Book List

<h2 style="text-align: center;">အခန်း ၁၈၈ - အန္တရာယ်</h2> <h2 style="text-align: center;">*</h2> <h2 style="text-align: center;"> </h2> <p> </p> <p>လီယီတောင်းက ပျားမလေးကို တည်ငြိမ်လေးနက်သော အကြည့်ဖြင့် စိုက်ကြည့်လိုက်၏။</p> <p>ခဏတာ မှင်သက်သွားပြီးနောက် သူမက တံတွေး တစ်ချက် မျိုချလိုက်ပြီး ခေါင်းညိတ်ပြလိုက်လေသည်။</p> <p>သူမ နားလည်သွားပြီ...။</p> <p>ဒါပေမဲ့... အခု ဘာလုပ်ရမလဲ...။</p> <p>ထိုအချိန်မှာပင် စင်မြင့်ပေါ်မှ အစီအစဉ် တင်ဆက်သူ၏ အသံ ထွက်ပေါ်လာလေသည်။</p> <p>" ကဲ... အခု ကျွန်တော်တို့ရဲ့ ဒီနေ့အတွက် အကောင်းဆုံး အမျိုးသမီး ဇာတ်ဆောင်ဆုရှင်ကို ကြိုဆိုလိုက်ကြရအောင်... ပျားမလေး ပါခင်ဗျာ... "</p> <p>" အခုပဲ ကျွန်တော်တို့ရဲ့ အကောင်းဆုံး အမျိုးသမီး ဇာတ်ဆောင်ဆုရှင်ကို စင်မြင့်ပေါ် တက်ရောက်ပြီး ဆုလက်ခံ ရယူဖို့ ဖိတ်ခေါ်ပါတယ်ခင်ဗျာ... "</p> <p>နှစ်ယောက်လုံး၏ အကြည့်များက စင်မြင့်ဆီသို့ တစ်ပြိုင်နက်တည်း ရောက်သွားကြ၏။</p> <p>တစ်ချိန်တည်းမှာပင် လူတိုင်းက လက်ခုပ်တီးပြီး သြဘာပေးကြလေသည်။ Live ထဲရှိ ပရိသတ်များကလည်း စိတ်လှုပ်ရှားစွာဖြင့် အော်ဟစ် အားပေးကြတော့၏။</p> <p>ပျားမလေး၏ ပရိသတ် အများအပြားက ဤနောက်ဆုံး အချိန်ကို မျှော်လင့်တကြီး စောင့်ဆိုင်းနေခဲ့ကြခြင်း ဖြစ်သည်။</p> <p>" ငါတို့ရဲ့ ပျားမလေး နောက်ဆုံးတော့ ထွက်လာပြီဟေ့... "</p> <p>" အကောင်းဆုံး အမျိုးသမီး ဇာတ်ဆောင်ဆုတဲ့... ဒီတစ်ခေါက် ဝေဖန်နေတဲ့ကောင်တွေ အကုန်လုံး သွားသေလိုက်တော့... " </p> <p>" ငါတို့ရဲ့ ပျားမလေးက အကောင်းဆုံးပဲ... ပျားမလေး... နင့်ကို တအား ချစ်တယ်... " </p> <p>" အကောင်းဆုံး အမျိုးသမီး ဇာတ်ဆောင်ဆု ပျားမလေး... တကယ်ကို ထိုက်တန်ပါတယ်... "</p> <p>" ဟင်... ပျားမလေး မျက်နှာကို ကြည့်ပါဦး... နည်းနည်းတော့ ထူးဆန်းနေသလိုပဲနော်... " </p> <p>" အင်း... တစ်ခုခုတော့ မှားနေသလိုပဲ... ဘာတွေ ဖြစ်နေတာလဲ... ပျားမလေး ဘာဖြစ်လို့လဲ... "</p> <p>" ကြည့်ရတာ... အစ်ကိုယီတောင်းကို တစ်ခုခု ပြောနေသလိုပဲ... မဟုတ်ဘူး... အစ်ကိုယီတောင်းက သူ့ကို တစ်ခုခု ပြောလိုက်တာ... "</p> <p>" မင်းတို့... အရင်က