွက် အထူး သီးသန့် VIP နေရာ တစ်နေရာ စီစဉ်ပေးရန်ပင် ဆုံးဖြတ်လိုက်ကြ၏။</p> <p>အကြောင်းရင်းမှာ ရိုးရှင်းလှပေသည်။ ဤရုပ်ရှင် ပွဲတော်၏ ပွဲစီစဉ်သူများထဲမှ တစ်ဦးမှာ အစ်ကိုယီတောင်း၏ အမာခံ ပရိသတ် တစ်ဦး ဖြစ်နေသောကြောင့်ပင်။</p> <p>အတိအကျ ဆိုရပါက အစ်ကိုယီတောင်း၏ လျှို့ဝှက်ဆန်းကြယ်ပြီး ကြိုတင် ခန့်မှန်းမရနိုင်သော စွမ်းရည်များကို သူတို့ စွဲလမ်းနေကြသည်ဟု ဆိုနိုင်ပေသည်။</p> <p>ထိပ်တန်း သူဌေးကြီးများ အနေဖြင့် သူတို့ အဓိက အာရုံစိုက်သည်မှာ ငွေမည်မျှ ထပ်ရှာနိုင်မည်၊ သို့မဟုတ် သူတို့၏ အဆင့်အတန်းကို မည်မျှ ကြာကြာ ထိန်းသိမ်းထားနိုင်မည် ဆိုသည်များ မဟုတ်တော့ပေ။ သူတို့၏ အဓိကနှင့် တစ်ခုတည်းသော အာရုံစိုက်မှုမှာ သူတို့ မည်မျှ ကြာကြာ အသက်ရှင်နိုင်မည်နည်း ဆိုသည်သာ။</p> <p>ပို၍ တိတိကျကျ ဆိုရလျှင် သူတို့၏ သက်တမ်းကို မည်မျှ ကြာကြာ ထပ်မံ တိုးမြှင့်နိုင်မည်နည်း ဆိုသည်ပင်။</p> <p>သူတို့၏ ခန္ဓာကိုယ်များက ကုသ၍ မရနိုင်သော ရောဂါများနှင့် ရင်ဆိုင်လာရချိန်တွင် သူတို့ကို ကယ်တင်နိုင်မည့်သူ တစ်ဦးကို သဘာဝကျကျ လိုအပ်လာလေသည်။</p> <p>သာမန် မဟုတ်သော နည်းလမ်းများကို အသုံးပြု၍ သူတို့ကို ကုသပေးနိုင်မည့်သူ တစ်ဦးပင်။</p> <p>ထို့ကြောင့် အစ်ကိုယီတောင်း ဆိုသည်မှာ...</p> <p>တကယ့်ကို သြဇာအာဏာ ကြီးမားတဲ့ အရင်းအနှီးရှင် တချို့ရဲ့ မျက်စိထဲမှာတော့ သူက ထိပ်တန်း အဆင့် VIP စာရင်းထဲမှာ ပါနေတာ ကြာပြီလေ...။</p> <p>ထို့ကြောင့် အစ်ကိုယီတောင်း ရုပ်ရှင် ပွဲတော်သို့ မမျှော်လင့်ဘဲ တက်ရောက်မည်ဟု သိလိုက်ရချိန်တွင် သူတို့၏ သိတတ်မှုကို ဖော်ပြရန် ပထမဆုံး အခွင့်အရေး မဟုတ်ပါလား။</p> <p>ဤသို့သော အခြေအနေမျိုး အောက်တွင် လီယီတောင်း အတွက် သီးသန့် VIP နေရာ တစ်ခု စီစဉ်ပေးခြင်းမှာ သဘာဝပင်။</p> <p>သို့သော် ပျားမလေးက အစ်ကိုယီတောင်း ကိုယ်စား ထိုကမ်းလှမ်းချက်ကို ချက်ချင်း လက်မခံခဲ့ပေ။ သူမက အစ်ကိုယီတောင်းကို ဆက်သွယ်ပြီး သူ၏ သဘောထားကို