Book List

<p> </p> <h2 style="text-align: center;">အခန်း ၁၈၉ -  ဖျော်ဖြေရေး လောက တစ်ခုလုံးကို ကယ်တင်ခဲ့သူ</h2> <h2 style="text-align: center;">*</h2> <p> </p> <p> </p> <p> </p> <p>သတင်းထူး… ရုပ်ရှင် ပွဲတော်၌ လျှို့ဝှက်ဆန်းကြယ်သော ပေါက်ကွဲရေး ပစ္စည်း တွေ့ရှိ….။</p> <p>ပေါက်ကွဲရေး ပစ္စည်း ထူးဆန်းစွာ ပေါ်ပေါက်လာမှု…။</p> <p>ပျားမလေး၏ အံ့မခန်း လုပ်ရပ်…။</p> <p>အစ်ကိုယီတောင်း ဟောကိန်း မှန်ကန်သွားပြီ! ဖျော်ဖြေရေး လောက တစ်ခုလုံးကို ကယ်တင်လိုက်ပြီ။</p> <p>ပျားမလေးနှင့် အစ်ကိုယီတောင်း ကြားက ပြောမပြရသေးတဲ့ လျှို့ဝှက်ချက်။</p> <p>နောက်တစ်နေ့တွင် အင်တာနက်ပေါ်၌ သတင်းများ အလျှံပယ် တက်လာတော့သည်။</p> <p>ဤသို့သော သတင်းများကို ကြည့်ရင်း လူတိုင်း လုံးဝ မှင်သက်သွားကြလေသည်။</p> <p>မနေ့ကတင် အစ်ကိုယီတောင်း ချဲ့ကား ပြောဆိုနေသည်ဟု တချို့က ထင်နေခဲ့ကြသေး၏။</p> <p>ဘာပဲဖြစ်ဖြစ်... မနေ့က တစ်နေကုန် ဘာအန္တရာယ်မှ မရှိခဲ့ဘူးလေ...။</p> <p>သို့သော် လူတိုင်းကို အံ့အားသင့်သွားစေသည်မှာ နောက်တစ်နေ့ နံနက်စောစောတွင် အဓိက သတင်းဌာန အမျိုးမျိုးက သတင်းအချက်အလက်များ ထုတ်ပြန်လာခြင်းပင်။</p> <p>တရားဝင် အကောင့် အများအပြားကပင် အစစ်အမှန် အချက်အလက်များကို ထုတ်ဖော်ပြသလာကြလေသည်။</p> <p>ရုပ်ရှင် ပွဲတော် ကျင်းပသည့်နေ့က ကားပါကင်တွင် ပေါက်ကွဲရေး ပစ္စည်းများ အပြည့် တင်ဆောင်ထားသော လုပ်ငန်းသုံး ကားတစ်စီး ရှိနေခဲ့ပေသည်။</p> <p>ထို့ပြင် ရုတ်တရက် နှလုံးရပ်သွားသော ယာဉ်မောင်း တစ်ဦးလည်း ရှိနေခဲ့သေးသည်။ ထိုယာဉ်မောင်းမှာ ပေါက်ကွဲရေး ပစ္စည်းများကို ဖောက်ခွဲရန် အသင့်ဖြစ်နေခဲ့သည်ဟု ဆိုကြလေသည်။</p> <p>လူတိုင်းကို သေတွင်းထဲ အတူတူ ခေါ်သွားမည့် အသေခံ နည်းလမ်း တစ်ခုပင်။</p> <p>သို့သော် နောက်ဆုံး အချိန်လေးမှာ သူ ရုတ်တရက် နှလုံးရပ်သွားခဲ့လေသည်။</p> <p>ဤအချက်ကြောင့် ရုပ်ရှင် ပွဲတော်ရှိ လူတိုင်း သေဘေးမှ လွတ်ကင်းသွားခဲ့ကြခြင်း ဖြစ်၏။</p> <p>" လခွမ်း... ငါ တကယ် လန့်သေတော့မလို့... မနေ့က ငါ ပွဲကျင်းပတဲ့ နေရာ အပြင်ဘက်မှာ ရှိနေခဲ့တာ... တကယ်လို့ ပေါက်ကွဲသွားခဲ့ရင်... "</p> <p>" ဖက်ခ်... အနုပညာရှင်တွေကို အနီးကပ် မြင်ရအောင်လို့ တစ်လကတည်းက ပွဲကျင်းပတဲ့ နေရာမှာ သန့်ရှင်းရေး အလုပ် လျှောက်ထားခဲ့တာ... လန့်လွန်းလို့ သေတော့မလို့ပဲ... "</p> <p>" တအားကို လန့်စရာ ကောင်းတာပဲ... ဗုံးတွေ အပြည့် တင်ထားတဲ့ ကားလို့ ပြောကြတယ်... အဲဒီကား အထဲကို ဘယ်လို ဝင်လာလဲ ဆိုတာကို ငါ တကယ် သိချင်တယ်... "</p> <p>" ဟုတ်တယ်... လုံခြုံရေးက အလကားပဲလား... ဗုံးတွေ အပြည့် တင်ထားတဲ့ ကားတစ်စီးက မြေအောက် ကားပါကင်ထဲကို ဝင်လာတာလား... ဒါ ဟာသ လုပ်နေတာလား... "</p> <p>" ဟီးဟီး... ဘယ်လို ဝင်လာလဲ ဆိုတာထက်... ဒီဗုံးတွေ အပြည့် တင်ထားတဲ့ ကားကြီးက ဘယ်က ရောက်လာတာလဲ ဆိုတာကို ငါ ပိုသိချင်တယ်... "</p> <p>" မှန်တယ်... ဒီဗုံးတွေ ဘယ်လို ရောက်လာတာလဲ... ဒီနေ့ ရုပ်ရှင် ပွဲတော်မှာ ဗုံးတွေ အပြည့် တင်ထားတဲ့ ကားတစ်စီး ရောက်နေတာ... မနက်ဖြန် ဘယ်နေရာမှာ အန္တရာယ် ရှိလာဦးမလဲ ဆိုတာ ဘယ်သူ သိနိုင်မှာလဲ... " </p> <p>" လူတွေတော့ ထိတ်လန့်ကုန်ကြပြီ... "</p> <p>" ဒါနဲ့ စကားမစပ်... ဒီတစ်ခေါက် ဗုံးပါတာကို ပျားမလေးက ဘယ်လို လုပ်သိတာလဲ... "</p> <p>" ပျားမလေးက အဲဒီလို ပြောလိုက်တာလား... ငါ မသိလိုက်ဘူး... "</p> <p>" မင်း Live မကြည့်ဘူးလား... အကောင်းဆုံး အမျိုးသမီး ဇာတ်ဆောင်ဆု ယူနေတုန်း ဗုံးပါတယ်လို့ သူ အော်လိုက်တာလေ... အစ်ကိုယီတောင်း ကျေးဇူးကြောင့်ပေါ့... "</p> <p>" ငါ ကြည့်တယ်... ငါ ကြည့်တယ်... အဲဒီတုန်းက ပျားမလေး မျက်နှာ ဘာလို့ အဲဒီလောက် ဖြူရော်နေတာလဲ ဆိုတာကို ငါ ဇဝေဇဝါ ဖြစ်နေခဲ့တာ... အခုတော့ အရာအားလုံး ရှင်းသွားပြီ... "</p> <p>" တကယ်ကို ကြောက်စရာ ကောင်းတာပဲ... အစ်ကိုယီတောင်းက အမိုက်စားပဲ... "</p> <p>" ဟုတ်တယ်... အစ်ကိုယီတောင်းက ရေလည်မိုက်တယ်... ပြီးခဲ့တဲ့ ရှော့ပင်းမောလ် ကိစ္စတုန်းကလိုပဲ... ဒီတစ်ခေါက်လည်း သူ လူအများကြီးကို ကယ်တင်လိုက်ပြန်ပြီ... "</p> <p>" မဟုတ်ဘူး... အစ်ကိုယီတောင်းက ဒီနိုင်ငံရဲ့ ဖျော်ဖြေရေး လောက တစ်ခုလုံးကို ကယ်တင်လိုက်တာလို့ ပြောရမှာ... "</p> <p>" လခွမ်း... သေချာ စဉ်းစားကြည့်တော့လည်း ဟုတ်နေတာပဲ... "</p> <p>" ငါတို့ ဘာများ ထပ်ပြောနိုင်ဦးမှာလဲ... အစ်ကိုယီတောင်း သောက်ရမ်းမိုက်တယ်... " </p> <p>" ဟုတ်တယ်... "</p> <p>" အမိုက်စားပဲ... "</p> <p>တစ်ချိန်တည်းမှာပင် မြို့တော်ရှိ အဆင့်မြင့် လူနေအိမ်ရာ တစ်ခုတွင် တိန့်ချောင် တစ်ယောက် ဆိုဖာပေါ်၌ ထိုင်ရင်း ဖုန်းထဲမှ မက်ဆေ့ချ်များကို ကြည့်နေလေသည်။ သူ၏ မျက်နှာထားက တင်းမာနေ၏။</p> <p>သူ့ဘေးတွင် ထိုင်နေသော ဆွန်လီ၏ မျက်နှာ အမူအရာကလည်း ထိုနည်းတူပင်။ သူမက တိန့်ချောင် လက်မောင်းကို တင်းကျပ်စွာ ဆုပ်ကိုင်ထားလိုက်လေသည်။</p> <p>သူတို့ နှစ်ယောက်လုံးက ပွဲကျင်းပရာ နေရာတွင် ရှိနေခဲ့ကြသည်ကို သတိပြုရန် လိုအပ်ပေသည်။</p> <p>ပျားမလေး ၏ သတိပေးချက်သာ မရှိခဲ့လျှင် သူတို့ အနေဖြင့် အလွန် ဆိုးရွားသော အကျိုးဆက်များနှင့် ရင်ဆိုင်ခဲ့ရနိုင်လေသည်။</p> <p>ဖြစ်လာနိုင်မည့် အကျိုးဆက်များကို တွေးကြည့်ရုံနှင့်တင် သူတို့ ကျောရိုးတစ်လျှောက် ကြက်သီးဖြန်းကနဲ ထသွားရ၏။</p> <p>ပျားမလေးက ဗုံးပါသည်ဟု ကြေညာလိုက်ချိန်တွင် သူတို့နှင့် အခြားသူများ အားလုံးက ခဏတာ မှင်သက်သွားပြီးနောက် ရယ်မောလိုက်မိကြသည်။</p> <p>သူတို့တင် မကပေ။ ထိုနေရာတွင် ရှိနေသူ အားလုံးက ၎င်းကို ပျားမလေး၏ နောက်ပြောင်မှု တစ်ခု အဖြစ်သာ ယူဆခဲ့ကြ၏။</p> <p>သို့သော် ပျားမလေးက အစွန်းရောက်သည့် လုပ်ရပ် တစ်ခုကို လုပ်ဆောင်ခြင်းဖြင့် လူတိုင်း ယုံကြည်လာအောင် လုပ်နိုင်ခဲ့လေသည်။</p> <p>သူမက ဆုကို မြေပြင်ပေါ်သို့ အားကုန် ပေါက်ခွဲလိုက်၍ ပရိသတ်များ အံ့အားသင့်သွားကြလေသည်။ ပျားမလေးက သူမ၏ သတိပေးချက်ကို ထပ်ခါတလဲလဲ အော်ပြောနေခဲ့၏။ </p> <p>" ဒီမှာ ဗုံး ရှိတယ်... ပြေးကြ... "</p> <p>ထိုအခိုက်အတန့်တွင် လူတိုင်းက သူမ၏ လုပ်ရပ်များကြောင့် မှင်သက်သွားကြသော်လည်း အခြေအနေကို နားမလည်ကြသေးပေ။</p> <p>ဘာပဲဖြစ်ဖြစ်... ဒီလို နေရာမျိုးမှာ ဗုံးရှိနိုင်တယ် ဆိုတာကို ဘယ်သူက ယုံမှာလဲ...။</p> <p>ဒါက ကမ္ဘာပေါ်မှာ အလုံခြုံဆုံး နိုင်ငံလေ...