အစ်ကိုယီတောင်း ပြောခဲ့တာတွေကို မှတ်မိသေးလား... "</p> <p>" အစ်ကိုယီတောင်း ဘာပြောခဲ့လို့လဲ... သူက ပျားမလေးကို Follow လုပ်လိုက်တာပဲလေ... ပြီးတော့ သူ... လခွမ်း... "</p> <p>" ဖက်ခ်... ဟုတ်တယ်... အစ်ကိုယီတောင်းက ပျားမလေးကို Follow လုပ်ပြီး ရုပ်ရှင် ပွဲတော်မှာ ပြဿနာ ရှိလိမ့်မယ်လို့ ကြိုဟောခဲ့တာ... " </p> <p>" ဒါဆို ဒီနေ့ အစ်ကိုယီတောင်းက ရုပ်ရှင် ပွဲတော် ကျင်းပတဲ့ နေရာကို ရောက်လာတာ... "</p> <p>" တကယ်ကြီးလား... အန္တရာယ်က တကယ် နီးလာပြီလား... "</p> <p>" ဖြစ်နိုင်တာက... ပျားမလေးရဲ့ မျက်နှာထားကို ကြည့်လိုက်... "</p> <p>" ပျားမလေး လန့်နေတာပဲ... တစ်ခုခုတော့ သေချာပေါက် မှားနေပြီ... " </p> <p>" တအား စိတ်လှုပ်ရှားဖို့ ကောင်းတာပဲ... မျှော်လင့်နေပြီနော်... "</p> <p>" ဟင့်အင်း... ဘာမှ မဖြစ်ပါစေနဲ့... ငါ သဘောအကျဆုံး အနုပညာရှင်တွေ အကုန်လုံး ဒီမှာ ရှိနေတာ... "</p> <p>" မဖြစ်ရဘူး... ဘာမှ မဖြစ်စေရဘူး... လုံးဝ မဖြစ်ရဘူး... ဆုတောင်းပါတယ်... "</p> <p>" ဆုတောင်းပါတယ်... "</p> <p>" ဆုတောင်းပါတယ်... "</p> <p>" ဆုတောင်းပါတယ်... "</p> <p>ခဏတာမျှ ပျားမလေး တစ်ယောက် စင်မြင့်ပေါ်မှ အားပေးသံများကို မကြားရသည့်အလား မလှုပ်မယှက် ရပ်နေလေသည်။</p> <p>အဓိက အကြောင်းရင်းမှာ ယခု သူမ ဘာလုပ်ရမည်ကို တကယ် မသိသောကြောင့်ပင်။</p> <p>ဤအချိန်တွင် ပျားမလေးကို သိသော အခြား မင်းသမီး တစ်ဦးက... <br /> " မမ... စင်ပေါ်တက်ပြီး ဆုသွားယူရမယ့် အချိန် ရောက်ပြီလေ... " ဟု တိုးတိုးလေး သတိပေးလိုက်၏။</p> <p>အနီးနားရှိ အခြားသူများကလည်း ဝင်ရောက် သတိပေးကြလေသည်။ </p> <p>ဘာပဲဖြစ်ဖြစ် ကင်မရာတွေ အားလုံးက သူမဆီကိုပဲ ချိန်ထားတာလေ...။</p> <p>အစီအစဉ် တင်ဆက်သူက အခြေအနေကို အလိုက်သင့် ထိန်းတတ်ပေသည်။</p> <p>" ကြည့်ရတာ ကျွန်တော်တို့ရဲ့ ပျားမလေးက ဒီသတင်းကောင်းကို လက်ခံနိုင်ဖို့ အချိန်နည်းနည်း ယူနေရတဲ့ ပုံပဲ... ကျွန်တော်တို့ရဲ့ ပျားမလေးကို စင်မြင့်ပေါ် တက်ရောက်ပြီး ဆုလက်ခံ ရယူဖို့ နောက်တစ်ကြိမ် လက်ခုပ်သံတွေနဲ့ ဖိတ်ခေါ်လိုက်ကြရအောင်ဗျာ... " </p> <p>" ဖြောင်း ဖြောင်း ဖြောင်း ဖြောင်း... "</p> <p>လက်ခုပ်သံများ မပြတ်တမ်း ထွက်ပေါ်လာ၏။ ၎င်းမှာ အကောင်းဆုံး အမျိုးသမီး ဇာတ်ဆောင်ဆု ဖြစ်ပြီး အမြင့်ဆုံး ဂုဏ်ထူးဆောင်ဆုဟု ဆိုနိုင်ပေသည်။</p> <p>ဤအချိန်တွင် ပျားမလေး နောက်ဆုံး၌ သတိပြန်ဝင်လာလေပြီ။ သူမ၏ မျက်နှာ အမူအရာကို ပြင်ဆင်လိုက်ပြီး အရေးကြီးသော ဆုံးဖြတ်ချက် တစ်ခု ချလိုက်သည့်အလား သူမ ဘေးရှိ လီယီတောင်းကို ပြတ်သားစွာ ခေါင်းညိတ်ပြလိုက်၏။</p> <p>ထို့နောက် ဂုဏ်ပြု စကားများနှင့် အားပေးသံများ အကြားတွင် သူမက စင်မြင့်ပေါ်သို့ ဖြည်းညင်းစွာ လျှောက်သွားလေသည်။</p> <p>သို့သော် မည်သူမျှ သတိမထားမိခဲ့သည့် အရာမှာ ဤအချိန်တွင် ပျားမလေးက သူမကိုယ်သူမ အတင်းအကျပ် ဟန်ဆောင်နေရခြင်းပင် ဖြစ်သည်။</p> <p>ဒီလို အကျပ်အတည်းမျိုးကို သူမ ဘယ်တုန်းက ကြုံဖူးလို့လဲ...။</p> <p>အစ်ကိုယီတောင်း၏ သေမင်းတမန် ဆိုသော နာမည်က လူတိုင်း လက်ခံထားပြီးသား အမှန်တရား တစ်ခု ဖြစ်နေလေပြီ။</p> <p>အစ်ကိုယီတောင်းကို မယုံကြည်ဘူး ဆိုရင် ကိုယ့်ဒုက္ခ ကိုယ်ရှာတာနဲ့ အတူတူပဲ...။</p> <p>ပျားမလေး စင်မြင့်ပေါ်သို့ ခြေတစ်လှမ်းချင်း လှမ်းတက်သွားချိန်တွင် အစီအစဉ် တင်ဆက်သူက... <br /> " ကဲ... အခု ကျွန်တော်တို့ရဲ့ အကောင်းဆုံး အမျိုးသမီး ဇာတ်ဆောင်ဆုရှင်ရဲ့ ဆုလက်ခံ စကားကို နားဆင်လိုက်ကြရအောင်... " ဟု ဆက်ပြောလေသည်။</p> <p>အောက်မှ ပရိသတ်များထံမှ မိုးခြိမ်းသံကဲ့သို့ လက်ခုပ်သံများ ထွက်ပေါ်လာ၏။</p> <p>အခမ်းအနား ကျင်းပရာ နေရာရှိ အားပေးသံများနှင့် စိတ်လှုပ်ရှားမှုများနှင့် ဆန့်ကျင်ဘက် အနေဖြင့် Live ထဲတွင်တော့ လုံးဝ ရူးသွပ်မတတ် ပေါက်ကွဲနေလေပြီ။</p> <p>လူများက အရေးပေါ် နံပါတ်များကို အပူတပြင်း ဆက်နေကြ၏။ မျက်စိတစ်မှိတ် အတွင်းမှာပင် မြို့တော်၏ စနစ်တစ်ခုလုံး စတင် လည်ပတ်လာတော့သည်။</p> <p>မြို့တော်ရှိ တပ်ဖွဲ့ ၃၆ ၏ ရုံးခွဲတွင် ယခုအခါ လူနှစ်ယောက်သာ ကျန်ရှိတော့၏။</p> <p>အစကတော့ သူတို့ထဲမှ တစ်ယောက်က ရုပ်ရှင် ပွဲတော် ကျင်းပရာ နေရာသို့ အဖွဲ့တစ်ဖွဲ့ကို ဦးဆောင်သွားရန် စီစဉ်ထားပြီး အခြား တစ်ယောက်ကတော့ ညှိနှိုင်းဆောင်ရွက်မှုများကို တာဝန်ယူရန် ဖြစ်သည်။</p> <p>သို့သော် ဤကိစ္စကို သူတို့၏ အထက်လူကြီးများထံ သတင်းပို့လိုက်သောအခါ မည်သည့် လှုပ်ရှားမှုမျှ မလုပ်ရန် အံ့အားသင့်ဖွယ် ညွှန်ကြားချက်ကို ရရှိခဲ့ကြလေသည်။</p> <p>အခုတော့... တခြား တစ်ယောက်ယောက်က ဖြေရှင်းပေးလိမ့်မယ်လို့ သူတို့ကို ပြောနေတယ်...