တောင်းခံခဲ့လေသည်။</p> <p>နောက်ဆုံး ရလဒ်ကိုတော့ ခန့်မှန်းရ လွယ်ကူလှပေသည်။</p> <p>လီယီတောင်း သဘောမတူခဲ့ပေ။ လူအများကြားတွင် ထိုမျှလောက်အထိ ပေါ်ပေါ်ထင်ထင် ဖြစ်နေရန်မှာ မဖြစ်နိုင်ပေ။ ထို့ကြောင့် နောက်ဆုံးတွင် သူက သိပ်မရှေ့ကျလွန်း၊ သိပ်လည်း မနောက်ကျလွန်းသော နေရာကိုသာ ရွေးချယ်လိုက်လေသည်။</p> <p>အချိန်များ ကုန်လွန်လာသည်နှင့်အမျှ ပွဲစတင်မည့် အချိန်သို့ ရောက်ရှိလာ၏။</p> <p>နာမည်ကြီး အနုပညာရှင် ဧည့်သည်တော်များ အားကစားရုံသို့ ရောက်ရှိလာကြလေသည်။</p> <p>ကော်ဇောနီ လျှောက်ခြင်း စတင်ပြီ ဖြစ်၏။</p> <p>ကင်မရာ မီးရောင်များ တဖျပ်ဖျပ် လက်နေပြီး ပရိသတ်များကလည်း သြဘာပေး အော်ဟစ်နေကြသည်။</p> <p>ကော်ဇောနီ လျှောက်ပြီးနောက် နာမည်ကြီး အနုပညာရှင် ဧည့်သည်တော်များက စကားပြောဆို ရယ်မောရင်း အခမ်းအနား ကျင်းပမည့် နေရာသို့ တစ်ယောက်ပြီး တစ်ယောက် ဝင်ရောက်လာကြလေသည်။</p> <p>ဤအချိန်တွင် ပျားမလေး လည်း သဘာဝကျကျပင် ကော်ဇောနီ လျှောက်ခဲ့ပြီး သူမနှင့်အတူ အချစ်ဆုံး သူငယ်ချင်းလည်း ဖြစ်၊ အတော်ဆုံး ဝန်ထမ်းလည်း ဖြစ်သူက အတူ လိုက်ပါလာခဲ့၏။</p> <p>ဆွဲဆောင်မှု ရှိသော အလှလေး ရီတာပင်။</p> <p>သူမက ပျားမလေး၏ လက်မောင်းကို ချိတ်ကာ စကား အမျှင်မပြတ်ပြောနေလေသည်။</p> <p>" မမ... မမ တကယ်ပဲ အစ်ကိုယီတောင်း ဆီ သွားခဲ့တာလား... မမကို Follow လိုက်တဲ့ ကိစ္စနဲ့ ပတ်သက်ပြီး သူ ဘာပြောလဲဟင်... ဒီကိစ္စ ပြေလည်နိုင်ပါ့မလား... "</p> <p>ရီတာ တစ်ယောက် တကယ်ကို စိုးရိမ်နေလေသည်။</p> <p>အစကတော့ သူမ ကိုယ်တိုင် ကျန်းမြို့သို့ သွားရန် စီစဉ်ထားခဲ့ခြင်း ဖြစ်၏။</p> <p>ပွဲတစ်ခုကြောင့် ပျားမလေးက ကျန်းမြို့သို့ တိုက်ဆိုင်စွာ ရောက်ရှိနေခဲ့သည်။</p> <p>ထို့ကြောင့် သူမက အစ်ကိုယီတောင်းထံ တိုက်ရိုက် သွားရောက်ခဲ့ခြင်း ဖြစ်၏။</p> <p>သို့သော် ရီတာ၏ အမေးများကို ကြားသောအခါ ပျားမလေး၏ စိတ်အခြေအနေက သိပ်မကောင်းလှပေ။</p> <p>သူမက စိတ်မပါ့တပါဖြင့်သာ ပြန်ဖြေနေလေသည်။</p> <p>လူအများအပြားက ရီတာ နှင့် ပျားမလေး တို့ကို နှုတ်ဆက်ကြ၏။</p> <p>သူတို့ နှစ်ယောက်စလုံးက ယဉ်ကျေးစွာ ပြန်လည် နှုတ်ဆက်ပြီး ဆက်လက် လျှောက်လှမ်းခဲ့ကြသည်။</p> <p>တကယ်တမ်းတွင် ပျားမလေးက ကော်ဇောနီ လျှောက်ရန် မရည်ရွယ်ခဲ့ပေ။</p> <p>သို့သော် သူမ၏ နာမည်ကျော်ကြားမှု အရ ကော်ဇောနီ မလျှောက်ရန် ဆိုသည်မှာ လက်တွေ့ မကျလှပေ။ ထို့ကြောင့် နောက်ဆုံးတွင် သူမက အစ်ကိုယီတောင်းနှင့် အခြားသူများကို အရင် နေရာယူခိုင်းထားရလေသည်။</p> <p>ကော်ဇောနီ လျှောက်ပြီးနောက် ကျန်ရှိသော လုပ်ငန်းစဉ်များမှာ သူတို့၏ အဆင့်အတန်း အသီးသီးအလိုက် နေရာယူရန် ဖြစ်၏။</p> <p>" မမ... သွားရအောင်... ကျွန်မတို့ နေရာသွားထိုင်ကြမယ်... ခဏနေရင် လူကျပ်လာလိမ့်မယ်... "</p> <p>ပျားမလေး ခေါင်းညိတ်လိုက်သည်။</p> <p>သို့သော် သူတို့ အစ်ကိုယီတောင်း ရှိရာ အနီးသို့ ရောက်လာသောအခါ ပျားမလေးက သူ့ထံသို့ တည့်တည့်မတ်မတ် လျှောက်သွားလေသည်။</p> <p>ရီတာ ဇဝေဇဝါ ဖြစ်သွား၏။</p> <p>" မမ... ကျွန်မတို့ နေရာက အရှေ့မှာလေ... ဒီမှာ မဟုတ်ဘူး... "</p> <p>မှန်ပေသည်။ ပျားမလေးနှင့် သူမ၏ အဖွဲ့ အဆင့်အတန်း အရ ဤနေရာတွင် ထိုင်၍ မရပေ။</p> <p>ထိုနေရာမှာ ယေဘုယျအားဖြင့် ထိပ်တန်း နိုင်ငံတော် အဆင့် သရုပ်ဆောင်များအတွက် သီးသန့် ဖယ်ထားခြင်း ဖြစ်၏။</p> <p>ဒါပေမဲ့...</p> <p>အစ်ကိုယီတောင်း က ဒီမှာ ရှိနေတာကိုး...။</p> <p>ဒါကြောင့် သဘာဝကျကျပဲ ပျားမလေး နဲ့ သူ့အဖွဲ့လည်း ဒီကို ရောက်လာတာပေါ့...။ </p> <p>" အို... နင် နင့်နေရာကို အရင်သွားနှင့်လိုက်... ငါ အစ်ကိုယီတောင်း နဲ့ အတူတူ ထိုင်လိုက်မယ်... "</p> <p>" ဟင်... " </p> <p>ရီတာ ခဏတာ မှင်သက်သွားလေသည်။</p> <p>ထို့နောက် ပျားမလေး ဦးတည်သွားနေသော နေရာကို သူမ လှမ်းကြည့်လိုက်၏။</p> <p>ထင်တဲ့အတိုင်းပဲ...</p> <p>အစ်ကိုယီတောင်း က အဲဒီမှာ ထိုင်နေတာပဲ...