။ ဗုံးဆိုတာ ဝေလာဝေး... သေနတ် တစ်လက်တောင် ဒီနေရာ ရောက်ဖို့ ဆိုတာ မဖြစ်နိုင်သလောက်ပဲ...။ ဒါ ယုံနိုင်စရာ မရှိဘူးလေ...။</p> <p>သို့သော် ပရိသတ်များ၏ တုံ့ပြန်မှု မရှိသည်ကို မြင်သောအခါ ပျားမလေး လုံးဝ အသည်းအသန် ဖြစ်သွားတော့၏။ သူမက အနီးနားရှိ နောက်ထပ် မိုက်ကရိုဖုန်း တစ်လုံးကို ကောက်ယူကာ သူမ နောက်ကွယ်ရှိ စခရင် အကြီးကြီးဆီသို့ ပစ်ပေါက်လိုက်လေသည်။</p> <p>မိုက်ကရိုဖုန်း တစ်လုံးမှာ တော်တော်လေး အလေးချိန် ရှိပြီး မာကျောမှုလည်း ရှိသည် မဟုတ်ပါလား။ ထိုသို့သော အခြေအနေမျိုးတွင် စခရင် တစ်ခုလုံး ချက်ချင်း အက်ကွဲသွားလေသည်။ အပိုင်းပိုင်း မကွဲသွားသော်လည်း စခရင်ပေါ်ရှိ ပုံရိပ်ကတော့ သေချာပေါက် ပျက်စီးသွားခဲ့ပြီ ဖြစ်၏။</p> <p>" ဒီမှာ ဗုံး ရှိတယ်... ပေါက်ကွဲတော့မယ်... ပြေးကြတော့... "</p> <p>၎င်းမှာ ပျားမလေး၏ တတိယမြောက် အစွမ်းကုန် အော်ဟစ်မှုပင်။ သူမ၏ သိက္ခာကိုပင် မငဲ့ကွက်နိုင်တော့ပေ။</p> <p>ဤအချိန်ရောက်မှသာ ပွဲကျင်းပရာ နေရာ တစ်ခုလုံး ရုန်းရင်းဆန်ခတ် ဖြစ်သွားတော့၏။ ပျားမလေး ကဲ့သို့သော လူမျိုးက ခိုင်လုံသော အကြောင်းပြချက် မရှိဘဲ ဤကဲ့သို့သော နောက်ပြောင်မှုမျိုးကို ဘယ်တော့မှ လုပ်မည် မဟုတ်ကြောင်း လူတိုင်း သိကြလေသည်။</p> <p>တကယ်ကြီး ဗုံးရှိနေတာပဲ...။</p> <p>ပျားမလေးက ငါတို့ အားလုံးကို တကယ် ကယ်တင်ခဲ့တာပဲ...။</p> <p>ပျားမလေးသာ မပြောခဲ့ရင်…။</p> <p>ငါတို့ လှောင်ပြောင်နေပေမယ့် သူ ဆက်ပြောခဲ့လို့ပေါ့…။</p> <p>အရာအားလုံးကို လျစ်လျူရှုထားတဲ့ သူမရဲ့ ရူးသွပ်မှုသာ မရှိခဲ့ရင်...။</p> <p>တစ်ချိန်တည်းမှာပင် တိန့်ချောင်၏ အိမ်တွင် ဖြစ်ပျက်ခဲ့သလို အလားတူ အခြေအနေမျိုး မရေမတွက်နိုင်သော မိသားစုများတွင် ဖြစ်ပွားနေလေသည်။ ပွဲကျင်းပရာ နေရာတွင် ရှိနေခဲ့သူ တိုင်း၏ ကျောရိုးတစ်လျှောက် ကြက်သီးဖြန်းကနဲ ထသွားကြ၏။တင်စားပြီး ပြောရလျှင် သူတို့က သေမင်းနှင့် ပခုံးချင်း ပွတ်တိုက်သွားခဲ့ကြခြင်းပင်။</p> <p>မဟုတ်ဘူး... အဲဒါက မတိကျဘူး...။</p> <p>ဒီလို ပြောရမယ်...။</p> <p>သေမင်းက သူတို့ကို သေဘေးကနေ လွတ်မြောက်အောင် ကူညီပေးခဲ့တာ...။</p> <p> </p>


Save