။</p> <p>ဌာနချုပ်ကများ လူတွေကို ကြိုတင် စီစဉ်ထားလို့လား...။</p> <p>မဖြစ်နိုင်ဘူး...။ ငါတို့ရဲ့ လက်ရှိ အဆင့်အတန်းနဲ့ ရာထူးက နိမ့်နေတယ် ဆိုရင်တောင်မှ တကယ်လို့ လူတွေ စေလွှတ်မယ် ဆိုရင် ငါတို့ကို သေချာပေါက် အသိပေးမှာပဲလေ...။</p> <p>ဘာပဲဖြစ်ဖြစ်... နောက်ကွယ်မှာ အဆက်အသွယ်တွေ ရှိနေတာပဲ...။</p> <p>" တီ... တီ... "</p> <p>သူတို့ နှစ်ယောက် စဉ်းစားနေစဉ်မှာပင် ဖုန်းမြည်သံက သူတို့၏ အတွေးများကို ဖြတ်တောက်လိုက်လေသည်။</p> <p>" ဟယ်လို... " </p> <p>တစ်ဖက်မှ အေးစက်စက် အသံတစ်ခုက... <br /> " အခြေအနေ ပြောင်းသွားပြီ... စုရပ် ၆ မှာ လူစုကြ... ချိတ်ပိတ်ထားတဲ့ လက်နက်တွေကို ယူလာခဲ့... " </p> <p>" တီ... တီ... တီ... "<br /> ဤဖုန်းခေါ်ဆိုမှုကြောင့် ထိုလူနှစ်ဦး အချင်းချင်း အံ့အားသင့်စွာ ကြည့်လိုက်မိကြ၏။ ချိတ်ပိတ်ထားသော လက်နက်များ ဆိုသည်မှာ သူတို့၏ သမားရိုးကျ မဟုတ်သော လက်နက်များကို ခေါ်ဆိုခြင်း ဖြစ်ပြီး အသုံးပြုပါက ပြင်းထန်သော အကျိုးဆက်များ ဖြစ်ပေါ်စေနိုင်သဖြင့် များသောအားဖြင့် ရှောင်ကြဉ်လေ့ ရှိကြသည်။</p> <p>ဤလက်နက်များကို အသက်အန္တရာယ် ရှိသော အခြေအနေများတွင်ပင် အသုံးပြုရန် ကန့်သတ်ထား၏။ အဘယ်ကြောင့်ဆိုသော် သူတို့၏ စွမ်းရည်များကို ဤချိတ်ပိတ်ထားသော လက်နက်များနှင့် ပေါင်းစပ်လိုက်ခြင်းက ခန့်မှန်း၍ မရနိုင်သော အကျိုးဆက်များကို ဖြစ်ပေါ်စေနိုင်သောကြောင့်ပင်။</p> <p>သို့သော် ယခုအခါ သူတို့၏ လက်နက်များကို ယူဆောင်လာရန် ညွှန်ကြားခံရလေပြီ။ ၎င်းက ပိုမို ဆိုးရွားသော အကျပ်အတည်း တစ်ခု ပေါ်ပေါက်လာပြီ ဖြစ်ကြောင်း ညွှန်ပြနေလေသည်။</p> <p>ရုပ်ရှင် ပွဲတော်၏ ပင်မ ခန်းမဆောင် အတွင်းတွင် ပျားမလေးက စင်မြင့်ပေါ်သို့ တက်ရောက်လာခဲ့ပြီ ဖြစ်၏။</p> <p>သူမက အစီအစဉ် တင်ဆက်သူထံမှ မိုက်ကရိုဖုန်းကို လှမ်းယူလိုက်သော်လည်း မျက်နှာထက်တွင် စိုးထိတ်မှုတို့အပြည့်။</p> <p>သူမ၏ မျက်နှာပေါ်တွင် စိတ်လှုပ်ရှားမှု၊ ပျော်ရွှင်မှု အရိပ်အယောင်များ မရှိသဖြင့် လူတိုင်း ဇဝေဇဝါ ဖြစ်နေကြလေသည်။</p> <p>ပုံမှန်ဆိုလျှင် ပျားမလေးက ယခုအချိန်တွင် အလွန် ဝမ်းသာပျော်ရွှင်နေရမည် ဖြစ်၏။</p> <p>သူမ ဤလမ်းကြောင်းပေါ်သို့ လျှောက်လှမ်းစဉ်ကတည်းက အချိန်အတော်ကြာအောင် ဆင်းရဲဒုက္ခများကို ခံစားခဲ့ရသည်။</p> <p>သူမက အခက်အခဲများစွာကို ရင်ဆိုင်ခဲ့ရပြီး မျက်ရည်များစွာ ကျခဲ့ရသည် မဟုတ်ပါလား။ </p> <p>ပြီးတော့ အခု... အရာအားလုံးက နောက်ဆုံးတော့ အရာထင်လာခဲ့ပြီလေ...။</p> <p>ဒါပေမဲ့... သူမက ဘာလို့ ဒီလောက်တောင် စိတ်လွင့်နေရတာလဲ...။</p> <p>ပျားမလေး မိုက်ကရိုဖုန်းကို ကိုင်လိုက်ချိန်တွင် ခန်းမ တစ်ခုလုံး တိတ်ဆိတ်သွားလေသည်။</p> <p>လူတိုင်းက သူမ၏ စကားများကို မျှော်လင့်နေကြ၏။</p> <p>သို့သော် တစ်မိနစ်တိတိ ကြာသွားသော်လည်း သူမ ဘာစကားမျှ မဆိုပေ။ အစီအစဉ် တင်ဆက်သူ သတိပေးရန် ပြင်လိုက်ချိန်မှာပင် ပျားမလေးက သူမ၏ ဆုံးဖြတ်ချက်ကို ခိုင်မာအောင် လုပ်လိုက်ပုံ ရလေသည်။</p> <p>သူမက တိုးညှင်းသော်လည်း ပြတ်သားသော အသံဖြင့် ခန်းမ တစ်ခုလုံး ပဲ့တင်ထပ်သွားအောင် ကြေညာလိုက်၏။</p> <p>" ဒီမှာ... ဗုံး ရှိတယ်... "</p> <p>ပရိသတ်များ ကြားတွင် ရှိနေသော လီယီတောင်း ခဏတာ မှင်သက်သွားလေသည်။ </p> <p>' ဗုံး ဟုတ်လား... ပျားမလေးကို ငါ အဲဒီအကြောင်း မပြောခဲ့ပါဘူး... သူ ဘယ်လို လုပ်သိသွားတာလဲ... '</p> <p>သို့သော် ထို့နောက် သူ သဘောပေါက်သွား၏။ </p> <p>ပျားမလေးက ဉာဏ်ကောင်းတယ်။</p> <p>တကယ့် အန္တရာယ်က ဘာပဲဖြစ်ဖြစ်... လူတိုင်းကို ချက်ချင်း ရွှေ့ပြောင်းပေးဖို့ လုံလောက်တဲ့ အကြောင်းပြချက် တစ်ခုနဲ့ အားလုံးကို ထိတ်လန့်သွားအောင် လုပ်ဖို့ သူမ ရွေးချယ်လိုက်တာပဲ...။</p> <p>ဒီနည်းနဲ့ လူတိုင်းရဲ့ လုံခြုံရေးကို သူမ သေချာအောင် လုပ်နိုင်တာပေါ့...။</p> <p>နောက်ဆက်တွဲ အကျိုးဆက်တွေ အတွက်တော့ ပျားမလေး အနေနဲ့ အခု တွေးပူနေဖို့ အချိန်မရှိဘူးလေ...။</p> <p>တကယ်လို့ ဒါက နားလည်မှု လွဲတာပဲ ဖြစ်ဖြစ်၊ နောက်ဆုံးမှာ အန္တရာယ်ကို ရှာမတွေ့ဘူး ဆိုရင် သူမ ဒုက္ခ အကြီးအကျယ် ရောက်နိုင်တယ် ဆိုတာကို သူမ သိတယ်...