။</p> <p>သူမ ပျားမလေးကို ဇဝေဇဝါဖြင့် ကြည့်လိုက်သည်။</p> <p>နာမည်ကြီး အနုပညာရှင် ဧည့်သည်တော်များ အသီးသီး နေရာယူပြီးနောက် ပွဲကြီးက စတင်လေတော့သည်။ တကယ်တမ်းတွင် အစီအစဉ်များက သိပ်ပြီး ထူးခြားမှု မရှိလှပေ။ ရိုးရိုးသားသား ဆိုရလျှင် ပွဲ၏ အစီအစဉ်များမှာ အထူးတလည် ပြောစရာ မရှိပေ။</p> <p>၎င်းက အခြေခံအားဖြင့် ငွေရှင်ကြေးရှင်များ၏ အောင်ပွဲခံ ပွဲတစ်ခုသာ ဖြစ်၏။</p> <p>ဖျော်ဖြေတင်ဆက်မှုများ ဆက်တိုက် ပြသနေပြီး အချို့က ပျော်ရွှင်နေကြကာ အချို့ကတော့ စိုးရိမ်နေကြလေသည်။ တစ်ချိန်တည်းမှာပင် ရုပ်ရှင် ပွဲတော် ဆုပေးပွဲ အခမ်းအနား တစ်ခုလုံးကို အင်တာနက်ပေါ်တွင် တစ်ပြိုင်နက်တည်း တိုက်ရိုက် လွှင့်ထုတ်နေ၏။</p> <p>ပွဲ၏ ကြီးကျယ်ခမ်းနားမှုကြောင့် အာရုံစိုက်မှု အတော်လေး ခံရပေသည်။ ထို့ကြောင့် ပရိသတ်များက ပွဲကျင်းပရာ နေရာသို့ ကိုယ်တိုင် လာရောက်ရန် မလိုဘဲ ပွဲ၏ ခမ်းနားမှုကို မျက်မြင်ကိုယ်တွေ့ ခံစားနိုင်ကြခြင်း ဖြစ်၏။</p> <p>ပွဲ၏ တရားဝင် Live ထဲတွင် comment များက အဆက်မပြတ်၊ တရစပ်။</p> <p>" ဟားဟား... အရမ်း ချောတာပဲ... ငါ့ရဲ့ မစ္စတာဝူ က အစီအစဉ် တင်ဆက်သူကို ဖြုတ်လိုက်ပြီ... အခု သူတို့ စကားတောင် မပြောနိုင်တော့ဘူး... "</p> <p>" ယွဲ့ ကို ကြည့်ပါဦး... အိုး... မဟုတ်ဘူး... ငါ ရယ်ရလွန်းလို့ ဗိုက်တွေတောင် နာနေပြီ... "</p> <p>" တကယ်ကို စိတ်ဝင်စားစရာ ကောင်းတာပဲ... ဟားဟား... ဒီနာမည်ကြီးတွေရဲ့ ဖျော်ဖြေမှုတွေက နှစ်တိုင်း ငါ အကြိုက်ဆုံးပဲ... "</p> <p>" နေပါဦး... ငါ့ရဲ့ ပျားမလေး ကော... သူ ဘာလို့ ထွက်မလာသေးတာလဲ... "</p> <p>မကြာမီ ည ၉ နာရီ ထိုးသွားလေပြီ။</p> <p>ည ၈ နာရီ ပွဲစတင်ကတည်းက ယခုအချိန်အထိ ပျားမလေး၏ မျက်လုံးများထဲတွင် တိတ်ဆိတ်မှုများ ပြည့်နှက်နေပြီး စိတ်ပျံ့လွင့်နေသည့် အမူအရာ ရှိနေလေသည်။</p> <p>သူမ အကြည့်များမှာ အာရုံများစွာ လွင့်ပါးနေ၏။</p> <p>တစ်ခါတစ်ရံ စိုးရိမ်နေပုံ ရပြီး တစ်ခါတစ်ရံ အာရုံများနေပုံ ရလေသည်။</p> <p>ကျိုးရှုရီနှင့် အခြားသူများ သူမကို စကားပြောသည့်တိုင် သူမ သိပ်မတုံ့ပြန်ခဲ့ပေ။</p> <p>သူမ ဘေးရှိ ကျိုးရှုရီနှင့် အခြားသူများလည်း အနည်းငယ် စိတ်လွင့်နေပုံ ရ၏။</p> <p>ဤအချိန်အတွင်း ပျားမလေး က အစ်ကိုယီတောင်းကို အကြိမ်များစွာ စကားပြောချင်ခဲ့လေသည်။ သို့သော် အကြိမ်တိုင်း လျှာဖျားရောက်နေသော စကားများကို သူမ ပြန်မျိုချလိုက်မိ၏။</p> <p>အန္တရာယ် တစ်ခုခု ရှိလာနိုင်မလား ဆိုသည်ကို သူမ မေးချင်နေခဲ့ခြင်ပင်။</p> <p>ဒီရုပ်ရှင် ပွဲတော်မှာ အန္တရာယ်ရဲ့ အရင်းအမြစ်က ဘာလဲ ဆိုတာကို သူမ သိချင်နေခဲ့တာလေ...။</p> <p>အဲဒီနောက် ချက်ချင်းဆိုသလိုပဲ... ပရဟိတ အလှူငွေတွေကို ကြေညာမယ့် အချိန် ရောက်လာပါပြီ...။</p> <p>တကယ်တော့ ဒီအစီအစဉ်က အပို ထည့်ထားတာပါ...။</p> <p>အလှူငွေများ အားလုံးကို ဆင်းရဲနွမ်းပါးသော တောင်ပေါ်ဒေသများရှိ သက်ကြီးရွယ်အိုများနှင့် မိဘမဲ့ ကလေးငယ်များကို ကူညီရန် အသုံးပြုမည် ဖြစ်၏။</p> <p>ဤအစီအစဉ်တွင် အနုပညာရှင်များ၏ မျက်နှာကို ထောက်ထား၍ သူတို့၏ အလှူငွေ ပမာဏကို ကြေညာမည် မဟုတ်ပေ။</p> <p>သို့သော် အဆင့် သတ်မှတ်ချက်ကိုတော့ ကြေညာမည် ဖြစ်၏။</p> <p>" ကဲ... ဒီနေ့အတွက် ကျွန်တော်တို့ ပွဲရဲ့ နောက်ဆုံး အစီအစဉ်ကို ရောက်လာပါပြီ... ဒီတစ်ကြိမ် လှူဒါန်းထားတဲ့ အလှူငွေတွေကို ကြည့်လိုက်ကြရအောင်ဗျာ... " </p> <p>အစီအစဉ် တင်ဆက်သူက စင်မြင့်ပေါ်မှ အသံကျယ်ကျယ်ဖြင့် ပြောလိုက်လေသည်။</p> <p>ထို့နောက် စခရင်ကြီးပေါ်တွင် အရှည်ကြီး ဖြစ်နေသော အဆင့် သတ်မှတ်ချက် စာရင်း တစ်ခု ပေါ်လာ၏။</p> <p>လီယီတောင်းကို အံ့အားသင့်သွားစေသည်မှာ စာရင်း၏ ပထမဆုံး နေရာတွင် ရှိနေသူမှာ တခြားသူ မဟုတ်၊ ပျားမလေး ဖြစ်နေခြင်းပင်။</p> <p>လီယီတောင်းက သူ့ဘေးရှိ ပျားမလေး ကို အနည်းငယ် အံ့အားသင့်စွာဖြင့် လှည့်ကြည့်လိုက်လေသည်။</p> <p>ဒီလို ပွဲမျိုးမှာ ထိပ်ဆုံး နေရာကို ရောက်ဖို့ ဆိုတာ မမျှော်လင့်ထားတဲ့ ကိစ္စလေ...။</p> <p>အလှူငွေ ပမာဏက အများကြီး ဖြစ်ရမယ် ဆိုတာ အားလုံး သိကြတယ် မဟုတ်လား...။</p> <p>သူ့ဘေးရှိ ကျိုးရှုရီကလည်း တအံ့တဩဖြင့်... <br /> " ပျားမလေး... တကယ်ပဲ ယွမ် သန်း ၅၀ လှူလိုက်တာလား... " </p> <p>ပျားမလေး ခဏတာ မှင်သက်သွားပြီးနောက် ညင်သာစွာ ခေါင်းညိတ်လိုက်၏။</p> <p>ဤအချိန်တွင် လီယီတောင်း အံ့အားမသင့်ဘဲ မနေနိုင်တော့ပေ။</p> <p>ဒီအနုပညာရှင်တွေ တကယ်ကို ပိုက်ဆံ ပေါတာပဲ...။</p> <p>သန်း ၅၀ တောင်...။</p> <p>ဒီလို လွယ်လွယ်လေး လှူလိုက်တာပဲလား...။</p> <p>ပျားမလေး၏ တကယ့် ပိုင်ဆိုင်မှုက အဲဒီလောက် မများပါဘူး...။</p> <p>ဘီလီယံနဲ့ချီတဲ့ ပိုင်ဆိုင်မှု ရှိတယ် ဆိုပေမဲ့ အများစုက မရွှေ့ပြောင်းနိုင်တဲ့ ပိုင်ဆိုင်မှုတွေထဲမှာ မြှုပ်နှံထားတာလေ...။</p> <p>ယခုတစ်ကြိမ် ယွမ် သန်း ၅၀ လှူဒါန်းလိုက်ခြင်းဖြင့် ပျားမလေးက သူမ၏ ကြွယ်ဝချမ်းသာမှု အများအပြားကို ထုတ်သုံးလိုက်ခြင်း ဖြစ်ပေမည်။</p> <p>" တစ်ခါတည်း သန်း ၅၀ လှူတာ... မဆိုးဘူးပဲ... " </p> <p>လီယီတောင်းက ခပ်ပေါ့ပေါ့ ပြောလိုက်လေသည်။</p> <p>ပျားမလေး၏ မျက်လုံးများ ပြူးကျယ်သွားပြီး... <br /> " ကျွန်မ... ကျွန်မ နည်းနည်းလောက် ကူညီချင်ရုံပါ... " ဟု အလျင်အမြန် ပြန်ဖြေလိုက်၏။</p> <p>ဤအချိန်တွင် မိမိအသံတို့ မသိမသာ တုန်ယင်နေသည်ကို ပျားမလေး သတိမပြုမိပေ။  </p> <p>လီယီတောင်း ခေါင်းညိတ်ပြလိုက်သည်။</p> <p>ထိုအချိန်မှာပင် သူမက ပထမ နေရာတွင် ရှိနေသဖြင့် Live ကင်မရာများက သူတို့ ရှိရာ နေရာသို့ အချိန်ကိုက် ချိန်ရွယ်လာလေသည်။</p> <p>ရုတ်တရက် Live ထဲရှိ comment များ ပေါက်ကွဲသွားတော့၏။</p> <p>" နေပါဦး... အဲဒါ ငါ့ရဲ့ ပျားမလေး မဟုတ်ဘူးလား... ဘာလို့ သူ့ဘေးက လူနဲ့ အဲဒီလောက် ရင်းနှီးနေပုံ ပေါက်နေရတာလဲ... "</p> <p>" ဟင်... တကယ်ပဲ အဲဒီလို ပုံပေါက်နေတယ်... ဖက်ခ်... ဒီလူက ဘယ်သူလဲ... "</p> <p>" ဟုတ်တယ်... သူတို့ အတူတူ ထိုင်နေတာ ကြည့်ပါဦး... တအား ရင်းနှီးနေတာပဲ... ဒီမှာ သတင်းကြီး တစ်ခုခုတော့ သေချာပေါက် ရှိရမယ်... "</p> <p>" ဘာ... အချိန်အတော်ကြာ အပျိုစင်လေးလို နေလာတဲ့ ငါ့ရဲ့ ပျားမလေးမှာ အခု ဆိုင်သူရှိသွားပြီလား... "</p> <p>" မဖြစ်နိုင်တာ... ကြည့်ပါဦး... ပျားမလေး ဘေးက လူက ရင်းနှီးနေသလိုပဲနော်... "</p> <p>" ရင်းနှီးတယ် ဟုတ်လား... အိုး ရှစ်... ဒါ... ဒါက... "</p> <p>" လခွမ်း... ဒါ အစ်ကိုယီတောင်း မဟုတ်ဘူးလား... "</p> <p>" တကယ်ကြီး အစ်ကိုယီတောင်း ပဲဟေ့... "</p> <p>" ပျားမလေး နဲ့ အစ်ကိုယီတောင်း ကြားက အခြေအနေ... ငါ့ခေါင်းတွေ နည်းနည်း မူးလာပြီ... "</p> <p>" မဖြစ်နိုင်ဘူး... ဘာတွေ ဖြစ်နေတာလဲ... ရုပ်ရှင် ပွဲတော်မှာ ပြဿနာ ရှိနိုင်တယ်လို့ အစ်ကိုယီတောင်း အရိပ်အမြွက် ပေးခဲ့တာ မဟုတ်ဘူးလား... ဘာလို့ သူ ကိုယ်တိုင် အဲဒီကို သွားရတာလဲ... "</p> <p>" အစ်ကိုယီတောင်း... ဘာတွေ လုပ်နေတာလဲဗျာ... "</p> <p>" ခန့်မှန်းကြည့်ကြ... အစ်ကိုယီတောင်းက အခင်းဖြစ်ပွားရာ နေရာမှာ ဘာလုပ်နေတာလဲ... ပျားမလေး နဲ့ ပတ်သက်တဲ့ ကိစ္စ တစ်ခုခုကြောင့်များလား... "</p> <p>" မင်းတို့ ဘာတွေ ပြောနေကြတာလဲ... ဆိုလိုတာက... ဒီရုပ်ရှင် ပွဲတော်မှာ တကယ်ပဲ ပြဿနာ ရှိနေလို့လား... "</p> <p>" တအား စိတ်လှုပ်ရှားဖို့ ကောင်းနေပြီ... ငါ မျှော်လင့်နေပြီ... "</p> <p>" Live ကနေ လာမယ့် ရလဒ်တွေကို စောင့်နေတယ်... "</p> <p>" ဒါနဲ့ စကားမစပ်... အစ်ကိုယီတောင်းက အန္တရာယ် ရှိမှန်း သိရက်နဲ့ ရုပ်ရှင် ပွဲတော်ကို ဘာလို့ သွားတာလဲ... ဖြစ်နိုင်တာက... တကယ်ပဲ ပျားမလေး ကြောင့်လား... "</p> <p>" တကယ်လို့ အဲဒီလိုသာ ဆိုရင်... အစ်ကိုယီတောင်း နဲ့ ပျားမလေး တို့က... ဟာ... သောက်ကျိုးနည်းဟေ... "</p> <p>" မဖြစ်နိုင်ပါဘူး... ငါတို့ရဲ့ ကျိုးရှုရီ ကကော ဘယ်လို လုပ်မလဲ... "</p> <p>" ပြီးတော့ ငါ့ရဲ့ အလှလေး ကကော... "</p> <p>" ပြီးတော့... "</p> <p>" ပျားမလေးရဲ့ တိတ်တိတ်ပုန်း အမျိုးသားက တကယ်တော့ အစ်ကိုယီတောင်း ဖြစ်နေတာပဲ... "</p> <p> </p>


Save