။</p> <p>ဒီလို ကြီးကျယ်ခမ်းနားတဲ့ ပွဲကြီးမှာ လူတွေရဲ့ စိတ်ခံစားချက်တွေကို ကစားတာက သူမရဲ့ ကံကြမ္မာကို အဆုံးသတ်လိုက်တာနဲ့ တူတူပဲ ဆိုတာ သူမ သိတယ်လေ...။</p> <p>သို့သော်လည်း သူမက ဆက်လက် လုပ်ဆောင်ခဲ့ပြီး ပြတ်သားကာ မယိမ်းယိုင်ခဲ့ပေ။</p> <p>ချက်ချင်းပင် အရေးပေါ် ရွှေ့ပြောင်းမှုများ စတင်လေတော့သည်။ ထိုမျှမကသေးဘဲ ရဲကားများ၊ မီးသတ်ကားများနှင့် လူနာတင်ယာဉ်များ အပါအဝင် အခြားသော ယာဉ်များပါ ဤနေရာသို့ အလျင်အမြန် စုဝေးရောက်ရှိလာကြ၏။</p> <p>လူတိုင်း အရေးပေါ် ထွက်ခွာနေကြစဉ် ပွဲကျင်းပရာ နေရာမှ အခုလေးတင် ထွက်လာသော လီယီတောင်းက ရုတ်တရက် လှည့်ကြည့်လိုက်၏။ သူ၏ အကြည့်များက မြေအောက် ကားပါကင် ရှိရာသို့ စူးစိုက်သွားလေသည်။</p> <p>လွန်ခဲ့သော ခဏလေးက သူ၏ သက်တမ်း ၄၆ နှစ် ကုန်ဆုံးသွားသည်ကို သူ ခံစားလိုက်ရ၏။ </p> <p>တစ်ယောက်ယောက်က သူ့ကို အန္တရာယ် ပေးချင်နေပြီး သေမင်း၏ အကာအကွယ်က ပြန်လည် တုံ့ပြန်လိုက်ခြင်းပင်။</p> <p>ငါက တကယ်ပဲ ပစ်မှတ်လား...။</p> <p>ပြဿနာအရင်းအမြစ်မှာ မြေအောက် ကားပါကင်တွင် ရှိကြောင်း သူ ခံစားသိရှိနိုင်လေသည်။</p> <p>သူ အသက်ပြင်းပြင်း တစ်ချက် ရှူသွင်းလိုက်သော်လည်း ထိုနေရာသို့ သွားရောက် စစ်ဆေးရန် မလိုအပ်သဖြင့် အဝေးမှသာ စိုက်ကြည့်နေလိုက်၏။</p> <p>ပျားမလေး ၏ သေဆုံးမှု အသိပေးချက် ထပ်မံ ပျောက်ကွယ်သွားသည်ကို သူ သတိထားမိလိုက်သည်။</p> <p>သို့သော် လီယီတောင်းထံတွင် သံသယများစွာ ရှိနေဆဲပင်။</p> <p>ငါ့ရဲ့ သေမင်းရဲ့ အကာအကွယ်က တကယ်ပဲ ဒီလောက် ကြီးမားတဲ့ ပြဿနာကြီးကို ရှင်းလင်းပေးလိုက်တာလား...။</p> <p>တကယ်လို့ ခုနကသာ ငါ့ရဲ့ သက်တမ်း နှစ်တစ်ထောင်၊ ဒါမှမဟုတ် နှစ်ရာချီပြီး ကုန်ဆုံးသွားခဲ့မယ် ဆိုရင် ယုံကောင်း ယုံလိမ့်မယ်...။</p> <p>ဒါပေမဲ့ နှစ်လေးဆယ်ကျော်လေးပဲလေ... အဲဒါက လူတစ်ယောက်တည်းရဲ့ သက်တမ်းပဲ...။</p> <p>ဒီလူက နယ်ရုပ်လေး တစ်ရုပ်ပဲ ဖြစ်ရမယ်... ဒါဆိုရင် ပြဿနာက ဘာလို့ ရှင်းလင်းသွားရတာလဲ...။</p> <p>မျက်မှောင်ကြုတ်ရင်း လီယီတောင်း ရုတ်တရက် တစ်ခုခုကို သဘောပေါက်သွားပုံ ရလေသည်။</p> <p>ဒီကိစ္စမှာ တခြားသူတွေ ပါဝင်ပတ်သက်နေလို့များလား...။</p> <p> </p>


Save